رواية فمان الله يا غالي -55
صرخ ورمى الموبايل وصار يمسك رجوووله بالم
دانه سمعت صرخته وخافت..:مـــــاجد....شفيك؟؟..
ماجد وهو معقد جواجبه ويحس روحه بتطلع..ماسك رجله بقووووه:آآآآآآآآآآآآآآآآآآه
دانه تسمع صراااخه...خافت كثير...صارت تنادي:مااااجد....ماجد شفيك....ماجد لاتخوفني عليك.....
صارت تبكي وتنادي بإنهيار..
بدا يحس بثقل في راسه...عرف انها حيه قرصته...واكيد هذا تأثير السم...بيفقد الوعي..
جمع قوته ووصل لموبايله...
قفل مكالمته مع دانه وصار يدور رقمه بموبايل بدر بصعووووبه....ماصار يشوف الشاشه زين..
وصل للرقم بعد مجهود..
دق الرقم وارخى جسمه وهو ينتظر بدر يرد..
فـتحت الباب بدون ما تدقه....
راحت له وهي تحس شياطين الدنيا تناقز قدام عيونهاآآ..
حركت كتفه بهدوء وبصوتها الحاد:فــرآآس....فرآآسوه
فراس:...................................
عهود عصبت:فراسوووووه...!!
قام مفجوع وصار يناظرها...تنرفز من طريقتها...وبنفس الوقت كان مستغرب"وشفيها هذي معصبه"
بدون نفس وبصوت كله نوم:خير..!!
عهود من طرف خشمها:الخير بوجهك يا استاذ...قوم روح لخويتك تبيك.....
فراس طلعت عيونه:مين خويتي؟؟
عهود وهي تقلدها:تقول سآآآآآآآآآآم....روح روح لها...لاتموت علينا بس...
وطلعت من غرفته وهي موصصصصله معاها..
دخلت غرفتها وقفلت الباب وراها..
فراس بعد ماطلعت عهود ابتسم...."ههههههههه يالبى اللي يغارون بس.."
راحت ابتسامته وهو مستغرب من نفسه..
من متى وهو يضحك او يبتسم اول ما يقوم من النوم
ولا من متى هو يسكت لأاي شخص يقومه بهالطريقه...
تنهد ووقف ... بدل ملابسه بسررررعه ونزل...
لقاها واقفه عند الباب ... استغرب انها هي اللي جات...
عهود بهالوقت طلعت من غرفتها ووقفت براس الدرج تراقب...
ماقدرت تطنش...
شافتها وهي تصافحه غلا دمها..."يااجعلها الكسر هاليدين...وجع وجع.."
تحس انها انخنقت بتدمع عيونها....سرحت وهي تفكر..
"معقول فراس كل يوم يشوف مثل هالأشكال وهم يتميلحون عنده مثل هذي؟؟..
لا واكيد هو عاجبه الوضع...ياربييييي.....ليه يصير لي كذا....؟؟"
فراس خلص كلامه معاها واخذ منها الكتب والملازم وقفل الباب....
راكان وهو يصفر: فراااااسوووووووه يلعن اوم الصواريخ اللي عندك بجامعتك..!!
الحين لاتقولي ان هذي خويتك
فراس:راكانووووه يامال الماحي انت وهالخشه وشو خويتي...هذي وحده معانا بالدفعه..بس جايه تعطيني هالأغراض
راكان وهو يغمز له:بس والله منت بهين ياولد ..والله وطحت بالمزايين...
كمل وعيونه تلمع:شبكني معااااااااااااااهااااااااا تكفااااا
فراس وهو فاطس ضحك:ههههههههههههه راكانوووه الله يخلف على امن جابتك وخر عن طريقي بس..لو بشبك شبكتها انا..
راكان عصب:مالت عليك..
وراح للصالون يكمل طقطقه بالمسن
فراس وهو يطلع الدرج
رفع راسه وشافها تناظره..
اول ماجات عينه بعينها...احتقرته وهي تصد عنه ومشت بغرور على غرفتها .."يحسب اني خاقه عليه هو مع وجهه ..ماااالت.."
فراس طلعت شياطينه وعصصصب ...
"...ميييين هي عشاااان تحتقرني...هالبرز شايفه نفسها على شنووووو...والله وطالت وشمخت ياعهود..!!"
طلع من الدرج بسرررررعه وهو مايشوف من العصبيه..
عهود دخلت غرفتها وجات بتسكر الباب
ماحست إلا شخص يدف الباب بأقوى ماعنده..
لفت وانصدمت انه هوو... قالت وهي تحتقره:خييييييييييييييييييييييييير...أي خدمه؟؟؟
تنررررررررفز منها...وصلت معاااه
رمى الكتب اللي بيده والملازم عالارض بقوووه
صوت الضربه القوي أرعبهاآ
حركت رموشها بخوف..
مسك فكها بيده ودفها عالجدار وهو يضغط عليه...
قال وهو يلقط انفاسه ويشد على اسنانه: انتي مين تحسبين عمرك؟؟...منو انتي عشان تحقريني بهالشكل؟؟
اصحي ياعهووود مو انتي اللي تلعبين معااااي...مابقي تكبرين وتوصلين لي ياماما...سامعه؟؟؟
تنررررررفزززت منه لاحقها لغرفتها ويصرخ بوجهها..وهي مو قادره تتحرك من الصدمه..
ابعدت يده عن فكها بصعوبه وقالت بصوت هادي وحاد من بين انفاسها السريعه وهي تكتم دمعتها: اطلع....برا....غرفتي..
انصدم زياده"هــــــذي شتسوي..!!....شتقووووووول....أنا فراس ياعهود....فراس..!!....مو انا اللي ينقال لي هالكلام.."
قال بصوت وااااثق ارعبها وهزهاآ وهو ماسك يدها ويشد عليييها..: اصحي ياماما...واعرفي مين انا........والله ...والله...لانسيك مين تكونين...
صرخت فيه:تـــــخــــســـــى تسويــــهآآ..!!
قال وهو يخترقها بنظراته الحاده:بقولك شغله يا آآنسه....حطي ببالك....انا(وياشر على نفسه)...محد...يلعب معاي...
واللي يتحداني يخسر ياعهوووود
وصار يضرب خدها بخفها...:طيب ياروح امك؟؟
سكتت تناظره بصدمه ..دموعها على وشك تنزل....
للمره الثانيه ابعدت يده عنها بقوه: لآآآآآ تلمسسسني..
ناظرها بإستخفاف وهو يرفع حاجب:أوه أوه ...سوري يا آنسه..نسيت تفاوت المستوى بيني وبينك..!!
ناظرت الأرض شوي حاولت تخفي ضعفها...اخذت نفس تمنع دموعها
رفعت راسها وعينها بعينه وبصوت كله شموووخ..:استاذ فراس.....لم نفسك...وآآآوت لو سمحت..
قرب منهاآآ بنظره وآآآآآثقه...وهو يقول:الايام بيننا ياعهود...ومصيرك لي..انتي تحديتيني....(ابتسم بتحدي) وتحملي اللي يجيك
اخذ كتبه وملازمه وقبل لايطلع سمعها تقول:كل شي بحسابه يافراس...مافي شي يعدي علي ببساطه...
ومدة اليد هذي...بدفعك ثمنهاااا غاااااااالي...غاااالي
لف عليها بإبتســـآآآمة سخريه:هه....لما نشووووف...
اول ماطلع قفلت الباب وراااه بقووووووه...
سندت نفسها عالباب وصارت تبكي...
يقهرهاآآ....دايم يهزهآآ...داااايم يضعفهاآآ...ودايم لما تدخل بحرب معاه تطلع خسرااانه قدام نفسهاآ
ماكانت تبي السالفه تنقلب تحدي بينهم...
هي ماصدقت ان وضعهم رجع تمام...بس هوووو ينرررررفز
مغروووور وشايف نفسه ويحس محد قده..
يقهررررر يقهرررررررر
مسحت دموعها من جديد و قالت بنفسهــآ..."دامك تحديتني والله هالمره لأاطلعك انت الخسرآآآن...وربي ابكيك يافراس
وربي ما انسالك كل حركه سويتها..إلا لما اشوف دمعتك يا ابن امك.."
بمــــكــآآن ثاني
في عز اللعب والصراخ سمع رنة الموبايل ناظر الرقم.."بدر يتصل بك"
بدر بخاطره"الخبل هذا يكلم ع حسابي هو مع وجهه"رد:هلا مجوووود
ماجد ولسانه ثقيييييل:إلــ...ـحـ..ـق..عـ..لـ..ي.
بدروهو معقد حواجبه وبخوف:مجود شفيك؟؟
الشباب لفوا يشوفون شالسالفه..
ماجد:قــ...ر..صـ..ـتـ..ني...حـ..يـه
بدر وقف..بيطلع من الخيمه:انت وينك فيه؟؟
ماجد:............................................. ..............
بدر:الووووووو.........الووووو...ماجد تسمعني؟؟
قفل الخط ..
فارس:شفيه ماجد؟؟
بدر وهو ياخذ جاكيته باستعجال:ما ادري يقول قرصته حيه...الظاهر انه غاب عن الوعي
مهند بخوف:طيب هو وينه؟؟
بدر ومحتاااااس:مدري اقولك الظاهر غاب عن الوعي
عادل:بسرعه خل نلحق عليه..
طلعوا كلهم يدورون
سلطان يصرخ ع بدر من بعيد:موبايله معاه؟؟
بدر من بعيد:لا موبايلي اللي معاه
فهــــد:طيب دقوا عليه...عشان نشوف النور ونعرف وينه...شلون بنلقاه بهالظلمه
دق بدر ع موبايله..
والكل يلف ويدووور....
محمد من بعيد:شبـــآآآآآب هنــآآآآ....تعالوا بسرعه..
راحوا له كلهم..
شالوه سلطان وفارس وعالمستشفى..
بعــــــــــــــد نص ســـــآآآآعه...
الشباب واقفين بالممر يبون يعرفون شفيه ماجد..
محمد اكثر واحد محتاآآآس...كان يلف ويدور ويروح ويجي...والكل هادي وينتظر طلعة الدكتور إلا هو
بالنهايه عصب سلطان:ابو حميد...انثبر عالكرسي لأاجي افقعك...قسم راسي افتر منك..
محمد:انشالله
جلس عالكرسي..
بنــدر:وينهم فارس ومهند وعادل وخالد؟
لف عليه نواف:فارس ومهند راحوا يلمون الاغراض وبيروحونها للبيت..وعادل وخالد راحوا يدورون عالحيه اللي قرصته
يقولون لازم يعرفون عالاقل مواصفاتها
الشباب جالسين على اعصابهم..
رن موبايل بدر...ناظر الرقم...كان طويييل وغريب...عرف ع طول انه من بريطانيا..وانها دانه..
"ياربيييييي شلون نسيت انه راح يكلمهاآآ.."
ناظر بندر...وبعدها وقف ورااااح بعيد..
رد:الووو
دانه بخوف ومن بين دموعها:الووووو ماجد شفيك؟؟
بدر:احم...انا بدر...
دانه بإحراج والخوف بصوتها:ماجد وينه؟؟...شفيه؟؟..
بدر حس انه لازم يقولها..لأانه ماراح يعرف يصرف:..دانه....ماجد...قرصته حيه واغمى عليه وهو يكلمك.. والحين حنا بالمستشفى
دانه شهقت...وبدأت تبكي..
بدر انخبص مايدري شيسوي"انا وش خلاني اقول لها؟؟":دانه الله يهديك..اهدي انشالله مافيه إلا العافيه..
الحين حنا بالمستشفى وننتظر الدكتور يطلع عشان يطمنا عليه..وانشالله انهابسيطه
دانه من بين دموعها:.....بـــدر...واللي يعافيكـ...اول ماتشوفه طمني عليه..
بــدر ويحاول يهديها:انشالله...صدقيني هو بيكلمك بنفسه..وبعدين هو رجال ماينخاف عليه صدقيني بسيطه
دانه مو قادره تتكلم من البكي
بدر:يلا اتركك الحين...انتي ارتاحي وصدقيني كلها ساعه بالكثير وهو يكلمك وبخير
وقفل..
رجع...لقى الشباب مو بالممر عرف انهم دخلوا عندهـ..
دخل الغرفه بلهفه..
بنـــدر ياشر له:شششششش
بدر قرب وشاف اخوه...نايم ومبين انه مرتاح..
نواف يهمس له:الدكتور يقول انه بخير اقل من ساعه وهو صاحي..وصلنا بوقت مناسب
بــدر:طيب شلون وهم مايعرفون الحيه اللي قرصته؟؟
نواف:هم دكاتره وافهم مني ومنك
رن موبايل سلطان وطلع من الغرفه يكلم..
رد وهو بالممر:هلا جمانه
حست بالتعب في صوته:هلا حبيبي..وينك؟؟...شفيه صوتك؟؟
سلطان وهو يتنهد:ابد يالغلآآ سلامتك انتي كيفك؟؟
جمانه:كويسه الحمد لله
سلطان:كيف ظهرك لسا يالمك؟؟...اجي اوديك؟؟
جمانه:لا حبيبي عادي..احس اني احسن..
سلطان:انشالله دوم
جمانه:سلطان من جد مافيك شي؟؟
سلطان:اي قلبووو لاتخافين
جمانه:طيب ....اممممممممم....بطلبك طلب..
سلطان:عيوني لك
جمانه:تسلملي عيونك....ابي انام اليوم عند اهلي..
سلطان سكت شوي:.......بس جمجوم حنا تكلمنا قبل بهالموضوع
جمانه:سلطان تكفاااا...شوف انتو بترجعون متأخرين...وبتصحى الصبح وتروح الدوام وانا كل هالوقت بكون لحالي
سلطان وهو يتنهد:خلاص...براحتك
جمانه:لا ما ابي راحتي...ابيك توافق برضاك
سلطان ومو رايق:جمانه خلاص...قلت براحتك..!!
جمانه حست انه فيه شي انخنقت وهي تقول:تيب يلا باي
سلطان:مع السلامه....
وقفل..
-25-
"صح آبيِّكـَ وٍلكـَن آلدنيِّآ [تجــــآرٍب]~
علمتنيِّ:
من تحبــــه..\\...لآ تجيِّه وٍلآ ترٍتجيِّهـ..!!
رن موبايله..
رد بدون مايشوف الإسم:هلا
مهند:هلا عدووول شخبارك؟
عادل بضيقه:الحمد لله
مهند:وش فيك تعبان؟؟
عادل:لا...ليه؟
مهند:مدري بس صوتك متغير....المهم الحين حنا طالعين..
شرايك تجي وياي بسارتي؟؟
عادل:اوكي مو مشكله...متى تمرني؟؟
مهند:ربع ساعه وانا عندك
عادل:اوكي بجهز ع بال ماتوصل...
وقبل يقفل مهند: إلا بــدر بيجي معاكم؟؟
مهند:اكيد..!!...كلنا رايحين..!!
عادل تنهد بضيقه:طيب يلا سلام
مهند ومستغرب حالة عادل:فمان الله
بمــكــآآن ثــــآآني
خالد:هاا شذووو مابتجين؟؟
شذا بتعب وهي متمدده ع سريرها:لا تعبانه مالي خلق اطلع
خالد:بس والله بينشغل بالي عليك...خل اوديك عند اهلك
شذا:خلووود والله مافيني حق الطريق..
خالد:طيب وإذا صـ........
قطع كلامه صوت موبايله يرن
هلا يمه...وشو؟؟...ليه طلع؟؟.......لا بالله انهبل...طيب هو وينه الحين؟؟....خلاص خلاص ابشري...فمان الله
قفل وهو معصب:هالخبل مدري اش براسه
شذا:مين؟؟
خالد وهو يدق رقمه:فهيدان
شذا:وش مسوي؟؟
اشر لها تسكت وهو ينتظره يرد
فهــــد من شاف الرقم عرف ان التهزيئه بالطريــق..
تنهد وهو يقول.."ادري ان اللي بسويه صعب...بس بــــوصـــل لك..!!.."
رد:الو
خالد بحده:وين انت؟؟
فهد بهدوء:ليه
خالد:انا سالتك وجاوبني !!
فهد:بالدمام
خالد ومتنرفز:وانت وش مجيبك الدمام؟؟
فهد:كذا ضايق خلقي وقلت اجي اغير جوو
خالد:وش قايل للوالده حضرتك؟؟
فهد وهو ياخذ نفس:اتوقع انها مخبرتك
خالد بنبره حاده وهاديه:فهد...انت شتبي توصل له؟؟
فهد:ابيها هي..
خالد:شوف فهيدان....10 دقايق...ان ماجيتني البيت ماتلوم إلا نفسك
وقفل بوجهه
فهد تنهد وهو يركب سيارته ويحرك ع بيت خالد
بعــــــد ربع ساعه كان قدام بيت خالد اخوه
نزل من سيارته وهو يدعي ان الموضوع يمر ع خير
رن الجرس وفتح له خالد سلم عليه ودخل المجلس وهو مو متطمن لشكل خالد
كان مررررره معصب
وقبل يجلس سمع صوته من وراه بطريقه استفزازيه:باقي ماكبرت يالمراهق؟؟
شد ع يدينه يحاول يمسك نفسه ولف عليه وببرود ونظره بارده:الحين ليه انتم مكبرين الموضوع؟؟
خالد تنرفز من بروده
كمل فهد بهدوء وكلمات بطيئه:..واحد ويبي يتزوج بنت خالته....اكبر منه بسنتين..هو يبيها.. وهي تبيه...ليه التعقيدات؟؟
خالد:لا ..والمشكله واثق انها تبيك
فهد بدا ينفعل:مو مهم تبيني ولا لا...المهم انا ابيها...وبتقدم لها...وافقت..كان بها,,,,,ماوافقت شي راجع لها وينتهي الموضوع
وبصراخ:بس انتم مسوين سالفه من لا شي
خالد بنفس الصراخ:فهيدان اعقل واترك عنك هالحركات..!!....الحين تسمي انك تتزوج وحده اكبر منك بدون رضا امك لاشي؟؟
فهد باسلوب غريب: يعني السالفه ان امي مب راضيه.....وبصراخ:طيــب..لــــيه..!!....وش فيـــــهآآ..!!
خالد:هذي امـــــك...وكلمتها هي اللي بتمشي.....!!
وبهدوء:رضيت....ولا مارضيت
فهــــــد بصوت عالي مع بحه سمعته شذا:بــــس انـــــآ أبيــهاآآ هــــي....امــــــك ماتفهمـــني..!!
طراااااااااااااخ
كف جامد جاه من خالد..
فهد منزل راسه
فتره صمت استمرت دقايق
ماتسمع غير انفاسهم بالمكان
من برى شذا واقفه وهي ماسكه ع صدرها من الخوف
خالد بهدوء:قســــم بالله....شوفني احلف لك...لو عاد تطلع من البيت...وامي زعلانه...مابيحصل خير
وامي هذي اللي تتكلم عنها...تراها امك بعد....ومحد شالك ورباك عقب وفاة ابوك إلا هي
ماتنام ولا ترتاح واحد من عيالها برى البيت واحنا نسهر ونفلها ولا فكرنا بالمسكينه اللي شايله همنا بالبيت..(سكت شوي)
لهــــآ اليوم......لهاليوم يافهد....وهي مازالت تشيل همك..وانت تقول ماتفهمك
فهــــد يحس انه بغيبوبه....يسمع كلام خالد...ويحس انه نايم او يحلم
شاللي سواه؟؟.....شاللي قاله؟؟
خالد بنفس الهدوء والنبره الحاده: اول ماطلعت من عندها دقت علي تقولي شوف لأخوك..
انت طلعت وتركتها بزعلها ولا هامك...وهي شايله همك..!!......هــذي امــك...يالـ..يالمراهق..
وطلع وتركه...
دخل غرفته لقى شذا واقفه ومبين الخوف فيها
قال وهو معقد حواجبه:ليه واقفه....مو تعبانه؟؟
شذا:إلا بس خفت لما سمعت صراخكم....
.قربت منه بتعب وجلست جنبه:حبيبي شفيكم شصاير؟؟
خالد وهو يتنهد:البسي عبايتك....لازم اوديك عند اهلك مابقدر اطلع وانتي كذا
شذا بدون ماتناقش:انشالله
ظــــــل واقف مكانه وماتحرك...
يبي يستوعب اللي صار..
بدون مايحس....مشى لباب الفيلا
فتحه وراح لسيارته..
وحركـهاآ....وهو ماشي ع خط الريــآض..
وكلام خالد يتردد بإذنـــه..
يحس نفسه ضايع..
شلون يوصل لامه وخالد..
انه لو ماتزوج سمر...مستحييييل ياخذ غيرها
شلون يفهم انها حتى لو تزوجت غيره وحتى لو ماتزوجوا
بتظل بقلبه..!!
تنهد وهو يزيد ع سرعة السياره..لـ 180
فــــــــــــــــي البـــــــر
الشبــــآب توهم وصلـــــوا....الوقت قرب المغرب..
نصبوا خيمتهم..وجهزوا اغراضهم..
وبــــدأت السهره...
الكل كان موجودين ماعدا فهد..وخالد...وبدر واكيد عبود وفراس
نوآآآف:بندرووووووه يقولون عليك صوووت خقق
بندر: احم احم...اييييي انت وش عرفك بس
ماجد:احلى احلى....والله اول مره ندري ان عندنا اصحاب مواهب بالعيله
بندر:ليه من فيه بعد؟؟
مهند:...انا وفارس...
بندر:اووووخص....يلا يلا..بنسوي تحدي ع احلى صووووت
مهند وهو يرفع حاجب:ما انصحك ترى....إذا فلت مني..مابتفلت من فروووس
بنــدر:اموووووت بالواثق انا
لف محمد ع فارس المشغووول بموبايله..:فرووووس
فارس رفع عيونه الناعسه:هلا..
محمد:نبيك تطربنا
فارس ابتسم:اوما اطربكم..!!.........والله المزاج مايسمح
سلطان:طلبببببتك...والله واحشني صوووتك
فارس ويناظر سلطان:اقول انت شكل الزواج مخربك...وش واحشني صوتك هذي؟؟
سلطان:ههههههههههه اقول لا يكثر وغن لنا خل نطرب
عادل: شكلكم بتقلبونها جلسه الليله
باسل وهو مبتسم:احلى شي
محمد اخـــذ العود...وعطاه لفااارس..:خــــــذ ويلا...نبي اندماج الاروااااح
فارس تنهد واخذ العود..مسكه وبدأ يغني ويدق عود.. وهو منننندمج
وشلون مدري كيف روووحين في روووح
ماكنت اصدق باندمااااااجك يالأرواح
معقول احد يمشي معي وين ما اروح
معقول انا امشي معاه وين ماااراح
اول احسب ان الغلا ضحك ومزوح
سمرة سوالف بين مركا ومسباح
اثر الغلا بلوة احاسيس وجروح
لوعة مشاعر بين ذابح وذباااح
مايعرف الرحمه ولا يستر البوووح
اجزي من مثلي على جمرها طاح
ادري خطا مني ولاني بمسمووح
اشك بروحي ولاني بمرتاااااااح
والشباب يرددون وراااه بنفس اندمااااجه
وكل واحد يتمايل وفكره مشغوووووول ويتنهد<<حاله هالشباب هع
بندر يقول بخاطره"انا اشهد انها روحين في روووح"
بعدها دخل خالد...وجلس يغير جو بعد الهوشه اللي صارت...
نسى الموضوع وسط فلة الشباب
فهـــــــد بالسيااااااره ومشغل الاغنيه ورافع الصوت
بس اعذريني عاشقك فيك مذبوووح
بين الرجا والياس ضيعت الافراح
احلام وامال ومواعيد وطموح
يمكن مدا صبري بتاليه مفتاااااح
والحين اقول بصدق روحين في روح
صدقت والله باندماااااجك يالارواااح
وصــــــل عن بيتهــــم..
نزل وفتح باب الفيلآآ
لقى امه بالصــــــآآآلـــه..
رفعت راسها وشافته وع طول وقفت..
راح لها وبدون مايتكلم..سحب يدها وباسها
وبعدها باسها براسها وقال بهدوءه المعروف:اعذريني يالغلاآآ....وابشري...مالك إلا طيبة الخاطر
دمعت عيونها...تدري بولدها قلبه طيب ومايتحمل زعلها
وهي بعد ماتبيه يتضايق..
هي تدري اش قد يحب سمر...
كل هذا بين ايام ما انخطبت...واللي ماكان منتبه لهالشي أكيــد بيكون غبي وقتها
لأان كل شي كان واضح..
حتى هو مارجع مثل اول إلا بعد مافسخت خطوبتها
وماتستبعد بعد انها فسختها عشان فهد..
همست له من بين دموعها:وانت بعد....صدقني مالك إلا طيبة الخااااطر..
مافهم عليها....هي تقصد انها موافقه ع خطوبته لسمر؟؟
ولا انها بتلقاله احسن من سمر وبتخطب له؟؟
مافهم ولا حاول يفهم..
لأن بقى له خيط من الامل ومايبي يقطعه..
طلع غرفته يتجهز وبيروح الرحله..
وامه لبست عباتها
عشان يوصلها ببيت ام عادل
لان الكل مجتمع هنــــآآك..
وبعدها بيروح للشباب لانهم حرقوا موبايله اتصالات
بمـــكــآآن ثـــآآني جالس بالصالون ينتظر اخواته يجهزووون
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك