رواية فمان الله يا غالي -54
فهــــــد بصوت عالي مع بحه سمعته شذا:بــــس انـــــآ أبيــهاآآ هــــي....امــــــك ماتفهمـــني..!!
طراااااااااااااخ
كف جامد جاه من خالد..
فهد منزل راسه
فتره صمت استمرت دقايق
ماتسمع غير انفاسهم بالمكان
من برى شذا واقفه وهي ماسكه ع صدرها من الخوف
خالد بهدوء:قســــم بالله....شوفني احلف لك...لو عاد تطلع من البيت...وامي زعلانه...مابيحصل خير
وامي هذي اللي تتكلم عنها...تراها امك بعد....ومحد شالك ورباك عقب وفاة ابوك إلا هي
ماتنام ولا ترتاح واحد من عيالها برى البيت واحنا نسهر ونفلها ولا فكرنا بالمسكينه اللي شايله همنا بالبيت..(سكت شوي)
لهــــآ اليوم......لهاليوم يافهد....وهي مازالت تشيل همك..وانت تقول ماتفهمك
فهــــد يحس انه بغيبوبه....يسمع كلام خالد...ويحس انه نايم او يحلم
شاللي سواه؟؟.....شاللي قاله؟؟
خالد بنفس الهدوء والنبره الحاده: اول ماطلعت من عندها دقت علي تقولي شوف لأخوك..
انت طلعت وتركتها بزعلها ولا هامك...وهي شايله همك..!!......هــذي امــك...يالـ..يالمراهق..
وطلع وتركه...
دخل غرفته لقى شذا واقفه ومبين الخوف فيها
قال وهو معقد حواجبه:ليه واقفه....مو تعبانه؟؟
شذا:إلا بس خفت لما سمعت صراخكم....
.قربت منه بتعب وجلست جنبه:حبيبي شفيكم شصاير؟؟
خالد وهو يتنهد:البسي عبايتك....لازم اوديك عند اهلك مابقدر اطلع وانتي كذا
شذا بدون ماتناقش:انشالله
ظــــــل واقف مكانه وماتحرك...
يبي يستوعب اللي صار..
بدون مايحس....مشى لباب الفيلا
فتحه وراح لسيارته..
وحركـهاآ....وهو ماشي ع خط الريــآض..
وكلام خالد يتردد بإذنـــه..
يحس نفسه ضايع..
شلون يوصل لامه وخالد..
انه لو ماتزوج سمر...مستحييييل ياخذ غيرها
شلون يفهم انها حتى لو تزوجت غيره وحتى لو ماتزوجوا
بتظل بقلبه..!!
فــــــــــــــــي البـــــــر
الشبــــآب توهم وصلـــــوا....الوقت قرب المغرب..
نصبوا خيمتهم..وجهزوا اغراضهم..
وبــــدأت السهره...
الكل كان موجودين ماعدا فهد..وخالد...وبدر واكيد عبود وفراس
نوآآآف:بندرووووووه يقولون عليك صوووت خقق
بندر: احم احم...اييييي انت وش عرفك بس
ماجد:احلى احلى....والله اول مره ندري ان عندنا اصحاب مواهب بالعيله
بندر:ليه من فيه بعد؟؟
مهند:...انا وفارس...
بندر:اووووخص....يلا يلا..بنسوي تحدي ع احلى صووووت
مهند وهو يرفع حاجب:ما انصحك ترى....إذا فلت مني..مابتفلت من فروووس
بنــدر:اموووووت بالواثق انا
لف محمد ع فارس المشغووول بموبايله..:فرووووس
فارس رفع عيونه الناعسه:هلا..
محمد:نبيك تطربنا
فارس ابتسم:اوما اطربكم..!!.........والله المزاج مايسمح
سلطان:طلبببببتك...والله واحشني صوووتك
فارس ويناظر سلطان:اقول انت شكل الزواج مخربك...وش واحشني صوتك هذي؟؟
سلطان:ههههههههههه اقول لا يكثر وغن لنا خل نطرب
عادل: شكلكم بتقلبونها جلسه الليله
باسل وهو مبتسم:احلى شي
محمد اخـــذ العود...وعطاه لفااارس..:خــــــذ ويلا...نبي اندماج الاروااااح
فارس تنهد واخذ العود..مسكه وبدأ يغني ويدق عود.. وهو منننندمج
وشلون مدري كيف روووحين في روووح
ماكنت اصدق باندمااااااجك يالأرواح
معقول احد يمشي معي وين ما اروح
معقول انا امشي معاه وين ماااراح
اول احسب ان الغلا ضحك ومزوح
سمرة سوالف بين مركا ومسباح
اثر الغلا بلوة احاسيس وجروح
لوعة مشاعر بين ذابح وذباااح
مايعرف الرحمه ولا يستر البوووح
اجزي من مثلي على جمرها طاح
ادري خطا مني ولاني بمسمووح
اشك بروحي ولاني بمرتاااااااح
والشباب يرددون وراااه بنفس اندمااااجه
وكل واحد يتمايل وفكره مشغوووووول ويتنهد<<حاله هالشباب هع
بندر يقول بخاطره"انا اشهد انها روحين في روووح"
بعدها دخل خالد...وجلس يغير جو بعد الهوشه اللي صارت...
نسى الموضوع وسط فلة الشباب
فهـــــــد بالسيااااااره ومشغل الاغنيه ورافع الصوت
بس اعذريني عاشقك فيك مذبوووح
بين الرجا والياس ضيعت الافراح
احلام وامال ومواعيد وطموح
يمكن مدا صبري بتاليه مفتاااااح
والحين اقول بصدق روحين في روح
صدقت والله باندماااااجك يالارواااح
وصــــــل عن بيتهــــم..
نزل وفتح باب الفيلآآ
لقى امه بالصــــــآآآلـــه..
رفعت راسها وشافته وع طول وقفت..
راح لها وبدون مايتكلم..سحب يدها وباسها
وبعدها باسها براسها وقال بهدوءه المعروف:اعذريني يالغلاآآ....وابشري...مالك إلا طيبة الخاطر
دمعت عيونها...تدري بولدها قلبه طيب ومايتحمل زعلها
وهي بعد ماتبيه يتضايق..
هي تدري اش قد يحب سمر...
كل هذا بين ايام ما انخطبت...واللي ماكان منتبه لهالشي أكيــد بيكون غبي وقتها
لأان كل شي كان واضح..
حتى هو مارجع مثل اول إلا بعد مافسخت خطوبتها
وماتستبعد بعد انها فسختها عشان فهد..
همست له من بين دموعها:وانت بعد....صدقني مالك إلا طيبة الخااااطر..
مافهم عليها....هي تقصد انها موافقه ع خطوبته لسمر؟؟
ولا انها بتلقاله احسن من سمر وبتخطب له؟؟
مافهم ولا حاول يفهم..
لأن بقى له خيط من الامل ومايبي يقطعه..
طلع غرفته يتجهز وبيروح الرحله..
وامه لبست عباتها
عشان يوصلها ببيت ام عادل
لان الكل مجتمع هنــــآآك..
وبعدها بيروح للشباب لانهم حرقوا موبايله اتصالات
بمـــكــآآن ثـــآآني جالس بالصالون ينتظر اخواته يجهزووون
ويفكر
شلون بيقابل عادل بعد اللي صار..
من هذاك اليوم ماتقابلوا ولا شافوا بعض
كل واحد يحاول يتجنب الثاني
تنهد وهو شااااايل هم هالموووقف..
نزلوا فرح ولميس وركبوا وياه بالسياره
فرح كان بودها تستفسر عن حركته لما قال لها تدق تتطمن ع مرام
بس حسته مشغول بتفكيره ومو فاضي لها
ولميس متضايقه من حالة اخوها..
مرام خبرتها عن الموقف اللي صار...
وتدري ان الوضع مشحووون بين عادل وبدر..
تنهدت..:ياترى الحين شلون بيتقابلون بالرحله..!!
رن موبايل بدر...تنهد وهو يرد:هلا يبــــه؟؟
ابوعبد الله: اخيرآ رديتم؟؟..وينهم عيال عمك كلهم موبايلاتهم مغلقه؟؟
بــــدر:كلهم كملوا اشغالهم بالشركه واستأذنوا من عمي بو سلطان وطلعوا البر
ابوعبدالله:وليه انا آخر من يعلم؟؟..
بدر:والله هم يقولون خبروووكم
ابوعبدالله:يلا خير انشالله بس انا شفت الشركه فاضيه واستغربت
ودامهم مكملين اشغالهم مو مشكله
بس ابيك تخبرهم ان بكره عندهم شغل كثير عشان بنغيب كم يوم عن الشركه
بــدر:على وين انشالله؟؟؟
ابوعبـــد الله:اهلك وعيال عمك يبون يغيرون جو قلت خل نروح الدمام كم يوم
بــدر ويحس السفره جات بوقتها:خلاص على خير انشالله
ابوعبدالله:يلا فمان الله
بدر وهو يوقف سيارته عند بيت عمته:فمان الكريم
نزلت فرح وقبل تنزل لميس..
بدر: بدق عليك بعد ساعه اتطمن عليها
لميس بصوت واطي:انشالله
نزلت وهي شايله هم...لها اسبوع ماشافت مرام..ياترى شلون حالتها
بدر انتظر خواته حتى مشوا وحرك سيارته بيروح للشباب
××فـــــــــــــــي بريــــــطـــآآآنيــــآ××
ام فيصل والبنات جالسين بالصالووون..
عهود متكيه عالكنب وبيدها الريموووت وتقلب بالقنوات بملل
ودانه بيدها كوب قهوه وتشرب تدفي نفسها..
وراكان بالجهه الثــآنيه جالس عالااب ويلعب
دخــــل كالعااااده بهالوقت توه راجع من المعهــد
الســــلام عليكم..
رفعت راسها وقلبها يخفق
"ياربي هالقلب مابقي تعود ع وجوووده؟؟...ليه لهاليوم وهو يلعب فيني كل ما اشوفه"
الكل:وعليكم السلام..
فراس:شلونك خالتي؟
ام فيصل:بخير الله يسلمك..جوعااان تبي نحط لك الاكل؟؟
فراس وهو يكح:كح كح....لا خالتي تسلمين انا هلكااان وابي انام
ام فيصل:يلا اجل براحتك....اطلع ارتاح وريح جسمك
فراس وهو يقز عهود:سي يوو
دانه وقفت وراحت له بعد ماطلع..
وبالدرج:فراس..!!
لف عليه بتعب:هلا
دانه:ردوا عليك اهلك؟؟
فراس:إي اليوم انا مكلم الوالده..
دانه:عسى هم بخير؟؟
فراس:والله هي تقول بخير بس انا مو متطمن...
انا مابعرف الصدق إلا من مرااامووووه...هالدبا لها وحشه..!!
دانه بارتبااك:ههههههه والله انت مابترتاح حتى تطلع فيهم مصيبه هم يطمنونك وانت تقول فيهم شي
فراس:ههههه موكذا...بس انا احساسي مايخيب
دانه:بس بس ارحمني يابو احساس..
فراس وهو يطلع الدرج لف ع دانه قبل ترجع الصالون:إلا على فكره دندوون
لفت دانه:هلا
فراس: احتمال يجي واحد من اللي بدفعتي....يبي يعطيك اوراق وملازم وكذا...
ياريت اول مايجي تقوموني من النووم
ضروووووري
دانه:بيجي هنا الفيلا؟؟
فراس:إيه انا معطيه العنوان
دانه:اوكي..
دخلت دانه الصالون وهي مستغربه نظرات عهود
بعدها ضحكت بداخلها"ههههههههه غيرراااانه البنت ههه"
عهود تشمق لها وترجع تقلب بالقنوااااات
ام فيصل:بناااات مجهزين اللي قلت لكم عليه؟؟
دانه:اي انا وريت الخدامه شاللي ماحتاجه
ام فيصل:وانتي ياعهود؟؟
عهود:مابقي شفت..ابشووف واناديها تلمه
ام فيصل:بس ابوكم يقول بعد اسبوع بيرسل اغلب الأغراض
راكان وهو يطقطق:ماما...وين بيحطهم؟؟
ام فيصل:خلال هالأسبوع بيشتري فيلا هناك
راكان بفرح:وقسم هذا احلى خبر سمعته واخيرا بنعيش بالسعوووديه
دانه بإبتسامه:أي والله مين كان يصدق
عهود متضايقه لأان فراس بيظل ببريطانيا وحده ماعلقت عالموضوع
دخل فيصل:السلام عليكم
الكل وعليكم السلام
راح لراس امه وباسها..:شلون حبيبتي
ام فيصل:بخير الله يسلمك
فيصل وهو يجلس جنبها:وينه ابوووي؟؟
ام فيصل:راح يكمل شغله تخص سفرتنا للسعوديه
فيصل:يمـــه والله احسه بدري ننقل الحين...يعني اخواني ودراستهم بيصير فيها شوية تعقيد
عهود اخيرا تكلمت:اي وانا بعد اقول كذا..ننتظر حتى نخلص السنه هذي وبعدها نروح
ام فيصل:المشكله ابوك يقول هذي الفرصه الوحيده اللي بيقدر ينقل فيها لان ماعندكم شغل كثير بالشركه
يعني شغلكم الوحيد بيكون النقل بس
فيصل:هو هنا المشكله...ياننقل الحين...يا ماننقل ابدا
ام فيصل:وبعدين انت اكيد بتسكن هناك عشان مرتك.....وابوك يحتاجك كثير ومايستغني عنك
فيصل وهو يوقف :يلا الله يكتب اللي فيه الخير..إلا وينه فراسووه؟؟
دانه:طلع ينام يقول انه مرهق مره
فيصل:الله يعينه والله عندهم دكتووور ابن كلب يكرفهم كرف مب صاحي
عهود بشوية عصبيه:هم يحبون يفترون فينا يالسعوديين..!!
فيصل مبتسم.."وشفيها اختي منفعله"
طلع من الصالون وهو يقول:انا رايح لأبوي اشوف إذا محتاج شي...مع السلامه
امه:فمان الله
××فـــــــــــــــي الســــــــعوديــــه××
دخلت لميس وفرح..
لقوا كل البنات موجودين ومجتمعين عند مرام..
يحاولون يطلعونها من الجو اللي هي فيه..
انصـــدموا ان مرام مااااااتتكـــلم...
بس محد علق عالموضوع...يعني مايبون يزودون عليها
بالمجلس خلود ولميس يتهامسون وفجــأه
لميس بصراخ:مـــــن جـــــد؟؟...وليه توك تخبريني..!!
خلود طاح وجهها...من اول وهي تتكلم بهمس وهذي بتفضحهآ..
همست لها وهي تشد ع اسنانها:بـــذبحك لمووووس
لميس بفرح وتقرب من خلود:من جد؟؟....يعني انتي وبندر بتجتمعون....واااااو ونااااسه
يلعن اووووم الفله خلووووووده
خلود ابتسمت...حماس لميس فرحهاآ...:تيب وش رايك اسحب عليه اسبوووووع زياده
وما اعطي اهلي الموافقه يعني من باب حرقة الاعصااااب
لميس:لا لا لا...خلوووود...اصحى تسوينها يكفي اسبوووع الحين الولد ع اعصاااابه..
خلوود:نشووووف
لميس:إلا ماقلتيلي اهله يدرووون؟
خلود:ابوي قال لي انه كلم عمي...ويمـــكن لو تم الموضوع .....(سكتت شوي وبإحراج) يكون فيه ملكه
لميس صرخت للمره الثـــآآآنيــــه:وآآآآآآآآو خلوووووووده
شيـــخه عصبت:لميس وجع انشالله...وشو له كل هالصراخ
ام عبد الله:لمــيس عن الهباآآل...لاتزعجين جدتك
البنات يناظرونها ويضحكون وهي عصبت..
خلود وهي كاتمه ضحكتها:بطلي حمــاس زايد
لميس تذكرت كلام خلود وابتسمت:وربي بتكونون احلى ثنااائي..ينااااااس
جات آلاء:انتي وهي وجع وش عندكم؟؟
لميس جات بتتكلم وخلود طلعت عيونها..
لميس:هذا اللله يسلمك خلوووودوه الغبيه رفضت ولد الوزير
آلاء:يلعن ابليسك وش الجديد كلنا داريين من اسبووع
لميس:هاه....لا...بس انا توني اعرف
آلاء تهمس لهم:بنــآت..مرومه مره متضايقه...لازم وحده فينا تخليها تتكلم
خلود:والله انا عجزت احاكيها.. رافضه تتكلم معاي
آلاء:وانا بعد
لميس بتفكيــر:انا بخليها تحكي..!!
فرح وشذا وجمانه جالسين ع جنب..
فرح:والله لسا علي اشياء كثير ومدري كيف بخلص..
شذا:والله حاسه فيك....اذكر فترة ملكتي كنت مره محتاسه عالاقل انتي قدامك فتره وبيمديك انشالله
جمانه:فروحه قلبو إذا محتاجه شي قوليلي وانا بجيبه لك...يعني ممكن توصيني او توصين شذووو وان شاء الله مابنقصر
فرح:تسلمون والله خلاص انا ابشوف الاشياء اللي لسا ماشريتها وبخبركم
عند الشباب..
بـــــــــــدر توه يوصل بعد ماوصف له ماجد المكــــآآن..
وصل ونزل من سيارته..
وقف قدام الخيمه يناظر الشباب وهم يتكلمون ويسولفون ويابعضهم..
جات عينه على عادل..
ياترى مازال ماخذ مني موقف ولا شلون...
تنهد ...وجمع شجاعته ودخل..
بدأ يسلم عالشباب واحد واحد..
ولما وصل عند عادل وقـــــف
ناظروا بعضهم لثانيتين...مرت كأنها دهر
وبعدها ابتسم عادل وضم بدر له...وبدر رد له الإبتسامه..
راحوا ولا جوا بالنهايه هم اولاد عائله وحده ودمهم واحد..ومالهم إلا بعض
هذا اللي كان يقوله عادل بخاطره
جلسوا الشباب وبدأوا سهرتهم..
بين لعب ورق وسوالف وطرب..
يعني كانت بمكانة المكافئه لهم بعد كرف الشغل بالشركه..واوضاع العيله بالفتره الاخيره
بعـــدها بسآآعه وصـــل فهـــــد..
باسل اول ماشاف سيارته راح له وقبل لا ينزل فهد:اخيرآ شرفت يا استاذ..!!
هذا وانت اللي داق تعزمنــآآ
فهد مارد عليه...نفسيته ماتسمح انه يحتك باحد..ناظر باسل نظره بارده ونزل من سيارته..
باسل انتبه لهالشي..راح له وبهدوء:فهود شفيك؟؟
فهد يحس انه مخنوق...وبهالوقت بالذات مايبي يسمع كلمة وشفيك..
صد عن باسل وهو يسأله:خالد موجود؟؟
باسل بصدمه:ايه موجود بس انت وشفيك...وشفيه صوتك؟؟
فهد:مافيني شي..مقفله معاي شوي..
باسل:طيب تعال خل نروح للشباب يمكن تغير جو شوي
فهـــد وهو يتنهد:يلاآآ
دخل الخيمه ووراه باسل...سلم عالكل وجلس ..وراح بعالم...ونظرآآت خالد تحرقــه..
مايهمــه...كل شي...مايهمه..
اللي يهمــــــه.............\\سمـــر\\.....يبيهآآ...ويب يهم يفهموووون
بآآخر السهره
قاموا الشباب يصلحون العشــآآ...
مهند يجهز الحطب والجمر...وفارس يتبل الدجاج...وسلطان يقطع السلطه..
خالد وعادل..كانوا يجهزون الأغراض وينزلونها من السيارات..
عادل:خلود كيفهاآ شذوا جبتها معك؟؟
خالد:اي حطيتها ببيتكم وجيت..والله قلقان عليها تعبانه شوي..
عادل :ليه وش فيها؟؟
خالد:تعرف الحمل متعبها شوي
عادل:الله يعينها..والله حركات خلووود كلها كم شهر وتصير ابووو
خالد ابتسم:هههههههه اي والله مو مصدق...ياخي شعور حلو تحس ان عندك عائله انت مسؤل عنهم
عادل:اكيـــد
خالد:انت متى ناوي انشالله
عادل وهو يقفل باب السياره:قريب انشالله ...قريب يالنسيب..
كان يطقطق بموبايله وهو يسمع سوالف الشباب وهم يلعبون بالورق
ماله خلق يلعب معاهم..
طلع معاهم يغير جووو ويحاول يطلع من النفسيه اللي هو فيها...
بس الظاهر مافي امـــل
يحس انها وصلت معااااه..الحاله اللي هو فيها لازم تنتهي..
وقف وراح لاخووه...نزل لمستواه وهمس بإذنه..:عطني موبايلك
لف عليه بدر بإستغراب:وشفيك؟
ماجد بتعب:خلاااااص ابدق عليهاآ..
بدر وهو يطلع موبايله ويعطيه...ابتسم له:بالتوفيق..
ماجد يرد له الإبتسامه:ويــآآك..خذ خل موبايلي عندك..(رماله الموبايل)
خذا موبايل بـــدر وطلع من الخيمه بيدق عليـــهآآ
مشـــى مسآآآآآآآآفه بعيده عن الخيمه لحد ماصار المكان ظلاااام..لف الشال عليه وجسمه يرجف من البرد
او بالاصح من التوتر اللي هو فيه..
يحس انه مو قادر يمسك الموبايل...هالبنت تربكه بشكل مو طبيعي..
يخاف من ردة فعلها..إذا عرفته..هو ماعاد فيه حيل ينصدم..
××فـــي بريـــطــآآنيــآآ××
كانت جالسه تطالع التلفزيون ومعاها عهووود..
لفت تناظر عهود لقتها تطقطق بموبايلها وبالها مووووومعاهااا
تدري انها تفكر فيه...ياحليلها اول مره تحب..
ابتسمت ع شكل اختها وهي سرحانه..
قطع عليها صوت الجرس يرن..
جات الخدامه بتفتح...اشرت لها دانه وهي تقول:اتركيه اكيد خوي فراس..
وقفت بتروح تفتح..رن موبايلها ...ناظرت الرقم..."من السعوديــه"...اكيد احد من بنات عمي..
لفت على عهود وهي تطلع من الدرج:دودي روحي افتحي إذا هوشخص يبي فراس روحي قومييييه ضروووري انا عندي مكالمه..
وطلعت تجري في الدرج..
عهود ماصدقت خبر ...دام السالفه فيها فراس بتقوم..
فتحت الباب وهي تدعي انه يكون صديق فراس...
أنصـــــدمت..
عيون زرق
شعر اشقر لنص الظهر ناعم
تي شيرت اصفر كيوووت
وشوورت جينز لنص الفخذ على رجل نحيفه وطويله
ملامح قمه بالنعووووومه..
والصوت هو اللي صدمها زياده:هآآآآآي..<<قالتها وهي تحرك يدها بنعومه ودلع
عهود:هاي
البنت وهي معقده حواجبها:this is mr.feraaaas's house ??
"هذا منزل الاستاذ فراس"
عهود بقهر من طريقة نطقها لاسمه:yah who are you??
"ايه مين انتي؟"
البنت وهي تمد يدها تصافح قالت بدلع نرفز عهود زياده:I'm saaam
"انا سام"
عهود وهي تمد يدها وتغتصب ابتسامه:I'm ohood...nice yo meet you sam
"انا عهود...تشرفت بمعرفتك"
سام بنفس الدلع:can I see him??
"اقدر اشوفه؟؟"
عهود بدون نفس: yah of curse...one minute??
"اكيد...دقيقه"
وراحت عشان تخبر فراس وهي تتريق ع طريقة كلام سام..
كانت مرررررررررره معصبه.. طلعت الدرج وهي تتحلطم..
"اففففففففف...قال شووو قال مستر فرآآآآآس...مالت عليك انتي مع وجهك ...من زينك...
لا وتتميلح بعد...شافت الولد مزيون وبتتلزق فيه هي مع هالفيس..."
فتحت باب غرفته بعصبيه وبدون ماتدق الباب..
نرجع لدانـــــه..
طلعت من الدرج تجري وصلت غرفتها وقفلت الباب..ردت وهي تلقط انفاسها:هـلاآ والله
خفق قلبه وهو يسمع نبرة صوتها...ياهوووووو مشتااااااق لهاآآ قد الدنيا....ماقدر يحكي..
دانه وهي تناظر موبايلها..رجعت تحطه ع اذنها:الوووووو
ماجد بلعثمه:هـ...ــلأ..
خافت وهي تسمع الصوت الرجوولي..
قالت بصوت حاد:الو مين معاي؟؟
ماجد بخنقه: هه...مداك تنسين صوتي؟؟....ايه صح..5 شهور كفيله انها تنسيك..
حطت يدها ع فمها تمنع شهقتها....آآآآآآآخر شي توقعته انه يدق...ماجا ببالها انه للحين يفكر فيهاآآ
قلبها يدق بسرعه...حست رجولها ماتشيلها ومو قادره توقف..
رمت جسمها بإهمال عالكنبه بغرفتها..بصوت يالله ينسمع:مــ...ــ..ــآ..جـ..ـد..؟؟
تنهد بتعب وهو يسمعها تنطق اسمــه:..إيه...ماجد....ماجد يادانه
دانه انخنقت...مبين بصوته انه شايل عليها كثير...مبين انه تعبان...ومتضايق..
ماجد وٍيِحاول قد مايقدر توضح كلماته:دانه...ليه ماتفهميني؟؟
دانه هنا بكت...نبرة صوته تعذبهاآآ.. الألم اللي حسته بهالنبره يفقدها قوتها..
ردت وهي تكتم شهقاتها: ما اقدر ياماجد...ما اقدر
تنهد وهو يقول بصوت دافي هز كيانها: ماوحشــتك؟؟
بكت زياده وهي تقول:موووووووووت...موت..!!
ابتسم بتعب"معناها تحبني..معناها فقدتني.."...: مووووكثري...والله مـو.......آآآآآآآآآآآآآآآآآآآآآآآآآآآآه
صرخ ورمى الموبايل وصار يمسك رجوووله بالم
دانه سمعت صرخته وخافت..:مـــــاجد....شفيك؟؟..
ماجد وهو معقد جواجبه ويحس روحه بتطلع..ماسك رجله بقووووه:آآآآآآآآآآآآآآآآآآه
دانه تسمع صراااخه...خافت كثير...صارت تنادي:مااااجد....ماجد شفيك....ماجد لاتخوفني عليك.....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك