رواية فمان الله يا غالي -51
عادل بعصبيه:جعلك الموت.....ليتنا ما لقيناك..!!
بدر وهو يمسح الدم من فمه بكفه:عـــــــادل...هذي اختك!!
عادل صرخ:لا تقول اختـــــي...!!....ليتهآ ماتت وريحتنا..!!
وبجديه: مستحيـــــــل آآآآخذهاآآ معي....خلها هنـــأآآ واللي جابها يروحها
ولف على بدر:وانت....يلا قدامي...ياروميو زمانك..!!
راح وهو يمسكه من يده وهو جاد بكلامه
بدر جن جنونه...هذا شلون يفكر...؟؟....أكيد غيرته على عرضه وخوفه على سمعته معميته..
بس هذي اخته!!....شلون يفكر كذآآ؟؟
صـــــرخ فيـــــه بدر وهو يبعد يدينه عنه: اتــــركني... مجنــــــون انت!!!!!!
عادل بجديه اكثر وهو يطلع من الغرفه وبنبرة السخريه والإحتقار:إيه مجنون....انا مو مااااخذهاآآآ..بكيفك تصرف معاها..!!
طلع وركب سيارته ومشى
وبعد ما طـــــلع :بستـــــين حريـــقه انتي معــــــاه..!!
بدر وقف على حيله....وهو يتألم...
ضرب عادل مو هيـــــــن.....بس هو يستـــآآآهل....
شلــــون ماحس بعمره واستغل وجودهم بهالمكان لوحدهم
ناظر مرام اللي مرميه بالارض وتبكي وتكتم شهقاتها
تنــــــهد وراح لها
خذا عبايتها وحطهاآآ عليها
وقفهاا من يدها وهي يالله تمشي..
وصار يمشي معاها
لحد ماوصلوا السياره..
ركبها بداخل السياره وقفل الباب ورجع يلم اغراضها..
حطهم بالمقعده الخلفيه وركب السياره ومشى..
ناظرها وهي نــــــايمــــه..
"يــــــاترى شاللي صار لك يا مــــرآآآم...وشنـــــو ينتظرك.."
مشـــــى لبيتهم..
وقف عند الفيلاآآ
وهي مازالت نايمــــه
دق على لميس...كانت الشمس على وشك تطلع..
تو عينها غفت...
فزت على رنة موبايلها...
ناظرت الرقم وردت بسرعه بصوت كله نوم:هلا بدر....لقيتوها؟؟
بدر بتعب وااااضح بصوته:اي كاهي معاي بالسياره انزلي عشان تساعديني..
لميس بلهفه:أوكي جايه..
قامت ببجامتها واخذت لها جاكيت وهي تطلع من الغرفه
لبسته وهي تنزل من الدرج..
فتحت باب الفيلا وطلـــعـــت..
شافته متكي عالسياره ومعطي الفيلا ظهره..
بــــــــــدر؟
لف عليها بهدوء واشر لها عالباب اللي راكبه جهته مرام
لميس ناظرت اخوها بصدمــــه مبين بملامحه الإرهـــــآآآآآق
وشنو هالآآآآثار اللي بوجهه..!!...
ذبحها الفضول تعرف شصاااار
لفت جهة الباب وفتحته بسرعه ناظرت مرام بصدمه اكبر..
قمــــــــــــــة النعـــــــــــــــومـــــه..
مـــــــو مـــــــرآآآآآم
كانت بتتكلم ببلاهه وتقول لبدرهذي مو مرام..
هزتها بهدوء وهي تهمـــس:مـــــرآآآم...مرومه
مرام وهي تحرك راسها:هممممم
لميس ودمعت عينها:قومي قلبو خلك ترتاحين
فتحت عيونها بكسل وهي تحاول تمنع نور الشمس يجي على عيونها..
ناظرت لميس وبعدها بكت بصوتها المبحوح..:ويــ...ـنـ...كـ........عـ....ـنـ..ـي..؟؟
ضمتها لميس وهي تحاول تهديها
وبعدما هدت اخذتها ودخلتها بغرفتها...
عطتها ملابس تبدل فيهم وتركتها تاخذ لها شاور وبعدها بيحكون مثل ماطلب منها بدر
دخل غرفته ورمى نفسه عالسرير..
مسك موبايله وكتــب مسج لعادل....
(أختك مع لميــــس اختي...بتجلس اليــــوم عنـــدها وبعدها بجيبها بيتكم...لاتقلق عليها بتكون بخير
ومره ثــــــــــــــــآآنيه قبل لا تتصرف اي تصــــرف افهم الموضوع)
نــــــاظر المسج وتنهـــــد....وقفة بدر معاه ماراح ينساها له..
صحيح حركته مالها داعي
بس هو لو كان بنيته يسوي شي غلط ما دق على عادل وخبره انه لقاها ووصف المكان
سمع صوت حركه بالبيت
تذكـــــر...اهـــــله ماعندهم خبر...!!
طلع بسرعه..وشاف ابوه وشذا وهي تطلع الدرج..
مبين عليهم مرهقين وماناموا
توها شذا تطلع من المستشفى..
يبـــــــه..!! كيفهآآ امي الحين؟
ابوعادل بهم واضح بصوته:بخير ماعليها صحت قبل نجي بشوي احتمال تطلع بكره الصبح
حصـــــــــــلناها..!!
لفوا عليه وقبل يتكلموووون:حصــلنـــا مرام
شذا شهقت ودمعت عيونها وبسرعه راحت له:قــــل والله..!!
عادل ابتسم بتعب:والله حصلها بدر ولد خالي عبد الله
ابوعادل بلهفه:وهي بخير ياولدي؟؟...وينــهآآ؟
عادل تنهد: هي الحين ببيت خالي عبد الله بدر خبرني انها مع لميس..
للحين ماندري شاللي صار....هي بتحكي للميس كل شي وبنعرف
شذا:واللي يعافيك عادل...ابي اروح لها...ابي اشوفهاآآ
ابوعادل: انا بوديك تجهزي انا رايح الحين..!!
شذا وهي تمشي لغرفتها بسرعه:يلا جايه
بعد ما راحت شذا
عادل وهو مدنق ومو قادر يحط عينه بعين ابوه:يــ..ـبـ..ـه.....
ابوعادل حس ان فيه شي..
عادل:يبـ..يبــه...مرام...تعرضت ...لإعتدآآء
ابوعادل بصدمـــــــه:وشــــــــــــــــــو؟؟؟؟؟؟؟؟؟؟؟؟؟؟؟؟ ؟
شاف ابوه وهو يطيح على رجوله...راح له بسرعه ومسكه من يدينه..
ابوعادل ومنهار:عـ..ــأ..د..ل..
جلس بانهيار على حافة الدرج ووهو حاط يدينه على وجهه
عادل بخاطره"والله لو صار لأبوي شي يا مرام..لأاكون ذابحك الليله.."
صحى من نومته اللي تكســـر....تنهد...
اوضاع العيله متــــأزمه مررره
مو قـــــآآدر يعرف هــــــي شنــــــو قررت..
التفكيـــــــــــر ذآآآآآبحه..
تذكر شكلهاآآآ لما لمحهاآآ امـــــس
كانت متضااااايقه كثــير..
لما شافها تمنى لو بيده ياخذ همومها ويشيلها عنها..
هو لو بيده ما تفاااارقها البسمه
ولوبيده مايشوف دمعه بعيووونهاآآ
مدد جسمه بكسل وهو يوقف ببجامته السوداء
اخذ منشفته وملابس له
وفتح باب الغرفه وطلـــــع..
أخــــذ له شــــآآآور سريـــع..ودخل الغرفه والمنشفه على شعره
رن موبايله...شــــآآآف رقمهـــــآآ وتأفف...حتى بالسعوديه لاحقته هالعله..
عطاها رفض وراح لمحمد يقومه..
هزه من كتفه وهو ينادي بإسمـــــه:محمــــــد....ابووو حمييييد...قووووم.....محمد..!!
محمد انقلب وفتح عيونه بكسل...:هذاني قمت....اطلع عني بس
طلع من الغرفه بعد مالبس بنطلونه الجينز والتي شيرت الرمـــــآآآدي
مر ع غرفـــــــة بــــآآآآسل..توه قايم من النوم ويتجهز لمدرسته
وفارس مازال نايم
الهــــــدوء يعم البيت
نــــــآظر ساعته السوداء الكبيره..... 6:12ص
الوقــــت بــــدري...
بس هم لازم يقومون عشان يكملون تدوير عن مرام..
رفع موبايله ودق على بدر لقى موبايله مغلق
ماحب يدق على عادل ويسأله..
يعني وضعه حساس بزياده
وماجد لو انه نايم مستحيل يسمع موبايله
طرت على باله ودق رقمــــهآآ...
شــــــــــــافت رقمــه وتفـــــاآجأت..
ردت وهي تروح بعيد عن مرام:هلا بنـــــــدر
بندر:هلا لميس شخبارك؟؟
لميس بصدمه:الحمد لله....انت متى جيت؟؟
ابتسم على اسلوبها المفجوع:جيت قبل امس بالليل..(سكت شوي)...
اخوانك طلعوا؟؟
لميس:تقصد يدورون؟؟
بندر:إي
لميس:خـــلاص لقــــوهاآآ
بندر بصدمه:جــــــد؟؟...متــــى؟؟
لميس:قبل ساعتين ونص يمكن
بنــــــدر بفرح:الحمـــــد لله وكيفها بخير؟؟
لميس:الحمد لله
بندر:مشكوره يالغلآآ...يلا سلام
لميس:فمان الله
نزل تحت وهو يدور رقـــم امـــــه بيدق عليهاآآ
كانت بالصاله تنتظر باسل يجهز عشان يوديها للجــآمعه
شــــــــآآفته وخفق قلبــــــــهآآ
لفت انتباهه صوتها تكح..
كــــــح...كــــــح
لف عليها
وهي لعنت نفسها..لأانها ماقدرت تمنع كحتها تطلع
ابتسم لها ابتسامه هاديه وهو يناظرها بتفحص
صدت بعيونها عنه...وتوترها يذبحها..
راح لها وهي بكل خطوه يقرب يزيد توترها
بصوت تعبان:مبيـــــــن عليــــك مانمــــــتي..!!
زادت نبضات قلبهـــأ..."هــــذآآ شعرفه"
رفعت راسها وهي تدور بعيونها شي تشغل نفسها فيه..:إي مانمـــت...مـــاقدرت..لأان بالي مشغول
بنــــــــدر ويبي يطمنها:خلاص لقــــــــــــــوهاآآ
ناظرته بصدمــــــه....اخيرا جات عينها بعينه
يعــــــــــشق نظرتهاآآ......يعشق عيونها الوسآآآع الذباحه
تزلزله هالنــــــظره..!!
رغم كل اللي جواته من تـاثيرهاآآ قال بكل هدوء:توني مكلم لميس وقايلة لي انهم لقوها وهي بخير
شالت عيونها عنه بضيقه "شسالفته مع هالميس...
كل شي لميس ولميس.....لايكون يحبها وانا مدري..افففف.."
حـــــــس فيـــــها...وابتــــــسم....يقراها من ملامحها
يدري شتفكـــــــر فيــــه..يعرف انها متنرفزه
ماحست إلا بيدينه تشيل كوب القهوه الحار من يدها
ناظرته بإستغراب من جرأته
وهوقال بإبتسامه:أعصــابك عليه....بتكسرينه..!!
انحرجت..
لاحظ توترها وربكتهاآآ
هالإنسان يفهمـــهآآآ بشكل يخوف احيـــآآآآآنا
يقرأها قرآآآءه
فترة صمـــــــــــــت مرت بطييييييييئه على اثنينااااتهم
هو جالس ع طرف الكنبه وعينه بالأرض ويفكر
وهي تلعب بطرف بلوزتهاآآآ بتوتر..تخاف احد ينزل وهم كذاآ
خفق قلبها وهي تسمعه يقــــول بهدوءه اللي تعشقـــه:وآآآآفقـــــــتي؟؟
رفعت عينها...ناظرته....
قاعد يسألها بدون مايناظرهآآ....
ليه مايبي يناظرهاآآ؟؟
دامه يقرأ كل شي فيها ليه ما يقرأ شكثر تحبــــه هي؟؟
ليــــه مايقرأ العـــــذاب اللي عاشته بغياااابه؟؟
أكيد ما عرف كل هذآآ ولا ماسالني هالســـــؤال..!!
تفآجأت بصوته يقطع تفكيرهاآ:هه...مثــــــــــــــــل ماتوقعــــــت...ولـــــد الوزير مالي عينك ..!!
تفاجأت من نبرة صوته...طريقته بالكلام.....الخنقه بصوته..
كل هذآآ هزها من جـــواتها..
حرك جـــــــرووووووح ماتت بغيااااااابه...وشكله بيعيشها من جديد
مــــــــــــاقدرت تحكـــي....انربط لســــانها....ماتدري ليه...
بس موقادره تحكي كلمه وحده
بوجوده تضيع كل الحروف....وتختفي الكلماااااات.....
تصير بلا لســـآآآن
انتبهت عليه وهو يوقف ويطــــــلع من الفيلا بدون ولا كلمــــــه
متضــــــــــــــــــــــآآآآيــــق
حتى كلمه وحده ماحكت معااااااه...معقوله بكل سهوله تنسى اللي كان بينهم؟؟؟
بكل سهوله تبيعه؟؟
بغمضة عين تربط مصيرها بغيره؟؟
بـــــــــــــــــــــــــــــس هـــــــي لي انــــــا..!! (قالها وهو يشد على اسنانه)
ضرب طرف الجــــــدار بقبضة يده
خــــــــــــــلود لي أنا...انا وبــــــــس..!!
انفاسه تتسارع....ألم قلبه يزيد...قبض يده على صدره يحاول يخفف من حدة الالم
غمض عيونه وهو عاقد حواجبه..
يتنفس بصعوبــــه
جـــــته ازمه...من لمـــــاصار له الحادث ماجته الازمـــه..
يحس روحه تبي تطلع..
جلس على حافة الدرج.."ياربي لاتكون هذي نهايتي.."
الم يـــذبح....يحس انها سكرة الموت...
يبي ياخذ نفس بس موقــآآدر
كل هالألم مايساوي ذره جنب ألمه من فراقهاآآ..
بصعوبه صار يتكلم وبالغصب تطلع معاه الحروف:خـ...ـلـ...ـو..د...!!
مسك صدره بقووووه...وهو يحاول ياخذ نفس..
فجأه يحـــــس انه بدأ يهدأ..والألم كل ماله يروح..
جبينه يرشح...
يحس بحراره رغم برودة الجو
اخــــــذ نفــــــس عميـــــق..
"سبحان الله...من جد هوا الممكلكه غيــــر..!!.."
بعد ماحس انه ارتاح شوي..طلع موبايله ودق رقم امـــه
ردت بفرح:هلووووو بندر
بنــــدر:هلا الغاليه....شخبارك حبيبتي
ام فيصل:هلا ياروح امك...بخير حبيبي انت شخبارك شمسوي؟؟..وشنو هالسفره المفاجأه
بندر:هههههه بس بس يالغلآآ...كل هذا تبيني اجاوب عليه
ام فيصل بحده:انت متى بتبطل حركاتك هذي...ليه تأجل دراستك؟؟
بندر والتعب مبين بصوته:قلبووووو لاتعصبين...الموضوع مايستاهل..هي كلها كم يوم وبكون عندك
ام فيصل:طيب ليش سافرت ممكن اعرف السبب؟؟
بندر:الله يهديك يالغلآآ...بتقعدين تحققين وياي كني بزر؟؟..قلت لك كلها كم يوم وبكون عندك وبحكيلك كل شي
ام فيصل:بمشيها لك هالمره وبنتظرك حتى تجي ونحكي...بس حط ببالك بتحكي لي كل التفااصيل
بندر:انشااااالله من عيوني
ام فيصل:يلا طولت عليك...سلم ع خالتك والبنات
بندر:انشالله يالغلآآآ ...يلا انتبهي حق نفسك وسلمي عالكل عندك..
ام فيصل:انشاالله يلا مع السلامه
بندر:فمان الله
كانت واقفه بالشباك تراقبه اول ماطلع من عندها شافته لما جته الازمه
ودمعت عينها وهي تشوفه يتألم بس ماقدرت تطلع له
تدري ان باي لحظه باسل بيكون تحت ويمكن يشوفهم ويفسر غلط
تطمنت وهي تشوفه يرجع طبيعي..
شافته يكلم بالموبايل وجاها فضول تسمع المكالمه
مشت لعند باب الفيلا وطلعت منها خطوتين لبرا وسمعته وهو يكلم
لما انهى المكالمه..
ابتسمت بسخريه..."مسوي نفسه متعذب وغيابي مأثر فيه وهو ملاقي اللي تعوضه عني بغيابي
الظاهر يابندر انا وانت ما راح نجتمع..!!.."
خافت وهي تسمع صوت باسل..:جاهزه؟
لفت مفجوعه..وبعدها تنهدت:ايه
بندر اللي لف على اصواتهم شافها..
ماقدر يشيل عينه عنها
باسل يكلم بندر:غريبه صاحي بهالوقت؟؟
بندر انتبه لنفسه وصد عنها:ها؟.....مدري حسيت اني شبعت نوم وقمت..
قال وهو معقد حواجبه وعينه بالارض:.....وعلى فكره ترى حصلوا مرام
انقرررررت وهي تسمعه ينطق اسم مرام..
ماتدري ليه..
"لهالدرجه ياخلووود..!!...لهالدرجه تغارين عليه....ما تبينه ينطق اسم اي بنت غيرك؟؟.."
مشت ورا باسل اللي كان رايح يشغل السياره..
وهي ماشيه ناظرته
هو كانت عينه عليها...مشتـــآآآآآآآق لهــــــآآآآ
يبي يسمـــــع صوتــــهآآ
مشتــــآق لخلود..!!....بس هذي موخلود..!!
نظراتها له مو نظرات خلود..
يبي يحكي معاها عن اللي صار يبي يفهم كل شي عشان يقدر يسامحها
بس مافي فرصـــــه...!!
وضعهم ما يسمح لهم يتكلمون...وخلود ماتساعده
ناظرته بدون ما تحس بنفسها...وهي تعاتبه بعيونها وبعدها
صدت عنه
ركبت مع اخوها ومشت عالجامعه
بمــــكآآآن ثــــــآآآني
طلعت من عندها لميس..
بدر جالس بالصاله يبي يفهم الموضوع
اول ماشاف اخته طلعت راح لها والخوف بعيونه..
ناظرته اخته وماتدري شتقول..
حس بترددها وحب يختصر الطريق ويسألها...
جمع كل شجاعته بهاللحظه..:تعـ..ـرضـ..ـت...لإعــ...تــد..آآ..ء...ص ــ..ـح؟؟
لميس وعيونها عالارض ودموعها على وشك تنزل..هزت راسها بهدوء
رمى نفسه عالكنب..
او بمعنى ثاني انهاااااار
مثـــــــل ماتــــــــوقع....!!
طلعت اضعف مما تبين عليه
وين قوتها وعربجتها؟؟
وين دفاشتها بهالمواقف؟؟
جاه صوت من داخله"يعني تحسبه بكيفها؟؟....تحسب انه ودها يكون وضعها كذا؟؟...تحسب ان موقفها عاجبها؟؟.."
بدر يكلم نفسه بصوت واطي:داري...داري انه موبيدهاآآآ....(لمعت عينه وهو يقول)..بس والله...والله ..... انتقم لك يامـ..ـر.آآ..م
لميس كانت واقفه بذهووول من موقف اخوهاآ....اول مره تدري شكثر تعنيله مرام..
الإصرار اللي شافته بعيونه...بين لها كل الللي كان مختفي..
وصلوا ابو عادل وشذا~
اول ماد خلت اختها عندها رمت نفسها عليها وهي تضمهاآآ
ابوعادل خبرها بكلام عادل اللي قاله..
لما شافت حال اختها وشكلها انجنت..
هذي مو مرام...كانها شالت هموم الدنيا كلها بيوم واحد
خذتهاا لحضنهاا وهي تضمممممهاآآ
ومرام ماقدرت تمسك نفسها وصارت تشاااااهق
ابو عبد الله يكلم ابو عادل:انا طلبتك ياخوي محد يكلمها اويمد يده عليهاآ.
ابو عادل وهو يهز راسه:انشالله..
ابوعبد الله:الظاهر السواق هرب انا كلمت واحد اعرفه له نفوذ وخبرني انهم لقوه هارب وتارك السياره ع خط الرياض السريع
ابو عادل ويكتم غضبه:انا الغلطان اللي معطيه الثقه...نسيت انهم بلا ديييين
ابوعبد الله ويربت على كتفه: استهد بالله يابو عادل...كل شي بحسابه والله مايضيع حق لمظلوم..وهذى ابتلاء من ربي
ابوعادل وهو يتنهد:لا حول ولا قوة إلا بالله
××فــــــي بريـــــطـــآآآنيآآ××
فراس له يومين يدق محد يرد عليه..
الكل مايردون
خاف وحس ان صاير شي
"ياربي شسوي؟؟.....شلون اوصل لهم؟؟..محد يرد علي..!!..."
شافته دانه اللي كانت طالعه وهو جالس بالصاله
كان معقد حواجبه والضيقه بوجهه
فـــــــراس
رفع راسه لما سمع اسمه:هلا
دانه بهدوء:شفيك؟؟
فراس بقلة حيله:ولا شي
دانه:احسك متضايق
فراس:ابد بس لي يومين ادق على اهلي كلهم محد يرد...(سكت شوي)......انا خايف يكون احد صاير له شي
دانه:لا انشالله .... تحب اجرب انا وادق
فراس ناظرها برجى:تعملين فيني خير
دانه: اوكي
طلعت غرفتها ودقت على شذا
شذا جالسه بغرفة لميس ومرام بحضنها
اخر شخص حكت معاه كان لميس
ومن بعدها ماعاد تكلمت
رن موبايل شذا..
ناظرت الرقم واستغربت..
ابعدت مرام عن حضنها واشرت للميس تجي جنبها
وهي طلعت برى الغرفه
وردت بصوت تعبان:هلا دانه
دانه حست فيها:هلا شذو كيفك
شذا بتنهيده:تمام
دانه:سوري لأني داقه بهالوقت
شذا:لا عاتي حبيبتي اساسا صاحيه
كان مبين في صوتها انه مو تمام
دانه بشك:شذا شصاير؟؟..شفيكم؟؟
شذا بخنقه لما تذكرت اختها:ولا شي
دانه:فراس قلقان عليكم ..يدق عالكل وماتردون..صاير شي صح؟؟
شذا ودمعت عينها:دانه اماااانه لايدري فراس
دانه خافت وقامت تقفل باب غرفتها:اوكي بس شفيك...خوفتيني
شذا من بين دموعها:مرام..اختي
دانه:شفيها مرام؟؟
حكت شذا لدانه اللي صار لمرام باختصار
دانه:لا حول ولا قوة إلا بالله...طيب وهي كيفها الحين
شذا بعد ما هدت:ماتحكي ويا احد بس تبكي
دانه:الله يكون بعونكم..على كذا ما اعطلك..طمنيني عليكم كل شوي
شذا:اوكي بس لاتنسين مانبي فراس يدري..لأنه لو درى بيترك دراسته وبيجي
دانه:اكيد حبيبتي لا توصين..يلا انتبهي على نفسك وعلى مرومه..وانشالله ازمه وتعدي
شذا:ربي يسمع منك...يلا قلبو باي
دانه:فمان الله
تنهدت بعد ماقفلت الحين شنو تقول لفراس
سمعت صوت باب غرفتها يدق...دعت من قلب مايكون هو..
فتحت وتنفست براحه وهي تشوف عهود واقفه..
اشرت لها تدخل بدون ولا كلمه
دخلت عهود وبملامحها استغراب
سحبتها دانه وجلسوا عالسرير
عهود وعينها بعين اختها:دانه شفيك؟؟
دانه:............................................. ...
بمــــــــــــكــــآآآن ثـــــآآآني
بعد ما راحت خلود من قدام عيونه
تنهــــــد وهو يقول بنفسه....."إنتـــــي لـــي...!!.."
سرح بعييييييد وصحى على رنة موبايله..
ناظر الرقم..تنهد.."جيت بوقتك يالغالي"
رد بضيقه:هلا بعديل روحي
سامي بإبتسامه:هلا بك يالغالي..شلونك؟..ومن متى وانت بالسعوديه؟
بندر:بخير دامك بخير ياخوي...قبل امس جيت
سامي:اكيييييد ذبحك الشوق للغاليين
بندر بتعب وااااضح..:لقيــــتها ياسامي
سامي يعرف بندر مايقول"سامي" حاف إلا إذا هو متضايق..
سامي بهدوء:بندر شفيك...شاللي لقيتها
بندر بخنقه:خـــــــلود...حبيبتي
سامي بصدمه:شلون ...ووين!!
بندر:خلود...تصير ينت عمي ياسامي
سامي وسط صدمته ومذهول:لاتقولي انك بالسعوديه عشانها..!!
بندر:ومنو غيرها يخليني اترك كل شي واجيها
سامي:ودراستك؟؟
بندر:اجلتها
سامي:طيب شلون عرفت انها بنت عمك
بندر:سالفه طويييييله اقولها لك لما اشوفك
سامي:طيب شفيه صوتك امبين انك مو على بعضك..توقعت تفرح لما تلقاها
بندر بسخريه:هه....افرح؟؟.....من وين يجيني الفرح وهي بتصير لغيري
سامي وانصدم للمره الثانيه:شلون يعني
بندر وهو يداري دمعته:خطبها ولد وزير......ووافقت
سامي سكت مايدري شيقول....يحس ببندر..ويدري شيحس فيه
اصعب شي لما تبي توصل لإنسان..وتتعب عشان توصله ولما توصل تكتشف انك تأخرت كثير
وان الوقت فات..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك