رواية لعنادك هويت و بحسنك خقيت -5
نرجع لسيلين
سيلين تصيح :ليه ماقالو لي انه ولد عمي الله يسامحهم بدلت ملابسها وتوجهت لفصل اختها وهي رايحه الاتصقع ببويه وتدفها
البويه عفاف:عسى ماشر وش بهم الحلوات زعلانات
سيلين دفتها:وخري عني ترى الاخلاق خربانه
البويه عفاف:هذي وش فيها .....انا عزام تدفني كذا<<مقدر ياعزاام اذووب
راحت لفصل اختها ساره ودخلت من دون استئذان
ابله نوره :خييير اللي هنا هي وكاله من غير بواب؟؟<<طبعا ابله نوره ماعندها شخصيه لوتهزأمن اليوم لبكرا محد عندها
سيلين:سارا يللا قومي تعباانه ابي ارجع البيت...... بدق على امي ترسل السواق
ساره:بناات هذي اختي<<فاضيه الاخت تعرّف
البنات :ماشاء الله اخت حلووه
شموخ :لاوين حلووه انا أحلى ......صح افنان؟؟
افنان توهقت :ها...ايه الا احلى
الابله:اللي هنا روحي فصلك ازعجتينا روحي فصلك <<وهي تتكلم الا شوي بنت ترمي ورقه على راسها
البنات :هههههههههه
سيلين:ههههه ..بطني الحقوا علي......اللي رمت الورقه وربي انك شي خطنطييير
ساره:انطمي فضحتينا
اما سيلين ولامعتبره ان في ابله اصلا سلمت على صديقات ساره
ابله نوره:انتوا بصفتكم مين تآخذون من جزء من حصتي وتقاطعووني؟؟
سيلين بفخر :بصفتي بنت آل .........
<<احيانا يضطر الشخص انه يقول شي موراضي عنه بس عشان تمشي مصالحه
شموخ كانت ماسكه المرايا وتحط قلوس الا وتطيح المرايا وتنكسر
لميا :شموخ شفيك؟؟
شمووخ:مافيني شي بس حسيت بدووخه<<شموخ بقلبها:يوووه هذي هي بنت عمي!!
لميا بنصب:شي طبيعي لانك توك ماخذه حبه ......رغم اني ابلع كم حبه عمري ماحسيت بدووخه<<مااقدر ياجاكي تشان
سيلين:يللا حنا طالعين يابنات اشوفكم على خير
ساره:بااي
الابله:بنات انتبهو معاي<<للحين متمسكه بالسلك التعليمي خخخخ
طلعوا البنات وراحوا البيت وكذبت سيلين على اختها لاول مره وماقلت لها السبب الحقيقي في استئذانها قالت لها انها تعبانه
تكفى يا طيري وصًـل الدمع للولف
وإمطر دموعي فوق داره رشاشات
قل له عن اللي يذكره.. بالوغى صلف
اليوم حاله بعد فرقاك.. مأسات
يرجع بفكره بضعة اعوام.. للخلف
يسترجع الماضي و بالصدر شهقات
يصحى في عز النوم.. و يدق لك سلف
ويوقف على الاطلال و يدنَ عبرات
حاااالي غدى متلوف.. يا صاحبي تلف
رحت وبقى لك داخل القلب بصمات
إٍسأل طيوفك.. دااايم احلف لها حلف
أحلف لِطيفك كل ما مر بسكات
والله انا لو عشت.. فوق العمر.. ألف
انساك.. هذي.. سابع المستحيلات
...................................
نروح لااحمد الحبّيب
احمد:والله عيا النوم لايجيني من بعد ماشفتك يامنال....وبسبتك غبت اليوم عن المدرسه شفيني موقادر اشيلك من باالي
احمد يكلم نفسه:لايكون بس حبيت ياحمود
احمد :ايه والله طحت في الحب ومحد سمّى علي
طبعا احمد مستانس على هالافكار لكن خوي دربه وولد عمه متورط عندالاداره
نروح لولد عمه
المدير حسّان:فيصل صدق اللي سمعته انك رايح لمدرسة البنات ؟؟
ليه في وحده من البنات نادتك ولاكانت محتاجه شي؟؟<<يبي يطلعه من السالفه احلى شي انه يحط احتمالات
فيصل بغى يقول ايه بس هوّن لانها هي مسكينه بتتورط بيشوفون بهالوقت مين راح تكوون برآآ الفصل وتصير لها مشكله
فيصل:لا ...البنات مالهم شغل
المدير:اذا وحده كانت السبب قول راح تطلع منها مثل الشعره من العجين
.................................................. ..........
نروح لابوخالد اللي دق على فايز:السلام عليكم
ابوفارس:وعليكم السلام ياهلا بااخوي الغالي
ابوخالد:اخبارك يااخوي؟؟
فايز:بخير الحمدلله.....ابشرك بيتي بعته...عموما الفلوس رراح احطها بحسابك بعدين حوّلها لحساب عبدالعزيز وراح نجي نسكن بعدالامتحانات لاني اللي شرى البيت امهلنا لبعد الامتحانات
ابوخالد":انشاء الله بس يااخوي ابي منك طلب
فايز:اطلب يااخوي وانا ألبي
ابوخالد بندم:
ابيك تسامحني على كل سنين القطاااعه انت ماتستاهل الا كل خيير
فايز:معذوور يااخوي الله يسامح اللي كان السبب
ابوخالد:انا مشتهي اشوفك اليوم وامي اكثر مني ووعدتهااليوم اجيبك لها
فايز مصدوووم:وشوو ........شقلـــــت؟؟!!
امـــــــــي؟؟؟؟<<جلس ابوفارس بالكرسي
<<كانت ذي اكبر صدمه بحياة فايز .....اخوه عبدالعزيز قاله قبل 12 سنه ان امه ماتت وسوا له عزا صغير جمع فيه كم واحد وعطاهم فلوس وقاله ان خالد مسافر لامريكااا ......معقووله!!
معقووله يكذب مثل هالكذبه يفااول على امه بالموت!!
ابوخالد:شفيك يااخوي
فايز:يعني امي عايشه
ابوخالد:اسم الله عليك يافايز ايه امي عايشه الله يطول بعمرها
فايز :بس اخوي عبدالعزيز يقول انها ماتت
ابوخالد هو الآخر مصدوم:معقوووله .....حسبي الله ونعم الوكيل انا لله وانا اليه راجعون <<بقلبه:معقوله توصل به المواصيل لهالدرجه
فايز:الحين انا جايك يابوخالد
ابوخالد:زين انا انتظرك مع السلامه
بعد ماسكر جات ام فارس شافت فايز بوضع مضطرب:شفيك يافايز على وين بتروح.؟؟حطيت الغدا
ابوفارس:انتوا تغدو انا بروح اشوف امي
ام فارس :اسم الله عليك يابوفارس شفيك امك ماتت
ابوفارس:لا ياموزه امي عايشه ....انا برووووووح لاتنتظروني
ام فارس :لحظه يابوفارس خذ معك ولدك فارس
ابوفارس:طيب بسررعه روحي قوليله يلبس انا راح انتظر بس 5 دقايق
راح ابوفارس وولده ...بالطريق كان فارس دايم يسأل بس مايلاقي رد...عم الصمت
قطع هالصمت صوت جوال ابوفارس:الوووو ...منصور وين بيتك؟؟
ابوخالد:خلف محطة ال..... ثاني بيت لونه بيج<<
طبعا بيوتهم بعيده عن بعض واحد ساكن بالخبر والثاني بالدمام
ابوفارس:خلاص طيب الحين اجي...مع السلامه
فارس:ها وش يقول يبا؟
ابوفارس:يقول خلف محطة ال..... ثاني بيت لونه بيج
وصلو للبيت كان اوبخالد ينتظر اخوه اللي ماشافه 15سنه
نزل من السياره وراح ضم اخوه وبكى بأحضااان اخووه كان يشم ريحته اللي لطالما اشتاق لها <<من يقوول ان بكا الرجال عيب .....الرجال مايبكي الا نادرا وان بكى اما ان يبكي لفراق او شوف احباب واشتيااق لهذول الاشخااص
وفي مواقف تحده على ذرف الدموع
دخل منصور وفايز للبيت قاعد يقلب بنظره فايز حتى لقى انسااانه تسوى كل هالناس انسااانه بكى على وفااتها وهي عايشه .......امه ....ايه نعم امه اللي كانت معطيته ظهرها وحست بان احد دخل:خير يايما يامنصوور رجعت بدري اليوم تقول عندك مشاوير
منصور يما جايب لك مفاجأه
طبعا امه كانت مقعده على كرسي متحرك صعب انها تلف قرب منها فايز:انا ولدك يما فايز <<ضم امه وحب راسها وايدها ورجولها نام بحضنها كأنه طفل رضيع وكان يصيح قهرا على كل لحظه وكل دقيقه وكل سنه ماشافها فيهااا
وامه نفس الشي تصيييح وتشاهق
تحب ولدها وماتبي تفكه ماتبي الدنيا تآخذها منه
منصور كان يشووف هالمشهد ودمعت عينه ...تذكر ان فيه واحد برآآآ اللي هو ولد فايز وطلع له
الجد هيفا:ليه يايما كل هالسنين ماتسأل عن امك؟؟
فايز وش اقولك يايمه:بقولك شي يايمه بس اوعديني انك ماتزعلين ولاتشيلين على اخوي <<عمره ماكذب على امه وهوصغير يسويه وهو كبير؟
الجده هيفا:قلبي عمره مايشيل عليكم لووش سويتوا
فايز:اخوي عبد العزيز يايمه قبل 12 سنه يوم كنت اطلبه واحاول اني اشوفك قالي .......قاليــ<<صعب عليه يقولها بس تمااسك
قالي بعيد الشر عنك انك
7
7
7
7
توفيتي<<وبدى يصيح تحت رجولها..................
.....بس انا اقول يمكن قال كذ1 عشان مايبيني اشوفك تعباانه<<ياطيبة قلبه كل هذا ويلتمس له عذار
الجده هيفا تصييح:الله يساامحه ياوليدي الله يسامحه
فايز ضمها:يااكل دنياي يايمه اقول انا من وين جايب طيبة القلب ياناس هههههه
الجده هيفا:هههه الله يسعدك ياوليدي الاوين عيالك
ابوخالد جا من وراهم ومعه فارس:هذا الرجال ولده فاارس ماشاء الله حوله رجال ولد رجال ....رح ياوليدي سلم على جدتك
راح فارس سلم على جدته وحب راسها واستانست عليه
خلــــــــــــــــص البااارت
Part7
مر اسبووع على كل العوايل وخلصت الامتحانات وجا لوقت اللي ينتقل فيه ابوفارس وعياله لبيتهم الجديد......
ابشركم الكل نجح بنسب مش بطاله
فيصل:94%<<يقول انه شاد حيله بس ذيك الخقه اللي بالثوب كانت شاغله باله يبي يعرف هي ليه صاحت؟؟
احمد:92.65<<والله موهينه يامنال طول الوت كانت شاغله تفكيره رغم انه ترى اشطر من فيصل
شموخ:88.23<<زين بعد شفتي هالثمنياات
سيلين:98%بالضبط <<عاد دفره اللي نزلها الانجليزي
ميرهان:66.46<<راسبه بالقواعد دور ثاني ...طبعا الكل عارف لان نفسيتها تعبانه
سعيد:81.58<<الرجال مومصدق مسوي حفله
ساره:87.32<<واخيرا تخرجتي مابغيتي
نادر:97.55<<دفرره بقووه ماادفر من الاخت الااخوها
منال:93.78
خلينا نروح شوي لميرهان
ميرهان صار شكلها يخرع اصفرت وشحب وجهها وصار تحت عيونها هالات سودا
فكرت انها تدق على فواز لكنه ماكان يرد
شرت شريحه جديده برقم جديد ودقت عليه ................ فواز:الوووو
ميرهان:فواز
فواز:ايه ...مين معي<<هذا اللي يفكر فيها 24 ساعه <<قولو نساها ب24 ساعه
ميرهان:بعد مين هااا.......اسمع ياابن الناس انا ثقت فيك ثقه عميا وعطيتك صوري ...والحين ماابي الا انك ترجع صوري وبعدها صدقني ماراح تسمع صوتي
فواز:هههههااااي.....ضحكتيني ياحلوه انا مايمشي معي هالكلام ....تطلعين معي ولاراح تلقين صورك بكل مكاااان .....عندك ثلاث اسابيع فكري فيهم وخذي راحت مده طووويله عليك بس يللا تستاهلينها ههههههه
ميرهان بقهر:صدق انك انسان حقييير وواااطي<<هنا سكر فواز
ميرهان تبكي بشكل هستيري:ياربي وش اسوي قولولي وش اسوووي
ركضت فتحت درجها وطلعت حبوبها <<للاسف كانت تفكر بالانتحار ....بس تراجعت ....انا ماتهنيت بالدنيا..عالاقل خليني اكسب آخرتي .....حسبي الله ونعم الوكيل فيك يافواااااز
عند البنات
سيلين:سويره حلوو البس هالفستان؟؟<<أمها حالفه عليها تلبس فستان بتطلعها من استايلها السبورت
ساره:الله طالع شكلك جنآآآآآن
سيلين:احم احم طبعا في شك في ذلك
ساره:انا اشوف انك تطلعين برآآ اصرف
سيلين:كااكاكاكااا....اقول سويره البسي التوب الاخضر حقك ....حلو عليك
ساره:والله؟! اجل خلاص بلبسوو
سيلين:هيييييه بسرررعه اخلصي امي تناادي
طلعت سيلين لامها ....ام فارس:ماشاء الله بنتي قمر
سيلين باءستعبااط:لا يما انا سيلين ...بس الظاهر مضيعه العنوان هع
ام فارس: الله يهديك....الا اختك ساره وينها خلصت ولالا؟؟
سيلين:على وشك الحين تجي
...........................................
راحو لبيتهم وانبهروا بجماله صح ماكان بحجم بيت ابوخالد وابوفيصل بس كان حلو خصوصا الحديقه الفاتنه والنافوره الكبيره المتوسطه بالحوش والمجسمات الجذابه
اما بالداخل كان تصميم البيت قريب من البيوت الكلاسيكيه
الالوان الطاغيه البني والبيج والفرش موبعيد عنهم
اما بالدور الثاني الكل متشفق على غرفته
فارس:اكيييد هذي غرفتي
ابوفارس:ايه هذي غرفة فاارس
لارا بلقافه:وانا؟؟
ابوفارس:انتي اصبري يابنتي
فارس يرفع حاجبه :نونا بصي لماي رووم موتي حره ...شوفي شلون كبيره وحلوه
سيلين:هب عليك كل شي عندك بوج<<تقصد بيج
فارس:ههههههه حلوه بوووق ههههههههههه
سيلين:انطم خلاص ياخي بيج ولا بوج كلهم عيال عم.......امممم الا يبا وين غرفتي الحبيبه؟؟
ابوفارس:اللي عاليمين هذي غرفتك ياساره.........واللي عاليسار سيلين
ساره:تكفين انا ابي اللي تطل عالحديقه بلييييييييييييييييييييز
سيلين:اول شي قولي سيلين موابليس ياختي تعلمي الذرابه
ساره:انا بس ابي افهم شي واحد انتي 98%من وين جبتيها
سيلين:لاتقلبين المواجع ...لومانيب جايبه العيد بالعنقليزي كان مداي الحين ملزقه شهادتي بظهري لاني كنت راح اجيب 100
ساره:ايه صح اقووول منااااك الله لايهينك
سيلين:اقول قشري بصل.......ندور وين غرفتك يااقليبي محد معطيك فيس
نادر:الا ابوي يقول هذيك الزرقااا لانها حقت عيال
سيلين:يااسلااام حلوووه,بس كنها تطل عالبلديه؟؟...... احم عموما الله يهنيك
ابوفارس:يللا ياعيال كل واحد يروح لغرفته
ساره:ليه يباا؟؟
سيلين:موبنروح لبيت عمي
ابوفارس:لا تو منصور مكلمني يقول ان اهل عبدالعزيز معزومين لعرس وبيروحون .....فالافضل نأجلها
سيلين توشوش ساره:هذا عمي عبدالعزيز بلوى يااختي دايم يخرب الحين الكشخه راحت فشوش
ساره تدفها :انطمي....بس تدرين عمي دينصوور احسه ارحم من عبدالعزيز
ابوفارس:يللا يابنوتات ياحلوات روحو نامو وبكرا كملو جولاتكم وصولاتكم
سيلين راحت لغررفتها بدلت ملابسه وراحت لاختها ساره الا لقتها بسابع نومه
راحت سوت لها كوفي
فارس:نونا مانمتي
سيلين:ايه رحت اسوي لي كوفي
فارس:طيب .....تصبحين على خير
سيلين:وانت من اهله
.................................................. ......................................
................................
راحت لغرفتها وفتحت البلكونه وكان الجو يجنن كانت فاتحه شعرها والهوا يلعب بخصل شعرها المتطاير...........كانت مستمتعه بمنظر المسبح .....كانت تشرب كوفي وتقطف من ورود بلكونتها الصغيره وترمي عالمسبح ....<<وكان طول الوقت في واحد يشوفها يتمنى انه يكون الورود اللي ترميها بكل رقه....كان يقول بخاطر:ياربي هالبنت شايفها بس وييين؟؟
سيلين كانت تبي تحرك نظرها للسماء عشان تمتع عيونها بأحلى منظر طبيعي....منظر شروق الشمس.....الا تطيح عيونها على واحد خقه لابس تيشيرت اصفر من لاكوست وجينز ازرق ونظارات شمسيه... واقف الواضح انه من اول كان واقف في حوش بيت عمهاااا...على طول تغطت بالشال ودخلت ......وتركت شخص وراءها رسمها بمخيلته كرسمة رسّام كل مابغى يشوفها تذكرها وماكره شوفها
سيلين بوهقه:ياااربي هذا اكيد واحد من عيال عمي....بس مدري منهوو ...اصلا ماشفته زين...الحين يعلم علي ابووي ياويلي
عند فيصل:ياااويل حالي على هالصاروخ ...قلبي رهيف مايتحمل هالملاك<<ويقطع عليه صوت جواله(هناك شخص تافه يتصل بك)
فيصل:يااثقل طينتها هالانساانه مااقول الا يازين اللي يسكر بوجهها<<بالفعل سكر بوجهها .....وراح فتح البلكووونه حقته :ياربي هي كانت طالعه من أي وحده ؟؟ اكيد هذي مافي الا هي....بس اخاف موغرفتها.؟؟....يللا الايام جايه خلني انام وبكرا يحلها الف حلاّل
بيت ابوخالد
الجده هيفا:يما شموخ ميرهان وينكم؟؟
شموخ:yes grand ma
الجده هيفا: يابنيتي لاتحاكنّي بلغة الاجانب ماافهم فيها شي
شموخ يووه:تيب ياجده وش المطلووب؟؟
الجده هيفا:رحي يابنتي البسي لك شي لان اليوم بيجون اهل عمك فايز
شمووخ:يااربيييه خلني اروح اطلع شب البسوو
ميرهان توها يآصلها الارسال:نعم جده
الجده هيفا:روحي البسي بعد شوي بنات عمك وامهم بيجون
ميرهان:انشاء الله جدتي
الجده هيفا:يمه ميرهان
ميرهان:نعم جده
الجده هيفا:وش فيك صايرتن ذابله يابنيتي ....احد مزعلك ؟؟<<هنا ميرهان بدت تصيح
الجده هيفا فتحت لها ذراعها ميرهان ماصدقت انها تلاقي حضن ترمي نفسها فيه.......الجده هيفا:يايمه مايسوى تسووين بروحك كذا عشان درجات دنيا ...درجات الدنيا ماينزعل عليها وانشاء الله تنجحين الدور الثاني<<طبعا الجده هيفا تحسب انها تبكي وضعفت وتغيرت لانها رسبت بماده<<يقاله شي جديد
ميرهان:انشاء الله جدتي<<تركتها وراحت تبدل ملابسها
......................................
جا الوقت اللي المفروض الكل يكون تجمع فيه ببت ابوخالد
الجرس:تن تن تن تن تي<<الجرس
ابوخالد:حياك الله اخوي <<ضمه ورحب فيه ......أشر ابوفارس لزوجته انها تدخل
راحت ام فارس للجده هيفا سلمت عليها لانه تحبها وتعزها ويوم درت انها على قيد الحياه استانست....وسلمت ام فارس على ميرهان وشموخ كانت للحين مومخلصه<<أشك انها بتروح عرس
ام فارس الاوين وفا؟؟<<ام خالد
الجده هيفا بأسى:البقيه بحياتك يابنتي
ام فارس بحزن:لاتقولين ياخالتي الله يرحمها ويغمد روحها الجنه كانت صديقة دربي والله
الجده :كلنا ماشين على نفس الطريق هذا حال الدنيا
بالغرفه الصغيره البنات&ابوخالد
ابوخالد:ماشاء الله كبروا بناتك يافايز صاروا عرايس
ابوفارس:ههههه ...ايه ياخيي محد يبقى صغير
ابوخالد:يالله يبا نادر ,فارس روحو مجلس الرجال هناك عيالي وعيال عمامكم خلوني انا مع الحلوات ...ايه على فكره عبدالعزيز ماجا اليوم عنده شغل لين راسه قالي اعتذر منك وخلى عياله يجون عشانك
ابوفارس طبعا يدري بالسالفه الملفقه:الله يعينه.......يللا امشو ياعيال
ابوخالد يكلم ساره وسيلين:ماشاء الله كل وحده احلى من الثانيه
سيلين :بس انا احلى صح ياعمي
ابوخالد:ههههههه.....ذكرتيني بولد عمك فيصل كل شوي ذابحنا انا حلو انا حلو......
يللا حبيباتي روحو داخل شوفو جدتكم اللي ميته على شوفتكم وبنات عمكم
راحو البنات عند جدتهم وسلموا عليها كانت مبسووطهه عليهم ومنبهره بجمالهم الطبيعي ماشاء الله حولهم.تفاعلو مع البنات خصوصا ميرهان اللي حست سيلين بــ ان بداخلها شي مكسور.....بعد ساعه وحده جات ام فيصل ومنال
ساره:هلااا منوله ...تصدقين شكلك من غير ملابس المدرسه....احلى بكثير
منال:تسلمين ياقلبي عيونك الحلوه.....اقول ميما وين شموخ؟
ميرهان:اظنها فوق بغرفتها تلبس خلني اروح اناديها
اما عند شموخ بالغرفه
شموخ:يووه ياربي هالتيشيرت كان قدي الحين صار ضيق لااا ياربي ماابي اسمن
الباب طقطق
ميرهان:شموخ ويك البنات تحت ينتظرونك
شموخ:ميرهان حلوو هالتيشيرت علي؟؟
ميرهان بمجامله :ايه طالع شكلك خيال<<تسمع بالمدح
شموخ بغرور:اكييييد ياحبيبتي دامي انا اللي لابسته<<ياشين الواثق بس
نزلت شموخ مع الدرج ولمحت ساره& سيلين بقلبها:يووه هذول بنات عمي فايز والله اشكالهم قرف
بعطيكم خلفيه ماتعرفونها عن شموخ<<تحب فيصل بشكل خيالي بس هومايطيق طاريها وهي تآخذ هالحبوب من خويتها النصابه لميا بحجة انها تصير حلوه بنظر فيصل<<ياشين السرج عالبقر
راحت وسلمت عالبنات بأطراف اصابعها وكانت نظراتها استحقاريه لهم خصوصا سيلين اللي كانت مآكله الجو كله
شموخ تقاطعهم:يووه منول نسيت اسألك فصفص جاه؟؟
ساره توشوش سيلين :هذي بنت عمي عبدالعزيز اللي معي بالفصل ياشين حظي
سيلين :الحين هي مخطوبه؟؟
ساره:وانا شدراني !! يمكن ذبحتنا بالفصفص يختي خل تروح للرفاعي <<برآ
منال:ماادري عنها
ميرهان ترجع لسوالف المدرسه:سيلين انتي ماشاء الله حدك مزيونه ماتواجهين مشكله مع بويات المدرسه؟؟
سيلين:تسلمين ياحياتي....تبين الصدق الا في كثير بثرات ينشبون لي بشكل مقرف
ميرهان تضحك وهي مفتقده الضحكه:ههههههه..........طيب ليه ماتجين قسمنا قسم المتوسط وربي تعرفين وشلون بعدها معنى انهم يخقون عليك صح
سيلين:الله لايبلانا .....عاد بنات الثنوي مكفين وموفين
ساره يقالها بتمون على شموخ:امم شموخ لوسمحتي ابي ماي
شموخ بكل وقاحه:هناك المطبخ حبيبتي روحي سيده تلقينه نهاية الممر
ساره بقلبها من جد قمه بالوقاحه هالانسانه:طيب.......شكراً
ميرهان:سوسو استريحي انا اجيب لك
ساره:لاوربي انا اللي اجيب هذا بيت عمي كنه بيتي ولا انا غلطانه
ميرهان:اكيد ياقلبي بس عيب انا اجيب
ساره:تبغيني ازعل ولامعتبرتني غريبه؟؟؟
ميرهان:لالالا حياااك
.............................................
فيــ مشيتيــ [ شمــوخ] وإعتدالــ ومهابـه
أحبــــ وأنحبــــ وأضيعهـــم [ بإبتسامــه]
ملكتــهــم [ بطيبـــ ] ذاتــــي وإحترامـــه
وصيتيــــ قلبيــــ لا تجــرحونه [ أمانــــه]
صعب جدا [تلاقيني]أنا جوهر بحر مكنون
أنا لوتقلب الدنيا "صعب" جدا تلاقيني
[جمالي] من حلا روحي وكل الزين من زيني
.................................
راحت للمطبخ وشافت الكاسات غسلت لها وحده وصبت لها مويه وكانت تدندن شوي الا باب المطبخ ينفتح كانت تحس وحده من الشغالات....لفت وجهها وياليتها مالفت لقت خالد وهو في قمة الكشخه ...شرقت وعلى طول لفت
خالد على باله ميرهان لان شموخ ماتدخل للمطبخ
خالد :ميرهان قولي لهم يسوون القهوه للرجال الله يرضالي عليك
ساره وهي فيها الصيحه:انشاء الله
قرّب خالد ومسك كتفها:ميما وش فيك ياروح اخوك متكدره؟؟
ساره اخذت نفس:ممكن توخر انا موميرهان
خالد انصدم:هاااااا<<محد طاح وجهه
اجل مين انتي؟؟
ساره:انا بنت عمها
خالد :اهااااا<<عدت خمس دقايق كان هو واقف بس هي ماتدري لفت تحسبه راح الاوتلقاه مقابل وجهها نفسَه بنفسها
خالد خق عليها وعطاها ذيك النظره اطلق بها سهام الحب اللي اصابت قلوب المحبين اما ساره راحت ملح على زينه وعلى رزته..وكانت بداية مايسمونه بالحب......بعدها
هو راح وهي بقت متسمره في مكانها
ميرهان :ياويلي سوسو شفيها تأخرت لايكون ضيعت خلني اروح اشوفها
هنا شموخ قالت لسيلين وش رايك نروح نشوف العيال وهم يلعبون كوره<<قصدها بالطريق نقز
سيلين مستانسه:الله كوووره اجل اخوي ندووور اكيد بيلعب معهم
شموخ:انتي بس عندك اخو واحد؟؟<<يللا ماضبط فيصل نحول لاخوك
سيلين:الا عندي فارس بعد بس ماجا اليوم
شموخ:اهاااا
اما عند ميما
ميرهان:سوسو انتي هنا وش بلاك طولتي الله يهداك
ساره باءرتباك:هااه..لاابد بس كنت عطشاانه
ميرهان بمزح:ماشاء الله خلصتي ماي البيت كله.....طيب شفيك مختبصه احد من العيال دخل عليك بالغلط؟؟
ساره :لالالا مين قال وبدهاء:فيه عيال هنا اصلا
ميرهان:لابس اخوي خالد قالي تعالي كل شوي المطبخ يمكن نحتاج شي ...وتعرفين الشغالات يكونون فوق
ساره بقلبها:واااو بعد اسمه خالد وه يالبى قلبه<<تمون الاخت
ميرهان:امشي خل نروح برآآ البنات شكلهم طلعوا يتابعون المباراه
عند الحريم
ام فيصل:وش رايك ياام فارس تجون معنا الاسبوع الجاي للمزرعه؟؟صراحه القعده معكم ماتنمل وده الواحد لويشوفكم كل يوم وبعدين هناك ونااسه وبيستانسون العيال
ام فارس:انشاء الله انا بكلم ابوفارس
الجد هيفا:لاياحبيّبتي فايز بيوافق وانا اللي بغصبه
ام فارس:ههههه انتي تآمرين امر ياخالتي
اما عند الشباب
نادر+سعيد +خالد<<هذول فريق
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك