رواية ورود الامل برائحة الالم -47
سكرت الباب وحرك عصام وطلع ،، العنود لفت وناظرت القصر (لا مو موجود ألحين بأحضان الصين) تنهدت ودخلت القصر وهي تصرخ بداخلها (خــلااااص خــلااااص ياالعنود انسيــه)
عبير استقبلتها ببشاشه كعادتها:ياهلا ياهلا تو مانور البيت
العنود ابتسمت:منور بأهله
حضنوا بعض بقووووه لأنهم كانوا مشتاقين لبعض بعدها فصخت العنود عبايتها وعلى طول طلعوا لغرفة عبير عشان ينبسطون ويسولفون براحتهم
العنود رمت نفسها عالسرير:يااااه اشتقت لغرفتك من زمان عنها
عبير جلست بجنبها وقالت بابتسامه حزينه:تذكرين أيام مراهقتنا
العنود بنفس الإبتسامه:وهذي أيام تنسي
عبير:آآآه ياليتها ترجع صحيح كنا طايشين بس كانت لها نكهه خاصه كانت أيام تمرد
العنود:إيه والله كنا نسوي أشياء ومانهتم بنتائج أهم نوسع صدرنا
عبير:أيام ماكنا نلعب بالتلفون ونطلع للشارع بدون عبايه
العنود:هههههههههههه استغفرالله ياربي
عبير:جد كانت مغامرات
العنود:ولا أيام ماجربنا السجاير
عبير:يووو الله لايعيد ذاك اليوم مادري شلون يدخنون؟؟
العنود تذكرت شكل عبير وهي تمسك السيجاره وهي تنفض خايفه وانفجرت ضحك:ههههههههههههههه
عبير عرفت ليه ضحكت:حلو إشباع الفضول ههههههه
>>كانت من أجمل أوقاتهم
إنهم يتذكرون مراهقتهم صحيح
بعضكم يقول مرض وش
يحسون فيه؟؟ لكنهم كانوا
عايشين المراهقه على
أصولها وأنا اعتبر اللي ماتمرد
وغامر وتهنا بمراهقته ماعاش
حياته صح<<
رؤى طلعت من غرفتها بتروح لأمها مشتاقتلها ومشتاقه تسولف معها ،، طلعت متوجه لجناح أمها لكن صوت الضحك العالي اللي جاي من جناح عبير شدها ووقفها ، غبطت عبير على حياتها وسعة صدرها وصداقتها للعنود القووويه وماحست بنفسها إلا تطق الباب وتدخل:...
العنود وعبير كانوا متمددين على السرير ويضحكون ، التفتوا وشافوا رؤى واختفت ضحكتهم وأكبر علامة تعجب فوق راسهم رؤى المغروره جايه لحد عندهم:!!!!!!
العنود وقفت وابتسمت ومدت إيدها:هلا رؤى
رؤى بدون أي تعابير صافحتها (العنود!!ياما هزأتها وحطمتها وتشمتت فيها لكن هذي هي تبتسم لها ولا كأني غلطت عليها):...
العنود مافهمت معنى نظرتها لكنها قالت أحسن من نظرة الإحتقار اللي عودتني عليها ، فكت إيدها ورجعت تجلس:...
عبير بابتسامه:تعالي رؤى حياك
رؤى ناظرتها عبير أختها الصغيره وحبيبتها اللي ماقد عاملتها في يوم كأخت كبيره بالعكس كانت تعاملها بغرور ولما صارحتها ونصحتها قابلتها بالضرب والشتم وماعاد حاكتها بعدها ، جلست بهدوء:..
العنود+عبير استغربوا حالتها المفهيه لكن ماحبوا يضايقونها يمكن مشتاقه لعواد:..
رجعوا يسولفون بس برسميه شوي لأنهم يعرفون طبيعة رؤى
رؤى كانت معاهم ومو معاهم كان بالها مشغول وتناظر الإبتسامه على شفاهم وتسمع ضحكتهم العاليه وتفكر من متى ضحكت مثلهم؟؟وابتسمت مثل ابتسامتهم؟؟وحبت وحده من صديقاتها مثل حبهم لبعض؟؟
ماحست بنفسها إلا والعنود واقفه قدامها بعبايتها وماده إيدها ،، رؤى بدون أي تعابير صافحتها:..
العنود:نشوفك على خير وطلعت مع عبير
وصلوا عند الباب وقالت العنود:شفيها رؤى؟؟
عبير قوست شفتها ورفعت كتفها:علمي علمك_باستها_يلا مع السلامه بألحق عليها قبل تدخل غرفتها
العنود:أوكي ردي خبر
عبير طلعت تركض:أوكي
العنود أرسلت لها بوسه وطلعت وركبت السياره وحرك عصام
فــوق وماأدراك مافوق
رؤى طلعت من غرفة عبير بترجع لغرفتها ،، عبير نادتها:رؤى
رؤى التفتت لها:...
عبير جاتها تركض:رؤى شفيك اليوم مو على بعضك؟؟
رؤى:..
عبير بشك:عواد فيه شي؟؟
رؤى همست بألم:عواد!!
عبير:إيه عواد
رؤى لمعت عيونها وحركت راسها بالنفي ولفت:..
عبير مسكتها:رؤى
رؤى ناظرتها:..
عبير:احكي شفيك؟؟
رؤى سحبت إيدها وهي ماسكه دموعها بالقوه:عبير أرجوك اتركيني
عبير تركتها:أوكي بأتركك لكن إلى متى؟؟
رؤى:...
عبير:لازم تعرفين شي واحد_أشرت بإيديها عالقصر_شايفه هالقصر كللله أبيعه واسكن بعشه إذا كان سبب في غروري وغضب ربي أو زعل زوجي أو نفور الناس مني
رؤى حكي عبير جاها عالجرح ، غطت وجهها وبكت:..
عبير:شفتي ابن أدم ضعيف قدام ربه احكي شفيك؟؟
رؤى نفسها تحكي بس تحس إنه إهانه ، حركت راسها بالنفي:خلاص عبير اتركيني
عبير حضنتها بقووه ورؤى بكت على صدرها ،، بعد فتره قالت عبير:وألحين بتحكين؟؟
رؤى:أنا أنا أنا...
عبير جلستها ومدت لها كاس مويه وشربت رؤى منه رشفه بعدها رجعته وهمست:حبيته ياعبير حبيت عواد
عبير:طيب حلو
رؤى:لا موحلو أنا أخاف_شهقت بالبكي_أخاف أفقده بكره أو يطلقني مو بصالحي إني أحبه
عبير:وليه ماتقولين إنه بصالحك لأن حبه فتح عيونك لأشياء انتي كنتي تجهلينها أو تتجاهلينها بالأصح؟؟
رؤى:...
عبير:ما يحتاج أنبش وأرجع الماضي وأبين لك غلطك لأنك تعرفينه بس أنا بأقولك بعد ماعرفتي غلطك ، غيري من حياتك وابدي صفحه جديده مع العالم والناس ومع عواد وأهله_شددت عليها_
رؤى:بس هو راح وهو زعلان مني!!حتى ماودعته ولا حاكيته!!
عبير بصدمه:ما حاكيتيه؟؟
رؤى حركت راسها:..
عبير:من سافر؟؟
رؤى:إيه
عبير:لا كذا مايصير لازم تحاكينه ألحين
رؤى:بس شقوله؟؟
عبير ماقالت اعتذري منه لأنها ماراح تعتذر لو تموت:حاكيه عادي عشان تلينين قلبه
رؤى رفعت الجوال بس على طول نزلته وهي تحرك راسها:ما قدر .. ما قدر
عبير:إلا تقدرين
رؤى:طيب الوقت متأخر
عبير ناظرت ساعتها:لا ألحين عندهم أول الصباح وقت مناسب
رؤى:..
عبير:يلاااا
رؤى مسحت دموعها وسحبت نفس تخفف توترها واتصلت......
عــواد كان جالس على سريره يفكر في رؤى ، قطع عليه تفكيره رنين جواله ناظر الشاشه
معذبتني
يتصل بك
فرك عيونه وناظر يتأكد مو مصدق إنها متصله ، فكر مايرد لكنه أخر شي رد ماهانت عليه:...
رؤى تحس إنها أول مره تحاكيه متوتره وخايفه:السلام عليكم
عواد تفتحت الدنيا بوجهه اشتاق لها مووت واشتاق لصوتها:وعليكم السلام
رؤى هنا دق قلبها وارتفع تنفسها وسكتت:..
عبير تأشر لها بإيدها وتحرك شفايفها بدون صوت:قولي كيفك؟؟
رؤى:كيفك؟؟
عواد:تمام
رؤى تعيد ورا عبير:كيف الصين؟؟
عواد:ماعليها
رؤى:كيف الشغل؟؟ماشي كويس؟؟
عواد:الحمدلله
عبير تأشر لها اسكتي وسكتت:..
عواد حس على نفسه:انتي كيفك؟؟
رؤى بدون ماتحس قالت:مشتاقه
عواد تفجرت كل مشاعر الحب عنده وعرق بخده انشد:..
رؤى انتبهت لنفسها وحمر وجهها لأنها قدام عبير:..
عبير بإستهبال حطت إيدها على قلبها ومثلت إن مغمى عليها:..
رؤى كاتمه ضحكتها:..
عواد ماقدر يتحمل يحس هالكلمه طفت النار اللي بصدره وكسرت الزعل:وأنا أكثر والله وربي اشتقت لك
رؤى حمر وجهها:...
عبير عرفت إنه مدحها والقلوب صفت وتطمنت أشرت بإيدها بمعنى (مالت عليك)
عواد:ألو رؤى
رؤى:معاك
عواد وكأنه أول مره يحاكيها:كيف خالتي؟؟والسعوديه؟؟
رؤى تبغى جرأتها ترجع لها لكن ماقدرت تحس إنها توها ألحين متزوجته:الحمدلله يسلمون عليك
عواد:الله يسلمك
رؤى:أوكي ماأطول عليك مع السلامه
عواد بخيبه:مع السلامه
سكرت منه وزفرت وحطت إيدها على قلبها:أحبه
عبير:ههههه كان قلتيها لما حاكيتيه
رؤى مدت إيدها:شوفي_إيدها كانت ترجف بشكل واضح_
عبير:أوه لهدرجه!!
رؤى:مادري تلخبطت حسيت إني أول مره أحاكيه
عبير:شي طبيعي لأنك بس توك عرفتي إنك تحبيه أول كنتي تتعاملين معه كزوج لك عليه حقوق وله عليك حقوق وبس لكن ألحين حبيته وعرفتي قيمته
رؤى:تتوقعين شيفكر فيه لما سكر مني؟؟
عبير بإستهبال:يفكر في رؤى تحبني ماتحبني تحبني ماتحبني
رؤى:ههههههههه
عبير:ههههههه
رؤى ابتسمت:مشكوره عبير وربي ريحتني كثييير وألحين عرفت إني مخدوعه بنفسي ومنصبي وإن اللي بيبقى لي رضا ربي ثم حب الناس لي
عبير ماتحب هالحكي تستحي منه فصفقت تضيع الموضوع:مزبوط حفظتي الدرس زين
رؤى:ههههههه
عبير بحماس:أحكي لي عن الزواج وكيف شعورك وانتي زوجه؟؟
رؤى:اممم أول شي................
وبدوا يسولفون وهم مبسوطين ويضحكون إلى الصباح
الـيــوم الثــانــي
فــي النمســا
فــارس وســارهـ راكبين (التلفريك) العربات المعلقه بين جبال النمسا البيضا من الثلج اللي مغطيها
وقفت العربه ونزل فارس ومسك إيد سارهـ ونزلت ،، فارس:هاه وين نفسك تتعشين؟؟
ساره:والله شبعانه بعد الكوفي والدونات
فارس:والله حتى أنا شبعان
ساره ابتسمت:خلاص أجل نرجع للفندق
فارس لف إيده على أكتافها ومشى معها:أوكي
فــي الفنــدق
ساره دخلت غرفتهم وفارس رمى بنفسه عالكنبه ،، سارهـ لبست قميص نوم وردي لحد ركبتها وجوبنيز لكن فتحة صدرهـ كبيرهـ شويه شويتين ، فكت شعرها وحطت لها روج وردي فاتح ومسكرا وتعطرت بعطرها شانيل ٥ ورتبت شعرها ولبست صندلها وطلعت وجلست بجنب فارس
فارس اعتدل بجلسته وابتسم لها بتوتر وهو يقاوم دقات قلبه اللي ارتفعت بسبب ريحة عطرها أكثر شي يشده بالجنس الناعم ريحة العطر الأنوثي أكثر من أي شي ثاني:..
ساره ناظرت البلازما:شتناظر؟؟
فارس نسى وش كان يناظر من التوتر قال بينه وبين نفسه فرصه أطلب منها ألحين ، قرب منها وقال بشاعريه:واللي يشوف حلاك يناظر غيرك
ساره حمر وجهها من الخجل:..
فارس وهو يمرر إيده على نحرها:قلبو شرايك ننام؟؟
ساره:..
فارس وقف ومد إيده لها وساره بدورها مسكتها ومشت معه ودخلوا الغرفه وتششششششششش
مشفـــر {^_*}
بيــت غيــداء
غيــداء كانت جالسه في غرفتها وتقرا ديوان شعر للشاعر الأمير عبدالرحمن بن مساعد ، صارت تحب الشعر خاصه أشعار الغزل والحب من بعد طلاقها حتى إنها صارت تكتب أبيات بسيطه
بندر ولد أخوها خالد جا يركض:غدو بابا يبغاك
غيداء ناظرته:وين؟؟
بندر:بالمكتب
غيداء:أوكي جايه
طلع بندر ولبست غيداء شبشبها ونزلت لأخوها خالد ، طقت الباب:طق طق
خالد:تفضلي
دخلت:ناديتني؟؟
خالد فصخ نظارته الطبيه وأشر لها تجلس:إيه تعالي
غيداء جلست:سم
خالد:سم الله عدوك_جمع إيديه عالمكتب_غيداء انتي عارفه إنك ماشا الله بنت_شدد عليها_جمال وأخلاق ودين وطلاقك من الوليد ماينقص منك شي
غيداء بلعت ريقها:...
خالد يكمل:عشان كذا انتي جايك خطاب
غيداء اتسعت عيونها من الصدمه (أنا أتزوج غير الوليد):...
خالد:إيه شفيك مصدومه؟؟تقدم لك فيصل زميلك
غيداء بصدمه أكبر:فيصل!!
خالد:أبغاك تفكرين وتدرسين الموضوع من كافة النواحي وانتي في الأول والأخير بنت مصيرها بيت زوجها
غيداء تحس أفكارها تشتت قالت بتيهان:أفكر في الموضوع
خالد:خذي راحتك
غيداء طلعت بسرعه لغرفتها ودموعها على خدها وحكي خالد يتردد ببالها (بنت ..... وطلاقك من الوليد ماينقص منك شي ..... تقدم لك فيصل ...... وانتي في الأول والأخير بنت مصيرها بيت زوجها)
قفلت باب الغرفه وجلست بنفسها عالسرير وهي مصدومه كان عندها إحساس إن الوليد راح يرجع لها ويتزوجها لكن حكي خالد ينافي هذا الشي (أتزوج فيصل!!والوليد؟؟يعني ماراح يرجع لي خلاص راح)همست:راح
حطت إيدها على فمها تمنع شهقتها (ما راح يرجع لي مره ثانيه!!) رمت بنفسها على السرير وانفجرت ببكي ونحيب عالي إلى إن غلبها النوم ونااااامت
الـيــوم الثانــي
الصيــن
الوليد وعواد ومهند في المطعم
الوليد حاط إيدهـ على خدهـ شبع بس عواد ومهند ماشبعوا
عواد ياكل بذمه ومهند ياكل على فترات (بالتقسيط)
الوليد تأفف:حشى كل ذا أكل!!خلاص عاد ماصارت
عواد ناظره ورجع ناظره صحنه:والله محد قالك اجلس انتظرنا اذلف (انقلع أو رح لكن بنفخه)
الوليد وقف:أوكي بأروح مع السايق وشوفوا من يرجعكم
عواد تذكر إنهم في الصين ، مسكه:لا لا خلاص دقايق بس
الوليد جلس:خمس دقايق بس
عواد أكل شوي يمشي رايه بس بعدها وقف:يلا
الوليد ناظرهـ بحقد ورجع ناظر مهند:هاه مهند خلصت؟؟
مهند وقف:إيه مخلص من زمان
الوليد ناظر المشوي اللي طلبه ونصه ماأكل:هذا أكل وإلا نقر عصفور<<ههههه دايم أمي تقولي هالجمله
مهند:الحمدلله شبعت
الوليد زفر:يلا
ركبوا السياره وهم ساكتين وطفشانين ،، عواد نفسه يتصل برؤى بس فيه شي يمنعه:...
الوليد يبغى يسولف بأي طريقه لأنه مل من السكوت:زيد خطب ووافقوا وملكته وزواجه بعد شهر
عواد:أوب ليه زواج وملكه بيوم؟؟
الوليد:مادري زيد ظروفه ماتسمح له يسوي ملكه كبيره وقال زواج وملكه بيوم
عواد:امم ماشا الله واصله لك الأخبار!!
الوليد:إيه أول بأول
عواد تنهد:الله يوفقه ماراح تحضرون زواجه؟؟
الوليد:والله كان ودي بس ماقدر بأبارك له بالجوال وأعتذر عن الحضور
مهند كان يسمعهم لكن ماكان يناظرهم يناظر الشارع من الشباك:...
عواد:وأنت مهند؟؟
الوليد سبقه بالرد:لا مستحيل يقطع جلساته
مهند ناظره:صادق بأبارك له بالجوال
عواد ناظر برا:أنا شهر وراجع للسعوديه وبأحضر زواجه
الوليد نفسه يجلس معه عواد:مو أنت تقول شهرين!!
عواد:بأحضر زواج زيد واشتقت للسعوديه_صرخ_يالبيه ياالسعوديه اشتقت لها
مهند ابتسم بهدوء:اشتقت لها وإلا اشتقت لأهلها؟؟
عواد أشر باصابعه:اثنينهم آه ماتوقعت إن باشتاق لها هالكثر
(عواد من بعد مكالمة رؤى اشتاق يرجع عشانهم تراضوا وصفت نفوسهم)
وصلوا للفندق وكل واحد توجه لغرفته بينام ،، عواد ماقدر يصبر رفع الجوال واتصل برؤى.............
الريــاض
وعند رؤى كانت جالسه مع أمها وعبير وشيخه يسولفون ، رن جوالها
أسيرة غرامه
يتصل بك
دق قلبها وارتبكت وناظرت عبير:هذا عواد
عبير:طيب ردي
رؤى:هاه إيه بأرد_قامت وطلعت_آلو
عواد ابتسم:السلام عليكم
رؤى:وعليكم السلام
عواد ببشاشه:كيف قلبي اليوم؟؟
رؤى حمر وجهها وقالت بصوت واطي:الحمدلله
عواد ملاحظ أسلوبها تغير صايره تستحي:رؤوو حياتي فيك شي؟؟
رؤى تجمعت الدموع في عيونها وقالت بصوت مرتجف:اشتقت لك وبكت
عواد وهو مستغرب تغيرها المفاجئ:له له له ليه الدموع؟؟قلبي رؤو اصبري كلها شهر وراجع
رؤى بفرحه:جد شهر بس!!
عواد ابتسم:إيه ماقدر أتحمل أكثر من كذا_بشاعريه_بعدك عذابي
رؤى خلاص ساحت اختفت بملابسها من الحياء:...
عواد:رؤو شفيك؟؟
رؤى تتمنى جرأتها ترجع لها بس هاللحظه:معاك
عواد:كويس على بالي مع الأسف
رؤى انفجرت ضحك ماتضحك لكن تحس برغبه شديده بالضحك:هههههههههههههه
عواد يجاريها:ههههههههههه
الوليد طلع من غرفته عشان ياكل شي لأنه مات من الجوع (ما لقاها إلا عواد أكل من هالعشا إلى أن قال بس اهب) ،، فتح الثلاجه وكانت كلها شوكولاتات و مشروبات غازيه وهالخرابيط ،، طلع له سلطة فواكه وعصير فريش وجلس بياكل لكن عينه طاحت على باب غرفة عواد وكانت اللمبه مشغله ،، طق بلسانه (هالعواد يسهر وإذا جا الصباح نام) مشى لغرفة عواد وسمع صوت ضحكاته ،، ابتسم بخبث وطق الباب بعنف:عويد نام وصمخ
عواد كان خاق ونقز من الروعه:باسم الله_صرخ_وصمخه في اذنك إن شا الله خير؟؟
الوليد:هههههه نام ولا تحكي كثير بعدين شيرجعك للسعوديه
عواد فهم قصده ومسك ضحكته:على تبن واذلف مابقى إلا العوانس يحكون في هالأمور عيب
الوليد ضحك وراح ،، عواد رجع لرؤى:معليش قلبي ولود هالنشبه غيران شكنا نقول؟؟
رؤى:لا روح نام أكيد وراك قومه الصباح
عواد:لا عادي بأسولف معك شوي
رؤى بدلع:وإذا قلت عشان رؤو؟؟
عواد:آخخ تعرفين نقطة ضعفي
رؤى:خلاص لاحق عالسوالف تصبح على خير
عواد:وانتي من أهله ياعمري
رؤى:مع السلامه
عواد:مع السلامه
سكر منها وناظر الشاشه وهو مبتسم ، تنهد:شسويتي فيني يابنت عبدالله؟؟
تمدد على السرير وهو يفكر في رؤى وسر تغيرها وهو متفائل بهالتغير لكن ليه تغيرت بهالسرعه؟؟وكيف؟؟ ،، أوه بكيفها أهم شي إنها تغيرت ونام وهو مبتسم
الـبــارت الحــادي والعشــرون
صبــاح جديــد ومكــان جديــد فــي روايتنــا
محكمــة الريــاض
القاضي جالس بهيبته بين مستشاريه يناقش معهم أهم أمر في دينا الحنيف (العدل) ،، القاضي ضرب بالمطرقه:تطبيقا لأمر الله تعالى القائل في كتابه:{الزانية والزاني فاجلدوا كل واحد منهما مائة جلده ولا تأخذكم بهما رأفه في دين الله إن كنتم تؤمنون بالله واليوم الأخر وليشهد عذابهما طائفة من المؤمنين}_النور_وحد الزاني إذا كان محصنا الرجم حتى الموت وقد ثبت ذلك بأدله كثيره منها حديث عمر_رضي الله عنه_أنه قال:(إن الله بعث محمدا بالحق وأنزل عليه الكتاب ، فكان مما أنزل الله أية الرجم فقرأناها وعقلناها و وعيناها ، ورجم رسول الله ورجمنا بعده)متفق عليه وحديث أبي هريره وزيد بن خالد رضي الله عنهما وفيه:قال النبي_صلى الله عليه وسلم:(واغد ياأنيس إلى امرأة هذا فإن اعترفت فارجمها)
وبهذا فقد حكمت المحكمه على كل من:
راشد حجاج المحموقي (أبو صافي)
عبدالخالق حجاج المحموقي (أبو حمد)
حسن حجاج المحموقي (أبو فراس)
بالرجم حتى الموت
:لاااااااااااااااااااااااااااااااااااااااااا
صرخات تعالت في أرجاء المحكمه من أبو صافي وأبو فراس وأبو حمد وأهاليهم من بعد سماع الحكم ، لكن للأسف ما كانت صرخات ندم كانت صرخات معارضه من أبوحمد وأبو صافي وأبو فراس وسب وشتم وقح للقاضي
>>هذي نتيجة نزع الإيمان من القلب<<
لميــاء وماأدراك مالمياء كانت حاضره الجلسه ودموعها مغطيه وجهها المكشوف وصاير أحمممر وأول ماسمعت حكم القاضي أطلقت صرخه وأغمى عليها
أم صافي حطت إيدها على فمها زوجها بيرجم إلى أن يموت بعقوبة زنا شي عمرها مافكرت حتى إنه يحصل ، التفتت للمياء اللي أغمى عليها وصرخت:لميــااااااء
رفعتها عن الأرض وهزتها وهي تصرخ باسمها لكن لمياء كانت فاقده الوعي
:يا#### يا#### الله يلــ#### واللي جمعكم يا####
صراخ أبوصافي وكلماته الوقحه كانت ماليه المكان وهو يتفلت من الشرطي اللي يجره للزنزانه حتى وقت تنفيذ الحكم
أم صافي تركت لمياء وركضت له وأمسكت الحاجز الحديدي وقالت بحرقه ودموعها على خدها:جعلك في جهنم كانك حطمت مستقبلي ومستقبل عيالي ، جعلك في جهنم ومن عذاب لعذاب كانك دمرت مستقبل بناتك وأولادك_أشرت على لمياء المغمى عليها ورزان المنهاره_من بيرضى فيهم وفي نسبهم بعد اللي سويتيه؟؟صافي من بترضى فيه؟؟وافي شقوله إذا سألني عنك؟؟ياما نصحتك يابو صافي بس مافاد فيك ، روح جهنم الحمرا تحرقك إن شا الله
كانت تحكي وتصرخ وهي تشهق وعبراتها تسبق كلماتها ، أبو صافي عمره ماكان أب أو زوج أو حتى أخ لها أو لعيالها تركهم عليها وهي تركتهم عالشغالات والمربيات وهذي أخر اللعب ، ندمت قد شعر راسها على اليوم اللي انخطبت فيه ووافقت عليه تمنت الموت ولا إنها توقف هالموقف
أبو صافي يا#### مايهزك ريح ماأثر فيه الموقف ولا حرك شعره من راسه ، ودخل الزنزانه وهو يصرخ ويسب
أم صافي رشت على لمياء مويه وصحتها وساعدتها في الوقوف وطلعت مع بناتها وهم يبكون ويجرون رجليهم ومنهارين
أبو صافي أول مادخل الزنزانه وتسكر الباب بدا يرجف الباب الحديدي برجله ويصرخ بكلمات وقحه إلى أن بح صوته ومحد معطيه وجهه وجلس عالأرض وهو يزفر من القهر والعصبيه والحقد على مهند وياسر
>>وبكذا نكون عرفنا النهايه لثلاث شخصيات كرهتوها وتمنيتوا لها مثل هالنهايه ، لكن باقي شخصياتنا المحبوبه شبيصير عليهم؟؟بتكون نهايتهم مثل مانتمنى كلنا وأنا أولكم؟؟وإلا شي ثاني؟؟لا نستعجل كل شي بوقته حلو<<
زيــد جالس في غرفته الجديدهـ ويفكر في خطبته وفي رنا ، كانت حلوه وبيضا ورشيقه على عكس العنود ماكانت مره حلوه عاديه جدا وبشرتها سمرا ودبدوبه وقصيره (لــكــن) القلب ماملكه غير العنود تذكر أخر جلسه لهم بعد ماطلعوا من المحكمه وهم رابحين القضيه<<الله يستر من هالبارت اللي كله محاكم وقضايا
((زيد بفرح:الحمدلله يارب كسبنا القضيه_مسك إيديها وقال بفرح_مومصدق ياعنودي مومصدق إنا افتكينا من هالقضيه ورجعنا لبعض فرحان ياالعنود فرحان_صرخ_فــرحــان
العنود تضحك على هباله:هههههه
زيد:شفيك تضحكين؟؟أقولك فرحان
العنود ابتسمت:حتى أنا فرحانه صدقني))
زيد غمض عيونه وعض شفايفه ودموعه نزلت:كذابه كذابه كنت مخدوع فيك
طلع ورقه وكتب
..ياكثــر ما أغرقــت نفســي فــي بحــور أوهامهــا
وياكثــر ماضعــت بيــن أوهامهــا وهمومهــا
ماجــداي الا أحلــى منــي واقفـ(ن) قدامهــا
وأتخيلهــا تعاتبنــي وأروح ألومهــا
يانديــم الجــرح خلــك مــن علــوم أيامهــا
مابقــى فــي القلب رغبــه يلتفــت لعلومهــا
والرسالــه ردهــا للــي زمنهــا ظامهــا
وقلهــا كلمــه وتفهمهــا حســب مفهومهــا
والله ان آقــص كفــي قبــل أدق أرقامهــا
والله أن أشيــل قلبــي قبــل أشيــل همومهــا..
تنهد ورفع العود وبدا يدق بنبره حزنيه وهو يحاول إنه يلحن الأبيات ويغنيها..
تركي نزل من السياره وإيديه محمله بأكياس كثييير وعلى شفته ابتسامه عريضه
بــدور كانت جالسه عالسرير بالجينز السماوي والتيشيرت الفوشي ورافعه شعرها وحاطه روج فوشي صارخ ومسكرا وبلاشر ،، انفتح الباب وركضت له وهي مبتسمه فرحانه
تركي ابتسم لها ومد إيدهـ:كل عام وانتي بألف خير
بدور شهقت من الفرحه:ما نسيت
تركي حرك إيده بمعنى لا تفشليني:وكيف أنسى؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك