رواية فمان الله يا غالي -46
كويس...بعد هيصة امس مالها خلق تداوم
شافت امها وهي بآخر درجه:صبــــآآح الخيــــر يمــــه..
ام سلطان ومستغربه:هلا بنيتي صبـــاح النور...غريبه صاحيه؟؟
خلود وهي تروح لجدتها وتبوسها براسها:شلونك يمه صبحك الله بالخير..
شيخه ترد:هلا صبحك الله بالنور والسرور
لفت خلود على امها..:حلمت حلم مو زين وقمت مفزوعه من نومي
شيخه:بلاك ماتقرين المعوذات قبل تنامين ولا ما تفزعين
خلود بضيقه:تبين الصدق يمــه امس ما قرأتها
ام سلطان:يله انشالله خير
خلود وهي تتنهد:ربي يسمع منك يمــه
جلســـــت مع جدتها وامها وافطـــــروا..
بعــــدهـــــآآ طلعت وفتحت المسن..طلعت عيونها وهي تشوف لميس متصله
خلود:غريييييييييييييبه مو مداومه وصاااحيه لهالوقت
لميس:هلا بالعرووووس...والله يالغلا مواصله مانمت..وقلت مابداوم بعد دجة امس
خلود عصبت: عروس بعينك وجع...وبعدين ليه مواصله لو درى عنك عمي لعن خامسك
لميس:ادري بس ما جاني نوم واساسا مايدري اني غايبه..وبعدين وشفيك عصبتي؟؟
خلود ومن جد تنرفزت:من كلمتك..وشو عروسه؟؟
لميس:مو انتي امس قايلة لي انك احتمال توافقين؟؟
خلود:اي...إحتمال قلت...مو وافقت...ترى تفرق!!
لميس:يؤيؤ...طيب خلاص آسفين
خلود:لموس..تدرين اني كلمته؟؟
لميسفيس مطلع عيونه) @_@....متى؟؟
خلود:امس..دقيت عليهم على اساس اكلم عهود ودانه وهو اللي رد علي
لموس شكيت انه عرفني
لميس:طيب؟؟؟..
خلود حكت للميس الموقف كله
لميس:لا لا معناها عرفك ما يبيلها كلام
خلود:مدري والله احس اني مره خايفه...تدرين من كثر تفكيري بالسالفه تحلمت فيه
لميس:الله يستر..طيب تتوقعين لو عرف شنو بيعمل؟؟
خلود:ما اعرف...ما اعرف...لموووس والله فيني بكوه
لميس: طيب فكرتي بموضوع خطوبتك؟؟
خلود:يعني...مدري والله...بس فيه شي بداخلي يقولي وافقي
لميس:إذا تحسين موافقتك ممكن تنسيك بنــدر وافقي
خلود:انتي تعرفين انه مافي بهالكون شي ينسيني بندر
لميس:الله يكون بعونك..إلا شخباره محمد؟؟
خلود:بخير...ابشرك صار يداوم بالشركه بشكل رسمي
لميس:الله يوفقه ويكون بعونه(فيس منحرج)
خلود:اممممممممممم شرايك تجيني اليوم؟؟
لميس:لا انتي تعاليلي
خلود:ما اقدر احتمال جمجوووم تجينا بالعصريه
لميس:إلا على طاري جمانه...امس تجننت لما شفت بطنها وتقولي انها بالشهر الرابع وبتدخل الخامس
خلود:إيه بالرابع
لميس:ما اصدق مسرع
خلود:هي حملت ببداية زواجها يعني يمديها..يعني كلها 5 شهور وانا عمه
لميس:يعععع اكره البرزران
خلود:لا بالعـــكس ياحلاتهم
لميس:اقول خوخه انا شوي وبيطب راسي بالكيبوووورد..فيني نوووووووم
خلود:اجل اتركك الحين نوووووم العوافي قلبووو سلمي على فروحه
لميس:انشاااالله فروحه طلعت مع امي السوق تكمل مقاضي الزواج..يقولون احتمال زواجها بعد شهرين
خلود:ههههههه الله يعينها...يلا روحي نامي وإذا صحيتي اكشخي وتعالي اسهري عندي
لميس:طيب..يلااااا باااااي يا..........................عروس
وطلعت من المسن قبل لا تلعنها خلود
الســــــــــــــــــــــــــــــــــــــــــآآعه 9...بنــــدر بالطـــآآآئره...
كلها يوم بيكون عند خلود..
تنهد وهو يتذكر شكثر كانت قريبه منه وهو مو داري...
اشتااااق لها.....اشتاق لصوتها.....ولشوفتها...
جلس يحاول يتذكر ملامحها..
بشره بيضاء صافيه
عيون عسليه واسعه
رموش طويله وكثيفه
شعر بني غامق طوله متوسط
طولها تقريبا 163 يعني قصيره شوي بالنسبه لبندر اللي يوصل طوله 175
حواجبها مرسومه ومرفوعه تعطي نظرتها قوه وحده
فمها صغير وشفايفها مليانه بلون وردي
آخر مره شافها فيها كانت نحفانه..وشكلها غير عن اول مره تقابلوا
صوتها ناعم وضحكتها مميزه وعاليه..
بعكس صوتها لما تبكي وتتضايق..
لما تنخنق يروح صوتها يصير ممزوج ببحه ويعلى
وصوت بكاها ما ينسمع
هذي حبيبته اللي يعشقهـــاآ
يعشق خوفها عليه اللي ماتحب تظهره
يعشق شوقها ولهفتها عليه لما يغيب
يعشق نبرة صوتها اللي تريحه لما يتضايق
يعشقها لما تواسيه وتخفف عليه
لما تمسك بيده وتقومه إذا تعثر
لما توقف معاه بكل محناااته
يعشق صدقهآ وبراءتها وشفافية روحها
وببســـاطه يعشــــــق فيهـــا كبريآآءها وحبــــهاآآ له
قطع عليه حبل افكاره صوت كابتن الطائره وهو يطلب منهم ربط الاحزمه
اقلعت الطــــآآآئره وهو غط بنومه عمييييييييييييييقه لأانه مااانام من فترهـ
رجع من الدوام وهي مقفله معاه...
دخل البيت يبي يتغدى ويناااااااااااااااااام...الحياه من بعد اخوه ممله:لميــــــــــــس..!!.....فـــــرح!!
طلعت له ام عبد الله:خواتك نايمين...شبغيت
ماجد ويرمي نفسه عالكنبه:ابي اتغدى هلكاااااااااااااااان
ام عبد الله:يحق لك منت متعود على الشغل...بس اخوك اللي نكرف بعد قلبي والله
ماجد:يمه واللي يعافيك اجلي هالحكي بعدين...اخوي تزوج وبشهر العسل وانا الحين اكرف
ام عبد الله بحده:بقول حق الخدامه تجهز لك غدا...وينه ابوك؟؟
ماجد:ابوي راح بيت عمي بو سلطان بيتغدا هناك...قالي ابلغك
ام عبدالله:وانت ما قصدك بتقولي لو ما سالتك
ماجد مزفت:اففففففففففففففف يمه شفيك علي اليوم...!!
وقف وطلع الدرج:بنااااام لاحد يقومني
ام عبد الله ومستغربه:والغدا؟؟؟
ماجد:بالعافيه عليكم
طرااااااااخ قفل باب غرفته..
ام عبدالله.."وش فيه كأني ذابحتله احد....الله يهديك ياولدي"
دخل الغرفه وقفل الباب باقوى ماعنده....اعصابه هالأيام تلفااااانه..
من جهه زواج عبد الله اخوه اللي كان بالنسبه له توأمه
ومن جهه دوامه بالشركه اللي غصب عنه....هو وش يفهمه بهالأشياء...هالشياب ماتدري وش يبون
اففففففففففففففففففففففف
شال ثوبه وشماغه بتعب ورمى نفسه على سريره يبي ينام...
دق باب غرفته..
صرخ باعلى صوت:قلت مااااااااااااااااااااا ابي اتغداااااا
دخل بدر بإبتسامته الهاديه: ومنو قالك تغدى؟؟
ماجد:بدروه ماني فاضي لهبالك وعباطتك..اطلع وقفل الباب وراك ابي انام!!
بدر:انا قايل فيه مصيبه صايره من شوي خبر تني الوالده انك مو على بعضك
دخل وقفل الباب وراه وجلس على طرف السرير
ماجد:مافيني شي تطمن وطمنها...بس تعبان من الشغل
بدر:عينك بعيني اشوف..؟؟
ماجد ناظره بصمت
بدر ومبتسم:يالبى العيون ياناس
ماجد مو رايق نهاائي:رووووووووووووح زيييين ياشينك
بدر:ههههههههههههههههههه ادري احرجتك (ويغمز له)
ماجد بعصبيه:تدل الباب ولا ادلك؟؟
بدر:ادله...بس بعد ماتخبرني شفيك؟؟....شكلك تحب...هالحاله تجي للي يحبوووون
ماجد جلس بعصبيه:اففففففففف انت قولي وش تبي؟؟...منو مسلطك عليك بهالقوايل؟؟
بدر:ابي اعرف وش ورا هالنفسيه الخايسه
ماجد:يااااااااااااااااخي كيفي انا واحد ما اعرف اروق كيفي!!
بدر:طيب براحتك..!!
وقف وجا بيطلع من الغرفه وقبل لا يطلع
ماجد بتعب وعينه بالأرض:شسويلها؟؟...مطنشتني لها 5 شهور
بدر لف وهو مبتسم:انا قايل ورا السالفه حب..
راح له وبإهتمام جلس عالكنبه: ليه مطنشتك؟؟
ماجد تنهد وهو يجلس:لاني عملت موقف بايخ معاها
بدر:ااهااااا وشنو الموقف..
ماجد حكى لبدر كل اللي صار بينه وبين دانه
بدر:تبي الصدق يحق لها
ماجد:ادري...يحق لها ماقلنا شي....بس انا اعتذرت لها اكثر من الف مره
دايم ادق عليها بس ابيها تسمعني ابيها تعرف شكثر تعنيلي بس ماترد
عجزت افهم شسويلها عشان ترضى!!....اليوم دقيت عليها وقفلت موبايلها
بدر ومراعي حالة اخوه:والله حاس فيك...طيب جربت تدق عليها من غير رقمك؟؟
ماجد وعجبته الفكره:شلون مافكرت فيــها!!!!!....ماعمري طرت ببالي هالفكره!!
راحت ابتسامته:بس اكيد لو شافته رقم من السعوديه بتعرف انه انا
بدر:وليه ما يكون فرح ولا لميس؟؟
ماجد:صح والله جبتهـــآآآ...باخذ موبايل وحده منهم واكلمها..
وبكيفها...اهم شي اقول اللي عندي وماتشيل علي
بدر وهو يوقف:بالتوفيــــق
ماجد قبل مايطلع بدر:مشكووووووور يا احلى اخ بالدنيا
نردها لك في الأفراح
بدر:ههههههههههه اي افراح بس
ماجد:إلا ماقلت لي كيف اختباراتك يا المحامي؟؟
بدر:لا ماعليك شاد حيلي...كل شي تمام
ماجد:الله يكون بعونك...يلا ضف وجهك خل انام
بدر:ما الومك...الشرهه على عبود اللي معلمك هالذوق والاخلاق
ماجد يصرخ لبدر اللي طلع:الدور جاي عليك يا استاذ
بدر:هههههههههههههههه الظاهر كذا
نوآف وهو ينهي المكالمه:قلعتك باللي مايحفظك
لف على فهد وهو مبتسم:ابشرك خلصت!!
فهد وهو يلعب بلايستيش ومعقد حواجبه:هذي آآآخر وحده متاكد؟؟
نواف وهو يمسح رقمها:إيه متأكد...لي 3 شهور وانا بس انهي علاقات وامسح ارقام
فهـــد:ماشالله عليك شكلك مو مبقي بنت بالرياض إلا مشبكها
نواف:ههههههههه والله اتوقع اني اعرف نصهم
فهد:الله يكون بعونها رهف مدري كيف بتتحملك
نواف:خلاص انا بكلم خالد والوالده وبخطبها انشالله قريب..وبعد سنه او سنتين بتزوجها
فهد:تتوقع مهند يرضى يزوجها وسمر باقي؟؟
نواف:انا بخطبها مؤقتها واذا مارضى عالاقل اضمن انها لي حتى تتزوج سمر
فهد لف بإهتمام:مدري ليه احس اني بخسرها
نواف بجديه:لو حطيتها براسك راح توصل لها حتى لو بعد ماتعاني وتخسر كثير
فهد ورجع يكمل لعبه:انشالله
حلا دخلت توها راجعه من المدرسه:سلام
لف عليها نواف:هلا وعليكم السلام
فهد ضرب راسه بخفه:يووووووه سوري حلوي نسيتك وما مريت عليك
حلا معصبه:مشكوووووور يا استاذ
فهد:مع منو جيتي؟؟
حلا:مع اخو صديقتي
نواف عصب:شاللي ركبك مع اخوها؟؟ليه مادقيتي علي وانا امرك؟؟
حلا:ما جا ببالي
نواف:بيجي ببالك إذا صار لك شي!!
حلا:اففففف نوافوه ترى مالي خلقك!!
نواف بحده:استاذه حلا تراني اخوك الكبير عدلي اسلوبك معاي
حلا ودمعت عيونها:انشالله يا......اخوي الكبير
وطلعت الدرج سييييييييييييييده على غرفتهاآ
من لما تغطت عن باسل وهي صايره حساسه بزياده وماتتحمل اي كلمه
دموعها على اتفه سبب تنزل
دخلت عندها آلاء:هاآآآآي
حلا وهي تشيل عبايتها:اهلين
آلاء:يؤ شفيك؟؟
حلا وهي تمسح دمعتها:مافيني شي
آلاء قربت منها وبخوف:لا جد شفيك؟؟
حلا بكت:نــ....ـو..آ..آ..آ..ف
آلاء:نواف مزعلك؟؟
حلا هزت راسها وبعدها انفجرت:اخوك هذا بس يعرف يتعامل برقه مع بنات خلق الله
نص البنات بمدرستي يعرفهم وكان يكلمهم....واسمعهم يحكون عنه...يعرف يدلع بنات خلق الله
بس انا وانتي لا...حنا مو بنات...الفروض لأن ماعندنا ابو يحن علينا يسال عننا
ولامره جا عندي وسالني عن احوالي عن دراستي..عن اللي مضايقني
مو مثل فهد وخالد...اوقات انسى ان عندي اخو بهالإسم....كرييييييييييه...اكرهه
انصدم وهو يسمع كلام اخته عنه.....كان ناوي من هاليوم يبدا حياه جديده مع الكل
حياه نظيفه ...مافيها بنات....مفيها سهر بآخر الليل وغيبه عن البيت
حياة جد....يهتم بشغله الجديد بالشركه...ويبدا يبني مستقبله عشان يكون عآئله
بس انـــــــــــصدم!!
إذا اخته تقول عنه كذا شلون بترضى فيه بنت الناس..!!
دخل غرفته وهو متضايق...
رمى نفسه وناااااااام
طفشااااااااااااااااااااانه..رجعت من المدرسه وما تبي تنام...
جلست تفكر شتسوي....اليوووووم اربعــــــــــــــاآآء..عندها يومين اجازه
لازم تفلها بهاليــــــومييييييين...
تفكر تكلم ابوها ويسافرون الشرقيه عند شذا يقضون كم يوووووم
بس مو حماس بدون بنات اخوالهاآ.....وليه مايسافرون كلهم؟؟
تحمست للفكره ونزلت تخبر ابوهـــا وبتقعد على ر اسه لحد ما يواااافق..
××فـــــــــــــــــــي بريـــــــــــــطآآآآآنيـــــــــــــــآآ××
عالغـــــدآآآآ
فراس خبر عهود مثل ما قال له بندر
عهود تناظره وتأشر له بعيونها عشان يتكلم
هي بعد خايفه من ردة فعل ابوها وامها
فراس فهم عليهآ وهو ياشر لها انه ما راح يتكلم
دانه كانت تشوفهم وحست ان فيه سالفه صايره بس مافهمت شي
"الله يرجك يابندر حطيتني بهالموقف"
توتر وهو يسمع سؤال ابو فيصل:ويـــــن بنــــــدر؟؟
الكل ساكت ومايدري...عهود تاكل وتحاول تتهرب وتشغل نفسها
فراس وهو يناظر صحنه وياكل:بندر مشى عالسعوديــــه اليوم الصبـــــــح
الكل رفع راسه متفاجئ ينـــاظر فراس
فيصل وهو يشوف استغراب ابوه:ليه؟؟...وشنو قالك؟؟
فراس حط ملعقته بطرف الصحن واخذ نفس:نزل اليوم الصبح وقالي ابلغكم انه مشى عالسعوديه بسفره ضروريه
وراح يطول هناك وبخصوص دراسته يقول أجل هالترم.. ويقول لا تقلقون هو عنده شغله لازم ينهيهاآ
ابوفيصل مستغرب حده:وما قال لك شنو هالشغله الكبيره اللي تخليه ياجل دراسته عشانها؟؟
فراس:لا هذا اللي قاله لي وطلع...طائرته كانت الساعه 9 الصباح
فيصل معناها ماراح يوصل غير متاخر بالليل
ام فيصل ومصدومه:انا ما اعرف هالولد كيف يفكر...اول مره يصادفني احد من عيالي كذآ
طيب اقلها يعطينا خبر قبل يسافر
دانه تتذكر كلامه باليل لها وشكله..."معقوله يكون موضوع يخص خلود بنت عمي؟؟.."
عهود تناظر فراس بامتنان انه انقذها من هالموقف
بمـــــــكآآآآآآآن ثــــــــــــــآآآني
×× فــــــــــــي الإمــــــــــــآآآرآآت××
جالسه بالمطبخ تشتغل وتغني...
من صحت من النوم ماشافته .....الظاهر طلع...تنتظر رجعته..
منقهره منه لانه ما اخذ موبايله معاه...
صرخت باعلى صوتها لما حست بشخص يمسكها من خصرها..
بعد عنها مفجوع..وهي ناظرته منحرجه..
عبود:لعن ابو ابليسك خذيتي عقلي!!
الهنوف منحرجه:هههههههههههههه شسويلك ما حسيت فيك لما دخلت
عبود ومقهور:مو منك...من اللي ماخذ عقلك وسارحه فيه
الهنوف منحرجه توردت خدودها
عبود عصب"هذي بمنو كانت تفكر؟؟.."...:ناظرها نظره غريبه وطلع من المطبخ
استغربت نظرته ....غسلت يدينها وطلعت وراه..
ناظرته وهو جالس عالكنبه بالبرمودا الرماديه والتي شيرت الاسود..يقلب بالقنوات ومبين انه متنرفز
راحت لما عنده وسحبت الريموت من يده:اعصابك عليه شوي وبتدخل ازراره
شال يده من يدها...:جهزي نفسك بنطلع
الهنوف جلست جنبه:ليش انت معصب؟؟
عبود بدون مايناظرها:منو قالك اني معصب؟؟
الهنوف:مبين عليك...
سكتوا فتره.....مارد عليهاآ....ماتحب تضغط عليه...تضايقت ووقفت بتروح تتجهز..
ضايقتك؟؟....قالها وهو يمسك يدها قبل تمشي
لفت عليه واصطنعت ابتسامه:لا
تركت يده وراحت للغرفه... إحساسها بالغربه يقتلها...باقي ماتعودت على وجودها مع عبود
جا من وراها ..حوط بيدينه على خصرها...قال وهو يقرب من اذنها:آسف حياتو ماقصدت اضايقك
لفت عليه وصارت مقابلته:انا قلت لك ماتضايقت...بس انت اللي متضايق
شال عينه وهو يقوله:بس انقهرت لما شفتك مسرحه...يعني منو شاغل بالك؟؟
الهنوف ابتسمت وعينها بعينه وبهدوء:يعني منو بيكون غيرك؟؟...لما صحيت ومالقيتك انشغل بالي
وانقهرت لانك تارك موبايلك هنا...يعني شغلت بالي
عبود ناظرها وهو يستغبي نفسه....ابتسم لها:فديت اللي يخافون يا نااااااس..
يلا جهزي نفسك وبنطلع
تركها وهو يطلع من الغرفه:والبسي زين الجو بارد
ابتسمت الهنوف..:من عيوني
××بعآآآآآآآآآآآلم ثـــــآآآني××
دخلت الغرفه وقفلت على نفسها بالمفتاح وهي تبكي....
راح لباب الغرفه دقه بهدوء وهو يقرب فمه من الباب:جمانه افتحي!!
جمانه من ورى الباب: ماني فاتحه...خلني لحالي..
سلطان ومازال يحاول يضبط أعصابه:جمانه لا تنرفزيني...الحين ابي افهم ليه مكبره الموضوع
جمانه:إي انا مكبره الموضوع...شوف نفسك لو كنت مكاني شنو بتعمل
سلطان:طيب حلفت لك وقلت غلطااااانه وربي انها غلطاااانه اساسا انا مب راعي هالحركات وانتي عارفتني
جمانه سكتت وهي تبكي.......
سلطان بيأس:جمانه تكفين اهدي عشان اللي ببطنك ترى مو زين
جمانه انفعلت:إي اساسا انت مايهمك اللي ببطني!!...ولا انا ما اهمك...انا ما اعنيلك مو زوووجتك!!..(وشهقت وهي تبكي من قلب)
سلطان عصب"هذي شلون تفكر؟؟"...:جمانه!!....والله والله ان ما فتحتي الحين مايحصل خير...بســـرعـــه
خافت من عصبيته....يرعبها هالآآآدمي إذا عصب...
.يخلي كل شعره بجسمها توقف....صوته الخشن لما يعلا يهز كل زاويه بالشقه
فتحت الباب بهدوء..
راحت وجلست على طرف السرير وعطت الباب ظهرهاآآ
دخل وناظرها وهي جالسه...
هالايام نفسيتها زفت...ماتتحمل منه اي كلمه...وتتنرفز على اتفه سبب..معقوله الحمل له دخل بالسالفه؟؟
تنهد وهو يشيل شماغه وثوبه...رجع من الدوام..وهو مرهق وتعبان ودقت عليه وحده غلطانه...دخل البيت وهو يرد عليها..
وهي بس سمعته يكلمهآآآ..طلعت شياطينها..
ماله خلق هالحركات...مايعرف يتعامل مع البنات...ولايعرف شاللي يبونه...ماعمره احتك بخواته...اغلب وقته بالشغل ومع ابوه
لكذا خلافاته مع جمانه كثيره..
هي بعد تصرفاتها مثل البزران احيانآ
رمى نفسه عالسرير ونام...وكانها مو هامته..."مصيرهاآآ بترضى.."
رفع اللحاف عن وجهه وهو يقول:قفلي الستاير وطقي المكيف....العصر قوميني بنروح بيت اهلي..
كانت تبكي بصمت ...توقعت انه يجيها ويخفف عليها او اقلها يعتذر...هذا اللي يسويه خالد لشذاآ واللي يسويه كل زوج لزوجته
بس هو غير...مايعرف شتبي...ولا يقدر اي شي ولا يراعيها كل اللي همه اللي ببطنها...دفش ويعصب بسرعه وجدي بزياده
ماتدري وين كان عقلها لما حبته..
شهقت وهي تبكي ووقفت قفلت الستاير وشغلت المكيف وطلعت..
جلست بالصاله تقلب بالقنوات وتحاول تهدى...عشان اللي ببطنها مو عشانه هو...لا بعد هذا كله يبيني اصحيه بالعصر
يااااااااكرههم الرجال
بعد ماطلعت تنهد...قطعت قلبه...مايتحمل دموعهاآآ..
كان خاطره يروح لها ويهديها بس مـــــــــــــآآآ يعـــــرف...من جد مايعرف..
يعني لو بيروح لها بيظل ساكت ولو تكلم بيخربها زياده
مشكلته عصبي ومايعرف يكون رومنسي..
نام وهو يتجاهل تانيب ضميرهـ اللي يقتله
كان يقلب باوراق تخص الشركه....افففففف....حتى بالبيت لاحقني شغل الشركه
انا ما اعرف شلون وافقت اكون مدير هالفرع الله يعينني
لف مفجوع على صرختهاآ...
شـــذآآ:مروووووووووومه فديتك...تتكلمي من جد؟؟
مرام:والله هذا كلام ابوي توني فاتحته بالسالفه وعجبته الفكره قال بيكلم اخوالي وبيشوف
شذآ:وااااو وناسه.......(ناظرت خالد الللي واقف فوق راسها).....دقايق مرام
ابعدت السماعه عن اذنها:نعم خلودي
خالد:وش هالصراخ كله طيحتي قلبي
شذآ بابتسامه:سلامة قلبك....بس هذي مرومه تقول اخوالي احتمال يجونا كلهم
خالد ابتسم وبفرح:والله؟؟...متى؟؟
شذا:مدري الحين خلني اكلم البنت واخلص منها واقولك
رجعت لمرام:ايه مرومه.....طيب متى تعطيني كلام اكيد؟؟...
مرام:اممممممممم اليوم اربعاء يعني لو راح نجي بنجيكم الإثنين بعد الدوامات
شذا:وااااي متحممممسه...طيب خلاص السبت يكون عندي كلام اكيد
مرام:اوووووكي...تم.....يلا بوسيلي حبيب خالتووووو البيبي...وسلمي على خلود
شذا:انشااااء الله....باي
مرام:فمـــآن الله
بعد ماقفلت تذكرت بدر لما قال لها ماعاد تقول باي...
تنهدت وهي تتخيل سفرتهم ويا بعض للشرقيه..
مسكت موبايلها وارسلت مسج للميس تبلغها بالخبر
5 دقايق ودقت لميس
ابتسمت مرام....مثل ماتوقعت هالبنت رجه وماراح تصدق بمسج
ردت وابعد الموبايل عن اذنها شوي....كالعــــآآآدة ردة فعل لميس كبيييره...هالبنت تعشق الدجه والجنان...
لميس بعد مافقعت سماعة الموبايل بصراخها:مروووووووووووومه تحكين جد؟؟
مرام:اي والله توني مخبره ابووووي وقال بيكلم ابوك وخالي عبدالله وخالاتي
لميس:يلعن اوم الفله يعني اكيد بنسحب عالدراسه كم يوم
مرام:اكييييييد..وهذا اونس شي
لميس: طيب احد عنده خبر؟؟
مرام:لا بس انتي وشذا اختي..
لميس:وناسه وبنشوف شذووو....اييييه صح قبل لا انسى انا بعد المغرب بروح عند خوخه
مرام:زين قلتيلي حتى انا موصله معاي وابي اطلع بس مع منو بتروحين؟؟
لميس:لسا ما اعرف اكيد يا ماجد يابدر
مرام:طيب عادل عنده دوام بالليل ياريت لو تمريني
لميس:وجيبي التوأم معاك
مرام:خلاص اوووووك
لميس:يلا سلام..
مرام:فمان الله
فــــــــــــــي المغـــرب...
لميـــس معصبه:مجوووووود بتوديني ولا شلون
ماجد واخلاقه قافله:انتي كيف الواحد يفهمك؟؟....باي لغه؟؟...اقووووولك مواعد واحد من الشباب
انا متأخر اساسا وانتي بتأخريني زياده
لميس:طيب انا جاهزه وكل شي..حراااام عليك
ماجد:افففففف...اقول وخري عني انتي الكلام معاك معدوم
طلع وتركهاآ..
رمت نفسها عالكنبه وهي تتأفف
سمعت صوته وهو يغني وفزت....راحت له بسرعه
بدر:مشتاق لك موت ياللي طول غيابك....ذبحني الشــوق وانت عني مو داري.. اتذكرك كل يــو.............
سكت لما شاف اخته جايه جهته بسررررعه وضمته
خاف يكون صاير شي...بعدها عنه يبي يشوف
لميس برجاء:طلببببببببتك نخيييييتك....ودني
ابتسم بدر وبعدها ضحك:ههههههه الله يرجك فجعتيني....خلاص طيب بس وين؟؟
تمنى تقوله يوديها عند مرام...
تحطم وهو يسمعها تقول: بيت عمي عبدالله
فتح باب الفيلا:يلا دقيقتين وانتي بالسياره ماجيتي انا بمشي
لميس بحماس:يلا يلا...وصرخت على فرح:فـــــــــــــرووووحه يلاااااا بدر بيودينآآ
فرح وهي نازله من الدرج وتلف طرحتها:وينه بدووور واحشني زمن عليه
لميس:امشي وبتشوفينه بسرعه قبل يروح ويسحب علينا
طلعوا وركبوا بالسياره..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك