رواية فمان الله يا غالي -45
بعد شوي راح بندر وفتح الباب وهو مبتسم:هلا قلبو بغيتي شي؟؟
عهود ترد له الإبتسامه:بس احسك مو طبيعي اليوم قلت اجي اتطمن عليك
بندر:لا تقلقين ولا شي هذا انا قدامك ومافيني إلا العافيه إقلقي عالخبل فراسوه ويغمز لها
توردت خدودها وابتسمت"لعن ابليسك يابندر مايفوتك شي":امممممممم بتطلع الحين مو؟؟
بندر وهو يقفل ازرار البلوفر الشتوي:إيه ليه بغيتي شي؟؟
عهود:لا ابد..
ناظرته لثواني وهو يلف الشال الصوف على رقبته..وبعدها:بنـــــدر!!
بندر وهو يربط حبال الجوتي بعجله:همممم
عهود:انت تاخذ ادويتك بانتظام
بندر بدون اهتمام:لا
عهود:ليه؟
بندر:مليت
عهود:من شنو
بندر وهو يوقف بيطلع:من كل شي...يلا حبيبتي انا طالع توصين شي؟؟
عهود بإستغراب:لا سلامتك
بندر وهو ينزل من الدرج: خبري ابوي اني بتاخر اليوم...وقولي حق ماما ان اللي وصتني عليه جبته لها
وراكانوه الخبل انتبهي لايدخل غرفتي ويحووووسهاآ دايم يسويها
عهود وهي مستغربه حركات اخوها وكلمته"من كل شي!!":اوكــــــــــــي
××في السعــــــــــــــــــوديه××
دخل البيت وهو هلكاااااااااااااان نووووووم ناظر البيت شلون محووس"ياشينهم البنات لا احتفلوا...افففف.."
رمى شماغه على كتفه وطلع الدرج...مايشوف طريقه من النوم
دخل غرفته خذا شماغه والعقال والطاقيه ورماهم على طرف الكنب..
رمى نفسه عالسرير وظل مغمض عيونه فتره يحاول يسترخي...
هو بس بنتظار اخوه يخطب عشان يخطبهاآ...اشتاااق لها حيل...ماتوقع بيوم انه ممكن يحب
ويشتاق مثله مثل اي شاب بالدنيا
كان يحس نفسه غير عن الكل يحس نفسه ميت وماله وجود وحتى امه وابوه مستحيل يفقدونه
الكل متعود على ان غيابه وحضوره واحد
حتى لما يكون موجود محد ينتبه لوجوده...اوقات يلوم اخوانه على الحال اللي كان فيها
يعني ماجد وعبود مثل التوأم دايم مع بعض ..عبود جرئ وماجد مرح..يعني يقدرون يبرزون انفسهم
وفرح ولميس مع بعض دائما لانهم بنات..مع ان فرح توأمه بس مابينهم اي نقاط مشتركه..
هـــــــي اللي جات وخلت له مكان وحضووور...!!
هي اللي غيرته وخذت بيدينه وخلته يشوف الجانب الثاني من الحياه!!
عشان كذا هو يحبها ومستحيل يتركها تروح لغيره لأن محد يفهمه غيرهاآ...خاطره يكلمها أو يسمــ......
انقطع تفكيره وهو ينتبه للورده الموجود داخل ملزمته....عدل نفسه باهتمام وجلس..
اخذ الورده بيده وقام يشمها ...بعدها انتبه للي كاتبته..قراها وابتسم...
إيه ابتسم..محد غيرها يخليه يبتسم
ضحك على كلمة دووب.."الحين انا دوب؟؟..."قام يناظر نفسه...جسمه مره نحيف..صحيح اسمراني شوي
ووجهه نحفان بالفتره الاخيره
بس ملامحه هاديه وحاده بنفس الوقت...التناقض يعيش بهالإنسان..اوقات ما يعرف نفسه..
بس بالنهـــــايه يبي يوصل لـ"بــــــــــــــدر" اللي تبيه مرام..
قام اخذ له شاور وحط راسه ونام ..
بهالوقت كانت بغرفتها تتخيل شكله لما يشوف الورقه...
تحس انها ندمت لانها حطتها....شنو بيقول الحين...مفجوعه البنت ومعاها شفاحه
بس هي تحبه...اي ماقلنا شي بس هي ماتبين لاحد انها تحبه..هم المفروض يحسون فيها
بس هو غير...غصب عنها يبين...ابتسمت وهي تتذكر شكله..
بمــــــكآآآآن ثـــــــــــاني..
ينــاظر التلفزيون وباله مو معــــاه...بكرا بيكلم امه بخصوص الموضوع وبيخطبهــآآ خلاااص ماعاد يتحمل
وهو لو بينتظر نواف حتى يتزوج بتكون راحت من يدينه...اي لازم مايخسرها مره ثانيه
هو مافيه حيل يعيد المعاناه اللي عاشها لما انخطبت اول مره
دخلت ولاحظ سرحان ولـــدهاآ بالفتره الاخيره حاله مو عاجبها تحس باله مشغول
قطعت حبل افكاره وهي تنادي بإسم دلوعها وولدها الصغير:فهـــــــــــد
توه ينتبه لوجود امه الظاهر انها هنا من زمان شنو بقول لها الحين:هلا يمــه
ام خالد وهي تجلس جنبه:شفيـــك يمه؟؟
فهد ابتسم ابتسامته الهاديه:مافيني شي يالغلا
ام خالد:إلا فيك...انت هالايام مو على بعضك...ياولدي احس انك تفكر كثير
انت الحين باول سنه بالجامعه...لازم تنتبه على دراستك وتفرحني فيك
شوف اخوك ماشالله تبارك الرحمن..الحين ماسك فرع بالشركه..ونواف خالك كلمه وبيبدا يشتغل معاهم
وانت بعد ابيك تكون مثل اخوانك
ابتسم فهد:انشالله يمــه انتي تامرين..بس ماقلتيلي متى خالي قال لنواف؟؟
ام خالد:قبل زواج الهنوف..وانشالله بيبدأ قريب معاهم
دخل نواف:احس انكم تتكلمون عني مدري ليه
ابتسمت بدور(أم خالد):هلا والله ...ايه كنت اخبره انك بتشتغل ويا خالك بالشركه
نواف اكتئب:يمــه والله مو متحمس وجالس افكر اهون
ام خالد بحده:مو بكيفك...عالاقل تضمن وضيفه بدل هالجامعه اللي من طريق وانت من طريق
فهد ابتسم:امي معاها حق خلك تعقل
نواف:تدري؟؟..على قولتك يمكن اعقل واتزوج ويناظر امه
ام خالد:والله يوم سعدي اللي اشوفك فيه عريس يمـــه
فهد يبي يمهد:يمــه انا ونواف بنفس اليــوم انشاء الله
نــــواف ابتسم وهو يتخيل هاليوم...اخوان بياخذون خوات:اي فهود على قولتك
ام خالد:لا يافهد انت بدري عليك توك 9 خلك تكبر وتصير قد المسؤليه وبعدها نزوجك
فهد تحطم: عادي يمه فيه ناس يتزوجون بالعشرين
ام خالد:هذولي ناس عقولهم اكبر من سنهم مو مثلك انت واخوك المهبل
فهد:افااااا يالغاليه..حنا عيالك مهبل؟؟
ابتسمت ام خالد:واحسن مهبل
فهد ونواف:ههههههههههههههههههههههه
رجعـــت البيــت بعد احتفال اليوم..المفروض تكون مستانسه ومروقه..
بس هي لا...بالها مشغوووووووول
بنـــــدر ياترى عرفها ولا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هذا اللي كان حارقهاو تبي تعرفه..!!
وقفت عند باب غرفتها وتنهد وهي تناظر غرفة الهنــوف.."الله شكثر اشتقت لك..كلها يومين وحالتي كذا..شلون بتحمل بعدين؟؟"
فتحت باب غرفتها وانصدمت..ابتسمت وهي تشوف المنظر
االغرفه ظلام...بس نور الابجوره.. ونور الشموع ..عالجنب بين الكنبتين
فوق الطاوله قاتوه كبيييير وعليه صورتها وبوسطه شمووع..شكله يشهي
مع انها شبعت بالقاتوه اليوم..
كله جالكسي في جالكسي....الشخص هذا يدري انها تعشق الجالكسي..
ناظرت بالكلام اللي مكتوب..
"كل سنـــــه وانتي طيــبه يا احلى اخت بالدنيـــآ....."
فتحت البطاقه اللي كانت جنب القاتوه..
انشالله تعجبكـ...ومعليش عالتأخير..
ابتسمت...هالقاتوه من محمد وسلــطـــآن توقعت انهم ماتذكروا..ومع ذالك عذرتهم لان الإحتفال اللي اليوم يكفيها
هاليـــوم كان احلى يوووووم بهالسنــه...زمان ماحست بهالفرحه
الكل اثبت لها مكانتها..والكل كان فرحان من قلب لها..
والأهـــم!!......بهاليوم سمعت صوت اغلى شخص على قلبــــهآآ
تذكرت الموقف لما رد عليها...ورجع التفكير يذبحهـــاآ..
قررت تنهي هالمهزله اللي هي فيها وتتأكد بنفســـهآ
الســــآآعه 3 الفجــــــــــــر..
رفعت موبايلها وطلبت الرقــــــــــــم
ردت داآنـــه بحمـــــاس:هلا بالعروس
خلود:ههههههه مصره اني عروس؟؟
دانه:بقـــوه
خلو:شخبارك ياحلوه؟؟
دانه:دامني سامعه صوتك مرتين اليوم اكيد بكون تمام
خلود:يالبى قلبك والله
دانه:كيف هنوفه ماكلمتك؟؟
خلود:لا والله تلقينها مو فاضية لي هي اللي من جد عروس
دآنـــه:هههههه وانتي الصــادقه
خلود وهي تقطع بالشوكه من القاتوه:كيفها عهوده؟؟
دانه:خوخه...شعندك؟؟...اخلصي
خلود:هههههههه ابد والله طفشانه قلت ادق عليك
دانه:إذا انتي الي محتفله اليوم ومهيصه طفشانه اجل حنا وش نقول؟؟
خلود:هههههه شكلكم مرررره طفشانين...بس تدرين مع اني اليوم صاحيه من بدري بس مو راضي يجيني نوم
دانه:ليه وش شاغل بالك؟
خلود:ولا شي..هههه..إلا صح شخبار عمي وعمتي..والشباب؟؟
دانه:بابا وماما بخير ..كالعــاده مانشوفهم كلش برى...وفراس تعبان شوي من البرد واخواني تمام
خلود:كلهم تمام؟؟
دانه:إيه كلهم...ليه؟؟
خلود:لا بس اخوك اليوم لما رد علي خفت من صوته قلت يمكن فيه شي
دانه وتذكرت شكل بندر لما عطاها السماعه:اهااا تقصدين بندر!!
خلود هنا حبست انفاسها:ايه الظاهر هو اللي رد
دانه:مدري شفيه اليوم...مررررره مزفت..واعصابه تلفاااااانه
خلود بقلق حاولت تخفيه:ماعرفتوا ليش؟
دانه:لا ولا نحاول نعرف...هو إذا كان متضايق مايحب احد يساله وبالعاده مايحتك باحد
خلود:اهاااا
دانه وتتنهد:احس انه يمــر بأزززمه...خاطري اعرف بس ما ابي اسأله
خلود:خلي عهود تساله
دانه:سالته وصرفها لبس وطلع وللحين مارجع ...تخيلي من بعد المغرب ما جا للبيت
خلود:ااهاااا الله يكون بعونه...
دانه:آمين يارب..إلاخوخه شنو قررتي بخصوص الخطوبه
خلود وهي تتنهد:مدري يادانه احس لسا يبيلي وقت افكر...ما ادري
دانه:والله حسب كلام البنــات الولد ماشالله ولد عيله وناس..ومعروفين بالرياض كلها وغير كذا صديق الوالد
يعني احس مالك عذر ترفضين
خلود:و عشان كذا.. تقريبا راح اوفق
دانه ابتسمت:يلا الف مبروك مقدمــأ الله يوفقك يارب
خلود: تسلمين يالغلا...يلا قلبووو بوسيلي عهوده وسلمي عالكل..انا شكلي طفييييت وبنام
دانه:هههههه باي حياتووو نوم العوافي
خلود:يعافيك ربي باي
"متضــآآيق...ياترى شفسر ضيقته هذي؟؟...عرف ولا ماعرف؟؟..بس هي تقول كل اليوم..معناها من قبل لا اكلمه وهو مزفت
وبعدين انا اعرفه زين لو انه عارف كان اقلها عاتبني عاللي عملته...ياترى يابنـــدر شنو برآآســــك.."
رجـــــع بعـــد ساعه من المكـــالمه ..
دخل البيت...كان هادي الكل نــايم لان بكرآ دوامات...فراس بيروح كالعاده لللجامعه وفيصل بالشركه وراكان للمعهد
وانــــا؟؟....ويـــن اروح؟؟.....مالي خلق اداوم....نفسيتي ما تســاعد نهــآئي...افففف
دخـــــــــل غرفتـــه..
وينــــك ياخلـــود...بالعـــاده انتي اللي تطلعيني من هالحــاله..
رن موبايله...نـــاظره وهو يتأفف...عطاها رفض...من آآخر مره تقابلوا وهو مو طايقها
وهي مو راضيه تتركه بحــاله
يكـــــره البنـــات...ايه يكـــرههم...يسوون عكس اللي يبيه الواحد..
إذا حبها تركته...وإذا يكرهها تنشب له مثـــل هالعـــله عبير..
ياربي متى افتك منــهاآآ...!!
رمى نفسه عالسرير...مرهق حيييييييييييييييييل..التفكير يهدر كثير من طــــآآقتــــه..
بـــدأ يسترجع بعض احداث هاليوم
نبضات قلبه تزيد وهو يتــذكر..
(السلام عليكم)......صوتهـــآآآ وهي تقول هالكلمتين هو صوت خـــلود حبيبته..
خلود؟؟؟......اسمها خـــلود... نفس اسم حبيبته
وصوتها نفسه...
انفاسه بدات تنحبس.....شلون ماجا بباله؟؟؟؟؟؟؟؟؟؟؟؟
تذكر الرجفه بصوتها وهي تكلمه...
صدمتها لما شافته اول مره ....عصبيتها...دمعتها اللي نزلت....وردة فعلها الغريبه....
عصبيتها يوم الرحله..لما شافته يكلم لميس
دموعها اللي تنزل كل مايتقابلون بالصدفـــه
نبرة صوتها الحزينه والمليانه ضيقه بآخر مكالمه لهم قبل سفره للكويت
لما رجع من الكويت وماردت عليه
إختفاءها المفاجئ...وغيابها من حياته فجأه
نظرآآتها له...حزنها عليه قبل مايسافر
ذكرياته تمر بعقله مثل الصاعقه
قلبه ينبض بشكل موطبيعي...دقات قلبه كل مالها تزيد
كل عرق بجسمه ينبض
وجسمـــــه يرجف بقوه
موقادر يحمل نفسه من الصــــدمه
كل شي تفســــر الحين...!!
هـــــــــي نفســـــــــــــها!!....خـــــــــــلود بنت عمه...هي خلود حبيبته...هي اللي فقدها كل هالفتره..
الحين عرف شلون عرفته اول مره تقابلوا
الحين عرف ليه كانت تبكي كل ماتقابلوا
الحين عرف ليه تركته ومارضت تكمل معاه
الحين عرف ليه غابت من حياته فجـــاه
الحين عرف وتفسر له كل شي كان مايقدر يفهمه بهالبنت
الله شكثر صغيره هالدنيـــا حب انسانه بعيده عنه حييييل
بعدها بسنه صارت قرييييبه حيييل منه وهو مايدري
اختفت من حيــــاته وهي جنبه...ورجعت تبعد عنه
والحين...كل شي انكشـــــــــــف!!
زادت نبضات قلبه وهو يتذكر بعض من كلام دانه لهـــآ اليوم
(ايه ...قبل لا انسى كل سنه وانتي طيبه وبألف صحه وسلامه يااااااااارب)
كل سنه وانتي طيبه؟؟...إيــــــــه اليــــــــــوم ميلادهــــأ...عشان كذا قالت هالجمله
حاول يهدى وهو يتذكر بقية الكلام....ماقدر...كل اللي يتذكره هالجمله
ماحس بنفسه إلا يوقف....مشى بسررررعه لباب غرفته
فتحه ...وبدون مايحس بخطواته لقى نفسه قدام باب غرفة دانه
دق الباب
فتحت له وانصدمت بشكله....مبين فيه التعب
مررره:بنــــدر!!...شفيك؟؟
بتعب ويلقط انفاسه:دانه.. واللي... يرحم.. والديك...بسالك..كم..سؤال...وجاوبيني بدون...ماتقاطعيني
دانه ناظرته مصدومه شفيه اخوها بهالليل..
بنــدر يحاول يتكلم وكل تعب الدنيا فيه:دآنــه...اليوم.. كنتي.. تكلمين.. خلود.. بنت عمي.. صح؟؟
دانه:إيه
بندر:قلتي..لها كل.. سنه.. وانتي.. طيبه..
دانه:إيه اليوم ميلادها....بس.....
قاطعها بسرعه: عندك رقمهاآ؟؟
دانه فتحت عيونها عالآخر:بنـــدر البنت مخطـــوبه!!..ابعد عنك هالأفكار
وقـــــــــــــــــــف قلبــــــــــــــــــه.."مخطــــوبه!!!!"
معقــــــــــــوله!!....انخطبت؟؟......لا...مو الحين...مو بهالوقت
هو ماصدق لقاها... مو مستعد يخسرها من جديد...مو مستعد يفقدها
قلبه ماعاد يتحمل عذاب اكثر من اللي جربه
تنهد وهو يسأل آخر سؤال ويتمنى من قلب ولأول مره..[ماتكون نفسها حبيبته....]
باقي عنده بصيص امل ماتكون نفسها...فتح موبايله....طلع رقمـــهاآ....مد الموبايل قدام عيون دانه
وبصوت يالله ينسمع:هذا.. رقمــها؟؟؟
دآنـــــه ناظرت الرقم...ركـــــزت فيه زيــــن..:إيـــــه....هذا رقمـــهآ القديـــــم
مثـــل ماتـــــــــوقـــــــــــــع..!!!
..لما قررت تتركه غيرت رقمـــهآآ....عشان كذا كان يــــــدق ودائمــــا مغلق..
هــــي خــــلود والحين مافي اي مجــــال للشك..
6 شهور وهي تاركته وتدري انه ولد عمها وهو مايدري
6 شهور قريب منها هالقد وهو مايـــــدري
سأل دانه السؤال ماقبل الإنهـــيآآآر:خــــلود.. وافقت.. عاللي.. خطــــبهآآ؟؟
دانـــــه ومصدوووومه من حالة اخوها واسالته اللي ماتتفسر ومليون سؤال يدور بداخلها
جاوبته: لا...بس لما كلمتها قالت لي انها تفكر توافق
اللي جاها ما ينرد...ولـــد وزير...
هنــــــــــــــــــآآ نقطــــــــــــــــــــة الإنهـــــــــيـــآآر..
تفكــــر توافق.....يعني تفكر تبيعه...
مشى لغرفته وسط ذهول اخته
رمى نفسه عالكنبه وهو يمسك راسه اللي راح ينفجر...
أكبـــــــــــــــــــــــــــــــــــــــــــر صدمــــــه بحيـــــــــــــــــآته
بس لا....هو بندر...خلود باعته؟؟...بكيفها..
بس هو مستحيل يبيعها...لأانه مستحيل يسلم قلبه لغيرها
ولا راح يقدر
لو هي نســـــته هو مستــحيل ينساها
إذا خلود صاحبة القلب القــــاسي...قدرت تتخلى عنه بسهوله
هـــــــــو....ماراح يتخلى عنها..
ولا راح يرضى تكون لغيره
إذا ناوي تروح
ابفهم وين اروح
تخليني اعيش بعدك بالم وجروح,,
وإذا عني مشيت
وإذا غيري لقيت
منو غيرك انا بلقى يا [روح الروح]
يعني ترضاها علي
تترك ايدينك إيدي
تنسى من عايش عشانك إن كان ميت ولا حي!!
إذانويت تعشق تحب ثاني
امانه لا تنساني
إني "أحبـــــــــــــــــك موووووت"
طمني عليك إذا
حسيت بأي أذى
بتلقاني مع|| قلبك|| إذا بـــــكى
منو يحس فيني إذا
ذقت العنى
منو يداااري قلبي بيوم إذا شكى؟؟
يعني ما اشوفك بعــد!!
ولا اسمع صوتك ابد!!
وإذا ضاقت علي دنياي"" ما ابي غيرك أي احد""
تذكر هالمكان
انا وانت زمان
تذكر يوم تسقيني حب وحنان..!!
إذا ناوي الغياب....،،
|[ابرضى بالعذاب]|
ابرضى وانا بقلبي الم واحزآآآآآآآان
خلاص روح,, الله معاك،،
وبخليك انا بهواك
إذا خايف انا انساك
||انسى روحي ما انساك||
\
رفع موبايله...وحجز برحله عالسعـــــــــــــــــوديه...
رحلته الســــاعه 9 الصبـــــاح...اليـــــــوم..
جهز شنطــــته...ولم اغرآآآضه...وتجهز....مانــــآآم
شلون يجيه النوم وهو بهالحـــــاله
دق على واحد من اصحابه وطلب منه يقدم له تـــأجيل للترم اللي بقاله بالجــــامعه
استرخى عالكنبه يحاول يرتب افكاره....مايدري ليه هو بيروح السعوديـــه...بس مصر يروح
مايدري شلون بتكون خلود له وهي على وشك تصير لغيره...بس بتصييييير!!
الحين الســـــــــــــــــــــاعه 7 انتظر ابوه حتى طلع للشركه وفيصل طلع وراه..
امه دخلت غرفتــها....مايبي احد يدري بسفره لانهم بيمنعونه..
نزل تحت...لقــــى فراس يفطـــر ويستعد عشان يطلع لجامعته
ناظره بنــــدر :صبـــاح الخير
فراس رفع راسه وانصدم..
مررررهق...مبين فيه الإرهاق...السواد يحتل منطقة من حول عيونه
مبين عليه انه مانام
ولا اكل حتى
واكيد ما اخذ ادويته
وجهه تعبـــأن...
خاف عليه:بنــــــدر شفيك؟؟
بندر بجديه والتعب يطغى على صوته:انا مستعجل....الحين مسافر بمشي عالسعوديه....بلغ ابوي اني سافرت سفره اضطراريه للسعوديه
عندي شغله لازم اسويها..وحساب لازم انهيه
سكت شوي وكمل:..بلغ عهود توصل هالكلام لابوي بالحرف الواحد
وتقول حق امي لا تقلق ولاتشيل هم...والدراسه انا اجلت هالترم..لاسبابي الخـــاصه
مـــــــــــــو بنــــــدر....ايه..هذا موبندر...الصوت مو صوت بندر والشكل موشكل بندر...ولا حتى الكلام
جا فراس بيتكلم...اشر له بندر...:يلا سلام...اشوفك على خيـــر..(ناظر ساعته)...الطيــاره بتفوتني
طلــــلع من الفيلا وفراس مصدوم عالآآآخر....مو مستوعب الكلام الي يقوله بنـــــدر..
بالمـــــطــــآآآآر...متوتر حــــده ياترى اللي راح يسويه صح ولا غلــط
شنو ردة فعل اهله لما يعرفووون؟؟
شال هالأفكار من راسه
بهاللحظه مافي شي يهمه
كل اللي يهمه يوصل لها..
كل اللي يهمــــه......||مــــــــــــــــايفقدهــــا||
××فـــــــــــــــــــــــي السعــــــــــــــــــــــوديه××
رن موبايلها...كانت نايمه...فزت من نومها وناظرت الرقم
رجفت يدينها وطاح الموبايل...
هذا شلون وصل لها وعرف رقمها...!!
بندر يدق عليها....إيــــه يدق على رقمها الجديد..!!
اكيـــد عرفها..
حاولت تهدى
ردت بصوت كله شجاعه:نـــعم!!
بنــــدر:خلود؟؟..
سكت شوي وبتهديد:...كل شي عملتيه راح تدفعين ثمنه غااااالي..
والله والله...لاخليك تندمين على كل شي...تجهزي يابنت عمي لحياتك الجديده
خلود مو مصدقه...ليه يقول لها هالكلام خافت.. دمعت عيونها وبكت..:بندر.. انا.. احبك
بندر ضحك بسخريه:هههههههههههههههه طيب ياللي تحبيني انا بوريك شقد احبك
باي
قفل موبايله ومشى بالشـــارع بيروح لها بينفذ انتقامه....
صرخت بإسمـــــــــــــه وهي تشوفه ممد بالشارع بعد ما صدمته سياره:بنـــــــــــــــــــــــدر!!
بندر يلفظ انفاسه الأخيره..ويتمتم بكلمات يالله فهمتها:الله... لا... يسامحك... يا.....خــــــــــــلود
ومــــــــــــــــــــــــــــــات
قامت من نومها مفجوعه من الكابوس اللي كان كاتم على انفاسها
تنفست بصعوبه
حطت يدينها على صدرها وهي تتعوذ من ابليس...دقات قلبها سريعه وبشرتها بارده وترشح
تنهدت بضيقه..
"بنــــــــــــــــدر.....ياترى شفيــك؟؟....الله يحفظك ولا يحرمني منك....جعلني مافقدك بيوم.."
دمعت عينها
اول مره تحلم في بنــدر....من كثر تفكيرها باللي صار صارت تتوهم..
خافت عليه كثير...اكيد صاير له شي...
قامت من على فراشها ونزلت تاخذ لها كاسة مويــــه وتحاول تهدى..
نزلت الدور الاول...
اليــــوم أربعاء
الوقـت صبـــــــــــــــآآح..
كالعـــآآآدهـ...ابوهـــا مداوم كل ايام الاسبوع..
فارس ويــــــــــاه هو ومحمد وسلطـــآآن
وباسل...اكيد بمدرسته
اليوم عندها اوف
كويس...بعد هيصة امس مالها خلق تداوم
شافت امها وهي بآخر درجه:صبــــآآح الخيــــر يمــــه..
ام سلطان ومستغربه:هلا بنيتي صبـــاح النور...غريبه صاحيه؟؟
خلود وهي تروح لجدتها وتبوسها براسها:شلونك يمه صبحك الله بالخير..
شيخه ترد:هلا صبحك الله بالنور والسرور
لفت خلود على امها..:حلمت حلم مو زين وقمت مفزوعه من نومي
شيخه:بلاك ماتقرين المعوذات قبل تنامين ولا ما تفزعين
خلود بضيقه:تبين الصدق يمــه امس ما قرأتها
ام سلطان:يله انشالله خير
خلود وهي تتنهد:ربي يسمع منك يمــه
جلســـــت مع جدتها وامها وافطـــــروا..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك