رواية فمان الله يا غالي -39
مرام:قولوا له يدخل ماكوا احد غريب
آلاء تناظرها وعيونها بتخرج:وانا مب آدميه قدامك؟؟
مرام وتغمز لها:إنتي خطيبة المستقبل
شوي ويدخل عادل...حس ببروده تسري بجسمه وهو يشوف آلاء
شال عينه قبل ماتنتبه مرام وقال:شخباركم بنات؟؟
آلاء وحلا:بخير الله يسلمك
راح لغرفته بدون اي كلمه
مرام تدق آلاء برجولها..
حلا تتحلطم"يخلوني اغطي على باسل اما عادل حلال يشوفني افففف"
مرام وآلاء ناظروا بعض وضحكوا:ههههههههههههههههههههه
عادل وهو بغرفته سمع ضحكتهآ" يالبى الضحكه بس فديييتك قريب انشالله وانتي لي"
طلع وقزها قبل لا يطلع ومرام ما رحمت آلاء تعليقااااات
××في مكان ثآآني××
الهنوف توقعت خطوبة عبود لها وما انصدمت تصنعت انها متردده وهي طااايره وناااااسه وناويه بداخلها تعذبه على بال ماتوااافق
خلود اول ماسمعت بالخبر راحت لغرفة اختهاآ دقت الباب
الهنوف من آخر الغرفه:ادخـــل
خلود داخله بإبتسامه:كلولولولولووووووش
الهنوف ضحكت على هبال اختها
خلود:ياهووووه بس اش هالحركات بيصير عندنا عروس بالبيت
الهنوف:عروس مره وحده !!...خليني اوافق بالأول
خلود وتغمز لها:داريه فيك بتوافقين
الهنوف وهي تلف:مو شرط
خلود:بعــد موقف ...وحطت يدها على فمها وما كملت
الهنوف:بعد موقف شنو؟؟
خلود:هاه...اي بعد موقف القهوه...انا قلت مابتعدي هالطيحه بسلام
الهنوف:ههههههههههه مو بس هالموقف..خل اقولك بدايتي مع هالولد..
خلود بصوت متغير:مو الحين والله مالي خلق اسمع شي
الهنوف لاحظت:خوخه شفيك؟؟
خلود:والله اوضاع بيتنا رايحه فيها
الهنوف:ليه اش فيه
خلود: حالة فارس مو عاجبتني مبين عليه تعبان حيل وشايل همووووم تخيلي امس صحيت 3 الفجر لقيته بالصالون رامي نفسه عالكنب ومنشغل باله مررره
لدرجة اني دخلت عنده وما حس فيني..انا خايفه يكون صاير له مشكله كبيره حنا مو داريين
الهنوف:خوخه لا تخوفيني عليه انشالله ما فيه إلا العافيه وبعدين عشان فارس صارت اوضاع البيت!!!
خلود:مو بس فارس..باسل نفسيته بسابع أرض عشان حلا..ومحمد مررررره متضايق
الهنوف:يؤ محمد؟؟...شفيييه؟؟
خلود:والله مدري شالسالفه بس بقولك اللي صار
وحكت خلود عن مكالمة لميس والكلام اللي قالته عن محمد
الهنوف:والله حاااااله...الله يكون بعونهم اخوااااني
خلود وهي سرحانه بالفراغ: الحب مو مريح احد
الهنوف فطست ضحك:هههههههههه شفيك تقولينها كأنك مجربه
خلود انتبهت:وش هي اللي اقولها؟؟
الهنوف:هههههههههه لا رايحه فيها والله...الله يستر لا اصير مثلكم ^_^
في مكآآآن ثآآآني
×× فـــي بيــــت ابو عبدالله××
فرح عطت ابوها الموافقه وكان فرحان لهاا من قلب وانتشر الخبر راحوا يحللون وحددوا موعد الشوفه بعد ما تطلع نتيجة التحاليل
بعد 3 أيام رجع ابو فيصل وفيصل لبريطانيا..
××فــــي بريطــــآنيــآ××
عهود وفراس من بعد آخر حرب بينهم موقف صار احتكاكهم ببعض قليل
فراس تغيرت معاملته لها كثير صار يعطيها طناااااااش
وعهود مو عاجبها الوضع متضايقه مره ومتندمه على الموقف الأخير
بنــــدر استاااانس من قلب لأن ابوه رجع يثق فيه وتمنى لو ان خلود ما زالت وياه عشان يخبرها
كان متأكد انها بتفرح له
طبعا بالأسبوع اللي سافر فيه ابوه تولى بنــدر إدارة الشركه وحاول قد مايقدر يكون عند حسن ظن ابوووه فيه
دانـــــه فقدت ماآآجـد كثير...اكثر من مره فكرت تدق عليه او تسأل عن اخبآآره بس تكنسل بآآآخر لحظه
رآآآكــــان ينتظر مكالمة اسيل له على أحر من الجمر
طبعـــآآآ الكل مو عآآرف عن خطوبة فرح وفيصل..
اليوم الثــاني..
عــائلة ابو فيصل جالسيـــن عالفطووور
ابوفيصل:بنـــدر كيف الشغل معـــاك
بنــدر ابتسم:فل ياباشا...انت اعتمد بس
ابوفيصل ابتسم:شد حيلك بدراستك واسلمك فرع
بنــدر لمعت عيونه: ابشر يبه
راكان:وانــــا؟؟
ابوفيصل: وانت بعد
فيصل كان ياكل بصمت وما تكلم
ابوفيصل ويربت على كتف ولده:أمــــا العريس بسلمه إدارة الشركه الأساسيه
ام فيصل ابتسمت: اي عريس يابو فيصل ولدك ماطراه يعرس
ابوفيصل ناظرها بحنان وبعدين ناظر ولده: باركوله...
قبل نجي من السعوديه خطبنا له واخذنا الموافقه وراحوا يحللون هو والعروس فرح بنت اخوي محمد
ام فيصل مو مصدقه دمعت عيونها ..ناظرت فيصل اللي ابتسم:صدق والله؟؟
اشر لها فيصل يأكد كلام ابوه
عهود وادانه وام فيصل:كلولولولولووووووووش
فراس يناظر عهود"عقبالنا يااارب"...انتبه على دعوته وابتسم
عهود شافت ابتسامته وجاها فضول تعرف شيفكر فيه
بنـــدر بارك لأخوه وانخنق لما تذكر ان اللي يبيها مايعرف فينها ومنو بنته..
الكل بارك لفيصل وفرح له من قلب
بعــــــــــــد اسبوعين
×× فـــي السعـــوديه××
دخل فارس يسلم على امـــــه: صباح الخير يالغآآآليــه
شيخه بضيقه: صباح النور والسرور
فارس بتعب ومبتسم:خير الغاليه ضايق خلقها من صباح ربي عسى ماشر؟؟
شيخه:ومن وين يجي الخير وانا يومي قرب وما شفت عيالك
فارس"اوووهووووه ردينا على طاري اللي"..تصنع ابتسامه: يمـــه الله يهدآآك قريب انشالله
شيخه: من دخلت العشرين وانت تقول قريب وهذا انت بتدخل 29 سنه وانت ما اعرست
فارس قام يحب راس امه:ولا تزعلين يالغاليه اوعدك ما تدور السنه إلا وانتي خاطبة لي
فرحت شيخه من قلب:قل والله
فارس:انا وعدتك يمه بس صبري علي
شيخه:الله يبشرك بالخير ياولدي يوم المنى اللي اشوف فيه عيالك
ابتسم فارس وهو يوقف:يله يمـــه انا بروح الدوام توصين على شي؟؟
شيخه:أيه ياولدي ابيك تفطر قبل تروح مدري شفيك هالأيام صاير ماتاكل وبالك منشغل
فارس:انشااااالله يمه من هالعين
ابتسمت شيخه:الله يرضى عليك دنيا وآآخره
بنفس اليوم الظهر
×× فـــي بيــت ابو عبـــد الله ××
فرح:انت من صدقك تبيني ادق عالبنت اسألها إذا هي موافقه ولا لا؟؟؟
عبود:يوووووه يافروووحه وش فيها يعني
فرح:فيها ونص والله قويه انت اصبر لك شوي وبيجيك الرد
عبود:وفيه صبر اكثر من اسبوعين ونص!!..
فرح:الله يعينك تحمل..وبعدين قلت لك ما اتوقع بترفض وهي بتلقى احسن منك؟؟
عبود ابتسم:فديتك والله
دخلت لميس وببرود:امي تقول انزلوا الغدا جاهز
وطلعت
عبود:شفيها اختك مو على بعضهاآ
فرح:مدري لها اسبوعين على هالحال
عبود: ماعلينا يلا قومي بس خل نتغدا جووووعااان حدي
فرح وهي تطلع ورا اخوها: انت دايم جوعان الله يعين الهنوف عليك
ابتسم عبود وهو يتخيل نفسه مع الهنوف ببيت واحد
في بيت ام مهند..
رهف وسمر جالسين والطفش ذابحهم
رهف خذت موبايلها ودقت على آلاء ماترد
دقت على موبايل حلا لقته مغلق قامت تدق عالبيت بعد دقايق جاها الصوت:هلا وغلا
رهف خافت لما سمعت صوته: آلاء موجوده؟
نواف ماسمعها:الوووووووووووو ميين؟
رهف:الووو آلاء موجوده؟؟
نواف:إيـــش؟؟
رهف دمعت عيونها وبصوت اعلى: نـــــواااااااااف
نواف هنا فز قلبه عرف صوتها:يالبيه
رهف انحرجت:اخيرا سمعتني!!..ابي آلاء
نواف وهو خاق"يازين اسمي من فمك":اي ثواني بس
سمـــر وهي تلعب بموبايلها:منو رد عليك؟؟
رهف وخدودها متورده:نواف
هنا نواف كان عالخط وسمعها تقول اسمه ابتسم:احم..آلاء مشغوله شوي تقولك خمس دقايق ودقي على موبايلها
رهف:انشالله
وقفلت.
لفت على سمر: تقولك خمس دقايق ودقي على موبايلها
سمر بدون اهتمام:ماني منتظره خمس دقايق بدق الحين
وخذت موبايلها بتدق
نواف بعد ماقفلت رهف انصدم انها ماقالت حتى باي ناظر سماعة التلفون وباسها
شافه فهد اللي كان نازل من الدرج:الحمد لله والشكر خلصوا بناتك يوم تبوس السماعه
نواف:ههههههههههه يخسون ابوس وحده فيهم وبعدين انا ناوي اسوي تصفيه للبنات
فهد اي هين بس
قطع كلامهم صوت موبايل آلاء يرن
نواف ناظر الإسم:سموره
ابتسم وهو يناظر فهد ويرميله الموبايل:خذ مرتك تدق رد وقولها آلاء مشغوله
فهد اخذ الموبايل ابتسم ويدينه ترجف ورد:ياهلا وغلا
سمر ابتسمت بدورها لما سمعت صوته وبصوت اقرب للهمس:هلا فيك
فهد وهو يدخل اقرب غرفه ويقفل على نفسه:شخبارك يالغلا
سمر فز قلبها:بخير دامك بخير
فهد ومو حاس بنفسه:بغيتي تذبحيني وتروحين مني
سمر سرت بجسمها بروده من كلمته وبسرعه ردت: اسم الله عليك يومي قبل يومك انشالله
انصدمت من كلامها
وهو تفاجأ وابتسم بعدها:لا اسم الله عليك
سمر ومفتشله: احم...آلاء موجوده؟؟
فهد ومازال مبتسم:لا مشغوله شوي بس تخلص اخبرها تدق عليك
سمر:اوكي مع السلامه
فهد: فمان الله
وقفلوا
سمر تآآخذ نفس ضحكت وهي تذكر كلامها..
"ياربي شفيني لهالدرجه خاقه عليه ماعاد احس بحالي يوم اتكلم"
فهد وهو يفتح الباب بيخرج من الغرفه" يـــاااا لبى قلبها تخاف علي...معناها انا اعنيلها..معقوله تكون فسخت خطوبتها عشاني..!!...
اخ بس لو اعرف..كان على طول اخطبها وما اتردد"
بنفس اليوم البنــــات دقـــوا على بعض واتفقوا تكون الجمعه اليوم ببيت ابو عبد الله...
دقت باب غرفته وهي جاهزه وتبي تروح بيت عمها
دخلت لما سمعت الإذن بالدخول
شافته جالس على لابتوبه ومنهمك يكتب
رفع راسه لما لاحظ سكوتها وانتبه انها كانت تراقبه
لما شافها كاشخه: لاتقولين تبيني اوديك مكان!!
خلود ناظرته بترجي:بليــــــــــــــز!!
محمد يفكر:طيب على وين؟؟
خلود وبسرعه:عند لميس
محمد تضايق من طاريها
خلود ندمت انها جابت طاريها
محمد بضيقه:طيب يلا دقايق ونازل اشغل السياره انا بعد ابي شوف ماجد وعبود..إلا هنوفه مو رايحه وياك؟؟
خلود ابتسمت:ههههه مستحيه تروح بيت خطيبها...
محمد ابتسم:ليه هي وافقت؟؟
خلود:الظاهر خلاص بتوافق...سكتت فتره وهي تناظر اخوها اللي يكاااابر وبعدين قالت:مو ناوي تسوي شي؟؟
محمد رفع راسه:شي مثل شنو؟
خلود:يعني تعتذر لها مثلا
محمد:لو اضمن انها بترضى لو اعتذر لها وبتسامحني.. اعتذرت!!
خلود: بسالك سؤال بس جاوبني بصراحه
ناظرها ينتظر سؤالها
خلود:لميس تعنيلك شي؟؟
محمد تنهد ونزل راسه:تبين تعرفين شتعنيلي؟؟
خلود ناظرته وهي مستغربه
محمد فتح الدرج اللي جنبه وطلع منه دفتر رماه لها
خلود مسكته بخفه
محمد:شوفي وبتعرفين...ورجع يكمل شغله..وقبل لاتطلع خلود: لاتنسين خمس دقايق وانتي بالسياره
خلود طلعت من غرفته وهي تقرا الدفتر وعيونها بتطلع من الصدمه
××فـــــي بيـــت ام عـــادل××
عادل:مرومه شفيك مزاجك مقفل؟؟..احد جابرك تروحين؟؟
مرام وانتبهت لنفسها: لا بس متضايقه..وبروح اوسع صدري
عادل:طيب يلا انا بطلع اشغل السياره البسي عبايتك واطلعي
لميس هزت راسها وهي شااااايله هـــم وكل هذا لأنها بتروح بيته
اول من وصل كانت خلود قبل اذان المغرب بربع ساعه
خلود وهي بالسياره دقت على لميس:لموسه افتحي الباب انا جيت ....باي
لفت على محمد:بتنزل؟؟؟
محمد بدون مايناظرها:إيــه
خلود:يلا
ونزلوا الإثنين
دخلت خلود ولميس واقفه عند الباب..صرخت اول ماشافتها وضمتها
محمد كان برى وشافها لأنهم كانوا واقفين قدام الباب والباب مفتوح..خفق قلبه وهو يشوفها زماااان عليها
لميس وهي تضم خلود كانت عينها برى شافته وراحت ابتسامتها
بعدت عن خلود وهي تقفل الباب وتشمق لمحمد
خلود:لحظه لحظه محمد برى يبي ماجد!!
لميس بنبره عصبيه:طيب ببلغ ماجد ينزل له...ابتسمت وهي تقول:ادخلي هنا وتعدلي لحد ما اطلع اخبر ماجد
خلود وهي ناويه على شي:اوكي
طلعت لميس فوق وخبرت اخوانها على اساس ينزلون
نزلوا ماجد وعبود وطلعوا لمحمد
خلود ولميس جالسين وساكتين
خلود:احم...لموسه لسا شايله عليه؟؟
لميس بضيقه:حيل...ومو ناويه اسامحه
خلود:طيب عندي شي ابي اوريك إياه
رفعت راسها لميس:شنو؟؟
خلود طلعت الدفتر من شنطتها ومدته للميس
لميس تذكرت الدفتر على طول هي شافته قبل
قالت بسخريه:هه شفته قبل!!
خلود انصدمت:متى؟؟
لميس:المهم اني شفته
خلود ارتاحت:طيب قريتي الي جواته؟؟
لميس:ايه....وبخنقه:الله يهنيها
خلود مستغربه: منو؟؟
لميس:هذي اللي شاغله اخوك
خلود ابتسمت معناها ماقريتيه...طيب خذيه عندك واقريه عدل...مو الحين بعد ما اروح
خذته لميس بدون ماتتكلم
بهاللحظه مرام كانت توها واصله
نزلت وعادل حرك سيارته على طول لأنه كان مستعجل
وقفت عند الباب وطلعت موبايلها تبي تدق على لميس
تفتح لها
بدر كان نازل من الدرج بيطلع
وصل لما الباب وموبايله بيده بيدق عليها وبيشوف أخرتها مع هالبنت
مشتاااق لها ومو قادر يفسر سبب هالشوق
دق رقمها وهو يفتح باب البيت
مرام تفاجأت وهي تسمع الباب ينفتح
الغت الإتصال على لميس وقبل تحط موبايلها بشنطتها دق
بدر فتح الباب وصار بوجهها
لميس موبايلها بيدها وتناظر بدر مصدومه
بدر يناظر موبايلها ينتظرها ترد مايدري انه هو اللي يتصل عليها
مرام ماشافت الرقم بس عينها بعينه ومو قادره تشيل عينها
مرام ناظرت موبايلها وهي ميته رعب
مشت بسرعه قبل يكشفها
بدر بسرعه رجع يدق وسمع موبايلها يرن من بعيد
قطع الإتصال وهو مصدوووووووم...عرفها اخيــــــــــــــرآ!!!!
البنت اللي كانت تدق عليه هي مــــرآآم
معقوله!!
مرام تحبه هو!!...مرام تتصرف كذا!!...انصدم فعلا
ركب سيارته ومشى وهو يفكر شغل اغنيه ورفع الصوت عالآآآآآآخر
مرام كانت توها داخله...قفلت موبايلها ويدينها ترجف..
انقلب كيأأأنها فوق تحت من ناحيه لأانها شافته بعد طول غيبه
وشي ثآآآني لأنها تأكدت مليون بالميه انه عرفها
بهاللحظه تمنت من قلب الأرض تنشق وتبلعها ولا تكون مرت بهالموقف
ظلت تفكر"ياربي شردة فعله...شيقول عني الحين.....شسوي.....ليتني اقدر ارجع الزمن ولا اسوي اللي سويته"
حبست دمعتها اللي كانت على وشك تنزل وهي تسمع صوت لميس:مـــــرآآآآم؟؟...متى جيتي يالدوبه وضمتها
مرام مو حاسه بشي تحس الدنيا واقفه بعينها
عنـــــــــــــــــد بــــــدر
تنهد وهو يتذكر نظراتها له
" شكلها شايله علي كثــير....آآآخر شي توقعته ان مرام تهتم لي...وآآآخر شي توقعته ان هالبنت تكون من بنات عماتي او اعمامي"
ضرب الدركسون وهو منقهر من نفسه شلون حمل لها كل هالمشاعر وهو مايعرف منوبعد؟؟
بعد المغرب
كانوا البنات مجتمعين ببيت ابو عبد الله وفاااالينها كل وحده فيها هموم الدنيا وتكاااااابر
كل وحده شايله بقلبها حب كبير وتكاااااابر
كل وحده عندها استعداد تكتم حبها وتتعذب بس ماتنجرح من اللي تحبه
واللي انجرحت بداخلها صراع بين حبها له وحقدها عليه
بس بالنهـــــــايه" الحــــب هو دائــــــمآآآ المنتصر"
يـــــآآآحلوووو حب البنـــــآآت
××بنفس اليــــــوم بآآآخر الليل××
خلود بغرفتها...النوم هالأيام بالنسبه لها حلم...بدأت ترجع لها حالة الهوس ببندر وشوفته
تتملكها حالة ضعف كثيييير وتفكر تتهور بس بأأأخر لحظه تقتل هالضعف بقوه مصطنعه
مرام نفس الحاله اليوم النوم هو عدوها ومو راضي يجيها...تفكر بعاقبة افعالهآ
ياترى لو وصل الخبر لعادل شنو بتكون ردة فعله..؟؟
شلون اخون ثقة اهلي فيني بتصرفات صبيانيه...اففففففف ياربييي
لميس جالسه على سريرها وبين يدينها الدفتر اللي عطتها خلود
النوم ذابحها بس هي مصره ماتنام قبل تفهم اش بهالدفتر
فتحت اول صفحه لقت مكتوب فيهاآ
"إلى من عشقتها دون ان تعلم
إلى من كانت السبب في حرماني من النوم الهانئ
الى من زارتني في منامي وابت ان تفارقني في يقظتي
ما ساكتبه هنا هو ملكك انتي ولا يحق لكآآآئن من كان
ان يقرأه سوااااك
كلماتي هي مشاعري لك
لا املك إلا ان اكتبها هنا...إن شاء القدر وقرأتيها وإلا
فلتسامحني لأني اجبن من اعترف بها حقآآآ
أحبـــــــــــــك يا مالكة قلبي"
مجنون لميــــس
ابتسمت وتجمعت الدموع بعينها وهي تقرأ هالكلمات لعنت نفسها بداخلها مليون مره
إذا هذي بداية الكلام شنو باقي..
فتحت وبدأت تقرأ
وبكل كلمه تقرأها تزيد صدمتها بشخصية محمد اللي قدر يخفي كل هالمشاعر بداخله
بوحده من الصفحآآآت قرأت خاطره كتبها وتفسر لها كل تصرف ينرفزها من محمد
" سؤال يراودني كثيرآآ
هل جرب احدكم ان يتصرف بحماقه ليخفي مشاعر تكاد تتفجر رغمآآ عنه؟؟
نعم هذا ما افعله
اتعمد ان اغيظها بكلامي كي لا تشعر بحبي
وفي بعض الاحيان..اتعمد جرحها لكي توقن بانها ابغض مخلوقة على قلبي
لا اعلم لماذا ينتابني الخوف عندما افكر مجرد تفكير بأنها ربما تشعر بما بداخلي!!
ولا اعلم حقا لماذا اخفي عنها وعن العالم كل هذا الحب...!!!
لا ليس حب...ااكون قد ظلمتها لو اسميته حبآ
انه عشــــق
جنــــون
هـــــوس
مابداخلي فعلا لا تستطيع حمله الكلمات لأنها تعجز
قلبي وحده من يستطيع حمله
محبوبتي لميس..فلتسامحيني ولتغفري جرحآآآ يصدر من احمق مثلي
ليخفي حبه عنك
عاشقك الاحمق"
*للمعلوميه الخاطرتين السابقه من تأليفي الشخصي ..كح كح
بكت بعد هالخاآآآطره
وضمت الدفتر وهي تهمـــس:احبــــك يابعد كل الحمقـــى<<هع يلعن اوم الرومانصيه
بمكآآآن ثآآآآني
وبعد سوالف ماتنتهي
آلاء نـــايمه وعلى فمها ابتسامه
حلا تراقبها وتسأل نفسها"ياترى وش تحلم فيه.....ياترى باسل هالحين وش يسوي..؟؟"
تذكرت رقم باسل بموبايلها
اخذت موبايلها وكتبت مسج(تصبح على خيربسولي)
راحت لغرفتها و لبست بجامتها ورمت نفسها عالسرير تحاول تنام
وقبل لاتغفى عينها جاها الرد
(وانتي من أهله يالغلا... انتبهي لنفسك وتغطي زين..نووووم العوافي حلووووي)
ابتسمت واستسلمت للنوم
ولو انها شافت نفسها وهي نايمه ومبتسمه عرفت سر ابتسامة آلاء
بقية البنآآآآت انخمدوا بدون اي اكشن يذكر
×× فـــي بريطــــآآنيـــآ××
لسا ماجا وقت النوم عندهم
فيصل وفراس وبندر وسامي يلعبون ورق
وانواااااع الصراخ
دانه وعهود لاول مره قرروا يدخلون المطبخ ويتفننوووون
دانه ابدعت بالعصيرآآآت
وعهود جهزت الكيـــك...
كانت تحط اللمســآآت الأخير لما دخل راكان:يمييييي اشم ريحه تجنن...شتسووون؟؟
عهود:تعال ركون شوف
ركان ابتسم:وااااااو شكلها يشهي ومد يده يبي ياخذ من الكريمه ضربته على يده
عهود:رووووح الحين بجيبها هنآآآك
ركان تحطم:طيب
وطلع
عهود اخذت باقي كريمة الشوكلا وكتبت عالكيكه إسمها ابتىسمت وهي تناظرها من بعيد:صدق اني فنانه
دانه:يلا عهوده خذي الكيك والحقيني للصالون
عهود:ابوي بالشركه بس امي وينها؟؟
دانه من بعيد:عندها جمعه ويا صديقاتها..!!
دخلت دانه بصحن العصيرات
وعهود وراها بالكيكه
الشباب كانو جووووعاااانييين حدهم وبس شافوا الأكل تركوا اللعب
عهود:اسم الله عليكم صدق مفاجيع
دانه:سامي ليه ما جبت امل وياك؟؟
سامي ابتسم ابتسامه هاديه:تعرفين الحمل متعبها ومالها خلق تطلع
عهود وهي تقطع الكيك:سلم عليها كثير
سامي:انشالله
عهود كانت تقطع ودانه توزع الصحون عليهم والعصيرات
سامي وبندر يسولفون وياكلون
فيصل يناظر التلفزيون وهو ياكل بصمت
وراكان يلعب بموبايله يمسج ويا اسيل
فراس عينه متعلقه عليها وهي تكلم دانه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك