رواية فمان الله يا غالي -37
فراس لف يبي يطلع لقى دانه واقفه بوجهه مصدومه من اللي صار
مر من قدامها وسمعها تقول بصوت مايسمعه غيره:ليه تخفي حبكـ لهااا؟؟!!
ناظرها وقال بتعب: لأن هذا (يأشر على قلبه)..مايتحمل صدها وانا اعرف عهود لما احد يحبها
وطلع
دانه بنفسها" الله يعينكم الظاهر بتتعبون كثير...تذكرت ماجد وابتسمت بمراره ويعينني انا بعد"
××بعد 4 أيــــام××
في الســــــــــعوديه..
دق مهند على زياد وخبره بالسالفه الموقف كان شوي صعب بس اللي سهله موقف زياد اللي تقبل السالفه برحابة صدر
دق باب غرفتها وهي تكلم خلود: لحظه خوخه عن اذنك دقايق افتح الباب وارجع لك
قامت وفتحت الباب وتفاجأت انه اخوها
مهند وهو مبتسم:مشغوله ؟؟
سمر ترد الإبتسامه:لا حياك ادخل
مهند:لا اساسا انا طالع بس ابي اقولك اني البارح مكلم زياد وانهيت الموضوع..
سمر ماتدري شتسوي بهاللحظه ومن الفرحه ضمت اخوها
مهند تفاجأ من ردة فعلها قام يضمها ويضحك..
سمر وهي تبعد عن اخوها..:امي عندها خبر؟؟
مهند ويبي يطمنها:إي انا مخبرها...فرحت من قلب...يلا عاد بتأخر على الشباب...
قفلت سمر باب غرفتها وصرخت وراحت تجري على موبايلها:خلوووووووووووووووده انفسخت الخطووووبه
خلود بس سمعتها ضحكت..:هههههههههههههههههه ألف مبرووووك حبيبتي الله يعوضك خير انشالله
سمر:آآآمين يارب...يااااي مستااانسه
خلود:ههههههه انشالله دوم يلا عاد اتركك تستانسين براحتك...امي تبيني اليوم الجمعه عندنا لاتنسين
سمر:اوكي..باي قلبوووووو سلمي على هنوفه وعلى خالتي وخالي
خلود:يوصل انشالله بااي
سمر بعد ماقفلت تنهدت "يآآآ ربييييي ياريت اقدر اوصل له خبر.."
توها تحس بالحريه..تو مارجع لها نور الدنيا قبل كانت تحس الدنيا ظلام وتحس الحياه كئيبه بس الحين الدنيااا غيييير
دقت على آآلاء
آلاء ردت:هلااااا سموره هلا بالعرووووس
سمر:هلا فيييك يالغلاااا..
آلاء:غررريييييبه مرووووووقه..زمان على هالصوت يالبى روحك والله
سمر:ههههههه فديتك والله ..خلااااص مااااكو عروووووس
آلاء:شلون يعني؟؟
سمر:فسخت الخطوبه
آلاؤ طلعت عيونها"اوما..!!!!
سمر:والله
آلاء:ليه!!
سمر:ما رتحت والله وامس كلمت مهند وهو انهى الموضوع ومستاااانسه حدي
آلاء ومبتسمه:لهالدرجه كنتي مكبووته..!!
سمر:يوووووه فوق ماتتصوري..بس الحين مره مبسووطه
آلاء ابتسمت من قلب وهي تتخيل شكل فهد لو وصله خبر: يلا حبيبتي الله يعوضك خير انشالله
سمر:آآآمين انشالله...وحشتوووني انتي وحلاا مووت
آلاء:وربي انتوا اكثر...اممممم رايحين اليوم بيت خالي بوسلطان؟؟
سمر:ايه انشالله.. والله زمااان على جمعااتنا
آلاء:وزمان على ضحكتك سموره
سمر:ههههه ياقلبي فديتك..يلا عاد اتركك الحين سلمي على حلا
آلاء:انشالله باي حبيبتي نتقابل
سمر:انشالله باي
آلاء طلعت من غرفتها مستاانسه وتنادي:حــــلا..حــلا..!!
سمعتها ام خالد اللي كانت جالسه بالصاله: حلا نايمه شبغيتي
آلاء وهي تنزل من الدرج:يمه ..سمر فسخت الخطوبه..!!
ام خالد شهقت:هو...ليه!!
آلأاء:تقول ماكانت مرتاحتله من البدايه..توها مكلمتني ومستاانسه
ام خالد ارتاحت:الله يعوضها باحسن منه يآآرب..ويرزقها ولد الحلال
آلاء:آمين يارب..متى بنروح بيت خالي.....................
نواف كان داخل البيت وسمع السالفه رجع طلع..وهو عند باب البيت دق على فهد
رد فهد بصوت تعبان:هلا نواف
نواف بحماس:هلا فهووود..وينك فيه؟؟
فهد حس انو فيه شي:ليه؟؟
نواف:ابيك ضروووووووووووووووري
فهد:طيب الحين بجيك
نواف:لالالا لاتجي انا بجيك بس قلي وينك فيه
فهد طلعت عيونه:وين تجيني ..انا بكورنيش الدمام..خلك وانا بجيك
نواف عرف ان اخوه متضايق مايروح للبحر إلا إذا وصلت معاه:اقووول اركد مسآفة الطريق وانا عندك
××في بريطآآآنيــــآآ××
دق على موبايل امه ماترد
دق على موبايل مرام
ردت بفرح:هلااااااااااااا وغلاااااا نوووووور الموبااااايل
فراس:ههههههههههه هلافيك شوي شوي علي كل هذا شوق؟؟
مرام:واككككككككككثر وحشتنيييييييي مووووت
فراس:ههههه والله انتم اكثر كيفك وكيف خواتي وعادل
مرام:كلنا بخير والله
فراس:وامي شخبارها من شوي ادق على موبايلها مغلق
مرام:امي نايمه الحين تبي اصحيها
فراس:لا خليها ترتاح
مرام:انت شخبارك وكيف برايتون معاك وعيال عمي شخبارهم؟؟
فراس:كل شي تمام والدراسه ماشي حالها
مرام:وعهوده شخبارها عسى ماتتناقرون بس؟؟
فراس:ههههه بخير ماعليها واحد يشوفها ومايناقرهااا
مرام:ههههه عز الله قامت الحرب العالميه ببيت عمي
فراس:هههههههه اي والله ..خالي بوفيصل وفيصل وفارس بآآآكر بيمشون عالسعوديه بلغي امي
مرام:جد والله!!...وانت مب جاي وياهم؟؟
فراس:لا ما اقدر عندي دوااام والله
مرام:اهاااا خلاص ببلغها انشالله عهود قريبه منك ابي اكلمهاااا
فراس:لا بغرفتها لحظه بوديلها الموبايل
طلع عندها دق باب غرفتها عهود وهي رايحه تفتح الباب:ميييييييين؟؟
فراس وهي تفتحه:انا فراس
فتحته وتغيرت ملامحها وبحده:نعــم!!
مد يده بالموبايل بدون مايتكلم ونزل وتركها
عهود تناظر الموبايل..حطته بإذنها وبهدوء:ألو
مرام:فدييييييييييييت الألوووو ياناااس شخبارك يادوووووبا وحشتييييني
عهود صرخت:مرووووووووووووووومه شخباااااااااااااااااااارك
فراس سمع صرختها ابتسم وبخاطره"ليتكـ تحبيني ربع حبك لمرام"
جلسوا يسولفون نص ساعه حكت مرام لعهود سالفتها ويا بدر بإختصار وعهود خبرت مرام باللي يصير بينها وبين فراس
كل وحده ساعدت الثانيه في اتخاااذ قرار واتفقوا ينفذووون وقفلوااا بعدها
××في الســــعوديه..××
ركب سيارته وطيران عالدمام...ساعتين ونص وصار بالدمام..
دق على فهد وعرف مكانه بالتحديد..
شاف سيارة اخوه من بعيد ..
وقف سيارته ونزل..
فهد يناظر نواف:خير انشالله خوفتني اش فيه..!!
نواف مبتسم: هات البشآآرهـ
فهد:بشآرة شنو؟؟
نواف:عندي لك خبر بمليوووووون ريآآل بيفرحك
فهد بسخريه:هه ما اعتقد بقى بهالدنيا اللي يفرحني يانواف
نواف: لا انا متأكد انه راح يفرحك
فهد بدون اهتمام:هات
نواف:سمر فسخت الخطوبه..!!
فهد ويحس الأرض تدور من الصدمه:كيف يعني؟؟
نواف ومازال مبتسم:يعني سمر انشالله بتكون من نصيبك (ويضربه بكتفه)
فهد مومصدق ولا قادر يستوعب:انت متأكد؟؟...ترى ماعاد فيني حيل انصدم زياده..!!
نواف:طيب انا اثبت لك
طلع موبايله ودق على مهند وفتح اسبيكر
جاه صوت مهند:هلاااا نوافوووه
نواف:هلا فيك...شخبارك؟؟
مهند:تمام وانت شخبارك وشخبار الأهل؟؟
نواف:كلهم بخير...إلا بسالك....زياد خطيب اختك وين يشتغل؟؟
مهند ومستغرب السؤال:بالدمام...ليه؟؟
نواف:لا بس قابلت واحد وخبرني عن قريبه يبي شغل واسمه زياد قلت يمكن خطيب اختك
مهند:اهااا...ماصار خطيبها
نواف:أفااا ليه؟
مهند:البنت مارتاحت له واليوم كنسلت الموضوع
نواف:يلا اهم شي راحتها الله يعوضها باللي احسن منه( ويناظر اخوهـ)
نواف:يلا عاد تامرني بشي؟؟
مهند:لا تسلم الوعد اليوم ببيت خالي بو سلطان
نواف:انشالله مع السلامه
مهند:فمان الله
وبعد ماقفل نواف ناظر اخوه:ها صدقت؟؟
فهد بهدوء:لا
نواف:طيب انا اخليك تستوعب صدق..
ومسك اخوه بحركه سريعه ودخل راسه بالمويه
رفع فهد راسه وهو يشهق وبعدها
ضحك:هههههههههههههههههههه لعن ابو ابليسك انت ومزحك اللي مثل وجهك
نواف:أحسن شي!!
نواف وفهد:ههههههههههههههههههههههههههههههههههههه
بعدها ركبوا سيآراتهم ومشوا عالريآآآض..
لما وصلوا الرياض نواف راح للبيت تجهز واخذ اهله وراحوا لبيت خاله بو سلطآآن
اما فهد راح للحلاق تضبط ورجع البيت وكشخ بالثوب والشماغ وقبل لا يطلع خذ له رشتين من عطره ..
سحب مفاتيحه ومحفظته وطلع وهو يقول بنفسه"اوعدكـ ما تروحين مني مره ثآآنيه"...
مشى على بيت خاله وهو يحس تو مارجعت له روحه...
××في الدمام..××
خالد: حبيبتي والله ما اقدر اليوم عندي اجتماااع مهم ومايتأجل
شذا:بس العيله كلهم بيجتمعووون هناااك والله مشتاقه حق هلي
خالد:والله داري بس شسوي..شذا قلبوووو تكفين قدري ظروفي انا بعد خاطري اروح بس شسوي؟؟
شذا: يلا نعوضها الأسبوع الجاي انشالله الله يكون بعونك حبيبي
خالد مبتسم وياخذها لحضنه:الله لايحرمني منكـ
شذا ابتسمت وهي تقول:ولا منك يااارب
××فـــــي بريطآآنيـــــا...××
بندر يكلم سامي اللي زووجته حآمل بالشهر الثآلث...
بندر: شخبار بندر الصغيروون
سامي:ياااخي امووت واعرف منو شآآلخ عليك وقايل لك اني بسميه بندر
بندر:ادري يعني بحكم اني خويك وتعزني بتسمي ولدك باسمي أكيد (ويغمز له)
سااامي:لا انا والمدام متفقين لو طلع ولد هي تسميه ولو بنت انا بسميها
بندر:اي ولو طلعت بنت اكيد بتسميها خلـ.............سكت لما تذكرها
سامي:والله يا انت احد ضاحك عليك ياضاحك عليك مافي غيرها
بندر:هاهاها لا ضاحك علي
سامي:هاهاها يااااشينك يابندر ياخي من رجعت من السعوديه وانت دمك ثقييييييييييييييييل
بندر عصب:انا اللي دمي ثقيل من رجعت ولا انت الي من تزوجت وانت مدري شلون صاير عقلت مدري شنو صار لك
سامي يضحك على بندر المعصب:هههههههههههههه الله يرجك يابندر ياااارب اشوفك عريس قريب يااارب
ابتسم بندر على دعوة سامي: الله يرجك انت وهالدعواات
سامي:ههههههههههههههه
فيصل توه داخل:اسمع طاري زواج انت وياه..تكفون لحد يجيب هالطاري..!!
سامي وبندر ناظروا بعض وكل واحد رفع حاجب
سامي:وخير انشالله
فيصل وهو يرمي نفسه عالكنبه:ااااخ بس ااخ...يجيني حاله نفسيه لاتذكرت ان هالفكره بوادي وانا بوادي
بندر من الصدمه عدل جلسته وطلعت عيونه:فيصلوووه تبي تتزوج؟؟
فيصل:هههههههههه اي ليه فيها شي؟؟
ابو فيصل اللي توه راد من الشركه وسمع نهاية الكلام:لا ما فيها شي وابشر باللي يرضيك ياولدي
فيصل انحرج من ابوووه:الله يسلمك يبه وقام يحب راسه
الكل:آآمين
ابوفيصل يناظر سامي:شخبارك ياولدي وشخبار مرتك وولدك؟؟
سامي:بخير الله يسلمك ياعمي
ابوفيصل:ورا ماتجيبها عند البنات تجلس وياهم هي ماتعرف احد هنا
سامي: والله ياعمي انها كارهه العيشه هنا لهالسبب بس هي كلها شهرين وبنرجع الكويت..!!
بندر تضايق وتغيرت ملامحه
ابوفيصل:الله يوفقكم ياولدي..اجل عشاكم الليله عندنا خلها تجي توسع صدرها ويا البنات
سامي:تسلم ياعمي مانبي نكلف عليك
ابوفيصل:الله يهداك انت حسبة اولادي ومرتك حسبة بناتي تعالوا والله يحييكم ولاتتأخرون
سامي:الله يكثر خيرك ياعمي ما تقصر
" دامه شعور متبادل
في الهوى خلنا نتعادل"
××في الســـــــعوووديـــــه××
في بيت ابو سلطان عالمغرب كذا كانوا الكل مجتمعين هنآآآآك
وبحكم انهم لهم فتره ما اجتمعوا كان الكل منهمك بالسوآآآلف
××عند الرجال ××
كانوا الشياب يسولفون بسوالفهم الممله الي ماتخلص الشركه والاسهم والسيارات والعقارات السياسه....إلخ
عادل وعبود الوحيدين من الشباب اللي موجودين بآخر المجلس وجالسين يحكون
عادل: من جدك عبود!!
عبود:ليه ماني بوجه زواج وكفو؟؟
عادل:إلا كفو ونص
عبود:خلاص انا عزمت والله وانشالله الخطبه الاسبوع الجاي بس باقي اكلم الوالد
عادل ويغمز له:اجل انتظرني ونتزوج سوا
عبود:لاحبيبي انا واحد مستعجل بخطب والشهر اللي بعده ملكه واللي بعده زواج ماعندي صبر
عادل:الله يرجك وانا اقول انت اللي بتفزع لي
عبود:انت يومك بسنه عبال ماتدور وتقتنع وتقرر اكون خلفت 5...خلك انت ومهند وفارس مع بعض
عادل:إلا على طاري فارس والله الدب له وحشه
عبود:اي والله فقدناه هو واخوك الخبل فراسوووه
عادل:هييييي لا تغلط عاد كلش ولا فراسوه
قطع كلامهم موبايل عبود يدق رد:هلا مجود......لعن ابو ابليسك لاتصارخ فقعت اذني......ليه نجي....طيب وينكم؟؟.....اوما..!!..وش موديكم ورا الفيلا....طيب طيب الحين جايين...وقفل
عبود بعد ماقفل:قم الشباب مجتمعين يبونا
عادل:ليه خير وينهم هم؟؟
عبود:ورا الفيلا
عادل:وش يسوون
عبود:مدري عنهم خل نروح نشوف
عادل:قدااام
وراحوا لهم
××في غرفة البنآآت××
فجأه وهم يسولفون صرخت مرام بقهر:بنآآآآت متاكدين مافيه مبآآراه للمنتخب اليوم !!!!
فرح:يآآآربي يامرومه عجزنا نقولك لا
آلاء:مرومه شفيك قلبووو؟؟
مرام:والله انا اسمع دجه مو معقول هالصوت كله اتوهم!!
خلود:شرايكم نطلع بسطح الفيلا ونشوف
البنات:يلا
طلعوا كلهم...وهناآآك كانت المفآآآجأه
الكل صار فاتح فمه من الصدمه
الشباب ماخذين سياره ورايحين ورا الفيلا ومشغلين اغاني ورافعين الصوت وهاتك رقص
اللي صدمهم زياده ان سلطان وبدر اكثر شخصين جديين جالسين يرقصون
كل الشباب كانوا فالينها رقص...من اصغرهم باسل لما اكبرهم سلطان
البنات سطحووووا ضحك...
الهنوف نزلت جريييي وجابت كاميرتها وصورت هبالهم
لميس:يلعن ابو الفله هم فالينها واحنا داخل
جمانه مقهوره:لا كان طلعتي وياهم احس...وهالسلطان مايسوي فيها جدي ورسمي إلا قدامي ومن وراي ماعرفته من الهبال اللي عامله
سمر وهي فاطسه ضحك:الله يرجه هنووود غررييييبه مسويها هههه
فرح:لا لا لا...اتوقعها من الكل إلا بدروووه..مو مصدقه
الكل:من جد والله غريبه
مرام تناظر بدر وهي مبتسمه انه تعدل شوي بعدها تذكرت مواقفه معاها وحقدت عليه..:بنات تهقون خالي بو سلطان يدري بعمايلهم؟؟
خلود:هههه لا ما اعتقد لو يدري بيلعن خامسهم
سكتوا البنات شوي وتموا يناظرون بعضهم لثواني بعدها اطلقوا ضحكات شر..
آلاء:بنات تفكرون باللي افكر فيه
الهنوف مبسوطه تبي تفشل عبود مثل ماتفشلت قدامه: شرايكم نعلم ابوي
مرام ومتحمسه تبي تنتقم:إي والله
جمانه ومنقهره من سلطان:حتى انا فكرت كذا
حلا:لا حراااام عليييكم
الكل ناظرها
لميس:منقهره من محمد وتبي تتريق عليه وهو يتهزأ: ولا حرام ولا شي هم يستانسون وحنا هنا لاحبيبي كلنا بالهوا سوا
اسيل وريماس:حنا بنروح
الهنوف:لا لا لا... خلوني انا بروح عشان ابهرها زين..وبخاطرها.."هين ياعبود...خلنا نصير متعادلين"
قبل لاتنزل وقفت وعطت البنات الكاميرا: خذوا ولايفوتكم شي صوروا التهزيئه اللي بياكلونها خل نستانس ونشوفها عدل
ونزلت
××عند الشباب××
وهم فالينها ويطلع عليهم جارهم ومعاه اثنين من اولاده وهم ضخاااام واشكالهم تخوف شوي
الشباب بس شافوهم ويحطون ارجولهم دعععس لحد مادخلوا الفيلا
اول ما دخلوا
ابوعبدالله ومعصب:وين كنت انت ويآآآآه؟؟!!
الشباب ساكتين ومحد يرد
ابوسلطان:لا ومعاهم سلطان العاقل...الناس تتزوج وتعقل وانت تزوجت واستخفيت
ماجد بنفسه"اللي يسمعكم يقول مسوين جريمه الحين"
ابو عادل: عادل وين رحتوا؟؟..
عادل ساكت ومايرد
شوي ويقطع كلامهم صوت جارهم وهو داخل الفيلا: السلام عليكم
الشباب بس شافوه طلعت عيونهم
الكل:وعليكم السلام
جارهم وهو يناظر الشباب بنص عين:17671668::ابوسلطان بغيتك بكلمه لاهنت
ابوسلطان اشر للشباب ودخلوا
بالمجلس الكل:هههههههههههههههههههههههههههه
سلطآآن:انا استخفيت هههههههههههههه والله هذي آثار الزواج
بدر:هههههههههه والله وناسه
عادل:تهقون شنو بيقول لخالي؟؟
مهند:ياشيخ يقول اللي يقول تهزأنا وهم مايدرون شنو مسوين فما بالك لا دروا
فهد:هههههه اي والله خربانه خربانه
ماجد:والله عمي ماراح يعديها بالسهل لاهو ولا ابوي
محمد:الله يستر....شباب تكفون فكروا بكلام نقوله
عبود:بس والله فليناها...يلعن اوم الوناسه زماااان على هالردح
باسل:آآآخ بس لو عيال عمي بوفيصل وفارس موجودين.....
عادل:وفراس بعد
نواف:إي والله فقدته الدوووب
مهند:شبآآآب شرايكم نهج..
سلطان:وين تهج
مهند:اي مكان اهم شي مانتهزأ
محمد:التهزئ لاحقنا لاحنا اليوم او بعد اسبوع
فهد:والله خلود اللي طلع منها..اخ بس لو انه معانا
ماجد طلعت فوق راسه لمبه:اقول شباب شرايكم ندخل نسلم على امي شيخه...واتحدى لو ابوي او عمي كلمونا كلمه قدامها
عبود: لا لا لا...ماجد !!...معقوله عندك عقل !!!
بدر:إيه والله قول!!
عبود:مااا اصدق...انت تفكر!!...وتجيب افكار عبقريه بعد ..!!!...غريييييييييبه
ماجد:ليه انا مب آدمي ولا شنو
عبود:تصدق اني كنت احسبك مأجر عقلك
ماجد:عبووووووووووود احسن لك !!
عبود ويناظر الشباب:بالله مانيب صادق!!
ماجد قام على عبود وعبود حط رجججججججله...وكالعاااده راحوا يتطاردوووون
بهالوقت الهنوف كانت طالعه من الباب الخلفي للفيلا ورايحه لمجلس الرجال الخارجي.. عشان تنفذ المهمه
وفجاه:طرآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآخ
الهنوف طاحت عالارض من قوة الضربه وعبود انصدم من اللي قدامه
ماجد بس شافهم حط رجله ورجع
الهنوف عالأرض وماسكه راسها والدموع بعينها الضربه كانت قويه
نزل عبود لمستواها..:هنوفه سوري...يعورك شي؟؟
الهنوف ماترد:..................................
عبود ومن جد خاف عليها:هنوفه لا تخوفيني عليك يألمك شي؟؟
الهنوف ماسكه راسها ومنزلته.:.............................
عبود ومبتلش:ياربييييييييي وانا ما ابتلش إلا معاك اليوم ضربت فيك وقبل كم يوم بالقهوه
الهنوف هنا تذكرت الموقف وفطست ضحك:هههههههههههههههههههههههه
عبود ابتسم على ضحكتها:لا زين مافيك شي ههههههه
الهنوف انحرجت لما تذكرت انه موجود وقامت ودخلت وهو يناظرها وخاااااق
بعدها رجع بيروح المجلس ويلقى ماجد قدامه
ماجد ومبتسم :اخس اخس يالرومانسي بس!!
عبود لما شاف ماجد:لعن ابو ابليسك من متى وانت هنا
ماجد: هع منذ مبطي
عبود:لا تقول انك كنت تشوفنا
ماجد ويغمز له:افا عليك..مين الغبي اللي يلقاله فرصه زي كذا ويفوتها
عبود انقهر انه كان يشوف الهنوف: ماااااااااااااجدوووووه يالحيووووووووووووااااان..:17671668:
ماجد بس شاف عبود عصب ويحط رجله ويروح عبود يلحقه
××عند البنات ..××
دخلت الهنوف وعيونها مدمعه ومبتسمه
مرام:هاااا بشري شصار معاك؟؟
الهنوف تذكرت الموقف:هههههههههه ماقلت لهم
لميس:اجل وين كنتي كل هالوقت؟؟
الهنوف ارتبكت:هاه؟؟...إيه يوم نزلت من عندكم وتشوفني امي شيخه وتقولي اجيب كيس الأدويه حقها كان اجيبه لها واطلع واحصل الشباب برى وماقدرت اروح عند ابوي وعمي
جمانه:اهااا يعني التهزيئه اللي اخذوها مو بسببنا
الهنوف اي تهزيئه؟؟
جمانه:فاااااااااااتك
خلود:ههههههههههههه طلع عليهم ابوسعود جارنا واولاده والشباب حطوا رجولهم وتهزؤا من اعمامي خخخخخخ
الهنوف:الله وناسه
فرح:بنات ماتحسون اننا شريرات ههههههههههه
الكل:ههههههههههههههههههههههههههه
××عند الشبـــــاب××
جا عبود بيدخل المجلس هو وماجد ماحصلوا الشباب عرفوا انهم راحوا عند جدتهم عشان مايتهزؤن ولحقوهم
ابوسلطان قاله جارهم عاللي حصل وعصب وراح للمجلس عشان يهزئ الشباب هو وابو عبدالله وابو عادل
بس تفاجؤا انهم مو موجودين
دق ابو سلطان على سلطان
سلطان وهو جالس جنب جدته رد:هلا يبه.....(بعد الجوال من صراخ ابوه)....مارحنا مكان حنا داخل نسلم على امي شيخه وتقول تعالوا عندها يلا مع السلامه وقفل
شيخه تضربه بعصاتها:قفلت بوجه ابوك يالخبل؟؟
سلطان:هههههه لايمه هو قفل بوجهي
شيخه:اي احسب
نواف:اقول يمه
شيخه:هلا
نواف يتميلح عن جدته:يقولون ان صوتك حلو وش رايك تدخلين ستار اكاديمي
شيخه:ومنو قايل لك ان صوتي حلو
محمد يبي يحتك:انا يمه قايل للعيال اني ما انام إلا على صوتك ماشالله لا إله إلا الله خليتي اصاله ونانسي عالرصيف
الشباب:ههههههههههههههههههههههههههههه
شيخه استانست
عادل يعدل وضعه معاها:اقول يمه....انا ابي اعرس انشالله قريب وان اعرست باخذك تعيشين معي انا ومرتي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك