رواية ما رجيت من الفرح إلا رضاك و ما بكيت إلا علشانك قهر -33
رنا شهقت هشااااااااام فارس يستناك براا من أول
هشام قام بابتسامة أنا عارف خليته ينقع شوي لأنه تأخر عن اتفاقنا
رنا هههههههههههههه روح لا يتركك
بفرنسا وبمدينة الحب الفرنسية تحديدا LOVE CITY""
سعود ههههههههههههههههههههه والله انك تحفه
الريم بالبالطو يطلع الهوا من فمها لما تتكلم من البرد هوا بارد
الريم تشرب من القهوة الفرنسية المفضلة من موطنها الأصلي وتبتسم بإحراج سعوووود خلاص
سعود ميت ضحك هههههههههههههههههه يا قلبي ما شفتي شكلك
الريم لفت وجهها كانت منحرجة لأنها كانت واقفة مع سعود وهو يجيب القهوة لهم لفت لما شافت سيكل" بسكوليت" ذهبي كله ورد احمر وشاب فرنسي مع كلبه واقف عنده يسوي حركات بهلوانية فوقه والناس مجتمعه حوله ضحكت شكله مو راكب عالبسكوليت الرومانسي أبدا مع الكلب حقه
لفت على سعود ما لقته تلف يمين شمال مو موجود دموعها نزلت كلهم فرنسيين ما تعرفه تتكلم زيهم فرنسي مسحت دموعها وهي تقول بصوت مسموع سعوود وينك سعووود
ما تلاقي إلا سعود يطلع من وراها ويوقف بوجهها مع القهوة وهو يضحك عليها من اول وراها مو حاسة تنهدت ما يوقف مقالبه
سعود حرك يده بوجهها ويييييين أنا معاك سرحانه بمين
الريم ابتسمت أفكر باللي سويته
سعود هههههههه يا قلبي خلاص ترضيه بوديك اليوم الليل برج إيفل
الريم تحمست واااااااو شكله بالليل خيالي وتحقق الحلم مره كان نفسي أشوفه بالطبيعة وأتصور جنبه
سعود ابتسم ولا يهمك كله اليوم بتسويه حتى بطلعك عليه
الريم خافت وين تطلعني
سعود هههههه هو ثلاث ادوار البرج
الريم لا ما ابغا اطلع بس بشوفه من بعيد
سعود وهو يمسك يدها قايمين لااا مره حلو لو شفتيه لا تخافي مدام أنا معاك ريمي
الريم هزت راسه وهي متمسكه بذراعه ولو طحنا
سعود هههههههههههههههههه وين نطيح برج كأنه مجمع من داخل
الريم هههههههههه سعود
سعود عيونه
الريم امممم تحبني
سعود رص على يدها وهو يطالع بطريقه تنهد وش أوصف لك يكفي كلمة أنتي حلم حياتي لف عالورد بكل مكان بالشارع شايفه هالورد كله وزيدي عليه 10 ملايين ورده أنا أحبك أكثر من هذا كله وزيادة
الريم ابتسمت وقالت بالفرنسية …Sh'teme
"أحبك "
"لأنك أهم شخص بحياتي"
سعود مبسوط عيديها عيديها
الريم ابتسمت وعادتها
سعود أحس إنها نغمة بس تعالي ايش يعني
الريم ههههههههههههه حلوه وما تعرف معناها
سعود هههههههههه هي أكيد كلمة حلوه وإلا ما كان تعلمتيها وحفظتيها عشان تقوليها
الريم هههههههه معناها
"أحبك"
سعود وهو يفتح باب جناحهم بالفندق وقف وربي أول مره أحس أنه اللغة الفرنسية حلوه
الريم بحيا ادخل يللا
سعود يغني صرفي صرفي الموضوع كالعادة
الريم ضحكت عليه هههههههههههه
سعود ابتسم فديت هالضحكة لا تحرمني منها ربي
هشام فاتح عيونه ايييييييييش؟؟؟
فارس متضايق اللي سمعته
هشام يعني دلال هي ورى الموضوع
فارس ما ادري حلفت لأذبحها لو هي
هشام حط كابه بعصبيه عالطاولة الرخامية فارس دلال حمـ### ما يفيدها الضرب الحين أختك... ايش بتسوي أنت؟؟
فارس فتح أزرار ثوبه ما ادري يا هشام بس من جد موضوع دانة مره مضايقني
قلت لك أنا يا إما دلال وإلا عمتي لأنها تسويها رفضنا ولدها زي ما عرفت بس هي في الرياض وش جابها للخبر
هشام مو قادر يستوعب المصيبة مصايب فارس نفسها مصايبه هذا أخوه
قام فارس أعطيني مهلة يومين أفكر اوكيه
فارس تفكر بإيش
هشام واصله معه أفكر بحل يللا مع السلامة
فارس تنهد كل ما فرح تتنغص فرحته كل اللي صار اليوم تغدا مع رنا أحلى غدا وبعدها أخذها البحر وأخذها محل الورد وفرحته ما تمت
قال لهشام اللي صار بس ما قال له عن محمد ولد عمه ويعز عليه انه ينرد لو كان معاهم حق بس حتى لو
خرج بيغير جو اتصل على عمه يبارك له لخطوبة رندا بنت عمه وهذي من الأشياء الجيدة اللي عرفها اليوم المشكلة انه دانة تسكت تسكت وفجأة تنهار الله يعينه عاللي جاي..
نوره هههههههههههه ماريه مصدقه عمرك
ماريه جلست ليه يعني لأني أصغر منك
نوره ههههههه لا بس سالفة إنك تنخطبي الحين حلوه
ماريه قالت بحيا عادي أنا مو صغيره ثاني ثانوي
نورة ههههههههه لا بس ما أتخيل شكلك
ماريه قامت لا تتخيلي
نورة مسكتها ماري ليكون زعلتي
ماريه خدودها محمره على ايش
نورة ههههههههههه والله شكلك تحفه كل هذا عشان خطبة شوفي وجهك كيف محمر
ماريه بعدت يدها نويييير بلا سخافه
نورة هههههههههههههه رحمتك والله
ماريه سخيفة كبرتي الموضوع عالفاضي بعدين مين قالك إني بوافق وبابا ما يزوجني الحين أنا دلوووعته – ومدت لسانها تقهرها –
نوره تقلدها دلوعته كلنا مدلعات ترى مو بس انتي
ماريه هههههههههههه غيرااااانه
نورة قامت بتضربها
ماريه هربت وسكرت الباب وراها
جلست نورة هههههههههه يا حليلها ماريه بريئة
الساعة 3:00 بالليل هشام يتقلب بسريره مو قادر ينام بيتخذ قرار بس مو عارف صح وإلا لا هو صلى الاستخارة وضميره يقول له روح تكلم بس في شي يمنعه
رمى المخدة واللحاف وقام لبس شبشبه حق البجامه الكحليه وطلع من الغرفة دخل جناح أمه شافها بجلال الصلاة جالسة تقرا قرآن بخشوع بصالة جناحها وأبوه نايم
أم سامي رفعت راسها ومو واضح شي كثير لأنه بس نور ابجورة الصالة مفتوح اللي عندها عشان تشوف القران بوضوح طالعت بهشام شعره مبهدل وعيونه حمره شكله مرهق هشااااام حبيبي وشفيك
هشام جلس على ركبه عالأرض وحط راسه على ركبها بعد ما باس يدها تعبان
أم سامي سكرت المصحف وحطته على الكنبه مسحت على شعره من ايش تعبان يا قلبي سلامتك
هشام كأنه طفل عند أمه ما ادري مو قادر أركز
أم سامي بحنانها وهي تمسح على شعره تركز بإيش يا هشام
هشام رفع راسه لها خلاص بيقول وبيشوف اش بتسوي بيريح ضميره
أمي أنا قررت أتزوج
أم سامي شهقت عن جد
هشام ابتسم بحنان على فرحتها وهو يأشر على باب غرفتها أمي أبوي بيصحى
أم سامي تحك عيونها أنا بحلم وإلا علم
هشام ههههههههههه لا بعلم والله من جد
أم سامي والله لا اختار أحلى بنت بالخبر كلها ما صدقت أنا تقول
هشام حرك يده لاا أنتي بكره ابغاك تخطبيها اعرف مين ابغا أنا
أم سامي استغربت يعني من اول بباله الموضوع
مين تبي
هشام ابغا دانة بنت عمي حسام
أم سامي تهلل وجهها الحمد لله يا رب والله كنت ادعيلها الله يستر عليها من كلام الناس يا قلبي عليها الله ما يخلي احد
هشام تغير وجهه أمي الله يسلمك مدام بتصير زوجتي أنا لا تجيبوا هالموضوع قدامي وبتفكير بس أنا مستغرب رنا ما تكلمت فيه
أم سامي بحزن رنا لما عرفت قلبتها مناحة وحلفت ما تتكلم في هالموضوع لأنها واثقة بدانة أكثر من نفسها حتى دانة ما تكلمت معاها فيه ولا كأنها تدري عنه والله إنها عسل الله لا يسامح اللي حكى عنها
هشام ابتسم يعني تحبيها أحط يدي بمويه بارده
أم سامي هشووووم من متى عندي شغل الحماوات أنا
هشام قام ههههههههههههههههه لا محشومه يا الغالية
أم سامي طيرت النوم من عيني ما بنام اللين اكلمهم
هشام ههههههههههه خذي راحتك أنا خلصت مهمتي بس ترى بكره نروح لهم خطبة رسمية
أم سامي معقدها خايفة يغير رأيه تآمر أمر لو اليوم ما عندي مانع أروح
هشام باس راسها هههههههههههههه الله يخليني دايما اسعدك
أم سامي رفعت يدها تدعيله و اول ما طلع قعدت تبكي ما هي مصدقه انه ولدها آخر العنقود من العيال دلوعها وافق يتزوج...
عويش ابتسمت سااااام
سامي رفع راسه عنونه
عويش ابتسمت تعال الغدا
سامي ترك القاموس اللي بيده بوقته جوعان حدي
عويش وهي تبعد له الكرسي تفضل كيف العمل اليوم
سامي وهو يرفع الصحن والله مشغول حدي مع شغل سعود آخذه بداله أنا
عويش ابتسمت وش صحاك أنت
سامي لف مكان اللي تطالع فيه ابتسم هلا والله بالرجال
مجود يحك عيونه وهو جاي لناحيتهم
عويش ابتسمت تعال حبيبي
مجود تركها وراح لأبوه
سامي هههههههههههه حبيب أبوك أنت
عويش محتجه والله ما يصير إحنا نتعب وبكلمه منكم تاخذوهم
سامي ههههههههههه رفعه وباسه كيف حالك
مجود سكت بعدين طالع في أمه وصار يبكي يبغاها
سامي عطاها هو عيونك عويش أعطيني مويتك أتوضا منها
عويش ههههههههههههههه حرام عليك هو لما يكون صاحي من النوم ما يحب يجي لغيري
سامي ابتسم مو النحل يطيح عالورد صح
عويش ابتسمت بدلع شووور
سامي هههههههههههه الله يخلي لي الورد و نحله
فارس عند أمه بالصالة تجهز... حطي وشيلي للخدامات وبخري ونظفي وحوسي المكان كله مرتب
فارس بتيشرت اخضر وبرمودا صفره أمي شعندك اليوم
أم سامي لفت عليه هشام ما قالك اليوم جايين عندنا
فارس شك استغرب لا ما قال لي أصلا اتصل عليه مقفل جواله
أم فارس إلا اليوم جايين – تنادي دانة – دااااااااانو دندون وينك
دانة نازلة بعد ما لبست تنوره بيج لتحت الركبة وبلوزة تنلف عالخصر ورديه رافعه شعرها طالعه بريئة مره بهالألوان
فارس احلاااااااا شهالحركات
دانة ههههههههه حلو
فارس قمر مو بس حلو
دانة جات لامها هههههه يسلمو ماما نعم
أم فارس لبستي يللا ترى بيجو بأي لحظة
دانة لفت على فارس وأنت وش مجلسك هنا مانت عارف بيجو رجال معاهم
فارس اييييش من جد!!!
أم فارس ايواا اطلع البس وروح لأبوك في المجلس
فارس نقز من الكنبة على جناحه
دق على هشام مقفل الجوال بدل ملابسه وهو مستغرب منه شعندهم اليوم
نزل تحت وهو يسكر كبكات ثوبه الأسود والغتره البيضه
طلع لأبوه بالمجلس دقايق وداخل
أبو سامي بهيبته وسامي ووووو...........هشام
فارس وقف يسلم عليهم واكبر علامة استفهام على وجهه هشام اليوم متكشخ غيير عن العادة هو دايما كاشخ بس اليوم غير ثوب الأبيض مزخرف بالسكري وشماغ ابيض زخرفته سكريه وريحة البخور فايحه منه وهو نادر ما يحطها دايما يستخدم العطور والابتسامة مع الارتباك واضحه على وجهه
بعد السلام جلس فارس جنب هشام طالع فيه بطرف عيونه ليه مقفل جوالك
هشام ابتسم استنى بعد ربع ساعة أقول لك
فارس والله انك فاضي هشام اش وراك عاجنك عجن أنا ليه كل هالإرتباك
هشام ضحك يروح ارتباكه هههههههههه أنا مرتبك أنت اللي عيونك فيها شي اليوم
أبو سامي بعد السؤال عن الأحوال والقهوة ابتسم أنا اليوم جاييك يا خوي طالب يد بنتك دانة لولدي
فارس ما استوعب الكلمة طالع بوجيههم عقله وقف سامي متزوج وسعود توه مع زوجته ووو طالع بوجه هشام مرتبك والابتسامة على وجهه خايف من ردة فعل فارس وعارف بإيش راح يفكر
أبو سامي كمل لولدي هشام يا أبو فارس وإذا وافقتوا إحنا مستعجلين ياليت الملكة على طول
أبو فارس تهلل وجهه ابرك الساعة هذي يا أبو سامي هشام زي ولدي وأتشرف أعطيه بنتي بعد موافقتها طبعا وأنت اخوي قبل كل شي
أبو سامي تسلم والله خذ راحتك
فارس طالع بهشام نظرة
استغراب
صدمة
حيره
امتنان
أخوة
عتب
خجل
شكر
هشام توسعت ابتسامته يطمنه وارتاح
دانة وقفت ويدها على فمها طلعت الدرج بسرعة
كل الجالسين حسبوها خجلت
أم سامي يا قلبي عليها فديت اللي تستحي
أم فارس مرتبكة فرحتها مره كبيره بهشام بس خايفه دانة ترده
هههههههه خلاص يا أم سامي أشوف رايها أما أنا وأبو فارس عارفه أكيد راينا نتشرف بمثل هشام
رنا نفسها ما كانت عارفة هشام قال لها هي وهاله مفاجأة لما تروحوا تعرفوها
اول شي سوته بعد ما فاقت من صدمتها رسلت مسج لهشام
"فديتك يا أحلى أخ بالدنيا عقبال الموافقة"
هشام قراه ابتسم ودعى بقلبه اميييين يا رب ما يدري ليه من يوم أبوه قال دانة لولدي هشام حس إنها له بتكون تنهد يا رب تقدرني أسعدها
هاله تضم رنا وعايشه وااااو ماني مصدقه هشام يا قلبي عليه وينه
عايشه هههههههههه حلوه المفاجأة
رنا ههههه أحلى مفاجأة وربي
هاله ابتسمت دانة طلعت فوق شكلها استحت
رنا حتى هي تحسبها مستحيه ما هي عارفة باللي قاعد يصير فوق ايواا ما راح اطلع لها حتى تاخذ راحتها
" يا زمان الـ آه عشت المستحيل..
وانتهى حلمي بطعنات الرحيل..
وانتثر دمعي على خدي النحيل..
وينه أغلى الناس وينه يا معين..
هو أمل عمري وهو نبض السنين..
هو طفولة عشتها شوق وحنين..
هو مشاعر عانقت قلبي وعيني..
وينه أغلى الناس وينه وينه يا معين
كيف أعيش اليوم وافرح بالجديد.. كيف اقبلها كفوف اليوم عيد..
كيف اطفي الشوق وأشواقي تزيد "
دانة بغرفتها تبكي دموعها أربعه أربعه ما توقعت يجي بهالسرعة الوقت اللي خلاص ما في مفر أكيد بتكون لغير محمد مسحت دمعتها ونزلت بدالها أضعاف
هشام كرهته زيادة طبعا لو سألتوا عن رايها عندهم أكيد موافقة حتى بترد عليهم اليوم لأنه بيصير الموضوع بيصير ليه ترفض هشام السامي أي واحد ممكن لها حجة عليه بس هشام مستحيل وش الحجة اش العيب اللي فيه كل مره تطلع عذر لكن الحين ما في شهقت بالبكى لما شافت قدامها دفتر خواطر محمد كلها بس خواطر مو كلام بكيت وهي تقطع كم ورقة كان فيها اسم محمد تأكدت الباب مقفل عليها غيرت لبسها ودخلت تتروش بتنزل بس راحوا عادي ما كأنه في شي يكفي كلام الناس ومحمد بيسافر وبتبقى هي أهلها بيشكوا بالموضوع
رفعت جوالها لما دق رقم غريب حطته صامت وسندت راسها ظل يهتز يهتز اللين ما رفعته بعصبيه الوو
دلال الوو اهلين دانة ما عرفتيني كيفك
دانة افففف مو فاضيه لها هالثانية الحمد لله بصحة وعافيه
دلال ضحكت بغنج مصطنع هههههههه وبحقد كملت بدون ما تحسب حساب مشاعر إنسان متأكدة بعد الفضيحة اللي اسمك على لسان الطالع والنازل حتى الناس اللي اللي كانت تخطبك لو تجيهم جاهزة يا بنت الكابر رموك عافوك يا دانة بحقد- عشان تحسي باللي كنتي تسويه أنا ورى هذا كله يا دانة أنا ولسى وراك أنتي وأخوك الكـ... هذاك
دانة بانفعال انكتمي بس ما بقى إلا الزبايل تحكي عننا أقص لسانك سامعه يا واطيه..
دلال بحرية أقول روحي شوفي بس إذا ما عنستي ما أكون دلال
دانة ضحكت بمرارة وقالت بانتصار لا يا شيخه تعالي شوفي بيتنا بعيونك هشام السامي تحت يخطبني من أبوي وقريب بتسمعي خبر الملكة بالجرايد لأنه مستعجل يا ماما روحي عساك تصيري مخلل عند أمك يا#####
طوط طوط طوط
قفلت بوجهها السماعة وانهارت تبكي دلال الحـ### هي اللي مسويه هالمصيبه
الله لا يوفقها ولا يسعدها لا دنيا ولا آخره وينتقم منها
وهم طالعين هشام مسك فارس من كتفه ولفه عليه فارس
فارس عيونه تايهه بهدوء نعم
هشام ابتسم بوجهه ابغاك تعرف شي واحد لا تفكر إني خطبت أختك عشان كلام الناس أنا ابغا أختك يا فارس يكفي إنها أختك وإذا تبغا كل واحد مننا بطريق أسمعك تجيب طاري إني تزوجتها لسبب من الأسباب التافهه اللي بتجي بعقلك
فارس ضمه بقوة مسح دمعته بغترته
موقف مؤثر.. حدد مستقبله عشان خويه و عشان يستر على أخته البريئة من كلام الناس
هشام وعزوبيته اللي تعز عليه تجرد منها عشانه
الوفا بهالأيام نادر وصحيح ما تعرف معدن الشخص إلا عند الأهوال مو المصايب الصغيرة لا المصايب اللي تشيب الراس
فارس بصوت متأثر الله يخليك يا هشام ويسهل عليك ولا يفرق بيننا
هشام اميييين يا رب هههههههههه روح شوف زوجتك قبل لا تطلع وهالله هالله بالدانة هاا
فارس من طرف عينه لسى ما صار شي يالحبيب
هشام هههههههههههه يللا في أمان الله
فارس بابتسامة أخوة مع السلامة
راح يدخل البيت كانت رنا طالعة
فارس يطالع بالسما هلا والله وأنا أقول اليوم القصر منور والقمر مو موجود في السما اثاريه مشرفنا
رنا هههههههههههه اهلين فروسي
فارس مسك قلبه ااااااااااااااه على فروسي كيف قلبه
رنا هههههههه بخير عيونها تلمع من الفرحة شايف كيف هشام فاجأنا أنا ما عرفت إلا لما أمي تكلمت رسمي مع أمك
فارس ههههه حتى أنا والله النذل مقفل جواله ما عرفت إلا بالمجلس
رنا ابتسمت فارس روح لدانة خجلت على طول طلعت وما شفناها
فارس باهتمام يسمع ردة فعل دانة اهاا طيب أنتـ.....
هشام يدق البوري
رنا حطت غطاها هههههههه بيذبحني هشام
فارس يجرب عشان اذبحه بنفس السكين
رنا شهقت بسم الله عليه
فارس وأنا مو حرام عليه يذبحني ينفيني من الحياة إذا ذبحك معناتها ذبحني
رنا وهي طالعه هههه تسلم باااااااااااااااي
فارس هههههه مع السلامة
فارس مع أبوه وأمه طلعوا عند دانة اول ما دقوا الباب فتحت دانة وهي ماسحه آثار البكي بعد ما قفلت من دلال استخارت ربها وحلفت مدام دلال كذا قالت مو بس موافقة بتكتب فرحها بالجرايد عشان الكل يعرف براءتها
أبو فارس حضنها حبيبة أبوك عرفتي
دانة تمسك نفسها لا تبكي وفارس وأمها يبتسموا بحنان
طالعت فيهم عيونهم تقول وافقي اول مرة تحس انه بتكون أنانية لو ضيعت هالسعادة من عيون أغلى ناسها أهلها
دانة عيونها تلمع بالدموع
" تعرف لما الواحد ما بيده شي خلاص يحس نفسه عاجز شي فوق طاقته "
ايواا عرفت أنا استخرت بابا ما بلاقي أحسن من هشام موافقة
الزغاريد ملت المكان فارس أكثر واحد مبسوط
أبو فارس اشر لهم خرجوا وتركوه لحاله مع بنته
أبو فارس يمسح على شعرها بحنان يا دانة أنتي مقتنعة بقرارك
دانة وقفت ومسكت بطرف الكرسي ايواا بابا بس شي واحد ابغاه منك
أبو فارس أنتي تآمري ما تطلبي يا دانة
دانة مسحت دمعتها تسلم وخانقتها العبره توها حكت معي دلال هي ورى الموضوع هذا كله والفضيحة الإشاعه اللي مطلعتها....شهقت .... طلب واحد بس أنت خذ حقي منها
أبو فارس وقف وباس راسها الدم خلاص أعلى درجة وصل دلال وصلت حدها فارس رجال تأذيه يتصرف معها لكن دانته دلوعته تقرب منها وش دخلها فيها
ولا يهمك يا دانة والله لو تطلبي دمها يجيك طلع وتركها
رمت نفسها عالسرير تبكي اليوم عزاها
هشام هههههههههههه سعود عندي لك خبر تازه
سعود ابتسم ايش بعد خلصت بيتك
هشام بحذر تلفت بالحوش اسكت والله إني خايف المهندس يقول لي انه المعزب جا وسأله بيت مين هذا وهو الغبي قال له
سعود هههههه تستاهل من اول أقول لك تكلم وارتاح
هشام لا بسوي فيها إني ما ادري انه درى وبعدين أفاجأهم بس الغريبة أبوي ما تكلم ولا عمي
سعود يمكن يستنوكم تتكلموا
هشام ابتسم طيب ما تبغا تعرف الخبر
سعود إلا ايش قول
هشام هههههههه أخوك بيلحقك
سعود ما فهم على باله يجيه فرنسا وين؟ متى؟ أي اخو؟
هشام ههههههه لا تخاف مو بيجيك فرنسا تهنى لحالك هههه أنا بلحقك بودع العزوبية
سعود مصدوم نعم أقول هشام ماني ناقص تعكر مزاجي بكذبك وراي برج ايفل الليلة ابتسم للريم اللي تستناه يخلص عشان يطلعوا
هشام تعرفني اكذب وربي اليوم راحت أمي خطبت لي أخت فارس الكابر
سعود هشاااام احلف والله ما اصدق
هشام هههههه وربي شوفتي يمكن بكره لأنه أمي كلمتهم وافقوا والملكة بعد يومين وأنت اول الحاضرين هااا
سعود حك راسه وكأنه قدامه هشام ما اقدر هشام توي ما صار لي أسبوع بس
هشام سعووود من جدك أخوك أنا إذا ما وقفت معي توقف مع مين
سعود سوري يا هشام سامحني ما اقدر
هشام مصدوم سعود عن الاستهبال ماني رايق لك
سعود يللا يللا مع السلامة إنشاء الله بالفرح
هشام بنبرة جافة مع السلامة
قفل منه وراح دخل عالبيت مصدوم من سعود مو متخيله يسويها
طلع بالمصعد على الدور الرابع لف جهة جناحه وجناح سعود قبل لا يدخل جناحه شاف باب جناح سعود راح فتحه ودخل سعود من جده والله ما توقعته كذا أنا متأكد يستهبل علي مستحيل يسوي حركة زي كذا
شاف مكتب سعود وكتلوجات المسابح ورياضة السباحة اللي يحبها يا ما اشتراها له
وفرح فيها لفت نظره صورة سعود وهشام لافين بعض من كتوفهم ويسوو بيديهم 2 تصوروها في قرية الدولفين وأعمارهم سعود 12 سنة وهشام 9 سنين
كان سعود طويل ونحيف وهشام مرتب وأشكالهم بريئة
ابتسم عالصورة الثانية صورة جماعية لعيلتهم كان فيها الريم وهي صغيره وعشان كذا حاط الصورة سعود ومأشر عليها بدائرة هههههههههه يا حليلك يا سعود كنت معك بكل مواقفك مع الريم وملكتي مستخسر تقطع شهر عسلك عشانها اخخخخخ بس رجع الصورة وطلع من الجناح متضايق
سعود قفل منه طالع بالجوال وبالريم مو مصدق ههههههههههه
الريم سكرت أزارير البالطو الجلد حقها سعود وشفيك تضحك
سعود طالع فيها هههههههه ريمي تخيلي والله مو مصدق هشام خطب
الريم بفرح والله وأخيرا مين؟
سعود أخت فارس زوج رنا
الريم فرحت دانة الحبوبة الكل يحبها بتصير مره هشام يعني دايما بيشوفوها واااااااو
الريم والله عرف يختار مره حبوبة هالبنت
سعود وقف ووقفها معاه ههههههههه هشام تنرفز قلت له ماني جاي الملكة
الريم ابتسمت ليه متى الملكة
سعود وهو يبدل قميصه ويلبس البالطو الفرو حقه هههههه بعد يومين يقول
الريم اووووه اجل لازم نرجع مع إني والله بأحلى أيامي بس هذا أخوك
سعود ابتسم وهو يلبس كابه تعرفي الريم أنا اعرف كيف بتصرف
الريم ايش يعني بإيش تتصرف
سعود وهم طالعين من الغرفة مدام أنتي بهالأخلاق صدقيني ما راح تندمي انك أخذتيني
الريم وهي تلعب بميدالية سحاب شنطتها سعود شهالكلام
سعود هههههههههه امشي امشي نلحق على ايفل
لما وصلوا كان المكان بارد مره الجو وهوا حلو
سعود ماسك يد الريم وهي متشبثة فيه بالمصعد ولافه وجهها
سعود ههههههه ريم طالعي والله أحلى شي لما تطالعي من فوق تشوفي باريس بكبرها
الريم لاااااا سعود بس والله أحس بغثيان
سعود ايش؟؟ لا لا خلاص لا تطالعي
الريم هههههههههه خايف أروغك
سعود ههههه لا والله بس اش ينزلنا وإلا أنتي يفداك سعود بكبره
الريم ابتسمت برضا ياااااي حبيبي شوف
طالع سعود مكان ما تأشر
رجال ماسك باقة ورد كبيره كلها أنواع ورد
سعود شوفي الناس متجمعة قالك كل حبيب مع حبيبته يهدو بعض من هالورد طالع فيها ريامي امشي ناخذ وإلا ما تبين تهديني
الريم تحمست إلا كيف هههه
لما وقفوا عنده أنواع الورد وبخبرة الريم ببعض انواع الورد أخذت وردة من ورد الفوانيا اللي تعبر عن الزواج السعيد
لما اختارتها حطها الرجال بغلاف يلمع ومعها قطعتين بسكويتهم الخاص
وكرت كل وحده عليها مثل فرنسي من حظها كان مكتوب عالكرت بالفرنسي معنى اللي تحمله الوردة
" زواج سعيد "
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك