رواية ورود الامل برائحة الالم -32
عبير ابتسمت:ولاشي الظاهر جاني النوم
فارس تثاوب:حتى أنا
عبير:بعذرك سامع قصه
فارس:أشين قصه سمعتها في حياتي
عبير وقفت:الله يعين_وقفت_تصبح على خير
فارس:وانتي من أهله
طفت عبير النور وطلعت وراحت لغرفتها ونااااااااامت
لـبـــــارت الـســـــادس
الصبـــــاح
صحت عبير من النوم ولبست للجامعه أي تنوره وبلوزه قدامها ورفعت شعرها وقلوس ونزلت وبايدها عبايتها وشنطتها جلست على طاولة الطعام العاده أبوها يكون موجود بس مالقته بدت تفطر .. شيخه نزلت ومريولها عليها وشنطتها على أكتافها باست خدها وقالت ببشاشه:صباح الخير
عبير ابتسمت بهدوء:صباح النور
بدوا يفطرون بهدووء .. شيخه لاحظت سرحان عبير جلست جنبها ومسحت على خدها بحنان:عبور شفيك؟؟فيه شي يألمك
عبير ابتسمت:لا بس راسي يعورني شوي وباخد بندول ويخف ان شا الله
شيخه:ان شا الله_باست خدها وراحت_
أم الوليد نزلت وجلست على الطاوله:صباح الخير
عبير:صباح النور
أم الوليد بعد فتره قالت:عبير شقلتي بموضوع نايف؟؟
عبير تضايقت:ماما أنا كنت تعبانه كيف تبغيني أرد عليك!!
أم الوليد:أوكي خذي راحتك بس ترا تأخرنا على خالتك؟؟
عبير وقفت وقالت بنرفزه:الحمدلله وطلعت
أم الوليد:شفيها عصبت؟؟
عبير طلعت والدموع مجمعه في عيونها لبست عبايتها والنظاره وركبت السياره:على الجامعه
السايق طاهر:حاضر
وحرك السايق استغرب حالتها العاده تسلم صباح الخير ترمي كم كلمه مزح لكن طوال هالأسبوع ماسوت هالحركات .. تجرأ وقال:طال عمرك فيك شي؟؟
عبير رفعت راسها من بين ايديها:لايا طاهر مافيني شي(آه ياطاهر ليتك أخوي كان ماترددت لحظه أقولك الحقيقه .. آه ياالوليد مو ناقص هموم زياده_ابتسمت باستهزاء_أصلا شقول له؟؟أقوله أنا أحب مهند .. مستحيييل_نزلت دمعه وحيده وعضت شفتها_مابغى نايف مابغاه)
السايق فتح لها الباب بدون ماتحس سحبت نفس ولبست نظارتها ونزلت وهي تحمل بداخل قلبها هموم لو تقسمها على بنات الجامعه كفتهم وزاد
غيداء جهزت الفطور وكل شي جلست تنتظره .. نزل الوليد وجلس على طاوله وقال بدون أي تعابير:صباح الخير
غيداء فكت الكشره:صباح النور
الوليد مو خلقها قاعد يفكر في ملكة العنود ومكالمتها أمس:....
غيداء قالت:حبيبي أبغى أروح لـ....
الوليد قاطعها وهو يوقف:روحي وين ماتبغين وطلع
غيداء استغربت العاده تحقيق وساعه تقنعه وتأكدت ان فيه شي مضايقه .. على طول ركضت للتلفون:آلو ندو.......
تركيـــــا
عواد طلع من الغرفه عشان مايزعج رؤى النايمه وطلب الرقم
من جهه ثانيه الوليد في سيارته سرحاااااان قطع عليه سرحانه صوت الجوال وميز المتصل من النغمه ضغط الأخضر:هلا
عواد من الطرف الثاني صرخ:هلا بالقاطع اللي مايسأل .. وينك ياخوي؟؟ماتتصل ولاتسأل قلنا نصير أحسن ونتصل
الوليد بمجرد سماع صوت عواد يضحك نبرته وطريقته في الحكي تضحك بس ماضحك قال بهدوء:هموم الدنيا
عواد عرف انه متضايق:رجعت للدوام؟؟
الوليد:إيه
عواد:عشان كذا متضايق؟؟
الوليد:لا خلها على ربك بس .. انتوا كيفكم؟؟وكيف رؤى؟؟انبسطتوا بتركيا؟؟
عواد ناظر باب الغرفه:أووه انبسطنا وبس أمس رحنا للملاهي ومابقي لعبه مالعبتها رؤى للحين نايمه من التعب
الوليد باستغراب:تلعب!!
عواد:إيه تلعب ليه مستغرب؟؟
الوليد:لا بس موعادة رؤى
عواد:ياحبيبي هذا شهر عسل يعني كل شي غييير
الوليد:الله يهنيكم
عواد بجديه:ولود شفيك؟؟
الوليد ماقدر يمسك نفسه نزلت دمعته وقال بصوت باكي:تزوجت ياعواد تزوجت
عواد:مين؟؟
الوليد:العنود ياعواد تزوجت
عواد انصدم:تزوجت!!
الوليد:ايه بعد اسبوعين ملكتها وبدا يبكي بصوت عالي
عواد تقطع قلبه عليه خاصه انه عاش نفس التجربه وماعرف شيقول بعد فتره قال:خلاص ياالوليد هذا اللي كاتبه ربك ارضى بقضائه {وعسى أن تكرهوا شيئا وهو خير لكم}
الوليد هدا شوي بعد كلماته وقال بصوت مبحوح:آسف ياعواد اشغلتك وضيقت صدرك وأنت في شهر عسلك
عواد بمزح:أشغلتني وبس أنت ضيعت علي خمس دقايق من شهر عسلي
الوليد:هههههههههه
عواد:ياشينك اذا ضحكت ومافي شي يضحك .. يلا مع السلامه وسكر
فـي الجامعـــــه
:أووف ترا طفشت من سكوتك
العنود ناظرتها ورجعت تناظر قدام:وش تبيني أقول؟؟
عبير:أقول عنوود بتكملين دراستك بعد زواجك
العنود ناظرتها:تصدقين نسيت هالنقطه
عبير:هذي أهم نقطه كيف تنسينها؟؟
العنود:زين ذكرتيني أقول لبابا
عبير تبغى تعودها:ماقلتي لي كيف شكله؟؟
العنود:مين؟؟
عبير:عصام
العنود وهي تداري دموعها:عادي رجال له سكسوكه وخشم وعيون
عبير:ههههه كل الشباب السعودي كذا أوصفيه لي
العنود بطفش:ياالله ياعبير ماذكر .. خلاص طفشتيني
عبير:.....
العنود بعد فتره ندمت على اللي قالته:آسفه عبور طلعت مني غصب
عبير:....
العنود:يلا عاد بلا حركات مبزره
عبير ناظرتها:على بالك اني مو حاسه فيك والله حاسه فيك بس لازم تأقلمين نفسك
العنود تغير الموضوع:ماحاكيتي رؤى
عبير تنهدت:لا
العنود بصدمه:ليه؟؟
عبير:أحاكيها وش أقول؟؟وأصلا هي ماتبغاني أحاكيها من بعد طلاقها الأول
العنود:انتي الغلطانه ليش تقولين لها مطلقه؟؟
عبير:قهرتني غرورها يقهر وتناظر الناس نمل
العنود سكتت صادقه عبير:....
يـــوم الأحـــــد
العصـــــر
الوليد جالس في عيادته يستقبل المرضى طلعت المريضه ونادت الممرضه على المريض اللي بعده .. الوليد سند راسه على الكرسي بتعب وغمض عيونه انفتح الباب بقوووه .. الوليد نقز من الروعه والتفت بيهزأ الممرضه لكنه انصدم بزياد واقف عند الباب ويلهث من الركض .. قام وسأله بخوف:زياد شفيك؟؟
زياد أشر بايده للامكان وقال:أبوك .. أبوك
الوليد صرخ بخوف:شفيه؟؟
زياد يالله يحكي:في في الطوارئ
الوليد انصدم:اييييييش؟؟
دفه وطلع يركض للطوارئ وهو يدف كل اللي في طريقه وهو خايف على أبوه(يارب .. يارب مو ناقص مصايب)وصل للطوارئ وهو يلهث شاف أمه وعبير وفارس داخلين ركض لهم ومسك عبير وقال بخوف:شفيه أبوي؟؟
فارس:مادري اتصلوا فينا المستشفى وجينا
أم الوليد تبكي مسكت الوليد وهي منهاره:عبدالله شفيه؟؟قلي ياالوليد شفيه؟؟
الوليد مايدري شيسوي؟؟جلسها وراح يشوف شفيه دخل الطوارئ وكان الغرفه حوسه الممرضات يتحركون ومختبصين وأصوات الأجهزه المزعجه العاليه والدكاتره اللي يصارخون وريحة المعقمات القويه .. صرخ:أبوي شفيه؟؟
هشام رفع راسه وقال بعصبيه:شلون دخل؟؟طلعوه
جو ممرضين وسحبوه وهو يصرخ بس مافيه فايده طلعوه وسكروا الباب .. الوليد ضرب الباب برجله:####
وجلس على الكرسي .. عبير جلست جنبه وهزته:بابا شفيه؟؟
الوليد صرخ:مادري هم دخلوني عشان أعرف
عبير سكتت:.....
أم الوليد تبكي ومنهاره .. الوليد سأل فارس بهدوء وهو يناظر قدام:لما اتصلوا عليكم المستشفى شقالوا؟؟
فارس:قالوا صارله حادث سير
الوليد ناظرها بصدمه:حادث!!
فارس:إيه
الوليد حط راسه بين ايديه:يارب سترك يارب
عبير جلست جنب أمها وحطت ايدها على ظهرها:خلاص ماما ان شا الله بخير لاتخافين
أم الوليد:راح عبدالله راح
عبير نزلت دموعها:ماما تفائلوا بالخير تجدوه .. ليش تفاولين عليه؟؟
الوليد جلس جنبها من الجهه الثانيه:يمه خلاص ان شا الله بخير وهشام مو مقصر
أم الوليد هدت شوي لكن مستمره في البكي .. بعد فتره انفتح باب الغرفه وطلع أبوالوليد على السرير وحوله أجهزه كثيره والممرضات يدفونه بسرررعه ويصارخون .. عبير وأم الوليد وقفوا:بابا _ عبدالله
الممرضات دخلوه غرفه وسكروا الباب .. هشام طلع من غرفة الطوارئ .. مسكه الوليد:أبوي شفيه؟؟
هشام:والله ياالوليد ماراح أكذب عليك حالته صعبه ولازم نسوي له عمليه الأن
الوليد صرخ:عملية ايش؟؟
هشام:عمليه في راسه
الوليد بصدمه همس:في راسه
هشام:آسف أقول هالكلام بس حالته حرجه وأنا شاك في شي وماراح أتأكد إلا بعد العمليه اسمح لي_راح وصرخ من بعيد_انتبه الصحافه ثواني وتكون هنا أكيد
الوليد جلس من الصدمه .. عبير مسكته:شفيه؟؟
فارس بتيهان ويحس انه في حلم:بيعملون له عمليه في راس
أم الوليد جلست على الأرض وهي تصرخ بهستيريا:عبدالله .. عبدالله
الوليد مسك ايدها ووقفها:يمه ان شا الله بخير هدي نفسك ان شا الله بخير
عبير جلست وغطت وجهها وبدت تبكي .. الوليد جلس أمه وهي مستسلمه له منهاره وجلست تشهق بشكل متكرر .. الوليد جلس جنبها وعلى جلسته انفتحت بوابة المستشفى ودخل كم هائل من الصحفين وبدوا يسألون الوليد وهو مصدوم .. فارس طاحت عينه على مصور يصور أمه حس بدمه يغلي وتحركت حميته صرخ:يا###_رفع الكاميرا وخبط بها بالأرض_ برا يلا برا ماعندنا أجوبه
الحرس دخلوا وسحبوهم وطلعوهم .. الوليد مسك واحد منهم:خذ كل الأفلام اللي معهم
الحارس:حاضر وراح
الوليد جلس وهموم الدنيا فوق راسه هو محتاج من يهون عليه كيف يهون على أمه وعبير المنهارات .. عبير وقفت في أخر السيب وطلعت جوالها واتصلت بالعنود ثواني وردت:هلا
عبير:العنود ألحقي علي!!
العنود بخوف:شفيك؟؟
عبير وهي تنكي:بابا ياالعنود بابا
العنود بنفاذ صبر:شفيه؟؟
عبير:مادري اتصلوا وجينا والوليد يقول عمليه
العنود مافهمت شتقول بس مو وقتها:في أي مستشفى؟؟
عبير:مستشفى **** أرجوك تعالي بسرعه
العنود:إن شا الله إن شا الله وسكرت
عبير رجعت مكانها تجر رجلها .. والوليد يراقبها بقلق .. نص ساعه ووصلت العنود تسرع بخطواتها .. عبير ركضت لها وحضنتها وهي تبكي .. العنود ضمتها:عبور حبيبتي شفيك؟؟
عبير:بابا ياالعنود صار له حادث_شهقت في بكيها_وقرروا عليه عمليه بالراس
العنود انصدمت .. همست:الراس!!
عبير دخلت وجهها في كتفها:أنا خايفه عليه
العنود مسحت على ظهرها وقالت بحنان:لا ان شا الله بخير وكل الناس تصير لهم حوادث والحمدلله يرجع أفضل من أول وهذا ابتلاء وتكفير لذنوبه ان شا الله
عبير هدت شوي .. جلستها العنود وبدت تهون على أم الوليد .. الوليد كان يناظرها وعبير في حضنها ونفسه يكون مكانها ظل يتأملها بعيونه ويراقب تصرفاتها .. العنود مافاتها تأملاته لكنها تحاشت تناظره .. فارس كان يراقبهم ولمح الحب في عيونهم .. بعد ساعتين طلع هشام وعليه لبس العمليات ووراه الممرضات يدفون أبوالوليد ودخلوه الغرفه .. الوليد وفارس ركضوا له وقال الوليد:هاه بشر!!
هشام:والله مادري شقولك!!لكن أنت انسان صابر وراضي بقضاء الله وسكت
الوليد انشل عن الحركه توقعه مات:....
هشام ضرب على كتفه:اصبر أنت الرجال .. أبوك الحادث سبب له شلل نصفي وغيبوبه مؤقته
فارس زفر براحه توقعه مات
(وهذا كان ذكاء من هشام انه كان يحسسهم بمصيبه أكبر عشان تهون عليهم مصيبته)
الوليد نقل الخبر لأمه وعبير بنفس الطريقه .. أم الوليد غطت وجهها تبكي زوجها وسندها بيعيش باقي حياته مشلول ونفس الشي عبير
من جهه ثانيه
ممرض سعودي سأل هشام:خبرته ان نسبة حياته ماراح تزيد عن شهر؟؟وارتجاج بالراس
هشام:لا
الممرض:ليه؟؟
هشام:ماقدرت ماعندي القدره اني أخبره
الممرض:بس لازم
هشام أشر بايده:رح أنت قولهم
الممرض ناظر أشكالهم وكيف منهارين:مستحيل
هشام:أجل خلاص
الوليد جا:هشام
هشام التفت:سم
الوليد:ممكن أشوفه!!
الممرض تدخل:شوف ياأخ الوليد
الوليد ناظره وهشام حط ايده على قلبه يخاف ينهار الوليد:.....
الممرض:الوالد لازم يتنوم في المستشفى شهر على الأقل إلى أن يصحى وتتحسن حالته
الوليد تنهد:الله يعين طيب ممكن أشوفه!!
الممرض:والله مو ممكن بس عشانك .. لكن ترا مو حاس فيكم
الوليد:مشكور وراح
دخلوا أم الوليد وعبير وفارس لأبوهم بعد مااستئذنت العنود وراحت ولكم أن تتصورها حالتهم
يـوم الأثنيــــن
فـي تركيـــا
عواد جالس في لوبي الفندق يفطر ويقرا الجريده طاحت عينه على الخبر
الملياردير الأستاذ.عبدالله السجيدي أسير للسرير الأبيض نتيجة حادث مروري
اتسعت عيونه من الصدمه وفتح الجريده بسرعه يقرا التفاصيل .. سكر الجريده ورجعها مكانها وهو يدعي ربه انه اشاعه لأن مافيه صور
رؤى قطعت تفكيره وهي تهزه بايدها على صدره:عواد عواد
عواد ناظرها:هاه!!
رؤى جلست بجنبه وحطت ايدها على وجهه:شفيك حبيبي؟؟
عواد ابتسم بتوتر:مافيني شي حياتي بس سرحت شوي
رؤى ابتسمت:سرحان في مين؟؟
عواد ناظرها:وفيه غيرك يستاهل أسرح فيه
رؤى ابتسمت بخجل ونزلت راسها:.....
عواد:حياتي معليه عندي مكالمه مهمه في الشغل وبأروح أحكي في مكان هادي وراجع لك أوكي حبي
رؤى:أوكي
عواد خذ الجريده وراح في مكان بعيد شوي واتصل باالوليد
جاري الاتصال
الوليد
عند الوليد كان في غرفته نايم رن جواله .. فتح عيونه ورفع جواله ورد بصوت ثقيل:آلو
عواد بسرعه:آلو ولود خالي شفيه؟؟
الوليد جلس على سريره:بسم الله شدراك؟؟
عواد:يعني الجرايد ماكذبت!!
الوليد(الله يقلع هالجرايد)تنهد:لا ماكذبت أبوي صار له حادث
عواد غمض عيونه:لاحول ولاقوة إلا باالله_فتح عيونه_طيب ألحين كيفه؟؟
الوليد نفسه يفضفض .. تمدد على السرير وناظر فوق:انشل ياعواد انشل
عواد صرخ:ايييييش؟؟
الوليد نزلت دمعته:إيه انشل
عواد:...........(مصدوم)
الوليد:ياالله ياعواد تعبان مادري شسويت بحياتي عشان تجتمع علي هالمصايب؟؟
عواد كسر خاطره:استغفر ربك ياالوليد وهذا قضاء الله وقدره وماتقدر أحد يمنعه لا أنا ولا أنت اللي كاتبه ربي بيصير احتسب الأجر بصبرك
الوليد:الحمدلله على كل حال
عواد:إيه ياالوليد خلك صابر محتسب
الوليد:رؤى درت!!
عواد ناظرها:لا
الوليد:لا تخبرها
عواد:أكيد .. أنت ألحين في القصر؟؟
الوليد:إيه بأقعد عند أمي وخواتي
عواد:يلا أجل مع السلامه
الوليد:مع السلامه
سكر منه وناظر الغرفه(ياربي مالي نفس أروح للمستشفى)طلع جدول مواعيده مزحووم يعني مافيه أمل يعتذر وقف ومع وقفته رن جواله ناظر الشاشه
غيداء
يتصل بك
تأفف:شتبي ذي بعد فاضي لها!!
طنشها وراح للحمام ياخذ له شور .. طلع من الحمام(الله يكرمكم)وعليه الروب وللحين غيداء تتصل تأفف ورد:....
غيداء(أخيرا رد):السلام عليكم
الوليد بدون نفس:وعليكم السلام
غيداء:الحمدلله على سلامة الوالد
الوليد:الله يسلمك
غيداء بعتاب:صرنا نعرف من الجرايد!!
الوليد:انتي شايفه الوضع يسمح اتصل عليك وأخبرك!!
غيداء:ليه موزوجتك؟؟
الوليد:غيداء انتي فاضيه وأنا وراي دوام وأبوي منوم وأمي وعبير منهارين ومو فاضي مع السلامه
وسكر بدون يسمع ردها .. بدل ونزل وشاف أمه وعبير جالسين وعليهم عباياتهم قال باستغراب:ليه لابسين؟؟
عبير وواضح عليها مانامت ووجهها أحمر من البكي:ننتظرك توصلنا لبابا
الوليد:ايش!!صاحين انتوا_أشر على ساعته_ترانا الصباح
فارس:لي ساعه اقنعهم ورافضين
عبير:بأروح أشوف بابا
الوليد:مو انتي شفتيه أمس وتطمنتي عليه؟؟خلاص هو مو حاس فيك وبعدين هو في العنايه يعني الزيارات ممنوعه بس الدكتور دخلنا لأنه يعرفني
عبير:مابغى .. مابغى بأروح
أم الوليد وأخيرا حكت وقالت بهدوووء وتعب وواضح عليها الهم:عشاني ياولدي نبغى نشوفه
الوليد عز عليه أمه تترجاه لكن مستحيل الدكتور يدخلها جلس على ركبه عند رجليها:يمه والله لو بايدي دخلتك بس الدكتور رافض
أم الوليد نزلت دموعها:هذا عبدالله ياالوليد هذا الغالي
الوليد مسح دموعها:يمه أرجوك لاتبكين دموعك غاليه
أم الوليد مسكت ايده:الوليد عبدالله فيه شي!!عشاني كذا ماتبغانا نروح صح!!
الوليد:لا يمه مافيه شي بس الدكتور بيرفض
فارس:حاول ياالوليد تدخلهم على الأقل أمي بس
الوليد تنهد ووقف:أوكي تعالوا
في السياره
الوليد وهو يسوق:لا تخبرون شيخه
عبير:أكيييد
الوليد:وبعدوا عنها الجرايد لأنها كلها نزلت خبر حادث أبوي
أم الوليد غطت وجهها:حسبي الله مايقدرون حالة عياله وأقاربه
وصلوا للمستشفى وبعد جهد وجهيد اقتنع الدكتور يدخلهم واحد واحد
أم الوليد دخلت بعد مالبست اللبس المخصص .. دخلت بهدوء وحطت ايدها اليمين على جبينه واليسار ضمت فيها كفه اليسار .. ناظرت وجهه الشاحب وعيونه اللي مسكره بسلام وشفايفه الجافه نزلت دموعها:ارجع لنا ياعبدالله لاتتركنا والله ماتسوى حياتي بدونك ياحبيبي
رفعت ايده بكفها وباستها وباست جبينه وطلعت سكرت الباب وجلست على الأرض وانفجرت بكي .. الوليد رفعها وحضنها يخفف عليها وعبير دخلت بهدوء وأول ماطاحت عينها عليه تجمعت الدموع في عيونها وعضت شفايفها مشت له وباست راسه وحطت ايدها على وجهه:اللهم رب الناس أذهب الباس واشفي أنت الشافي لا شفاء الا شفائك شفاءا لايغادره سقما_نزلت دموعها_اللهم رب الناس أذهب الباس واشفي أنت الشافي لا شفاء الا شفائك شفاءا لايغادره سقما ومسحت على وجهه ومسحت دموعها وطلعت
فارس دخل ودموعه على خده باس راسه وايديه:الله يشفيك يبه وترجع لنا سالم يارب وطلع
الوليد دخل بعده وباس راسه وايده وتجمعت الدموع في عيونه أبوه جالس قدامه بدون حركه أو حس:الله يشفيك يارب الله يشفيك
حط راسه على صدره وبدا يبكي بدون صوت .. هشام برا الغرفه لاحظ تأخره فتح الباب ودخل رفعه عن صدر أبوه وقال:الوليد الحمدلله ليه الدموع؟؟
الوليد حضنه:ماقدر ياهشام ماقدر تعبت أمثل القوه قدام أمي وأختي
هشام بلع ريقه(هذا وأنت ماعرفت الحقيقه):ارضى بقضاء الله بقدره واحمد ربك على كل حال هذا مكتوب من قبل لاينولد
الوليد بعد عنه ومسح دموعه وطلع معه .. هشام قال لأم الوليد وعبير:خلاص الزيارات من بعد اليوم من ورا القزاز هذي عنايه مركزه أرجوكم تقدرون هالشي
الوليد:ان شا الله_مد ايده_مشكور
هشام صافحه:حق وواجب وصافح فارس
وطلعوا عبير وأم الوليد مع فارس والوليد رجع لدوامه ومواعيده
العنود قامت من النوم الظهر على صوت أمها الحنون:عنودي عنودي حبيبي يلا قومي
العنود فتحت عيونها وقالت ثقيل:صباح الخير
أم العنود:هههه أي صباح الناس ظهر ألحين يلا قومي بدلي وخذي لك شاور كفايه نوم
العنود:ان شا الله
أم العنود طلعت والعنود مثل كل صباح باست صورة الوليد وقالت:اليوم مو مثل أي يوم أكيد متضايق عشان والدك_نزلت دموعها_كان نفسي أكون بجنبك وأهون عليك بس الزمن أقوى مني ومنك
رجعت الصوره للدرج ومسحت دموعها ومشت للحمام عشان تتروش وتنزل لأمها
فيصل كان جالس في الكوفي مع الدكاتره كعادتهم وقت البريك وكان ملتزم الصمت مثل عادته من بعد زواج غيداء واحد من الدكاتره قال:شباب دريتوا عن عبدالله السجيدي؟؟
فيصل ناظره:.....
دكتور ثاني قال:وفيه أحد مادرى!!الجرايد كلها منزله خبره
فيصل:ليه شفيه؟؟
الدكتور الأول:هذا الله يسلمك جاه حادث وألحين منوم في العنايه المركزه .. أنت ماشفت الزحمه والشرطه والصحافه اللي تجمعت أمس عند المستشفى!!
فيصل حس ان غليله برد من سمع هالخبر وقاوم ابتسامه بغت تترسم على شفايفه:....
دكتور سعودي ثالث:يقولون انشل_بحزن_ياعمري على الدكتور الوليد مايستاهل
فيصل(يستاهل ونص هو اللي سرق غيداء):.....
الدكتور الثاني شهق:الدكتور الوليد ولد المليادير!!
الدكتور الأول:إيه الحمدالله ماتدري_تذكر_إيه صح نسيت انك جديد
الدكتور الثاني بحزن:الله يصبره والله ماشا الله عادي مع الكل ولاكأنه ولد مليادير
فيصل كان يحس بتضارب بمشاعره تجاه الوليد .. الوليد دخل الكوفي منزل راسه وواضح عليه الهم وجلس على طاوله منعزله وحط راسه عليها
فيصل انصدم من شكله العاده مبتسم والابتسامه ماتفارقه ورافع راسه وعيونه فيها لمعه غريبه لكن اللي قاعد يشوفه ألحين خيال الوليد كسر خاطره لأنه بطبعه حنون وطيب وهو فقد أبوه ويعرف شمعنى أب وقف وراح له مد ايده .. الوليد رفع راسه وابتسم ابتسامه خفيفه ووقف وصافحه .. فيصل قال:الحمدلله على سلامة الوالد الوليد سحب نفس:الله يسلمك_جلس وأشر بايده_تفضل
فيصل جلس:كيفه ألحين؟؟
الوليد:انشل
فيصل انصدم لكن لازم يهون عليه:الحمدلله على كل حال هذا قضاء الله وقدره
الوليد:الحمدلله
وبدوا يسولفون عن الحياة الزوجيه ومن هالكلام وفيصل يحاول يطلعه من جو الحزن واكتشف شخصية الوليد المرحه المتواضعه
الـبـــــارت الـسـابـــــع
بعد مرور اسبوع عاشها الوليد في معاناة بسبب والده المشلول وأمه المنهاره ولاقبل جهة غيداء وساااااحب على أمها صحى أبوالوليد ونقل من العنايه المركزه لجناح خاص .. هشام كان جالس في عيادته على مكتبه ومحتار كيف ينقل الخبر للوليد خاص ان أبوالوليد ماراح يحكي مباشره لأن الحادث أثر على لسانه ويحتاج وقت عشان يحكي رفع السماعه واتصل بمكتب الوليد ثواني ورد الوليد:هلا
هشام بلع ريقه:هلا الوليد آآآآ أبشرك الوالد صحى
الوليد بفرح:الله يبشرك بالخير
هشام بسرعه:بس الوليد ترا وسكت
الوليد:شفيك؟؟أبوي فيه شي؟؟
هشام:لابس ترا الحادث أثر على لسانه ويحتاج كم يوم عشان يحكي
الوليد:أوكي ألحين نقلتوه للجناح؟؟
هشام:إيه وتقدر تزوره أنت والأهل
الوليد:مشكور
سكر وراح للجناح .. فتح باب الجناح ودخل مبتسم باس راسه:الحمدلله على السلامه
أبوالوليد ناظره والأجهزه مغطيه جسمه بالكامل ووجهه .. نزلت دموعه بدون صوت:....
الوليد تجمعت الدموع في عيونه على حالة أبوه .. مسح دموعه:لاتبكي يبه هذا قضاء الله وقدره والخيره فيما اختاره الله
أبوالوليد دموعه معاندته وتنزل بكثافه:....
الوليد ارتجف دقنه:يبه خلاص عشاني والله دموعك غاليه
أبوالوليد مسك ايده بقووه:...
الوليد خلاص ماقدر دايم يشوف أبوه قوي لكن اللي قدامه انسان ضعيف نزلت دموعه وطلع بسرعه وسكر الباب سند ظهره على الباب وعض شفايفه بألم أبوه انشل يعني ماعاد راح يروح برجليه للطياره الخاصه عشان يتنقل من ديره لديره بيصير يروح لها بكرسي متحرك .. قطع عليه تفكيره صوت جواله ناظر الشاشه
فروس
يتصل بك
حمحم يخفي البحه اللي في صوته ورد:هلا فارس
فارس:هلا بك .. الوليد باسألك الــ.....
الوليد قاطعها:أبوي صحى
فارس بفرحه:جد!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك