رواية ورود الامل برائحة الالم -31
العنود:مادام بابا موافق أكيد بأوافق هو يعرف الرجال أكثر مني ويعرف أخلاقه ويعرف مصلحتي أكثر مني_ناظرته وابتسمت_وأهم شي الأخلاق وبابا عارف أخلاقه وسأل عنه يعني الموضوع منتهي
زيد:صراحه مادري شقول!!كلامك مقنع_ناظرها_بس مو حلوه بحقك توافقين على طول وكأنك ماصدقتي يجي أحد يخطبك
العنود(هذي الصراحه أنا ماصدقت):شهالتفكير!!يعني عشان الزوج أخلاق ودين ووافقت بسرعه تقول ماصدقت ومفجوعه على الزواج؟؟
زيد:إيه هذا الصدق اثقلي شوي
العنود رفعت أكتافها:بكيفكم ردوا عليهم متى مابغيتوا_رفعت اصبعها_بس بشرط!!
زيد:وش شرطك؟؟
العنود:ماأبغى حفلة زواج يعني زواج وملكه بيوم واحد
زيد:لاعاد وافقتي بدري وقلنا يلا بس ماتبغين فترة ملكه صعبه لازم تأقلمين معه
العنود:هذا شرطي
زيد وقف:براحتك بس صدقيني راح تندمين
العنود:ان شا الله ماراح أندم
زيد:عنيده
العنود:ههههههه على اسمي
زيد:ههههه بأروح أبشر أمي وطلع
العنود راقبته وهي مبتسمه ماتوقعت انها بتندمج معاه بهالسرعه .. سحبت لها نفس طوييل ووقفت ورفعت صورة الوليد اللي تحبها ونزلت دموعها:تتوقع أنساك؟؟أنا ماأتوقع_باست الصوره وضمتها لصدرها_ليه حبيتك؟؟ليه عشقتك؟؟ليه!!_جلست على السرير وغطت وجهها وبدت تبكي قطع عليها جوها رنين الجوال ناظرت الشاشه وابتسمت_سبحان الله كأنها حاسه فيني_ردت بصوت مبحوح_هلا
عبير:هلا شفيه صوتك؟؟
ابتسمت بحزن:انخطبت
بصدمه:ايييييش؟؟
العنود:هههه شفيك مصدومه؟؟انخطبت
عبير(الله يعينك ياالوليد .. كيف بتحمل الصدمه)قالت بهدوء:من اللي خطبك
العنود:ولد زميل بابا اسمه عصام
عبير:العنود وعصام يمشي الحال
العنود(بس مومثل العنود والوليد):....
عبير:أبارك لك والا لا؟؟
العنود ماقدرت تمسك نفسها ارتجف دقنها وقالت بصوت باكي:عـ....
عبير قاطعتها:وشرايك نتقابل؟؟الموضوع مايصلح على الجوال
العنود:خلاص أنا أجيك
عبير:لا طفشت من جو البيوت .. شرايك نتقابل بستار بوكس اللي بغرناطه؟؟
العنود:أوكي
عبير:انتظرك وسكرت
غــرناطــه
وبالتحديد بستار بوكس
دخلت العنود المقهى وجلست على طاولتهم المعتاده المعزوله عن الناس حطت راسها على الطاوله ودموعها تنزل .. عبير طقت الطاوله وجلست:....
العنود رفعت راسها ومسحت دموعها اللي معاندتها وتنزل بكثافه:هلا
عبير:يلا نكمل أبارك لك والا لا؟؟
العنود:عزيني ياعبير عزيني بأتزوج غير اللي أحبه وكتبت أشعاره لأجله ورسمت بيتي بجنبه وبدت تبكي وتشهق
بعد فتره هدت وقالت عبير:خلصتي بكي؟؟
العنود بصوت راااايح من البكي:لو تخلص دموعي ماتخلص أحزاني
عبير:وين كلامك أول لي عن الارتباط وعيش حبك؟؟وين راح؟؟
العنود همست:صعب ياعبير صعب
عبير:طيب ليه وافقتي؟؟
العنود:ليش ألعب على نفسي مصيري متزوجه غير الوليد
عبير ماحبت تزيد أحزانها:يلا يمكن ينسيك الوليد ماتدرين
العنود ناظرت الناس:ماتوقع_رجعت نظرها لها_وأنتي؟؟
عبير تنهدت:أنا قايلتلك رافضه رافضه بس وش ابرر لهم؟؟
العنود:أنا قلتلك رايي
عبير حطت راسها بين ايديها:ياربي ساعدني ياربي .. مليت دموع ليلي ونهاري دموع وهواجيس طفشت نفسي أرجع عبير القديمه انسانه ساحبه على الدنيا وهمها سعة الصدر بس ماقدر_رفعت راسها_ياليتني ماعرفتك يامهند ياليتني ماعرفتك ولاحبيتك
ساد هدوووء بعد حكي عبير وكل وحده تفكر لو ماكانت تعرف اللي تحبه وشلون بتكون حياتها
عبير:صدق من قال ان الحب عذاب كنت دايم أسمع البنات يقولون الحب عذاب وكنت أضحك عليهم وأقول كلام مراهقين مادريت ان الحب أكثر أنواع العذاب قسوه وألم
العنود قالت بعقلانيه:بالعكس الحب لذه وبلسم للقلوب اذا كان اللي تحبه معك وبجنبك ويبادلك نفس الشعور بس اذا كان مو بقربك هنا يكون العذاب أما اذا كان مايبادلك نفس الشعور_زمت شفايفها وحركت راسها بأسى_فهذا العذاب بعينه
العنود كانت عندها شك بعد ماشافته في المستشفى بس ماقالت لأنها ماتأكدت وماتبغى تعلقها فيه زياده:وأنا وشدراني!!
عبير وقفت:أرجع للبيت أحسن لي
العنود وقفت معها:مو حاله ياعبير حابسه نفسك بين أربع جدران اطلعي ورفهي عن نفسك
عبير كشرت بوجهها:مالي خلق شي
العنود:مستحيل ياعبير الـ.....
عبير قاطعتها وهي تأشر بايدها:أرجوك العنود اتركيني على راحتي ولفت
العنود:بتداومين بكره في الجامعه
عبير وهي معطيتها ظهرها:مادري
العنود رفعت شنطتها ووقفت قدامها:شوفي أنا بأدوام بكره وماتوقع تتركيني وحدي خاصه ان الشله كلها تخرجت ولفت وراحت بدون ماتسمع ردها
عبير ناظرتها زفرت ورفعت شنطتها وراحت للسياره
اليــــــوم جديــــــد
فـي الجامـعــــه
العنود تناظر مدخل الجامعه من ورا نظارتها(والله شكلها موجايه .. مابقي شي على المحاضره)وقفت وقربت من بوابة الجامعه وتأففت بصوت عالي .. لمحت عبير تدخل وتدور بعيونها ركضت لها وحضنتها:كنت متوقعه انك ماراح تجين
عبير ابتسمت بهدوء:والله ماهان علي اتركك وحدك
العنود:يلا المحاضره بتبدأ
عبير:أووف من أولها
العنود سحبتها:يلا عاد أخر سنه
دخلوا وبدت الدكتوره تتفلسف لكن ولاوحده كانت معها كل وحده سرحانه وتفكر في همها
الوليد بعد كانت أول أيام دوامه بعد الزواج .. بدل وكشخ وراح للمستشفى أول مادخل كان فيصل داخل معه .. ناظر شكله متغير مره نحفان لدرجة عظام خده بارزه وعيونه ذبلانه وتحتها أسود .. ابتسم وراح له ومد ايده .. فيصل ناظره نفسه يعطيه كف ويصطره من كثر ماهو حاقد عليه لكن مد ايده وسلم عليه .. الوليد مافهم نظرته:كيف الحال؟؟
فيصل:الحمدلله على كل حال
الوليد:سلامات!!ليه شكله كذا
فيصل جلس على كراسي الانتظار:يارجال خلها على ربك
الوليد تحركت رجولته وجلس جنبه:شفيك؟؟تعبان مديون ومحتاج فلوس
فيصل ناظره(طيب وقلبك أبيض وحنون ورجال بس أكرهك ليه خذت غيداء مني؟؟):.....
الوليد استغرب سرحانه كل شوي يسرح:فيصل اذا محتاج مساعده أنا أساعدك
فيصل وقف:ماتقصر بس ماني محتاج شي ومشى عنه
الوليد رفع حواجبه ومشى لعيادته
المغـــــــــــرب
فارس نزل من الطياره مبتسم اشتاق لأرض الخير اشتاق للأذان اشتاق لشمسها الحاره اشتاق لغبارها وحرها .. هذا هو رجع بعد مارفع راس أهله وشرفهم بشهادة الدكتوراه على عكس غيره يروح ويرجع وهو معه شهادة الإيدز أو غيره
رفع شنطته على كتفه وناظر المطار من ورا نظارته من جورج ارماني سحب نفس طويييل(الله ياحلو جو السعوديه والله لومافي أحد كان بست أرضها)وقف سيارة ليموزين وركب وتوجه للقصر نزل من الليموزين وماكان أحد عارف عنه دخل القصر طلع الدرج وضرب باب غرفة عبير:طق طق
عبير مسحت دموعها:مين؟؟
فارس:....
عبير رفعت صوتها:مين؟؟
فارس طق الباب:طق طق
عبير استغربت قامت غسلت وجهها بعد الدموع وحطت كريم مرطب يخفي أثر دموعها وفتحت الباب:....
فارس تخفى جنب الباب:....
عبير:شويخه مزحك ثقيل
دخلت وسكرت الباب لكن فارس دف الباب بعنف .. عبير صرخت بخوف والتفت وناظرت الرجال اللي واقف قدامها بعد فتره صرخت:فرووووووووس
فارس ابتسم:لبيه
عبير حضنته:اشتقت لك
فارس بادلها الحضن:وأنا أكثر
عبير بعدت عنه ومسكت أكتافه وناظرته:مررره متغير حليان_غمزت له_كيف الفرنسيات؟؟
فارس:هههه للحين مرجوجه
عبير سحبته مع ايده ونزلت تحت وهي تصرخ:مـــامـــا بـــابــــا شيـــــوخ تعالوا بسررعه
فارس جلس:خرعتيهم
عبير جلست بجنبه:مايمشي معهم إلا كذا
أم الوليد وأبوالوليد نزلوا ركض:شفيه؟؟
أم الوليد أول ماطاحت عينها على فارس تجمعت الدموع في عيونها:فروس
فارس ركض لها ورمى نفسه في حضنه:يمه اشتقت لك
أم الوليد نزلت دموعها وضمته وحطت ايدها على راسه:وأنا أكثر
بعدها سلم على أبوالوليد وجلسوا يسولفون من بين السوالف قال فارس:وين ولود؟؟مشتاق له موووت
عبير تقلد باستهزاء:مشتاق له موووت وشهالحكي فرنسا خلتك خكري قل_خشنت صوتها_مشتاق له
فارس:هههه لا جد وينه؟؟
أم الوليد:في بيته
عبير(إيه هين افلقيني)وقفت:باتصل عليه
فارس:لاتخبرينه إني جيت
عبير اتصلت عليه من أول مارد قالت بسرعه:ولود أرجوك تعال طفشااااانه
الوليد ماصدق:تامرين أمر
عبير:انتظرك_سكرت وقالت لفارس_تعال تعال تخبى
فارس:حشى من ألحين!!
عبير سحبته:امش هو لاجا يسوق يسابق الريح
دخلته جناح الضيوف الداخلي:اجلس هنا_طلعت وسكرت الباب لكن على طول فتحته أول ماشغل النور_طفي النور تبغى تفضحنا
فارس:ظلااااام
عبير طفت النور:الله لايبارك في هالفرنسا اللي خلتك خكري كذا وطلعت وفارس جلس في الظلام<<رحمته
وصل الوليد وجلس معهم وبدوا يسولفون فجأه قامت عبير ورجعت ومعها كاس مويه عشان تضبط التمثليه بعد فتره دخل فارس .. الوليد ناظره بصدمه بعدها استوعب:فروووس
قام وحضنه وجلسوا يسولفون وينكتون والوليد تغيرت نفسيته .. فارس صديق طفولته وشبابه وأخوه بعدها استئذن فارس عشان ينام لأنه تعبااااان
يـــوم الجمعـــه الثانـــي
خطبــة العنـــود
خلونا نبدا بالخطيب عصام كان واقف قدام المرايه وضارب أبوالكشخه .. رش من العطر إلى أن خلصت القزازه وعدل شماغه ونزل وهو مبسوووط ويدندن .. أمه كانت جالسه في الصاله ابتسمت:ماشا الله ماشا الله شهالكشخه؟؟
عصام مسك ايدها وقال بحماس:مبسوط يمه مبسوط
أم عصام:دوم ان شا الله ياولدي
عصام:وأخيرا بأتزوج
أم عصام:ومن بتتزوج ياحسره!!..بتتزوج لك وحدة مطلقه
عصام:وبكر .. بكر يايمه حتى مابعد تزوجت
أم عصام:ولو ياولدي وش ينقصك؟؟
عصام:أهم شي انها حلوه وملكة جمال وهذا المهم
أم عصام:والله هالزواج ماجاز لي بن يلا أهم شي انك مبسوط
عصام صرخ:يلا يبه تأخرنا
أبو عصام وهو ينزل من الدرج:طيب .. طيب ليه العجله؟؟
عصام باس راس أمه:يلا يمه مع السلامه وادعيلي
أم عصام تجمعت الدموع في عيونها:الله يوفقك
عصام سحب أبوه:يلا
طلعوا ومروا من عند خيمة الشعر طل عصام وقال:يلا أنت وهو بنروح
اخوانه هشام وابراهيم قاموا معه .. عصام ناظر خواته وقال:ماتبغون تجون تشوفون زوجتي
ساره(١٨ سنه):نفسي والله ياأخي العزيز بس أمي رافضه
عصام:حسافه أجل بيفوتكم
تركيه(٢٠ سنه):وقت الملكه
عصام:يلا أجل مع السلامه وراحوا
قصر السجيدي
عبير نزلت وعبايتها بايدها والوليد قابلها وقال:على وين؟؟
عبير ماعرفت وش تقول بس لازم تخبره قالت بتلعثم:آآآ الـ...العنود خـ...خـ...خطوبتها اليوم
الوليد صرخ:اييييييييييش؟؟
عبير خافت يصير له شي:....
الوليد جلس وهمس بتيهان:العنود بتتزوج
عبير:ولود هذا نصيبها
الوليد نزلت دموعه:وأنا!!
عبير:أنت خلاص طلقتها
الوليد ناظرها ودموعه على خده:بس أنا أبغاها_وقف صرخ_أنا أحبها وأعشق ترابها وأنا أولى لها أتحداها تحصل أحد يحبها كثر ماأنا أحبها أتحداها أتحداها وبدا يبكي مثل الأطفال
عبير تقطع قلبها عليه:ولود خلاص اللي كاتبه ربي بيصير
الوليد خبط راسه بالجدار وهو يبكي ويصرخ:أبغى أموت أبغى أموت وبدا يضرب راسه في الجدار
عبير خافت عليه مسكته:ولود لاتسوي في نفسك كذا
الوليد مسك بلوزتها:أرجوك ياعبير أرجوك قوليلها اني أحبها وأبغاها لاتتزوج لاتتزوج والله أموت والله أموت
عبير:ماتقدر تمنع البنت من الزواج ولاتقدر تمنع قضاء الله
الوليد فكها ورجع للجدار ونزل بنفسه وضم رجليه لصدره وبدا يضرب راسه في الجدار وهو يبكي ويصرخ:ليه حظي كذا؟؟ليه؟؟ليه حبيتك ياالعنود؟؟
عبير نزلت لمستواه وحضنته:بس ياالوليد_نزلت دموعها_بس قطعت قلبي
الوليد بكى على صدرها مثل الطفل اللي فقد أمه .. بعد فتره هدا الوليد وبعد عنها ووقف:أوصلك!!
عبير وقفت معه:لا مشكور بيوصلني السايق
الوليد:أوكي وطلع
عبير ناظرت ظهره(الله يهون عليك يااخوي)مسحت دموعها ولبست عبايتها وتوجهت لبيت العنود
عند العنود ماكانت أحسن حال من الوليد كانت قافله على نفسها في غرفتها وتبكي بصوت واطي عشان مايسمعها أحد .. زيد طق الباب:طق طق
العنود بصوت مبحوح:مين؟؟
زيد:أنا .. يلا عنودي وصلوا
العنود:طيب دقايق
زيد:بسرعه لاتطولين وراح لما نزل الدرج كانت عبير في وجهه .. عبير انصدمت(من هذا؟؟) .. زيد تنح من الملاك اللي واقفه قدامه .. عبير انتبهت لنفسها وصرخت ودفته وطلعت تركض لغرفة العنود .. زيد ضحك على استيعابها البطيئ ونزل(أكيد هذي عبير أخت الوليد اللي حكت عنها العنود)
عبير فتحت الباب بس مافتح مقفل طقت بقوه:افتحي
العنود خافت وفتحت الباب .. عبير دخلت وقفلت الباب بسرعه .. العنود استغربت تصرفها:شفيك؟؟
عبير ناظرت وجهها واضح عليه البكي:انتي اللي شفيك؟؟
العنود مشت وجلست على السرير وتنهدت:وش اللي مافيني؟؟_ناظرتها_الوليد درى
عبير فصخت عبايتها وأشرت على بلوزتها التركواز:هذي دموعه
العنود غطت وجهها تبكي .. عبير جلست بجنبها ومسحت على شعرها:العنود هوينها وتهون يعني لو ماتزوجتي عصام بتتزوجينه!!..مستحيل هو طلقك بالثلاث .. أقلمي نفسك
العنود مسحت دموعها:.....
عبير تغير الجو ابتسمت بخبث:من هذا المملوح اللي نازل من عندك؟؟_غمزت_هاه!!
العنود:هههههه عشان كذا جايه ركض
عبير:ولا أزيدك من الشعر بيت قزيته قز بعدين صرخت
العنود:هههههههه الله يرجك أكيد خرعتيه
عبير:هذا زيد؟؟
العنود:إيه شرايك فيه؟؟
عبير:ماعليه مملوح_أشرت عليها_بتطلعين كذا؟؟
العنود:إيه أجل شلون أطلع!!
عبير سحبتها:أجل يلا غسلي وجهك لاتخرعينه ويحط رجله ويعتزل الزواج
العنود ضحكت وغسلت وجهها .. أم العنود طقت الباب وفتحته عبير وسلمت عليها .. أم العنود:وينك من زمان عنك؟؟
عبير:والله الدراسه
أم العنود استغربت حالتها العاده تضحك وتمزح لكن ماسألتها ناظرت العنود وابتسمت:يلا حبيبتي
العنود تحاول تثبت:أوكي
نزلوا تحت وسمت العنود بالله ودخلت بالعصير قالت بصوت واااطي:السلام عليكم
عصام رفع راسه وتنح خواته كانوا يمدحون العنود وجمالها بس ماتوقعها لهدرجه:....
العنود مدت له الصينيه انتبه لنفسه وخذ العصير .. العنود جلست جنب زيد ساكته .. عصام:كيفك؟؟
العنود:الحمدلله ورفعت راسها بتناظره وطاحت عينها في عينه .. عصام دق قلبه بسرعه من جمالها .. والعنود تجمعت الدموع في عيونها ماتدري ليه كانت حاسه انها بتشوف الوليد؟؟ماقدرت تمسك نفسها وقفت وطلعت .. زيد قال:هاه!!نقول مبروك؟؟
عصام ابتسم:نقول مبروك
زيد:مبروك
عصام:الله يبارك فيك
رجعوا للمجلس وقال عصام بابتسامه:باركوا لي
بدوا اخوانه وأبوه يباركون له
عند العنود دخلت والدمعه في عينها أول ماشافت عبير رمت نفسها في حضنها وبدت تبكي
أم العنود بقلق:هاه!!
العنود رفعت راسها وابتسمت:باركوا لي
أم العنود حضنتها:مبروك عقبال الزواج
عبير حضنتها:مبروك
العنود:الله يبارك فيكم
عبير:هاه بشري عساه حليوه
العنود(وشلون يكون مملوح بعد ماشافت الوليد):ماعليه أهم شي رجال
عبير:يعني شلون!!قبيح!!
العنود بروعه:لا عادي فيه ملح
عند الرجال
عصام نغر أبوه وهمس:قله
أبو عصام:يابو فواز ولدنا مستعجل في الملكه
أبوالعنود:بس البنت ماتبغى فترة ملكه تبغى ملكه وزواج بيوم واحد
أبوعصام:والله براحتكم تبغونا نسوي حفله بس أهم شي الملكه بعد اسبوعين
أبوالعنود ناظر زيد وقال بصدمه:اسبوعين!!
زيد انصدم:......
أبوعصام:إيه اسبوعين
أبوالعنود:طيب أخذ راي البنت
أبوعصام:تفضل
أبوالعنود راح ولحقه زيد وقالهم السالفه
عبير بصدمه:اسبوعين!!مايمديها لو تفصل فستان
أم العنود:ليه العجله؟؟
أبوالعنود رفع أكتافها:مادري يقول تبغون نسوي حفله بس أهم شي الملكه بعد اسبوعين_ناظر العنود_شقلتي؟؟
العنود:شاقول بعد؟؟أكيد موافقه
زيد:طيب سوي حفله
العنود بحزم:لا ماراح أسوي حفله والتجهيز أنا مجهزه_ارتجف صوتها_من زواجي الأول
فترة صمت بعدها قال أبوالعنود:أوكي وراح
في المجلس
عصام:يبه اسبوعين كثير
أبوعصام:حشى أنت تقول اسبوعين
عصام:غيرت رايي
أبوعصام:لعبه هي!!
هشام:هههههههه أكيد بيغيره بعد ماشاف العروس
ابراهيم:هههههه
عصام:وشرايكم تاكلون تبن؟؟
دخل أبوالعنود وحده وجلس:خلاص موافقين
عصام نغزه وهمس:قله اسبوع
أبوعصام همس من بين أسنانه:كل تبن_وقف وقال_أجل موعدنا بعد اسبوعين
أبوالعنود وقف:وين تعشوا معنا؟؟
أبوعصام:أنا وعدتك وعند وعدي بس مره ثانيه
أبوالعنود:الله يحيكم
عصام باس راسه وقال يتميلح:يلانشوفك على خير
أبوالعنود ابتسم:الله يحيك
طلعوا من الباب ونقز عصام:yeeeeees_مسك ايد أبوه_بأتزوج بأتزوج
أبوعصام ضحك على حماسه:ههههههه الله يوفقك
عصام قام ينقز الدرجات:بأتزوج بأتزوج
ابراهيم:الحمدلله والشكر انهبل
عصام أشر بايده:أنا ماأحاكي عوانس
ابراهيم:شف من تكلم أكبر عانس بالسعوديه
عصام:بس أنا ملكتي بعد اسبوعين
هشام يقهره:اسبوعين يعني ردد ياليل ماطولك
عصام نزل راسه:لاتذكرني الله يهديك يبه بس
أبوعصام:اركب بس اركب
ركبوا السياره وحركوا .. كان فيه زوج عيون تراقبهم الوليد جالس في سيارته ويناظرهم وعرف عصام على طول من الفرحه اللي في عيونه وصراخه اللي سمعه .. حس ان نفسه يروح يفجر فيه من القهر ناظر السياره حركت نزل راسه على الدركسون وحركه بأسى(خلاص راحت العنود راحت من بين ايديك وأحضانك صارت في أحضان انسان غريب)طلعت عبير وركبت سيارتها وحركت .. رفع جواله واتصل .. العنود متمدده على بطنها وتبكي رن جوالها رفعت وناظرت
حبي الأول
يتصل بك
حطت ايدها على فمها تمنع شهقتها(الوليد!!)انقطع الرنين لكن ثواني ورجع يرن العنود ماردت انقطع الرنين ووصلتها رساله
((أرجوك ردي والله أموت لو ماكلمتيني))
رن الجوال وردت تخاف يسوي شي في نفسه:.....
الوليد:السلام عليكم
العنود:......
الوليد:كيفك؟؟
العنود:.......(تخاف تحكي وتبكي)
الوليد بعد فتره قال بصوت مرتجف:مبروك
العنود ماقدرت تمسك نفسها انفجرت بكي:......
الوليد تقطع قلبه مايهون عليه دمعتها:ليه ياالعنود؟؟أنا شسويت لك؟؟ليه تعذبيني؟؟أنـ...
العنود قاطعته:وليد لازم تعرف انا مو لبعض
الوليد:وليد!!الله اشتقت لهالكلمه
العنود ماسكه نفسها لاتقول حتى أنا اشتقتلك:وليد أنا بأكون على ذمة رجال أرجوك لاعاد تتصل وسكرت ورجعت تكمل بكيها .. الوليد ناظر الشاشه
حبي
تم الفصل
نزل الجوال وشغل السياره ورجع للبيت
في الليل
عبير تتقلب في فراشها ماجاها نوم جلست على سريرها:أوووووف أحسن لي لفارس أخو على الفاضي
قامت وتوجهت لغرفة فارس وطقت الباب:طق طق
فارس كان متمدد على السرير:ميين؟؟
عبير:أنا
فارس:ادخلي
عبير دخلت وكان ظلاااام وماتشوفه:نايم؟؟
فارس:بالله هذا سؤال نايم!!أجل كيف بأرد عليك؟؟
عبير:هههههه لزوم التميلح
فارس جلس:شغلي النور وتعالي
عبير شغلت النور وغطت وجهها:وجع البس تيشيرت أنا استحي
فارس ضحك ولبس تيشيرت:تعالي
عبير جلست على الأريكه:كيفك؟؟
فارس:بالله هذا سؤال
عبير:ماجاني النوم
فارس:ولا أنا_ناظرها_مالقاها إلا ولود نايم بالعسل
عبير ميلت فمها باستهزاء:هه أي عسل يرحم والديك
فارس:أفا ليه؟؟
عبير قالت له قصة الوليد كلللها<<أظن مايحتاج أقولها
فارس نزل راسه:مسكين ياالوليد ماتوقعته كذا_رفع راسه وناظرها_عاد تصدقين إن واضح عليه الحزن من عيونه
عبير:لا بالعكس تحسن لما جيت
فارس:الله يهديك يمه ليش عملت كذا؟؟
عبير:لاتقول للوليد ترا مايدري فلت لسان العنود وقالته
فارس:والعنود؟؟
عبير:اليوم كانت خطبتها لو تشوفها تقول عزا مو خطوبه
فارس:ياالله ضاق صدري معقوله للحين في ناس تحب مثل هالحب!!
عبير تذكرت مهند وتجمعت الدموع في عيونها:....
فارس:عبور شفيك؟؟
عبير ابتسمت:ولاشي الظاهر جاني النوم
فارس تثاوب:حتى أنا
عبير:بعذرك سامع قصه
فارس:أشين قصه سمعتها في حياتي
عبير وقفت:الله يعين_وقفت_تصبح على خير
فارس:وانتي من أهله
طفت عبير النور وطلعت وراحت لغرفتها ونااااااااامت
لـبـــــارت الـســـــادس
الصبـــــاح
صحت عبير من النوم ولبست للجامعه أي تنوره وبلوزه قدامها ورفعت شعرها وقلوس ونزلت وبايدها عبايتها وشنطتها جلست على طاولة الطعام العاده أبوها يكون موجود بس مالقته بدت تفطر .. شيخه نزلت ومريولها عليها وشنطتها على أكتافها باست خدها وقالت ببشاشه:صباح الخير
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك