رواية لعنادك هويت و بحسنك خقيت -31
الدكتور ايهاب:شوفي يالارا انتي تقدرين تتخلصين من السكر ولكن بشرط انك تتبعين حميه
لارا:يعني شلون مافهمت
الدكتور ايهاب:السكر اللي انتي مصابه فيه موخطيير وسهل جدا تتخلصين منه ...بشرط تتبعين حميه..وراح تكون نسبة الشفا عاليه...وانا راح اكون المشرف على حالتك
لارا:طيب ودكتور شريف؟
الدكتور ايهاب:ياهالدكتور شريف اللي نشب لنا..لادكتور شريف انا اكلمه بس ابيك توعديني انك تتبعين هالحميه اللي بالجدول
لارا:طيب
الدكتور ايهاب:طبعا اكيد تسألين ليه انا مهتم
لارا:...............
الدكتور ايهاب:قلتي ليش<<احلف
طيب انا اقولك ليش....اول شي انتي بنت توك بعمر الزهوور حرام تكونين مصابه بمثل هالمرض اللي يمنعك من انك تآكلين اللي تبين....وبعدين دام المجال مفتوح لك ليه ماتتعالجين وتتبعين حميه؟؟.....انا راح اوقف معك وراح اكون طبيبك اللي تراجعينه وماراح اخليك الا اذا تشافيتي تماما
لارا:شكرا يادكتور
دكتور ايهاب:يعني خلاص بتتبعين الحميه ولااشووف لي مريضه غيرك
لارا:لالالا .....خلاص بتبعها
دكتور ايهاب باءبتسامه مشرقه:حلووو.....اي شي يجد عليك من حالات راجعيني..اتفقنا
لارا:اتفقنا
..أمشي ولآ علي منهمويتكلمون فينـــي..!~
وانآأنفـــخ غرتيولآني أسآس معهـــم ...ِ
~
سيلين كانت متجهه لمكتب سمر.....كانت تتفقد كل شي بالمستشفى اللي فقدتها اللي تأقلمت مع جوها والناس اللي فيها
قالت خلني اسوي مفاجأه لسمر واروح لها
دقت الباب
سمر:تفضل
سيلين دخلت :سموووره
سمر رفعت راسها لقت سيلين وبصوت عالي:سيـــــــــــــلين
اشتقت لك وحشتيني<<وضمتها
سيلين:والله انتي الاكثر ياحيااتي ....سامحيني عالقصوور
سمر:لاشدعوه ياقلبي حنا المقصرين....عظم الله آجرك
سيلين بآسى:أجرنا واجرك........بس حبيت اجي اسلم عليك لاني اشتقت لك وبرووح
سمر:لاتكفين لااا ماشبعت منك ومن سواليفك
سيلين:والله موبيدي ياقلبي ....بروح لاختي اخاف تتوه
سمر:سلامات وش فيها؟
سيلين:الله يسلمك ...بس شوي السكر منخفض
سمر:الله يشفيها يارب
سيلين:مع السلامه
<<طلعت سيلين ولقت بالممر الثنائي الشيطاني(طيف&بدور)
طيف:يووه شووفي موكنها هذيك سيلين الهبلاآ
بدور:الا والله هي وووووع..شوفي بعد نفس العدسات اللي ماتغيرهم خااسو بعيونها
<<سيلين كانت ماشيه وساامعه كل شي بس ناس منحطه ليه نحط راسنا برآسهم ونزّل نفسنا لمستواهم
راحت لقت لارا تايهه....سيلين:لاراا
لارا:سيلين وينك خفت عليك
سيلين:توني جيت من عند سمر تسلم عليك
لارا:الله يسلمها ييارب
<<الا يمرون من جمبهم الشيطانتين
بدور:مادريتي خطيبها ماااات بليلة الملكه هاهاهااااااا
طيف:يحق له اكييد مات من الخرعه يوم شافها
بدور:ههههههه حلوووه
<<لارا سمعتهم وعصبت
لارا:سيلين موكن هذول يقصدوونك
سيلين ماسكتها:خليهم يالاراا ماعليك منهم
لارا:اتركيني خلني العن ابوخامسهم اترككيييني
سيلين مسكتها بقوه:لاراااا ....كبري مخك هالاشكال الواحد حرام اصلا يناقشهم...واذا تهاوشتي معهم وش بتستفيدين بتنزلين لمستواهم ....واذا رحتي يحسبوني اهتميت لكلامهم
هذا اللي شايف نفسه
ماشي ولا معبرني
يتلفت هنا وهناك
ولا كنه شايفني
والله لا أوريكم فيه
والله أنا لا ما اخليه
مو هوه لعب وياي ؟
خلوه يتحملني
بالممر اللي واقفين عنده
كان فيه مدير القسم &دكتور فيصل
مدير القسم:ليه هالتأخير يادكتور؟
دكتور فيصل:كلها دقايق ماتأخرت كثير توها تصير 8
مدير القسم:مومهم 8 او9 المهم انك تأخرت ....ومن هاللحظه انت محاسب عالدقيقه الوحده<<وبعدها راح
شفتوا شلون ربي يمهل ولايهمل ......تذكرون يوم قال لسيلين هالجمله بالحرف الواحد .....اليوم انقالت له لانه ظلم.....وربي ماخلاه قدامها شافت ظلمه فيه
<<كثير تصير يدعون البعض انها صدفه ولكنها ابتلاء
فيصل مر من جمبهم
لارا:موهذا فيصل ولد عمي
سيلين:ايه
لارا قربت من عنده:فيصل<<حقرها ومشى ولاكأن احد قال شي وخزز بسيلين وراح
لارا:وجع انشااء الله ماادري هالانسان على وشو شايف نفسه
سيلين:عيب لاتقولين كذا...وين ورقتك عطيني اياها بروح اجيب الادويه<<وبقلبها هين يافيصل انا اوريك والايام جايه وبثبتلك كلامي
بالمستشفى عند احمد
ابوخالد:ماشاء الله اليوم الوجه منور ...صاير احسن
احمد:الحمد لله
خالد:حديد ماشاء الله مابك ضربه
احمد:يباااا
ابوخالد:ياعيون ابوك انت وش تبي ؟
احمد:اناااااااااا نويت وقررت .................................................. .................................................. .................................................. .................................................. ......
اتزوج بنت عمي منال الاسبوع الجاي
ابوخالد ماتوقع بس مايبي يرد لولده هالطلب لانه داري بنفسيته:انت تآآمر أمر ....اي اوامر ثانيه؟؟
احمد:مايآمر عليك عدوو....بس ترانا يايبا بنسويها حفله صغيره نفس الملكه وابيك يبا تجهز لنا جنااااح
ابوخالد:من عيوني ياولدي من عيوني
شمووخ:الف مبروووك الله يوفقك
احمد:الله يبارك فيك
ميرهان:حركااات حمووني مين قدك منك المال ومنها العيال
تالا:وناااسه حموود بتتزوج؟؟الله يوفقك يارب
<<ويدق جوالها وتسكر
ديالا:ياارب يسعدك يااخوي ويحقق لك امانيك
خالد:مبروووك يااخوي الف مبرووك
احمد:الله يبارك فيكم
ديالا تهمس لتالا:تالوووه ليه ماتردين على الجوال....ومين اللي يدق عليك؟؟
تالا بتنرفز:هذي لارا موراده عليها
ديالا:هاااتي انا ارد عليها<<سحبت الجوال منها:الووووو
لارا:هلاا تاالا كيفك؟
ديالا:انا ديالا....شخباارك لارا
لارا يووه فشله وش تقول الحين علي اكيد بتقول قوية عين:هلاا ديوووول انا بخير انتي كيفك؟
ديالا:بخير الحمد لله ياقلبي
لارا:امم ديالا بكرا بخاطري تزوروني مدري فاضين ولامشغولين
ديالا:حتى لو مشغولين نفضاالك يااعسل كم لارا عندنا
لارا بقلبها ياربي شكثر هالانسانه طيبه:مشكووره ....نتقابل بكرا مع السلامه
ديالا:مع السلامه
خلـــــــــــص البـــــــــــــــارت
Part 40
حـــرآم يــــااخــوي تضيع حبــــك بســهوله
هذي وصيه وكل كلامن قاله المرحوم بقوله
طبعا هالاسبوع الكل كان مشغول بتجهيزات لعرس منال واحمد ....طبعا الحريم مداومين دوام شفتين بالسووق<<تبون الحريم يتقضون بأسبووع<<قليل بحقهم هع
الكل كان مبسووط من منال ومعجب بوقفتها مع احمد بعز عجزه ومرضه
بيت ابوفيصل
منال تدق المكتب على ابوها
عبدالعزيز فصخ النظاره:ادخل
منال:هلا يبا ...لايكوون ازعجتك
عبدالعزيز:ازعجيني برااحتك كل هالاسبووع خلاص مابقى شي وتتركينا.....خلاص دلوعتي بترووح
منال:افااا يبا والله كل يوم ازوركم ماراح اترككم بعدين حنا نعتبر جيران مابيننا الا بيت عمي فايز
عبدالعزيز:شدعوه يابنتي امزح معك.....بعدين اهم شي عند الاب هي سعادة عياله
منال بجديه:يباا
عبدالعزيز:هلايما شبغيتي
منال:انا بقولك موضوع بس ابيك توعدني انك تساعدني وتآقف معي وتحل الموضوع بأقرب وقت
عبدالعزيز خاف:قولي خوفتيني
منال:المرحوم تركي قبل لايموت ....يوم كانت السياره تتقلب فيهم كان يقول وصيته لاخوي فيصل
عبدالعزيز:وش وصيته؟
منال:ان فيصل اخوي
عبدالعزيز:ايه
منال:يـــــــــــــــــــــــــــــآخذ
عبدالعزيز:كملي يابنتي
منال:ان فيــــــــــــصل يتزوووج
امممممم
ان فيصل يتزووج سيلين بنت عمي
عبدالعزيز مصدووم:وشوو
منال:اللي سمعته يايبا
هذي وصيه ولازم تتنفذ بأقرب وقت لازم نريح المرحوم بقبره
عبدالعزيز بعصبيه:وليه ساكت كل هالوقت وماعلمناا....وانا ابوفيصل بكراااا راح اسحبه ونخطبها له......بسرعه ناديلي اخوك
منال:حاظر يبا
بيت ابوفارس
الجرس تن تن تن
سيلين راحت فتحت الباب:هلااااا يااهلاااا بالتوآام
ديالا:هلاا فيك نونا كيفك؟
سيلين :بخير...اتفضلو ادخلو ....اكيد جايين على شآن لارا.
ديالا:ايه
سيلين:غريبه تالا ماركضتي على غرفتها
تالا رفعت حاجبها:وليه اركض
ديالا تدزها:لابس اليوم مونايمه زين مافيها طاقه
سيلين:اهااا وانا اقوول شفيهااا....طيب اطلعوا لها
اما بالغرفه
لارا كانت تصيح بقوه وتكلم نفسها:ليه ياربي انا محد يحبني ليه؟....استااهل اللي يصير فيني استااااهل
الباب يدق طق طق
لارا:سيلين ماابي اتعشى
فتحت ديالا الباب
لفت لارا:قلت لك مابي ا.............<<سكتت
لارا مصدومه:دديالااا
تالا بحقد:أيه ديالا.....ديالا الللي حطيتي عينك من الشخص اللي تحبه.....ديالا اللي أصرت اجي معها عشانك ولاانا حالفه مااجي.....ديالا اللي دايم تحلفيني مااقولها اسرارنا....اختي توأمي اللي بعدتيني عنها
ديالا:خلااص ياتالا خلااص
لارا بصياح:خلها تكمل ....استاهل والله استاهل
ديالا:انا صاحبة الشان ومومن حق أي شخص يتدخل فيه مهما كان.....لارا ماابي اكذّب عليك واقولك مااحب سعيد.......كل اللي اعرفه من صغري اني لسعيد وسعيد لي وانتشر بالعائله والكل درى فيه......وهذا كله نصيب.....ماراح اخلي مثل هالموضوع يأثر علينا...مهما كان حنا بنات عم ومثل هالامور ماتأثر بيننا<<ضمت لارا وصافي يالبن حليب ياقووشطه
اما عند منال كانت توها طالعه من مكتب ابوها
شافت فيصل توه راجع من الدوام وشكله هلكااان
منال:فيصل
فيصل:هممم
منال:ابوي يبيك بالمكتب
فيصل:لاحوول طيب بروووح
<<راح فيصل لمكتب ابوه
فيصل:هلا يبا طلبتنني
ابوفيصل:اجلس
فيصل جلس:هااه جلسنا
ابوفيصل:بكرآ فاضي؟
فيصل:إيه فاضي .ماعندي شي خير يبا وش فيه؟؟
ابوفيصل بأمر:بكرا جهّز نفسك
فيصل:أجهّز نفسي شحقّه؟
ابوفيصل:بنروح نخطب؟
فيصل انصدم:وشو نخطب...نخطب لمين؟
ابوفيصل:نخطب لك انت
فيصل مذعووور خااف وتذكر الوصيه:تخطبون لي انا ....مين؟
ابوفيصل:بنخطب لك.........بنخطب لك بنت عمك سيلين
فيصل بعنااد:ماابيها
ابوفيصل بصراخ:جب ولاكلمه موانت اللي تقرر فاااهم.....واذا ماتزوجتها لاانا ابوك ولاانت ولدي....نسيت ..نسيت يوم دموعك اربع اربع يوم رجعت من السفرر نسييييت
فيصل:.......................
ابوفيصل بأمر:بكرا الساعه 7 تكون جاهز فاااهم....لان هذي وصيه مولعب
فيصل وش دراه انها وصيه:مين قالك ؟؟....اكيد منال صح
ابوفيصل بتهديد:مومهم منال ولا غيرها ....وبعدين والله لو قربت من اختك لااوريك شي عمرك ماشفته.......وبصراخ :والحين فاااااااااارق عن وجهي
قام فيصل وراح لغرفته بينااام كره كل ايامه اللي راح تجي قبل لايعيشها.....همومه تعدت الحد الائتماني لشخص أفلس الراحه.....راح يبي ينام ...ولكن أي نوم هذا اللي بيذكر عيونه؟....كان سجين ....سجين لتفكيره...كان خايف انها تفكر انه ماصدّق ان تركي يموت وراح خطبها .....كان يفكر شلون يكرهها ويكرهها فيه
ترى البشر ماتشعر بقيمة الحي
الا ليا ودع حياته وفاته
غرفة منال
كانت ماسكه جوالها :رددي يااسيلين ردددي ...خلني احاول مره ثانيه
سيلين:الوووو
منال:هلا سيلين كيفك؟
سيلين استغربت لان منال ماكلمتها من قبل ملكتها:هلا منال بخير انتي كيفك
منال:انا بخير....سامحيني عالقصوور بس وربي لي ظرووفي
سيلين:لاشدعوه معذوره ياعرووس
منال استحت:ههه ........بعيد عن الضحك الجديه:سيلين
سيلين:هلا
منال:ممكن اسألك سؤال ؟
سيلين:اكيد تفضلي
منال بتردد:جاك ....شي ....عن....عن المرحوم تركي؟
سيلين تذكرت تركي ضاق صدرها :لا ياليته جاني شي
منال:انا عندي لك شي منه
سيلين مصدومه:شي....مثل وشو؟
منال:عندي لك......وصيه
سيلين:وصيه!!!! وش وصيته؟
منال:وصيته هي............انك ...........ماادري اقولك ولا لا
سيلين باءنفعال:مناااال تكفين قولي....ودمعت...هذي وصيته والله ماجاني منه شي عالاقل خلني اسمع من وصاياه شي
منال:وصيه هي...انك ........انك تتزوووجين اخووي تركي
سيلين:............................<<لاتعليق
منال:ادري مصدوومه بس وربي هذي وصيته ....تعرفين وش معنى وصيه؟!
سيلين مازالت تحت تاثير الصدمه:انتي متأكده؟!
منال:ايه والله متأكده ...وبعدين انا وش مصلحتي أقوّل ميت كلام ماقاله؟
سيلين:صدقت يامنال لاتكملين....اسمحيلي الحين انا بسكر تآمريني على شي
منال:ايه ابيك تفكرين زين وتكبرين مخك.....ادري انه صعب عليك بس صدقيني راح ترجعون تحبون بعض
سيلين تبكي:لايامنال انا مستحيل احب اخوك.....فمان الله
منال رحمتها:مع السلامه
بيت ابوفارس
فارس جالس مع ريم يسايرها ومهتم فيها الاشوي يدق جواله
فارس:الوووو
.............:الوو هلا اخوي.....معي الاخ فارس فايز ال...
فارس:ايه نعم
............:حبيت ابلغك ان سعود محمد رافع عليك قضيه ....وبعد بكرا اللي هو يوم الاحد عندكم جلسه...الساعه 12 ظهرا ياليت تلتزم بالموعد المحدد
فارس انصدم:قضيه....انشاء الله....مع السلامه<<سكر فارس وراح عالم ثاني ......صار كأنه بعلبه مغلقه منعزل عن اللي حوله.....تذكر ابوه انه محامي واكيد يعرف محامي كفو يوقف معاه
ريم تصارخ:فاااارس
فارس كأنه كان نايم وصحى:هاا
ريم:ساعه اناديك حبيبي وينك فيه
فارس:معك موجود
ريم:هذا الواضح.......من بعد المكالمه صرت بعالم ثاني مين اللي اتصل؟
فارس مايبي يخوفها :هاه ايه المتصل واحد من الشركه محتاج صكوك
ريم ارتاحت:اشوه الحمدلله خوفتني
فارس:لاتخافين ياقلبي ....انا معك <<وضمها
فارس:معقوله تخافين وانا ويآك
ريم:لاياقلبي موكذا بس اخاف احد يضايقك
فارس:دامني ويآك محد يقدر يكدرني
...............................................
فارس قام من عند ريم وراح كلم ابوه
فارس:الووو ....هلا يبا
ابوفارس:هلا ياوليدي....شخبارك
فارس بتعب:تعبااان يايبا تعباان
ابوفارس:شصارلك ياوليدي احد منكم صارله شي؟
فارس:لاموكذا
ابوفارس:اجل شفيك ياولدي خرعتني
فارس:محتااجك يبا
ابوفارس:محتاجني؟؟......بوشو محتاجني؟
فارس:يباا اخو ريم رجع من لندن ......ورفع علي قضيه يبيني أطلقها...وعندنا جلسه بعد بكرا بالمحكمه يوم الاحد
ابوفارس:وليه الدنيا لعبه...
فارس:ماادري هذا اللي صار تكفى يبا دبرني
ابوفارس:انا افنيت عمري كله عشانكم .....ولين مااموت بظل فاني عمري لجلكم
فارس:اسم الله عليك يايبا بعيد الشر عنك......اسمع يبا الظاهر ريم جت بضطر اسكر
ابوفارس:وليه هي ماتدري.؟
فارس:لاماتدري ...تعرف يبا حامل وماابي اخوفها واربكها بهالامور
ابوفارس:زين ياوليدي مع السلامه
..............................................
نروح عند سيلين
سيلين كانت مثل العصفوره الجريحه تشووف كل العصافير باعشاشها .....وتطير ......صح هي نفسهم عصفوره بس مالها جنحاااااان كسيره .....ياربي انا اللي شفته بحياتي موشوي.....فيصل قااسي يحب يشوفني مذلووله ....ليه ياتركي رحت ليه ......ألحين احتااجك اكثر من أي وقت ....ليه ياتركي تجبرني على شي ماابيه...ماابي اضعف قدامه...آآآآآآآآآآآآآآآآآآه ياربي...فيصل مايحبني ياتركي مايحبني يبي يذلني من رحلت وانا روحي مستاحشه
.................................................. .
نروح لابوفيصل
ابوفيصل:ام فيصل
ام فيصل:سم يابوفيصل
ابوفيصل بدون مقدمات:موزه انا قررت اخطب لولدك فيــصل وبكرا بنروح ان الله عطانا عمر
ام فيصل انصدمت ليه ماياخذ رايي الا قبلها بيوم هذا بكري ولدي الكبير ..ليه انا موامه:فيصل!! شلون وليه ومتى وبنت مين؟
ابوفيصل:بنت اخوي فايز سيلين....ولدك ماعاد صغير لازم يتحمل مسؤوليه...وبعدين بنت اخوي شفيها متربيه احسن تربيه ماراح يلقى احسن منها
ام فيصل ارتاحت:اووه ريحتني والله....عاد تدري انا من زمان ابيها لولدي فيصل.....بس موكنك استعجلت يمكن الولد مايبيها
ابوفيصل:خير البر عاجله .....بعدين من متى الولد له كلمه على ابوه انا اذا قلت يخطب يخطب وبعدين الولد ماله الا بنت عمه<<ماهوب شرط
ولا لك كلمه ثانيه ياموزه
ام فيصل:لاحشا الراي رايك ياابو فيصل
.................................................
دق ابوفيصل على ابوفارس
ابوفيصل:اللوو
ابوفارس:هلا عبدالعزيز
ابوفيصل:شخبارك يااخوي عساك بخير؟
ابوفارس:بخير عساك بخير ..كيف العيال والاهل
ابوفيصل:بخير الله يسلمك......مدري فايز بكرا فاضي؟
ابوفارس:اصير فاضي ....خير يااخوي؟
ابوفيصل:لابس بكرا نبي نزورك
ابوفارس:حياك الله ان ماشالك البيت تشيلك عيوننا
ابوفيصل:الله يسلمك .....تآمر على شي؟
ابوفارس:سلامتك....فمان الكريم
.................................
خلاص, / عافڪْ الخاطر]*
حاولٿ أڛامح وٍِوٍِ لڪْڼ ماڼي بقادر. . *
روحي بطريق| وأڼابطريق~*
...........خلڼي على جرحي " العٿيق]--
......................خلاص
.............. "عافڪْ الخاطر"
احمد اليوم بيترخص من المستشفى
فيصل:سلام حموود
احمد:هلافصيل
فيصل:خلااص هااانت اليوم بتترخص
احمد:الحمدلله على كل حآل
فيصل:آآآآآآآآخ بس يااحمد محد بهالدنيا مرتاااح
احمد:لاوالله محد بهالدنيا مريّح الكل مشقي نفسه بنفسه ولاالدنيا شحلاتها
فيصل:ايه شعليك بتآخذ منوول اللي حبتك وحبيتها مواناا
احمد:انت شفيك ....بتآخذ جوليت...اقصد سيلين
فيصل انصدم:وانت شدراك
احمد:اليوم منال قالتلي لاوبعد اليوم بتروحون تخطبون ورجلي على رجلك بعد وش رايك؟
فيصل:احمد تدري وش ودي فيه؟؟
احمد:وشو؟
فيصل:ودي اشرد لبعييد ودي اهااااااجر لمكاااان مافي ولا احد ..........احمد موقاادر اصدق الانساانه اللي خانتني اروح لها ...اللي ذلتني أركض عليها ...تحسبني ماصدقت تركي مات وجاي لها طيرااان
احمد:اسمع يافيصل البنت ماخانتك ولاشي كم مره تكلمنا عن هالموضوع .....وقلنا انه نصيبها...وراح نصيبها والحين انت صرت من نصيبها ...دارت الدنيا ولاقامت انتوا لبعض
فيصل من ورى قلبه:بس انا خلاص ماعاد ابيها عافها الخاطر
احمد:كذااب يافيصل كذاااب.......لاتكذب على نفسك وتسوي مثلي....فيصل الرجال يحب مره وحده ...ويظل متعلق بهالحب ...مهما كابر او حاول يخفيه يظل محفور بداخل اعماقه.....حتى لوتزوج اللي حبّها اول مره عمره ماينساها
<<يقاطعه الدكتور
الدكتور:السلام عليكم
الكل:وعليكم السلام
الدكتور:هاا احمد شلونك اليووم
احمد:الحمدلله احسن
الدكتور:خلاص بنكتب لك خرووج ...بس لازم تنتبه لنفسك...واحنا راح نكلمك في حال اهل المريض المتوفي دماغيا اهله وافقوا انهم يتبرعون لك بشبكية ولدهم
احمد:الله كريم.....الله كريم
ربي يحفظك ويخليك لنا
يااغلى الخلايق يايبهـ
بالظهر الساعه 11:30
كان ابوفارس وولده بالمحكمه ...وسعود بعد مع حاميه
فارس يطالع بساعته:يبا كلم المحامي شفيه تأخر؟
ابوفارس:وانت ناسي اني محامي ولاتشك بقدراتي؟
فارس حب راس ابوه:الله يخليك لنا يايبا
<<الاب معنى جميل موسوعه من المعاني الساميه الجليله..الاب وماادراك ماالاب....الاب له دور كبير في حياة الابن .....واجمل مافي هذا الاب هو...عطفه على ابناءه مهما صار حتى لو الدنيا وقفت بوجههم ...حتى لواكتسح حياتهم اعاصير مستعد يوقف امام الموجات والاعاصير حتى ابنه يكمل دربه.....مستعد يوقف مع ابنه حتى لو كان في بعض المرات غلطان ....ليه؟؟.....لانه ابنه(لكل اب (احبك ياابوي)
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك