رواية ورود الامل برائحة الالم -29
الوليد:شفت فهمتني غلط .. أنا باقترح عليك وحده ماشا الله حسافه لو ماتزوجتها
زيد باستهزاء وهو يشرب من الكابتشينو:ومن هي اللي داعيه عليها أمها في ليلة القدر؟؟
الوليد:يااخي ليه حاقر نفسك؟؟
زيد بدون اهتمام:طيب من هي؟؟
الوليد:هي البنت ماشا الله ماينقصها شي جمال وأخلاق وحسب ونسب بس انها مطلقه لكن بعدها بكر
زيد:طيب مين؟؟
الوليد:العنود
زيد من سمع اسم العنود ارتفعت دقات قلبه لكنه قال بثبات:مين العنود؟؟
الوليد نزل راسه:طليقتي
زيد فتح عيونه بصدمه:......
الوليد بسرعه:أرجوك لاتفهمني خطا أنا بس أبغى أجمـ.....
زيد قاطعه وهو يأشر بايده ودمعته نزلت على خده:لا تكمل والله حاس فيك
الوليد استغرب دموعه:اذا ماتبغى عادي أنا ماأمرك أو اطلبك أنا أعرض عليك
زيد غمض عيونه نفس المشهد يعاد أمامه ألحين:.....
الوليد ماتوقع ردة فعله بتوصل لهدرجه:زيد إذا ماتبغى عادي بس أنا أبغى أجمع بين شخصين يستاهلون بعض لاأقل ولاأكثر .. هاه شقلت؟؟
زيد فتح عيونه المليانه دموع:موافق
الوليد انصدم ماتوقعه يوافق بهالسرعه أصلا ماتوقعه يوافق من الأساس:متأكد!!
زيد:ايه
الوليد:شف ترا_أشر بايده_زواج زواج مو لعب وأنت في غرفه وهي في غرفه
زيد:ههههه ايه شفيك مومصدق؟؟
الوليد:لا موكذا بس توقعت تقول عطني وقت أفكر
زيد:وليش افكر؟؟اذا كانت البنت مثل ماتقول ماراح أفوتها وأنا أصلا كنت حاط فكره الزواج في راسي من فتره
الوليد:أوكي متى نروح نخطب
زيد:من ألحين اذا عادي
الوليد:هههههه لاعاد مو كذا اما حبا والا برك .. خليها الأربعاء على بال مااتصل بخالي وأحط عنده موعد .. شرايك؟؟
زيد: يعني بعد بكره_فكر شوي بعدها قال بزفره_أوكي
الوليد شرب من الكابتشينو بعدها جلسوا يسولفون عشر دقايق وكل واحد راح لطريقه
زيد ركب سيارته وحرك(العنود .. اسمها روعه وحلو .. ان شاالله تكون مثل اسمها)ماكان متردد ابد في اللي سواه بالعكس كان متحمس للأربعاء
الوليد طلع من الكوفي وهو مايدري وين يروح(يارب وين أروح؟؟أرجع للبيت مستحيل أنا ماصدقت أطلع .. والقصر رايح له الظهر والعصر ولو رحت آلحين بتشك أمي في الوضع .. الإستراحه مافيها أحد .. عواد مسافر .. مهند ماعنده وقت يحك شعر راسه .. زيد راح لدوامه_ابتسم باستهزاء_على أخر عمرك ياولد السجيدي تشردت .. مالي إلا أروح للمشا من زمان مامشيت)وفعلا شغل سيارته وراح للمشا
عبير كانت متمدده على سريرها تفكر في الهم اللي طاح فوق راسها وتقلب الأمر في راسها طفشت من التمدد على السرير وقفت بتطلع فتحت الباب وهي تمشي بشويش يوم كامل مامشت انكسر ظهرها مدت ايدها بتفتح الباب لكن كلون الباب تحرك وسبقها بعدت عنه ودخلت أم الوليد ووراها الشغاله بايدها صينية العشا .. أم الوليد شهقت ورجعتها للسرير:وش قومك من السرير؟؟اجلسي
عبير جلست على السرير وقال بصوت واضح عليه التعب:ماما طفشت من الجلسه على السرير
أم الوليد مددتها:معليش حبيبتي انتي تعبانه لازم ترتاحين عشان تتحسن صحتك
عبير يئست:.......
أم الوليد حطت الطاوله الصغيره فوق حضنها ومدت لها ملعقه فيها شوربه:سمي بالله
عبير ماتحب أحد يخدمها أو يشفق عليها خذت الملعقه تحسه متفضل عليها:أنا أأكل نفسي
أم الوليد حركت راسها:مافيه فايده وقامت طلعت
عبير حطت الملعقه مالها نفس اسندت راسها على السرير وناظرت فوق ونزلت دموعها أكره شي لها في الحياه الحيره وهي محتاره في درب العشق
أم الوليد فتحت الباب وناظرتها:كنت حاسه_مشت لها ورفعت الملعقه_كـ......_قطعت كلامها لما شافت دموعها نزلت الملعقه ومسكت ايدها وقالت بخوف_حبيبتي شفيك؟؟في شي يالمك؟؟
عبير مسحت دموعها:لا ماما مافيني شي
أم الوليد:لا احكي شفيك؟؟
عبير:مافيني شي
أم الوليد:اسألك بالله شفيك؟؟
عبير:ماما أرجوك لاتضغطين علي متى ماأحس اني أبغى أحكي بأحكي
أم الوليد ماحبت تضغط عليها:أوكي بس كلي عشاني
عبير:أوكي وبدت تاكل بدون نفس وأم الوليد تراقبها بدون صوت .. بعد ماشبعت طلعت أم الوليد ورجعت هي لأفكارها وهواجسها رفعت الريموت وشغلت الاستريو الكبير علا صوت الشيخ/عبدالرحمن السديس_حفظه الله_ الخاشع وملا الجو روحانيه وسكينه حست بطمانينه غشت قلبها **وفيه أحلى من كلام ربي يخفف عليك ضيقتك وكربتك**
مهند جالس في مكتب شركته الكبييير يفكر .. طق الباب:طق .. طق
مهند:ادخل
دخل فزاع (٣١ سنه):السلام عليكم طال عمرك
مهند ابتسم يحب فزاع أكثر من عمانه وأبوه .. وقف:هلا فزاع
فزاع ابتسم:هلا بك؟؟
مهند:تفضل
فزاع جلس:زاد فضلك
مهند جلس:وش تشرب؟؟
فزاع أشر بايده:بس الله يكرمك توني متعشي والله .. بس الحقيقه أنا جاي ياعم مهند أطـ....
مهند قاطعه:الله يهديك يافزاع أنا اللي مفروض أناديك عم مو أنت
فزاع ابتسم:والله ماقدر تعودت عليها
مهند:أجل أنا بأناديك عم بعد ههههههه
هزاع بروعه:لا لا لا
مهند ابتسم:خلاص أجل بلاش عم
فزاع:أوكي ياعم مهند وسكت
مهند:هههههه
فزاع:ههههه والله ماقدر
مهند:أوكي
فزاع بجديه:والله ياعم مهند هذا الوضع ماينسكت عليه أنا صاحب الشركه والا أنت!!
فزاع:بس كذا مايصير لازم تشوف موظفينك والموظفين لازم يشوفونك
مهند:فزاع أنا سبق وحكيت معك في هالموضوع أنا بأكون خلف الأضواء على قولتهم
فزاع:بس وش أقول للموظفين اللي يسألون عنك؟؟
مهند:قلهم مايحب الاجتماعات والا وشرايك أدخلك معي شريك!!والا أقول أتنازل بكل هالحلال لك وأنا انسحب ماأبغى لافلوس ولاشركات!!
فزاع خاف يسويها مهند:لا لا لا خلاص خلنا على وضعنا أحسن
مهند:هههههه أوكي
فزاع وقف:يلا استئذن
مهند وقف:اذنك معك
طلع فزاع ومهند جلس ولف بنفسه على الكرسي(كيف عبير ألحين ياترى)مد ايده لسماعة التليفون(اتصل!!مااتصل!!اتصل!!مااتصل!!اتصل!!مااتصل! !اتصل!!مااتصل!!..خليني اتصل)رفع السماعه وطلب رقم الوليد ثواني ووصله صوت الوليد:هلا هنود
مهند ابتسم:هلا بك كيف حالك؟؟
الوليد:الحمدلله مانسأل الا عنكم
مهند:الحمدلله_بتردد_كيف الوالده وعبير؟؟
الوليد:الحمدلله بخير الوالده بخير وعبير انخفضت حرارتها الحمدلله
مهند ارتاح:الحمدلله .. يلا أجل حبيت أطمن على الوالده وعبير
الوليد:ماتقصر يامهند وأرد لك وقفة معي في أفراحك ان شا الله
مهند:يارجال هذا ذره من معروفك علي
الوليد:أجل مع السلامه الموضوع قلب جد
مهند:ههههههه مع السلامه
الوليد سكر السماعه ودخله في جيبه ودخل ايديه معه وكمل مشي وهو يفكر(الأربعاء خطبتها .. ومن اللي بيخطب لها؟؟أنا بنفسي بأخطب لها .. آآآآآآه ياالعنود وشلون أنساك؟؟قالوا ماتت ومانسيتك ... طلاق طلقتك ومانسيتك ... زواج تزوجت ومانسيتك ... وهذاني بأزوجك بنفسي لعل وعسى أنساك_رفع راسه_آآآآآآآه ياالعنود وش سويتي فيني يابنت فهد؟؟الله يسامحك بس_نزل راسه وكمل مشي_الممشا طال والا أنا اللي ماعندي لياقه؟؟_ناظر الساعه_خليني أرجع أحسن لي)ركب سيارته وحرك لبيته وقف السياره بالباركنق وفتح الباب ودخل(يارب النشبه نايمه)شغل الأنوار لكن لسوء الحظ غيداء كانت جالسه في الصاله .. ناظرها بالتنوره القصيره الضيقه السودا والقميص الأبيض الرسمي الضيق والصدريه البيج ومكياج خفيف(من وين راجعه هذي؟؟) .. غيداء وقفت وحكي ندى يتردد ببالها(يمكن الوليد من النوع اللي مايطلع مشاعره ويرتاح لزوجته ويحبها إلا بعد إشباع غريزته.........................مستحيل ماتقدرين انتي بنت وهو ولد وفي مكان واحد أكيد تقدرين وخاصه ان طليقته بكر مثل ما قلتي........................عادي كل شي عشان الزوج يهون مالك غيره حافظي عليه)بلعت ريقها وابتسمت بارتباك:هلا والله_مشت له ومسكت ايده ومشت معه وهي تحاول تكون ثابته_تعشيت؟؟
الوليد ناظرها(ماكأنها عامله شي):........
غيداء ارتبكت من نظرته جلسته وجلست بجنبه:وليد أنـ....
الوليد قاطعها بحده:كم مره قلت لك أنا ماأحب أحد يناديني وليد(إلا العنود)
غيداء بلعت ريقها(اللي هذا أوله ينعاف تاليه) ابتسمت:أوكي .. الوليد أنا عارفه اني كنت غلطانه وتماديت كثييير أرجوك سامحني وعطني فرصه يمكن تتحسن الأمور
الوليد(لاتعطيها فرصه تلومك)زفر:أوكي وأنا مسامحك
غيداء باست خده:كنت عارفه ان قلبك أبيض_ابتسمت_ماقلت لي تعشيت!!
الوليد:لا
غيداء وقفت:ثواني ويكون العشا جاهز وراحت
الوليد ناظرها من ورا وهي تمشي(مو مثل العنود ... العنود اذا جت تمشي خصرها يتمايل وكأنها ترقص_غمض عيونه وحرك راسه_انساها انساها)
غيداء دخلت المطبخ وسكرت الباب وراها وتسندت على الباب وسحبت لها نفس تحس انها بذلت جهد كبييييير رفعت راسها للشغالتين اللي يناظرونها باستغراب:جهزي عشا لبابا
الشغاله:أوكي
غيداء ناظرت ايديها تنفض بشكل مخيف صبت لها كاس مويه وشربتها تبلل ريقها اللي جف من الربكه طلعت جوالها وأرسلت لندى
((أنا ألحين قاعده أطبق اللي تقولين ادعي لي))
ثواني ورن جوالها برساله
((من ندو
الله يوفقك ولاتعطينه فرصه يلومك عشان إذا صار شي مايقول انتي السبب بالعكس انتي تقولين أنت السبب))
دخلت الجوال في جيبها ورفعت الصينيه سمت بالله ومشت للصاله مبتسمه:تتعشى هنا؟؟
الوليد عدل جلسته:إيه
غيداء حطت الصينيه:سم بالله
الوليد:بسم الله وبدا ياكل
غيداء جلست بعييد تناظر البلازما عشان تخليه على راحته
السعوديه_جده
شقق الـ.......
بدور واقفه قدام المرايه والروج بايدها وترسم به على شفايفها ناظرت شكلها في المرايه بقميص النوم الفاصخ وابتسمت برضا تعرف تبرز مفاتنها وتخفي عيوبها رن الجرس:ترن .. ترن
مشت للباب وفتحته مبتسمه ناظرت الشاب اللي واقف أمامها وانصدمت من وسامته أبيض وملامحه عريضه .. الشاب ناظرها من فوق لتحت بنظره اعجاب وهو مبتسم بخبث:وينك من زمان؟؟
بدور ابتسمت ابتسامه عريضه مغريه ومسكت ايده وقالت بدلع:صالح!!
صالح خق على دلعها قرب منها:عيون صالح
بدور ابتسمت:تفضل
صالح دخل مبسوط وبدور مدت ايدها بتسكر الباب لكن عينها طاحت على تركي اللي واقف عند باب شقته ويناظرها باحتقار .. انمغص بطنها وتجمعت الدموع في عيونها تمنت كل الناس يشوفوها بهالمنظر إلا تركي .. تركي ناظرها بتقزز ودخل شقته .. بدور(لا ياتركي لاتفهمني غلط أنا من طلعت لهالدنيا وأنا ماأعرف غير هالشغله) .. صالح ضمها مع ورا وصدره صار ملاصق لظهرها مررره وايديه ملفوفه على خصرها باس رقبتها وناظرها من على جنب:فيك شي حياتي؟؟
بدور تقززت منه لكنها قالت:لا مافي شي
صالح لفها له وقرب صدرها من صدره وايده اليمين ملفوفه على خصرها وسكر الباب بالثانيه وناظر في عيونها وهو خااااق وقال بصوت راااااايق وهو يمرر ايده على جسمها العاري:أنا جاي أوسع صدري أجلي همومك بعدين
بدور ابتسمت غصب:حاضر
صالح باس شفتها:بعدي مسك ايده ومشوا لغرفة النوم بعدها تششششششششش
مشفر(*_^)
نرجع للرياض
الوليد وقف:الحمدلله_مشى للمغسله يغسل ايده_أنا مانمت أمس كويس وألحين نعساااااان وأبغى أنام
غيداء فهمت قصده يعني بالعربي اذلفي تنرفزت منه لكنها ابتسمت:نوم العافيه حبيبي ورفعت الصينيه وتوجهت للمطبخ .. الوليد طلع الدرج(حبيبي!!لهدرجه الكلمه سهله وتنقال على الطلعه والنازله!!..والله ماعاد أحد يعرف قيمتها .. ياحلوها من لسان العنود صحيح كانت مره بس كانت طالعه من قلب وأحسها عسل على قلبي وتحركت لها وجداني)فتح الباب وغمض(ياربي مو قلنا انساها):أوووووف .. فصخ تي شيرته وتمدد على السرير وناااااااااام
يــوم جـديـــد
في تركيـــا
عواد جالس في لوبي الفندق ينتظر رؤى كان لابس جنز فااااتح وبلوزه خفيفه وبايده البالطو لأن الجو كان بارد شوي ناظر ساعته(وينها تأخرت؟؟كل هذا لبس!!) .. نزلت رؤى بالبلوزه الطويله لجد ركبتها ولونهاصفرا ومشجره بالموف وفتحة الصدر مربعه وكسرات من فوق الصدر وتبدا تتوسع من منطقة الصدر ووسيييييعه وأكمامها ضيقه وحاير على بنطلون برمود جنز فاتح ورافعه شعرها بشريطه موف وقلوس لمعه بسسس وبايدها جاكيتها الموف الجلد وشنطتها شانيل الموف .. عواد ماعجبه انها تاركه شعرها مكشوف بس سكت ماحب يسبب مشاكل من شهر العسل .. ابتسم ومشى لها مسك ايدها وقال:تأخرتي
رؤى:معليش لازم أخذ وقت على بال ماألبس
عواد:انتي لو تطلعين ببيجامته النوم وانتي لسى صاحيه تهبلييين
رؤى ابتسمت بغرور:......
عواد حط لف ايده على أكتافها .. رؤى بحركه جريئه منها لفت ايدها على خصره .. عواد ابتسم لها وطلعوا يمشون في زحمة الناس .. شغلت الإشاره حمرا وبدوا الناس يمشون بسررعه ويزاحمون<<أكيد تعرفون زحمة تركيا عن الاشارات خاصه عند الفنادق .. عواد مشى بسرعه ورؤى تمشي وراه وهي ماسكه ايده وتحاول تجاريه بس ماقدرت ضرب وجهها في كتف رجال لأنها كانت تمشي على جنب وماسكه ايد عواد ألمها خشمها وفمها لأن الرجال جدار مورجال تجمعت الدموع في عيونها من الألم .. عواد التفت لها وانصدم من منظر الدموع لف ايده اليمين على خصرها ورفعها بايد وحده .. رؤى حطت راسها على كتفه وبدت تبكي من الألم .. وصلوا للجهه الثانيه من الشارع ونزلها عواد على الكرسي وجلس بجنبها .. رؤى غطت وجهها تبكي ألم فضيع في خشمها وماصارت تحس في شفتها الفوقيه .. عواد بعد ايديها عن وجهها وسألها بخوف:شفيك ياقلبي؟؟
رؤى أشرت على شفتها الفوقيه وقالت وهي تبكي:ماأحس فيها من الألم
عواد:ليه طيب؟؟
رؤى:صدمت بكتف رجال
عواد انقهر حس ان نفسه يجيب هالرجال ويضربه من القهر .. ناظر شفتها من داخل كان فيه جرح ودم بس مو كثير ومن برا انتفخت باسها وقال بحنان:معليش نرجع للفندق
رؤى حمر وجهها ماتوقعت منه هالحركه والناس تتفرج:......
عواد وقف ومسك ايدها:يلا نرجع للفندق
رؤى:لا ماأبغى عادي شوي وتخف
عواد ابتسم:أوكي انتظرني هنا شوي وراح
رؤى راقبته وهو يمشي بثقه ورزه وابتسمت هذا اللي يناسب بنت السجيدي .. ثواني ورجع عواد وبايده علبة مويه مثلجه ومدها لها:حطيها على شفتك
رؤى حطتها وكملوا طريقهم للحديقه
في السعوديه
قصر السجيدي
أبو الوليد نزل من سيارته بالقميص الأسود الرسمي والبنطلون الأسود وفاصخ الجاكيت وهو يسرع في مشيته متوجه للدرج .. أم الوليد كانت جالسه في الصاله ناظرته بصدمه:عبدالله!!
أبوالوليد وهو يطلع الدرج بسرعه:ليش ماقلتلي ان عبير تعبانه؟؟
أم الوليد طلعت وراه .. أبوالوليد فتح الباب:عبير
عبير كانت جالسه على السرير التفت:بابا!!
أبوالوليد جلس على ركبه عند سريره ومسك ايدها وقال بخوف:شفيك؟؟وش يألمك؟؟
عبير ناظرت عيونه وابتسمت ابتسامة تعب:أنا بخير
أبوالوليد:أكيد!!
عبير:إيه انفلونزا خفيفه بس
أبوالوليد جلس جنبها وحضنها:آسف حبيبتي ماأحد خبرني انك تعبانه
عبير دخلت وجهها في كتفه و مسكت قميصه ونزلت دموعها(ماأبغى أتزوج نايف يابابا ماابغى):......
أبوالوليد مسح على شعرها:الحمدلله على السلامه
عبير:.....
أبوالوليد مددها على السرير:ارتاحي ألحين
وطلع مع أم الوليد وسكر الباب وقال بدون مايناظرها:ليش ماقلتلي ان عبير تعبانه؟؟
أم الوليد:ماحبيت أقلقك
أبوالوليد:مره ثانيه خبريني
أم الوليد ابتسمت:أوكي .. أنت ارتاح ألحين أكيد تعبان بعد السفر
أبوالوليد:بأروح لشيوخ أول مشتاق لها
أم الوليد:عندها مدرسه
أبوالوليد يمزح:عادي بأروح أسلم عليها وبالمره أسلم على المدرسه
أم الوليد بوعيد:جرب بس
أبوالوليد:ههههههههه_لف إيده على كتفها وقربها لصدره_مادام عندي القمر مالي وماللنجوم
أم الوليد ابتسمت برضا:.....
المغـــــــرب
العنود نزلت من الدرج وهي تلبس عبايتها .. أم العنود ناظرتها وقالت باستغراب:وين بتروحين؟؟
العنود باست راسها:بأروح لعبور أسلم عليها بعدها بأمر السوق أشتري لي ولعبور ملابس للجامعه بتبدا وانا مابعد تقضينا لها
أم العنود ابتسمت بحنان:الله يوفقك
العنود ابتسمت لها وطلعت ركبت السياره:لبيت عبير
السايق:حاضر
العنود طلعت جوالها واتصلت على عبير ثلاث رنات وردت عبير بصوت تعبان:آلو
العنود بمرح:هلا ومسهلا
عبير بنص ابتسامه:هلا بك
العنود ترفع من معنوياتها:لا صوتك اليوم مضبوط أحسن ان شا الله
عبير:إن شا الله والله أحسن بكثييير من أمس
العنود:الحمدلله .. أنا في الطريق جايتك
عبير:الله يحيك
العنود:يلا مع السلامه
أبوصافي جالس في صالة بيته ومتكي براحه .. أم صافي واقفه بشكلها المرعب وملابسها المقززه .. صرخت بعصبيه:ماراح أسمح أن بنتي تتزوجه أبد
أبوصافي بهدوء:يامره اهدي ولاتصارخين أنا مازوجتها إلا عشان مصلحتها
أم صافي مستمره بالصراخ:أي مصلحه تزوجها مجنون وتقول مصلحه
أبوصافي:إيه تضمن مستقبلها
أم صافي بعناد:لاااااااا ماني موافقه
أبوصافي:ياختي البنت موافقه_بخبث_وبعد كل شي عشان الفلوس يهون .. هالمهند هالـ#### جالس على ذهب على كنوووز
أم صافي:إلا الزواج من مجانين أنا ماني مضطره أربط بنتي بمجنون عشان وسخ دنيا
أبوصافي باستهزاء:لاياشيخه ألحين صارت الفلوس وسخ دنيا!!
أم صافي:إلا الزواج يابو صافي هذي تكملة عمرها ونصه
أبوصافي وقف وقال بطفش:أنا ليش قاعد أقنعك؟؟البنت موافقه وقضينا وطلع
أم صافي طلعت لغرفة لمياء وفتحت الباب بعصبيه .. لمياء كانت حاطه السماعات في إذنها وتتمرن على السير رفعت راسها:ماما
أم صافي مشت لها وقالت بعصبيه:وشهالحكي اللي سمعته؟؟بتتزوجين مجنون
لمياء بحزم مصطنع ومزح مستهزئ:ماما لوسمحتي هذا زوجي وماأرضى عليه
أم صافي:أنا أحكي جد
لمياء مشت للتسريحه وبدت تحط لها روج وقالت بغرورها ووقاحتها:ماما الموضوع انتهى وشددت عليها
أم صافي تعرف بنتها عبده عند الفلوس ومعنده وماتتراجع عن رأيها قالت وهي تأشر بايدها:والله لتجيني بكره تبكين من الندم وطلعت
لمياء ناظرت انعكاس صورتها ابتسمت بخبث:نشووف
الوليد دخل بيته وكانت غيداء جالسه في الصاله وتاكل فواكه .. ندم انه رجع لكنه قال:السلام عليكم
غيداء التفتت له(هذا متى مابغى يرجع يرجع في أي وقت)ابتسمت ووقفت:وعليكم السلام_ماقدرت تمسك نفسها_راجع بدري اليوم!!
الوليد:بابدل وأروح للقصر عشان عبير
غيداء:خذني معك بازورها
الوليد(ياليل النشبه):أوكي جهزي نفسك وطلع لغرفته
غيداء انبسطت وأخيرا بتطلع معه طلعت لغرفتها تبدل بسررعه .. الوليد دخل غرفته ودخل يتروش وهو تحت الدش كان يفكر(ياالله الأسبوع الجاي بتنتهي اجازتي .. ياربي مالي خلق دوامات .. بس أحسن أفتك من الدوران في هالشوارع والمقاهي ويصير عندي عذر ماأقابل خشتها_شم ريحة هيربال اسنسز بريحة التوت وابتسم_هذي ريحة شعر العنود .. ياالله ياالوليد موقلنا انساها!!.. بس كيف أنساها وكل شي حولي يذكرني فيها حتى الشامبو؟؟)طفى الدش ولبس روبه وطلع بدل ونزل وكانت غيداء تنتظره ركبوا السياره وتوجهوا للقصر
العنود وصلت للقصر ودخلت ماشافت أحد تحت طلعت فوق لغرفة عبير الباب وقالت بمرح:أنا جيت
عبير رفعت راسها وابتسمت:هلا
العنود باست خدها وجلست جنبها على السرير:كيفك اليوم؟؟
عبير:جسديا الحمدلله بس نفسيا زفت
العنود:أفا ليه؟؟
عبير اسندت راسها وحركته:ماابغى أتزوج ياالعنود ماأبغى نايف ماابغاه
العنود:صدقيني ياعبير حاسه فيك
عبير على وضعها ودموعها تنزل:مانمت ياالعنود طول ليلي ونهاري أبكي
العنود تجمعت الدموع في عيونها على حال أختها أول مره تشوفها بهالحاله:.....
عبير ناظرتها والدموع على خدها:وش أسوي ياالعنود؟؟
العنود رفعت أكتافها:مادامك ماتبغيه ارفضيه
عبير:بأي عذر أرفضه ولاتنسين انه ولد خالتي
العنود:قولي لأبوك استخرت وماارتحت أبوك متفتح ومتفهم
عبير:وماما؟؟
العنود:أبوك بيقنعها وأكيد بيرفض يزوجك غصب
عبير بيأس:مادري اذا بينفع
العنود:بينفع يابنت الحلال بس انتي فكي النونه وابتسمي
عبير ابتسمت:......
العنود:ايوه كذا يااختي الدنيا حلوه_بدت تغني الدنيا الحلوه وترقص وتنقز يمين ويسار وتدور على نفسها_
الوليد وغيداء دخلوا القصر وقال الوليد:أكيد أمي عند عبير
غيداء فصخت عبايتها وطلعوا غرفة عبير فتح الوليد الباب وانصدموا من المنظر العنود تتمايل وتنقز بجسمه الرشيق وتغني وهي مبتسمه
العنود دارت على نفسها دوره طوييييله ووقفت على رجل وحده وصرخت:انســــــى
عبير ضحكت على حماسها:هههههههه
العنود ناظرت الشخصين اللي واقفين عند الباب وعقدت حواجبها ماتشوف بسبب دوختها بدت الدوخه تخف وبان لها الوليد وبجنبه غيداء حست بالدم وقف في جسمها وانشل لسانها وحست ان احد مدخل ايده في بطنها من قوة المغص وتجمعت الدموع في عيونها:......
الوليد حس بدقات قلبه طبول وارتفع تنفسه وهو يناظر العنود قدامه بالبنطلون الجنز الأسود الضيق والبدي السكري المطرز بالذهبي ومرتفع من بعد الرقص وبان جزء من بطنها البرنزي .. حس ان نفسه يروح لها ويضمها بقوووه مشتااااااااق لها حيييل:.....
تع ـآل آحتآچ [آسولف لگ]
عن آلآيآم وآشگي لگ
وآفض غيم آلحزن
وآنثر حنين آلشوق بقبآلگ
تع ـآل وح ـط في ♥قلبي♥
هموم آلفرقآ وآشيلگ
لأن ♥آلقلـب♥
مآهو ♥قــلـب♥
آذآ في نبضه مآ شآلگ
عبير استغربت تناحتها لأنها معطيه ظهرها للباب التفتت للباب وانصدمت:الوليد!!
الوليد انتبه لنفسه وطلع بسررعه غيداء حست بنار تشتعل في صدرها من الغيره والحقد ماقد كرهت أحد مثل العنود في حياتها .. مشت وسلمت على عبير وتحمدت لها بالسلامه ومدت ايدها للعنود:.... العنود انتبهت لنفسها وسلمت عليها:.....
غيداء جلست من دون ماتقول أي كلمه:.....
العنود خلاااااص ماعاد تقدر تمسك نفسها رفعت شنطتها:مع السلامه وطلعت بسرعه
غيداء راقبتها بحقد وهي نفسها تروح وراها عشان ماتروح للوليد:......
العنود نزلت الدرجات بسررعه ودموعها على خدها .. الوليد كان جالس في الصاله ومرت من عندها وقف:العنود
العنود شهقت في البكي وغطت فمها وطلعت تركض .. الوليد راقبها وهي تركض(ليش تبكي؟؟الله يستر عسى ماتكون النشبه زعلتها!!وش تنتظر اركض وراها يادلخ) .. لكن مالحق عليها السياره سبقته وهي تدور على النافوره بتطلع .. رجع لمكانه وجلس وأطلق آه طويييله:آآآآآآآآآآآآآآآآآآآآآآآآآآآه
العنود في السياره تبكي بصوت عالي .. السايق توهق مايدري وش يسوي أخر شي قال:وين يبغى يروح انود؟؟
العنود مسحت دموعها وقالت بصوت مكتوم:روح الرياض غاليري
السايق:حادر وتوجه للسوق
الوليد مشى للمغاسل غسل وجهه وطلع لعبير مبتسم:هاه كيفك اليوم؟؟
عبير ابتسمت:الحمدلله كويسه
الوليد يغطي توتره:وين أمي أجل؟؟مو تحت
عبير:أكيد مع بابا
الوليد رفع حواجبه:رجع؟؟
عبير:ايه
الوليد وقف:باروح اسلم عليه_ناظر غيداء_ماراح تجين؟؟
غيداء وقفت وابتسمت باحراج:الا أكيد
مشوا لمكتب أبوالوليد ساكتين وكل واحد سرحان بأفكاره دخلوا المكتب وسلموا وطلعوا راجعين لبيتهم وعلى طول راح الوليد لغرفته وقفل .. غيداء صرخت:العشا!!
الوليد صرخ من غرفته:شبعااااان
غيداء(إيه واضح الا شوفة العنود كركبتك)وكالعاده تعشت لوحدها..
البــارت الرابـــــع
الأربــعـاء
الوليد نازل وكاشخ أخر كشخه مع الثوب والغتره البيضا وريحة العطر كرد الأبيض سابقته لكن باله مشغول ويفكر في خطبة العنود طلع بسرعه قبل ماتطلع غيداء في وجهه ركب السياره واتصل بزيد:آلو
زيد:هلا
الوليد:يلا أمرك ولاتمرني
زيد:لاتعال لي
الوليد:أوكي
حرك له وقف عند باب بيت زيد وركب معه زيد اللي ضارب الكشخه هو الثاني بس الوليد ماحرك .. زيد ناظره:يلا
الوليد باستغراب:وحدك!!
زيد ناظر قدام وقال بحزن:إيه
الوليد ماحب يضايقه حرك وكان الجو هدوووء .. وصلوا لبيت العنود ورنوا الجرس .. العنود ناظرت من شباكها وشافت الوليد ومعه شخص غريب حست بعرقها يتصبب وبطنها يمغص(ليش جاي؟؟) .. أبو العنود فتح الباب وابتسم:حياكم الله تفضلوا
الوليد وزيد سلموا عليه ودخلوا
أبوالعنود:تفضلوا .. تفضلوا
الوليد:زاد فضلك
جلسوا وتقهوا وسألوا عن الأحوال وزيد متوقع إن أبوالعنود أخوها .. الوليد قال:والله ياخال ......
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك