رواية ما رجيت من الفرح إلا رضاك و ما بكيت إلا علشانك قهر -27
رنا طلعت بسرعة عالغرفة بفستانها ياااااا شهالمصيبة من اول يوم ماني نايمه وحوسه
فصخت فستانها بمساعدة أمها
أم سامي بهدوء أحياناً الرجال يسووا أشياء ما يحسبوا حسابها
رنا وهي تفك شعرها صادقه ماما الحين كيف بيصير
أم سامي ابتسمت هذا أول درس لك تعلمي الرجال ممكن بأي لحظه يجي لزوجته يقول لها جايين ضيوف
رنا ابتسمت فارس يسويها
أم سامي ابتسمت وهي تقرصها بخدها على خفيف اسأليه بكرا
رنا ههههههههههه
أم سامي وهي تطلع رنوو نامي كويس ولا تشيلي هم بكرا أنا أشرف عليهم
رنا حاضر ماما خرجت أمها هي عارفه مستحيل تقدر تنام لوقت متأخر لازم تصحى من بدري وتجهز نفسها
تروشت وصلت الفجر وحمدت ربها يومها عدى على خير وهي جايه تبغا تنام سمعت صوت مسج من جوالها من " روحي تحبك "
فتحت الرسالة بسرعة وقرتها
..أحبك
" لا يعرف الحب إلا من تذوقه من يحرم الحب يحرم لذة النعم"
لا تتعبي نفسك اليوم *_^ تصبحي على خير
رنا ضمت الجوال لصدرها اااااااااه يا هالكلمة قد ايش حلوه لا ومن فارس رجعت قرت الرسالة يحبني رسلت له
تعبك راحة وأحبك مهما تتعبني
شفت الغلا كيف سوى من التعب راحة!! ..
قفلت الجوال ربي يحفظك لي
فارس مسك الجوال وصله المسج توسعت ابتسامته يا قلبي يا ليت اسمعها منك
متى يجي العصر بس
ام سامي تكلم هاله هالة شرايك فيها
هاله ابتسمت حبوبه بس شقرا كذا عمي طالبها
ام سامي ايواا اجل ليه أنا اخترتها شقرا هو كذا طلبها لما كنا في المزرعة قعد يوصف البنات هههههههه يا حليله
هاله تثاوبت مشاء الله بنفس يوم ملكة بنتك قاعدة تقزي
ام سامي هههههههههه قولي لا اله إلا الله
هاله هههههههههه لا اله إلا الله
ام سامي هههه لا والله يا قلبي عليه لأنه هذي آخر سنة وبيتزوج وعلى طول على كندا مو جالس هنا
هاله صح هو آخر سنة طيب كلمتي أهلها
ام سامي بكلمهم وأشوف
هاله واااو تصير بنت عم فارس زوج رنا اسمها رندا صح
ام سامي ايواا مره محترمه ومملوحه
هاله اجل توكلي مدام عطاك عمي الأمان
ام سامي ههههههههههههه بكره إنشاء الله
هشام في الحديقة حقت الجوري والتوت برا عند القصر يرتبها ويشيل الأشواك منها
شاف ورده كبيره متفتحة قال خلي أعطيها رنا تتكشخ فيها عند فارس اللي على وصول قطعها من فوق جذورها وخلى جذورها عشان تطلع زيها
أخذها نظفها من التراب وهو يغني ولابس البرمودا البيج والبلوزة البني وبالشبشب
وهو يغني ماااااا قلت لااا للنفس لاااا هذا ضـ....
موزه ابتسمت بوجهه وأسنانها كلها توت احمر
هشام رجع على ورى بسرعه بسم الله أنتي من فين طلعتي
موزه كانت متخبيه بين الشجر والورد وقاعدة تاكل توت احمر من الشجر مو مغسل
ومسدوحه عالعشب بالبنطلون الجينز والبلوزة السوده وشعرها ما تغير ووجهها المجرح وموسخ من التراب
هشام اففففف شجابها هذي عكرت مزاجي قال بهدوء موزه اطلعي من هنا
موزه رمت التوت عليه بابتسامه " قال إنها تمزح" وقامت
هشام صرخ مووووووزه شايفه ايش سويتي عدمتي البنطلون
موزه قربت من البنطلون تبغا تنظفه بفمها
هشام وقف بسرعه وبعد مجنونة أنتي اقسم بالله من جد ما في عقل
نادى البواب سااااااااااااااري
ساري جا بسرعة نعم مستر
هشام بعصبية شيلها من هنا بسرعة قبل لا ارتكب فيها جريمة
ساري فهم على طول الشغله فيها موزه ولا قبل ما تجي كان هشام في البيت دايم رايق ما يعصب إلا نادراً راح لها موزه يللا قوم
موزه عطته على راسه بالمقص حق قص شوائب الزرع الزايده
ساري صرخ ااااااااااااااا
سامي كان داخل القصر جاي يتغدا وشاف ساري قاعد يصرخ وجبهته فيها جرح والدم ينزل وموزه جنبه بالمقص تتبسم
راح بسرعه ساري اشفيه مين سوى كذا
ساري يبكي هذا موزه
سامي سحبه عالسيارة بسرعه وعالمستشفى على طول كلم أبوه وخبره
أبو سامي بالمجلس مع هشام وسعود يستنوا فارس
أبو سامي قفل أنا لله وأنا إليه لراجعون قوم يا سعود أنت وهشام ودوها لقصرهم وقول للخدم لا يطلعوها أنا دقيت أمس واليوم على عمها ما يرد
سعود قام وهشام
اول ما طلعوا
هشام والله هذي آخر يوم بذبحها ما باقي إلا تقتله
سعود بهدوء إذا عصب يهدى مو زي هشام امشي نشوف النهاية معها
موزه كانت جالسه في الباركينق على سيارة السواق
سعود بجديه مزيونه انزلي
هشام طالع فيه ورغم عصبيته ههههههههههههههههههههههههههههههههه
مزيونه مين بالخير قصدك بشعونه
سعود ابتسم اجل وش اسمها
هشام ههههههههههه موزه على قولتها موااااز
موزه طالعت فيه وهي تاكل أظافرها سعود اخذ المفاتيح والله ما أركبها سيارتي تعال بسيارة سليم
هشام ههههههه تخاف تاكلها
سعود فتح السيارة ودخلها فيها
حرك السيارة
موزه تضغط الأزرار وتفتح شاشة التلفزيون وفجأة سمعوا صوت شي انكسر لف هشام بسرعة
لقاها بيدها ضربت شاشة اللمس للتلفزيون وكسرتها هشام تجمع الدم بعروقه بيقوم يذبحها صرخ يا غبية ايش سويتي
سعود وقف قدام قصرهم ونزل بسرعة نادى من الخدم اللي عندهم
جو اثنين حبشيات طول بعرض
الأولى فتحت الباب وبصوت خشن مووووووزه تعالي يللا اكسر عضامك
موزه مسكت حافة المقعد الجلد وهزت راسها بلا
الثانية اطلعي طلعت روحك صرخت امشي
موزه تهز راسها وتبكي بضعف لااااا
هشام وسعود كسرت خاطرهم
الأولى بوحشيه أنزلك بطريقتي إزاً شرعت الباب وسحبتها من يدها بدفاشة بلحظات كانت موزه تصرخ على كتوفها وهم يدخلوها القصر
هشام متأثر شهالمعاملة حرام عليهم يجننوها زيادة
سعود هذولا ما يحسوا
هشام دخل وراهم ونادى الثانية الحبشية
الحبشية تتميلح نعم يا استاز
هشام بعصبيه طلع من جيبه ألفين وعطاها شوفي هذي لك عشان تحسني معاملتك معها سامعه
الحبشية ما صدقت سحبت الفلوس شكرا يا استاز وجات تبوس ايده هشام سحبها وطلع
سعود يكلم البواب السعودي وين أبو خليفة
البواب مسافر الإمارات
سعود شكرا
البواب مرحبا
هشام طلع وركب السيارة مع سعود وهو يفكر ليه ما يودوها مستشفى
سعود بالمستشفى يا هشام بيعاملوها أخس من كذا عالأقل عند عمها مو الممرضين ما يرحموا أحد
هشام استوعب انه يفكر بصوت عالي– تنهد- الله يعينها
سعود وقف ما في بين قصرهم وقصر موزه شي جيران عشان كذا كل شوي ناطه عندهم
فارس دخل وسلم على أبو سامي وأم سامي كانوا براا بالحديقة
جلس وهو يدور بعيونه على رنا
أبو سامي هاا شلونك يا فارس
فارس ابتسم والله بخير يا عمي شلونكم أنتم وين هشام؟؟
أبو سامي بخير والله الحين جاي هشام
أم سامي فهمت عليه هههههههههههه وين رنا
أبو سامي هههههه
فارس انحرج لا عادي خالتي بس هي تدري إني جيت
أم سامي هزت راسها لا هههههه روح لها هي بالمطبخ
فارس وقف والله.. أروح
أبو سامي ههههههه روح
فارس عدل شماغه ومشى
رنا بالمطبخ بعد ما صحيت وطبخت طلعت تروشت ونزلت لابسة فستان عالجسم فيروز كمه جبانيز لنص الساق وشعرها رابطته وحاطته على جنب ومنزلة غرتها الطويلة لحافة انفها الحاد كانت تسوي ميلك شيك بالفراولة وحاطته بالخلاط واقفة عنده وتكلم هالة بصوت عالي حتى تسمع
دخل فارس وشافها كان بيخرب المفاجأة ويروح يسلم عليها وحشته وهو أمس سهران للفجر معها راح وقف وراها وهي مو حاسة
رنا هلوو ليه ما تجي تتغدي
هالة لا شكله عزيز وفارس متفقين عزيز طالب اطبخ له اليوم أنا
رنا هههههههههههه يا قلبي اليوم فارس جاي
هالة هههههه اش بتسوي أنتي
رنا اممممم ميلك شيك
هالة يا سلام اجل روحي خلصيه بروح أحط الأكل عزيز جاي
رنا بااااااااي
هالة باااااي
قفلت وسكرت الخلاط تشوف طعمه يحتاج سكر شي
فارس ما قدر يستحمل لما شافها حطت الجوال عالدولاب وأخذت الملعقة تجرب طعمه خاف تشوفه تتفاجأ وتصرخ ميل راسه رنااااااااي
رنا لفت بسرعة اااااااااااااااا
فارس طالع فيها يبغا يضحك انفجعتي
رنا سكتت على بالها هشام وإلا سعود ولكنه
فارس حمرت خدودها من الفشيلة
فارس هههههههههه لهالدرجة صوت زوجك يخوف
رنا ابتسمت لما قال زوجك يا ما تمنت انه فارس زوجها وتحقق بالدعاء
رنا تجرأت لازم ما تطفش فارس منها بتخليه يموت عالأرض اللي تمشي عليها حتى تبعد دلال من طريقها وللأبد
مدت يدها بتوتر وبابتسامة آهلين
فارس سلم عليها بحرارة وإيدها بيده يشد عليها بإيده الثانية كيفك بعد أمس؟
رنا مرتبكة الحمد لله كويسه
فارس ابتسم واشر على الخلاط اش بتسوي
رنا ابتسمت وتركت يدها من إيده وفتحت الخلاط ميلك شيك فراولة
فارس امممم يا سلام
رنا هههههههه تحبه
فارس أكيد لأنه أنتي عاملته
رنا ابتسمت بإحراج وأخذت الكاسة تحط فيها الهيرشيز صوص الفراولة ارتجفت يدينها وهي ماسكة الكاسة نظرات فارس اللي تتابعها تربكها
فارس جات بباله صورتها لما كانت ماسكة العصير وانكسر بيدها لما شافته
مسك بسرعة الكاسة منها لا تنكسر زي اول
رنا ابتسمت بامتنان
فارس مسك الكاسة عطيني أنا بحطه
رنا مدت له الصوص
فارس أخذه وعصر في الكاسة كثير
رنا ههههههههههههههههههه فارس مو كذا
فارس وقف ابتسم يا حلو اسمي اول مره ادري انه حلو
رنا حمرت خدودها تغير الموضوع فارس..... لااااااا الكيكة
فتحت بسرعة الفرن وفارس يطالعها كانت بتحط يدها عالصينية تسحبها بدون المساكة لما حست بالحرارة سحبت يدها بسرعة
فارس بسرعة منه اخذ المساكة وطلع الكيكة وهو مبتسم اااااااااااااه يا حلاة هالريحة
رنا تنهدت ما نحرقت الحمد لله
فارس حطها عالدولاب امممم وهو يقطعها وهي حاره يطلع الدخان منها تدري انه هذي اطعم كيكة عندي بالذات حقتك
رنا فارس استنى تبرد بتتقطع هههههههه
فارس رفع قطعة من الكيكة وهو ينفخ على يده اللي انحرقت من حرارة بخار الكيكة
رنا ههههههههههههههههه فااارس شوف كيف شوهت شكلها
فارس بلع اللقمة هههههههههه اممممممممم يا حلاوه اشالطعم الرهيب وربي طباخة
رنا ابتسمت تغير الموضوع صبت الميلك شيك بالكاسات وحطتهم بالصينية وفارس وراها وريحة عطره الحلوة دخلت براسها من قوته
حطته عالطاولة وطلعت صحن مرتب من الدولاب
رنا فارس أعطيني الصينية
فارس برباشه مسوي أبو العريف أنا أنا أوريك كيف الشغل قرب منها بعفويه واخذ صينية الكيكة وقلبها عالصحن بدفاشة
رنا صرخت بخفيف فارس مو كذا
فارس يطالع بالصينية اللي انقلبت الكيكة فيها وتشوه شكلها مره قال ببراءة حلو كذا صح ؟؟
رنا هههههههههههههههه فارررس شوهتها حرام
فارس مسك يدها رنوو أنتي تحبي تطبخي من جد وإلا عشاني قلت لك
رنا ابتسمت لا والله من يوم يومي اطبخ حتى لما أنت تكون جاي أيام أنا اطبخ هشام ما يقول لـ.. سكتت فجأة استوعبت واش له هشام يقول له انه هي اللي طابخه بعدين عرف إني كنت اطبخ لما هو يجي افففففف حمرت خدودها
فارس ابتسم زلت بالكلام بشي شكلها ما تدري إني كنت اعرف بحبها ههههههههه لا ما كان يقول لي شي
رنا رفعت الصينية بإحراج بالغ يللا أكيد يستنونا براا
فارس اخذ الصينية استريحي أنتي – وبخبث حرك حاجبه الحاد – أخاف يطيح ويجرح إيدك
رنا طالعت فيه مستغربة ولما شافت ابتسامته فهمت فاااااااااارس
فارس اخذ الصينية هههههههههههههههه عيونه
رنا ابتسمت بإحراج إذا عارف فضايحك استر عليها
فارس وهو خارج وبإيد شايل الصينية وإيده الثانية بإيدها هههههههههههههههههههههههه وأحلى فضايح
رنا ضحكت بإحراج وفرح ههههههه
أم سامي ايواا والله إحنا حبينا نناسبكم وأخذت رقمك من أم فارس
مدامك من طرف أهل زوج بنتي
أم محمد ابتسمت نتشرف والله خلاص أنا اكلمها وأخبر أبوها وارد لك إنشاء الله
أم سامي خذي راحتك يا أم محمد
أم محمد تسلمي
سكرت من عندها وطلعت لهم بالحديقة
طلعوا بالحديقة عند أمها وأبوها وسامي وسعود وهشام
هشام صفق مشااااااااااااء الله من اول يوم طابخين مع بعض
فارس هههههههههههههه حط الصينية
رنا ابتسمت بإحراج هشام ما ادري اشفيه صاير من خبر خطوبتها اتسعت ابتسامتها أهم شي انه مبسوط وفرحان والكل مبسوط لهالزواج
أم سامي هلا بالعرسان تفضلوا
أبو سامي ههههههههههه ما صار سلام
رنا حمر وجهها وفارس ضحك بإحراج هههههههههههههه
جلس فارس وجلس رنا معاه عالكرسي اللي جنبه
سعود بهمس ما سمعه إلا فارس ابعد شوي ما بقى إلا تلصق الكرسي بالصمغ
فارس هههههههههههههههههه
رنا لفت وقدمت العصير تفضلوا كل واحد اخذ كاسته
أبو سامي شرب امممممممممم يا سلام والله بنفقد طباختنا يا فارس بتاخذها
فارس ههههههههههههههه الله يحييكم بأي وقت
عبد الإله وقف عند باب قصر أبو يوسف معاه بالسيارة هند راحوا تغدوا براا ورجعوا
عبد الإله بابتسامة هندونتي ننزل
هند ابتسمت لااا وين نازل بنزل لحالي من الصبح طالعه معك
يوسف ههههههههههه خيبه بالوجه
هند فتحت الباب ههههههههههههههه بااااااااي
عبد الإله ههههههههههه هندوو أعطيني تلفون عالمغرب اوكيه إذا فاضي بكلمك
هند تتغلى ما سرع مشاء الله من الصباح معاك بتشتاق لي
عبد الإله ههههههه والله بتوحشيني واشر على قلبه اش أسوي فيه بلاني
هند بعصبيه مصطنعه فاتحه الباب وواقفة عنده أنا بلوى ياااااا
عبد الإله بابتسامة عريضة ياااااااااا حبيبي مثلا
هند ما قدرت يهبل فيها وبلحظة يضحكها من قلب هههههههههههههههههههههه
عبد الإله ابتسم فديت هالضحكة ههههههه
هند سكرت الباب ومن الشباك أشرت له باااااااي
عبد الإله ابتسم الله يحفظك
استناها دخلت القصر حرك سيارته البي ام البنفسجي وهو مبسوط هند ماليه عليه حياته يموت فيها رغم عنادها أيام إلا انه يقنعها بطريقته الخاصة
أم سامي واقفة عند غرفة الطعام الفخمة الراقية يللا تفضلوا
سامي يا سلام رنا متأكده لحالك وإلا في أيدي مساعده
رنا ابتسمت ايواا وبقرف كملت تعرفني أقرف من الخدامات
فارس وهو يدخل يا عيني عاللي يقرف من الخدامات صحيح انك صادقه اللي يشوفها يقول هذي رجولها إذا بغت تحركها تنادي الخدامة تحركها لها ابتسم لما شاف السفرة الممدودة من كل أنواع الأطايب مو قادر يصدق انه رنا
جلسوا والكل يمدح
: مشااااء الله مو غريب عليها
: تسلم إيدك يا رنو
: امممم رهيب مشاء الله
فارس طالع مو غريب عليه زي هالسفر بس الغريب والعجيب انه البنت اللي سحرته بدلعها وغنجها الطبيعي هي اللي طابخه
طالع بالسفره الممدوده..
رستو
ستيك
رز ابيض إيراني
لازانيا
فتوش
ورق عنب
تشيز كيك
كريم كراميل
ابتسم وهو يحط قطعة الستيك بعد ما قطعها بالسكينة والشوكة ما علق من اول ما دخل
رنا كانت جالسة قدامه مستحيه وخدودها مورده تاكل الفتوش بشويش بأناقة
فارس طالع فيها والكل مندمج بالأكل والعمل بالشركات وغيرها
رنا رفعت راسها طالعته
جات عينها بعينه ابتسم لها واشر بإيده اوكيه
قال بصوته الهادي بصراحة يا خالتي ما كنت ادري بنتك الدلوعة كل هذا مشاء الله تعرفه
أم سامي ابتسم بحنان افااا رنوو تعجبك
رنا استحت نزلت راسها تاكل بهدوء
فارس طالع بهشام اللي ياكل اللازانيا الحارة والجبنة تنمط منها
فارس بنغزة هشااام اش اسمها طباختكم الايطالية مدري اللبنانية هذيك
هشام رفع راسه لثواني استوعب وبعدها ضحك من قلب بصوت عالي ههههههههههههههههههههههههههههههههههه
فارس ورنا ابتسموا
الكل ابتسم على طريقة ضحك هشام المفاجأة خصوصا انه هالأيام مع ضغوطات فلته وموزه ما يروق كثير دايما معصب
أبو سامي بابتسامة عسى ماشر هشام إنشاء الله دوم هالضحكة
هشام ههههههههههههههههه
الكل آمييين
فارس هههههههههههه يا عمي هذا الأخ هشام كل ما أجي عندكم وكنت امدح بالأكل ويقول لي طباختنا مدري ايش جنسيتها هذي طالع برنا وغمز لها
نزلت راسها بحيا تكمل أكلها واليوم بالصدف اكتشفت الشيف حقكم
الكل هههههههههههههههههههه
هشام وجهه احمر من الضحك ههههههههه ههههه يا سلام تبغاني أقول لك يا خويي والله أختي رنا طابختلك اليوم
فارس انحرج لاا... مو كذا بس بلاش الكذب قول أمك مو طباخة أجنبية مره وحده
هشام هههههههههههههههههههههههه
أبو سامي ههههههه كويس قال طباخة ما قال الخدامة
رنا بدلع بااابااا
الكل هههههههههههههه
فارس بعد صحنه على طرف واخذ صحن الحلى اللي قدمته له رنا بعد المالح حط لقمه بفمه من التشيز كيك امممم تسلم إيدك يا رنوو روعة
رنا ابتسمت بحيا صحة وعافيه
في صالة القصر الواسعة
أبو عبد العزيز يشرب الكوفي ويقرا الجريدة
أم عبد العزيز تتفرج على مجلة فاشن تختار موديل لفرح رنا
صلاح يتكلم بالجوال
الريم ولنى يتساسروا
الريم بهمس لنوو شوفي صوصو مبسوط اول مره أشوفه كذا
لنى بهمس مثلها صوصو براس إبليس من فين جايبتها
الريم ضحكت بخفيف ههههههههههه حلوه صح
لنى أنتـ... سكتت لما سمعت صلاح يتكلم بجد امممم هو قالك
:....................................
صلاح عقد حواجبه طالع نظرة خاطفة بلنى والريم ورجع كمل أنت تعرفه كويس
:...................................
صلاح طالع بأبوه خلاص مدام عارف كلمني هو بس إحنا بنسأل بالأول
:...................................
صلاح ابتسم يا مرحبا والله في أمان الله
سكر ووقف يللا أنا طالع تآمروا بشي
أبو عبد العزيز رفع راسه من الجريدة وطالع فيه صلا ح شفت لي الموضوع اللي حكيت لك ياه
صلاح هز راسه إنشاء الله خبرت كم واحد يشوف ويسأل عنه
طالع بأمه اللي تركت المجلة من إيدها أمي تآمري بشي
أم عبد العزيز بحنان سلامتك الله يحفظك
صلاح اشر لخواته المستغربات باااااااي وطلع
الريم بهمس لنوو من هو اللي يسأل عنه
لنى هزت كتوفها وهي مو مرتاحة ما ادري
أبو عبد العزيز رجع للجريدة يقراها
.
.
مين هو اللي بيسأل عنه صلاح و وش سالفته؟؟؟
.
.
.
لا يعيد الضحك ما أذهبه الغضب . ( مثل ياباني ) .
<<< نهاية الجزء الرابع عشر
الجزء الخامس عشر
ما أقوى الحب ، فهو يجعل من الوحش إنساناً ، وحيناً يجعل الإنسان وحشاً
(شكسبير)
** زهرة الفرسيتيه هي الحدس **
فارس بعد الأكل جالس مع رنا بالحديقة لحالهم
فارس جالس وقباله رنا رنوو تحبي ترسمي
رنا بعدت خصلة من شعرها الأسود عن وجهها اممم لا ما عمري جربت بس مره أحب شكل اللوح المرسومة والرسم بشكل عام أتمنى أكون رسامه تستغرب إني داخلة تصميم بس رسمي مو لهناك زي هشام مشاء الله عليه
فارس قومها من إيدها بخفة وهي مستغربة بعد الكراسي وجلس وجلسها معاه عالعشب الأخضر
فصخ شماغه وطاقيته وحطها مع العقال على الكراسي الخشبية في الحديقة وشعره نازل على أعلى رقبته يطير بالهوا وتسند كأنه مسدوح قدامها على جنبه وإيده على خده
رنا جالسة عالأرض ولامه نفسها ما عمرها جلست كذا هذا اخذ راحته بزيادة عالعشب بدون سجاده أو شي
فارس ابتسم بخبث اممممم طيب بما انك مصممة ديكور كيف تحبي ديكور بيتك
رنا بحالميه تتخيل شكل بيتها اللي ياما تمنته ورسمت شكله مع هشام وسعود وهاله
لما كانوا صغار اممم يكون كبير كله قزاز مكشوف ديكوره عصري فخم راقي اعشق التصميمات الأوروبية اللي كلها فخامة وذوق راقي مطبخه فخم يفتح النفس مسبحه كبييير وفخم
فتحت عيونها وكانت مندمجة بالكلام مع فارس تنسى نفسها وتحس كأنها تعرفه من اول حمرت خدودها لما شافته يتأملها ومو منتبه إنها ما تتكلم حمدت ربها انه ما انتبه على كلامها لأنها اندمجت بالوصف والشرح
فارس من اول ما شافها وهو يتأملها لدرجة أشياء كثير قالتها مانتبه عليها انحرج لما شافها تأشر قدام وجهه بكفها ووجهها محمر
فارس حك شعره هههههههههههه سوري وربي ما انتبهت يا ناس كيف أنتبه وهالفيروز قدامي
رنا تلعب بالعشب ههههههههه
قطع عليهم الجو الرومانسي وخصوصا انه الليل دخل والقصر انفتحت أنواره الصفرا كلها
فارس خرج جواله من جيبه وهو عاقد حواجبه الواحد ما يتهنى بعيشته
طالع " محمد " يتصل بك
رنا ضحكت على عصبيته ههههههههههههههه
شكله يتغير لما يعصب عيونه تتجعد وحواجبه تلصق ببعض يصير مرعب ههههههههههه ضحكت عالكلمة فارس خصوصا ما ينفع تنقال عليه هالكلمة شكله شبابي حيوي رومانسي هادي
فارس طالع فيها وراحت التجاعيد اللي بين حواجبه من ابتسامته لما شافها تضحك
فارس رنوو ليه تضحكي
رنا ههههه لا ولا شي
فارس ابتسم ما بتقولي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك