رواية ما رجيت من الفرح إلا رضاك و ما بكيت إلا علشانك قهر -21
ممكن إلا فــــــــــارس ضعيفة قدام سيرته
انتبهت عالجوال قطع ورجع يدق غسلت يدها الناعمة بسرعه وردت
هلا هندون هلا بالعروس
هند بصوت نعسان ومعصبه شكلها اهلييين كيفك رنوو
رنا ابتسمت بخير أجهز لحفلتك
هند بقهر وانفعال والله هذا ولد عمك يا إني نفسي اخنقه خنق
رنا هههههههه حرام عبودي طيب ما يستاهل كل هذا
هند بعصبيه رنا اسكتي ما حد يدلعه غيري وبرقه طلعت غريبة على عصبيتها اللي قبل شوي لكن مو غريبة على طبعها الأولي قبل خطبتها: هذا عبد الإله عبوود عبودي مو أي احد
رنا مستغربة ههههههههههههههه أنتي بسم الله اشفيك معصبه وين هندووون الرايقة الحبوبه الخجولة
هند والله عبد الإله رفع ضغطي بالله في عروسه ما تحضر حفلة خطوبتها لا الأخ
خطب والرد يبغاه بعد يومين والملكة بعد أسبوع أشرها مو عليه عاللي يعطيه وجه بس يشوف الفرح ما هو قبل اقل من سنه
شهقت رنا حراااااام عليك والله نشوف إذا ما لفلك راسك عبود
هند بتشفي يتعلم الأخ مشاء الله بيتزوج بوقت قياسي ينفع يحطوه بموسوعة جينيس
أسرع خطبه بالعالم
رنا ضحكت على عصبيه هند الغير معهوده هههههههههههههههههههه
احمدي ربك في ناس الخطوبة والملكة والفرح بيوم واحد
هند بعصبيه ما بقى إلا هي والله ما تحرك من مكاني
رنا من جد استغربت هند مره صايره غريبة عصبيتها مره زايده مره ما كانت كذا أبدا بالعكس كانت مره هاديه هند هدي أنتي أقول لك في ناس مو أنتي ترى مو كويسه العصبية لك بهالطريقه
هند سكتت قعدت تبكي تخيلي يا رنا بكره شوفتي وأنا من غير شي متوترة
فستاني الملكة ما وصل من لبنان وملكتي بعد بكره افرضي يحتاج تعديل
والله ما يخاف ربه هذا
رنا هند اول شي اسكتي ما حب أشوف احد قدامي يبكي بليز
هند مسحت دموعها وكأنه رنا قدامها
رنا بهدوء هند صدقيني عبد الإله حبوب بس هو ملطوش شوي
هند بخوف ايش يعني ملطوش
رنا ههههههههههههههههههههه يا حليلك اش على بالك قصدي يعني مرجوج شوي
هند تثاوبت عالعموم بكره قوليلي ايش بيصير اوكيه أنا نعسانه بنام
رنا ابتسمت إنشاء الله وأنتي لا أوصيك بكرا بالشوفه
هند خلاص عيونها تغمضت اوكيه وقفلت انسدحت عالسرير ونامت على طول
.
العالِم محترم في كل مكان ، أما الملك فمحترم في بلاده فقط . ( مثل من التبت ) .
<<< نهاية الجزء العاشر
الجزء الحادي عشر
قد يولد الحب بكلمة ولكنه لا يمكن أبداً أن يموت بكلمة
** زهرة الألسترومينا هي الوفاء **
دانة قفلت التلفزيون الساعة 1:30 طلعت من جناحها نزلت أمها وأبوها نايمين
طلعت للمسبح حقهم برا الجو بارد انتعشت وهي تشوف المسبح نفسها تسبح فيه بس تقشعر جسمها مره برد قالت بنفسها وهي تطالع المسبح والله لو بابا ولا ماما شافوني بروح فيها
فتحت شعرها الطويل لبداية فخذها اسود بلمعة حمرا فردته على جسمها حتى يدفيها
وقفت قدام المسبح انعكست صورتها بصفحة مويته الصافية ما قدرت تقاوم رفعت بنطلون بجامتها ونزلت رجولها لنص فخذها بالمويه صرخت من برودتها لكن حتى لو نفسي أسبح اطلع القهر اللي فيني هذي طريقتها تعصب تنفعل تتضايق على طول تروح تسبح كل القهر تحطه بالمويه والحين ما تقدر قالت لنفسها و رجولها بدت تتعود على برودة الموية على الأقل بس رجولي
فارس نزل من سيارة هشام وهو رايق ويدندن بينام وبكره بيروح الساعة 8:00 الصباح لاستوديوهات يشوف المناسب من الدي جيه ويتفق مع الفرقة حقت المجسات
لازم يبيض الوجه هذولا أهل خطيبته هههههه وخويه اخو دنيته هشام وسعود اممممم كلهم غاليين عليه العيله بكاملها
دخل القصر وهو يدندن ... يا روحي أنا.. فديتك أنا يا قلبي أنا أحبك أنا ....
فتح عيونه وراح بسرعه فتح الباب حق غرفة المسبح الشفاف وسحبها لبرا المسبح بسرعه وبصراخ مانتي بصاحيه أنتي قسم بالله
دانة من حركته انفجعت وصارت تصرخ على بالها حرامي
فارس بعد ما سحبها وقفها عالرخام والجو خلقه برد كيف وهي مطلعه رجولها من المويه وحتى ما يفجعها لف وجهه وطالع فيها أنا فارس مجنونة أنتي والله مانتي بصاحيه على هالحركه
دانة آخر واحد حسبت حسابه فارس ما توقعت يرجع بدري خافت منه فارس ما يعصب أبدا بس لما يعصب يصير إنسان ثاني نزلت بنطلونها وهي تخفي ارتجافها من البرد
بدون ما تنطق بحرف
فارس طالع فيها بعصبيه دانة ليه صايره تتصرفي تصرفات غريبة
مانتي شايفه انه البرد هذا يسبب أمراض برجولك وأنتي منزلتها ولا على بالك
دانة نزلت دموعها تصرفاتها الغريبة مو منها من نفسيتها هاليومين
صارت تشهق بالبكي هي نفسها مو راضيه عن نفسها تبغا ترجع دانة الاوليه تعبت من الشخصية الجديدة اللي انفرضت عليها
وهي السبب في هذا كله
فارس كله ولا دموع دانة راح عندها وضمها بحنان الأخ الطيب دانة لما تتضايق تنزل في المسبح فأكيد زعلانه من شي بس مو لهالدرجه يعرفها تسوي هالحركه بالصيف مو بعز البرد
دندوون يا قلبي اشفيك قوليلي والله خوفتيني عليك
دانة بس كانت تبكي البكى هو عزاها الوحيد في أيامها الأخيره
فارس ضمها أكثر أخته صايره إنسانه ثانيه مو عارف لها الله يسامح اللي كان السبب وأخذها لجهة القصر جسمها كان ينتفض من البرد
طالع فيها وابتسم يبغى يخفف عنها لأنه ما يحب يزعلها شرايك اشيلك اللين ما أوصلك لغرفتك
دانة بسرعة لاااااااااااا لا أنا بطلع بنفسي
فارس ههههههههههه طيب بسرعة حتى ما تمرضي حنا وش اتفقنا عندك مناسبات
دانة بمزح افففف يا هالمناسبات متى بس تملك وتفكنا
فارس بنص عين غيرانة من وقال برقه اسمها رنووو
دانة وهي تدخل أقول انتبه لا تدوخ علينا قال ايش قال أغار من أختي رنا
فارس هههههههههههه اااااااه متى بس يردوا ويريحوني
دخلت دانة على جناحها بسرعه الدفايات مفتوحة غيرت بيجامتها ولبست بيجامه أثقل ونامت بتعب
الساعة 8:30 في بيت أبو نايف
عبد الإله جالس على طاولة السفره يفطر
سمر سمووور سمرمر
سمر نازلة من الدرج بالبجامه يا صباح الخير نعم
عبد الإله ابتسم تعالي صبي شاي للعريس
سمر ههههههههه من عيوني و أحلى عريس بس ترى ذليتنا
عبد الإله مد لها كوبه ههههههههههه أقول سمر ما تسمعي أخبار عن هندونه
سمر عصبت تذكرت كلام رنا أمس
هندونه زعلانه منك ومتوعدتك بعد العرس ما هو قبل اقل من سنه
عبد الإله شرق بالشاي كح كح
سمر طالعت فيه ولفت وجهها بيبالغ بكحته حتى يزيد الهنارات كعادته
عبد الإله احممم افااا متوعده أي سنة وأي بطيخ بعد شهرين العرس
وإذا مره لزمت ثلاثة شهور مع إني اشوفها كثير
سمر وهي تدهن التوست بالزبده والله أنت وزوجتك اتفقوا بس حرام والله هندون ما تستاهل أمس كلمت رنا وقعدت تبكي
عبد الإله كسرت خاطره لهالدرجه معذبها وباهتمام سألها ليه تبكي طيب وش اللي مزعلها
سمر طالعت فيه عبود بلا استهبال عارف هبالك في بنت تجهز لملكتها بأسبوع
عبد الإله بملامح متأثره يا قلبي خلاص أنا اليوم أراضيها
سمر فتحت عيونها أي اليوم
سحر سحبت كرسي وجلست معاهم ليه ما تدري انه اليوم شوفه العريس اللي قدامك
سمر طاحت التوسته من يدها من جد
عبد الإله ابتسم هلا بالغالية سحوور ايواا من جد
سمر والله لو كنت زوجي كان من زمان ذبحتك
عبد الإله قام لا تخافي خلود مستحيل تذبحيه لأنك وطالع فيها بنظرة ...أكمل
سمر تطالع بسحر ببلاهة اللي هي الثانية مصدومة شعرفه هذا إنها تحب خالد
عبد الإله طالع أشكالهم المصدومة وإلا أقول ما يحتاج أكمل ههههههههههه ضحك بصوت عالي وقال بصوت هادي يخوف والله لو اعرف انك سويتي شي من الحركات اللي مالها داعي لأذبحك بالحيا وطلع وتركهم
سمر خايفة سحووور شفتي شقال
سحر تاكل من البان كيك بالشوكة ما عليك منه استخف بيروح يشوف الحبايب اليوم
سمر تركت الشوكة من يدها سحر من جد شعرفه ما حد يعرف غيري أنا وأنتي والله خفت منه اول مره أشوف عبود كذا
سحر تكمل أكل سمر لا تصدعي لي راسي تعرفي سوالف عبوود بعدين أنتي ما سويتي شي غلط حبيتيه بقلبك واحتفظتي بمشاعرك ما صرحتي فيها غصباً عنك هو بكيفنا نحب ونكره كان كل الناس حبت ولا تعذبت
سمر على قولتك يولي ايواا ايش اليوم بتلبسي
وكملوا فطور وسواليف عن حفلة اليوم...
رنا صحيت اول وحده كانت متحمسة للحفلة طلعت ملابسها وعطتها الخدامة تكويها عالبخار وبدلت لبسها بنطلون جينز زيتي وبلوزه لنص الفخذ مربوطة عند الخصر لونها اصفر فاقع خلى خدودها الناعمة المليانه تورد
رفعت شعرها وربطته نزل بغزاره على ظهرها
نزلت تحت كانوا كلهم جالسين يفطروا
أبوها وأمها وسعود وهشام كملت عليهم هي جلست جنب هشام هااااي
سعود وعليكم السلام
رنا عضت على شفايفها أبوها يقول لها لا تتكلمي لا فرنسي ولا انجليزي أحلى العربي عليك ابتسمت السلام عليكم
الكل وعليكم السلام
أبو سامي ابتسم بحنان كيف رنونتي اليوم
رنا بدلعها الرباني بخير بابا ممكن طلب
أبو سامي أنتي تآمري ما تطلبي
رنا ابتسمت تسلم بس هالطلب بإيدك يا بابا
أبو سامي عيون بابا أنتي آمري
رنا طالعت بأمها اللي عارفه اش هو الطلب
امممممم ابغا أروح بعد بكره عند دانة
أبو سامي دانة الكابر
رنا واثقة انه موافق أصلا هي دايما تسأل أمها بنفس الوقت وتلبس وتروح لكن هالمره جات ببالها تسأله ايواا
هشام كان بياكل وسامعها ايش تحكي علاقتها بدانة مره قويه زيه هو وفارس يعني أكيد دانة مبسوطة انه رنا ممكن تصير مرة أخوها بس رنا ما ينفع تروح لهم الحين لأنهم خاطبينها طالع بسعود وشاف بعيونه نفس الكلام اللي هو مقتنع فيه
أمه أشرت لهم يسكتوا حتى رنا ما تحس بشي
سعود بنفسه الحين هذي وش يفهمها انه ما يصير تروح بدون سبب
أبو سامي سكت بعدين قال لها بعد بكره أنا عازمكم عالعشا مع هاله وسامي
شرايك تأجليها
رنا عجبتها فكرة المطعم طالعت بمكان سامي وهاله على طاولة الطعام فاضي من تزوجوا فاقدينهم ما يجوا إلا نادرا كل واحد مشغول ببيته اوكيه ما في مشكله وابتسمت بمشاكسه بس متى نأجلها دانة وحشتني صار لي كم يوم ما شفتها
هشام بنفسه صادقه أنا وفارس ما نقدر نبعد عن بعض كل هالمده زي السمك بالمويه
سعود قال بمرح رنووو لا تخرجي الحين لمده اسبوعين أبغاك معاي تساعدني اللين أتزوج
رنا مشت عليها الكذبة وقالت وهي تقوم شبعت خلاص أكلها نتف اوكيه من عيوني كم سعود عندي مع انه اسبوعين كثير
سعود ابتسم اجلسي ما أكلتي شي
هشام ما تعرفها هذي تاكل زي العصافير
رنا وهي تمر من عند أبوها باسته على خده اجل اليوم بروح عند بيت عمي من العصر أساعدهم
طلعت بسرعه الدرج حتى أمها ما تعارض
أبو سامي بصوت عالي هههههههههههه روحي الله معك
سعود طالع بهشام هشام يللا تأخرنا لا زم نروح نشوف شغلنا
هشام قام باس راس أبوه وأمه يللا في أمان الله
بعد ما سلم سعود على أبوه وأمه طلع بسيارته وراح يشوف فيصل عنده أستوديو حق هالشغلات
وهشام راح هو بعد يشوف شغله مع حق الكوش وتصميمها والإضاءة
فارس نزل من الدرج وهو كاشخ
ليندا والله عريس صاير بسم الله عليك
دانة لا لسى ما صار عريس ماما
فارس هههههههههه إنشاء الله قريب
ام فارس وين رايح اجلس
فارس يا ليت والله بس لازم أروح أشوف شغلي حق سعود لازم ننتهي قبل أسبوع وأنا علي المجسات والدي جيه أهم الأشياء يبغالها شغل
ام فارس اجل روح وبيض الوجه هاااا
فارس افااا أمي أنا فارس
دانة وهي تبرد أظافرها ويعني
فارس طالع فيها دندون اشفيك علي اليوم وإلا لسى حاقدة من أمس
دانة طالعت فيه وابتسمت بحزن مو أنا إلي احقد بس كذا قاهرني
فارس راح باس راسها ولا يهمك اليوم أنا بوصلك بنفسي لبيت عمي أبو نواف
دانة تعمدت تحرجه طالعته بنص عين ولا يهمك والله أبركها من ساعة عندك تروح للمكان اللي فيه رنا
فارس انحرج استحى حمر وجهه وبنفسه مو قدام أمي يا دانة قال بصوت مبحوح دانة شهالكلام استحي
ليندا ضحكت هههههههههه دانة اتركي أخوك بحاله
دانة هههههههههههههههههه ماما شوفي وجهه احمر استحى
فارس قام بإحراج دااااانة حسابك معي بعدين
ليندا ودانة هههههههههههههههههههه
طلع فارس من عندهم وهو نفسه يقطع دانة ما لقت تحرجه إلا قدام أمه
عالعصر رنا لبست ونازلة بتروح مع السواق وعايشه
عايشه لابسة عبايتها يللا رنوو تأخرنا
رنا لبست لثمتها يللا جاهزة مشينا وين مجوود
عايشه أخذته أختي هدى مع عيالها بتوديهم الملاهي
رنا وهي تركب السيارة أحس أختك هدى حبوبه تموت بالأطفال
عايشه ايواا مره ولا كأنها متزوجة
رنا هي عندها فهودي وسموحه صح
عايشه ايواا سليم روح بيت بابا عبد الكريم
سليم عقد حواجبه وين هازا بيت
عايشه تكلم رنا يستهبل هذا طول عمره يودينا عليه
رنا ههههههه ما يعرف عدلت صوتها عادي سليم روح بيت مستر صالح
سليم ايواا مستر صالح وطلع من باركينق القصر
عايشه مستغربة وليه صالح بالذات
رنا هههههههه ما تعرفيه من يوم جا علمه انه هذا البيت باسمه
عايشه هههههههههه صالح من جد مطفوق الله يعين اللي بتكون زوجته
رنا هههههههههههههه إذا كانت زوجته غصبا عنها بتتأقلم معاه وبتتحمله
عايشه ههههههه الله يستر عليها
في قصر أبو نواف المكان كأنه خلية نحل الشغالات من مكان لمكان يرتبوا ويحطوا
رنيم زوجة نواف ساريتا افتحي البوابة شوفي مين جا
ام نواف رنومه وين سمر وسحر ما يستحوا ايش بيسووا فوق
رنيم ماما بيلبسوا وينزلوا الحين
ام نواف يعطيك العافية تعبناك معانا
رنيم ابتسمت ماما ازعل منك مو أنا بنتك وإلا لأ
ام نواف الله يحفظك والله من دخلتي هالبيت وأنتي مثل يارا وسمر وسحر
رنيم باست راس ام زوجها نواف تسلمي ماما أنا وديت وليد عند بيت أهلي حتى ما يحوس الدنيا هنا
ام نواف أحسن لك حتى ما يطفشك قدام الخلايق
دخلت رنا و وراها شغالتهم شايله صينيتين الحلا وأشياء عايشه جايبتها
هااااااااااااااي
ام نواف لفت يا هلا
عايشه دخلت السلام عليكم
الكل وعليكم السلام
رنيم آهلين عووشه ورنوو بعد ما سلموا ام نواف وين نهى عنكم
عايشه ماما بتجي المغرب إحنا قلنا نجي نساعدكم
ام نواف تسلموا والله ما في شي بس هذا آخر شي نرتب الأشياء البسيطة
رنا لفت رنومه وين التوين
رنيم بهمس الحقيهم بالغرفة وخالتي صار لها ساعة تنتظرهم
طلعت رنا الدرج دخلت جناح البنات وهي لابسة طرحتها شافت بوجهها صالح طالع من غرفة البنات معصب ما هو شايفها
رنا لما شافته تغطت
صالح أنتبه عليها هلا والله مين من بنات العم
رنا ضحكت بنفسها اش يبغى صلووح مو فاضيه له قالت بصوت واطي رنا
صالح ابتسم آهلين كيفك رنوو
رنا بهمس بخير كيفك أنت
صالح الحمد لله لاحظ إنها مرتبكة قرب منها صار بينه وبينها مترين رنا رجعت على ورى صالح طول عمره زي إخوانها لكن هو بزيادة فري من جد يحسبهم خواته أقول رنوو لا تستحي مني أنا زي هشومك
رنا خافت طيب ممكن تبعد عن طريقي بروح عند أخواتك
صالح بعد ايواا والله بالله شوفيهم هالمجانين طفشوني مو عارف اشتغل بغرفتي
رنا دخلت إنشاء الله
ما هي فاهمه يشتغل بالبيت على ايش اللي تعرفه انه الشغل بالشركة والمصنع اش جابه هنا يللا اسأل هالمجانين على قولته دخلت
سمر تلبس صندلها وسحر تتمكيج وقالبين الدنيا رنا آهلين توين
سمر بعصبيه تسكر صندلها وهي مدنقه يارو مو فاضيه ترى توه صلوووح مطلعني عن طوري
رنا افااا ما عرفتي صوت الدلوعة
سحر لفت هي وسمر بنفس الوقت رنووووووو
رنا ههههههههههههه بدري
نقزوا يسلموا عليها آهلين
رنا هههه ايش مسويين لصلوح
سحر قولي هو ايش مسوي
رنا صح يقول عنده شغل مو مخلينه يعرف يشتغل على راحته مزعجينه
سمر الله اكبر والإزعاج قلك قاعد يحسب ويصمم هذا ما ادري ايش هو حق فرح سعود
رنا هههههههههههههههه حرام عليكم يساعد أخويه وهذا جزاءه
سحر هههههه ايواا أتوقع سمعته يقول بيسوي الكراسي قلت والله الله يستر أكيد الذوق معفن
رنا ههههههههههههههههههههه
سحر هو بيختار الألوان والشكل والقصر بيسووها
رنا ههههههههههههه يحزن حرام عليكم الله يعينه من جد
سمر الحين ما علينا منه ايش مجهزه للجامعة
رنا امممم عندي كم قطعه جديدة وهلوو قالت لي اشترت لي أشياء حلوه لما سافرت
سحر وهي تحط البلاشر الوردي الناعم اللللللللللله وحشتني هلوو كيفها
رنا ابتسمت الحمد لله مبسوطة مره شكلها امممم نحفانه شوي
سمر أكيد بتنحف يا قلبي من غير شي تستحي اجل كيف بعد الزواج
رنا هههههههههه ما عاد في حيا تخيلي أقول لها كيف عزيز تقول لي يا قلبي ما أتخيل أعيش بدونه هههههههههه هذا وهي قبل فرحها ما سمعتها حتى تمدحه بالغلط من الحيا
فتحت الباب يارا اهليييييييييييين
رنا راحت سلمت عليها وااااااااو يارو لخبطت لها شعرها محلوه
يارا هههههههههههه شفتي
يارا كانت لابسه فستان رصاصي لين تحت الركبة
وعند خصره حزام أحمر
ومن فوق ما عليه شي بس جاكيت صوف احمر
وبوت احمر جلد وشعرها الأحمر قاصته من ورى قصير ومن قدام طويل والخصلتين الطوال نازلة بنعومة على وجهها الناعم طالعه تجنن
سمر صفرت ويووووووووو شافك حمود
يارا جلست نووو
سحر أكيد ما شافها لو شافها كان ما خلاها تجي هذا لزقه ما تعرفيه
رنا هههههههههههههه سحر اش ماكله اليوم
يارا ابتسمت خليهم تعودت عليهم الله يعين أزواجهم كل وحده أوقح من الثانية
رنا ههههههههه امشوا ننزل كلهم تحت جو
يارا لما دخلت كان في جايين بس ما ادري كلهم ولا لأ
سمر يارو تدري انه اليوم شوفة عبوود
يارا ابتسمت ايوااا قال لي صلوح هو الحين رايح بيتهم
رنا آه نفسي أشوف شكل هندون
يارا الله يوفقها امشوا ننزل سمر وسحر ترى ماما معصبه وسألت عنكم
سمر وسحر بسرعه وقفوا عند الباب يللا جاهزين
رنا مشاء الله عليكم كل وحده تقول أنا أحلى من الثانية
قربوا من بعض بس كلنا حلوين صح
يارا فتحت الباب يللا بس أحلاكم رنا الله يحفظها مليكان العيلة
رنا انحرجت
سمر ضربتها بحب مالت عليك من يوم تجي يطيح كرتنا
رنا هههههههههههههه
طالعت فيهم سمر لابسه بنطلون اصفر سكيني"ماسك اللين آخر الرجل" وبلوزه لنص الفخذ ملونه بشكل خطوط عرضيه "احمر اصفر اخضر ازرق اورنج اصفر بنفسجي"
وصندل عالارض ملون وفاتحه شعرها الأسود القصير تحت إذنها بنعومة
وحاطه روج فوشي وكحل اخضر طالعه مره كيوت مع الشال الصوف حول رقبتها الأصفر
وسحر عكسها بنطلون سكيني ملون وبلوزه صفرا والصندل اصفر والشال ملون
حتى مكياجهم نفس الشي اول ما تشوفهم لأنهم يمشوا جنب بعض دايما تعرف إنهم توأم على طول رغم الاختلاف البسيط بلون الشعر والبشرة
ام نواف جالسه مع الحريم بعد ما سلموا أعطتهم نظره عالتأخير
سمر سحووووور شوفي ماما كيف تطالع
سحر شايفه تقول حسابكم بعدين
سمر سحووور بطلع أشوف التجهيزات براا
سحر قامت روحي أنا رايحه أشوف فطوم اسأل عن هندون
سمر افففف كان جيتي معاي وبعدها رحتي تستفسري
راحت سحر
طلعت سمر بعصبيه براا تتفرج عالمكان الحديقة منظفه والقصر يلمع بالأنوار مشت لجهة الورد أخذت ورده جوريه فوشي وابتسمت تجنن قالت تكلم نفسها الله تجنن ودي أحطها بشعري رفعت يدها وحطتها ورى إذنها لكنها طاحت نزلت راسها أخذتها رفعت راسها لقت رجال جاي لناحيتها وقفت بمكانها تصنمت ما في مكان تروح له لأول مره تحس انه حوش قصرهم صغير رغم ضخامته ما في مكان تقدر تتخبى فيه هي واقفة عند حوض الزرع اللي بالزاوية
يا ويلي قرب شكله يكلم تلفون لما قرب زيادة سمر دموعها نزلت شافته عرفت مين هو خالد يا ربي إلا خالد يا رب ساعدني
لفت وجهها للجدار ما تقدر واقفة بطولها
خالد قرب وجلس عالكرسي اللي على يسارها يعني لو لف يمين يشوفها
خالد ايوااا ههههههههههه لا لا
:..........................
خالد هههههههه لا والله اللي في بالي نادرة
:..........................
خالد لها توأم بس ما تشبها أبدا هذي كراميلا يماما
سمر سمعته لاااا يا ربي ايش بيقول دقيقه استوعبت ايش بيقول اللي بباله توأم وما تشبه أختها سمعته
خالد امممم أحبها ايوااا بس من متى ما ادري ههههه
:.........................
خالد هههههههههههههههههه امممم اوكيه شعرها قصير اسود عيونها عسلية
وعصبيه شوي ههههههههه مره اتصلت ببيت خالي وردت علي .......
سمر انجنت الحيا شي وانه يوصفها لولد شي قالت بعصبيه بعد ما وقفت قدامه هيييييييييه أنت ما سمح لك توصفني عند رجال سامع
خالد بلم بمكانه من فين طلعت هذي
رد ايواا بعدين احكي معك سكر وطالع في الأرض شعندك
سمر تحاول تخفي ربكتها من عجلتها أنت ليه توصفني عند رجال هااا
خالد ابتسم شكلها كأنها طفله مو مبينه بوضوح من الظلام وأنوار القصر قويه عليها مو مبينتها بوضوح بس عرف إنها حبيبته سمر
خالد بهدوء وهو ما يطالع فيها هو انحرج مين قالك إني أوصفك لرجال
سمر ارتبكت لكن قالت بثقة أنت كنت تحكي مع رجال وتوصفني له لا تلف وتدور
خالد رفع جواله ودق عالرقم حط السبيكر
طلع صوت أنثوي آهلين خلود ما أمداك تشتاق لي
رفعه شوي واتصل عليك هههههههه سكر
خالد شفتي هذي عمتي لولو توها متزوجة وابتسم وبعدين مين قالك إني أوصفك أنتي بالذات
سمر ارتبكت هو قال كراميلا والاسم هذا ليه قصة تخبت ورى الشجرة وهي باينه أقول لا يكثر ما في غيري رد عالتلفون
خالد وقف وهو عاطيها جنبه اهاا كويس اختصرتي الطريق عرفتي إني ناويـ......
سمر قاطعته وهي تجري منحرجه وجع إنشاء الله كيف تتكلم معاي عادي
خالد طالع في مكانها الفاضي ههههههههههههههههههههههههههه ردينا لوجع إنشاء الله
يا قلبي من اول واقفة وأنا ماخذ راحتي بالكلام الحين يكبر راسها
رفع جواله ورجع اتصل وهو مبتسم ردت عليه لولو خلود هاا الحين سكر وقول بعد شوي أكلمك
خالد هههههههههههههههههههه لو تعرفي إيش اللي صار
لولو بحماس ايش سمعت صوت بنت مين
خالد ههههههههه هي نفسها سمعتني وأنا اعترف بحبها على بالها أوصفها لرجال
لولو ههههههههههه إيش سوت
خالد قعد يحكيها الموقف سكرت من عنده وهي تضحك ودها تشوف اللي أخذت قلب ولد أخوها الحبوب
طلع خالد وراح للشباب في قصر أبو سامي بالديوانية
سمر دخلت عالمطبخ بسرعه وهي تلهث شافت من حظها رنا وسحر
رنا وهي تقطع الحلا اشفيك هههههه من فين جايه
سمر جلست عالكرسي ورفعت الشال من رقبتها تحس المكان حر رغم البرد القوي
طالعت فيه يا غبائي كان حطيته على شعري
سحر قربت ليه تتغطي شفتي مين بعد إنشاء الله
سمر تذكرت حمرت خدودها وعيونها دمعت خالد
رنا راحت لها احـــــــلفي أنتي بس
سمر حكتهم وصارت تبكي
سحر ضمتها سموور اشفيك
رنا تركت اللي بإيدها سمر من جدك أنتي
سمر تمسح دموعها بقهر ما ادري شخلاني أسوي هالحركة
شهقت سحر اليوم عبود شقال والله مادري شجاني
سحر تمسح دموع أختها خلاص سمر غلطة لا تكرريها
رنا سموور خلاص عاد صحيح الحركة شويه بس خلاص انتهى الموضوع قفليه
سمر دموعها تمسها بقهر غطت وجهها لما أتذكر اللي كان يقوله..
رنا بحزن يللا الله يهنيك عالأقل اللي تحبيه يحبك
سمر الله يرزقك قولي آمين
رنا ضحكت بمرارة هههههههههه آمين على ايش
سحر عادي مو بس أنتي يا رنا
رنا طالعت فيها وغمزت لها علينا مين
سحر حطت السكينة بالمجلى انااا؟؟ لا سليمة الحمد لله
رنا ابتسمت سليمة هااا
سمر هههههههههههههه لا تخافي عليها قلبها حجر مشاء الله
رنا وسحر هههههههههههه
سحر أحسن وأريح
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك