رواية لعنادك هويت و بحسنك خقيت -20
سيلين:اسمعي بعد ماتخلصين من الحمام وتساعدين امي اطلعيلي الغرفه ابيك
لارا بوقاحه:ليه المديره ولا المرشده الطلابيه؟
نادر:لاتراك زودتيها ..قسم بالله لوماتسكتين لااترفس ببطنك فاهمه
لارا صاحت ودخلت الحمام
سيلين:ليه كذا يانادر ياملا الصلاح ..هي صغيره شوي شوي عليهاا
دخلت الحمام لارا وزعلت على نفسها لانها زعلت اختها بس برضو كلام نادر جرحها
بلآ حبّ - بلآ وجعْ قًلبْ!
وشْ جآنامن ورآ هـ الحبّ. .
غيرْ التّعبْ . .
............ غيرْ الألمْ . .
يا نآس مآ أبٍي دفآ !
قلبٍي منْ الحبّأكتفًى . .
وينْ العشق وينْ الوفآ ودّآنا !
ياقلبٍييكفىمآ جرآ . .
الجًرح توهـ مآ برآ !
مآ جانا من الدنيآترآ كفآنا. .
جربت فٍي مرّه الهوآ ,
وأخلصتْ أنا و قلبيسوًآ. .
وفجأة كذآ الغآلي
نسانننآ !!
................................
خالد &فارس
فارس:خير ياخالد شفيك من قومني من صباح الله
خالد:لابس عندي موضوع مهم بقوله لك
فارس:خير وشو قول اسمعك
خالد:اختك يافارس...فارس:شفيها؟؟......خالد بتعب وتأثر:تغيرت علي....فارس:من أي ناحيه؟....خالد :من كل النواحي تغيرت يافارس تخيل طالبه مني ...آآآآ.....طالبه مني الطلاق
فارس بقق عيونه:وشوو الطلاق معقووله
خالد:ايه وربي اخرتها مخيرتني اما اطلقها او اتزوج عليها
فارس:ساره العاقل تسوي كذا؟؟
خالد وعيونه تلمع من القهر وقلبه يشع ناار:تخيل امس رجعت من الدوام ابي انام الاقي ورقه كاتبه فيها انها تبي تنام بروحها وانها ماعاد تستحمل ياطلقها اواتزوج عليها....عمري يافارس انا ماقلتلها ابي بزر ولاني مستعجل على شي ربك موكاتبه انا ماابي الا حبها....انا احبها يافاارس تعرف وش معنى احبها وابيها بس وش فايدة الحب دامها مومقدرته ...وانا مستحيل اطلقها...بس دامها مخيرتني انا بختار الزواج لاني ماابي اخسرها ولاتصور حياتي بليّاها
فارس تكدر على اخته:صراحه مدري وش اقولك يااخوي هو معك الحق ...بس برضها هي اختي وخايف على نفسيتها...يمكن هي متعذبه لانها ماجابت للحين ولاحملت,....بس وش نسوي ربك ماكتب
خالد:فارس انا عمري ماشكيت لها ولاقلتلها ابي ولد ولاشي.........اخاف الحين لاتزوجت اهلي واهلك يلوموني
فارس:لايااخوي هذا حقك وهذي حياتك ..بس انت عطيني فرصه اكلم ساره افهمها والله يقدم الخير
خالد:انشاء الله يللا الحين اترخض تأخرت ..مع السلامه
فارس:بحفط الرحمن...<<جلس فارس يفكر بهالمصيبه ماعمره عهد اخته عنيده اوممكن تتصرف مثل هالتصرف..دق عليها وبلغها انه بيزورها وفرحت كثير
اما عند تركي&دانه
تركي:اوه دندون اليوم النفسيه زينه وحلوه
دانه:ايه الحمد لله دام اخوي الوحيد جمبي<<ايه هين
تركي:يااقلبي انتي ....اقول دندون
دانه :لبيه...
تركي:لبيتي بمنى....المهم اليوم لاتنسين تسوين اللي قلتلك عليه لازم تجيبين لي الرقم
دانه:ابشر من عيوني
تركي:كفوو والله ياذيبه انتي
دانه:انا كم ترووك عندي
تركي بوثوق:واحد وبس
دانه باءبتسامه:الله يخليك لي
تركي:ويخليكي لي ياعيون اخوها
ام تركي:ماشاء الله عيالي مجتمعين انشاء الله على خير
تركي:خير يمه وانشاء الله بعدين تعرفين
ام تركي:طيب الحين قومو تجهزوا لاننا شوي ونروح
الكل:انشا ءالله
بيت ابوفارس
اول من جا ام فيصل وبنتها منال
ام فارس:هلا والله بفوزيه منوره ...آنستينا
ام فيصل:تسلمين يالغاليه..شلونك شخبارك شلون الاهل؟
ام فارس:بخير الله يسلمك يسلمون عليك
ام فيصل:يسلمون من الشر
ام فارس:ماشاء الله ياخيتي اشوف الوجه منور...خلاص هانت وانا اختك كلها كمن اسبوع وولدك يرجع
ام فيصل:هههه ايه الحمدلله مرت الايام
ام فارس:ايييه ياوخيتي الدنيا تمشي ولانا حاسين فيها ....ملتهين بحياتنا واليوم يمر كنه دقايق
ام فيصل:ايه والله وانتي الصادقه ..هذي من علامات آواخر الزمان
نروح غرفة سيلين
منال:سلام.....سيلين بفرح:هلااااااا منولتي حوبي هون محد قالي....منال باءبتسامه باهته:ايه
سيلين لاحظت:منوول شفيك؟؟.....منال:ممكن ماي؟
سيلين:موبس ماي عيوني بس لحظه.....
سيلين استغربت ليه منول زعلانه اكيد فيها شي مومن عوايدها العاده تقابلني ببسمه وضحكه وطنازه....رجعت بتعطيها الماي لقت منال ولاول مره تصييييح من قلب ....حطت المويه وراحت ضمتها وصاحت معها<<سيلين من النوع اللي اذا شافت احد يصيح صاحت معاه
سيلين:منووول شفيك؟.......منال وهي تصيح :وحشني اخوي فيصل اشتقت له.....سيلين بقلبها :آآآه جبتيها عالجرح حتى انا وربي:معليه يامنال كلها كم اسبوع وبيرجع هانت.......منال:بس حتى ولو هذي اول مره مايكلمني من اسبوعين....سيلين:اكيد انه مشغول انتي عارفه ان هالايام فترة اختبارات
منال تصيح:ايه ادري بس وربي اشتقت له
سيلين بقلبها وانا ميته من الشوق عليه :طيب منول اشربي الماي <<عطتها الماي
وراحت فتحت دولابها واخذت التيشيرت اللي كانت لابسته آخر يوم شافت فيه فيصل ...استنشقت ذاك التيشيرت لعل تلقى بقايا عبيره فيه ...وبدت دموعها تتكون أشبه بسيل غزير على خدها ورجعتها الذكرى ....للحظة لقاها فيه ولحظة الاشواق والوداع
بالليل الكل تجمع
اهم حدث صار بهالجمعه طلبت دانه من سيلين رقم جولها رغم انها شافت الفتره الاخيره ابتعادها وتجاهلها وعطتها....
..................................
مـن علمـك ..
هذا الكـلام من علمـك هاذي الاسيـهـ
وانـت اللي متعــود تنـام واتفتــح
عيــونك عليـا
اليوم الثاني
بيت خالد
استانست ساره بجيت فارس....قالتله يجيب لارا وسيلين معه بس رفض ..واستغربت
ساره:هلاااا بفرووووس ....وحشتني كذا تقطعني
فارس:والله تعرفين ياسويره الدنيا مشاغل
ساره:عموما منور البيت كله
فارس:منور بأهله
خالد:فارس وش تشرب؟
فارس:عصير كوكتيل<<ليه بمطعم
خالد:نعم!!.....طيب خلاص اشوف لك ....وانتي ياساره وش تشربين؟
ساره:انا ماابي شي
خالد:لامايصير خلاص اجيب لك عصير فراوله
راح للمطبخ خلط كل العصيرات بكاسه وحده<<طبعا الطعم الله لايوريكم الله يكرم النعمه بس......وصب لساره عصير فراوله....وحطها بصينيه وتوجه للصاله
بالصاله
ساره:بس انا يافارس ماعدت اقدر استحمل ابد .....خله عالاقل يتزوج عشان مايقول حرمته من الذريه
فارس:بس ياساره............
خالد يقاطعهم:خلاص ياساره بسوي اللي تبيه بتزوج وعرسي الاسبوع الجاي.....قال هالكلمه وطلع من البيت
انتهى البـــــــــــــــــــــــاارت
ياترى وش ممكن يصير مع خالد ؟؟
ساره اذا درت بأن اللي بيخطبها فاطمه وش راح يكون موقفها؟؟
ممكن تسوء الامور اكثر من كذا ونفقد ابطالنا؟؟
كل هالتفاصيل بالبارتات الجايه
لكم ودي وآسفه عالقصور
محبتكم (ساحرتهم بعيوني)
Part 26
هلي لا تحرموني منه
هلي لا تبعدوني عنه
مثل ما هوه قطعه مني انا تراني قطعه منه
نتعرف على عائلة نعرف بعض شخصياتها ولكن بالتفصيل الممل
بيت ابو سعود المكوّن من:
ابوسعود:رجل كبير بالسن طيب .....مايقدر يتحكم بعياله........سعود:مبتعث للخارج يدرس ومايندرى متى يخلّص؟
مها:صديقة ساره متزوجه وعندها ناصر 3 سنوات وريماس سنه ونص
ريم:اللي هي صديقة سيلين مثل ماقلنا قبل اوبالاحرى حبيبة قلب فارس
بيت ابوسعود
ريم بتردد:مها.......مها:هلا........ريم:لابس خلاص ولاشي.......مها:شفيتس قولي مانيب غريبه انا اختتس ولانسيتي.......ريم:مادري اقولتس ولالا متردده......مها:خير قولي.......ريم:امممم صديقتي سيلين.......مها:ايه اعرفها كانه شي جديد يعني شفيها؟......ريم عطتها من الاخر:خطبتني لاخوها فااارس.......مها بوناااسه لاختها:الف مبرووووك خلاص يعني بتصيرين عرووس؟!.......ريم باءبتسامه :انشاء الله بس يامها في شي مخرب علي ومخوفي .....مها:وشو؟؟؟ .....ريم: ابوي.......مها:شفيه ابوي؟........ريم:انتي تعرفين يامها ابوي قبيلي وفارس مو من قبيلتنا
مها تتذكر:ايه صح..... وتهون على اختها:ماعليه انشاء الله بيوافق انتي تفاءلي.......ريم:انشاء الله ,اقول مهاوي ليه ماجبتي نصور ورموسه......مها:ام بندر قالتلي اخليهم عندها قلتلها طيب<<دق جوالها
مها:الو هلا بندر...انشاء الله ...الحين انزل ...مع السلامه........ريم:بتروحين؟......مها :ايه ,لايكون اشتقتيلي....ريم:ايه والله بدري.....مها:ماعليه مره ثانيه اكيد نصور ورموس خثو خالتي ,الحين انا بروح مع السلامه ,ايه ولاتنسين تستخيرين.....ريم:انشاء الله......مها:متى بيجون؟....ريم :قالتلي هالاسبوع.......مها:الله يوفقتس يارب....مع السلامه ...ريم :مع السلامه<<<<<طلعت مها وتركت اختها خايفه ان ابوها مايوافق لانه مومن نفس قبيلتهم ...الله يعديها على خير
............................................
انا اعترف أنك.. و بس !!
زرعتي في صدري أمل..
خليتي احساسي يحس !
خليتي أيامي عسل
اليوم الثاني عند تركي ودانه
عطت دانه تركي الرقم وحيل استانس....فكرانه يدق عليها ..بس الحين ماعنده شي يقوله...اماالتخطيطات فهي ماشيه مثل مايبي ....بس خايف انه يتأخر....لان قرب موعد رجوع فيصل ولو رجع فيصل بيخرب تعب 4 سنوات
دانه تقطع تفكيره:اممم تركي
تركي:همممم
دانه: الا متى بتخطبها<<عشان ترتاح نفسيتها وتآخذ راشد
تركي:هههههه ...وش فيك كذا مستعجله؟؟
دانه بكذب:لانك اخوي الوحيد وبفرح فيك
تركي:صدقيني قريب بس خلي الامور تمشي مثل ماانا ابي ووعد مني قريب راح تشوفوني معرس
<<طبعا تركي حاليا كان يفكر انه يقول لاحد مراسلية(ألجواسيس ) بشركة ابوفارس انهم يلعبون بالاوراق عشان تصير الشركه مهدده بالافلاس
......................................
آلمُ ... !
جرُحه وصٌِل ليُن الَعظًم !
مِثلٌ آلشُتِآء بآِرد أبٌد مآِفيهُ دفـِـآ !
ومثلُ الغَِدرً مآِفيهُ صٌفآِت منٌ الوُفـآِ!
اما خالد دق على عمه وقاله بيجي اليوم وقال لابوه يجي بعد...
ابوفارس:هلا والله بوليدي اخبارك وش مسوي؟
خالد:بخير الله يسلمك ياعمي
ابوخالد:وش الموضوع المهم اللي تبينا فيه انا وعمك؟؟<<يسمع بالزبده
خالد:امممم ماادري من وين ابدا الصراحه آآآآآآ ...محتار مدري شلون ابدى اقول ولا مااقول؟!
ابوفارس:قول ياولدي و مايصير خاطرك الا طيب
خالد:بس اخاف ياعمي تزعلون مني ولا تشيلون بخاطركم علي؟
ابوفارس:قول ياولدي خوفتنا
خالد نزل راسه:عمي بنتك ساره
ابوفارس بخوف:شفيها؟؟
خالد:مخيرتني بين خيارين وكل واحد اصعب من الثاني
ابوفارس بتعجب:اللي هم؟
خالد:مخيرتني اما اطلقها اواتزوج عليها
ابوفارس بعصبيه:هذي اكيييد انجنت ....ماعليك منها ياوليدي طنشها
خالد:بس انا قررت ياعمي!!
ابوفارس سكت وبعدها تكلم:وش قررت؟
خالد:قررت اتزوج عليها دام هذي رغبتها...انا ماابي الا رضاها واذا هالشي بيرضيها ويريحها بسويه يمكن ترجع مثل الاول
ابوفارس محتار لانها بنته ماتهون عليه بس دامها بترتاح الشكوى لله:والله ياوليدي مانيب واقف ضدك سو اللي يريحك ويريح بنتي هذا همي ومبتغاي
خالد:تكفى ياعمي فهم خالتي اني انا مالي ذنب وانها رغبه من ساره مومني
ابوفارس:لاتشيل هم انت سو اللي يريحكم وربي انشاء الله يرزقك بالذريه الخاليه من الامراض والاعاقات
<<بدى ينتشر هالخبر الكل زعل على خالد ولامه الا شموخ ....<<تحقق حلمها
بس اللي ايده بالماي مومثل اللي ايده بالنار
اما عند سارا&خالد
دق خالد الباب
سارا كانت تصيح مسحت دموعها:مين؟؟
خالد:انا افتحي الباب
ساره:تقدر تقولي اللي تبيه من ورى الباب
خالد بعصبيه:صدقيني عنادك هذا راح تندمين عليه
ساره:ماراح اندم إلا اذا طلقتني او تزوجت علي
خالد:طيب ياساره...راح اتزوج بس موتلومين لاشفتيني مع غيرك......وبعدين جهزي نفسك بكرا بنروح نخطب
ساره آه ياقلبي بعد يبيني انا اخطب له ياقسوة قلبك ياخالد:طيب
...............................................
اما فارس هو بعد راح يخطب
بيت ابوسعود
ابوسعود:يالله ان تحي ابوفارس وولده نورتوا الحي والله انكم عزيزين وغالين...تفضلوا
ابوفارس:زاد فضلك ...ماعليك زود
ابوسعود:كيفك ياابوفارس شلون الجماعه من رحتوا الحي صار سكون
ابوفارس:بخير الله يسلمك,وش نسوي عاد ظروف تحد الواحد يترك اهله وناسه
ابوسعود:وانت فارس شخبارك شلونك عساك بخير وصحه
فارس:بخير الله يسلمك
ابوسعود:الحمد لله على تمام الصحه
ابوفارس:والله يااخوي بو سعود حنا جايين نطلب القرب منكم....وانشاء الله ماتردونا
ابو سعود:افا ياذا العلم قل ومايصير خاطرك الا طيب
ابوفارس:....حنا نبي بنتك ...نبي بنتك ريم لولدنا فارس
ابوسعود:والنعم والله ...فارس ولد ماعليه زود....بس انتوا عطونا فرصه نسأل البنت وننشد عنكم
ابوفارس:هذا من حقكم وحنا نحتري ردكم
.........................
اما عند البنات
مبدئيا كأن ابوسعود وافق رغم انه قبلي بحت بس هم ناس مايتفوتون بعدين فارس ولد الحي وتربي معهم ويعرف اخلاقه وسلوكياته
سيلين:ياااااارب يوافق عمي ومايستنذل خخخ
ريم:وجع لاتقولين كذا عن البابا
سيلين:عشتو قال البابا....اما لويوافق وتصيرين مرت اخووووي وناااااااسه ندجها سوااا فله
ريم بخوف:الله يكتب اللي فيه الخير
سيلين:اقوول ريووم وش بك كذا خايفه؟؟
ريم تداري الوضع:هااا...لابس وش تبين موقفي يكون يعني
سيلين :اهااا ...متأكده بس عشان كذا خايفه؟؟
ريم بتردد :امممم .....أيه
سيلين:ريموووه انا صديقتك من يوم كنا بالابتدائي اعرفك وتعرفيني صميتك وصميتيني انتي ماتبين اخوي او سامعه عنه شي ولا شفيك بالضبط؟؟
ريم :لا وربي موكذا ....بس انا خايفه من شي
سيلين :اللي هو ؟؟!
ريم :اخاف يكون مغصووب علي ولاتكون وحده بحياته وبياخذني بس عشان يقرهها
سيلين :ريووم وش هالتفكير ...فارس نوواي يفكر بهالطريقه تدرين انه عمره ماحب اصلا مافكر يحب الا ذاك اليوم يوم شافك وتقولين هالكلام اصلا لوانه حاب وحده كان لقيتيني من زمان قايلتلك
ريم :......................<<لاتعليق
سيلين بقلبها وين راحت ذي:الوووووووو
ريم بحيا :ايه معك
سيلين :خخخخخخ يعني انك مستحيه ترى مولايق
ريم:سيليييين جــــــــــــب
سيلين:هههههههه طيب هااا خلاص سكتنا
خلص الباااااااااااااارت
Part 27
عند احمد+فيصل
احمد:الوووو هلا خلوود كيفك؟
خالد:يعني ماهوب ذاك الزود
احمد:افاا ليه؟؟
خالد:لابس زواجي قريب
احمد مصدوم:نعمممممممم!!
خالد:اللي سمعته هذي سالفه طويله هذا مجملها
احمد:مبروووك يااخوي
خالد:الله يبارك فيك
فيصل يسحب الجوال:الووو... هلاا خلوود مبروووك على ايش
خالد:بعرس
فيصل:اهاااا........مبروك ...الواحد وحده وتطلع عينه ياخذ ثانيه بعد
خالد:تكفى لاتزيد المواجع هذا اللي بيصير
فيصل:ايووااا ياااعم شعليك بتآخذ الثانيه
خالد:يابثررك بس,.......ايه نسيت اقولكم فارس بعد خطب
فيصل:وانتوا ماحليلكم العرس والخطوبات الا وحنا هنا ببلاد الغربه يااخي اصبروا شوي
خالد:هذا حظكم.....وبعدين بتلحقوون على زواج فارس انشاء الله
فيصل:وانت بتعرس قريب كلها كم اسبوع ونجي
خالد:والله هذا اللي بيصير
احمد يسحب السماعه:وشوو مين بعد بيتزوج؟؟
خالد:اعوذ بكلمات الله التامات من شر ماخلق من احمد الشلق....انا قلت فاارس خطب لاتخاف بتلحق عالزواج
احمد:اوووه اشووه اهم شي العشااا ماابيه يروح علي ذباايح ولحم وااااخ بس
خالد:وليه الاخ جوعآآن ولاولد فقر
احمد يمثل الالم والحزن:آآآه وش اقولك ياخالد تخيل فيصل ياكل اكلي ومجوعني
فيصل:انا اللي مجوعك.....تبيني اقوله وين يروح اكلك
احمد :وين يرووح بمعدتك طبعا
فيصل:لاياعيووني يرووح لكارلا<<(كارلا عجوز ناشبه لهم)
احمد:لوسمحت لاتجيب طاري كاروللتي على لسانك
فيصل: رح مناااك كارلا لي انت ماشفت يوم طليت من البلكونه شلون تقط كلام حب وغزل علي
خالد<<مترووك بالجوال:الووو الوووو
احمد :يووه نسيت خالد .....الوو ايه خالد هلا
خالد:لاهلا ولامسهلا خسرتوني رصيد حسبي الله على ابليسكم بس ...يللا مع السلامه
احمد+فيصل:مع السلامه
...
وصلني خبر ...وصار مصيري بهالخبر موعود
قالو انك موافق وزاد حبك وصار بليا حدود
مبرووووك يالي غلاك بقلبي موجود موجود
ابو سعود بعد اربع ايام دق على ابوفارس بشره انهم موافقين بعد ان سال على فارس والكل يشهد له بالخير.....كلّم ولده سعود وقاله انه راح يطوّل برآ فقالهم خلوها تتزوج ماابي اوقف حظها<<ماقال له ابوه انه مومن قبيلتهم لان سعود قبلي اكثر من ابووه بكثييير...فكان متوقع انه واحد من الجمااعه
اختلفنا من يحب الثاني اكــــثر …. واتفقنا انك اكـــــثر وانا اكـــــثر
من عدد رمل الصــحـا ري من…. المطر اكــــــــــثر واكــــــــــــثر
كيف نخفي حبنا والشوق فاضح…. وفي ملامحنا من اللهفه ملامـــــح
بالمسن فيصل&سيلين
توبيك فيصل
[c=#A3A3A3][c=55]ڪٌيف..[/c] نخـفيٌ [c=58]حبنـآ..[/c]وآلشٌوقٌ [c=55]فآآضـح [/c][c=58]..}[/c][/c]
الرساله الشخصيه
[c=15]وفي.. [c=58]ملآمحنآ [/c]من’’ [c=55]اللهفـہَ[/c] .. [c=58]ملآمـحٌ ![/c][/c]
اما توبيك سيلين كان
[c=63][c=61]تسآفـ / ـر[/c] .. لآخر الدنيآإ وتطلب مني [c=67][[/c] مآإشتآإق[c=67] ] ؟؟[/c][/c]
[c=63][c=#5FC22E]غالي[/c] علي[c=51] //[/c] وآغلى من [c=#5FC22E]گل[/c] البشر ٍ[/
وكانت الرساله الشخصيه
مقهوووووره وقلبي متقطّع عليك
فيصل:سلام
سيلين:هلا رينااد
فيصل:شخبارك؟؟
سيلين:موتماااام
فيصل:افاا ليه ماعاش الزعل والله دامه يكدرك
سيلين:لابس زوج اختي ساره
فيصل:شفيه خالد؟
سيلين مستغربه:شلون عرفتي انه خالد؟
فيصل تورط:انتي قايلتلي زمانه عنه
سيلين ماتتذكر انها قالت شي عنه :اهااا....المهم بيتزوج على اختي
فيصل يدري بس يسوي نفسه مصدوم:بيتزووج!!!
سيلين:ايه تخيلي .....بالله موخاين للعشره والله مايستاهل الحب اللي انعطاه
فيصل:لاتكدرين خاطرك ياقلبي <<يقاله يمون
سيلين:شلون مااكدر خاطري هذي اختي
فيصل:طيب هو خلاص خطب ولابيخطب
سيلين:لابيخطب ....يقول لاختي تروح معه عشان يخطب والله ماعنده لا ذمه ولاضمير ولابقلبه ذرة رحمه
فيصل خلووود هذا شفيه انجن:لاحول ولاقوة الابالله ...الله يكون بعونكم
سيلين: رينااد
فيصل:هلا....
سيلين:شكرا على كل وقفاتك معي....صراحه انا ارتحتلك كل هالسنين اللي مروا رغم اني ماشفتك ..احيانا كنت اكلمك كأني اكلم نفسي بالضبط
فيصل ياكثر ماشفتيني وانشاء الله قريب اكون جمبك ومانفترق:صح اننا مانعرف بعض بس يكفي المعآمله الحلوه منك وطيبك
سيلين:مشكوره يالغلا...
فيصل:عنووده
سيلين:عيوونها آمريني
فيصل :امممم لالالا خلاص
سيلين:رنوود ترى هذي اكثر من مره تسوين فيني هالحركه اخلصي وش عندك<<يقالي امون
فيصل:كنت بقوولك انك تعنيلي الكثير بحياتي انتي عوضتيني عن اشيا كثيره بحياتي
سيلين انصدمت من كلامها معقوله هالانسانه اكون عوضتها عن اشيا ناقصتها بحياتها:جد؟؟
فيصل:ايه وربي ....ودي بس اضمك واشمك وبعدها امووت خايف امووت بغربتي وانتي موجمبي خايف مايجي ذاك اليوم اللي انام فيه بأحضانك واقوم والقى انفاسي تحرق انفاسك ....اخاف يجي يوم وعيني ماشبعت من عينك ...وقلبي ماانطفت ناره..اخاف ماارتوي من ريقك الصافي ..اخاف ماارتوي من شهدك واسكر من ريقك ...سيلين انا انا
.....احبــــــــــــــــــــك
فيصل جاي بيضغط على ارسال وضغط
وضغط على تحديد وبعدها ديليت مسح الكلام اللي كتبه اللي نبع من قلبه انضخ من شريانه لاوردته لايده وكتبهم
سيلين بقلبها يووه هذي اشوفها سحبت علي:الووووووووووووووووووو
فيصل يووه نسيتها:هلااااااا
سيلين :اسمحيلي يالغلا انا طالعه ...يللا فمان الله
فيصل:بحفظ الكريم
| بتـروح |..!! ..........
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك