رواية نور -19
تم واقف ينتظر ردها وهو معطنها ظهره لاكنه ماسمع الها صوت واول ما التفت ناحيتها شافها تمشي بخطوات بطيئه راجعه للفله داخل وهيه اطالع تحت
كان خاطره يصرخ عليها ويواقعها انها مره ثانيه ماتمشي قبل لا يخلص كلامه لاكنه رجع وسكت
قعد على كرسيه لين ما اذن الظهر وبعدها راح ايصلي وقرر ايروح بيت يدته
اهناك شاف الكل الا اهيه وماحب يسال عنها عقب رجع لفلته
استقبلته هنيه:ازيك ياباااشه
ابتسم زايد:اهلييين هنيه اخبار ولدج
هنيه:الحمدلله ياباااشه بخييير وابو فريد بيسلم عليك ويقولك متشكر اوي اوي دالمستشفي الي بعتنا ليه
كويس اوي اوي دا كانو شيلينا من على الارض
زايد:الحمدلله
التفت عنها وتوه بيطلع فوق
هنيه:يا باااشه
زايد وهو يلتفت الها:بلاااج؟
هنيه:ا ا البنت نووور
زايد:هيييه شبلاها؟ يت اليوم تسال عنج
هنيه:ايوا عرفت بس البنت عيانه اوي
زايد باستغراب:شوووه عيانه اهيه وييين؟
هنيه:في الاوطه عندنا قوا
زايد متفاجئ:اهيه اهنيه؟
هنيه:ايوا يا بااااشه البنت الشغاله قالت انها قت ونامت ومن بعديها ما صحيت حتى الصله ما صلتش
زايد:شووو فيها؟
هنيه:دا وشها احمر وفيها حراره مش طبيعيه
التفت زايد عنها للجهه الثانيه:انزيين....عطيها بندول وسويلها كمدات وبتفتك انا تعبان بروح احط راسيه شويه
طلع زايد عنها لفوق وهنيه متوهقه ماتعرف شو تسوي؟
هنيه:يلهوي اعمل ايه دلواتي؟
رجعت هنيه عند نور الي زادت عليها الحراره وتمت تهذي
هنيه وهيه تخبط على صدرها:يخراااابي بتقول ايه البنت دي ....دي بتتكلم زي الخان الي بيشتغل في الزراعه يالهوي انا لازم اروح اقول للباشه احسن البنت تموت عليه وما اعرفش اعمل ايييه
دقت هنيه على زايد الي كان منسدح وما بدل ثيابه
فتح الباب:علوووومج؟
هنيه:الحق ياباااشه البنت نور بتتكلم وبتقول كلام مش عارفه هو اييييه...كلام مش زي الكلااام الي بتقووووله
زايد باستغراب:شوووه بعد الكلام الي اتقوله؟
هنيه:وانا شعرفني ياباااشه
زايد وهو يتخطاها:لوع الله بجبدج اسميج صدق حشره
نزل زايد تحت وتوجه لملحق الخدم دق الباب ودخل واول ما شافها سرت القشعريره في جسمه كان ويهها محمر وهيه تهذي باللغه الباكستانيه
نزل قاعد وتمت عيونه عليها وابتسامه اتلوح على شفايفه لطريقة كلامها صفعها على ويهها هيه تعور بس اهو يتحسبها خفيفه
فتحت نور عيونها وسكرتهن
التفت لهنيه:عطيتيها بندول؟
هنيه:ايو ياباااشه
زايد:انزين الحين شو تبونيه اسوي؟
هنيه:مش عارفه ياباااشه مش احسن ناخدها للمستشفي
وقف زايد:شدرانيه؟
رجع وقعد ايطالعها
فتحت نور عيونها واخيرا استوعبت منو الي قاعد ايطالعها:ايها الوقح لما انته هنا تنظر اليه
ابتسم زايد:استذهنتي اخيرا زيييين مارمستينيه بالباكستاني
نور:اخرج من هنا
زايد:بعده لسانج يباله قص
وقف زايد وتوه بيتكلم صرخت هنيه الي شافت نور تنتفض بقو
هنيه:يلهوي ياباااشه البنت حتمووووت الحق دي الحراره بترجفها
طالع زايد وراه لنور وفتح عيونه منصعق:شوووو اسويلها؟
صح انه عنده خبره في كل شي الا المواضيع هذي يحس مايعرف شو يسوي؟
هنيه :ميه بارده ميه بارده حجيييب لها ميه بارده
شل زايد نور على طول ودخل ابها الحمام ووقفها تحت الدش وفتح الصنبور وعشااان يقدر يوقفها زييين وقف معاها تحت الماي وهو لاف ايديه حوليها
وقفت هنيه عند باب الحمام اطالعهم مستغربه من زايد الي ماسك نور والماي مخرسنه معاها
بعد دقايق صرخ زايد:هنيه هاتي فووووده بسرعه
هنيه:طيب يابااااشه
يابت هنيه الفوده ولف ابها زايد نور وشلها مرجعنها السرير لحفها بالحاف كامل ووقف وهو ينتفض من البرد
زايد:عاده تعالي شو فيها انا الي عليه سويته
خلاهن وطلع مايريدها اتقوم وتشوف انه مهتم ابها مع انه يدري ان سبب تعبها الكلام الي قاله الها برا
بعد ساعتين كان حال نور احسن وعلى العصر سوتلها هنيه شوربه كانت نور ماسكه ملت الشوربه بين ايديها تاخذ من حرارتها وتفكر في كلام هنيه
نور:هل حقا فعل ذالك من اجلي؟
هنيه:ايواااا دالباشه لو ماشالك وحطك تحت الحنفيه كان انتي موتي بعيد الشر
نور:يا الاهي هنيه ...انا لا اعرف مالذي يجري لي معه...انه الشخص الوحيد المتكشف على كل اموري هو الوحيد الذي لمسني وهو الذي راني بكامل زينتي كما انه لا يمنع نفسه من لمسي متى اراد وتذكرت نور القبله واحمرت خدودها
لو يتزوجني الباشه لكان الامر عندي هين
انسدحت نور على جنبها وهيه تفكر في كلامه في الحديقه ونزلت دموعها
نور:ولاكنه يريدني ان اغادر...تبا له لن ادع كلماته تلك ان تؤاثر في مرة اخرى ولن ارحل
هنيه كانت منشغله بشرب شوربتها وما انتبهت لنور شو كانت اتقول
نور:هنيه اريد ان اذهب عند جدتي ...ربما لن اعود هنا جدتي تحبني وتريدني ان ابقا معها دائما
هنيه:طيب يا نور حشوف الدريول
طلعت هنيه وحصلت زايد توه نازل من فوق
زايد:شبلاااج يا هنيه
هنيه:مافيش حاجه يا بااااشه ا البنت نور عايزه تروح عند جدتها وانا رايحه اشوف السواق
زايد وهو طالع رايح برا الفله:خليها تلحقنيه انا رايح بيت يدوه
هنيه ارتبشت:ط طيب يا بااااشه د دلوقتي ااولها
رجعت هنيه عند نور:بنت يا نور بسرعه قووومي السياره مستنيااااكي برا
نور:اتريدنني ان انصرف بهذه السرعه هنيه ؟
هنيه:لاء يابنت ا ا السواق مش هنا والباشه قااال انه حيروح عندجدتك وقااال خليها تلحقني
قامت نور :حسنا
اول ما ركبت نور السياره حست ان جوها حار وزايد ملتفت عنها للجهه الثانيه منشغل في حاجه
سكرت الباب وتمت ساكته بعد ما القت السلام
رفع زايد طرف سفرته الي من صوب جهتها على فوق وحرك السياره...المره هذي الراديو كان على نشرة الاخبار
تمت اتفكر انه صدق انسان بغيض يعني ماكلف على نفسه يسالها عن حالها بعد الي صار الها لاكنها اتفاجئت
زايد:هـ هــــ هـــ هـــــــــــــــــــــــــــــــــــــــــــتشوووو وووووووووووو
التفتت له بسرعه سحب منديل وتوالت عليه العطسات ورا بعض
ظرب بيده على لستيرنق كذا مره متضايق من هالعطاس
زايد:يوووووه هاتشوووووو
ابتسمت نور :يفضل ان تقول الحمدلله
زايد:هـ هـــــــــــ هــــــــــــاتشووووووو اووووه
نور:استغفر الله العظيييم
زايد:جب انتي هب فكارج انا الحيين هــهـــــــــــاتشووو
التفتت عنه للجهه الثانيه
نور:حسنا ظع المنديل على وجهك لا اريد ان تنتقل اليه العدوا
زايد:لا والله ماجن الي فيه بسبتج
نور:ربما خرجت من الحمام دون ان تجفف شعرك
وقف زايد السياره والعطاس قام ايزيد عليه فتح باب السياره وطلع ريوله وتم يعاطس وهو يحس بويع قوي في راسه فجئه
هجم عليه
زايد:ااااااه ياراسيه
نزلت نور بسرعه ودارت للجهه الي اهو فيها
نور:زيد ماذا بك ...يا الاهي انك متعب بحق
زايد:هـ هــــــــــــاتشووو
وقف زايد وهيه مجابلتنه:قووووومي عنيه
نور وهيه تقرب امنه:زيد انك متعب الا يوجد مستوصف قريب من هنا لنذهب اليه يا الااااهي كل هذا بسببي
زايد عصب عليها ومسكها من زنودها وهو متضايق من نفسه والويع الي ياااه
زايد:وبعدييين معااااج بتفارجينيه في السعه ولاهـ هـــــــــاتسوووو ولا شووووه
كان مقربنها من صدره واااايد
نور وهيه مستحيه:الا تخجل من ملامستي هاكذا امام الماره
زايد:تدرييين لو املج عليج في يوووم ما بملج عليج عشان سواد عيونج بس عشان اخذ راحتيه وانا اتفرص فيييج بدون ماتقذينيه
نور:حسنا لا مانع لدي
دزها عنه على جنب:بتبطييييين
رجع والتفت لسيارته وركبها وهو يعاااااااطس رجعت نور وركبة
نور:الا يوجد مستوصف قريب
حرك زايد بدون ما يرد عليها لين وصلها لبيت خاله
زايد:انزلي
نزل اهو قبلها وهو رايح داخل بخطوات سريعه على طول راح لغرفة يدته وانكت في فراشها وهو يحس ببرد قوي ينفضه
الجده:زياااد المااال وااايه شبلااااك(على فكره زياد المال هذا لقب احنا اناديبه اي شخص اسمه زايد وخصوصا اذا كان هذا الشخص غالي(
دخلت نور على طول وراهم:جدتي انه ليس بخير من المؤكد انها نزلة برد
الجده:اشوووه بردي نزل عليه؟
نور اطالع جدتها بنظرات مستفسره:ماذا تقولين جدتي؟
مشت الجده لين الستاره وكشفت اطالع برا
الجده:يابنتيه ما اشوووف بردي ومطر برااااا
زايد من تحت اللحاف:يدووووووه انا بردااااااااااان لحفوووووونيه هـ هــــــــــاتشوووووو
الجده وبدت تستوعب:ياااارك ربيه ياولييييديه مزجووووووم
نور:ماذا تعنين جده بمزجوووم
الجده:سيري سيري ازقري ام فهد
نور:اتعنين بان اناديهااا
الجده فقدت اعصااابها:يامن شراله من حلاله عله...يابنتيه انتي ماتفهميييين شو لينه بتم افهمج
رووووحي هذا ماما ام فهد خلي يجيييي بسرعه
نور:حسنا حسنا جدتي ساذهب اليها الان
راحت نور وخبرت ام فهد الي انصعقت يوم شافت زايد مريض
الجده:هييييه بتمين فاتحه ثمج انتي بعد ياله سيري سويله حلوووول
ام فهد:ان شالله ان شااااالله عمتيه
نور:جدتي الا يستحسن بان يذهب به عمي الى المستوصف
الجده:لاااا افا عليييج الحين بنروحه الحلول وبنخليه يشربله كوووب وبتشوفينه يربع مثل لحصاااان
زايد:هـ هــــــــــ هــــــــــاتشوووووو اااااااه راسيه يعورنيه
قامت الجده وقعدت عند راسه وكشفت عنه:بسم الله علييييك يارك ربيه ماتشوف شر يوليييديه
طلعت نور وراحت المطبخ دورت على بندول ورجعتبه
قربت منهم:جدتي دعيه ياكل هذا العلاج سيفيده قليلا
الجده:لا لا لا هذا خياااس بيزييييد ويعه
نور:جدتي انه خافضا للحراره ومهدي للالم
الجده:اظهري اظهري انتي شعرفج
طلعت نور وهيه محزننها زايد الي ماتوقعت انه اتشوفه منهد حيله بالطريقه هذي لاكنه صدق معثور
طاح في طبووووب يدته وطالعوله عاده متى بيفتك
اصرت الجده على زايد الي زاد ويع راسه انه يقعد ويستنشق الحلول الي هو عباره عن اعشاااب مطبوخه مع بعض وبخار هذي الوصفه له علاااج في نزلات البرد وشربه مفيد للمغثه
زايد اول ما قعد صرخ:حلووووول لا يدوووه دخيلج مادااااني ريحته
رقعته على راسه:امبووونيه انا ماقلتلك تعال صوبيه انزل تحت انكت تحت اللحاف اتنشقه يالله
زايد:يا يدتيه مادااااني ريحته
الجده:اص ولا كلمه
التفتت نور للجهه الثانيه تضحك وضوق عيونه وهو يطالعها وهز راسه متحلف الها
نزل زايد على الارض وغطته الجده مع غوووري الحلووول
الجده:نزل راسك تحت اتروحه عدل
زايد:ياااااااللــــــــــــــــــــــــــــــــه ماداني ريحته
الجده:جب ولا كلمه نزل راسك اكثر على الغوري خل البخار يدخل في راسك
نور قربت منهم :ههههه جدتي عليك به انه يستحق ذالك
زايد :بذبحج ان مسكتج اليووووم ذبحتج
الجده وهيه ترقعه على راسه:اص اص تروح الحلووول عدل
نور:ههههههه
زايد:ماعليييه وين بتروحين عنيه يابنت الباكستانيه
الجده:يعلك تفداااها بنت الباكستانيه اص ولا كلمه
طلعت نور وراحت عند البنات
كانت اليازي قاعده في المطبخ تاكل سندويج يوم دخل عليها فهد سحب الكرسي الي عدالها وقعد عليه رفعت نظرها له ورجعت السندويج للصحن
فهد:بلااااج كملي سندويجج
اليازي:شبـــــــــــعت
قامت والتفتت عنه وطلعت غمض عيونه فهد وهو محتاااار فيها
اما زايد بعد طبوووب يدته خذها رقده ليييين الساعه وحده فاليل
طلت نور على يدتها الي كانت قاعده عداله:هل تريدين مني شي جدتي قبل ان اذهب الى النوم؟
الجده:مشكوره فديتج
نور:لقد وضعت بعض الطعام في الخارج من اجل زياااد عندما يستيقض
كشف زايد اللحاف والتفتت له
زايد:ومنووووه زيااااد بعد هذا؟
ابتسمت نور:حمدلله على سلامتك
الجده:فدييييتك بخير انته؟
نزل زايد نظره عن نور والتفت ليدته:لين اتسبح وابدل ثيابيه عن هالريحه عقب بقادي بخير
الجده وهيه تمرر صبعها تحت عينها وهيه حركه مشهوره عند الجدات:نكر ويوووور
.................................................. ...........
احم احم ادري البارت اليوم مافيه احداث مهمه بس البارت الياي ان شالله بيكون غيييير وبيكون على الهوا مباشره لنقل فعاليات اخر يوم في التصويت واختيار الشخص المناسب لكرسي الشعب
فارجو من الجميع التصويييييييت ان كان زايد يستحقه ولا لااااااا
هـ هـــــــ هــــــــــــــاتشووووو ياويله الي ما بيصوت اليه...زايد بن محمد
"نـــــــــــــــــــــــور"
الجزء السادس عشر
على الساعه ثلاث زادت الحراره عند زايد الي قدر اخيرا يتصل على بدر ويطلب امنه اييه يطالع له حل ويخلصه من طبوب يدته
كان بدر واقف برا وهو ينتفض من البرد ومتلثم بسفرته
بدر:زاااايد ماتقدر تطلعليه برا؟
زايد :ياليييييت انا ميت ما اقدر اتحرك ياريال ادخل العالم كلهم رقوووود وبعدين هذا بيت نسايبك ماعليك من حد
بدر وهو متوهق:ياله امري لله ياينك...انا دخلت من الباب الي عدال الميلس وين اروح الحين؟
زايد:ادخل من الباب الي جدامك وخلك سيده بتحصل ممر قسم يدوه اخره
الاناره كانت خافته في طريقه الا من اماكن بعيده كانت روضه توها طالعه من المطبخ الي كان قبل قسم الجده وتفاجئت بهالريال الطويل المتلثم مار من جدامها
صرخت الخبلا:حرااااااااااااميييييييييي
كانت ردة فعل بدر بسرعه وهو يحط يده على ثمها ويلصقها في الساس في مكان مظلم
بدر:جب اص اص
روضه صدقت انه حرامي وتمت اتقاومه وتضربه سكنيه مشالله عليها
بدر:اصصصصصص انا بدر صديق زااايد ياي اخذه المستشفي
صخت اهنيه روضه
بدر وهو مايعرف منيه الي واقفه معاه ومفتشل على الاخر:عرفتيييينيه يقال انيه نسيبكم هاااه عرفتينيه؟
هزت روضه راسها بنعم وهو مسكر على ثمها
بدر:يعني ارفع يديه بدون صراااخ؟
هزت راسها بنعم صوته كان غيييييير وطوله جناااااان بس شكله ما شافته لحمار متلثم
بدر:السموحه انا ياي لزايد واسمحيليه
تركها بسرعه وراح للممر الي قاله عليه زايد
دق بدر باب القسم وياه صوت زايد الي كان قاعد على الكرسي ومتدثر بالحاف
زايد:ادخل
دخل بدر وشاف حالةزايد الي ماتسروعلى طوووول نقله للمستشفي
تجلبت روضه على فراشها وبعدها ريحة عطره ظاربه في راسها
روضه:فاااارقته من وين طالعليه هذا لا وطويل بعد انا قلت يمكن ايكون قزم اااه بس صوته عذاااب يخرب بيتيه انا شو صارليه تراه الاهوهو الي مادانيييه شيبة زمانه
في اليوم الثاني اتصل بدر عليهم وطمنهم عن حالة زايد.... نور من بعد ما عرفت بالي صار لزايد تمت مستهمه عليه لين ياها خبر انه بخير
...............................
دقت مي على روضه غرفتها
فتحت روضه:خييير
مي وهيه تصيح:ليييش يارويض ليش اتسوين جذيه
روضه:شوووه
مي:ليش اتروحين للمعلمه وتواقعينها؟
روضه:تستاهل البنات قالن اليه عن الي تسويه الج
مي:عاده مش اتروحين تواقعينها وتسويليه سالفه في المدرسه زين جذيه كل علاماتيه الي احاول ارفعهن نزلتهن
روضه :ماعليج منها انا باجر بلعن خيرها
مي:لا لا يكفي الي سويتيه....انا لازم اروح اتاسف الها وانتي روضه اتاسفي الها
روضه:والله لو اتموووت ما اتاسفت اتخسي
مي:عشانيه ياروضه انتي تبينها اترسبنيه؟
روضه:ماتقدر
مي:لا تقولين جذيه انتي مارسبتي مرتين الا بسبب وقعتج دوم مع المدرسات
روضه:انقلعي انقلعي انا الغلطانه
راحت مي وحصلت تيلفون بدر ايصيح ورجعتبه على روضه
روضه:منووه
مي :اهو اكيد يباج؟
خذت روضه التيلفون وهيه تدري اصلا بسالفته
روضه:الوووو
بدر:لحظه شويه
كان بدر متلوم في الي مسكها فليل ويخاف اتكون حرمة فهد ولا نور
بدر:ايووااا
روضه:نعم ...حيالله بحرامي الليل
بدر:انتي!!؟ زين زين والله كنت متلوم تكون وحده ثانيه
روضه:اوكيه في شي ثاني
بدر:يعني ماجن ولد عمتج مريض وتدرين انيه مودنه المستشفي مافي سؤال عنه
روضه:قالونا انه بخير...وبعدين انا اهو مايهمنيه
ارتاح بدر ان زايد مش اهو الي تقصد اتحبه
بدر:تدرين تفاجئت انج قصيره
عصبت روضه:نعم نعم انا قصيره ولا انته الطويل اتقول عمود كهربه
بدر:عن الغلط ياعقلة الاصبع
سكر بدر في ويهها من الغيض هو مايريد ايحط راسه براسها لاكنها تنرفزه غصب
روضه بعصبيه:هذا محامي هذا؟
.................................................. .........
بعد ماشفى زايد مر على يدته وسلم عليها وطمنها وماشاف نور لانها طلعت مع البنات وقالها انه بيروح دبي يومين قبل يوم الانتخابات عشان استعداداته الاخيره
عى المسا كانت نوره عند دانوه الي حست ان حرارتها مرتفعه شويه وقررت انها اتبات عندهن وفرشتلها ولفطامي تحت
كانت قاعده على طرف السريرثانيه ريل قاعده عليها وريل فاردتنها ومجابله دانوه
وكانت لابسه بجامه قطعتين وفاتحه شعرها
نوره:دانوووه ايعورج راسج؟
هزت دانوه راسها بنعم
نوره:فديييتج لاتخافين حبيبتي الحين بعد الدوا الي عطيتج اياه بيروح الويع
خليفه كان واقف وراها وجمدت نوره يوم سمعت صوته
خليفه:شبلاها؟
نوره بتوتر وهيه صاده صوب دانوه:فيها حراره شويه
قعد خليفه ورا نوره ومد يده لراس دانوه:اوديها المستشفي؟
نوره:لا عطيتها دوا ان شالله بتنزل
رجع خليفه ايطالع نوره الي كانت شبه قاعده جدامه وريحتها واصله خشمه وهيه اطالع جدام
توتر وخفقان في قلبه وشوووووق ذبحه خلاااص ايريدها طول الايام الي فاتت وهو يلوم نفسه على الي سواه وكيف انه خان اميره
الحين كل الي ايلوم نفسه عليه يحس انه على وشك الانهيار...مد يده ومسك ابها خصرها وانتفضت اهيه وبيده الثانيه جمع شعرها وحطه على جنب واحد وقرب بويه على رقبتها يطبع قبله الي ماقدر يمنع نفسه عنها
خليفه وهو يهمس الها:نووووره انا خلااااص تعبت ما اقدر اسوي شي انتي ذبحتييييينيه واميره في المستشفي تعبانه
بسبب زواجيه قوليليه شو اسوي انا من كمن يوووم وانا الوم نفسيه على الي صار بينا اميره لو تدري بتروح فيها
مدت نوره يدها وهيه ترتجف ليده الي ماسكه خصرها تحاول تبعدها
خليفه:انا احس انيه ضايع وما اعرف شو اسوي...شو اسوي يانوره عشان ابتعد عنج احس انيه كل يوم اريدج اكثر واكثر
نوووره انتي حاسه فيه؟
دانوه:خالوووه اريد انام عندج
تركت نوره يده ومدت ايديها لدانوه وشلتها وهيه تحضنها وقامت بسرعه تاركه الغرفه وهيه تروح لغرفتها بدون مايشوفها خليفه الي تنهد وطاح على سرير دانوه
خليفه:عذااااااااااب والله ان حاليه عذااااااااب
.................................................. ..................
كانت ام فهد تستعد لاستقبال اختها اليايه من منطقه بعيده منطقه نائيه وماشالله عندها عيال واااايد
مي:اميه بين عليا ومريوووم
ام فهد:شدرانيه اكيد بتيب اعيالها كلهم...متى قد خلتهم اهيه وراها
عليا ومريوم من سن مي وحده خمسة عشر والثانيه ثلاثةعشر وعندها رشوود ابو عشر سنوات وصلوووح ابو تسع وخدووم ابو ثمان وسعود ابو سبع وماشالله كل سنه ولد والبقيه ثلاث بنات صغار
غير فارس ابو سبعةعشر سنه
الجده:ووووواوووه منووو بيضوي علييينا؟
التفتت مي لجدتها:خالتيه غبيشه بتي
الجده:ايوالله الضويه القوم بتضوي علينا ...تعالي تعالي قومينيه خلينيه اروح اوثق سمانيه هذولا هب عيال ماشالله عليهم
ام فهد كان حاز في خاطرها كلام ام راشد لاكنها شو تسوي مالها بد من استقبال اختها والله يعينها لين اتروح
نور:من الذي سيقدم؟
مي:انها خالتي وابنائها
الجده:بنتيه طالعيلج عيشه وماي حق ثلاثة ايام انا وانتي بنصك علينا القسم وهب ظاهرين لين اتروح القوم الي بتينا
نور:ماذا تقول جدتي؟
مي:لا شي لا شي
الجده بغيض على مي:لا شي شي ...بنتيه الحين ييجي نفرات زياااااااده مشكله هذا راس مال انتي عور
ام فهد واهيه ماره:لا حول ولا قوة الابالله
التفتت الجده لام فهد:حولت عيونج عيل هب القوووم بتضوي علينا
ام فهد:يعني شو تبينيه يا عمتيه اسوي اقول لاختيه لا تيين
الجده:واهيه شبلاها ماتصك في بيتها اهيه وعيالها لمقلع هذولا...لازم تي تغث العرب
هزت ام فهد راسها انه مافي فايده
الجده:هييييه هزي راسج مستخفتبيه
وعشان ام فهد تتجنب ان الجده ما تغلط على اختها قامت وحبة راس الجده وتعذرت منها
الجده:عشان اتعرفين انج مسويه
ام فهد:صح انا غلطانه وبقول لاختيه لاعاد اتييين عندنامره ثانيه
الجده:هييييه معلووووم قاعده اتقردنيينيه
قربت دموع ام فهد تطلع خلاااص ماعاد عندها صبر
((بالله عليكم هذي العيوز شويسويبها الواحد وكيف يصبر عليها...الله يعينج يام فهيدان انا لوعنج يوم بتدخل قسمها بقفله وبضيع المفتاح وبدخللها عيشتها من الدريشه صح الكلاااام))
المهم على العصر وصلت القوم هههههه وانتي صادقه يايدوووه الخضره الي كانت في لاستقبال
صارت كل قطعه من قشرها في وادي والصاله صارت ارض معركه والخاله غبيشه اتسولف ولا تدري بالي يصير حولينها بس كل شويه اطاولت وحده من الي قاعدات على ظهرها ونزلتها تحت
غبيشه:اقعدي يابنيه....مريوووووم تعالي شلي ختج شلها ابليس
نور كانت متعجبه من الفاظ الخاله...كل شوي شتمت حد من العيال ودعت عليهم
همست الخاله لام فهد:هذي منيه حرمة فهيدااان؟
ام فهد :لا حرمته بعدها مانزلت هذي ابوها مرضعتنه عمتيه ويتيمه يابوها اتعيش عندنا
غبيشه:هيييييه وبلاها تتكلم غير نمونه
ام فهد بهمس:امها باكستانيه
غبيشه:وااااايه وانا اقول هالزين منوين ياااي ...اسميها في حله ظنج بتاخذ مطور اخو ريليه
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك