رواية لعنادك هويت و بحسنك خقيت -11
في المخزن كان كل الطرفين سامعين هالمكالمه
فيصل عصّب جاه بيطلع يتهاوش معاه حس بغيره الا ناااار الغيره تحرقه
سيلين سحبته وماسكته:فيصل بلاجنون
فيصل للحين معصب:اتركيني طالع طالع
سيلين:يافيصل تكفى ماابي مشاكل وراس اللي تغليه
فيصل هدّى:وراسك ماراح اطلع بس عشانك
سيلين:سخييييف
اما تركي :يللا مع السلامه<<سكر تركي وتوجه للمخزن:هذا اللي طلع منه الصوت
<<وبعدين راح للمخزن وتوجه له.... وهنا المشكله الكبرى............
...............................................
.....................................
نروح لعند العرايس
خالد:شلونك ساره؟؟
ساره بصوت واطي تقول دبيب نمل:بخير
خالد:دووم يارب......اممم سألتيني شخباري صح؟؟؟.....بخير الحمد لله
ابوخالد:هههههه.....متى سألتك يالوح
ابوفارس :الله يسعدكم ياعيال
ساره:انا أستأذن
خالد:لا على وين بدري<<ضاع الحيا
ابوخالد:اثقل ياولد خل البنت بحالها ......روحي يما الله معك
اما خالد كان طول الوقت مبوّز ماطول معها
ابوفارس:يؤيؤ خلوود ياوليدي ....احمد ربك خليناك تشوفها...يوم ماخطبت ماشفتها وكسرت خاطرنا قلنا يللا تشوفها اليوم ....بس موتطول على كيفك هوو
ابو خالد:إإإإإإإيييه يافايز عيال اليوم يبون كل شي على مزاجهم ...تذكر زمان ماكنا نشوف العروس الا بليلة العرس
خالد مصدووم:الله ليلة العرس اجل خلني ساكت بس
نروح عند تركي
دز تركي باب المخزن:في احد هنا؟!
فيصل كان مسكر فم سيلين
سيلين :فيصل اتركني
فيصل:اصصص اسكتي
<<كانو منخشين ورى الباب
تركي:يوووه شكلها قطوووه خلني امشي بس شغلت نفسي عالفاضي
وبعدها وخر عن المكان واختفى
سيلين:ههههههههههههه قطوه ههههههههههههه
فيصل:ايه اضحكي موانتي السبّه....تخيلي لو شافك؟؟
سيلين تبي ترفع ضغطه:عادي
فيصل:عادي هاا عادي بعينك
سيلين تكمل رواية رفع الضغط:رااح تركي
فيصل:بعد تعرفين اسمه....ايه راح ارتحتي
سيلين:قهــــــــــــــــــــــــــــــــــــر
فيصل طّر عيونه:نعم نعم!!!
لايكون انتي.............
سيلين:لايكون انا ايش؟؟
فيصل:امم ...سيلين بسألك سؤال جاوبيني بصراحه
سيلين:قوول
فيصل:انتي ...انتي تحبين؟؟
سيلين ببراءه:ايه احب كل الناس......إلا انت مااحبك ماادري ليه
فيصل:موكذا قصدي ...الللي اقصده في واحد بحياتك تحبينه وتعشقينه اغلب وقتك تفكرين فيه؟؟
سيلين:وليه تسأل؟؟
فيصل:لابس لاني أحب وحده بس هي ماتحبني تقدرين تقولين حب من طرف واحد .....هذي البنت هي اول بنت قدرت تشغلني ....بس اجلس لحالي افكر فيها اتخيلها.....يمكن ماكنت اتوقع بيوم أحبها...بس هذا اللي صار...صح عذبتني كثير ....بس هذا هو الحب لازم الواحد يتعذّب فيه .....تصدقين حتى احلامي لازم تكون فيها....واذا شفتها استانس ....صح كل ماشفتها لازم اتهاوش معها بس حتى فهواشي معها احبها واشتاق للهواش معاها....يمكن انا اقدر اتزوجها واهلي بيوقفون معي بس اخاف هي ماتحبني ....ولاتبيني..تدرين حتى لوكبرت ومااخذتها راح اعيش متعذّب ولاني مااخذ غيرها...يمكن فحبي لها عناد شوي بس صدقيني حبيتها ولااحد بينسيني اياها الا الموت
سيلين هنا حست بالغيره ماتدري ليش ..ياحظها الظاهر يحبها من جد وصادق في كلامه ...بس لحظه فيصل مغازلجي تلقينها وحده من البنات قاصه عليه
سيلين:ايه بس انت مغازلجي يمكن تكون وحده من اللي تعرفهم وقاصه عليك
فيصل يتكلم معها باءنفتاح:صح انا مغازلجي على قولتك ....بس عرفت ان كل البنات صفر ولاشي جمبها....كل هذوليك اللي عرفتهم نسيتهم وتأكدت انهم نزوه بحياتي وتسلايه كنت اتسلى فيها ...وصحيت وعرفت وش معنى لما شخص يحب ويغلي
سيلين:حتى مي في وسميه وهنوف
فيصل:كلهم اقولك كلهم......
فيصل بقق عيونه:انتي شدراك فيهم؟؟
سيلين:هاا...آآ العصفوره الزرقا علمتني
فيصل مسكها وقعد يتأمل وجهها:انتي ......الا انتي....انتي اللي بالمدرسه صح
سيلين بعد هي تأملته وتفقدت ملامحه لاول مره:ايه انا اللي بالمدرسه خلااص,,,,, لحظه لحظه انت اللي بالمجمع؟
فيصل مستغرب :مجمع؟؟أي مجمع؟؟
وخرت ايده وبعدتها...بس هو وقف قدامها
فيصل:سيلين ...بقولك شي البنت اللي أحبهاا هيـــ
7
7
انـــــــــــــــــــــــتـــــــي
سيلين انصدمت:.........................
فيصل:سيلين انا .....انا احــــــــــبــــــك
سيلين وطت راسها ووخرته من قدامها
بس فيصل بحركه جريئه وقفها وقرّب منها وحوّطها من خصرها :بتتركيني؟!....ارفقي على قلبي المسكين....بنت طالعيني شوي ...بس شوي تكفين ....تراك جننتيني
سيلين:................<<ماتت حيا من كلامه ..ومن نبرت صوته اللي عذبتها....
وركضت داخل البيت .....
وهو كان يراقبها حتى اختفت عن ناظره
رجعت سيلين للبنات غير سيلين الاولانيه كانت طايره من الفرح .....قالي احبك مااصدق .....انا والله اللي امووت فيه
اما منال بالغرفه
منال:يووه الحين تلقين سيلين الحين زعلانه علي
كانت سيلين ورى الباب سمعتها
سيلين:ةوانا اقدر ازعل على منولتي
منال:يااااحوووبي يانونا وربي ماقصدت أأذيك بس كنت بطيحك على خفيف<<لاياشيخه
سيلين:لاه ماشاء الله عليك ونعم النوايا
ميرهان :اقوول نونا
سيلين موفاضيه لااحد تفكر باللي غدى مجنونها:هممم وشوو
ميرهان توشوش منال:نقوولها وش قالت جدتي هيفا؟؟
منال:لالالا اسكتي
سيلين:هييه انتي وياها اخلصو قولو وش عندكم؟؟
ميرهان:.........................
خلــــــــــــــص البارت
ترقبوا الاحداث بالبارتات الجايه
وابي توقعااتكم لمنظور بعيد
PART 15
احبك
احبك
احبك
اصبر بعد
احبك
احبك
احبك
بعقلي وكلي
وأطييييييرررر لاقلت احبك
ماكأن فوقي سما وتحتي ارض
رجعت سيلين للبنات غير سيلين الاولانيه كانت طايره من الفرح .....قالي احبك مااصدق .....انا والله اللي امووت فيه
رجعت سيلين للبنات غير سيلين الاولانيه كانت طايره من الفرح .....قالي احبك مااصدق .....انا والله اللي امووت فيه
اما منال بالغرفه
منال:يووه الحين تلقين سيلين الحين زعلانه علي
كانت سيلين ورى الباب سمعتها
سيلين:ةوانا اقدر ازعل على منولتي
منال:يااااحوووبي يانونا وربي ماقصدت أأذيك بس كنت بطيحك على خفيف<<لاياشيخه
سيلين:لاه ماشاء الله عليك ونعم النوايا
ميرهان :اقوول نونا
سيلين موفاضيه لااحد تفكر باللي غدى مجنونها:هممم وشوو
ميرهان توشوش منال:نقوولها وش قالت جدتي هيفا؟؟
منال:لالالا اسكتي
سيلين:هييه انتي وياها اخلصو قولو وش عندكم؟؟
ميرهان:انتي انحجزتي من قبل جدتي هيفا وهبي اقصد هيفا
سيلين :استحي على وجهك لاتغلطين على توفي
منال:نعم نعم هذي تويفه ويخب قال توفي
ميرهان :المهم جدتي تقول انها كلمت فيصل ولد عمي وحجزتكم لبعض تقول عشان مايفكّر بغيرك ولانك بنت عمه وهو اولى فيك وكلام كثير حق عجايز
سيلين استحت بقلبها يعني صدق كلامه :لا ومين قالك اني بوافق توني صغيره
منال:لاوالله علينا سيلين خانوم هذا فصيل عين السيح ....يطيح الطير من السما
سيلين وانا اشهد موبس الطير اللي طاح حتى قلبي طاح بحبه :طيب وانا شقلت
منال:وربي لو اخذتيه من جد لااطير من الفرحه ....اصلا انا من زمان قايله انكم تليقون لبعض
سيلين مستانسه بس تذكرت شموخ يوووه:اسكتو طيب لاتسمع شموخ بعدين تزعل
منال:زعل بوجعل خلاص راحت عليها
ميرهان:لا صادقه شموخ بتزعل لااحد يجيب لها طاري
شوي الا ينفتح الباب
ساره:سيلين وييينك سااعه ادورك
سيلين:ايووه شرفت المسعده ...بغمزه :وش صاار على خلوودي؟؟
ساره رمتها بالمخده:اشوف فيك يوم ياكلبه ذيك الساعه اعرف اسووقك بالكلام
سيلين:اصلا بالسعوديه ممنوع السواقه للحريم هع
قربت منها منال وبهمس:لااخذتي فيصل تستلمك سواقه اعلمها؟؟
سيلين تخزها:لالاللا واللي يعافيك لااا
منال:هههههههه طيب
...........................................
مروا شهرين وباقي اسبوع على ملكة خالد&ساره
سيلين:يوووه سويره بقالي الكعب ماشريته
ساره:طيب تعالي معي اليوم بروح اجيب فستاني
سيلين :حلووو.....ها كيف النفسيه مستعده للملكه؟
ساره :الله يعين اكثر شي خايفه الفستان مايضبط
سيلين:الله يعينك خيتوو
..................................
................................
نروح عند الشباب
نايف:وش رايكم شباب بالدراسه بالخارج
احمد:تقصد الصياعه بالخارج
فيصل:,..................<<لاتعليق مومعهم يفكر باللي ماخذه عقله وكلّه
نايف:امم وش رايكم نكمل دراسه برا ياخي كلها كم سنه وتعدي وبعدين الشهاده اللي بنآخذها قويه مرغوبه خصوصا لاسمعوا انها من الخارج
ها شرايك فيصل
فيصل:.............<<بقلبه :آآخ بس عليها عيون موقادر انساها
احمد يهز بفيصل:هيييه فيصلللللل
فيصل توه الاخ يحس:هااااا
نايف:ياحسرتي وينك فيه اللي ماخذ عقلك يتهنى به
فيصل يرقّع:لابس احس بدووخه
احمد:اهاا ....كنا نتكلم عن الدراسه برآ
نايف:ايه وش رايك بالدراسه برآ كلها كم سنه وبتعدي صدقني
فيصل تحمس لانه من يومه يحلم يدرس برآ:والله ماهيب شينه ياولد
احمد:من جدك فيصل بتروح برآ
فيصل:ايه عادي مافيها شي اربع سنين وبنرجع بشهادة ترفع الراس
نايف:حلوو يعني لقيت لي واحد يسافر معي
فيصل:يعني انت معزِّم ؟؟
نايف:ايه خلاص قلت للاهل ووافقوا
فيصل:حلوو اجل انا بفاتح الاهل بالموضوع ...وانت حموني بعد كلم عمي بخصوص هالموضوع
احمد:على خير انشاء الله
..................
عند شموخ
شموخ:هلا لموي شخباارك
لميا :اهلا شموخ بخير الله يسلمك
شموخ:وين زمان عنك
لميا بنصب:والله مشغووله بهالسفرات والروحات والجيات <<ايه هين حدها اليمن
شموخ:يااي وناسه...اقوول لموي فاطمه وش صار عليها؟؟
لميا:والله مدري بس اللي اعرفه انها ناويه على بنت عمك
شموخ:احسن قال بنت عمك ....مدري اخوي وش شايف فيها...عموما انا داقه ابي منك هذاك الدوا اللي تقولين يفتّح البشره تعرفين الحين حر وجا الصيف
لميا:افا عليك ...بس ترى على بال مايوصل من برآآ تعرفين طلبيه يحتاج اسبوع<<ايه هين برآآ قال
شموخ :اها طيب
لميا:نسيت اقولك ان أيفل تاور بالليل ينوّر عرفتيه هذاك اللي بسويسرا<<تنقل ابراج على كيفها
شموخ:بس ايفل تاور بباريس
لميا:هااا ...ايه ادري وانا شقلت؟؟
شموخ:قلتي سويسرا
لميا تورطت:اوه ماعليه تعرفين من كثر السفر قمت اخبّص<<واااضح
شموخ:يااحظّك.....عموما لموي الحين انا بسكر ...باي
لميا:تسااو<<تقصد تشااو
...............
بيت ابوخالد عالغدا
احمد:يبا اليوم فاضي؟؟
ابوخالد:لاوالله ليه السؤال؟؟
احمد بتردد:لابس ابي...ابي
خالد بمقاطعه :لايكون بتتزوج؟؟
احمد:لاياشيخ أي زواج.......انا ابي اكمل دراسه برآآآ مع ولد عمي فيصل
شموخ سمعت فيصل زر عقلها:يااااي برآآآ وناااسه خذني معك
احمد بعصبيه:انتي صمخه ماتسمعين قلتلك بروح مع فيصل وواحد من الربع شلون آخذك؟؟
ابوخالد:والله انا ماعندي مانع الصراحه ....يوم السعد يوم ترجعون لنا بشهاده ترفع الراس
خالد:خلاص يااخوي اسمع انا أرسل لكم الاوراق بس انتوا جهزوا الاوراق وكل شي من الجامعه زين؟؟
احمد:زين بس مدري عمي يوافق ولا لا
خالد:الا اكيد عمي بيوافق دام السالفه فيها مظاهر وبرآآ...الا انتوا بتسافرون لبريطانيا
احمد:ايه
خالد:خلاص انتوا بس مثل ماقلتلك جهّز الاوراق
ميرهان:الله يوفقك يااخوي
احمد:يااحبني للناس اللي تدعيلي بس
بعدها قام احمد من الغدا عشان يكلم فيصل حتى انه ماكمّل غداه
...............................
تعآڵقبڵ ترۈح عني ..
..............................\\ ضمني ،..
أقرب منأنفآسيترے حآڵي ..
.........................................\\ صعيب ،..
.................................
عند بيت عبدالعزيز
السفره هدوء محد يتكلم
فيصل:يبااا
عبدالعزيز:نعم وش بغيت؟؟
فيصل عطاه اياها كاش:يبا انا ابي اسافر وأكمل دراستي برآآ
عبدالعزيز:والله زين انا ماعندي مانع اذا كانت الدراسه برى افضل وفصالحك وشهاده قويه ليه لا
ام فيصل :بس يابوفارس هنا اهله وناسه ....هناك اجانب محد بيداريه ولا بيوكله وبيجلس هناك كم سنه ماهيب هينه علي
عبدالعزيز:لا ياام فيصل ولدك كبير يعتمد عليه وبعدين هذا حال الدنيا لازم يذوق المر الواحد لو ماذاق المر شلون بيذوق حلاوة الدنيا؟.........وبعدين كلها كم سنه تعدي ...وبيرجع لك ولدك واذكرك
ام فيصل قامت من السفره تصيح ...كان فيصل بيلحقها بس ابوه مسكه
عبدالعزيز:ياابوي يافيصل انا يوم كنت 15 سنه سافرت لحالي وجلست شهور الحين انت شوي تصك العشرين وخايف من الغربه.....انت رجال ياولدي ماعليك زود يعتمد عليك ....وبعدين شلون تبيني امنع من شي فيه مصلحه لك بالعكس ياولدي اذا رجعتلي بشهادتك اللي هي بتفيدك صدقني راح اكون اسعد واحد ...وامك خلها علي ...روح انت الحين بشّر ولد عمّك وكمّلو الاجراءات
.............................
شلونك حبيبي . . . مشتااااقلك مر عمري كله حبيبي وانا تخيلك
بعدك ملاني جروح وفكره تجي وتروح
{~ ماتقول وين اروح لـــو احتاجلك ..
.............................................
اليوم هي ملكة ساره&خالد
ساره بغرفتها تصيح صياح يكسر القلب وحالتها صعبه مرت اختها سيلين من عند الباب وسمعتها ....طقت سيلين الباب
ساره مسحت دموعها:ادخل
سيلين راحت ضمت اختها وبحنان:سويره ليه تصيحين تراها ملكه موعرس هدي شوي
ساره:ادري انها ملكه موعرس بس وربي متوتره وبعدين تسريحتي اللي اخترتها موعاجبتني
سيلين:افاعليك بس الحين ندور سوا على احلى تسريحه لااحلى سوري
ساره:تسلمين يااحلى اخت بالدنيا
.........................................
اما عند خالد العاشق الولهان
خالد:ميرهان شموخ تبوني اوديكم للصالون اللي بتروح له ساره؟؟
شموخ تتصفح المجله وبقرف:لامانبي نروح هناك احس بكتمه
خالد:وشو كتمته؟؟
هنا دخل احمد:سلام
شموخ:ايه كتمه ....انا اقول لوماخذلك فاطمه احسن لك من هاللحجيه ساره
خالد بعصبيه مد يده بيضربها بس مسكه احمد
احمد :هدي ياخالد ماعليك من هالسفيهه
اما تالا وديالا كانو يشوفون هالمنظر وخايفين اخذتهم ميرهان وطلعتهم لغرفتهم
خالد بصوت عالي:اسمعيني عدل لو كل بنات الديره خلصوا ومافي الافاطمه ماخذيتها فاهمه هذا اللي كان ناقصني وبعدين موانتي اللي تشورين علي وتعيبين بساره سامعه
شموخ بصياح:بتضربني هاا عشان وحد ه ماتسوى هين ياخالد والله مااحضر ملكتك
خالد باءستهتار:هذي الساعه المباركه والله
احمد:بس خلاص انت وياها تراكم اخوان وبعدين انتي ياشموخ لاتنسين ان خالد اكبر منك والدنيا قسمه ونصيب ونصيب خالد ساره
شموخ:وفاطمه وش ناقصها مال وجمال وبنت عز مومثل ساره مشفوحه
ماصدقت لقتلها واحد يحبها
خالد:انطمي ...وعطاها كفــــــــــ
طآآآآآآآآآآآآآآآآآآآآآآآآآآآآآآآآآآخ
....انتي وحده مريضه نفسيا ماتفكر الا بمصلحتها تفوو عليك
احمد:خلاص امشي معي انت اليوم ملكتك لاتخر ب على نفسك
خالد:حسبي الله عليك كانك خربتي علي ليلة فرحتي حسبي الله عليك
احمد بحده:اطلعي بسرعه فوق لغرفتك
بغرفة تالا ديالا
ميرهان:اامممم وين فساتينكم طلعتوها بعدد شوي تلبسون ونروح بيت عمي
تالا:الله بنروح عند لارا
ديالا:ايه بنروح...ميرهان ممكن سؤال؟؟
ميرهان:اكييد قووولي
ديالا:ليه انتي تعاملينا زين مومثل اختي شموخ ماتحب احد..؟
ميرهان:لايااقلبي تحبنا بس هي الحين متضايقه من شي...بعدين عيب تقولين عنها كذا
تالا:لاموعيب هي اليوم زعلت اخوي خالد واليوم ملكته هي شريره مانحبها
ديالا:ايه مانحبها
ميرهان:لاياحبيباتي مايصير هالكلام ...بعدين اذا كبرتو بتعرفون انها تحبكم ,.....بعدين يمكن بيوم تحتاجونها اوهي تحتاجكم واحنا كلنا اخوان لازم نحب بعض ونساعد بعض ....وانتوا اذا جلستوا مع شموخ بتحبونها....يللا الحين خلونا نقوم نلبس وش رايكم
تالا وديالا:يللا
....................................
........................
عند احمد &خالد
احمد:هدي ياخالد انت تعرف اختك بزر ماتعرف وش تقول
خالد:لاوالله وانا ناقصها يعني ....انا ماصدقت يااخوي القى نصي الثاني عشان تخرّب علي ....شوف يااحمد وربي اذا قربت من ساره ولاسوت لها شي لااخليها تندم عاليوم اللي انولدت فيه
احمد:اكشخ لهالدرجه تحبها ...اثر الحب عاميك
خالد:ايه اسكت يااخوي خلها على الله بس .... دق على ميرهان قولها تتجهز قالتلي اوديها للصالون
احمد دقق بملامح خالد:اقول رح ضبط ذقنك وحالك اليوم ملكتك ...انا اودي ميرهان
خالد:مشكور يااخوي ياعزوتي انت عساي بس اقوم بالواجب بعرسك
احمد:نشووف عاد لاجا عرسي انا بريّش واصير على قولة المصاروه سي السيد وانتوا اخدموني
خالد يدزه:اقوول طير مناااك لاتتأخر
احمد:هههههه طيب سلااام
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك