رواية لعنادك هويت و بحسنك خقيت -1
بسم الله الرحمن الرحيم
يسرني في هذا اليوم الموافق 1430/10/14هـ
ان اضع بين ايديكم روايتي الاولى
فأنالن اجد مكانا يقدّر كما شاهدت تقدير
من هذا المنتدى (منتدى غرام)
اتمنى ان تتابعوا روايتي وتحبوها
وارجو كل الرجاء من ناقلي روايتي
ان يذكروا مصدرها للامانه
روايتي فيها من كل شي شي
فيها الدجه والرجه
الرومانسيه والعاطفه
الحزن والفرح
وكل ماتتمنوه
بكل الحب أبدأ روايتي تحت عنوان
◄♥♥ رواية لعنآدك هويت...ولحسنك خقيت ♥♥►
..،؛، الحسن خقه ،؛،..
زود دلال الحسن خــقــه :: مثلك لزوم يكون خـــقــــــــاق
أشعل غرورن فيه رقــــه :: يرتاح به لي خاطاره ضـــــــاق
لا تفتح الخفاق شـــقـــه :: قلبي لسيف الشوق مشتـاق
عقه لثام الويه عــقــــــه :: أبغيك تسقي الحاسد أعـــواق
تاج العذارى تستـحـقــــه :: أجمـاع مخــلــوقــن وخــــلاق
خدن تغذى نور برقـــــــه :: مايكبه مضمـــــون لـــــــوراق
من الضبايا انت دقـــــــه :: جيدن يمادي شمس لشـــراق
والا الرمك مسلوب حقــه :: ردفن شكت من حمله الساق
عليك دمع العين ودقــــه :: أن خنتني من بعد مـــيــثـــاق
وأن ييتني صحيت شهقه :: عقب أنقطاع وموت لــريـــــاق
دام الغلا وأشواق عرقــه :: ينبض وعقبك صابه أغــــــلاق
رفقه ورفقه فوق رفـقـه :: لعيش لك هــايــم وعـــشـــاق
لا تلومني لو صرت لزقـه :: مزعج وذوقي غـيــر لــــــذواق
نار الوصل يا زين لبـقــــه :: أشد من هــايــوس لــفـــــراق
المقدمه:
روايه مزج بين الحقيقه والخيال ,ابطالها قد يكونو حقيقيون يعيشون بيننا والبعض الاخر قد لايكون,فمزج الخيال بالحقيقه إما ان يكون حقيقي في الخيال أو خيال حقيقي,فمثال الحب العفيف الطاهر قد يعتقد البعض انه نادر الوجود مستحيل الحصوول ,ولكنه موجود بيننا في مخيلتنا التي قد تكون في يومٍٍ ما حقيقه
<<وهذا مااعنيه من جملة مزج الخيال بالحقيقه
الصدف... وماادراك مالصدف
الصدفه مهمه في حياة الكثيير ..قد تكون كثيره في حياة البعض والاخر قليل ,,ولكن ليس هذا المهم ,,,المهم هو اهمية تلك الصدفه التي تغيٍر من مجرى حياة اصحابها..ليس ذاك التأثير العادي انما هوتغير جذري
دعونا نتحدّث عن الخيال..فالخيال ابداع رسمة فنان يرجع للمتخيل ..فلوندقق لوجدنا ان للخيال سلبيات وايجابيات كما للانسان
من أهم تلك الايجابيات بث الامل في روح المتخيل والتفاؤل,, ومن سلبيته تجعل المتخيل يندمج حتى يفوق ويصدم بالحقيقه المره .....
لاأطيل عليكم فهذا وصف ذو منظور بعيد لابطالنــــا
التعريف بالشخصيات
بشكل عام عائلة ال....... عائله مشهوره بالسعوديه ومن اغنى الاغنياء هذي العائله لها تاريخ حافل ولكن بسبب الطمع والجشع اللي دخل في قلوب الاخوان بعد وفاة ابوهم كثرة المشاكل بينهم وتفرقوا بسبب الفلوس
أول عائلة:
عائلة ابو فيصل:
اسمه عبد العزيز الاخ الاكبر يبلغ من العمر 55 سنه رجل اعمال يمتلك اكبر شركه بالمنطقه الشرقيه معروفه قلبه اسود يكره الناس همه الاول والاخير الفلوس رغم انها فرقتوه عن اخوانه
زوجته ام فيصل اللي هي فوزيه انسانه طيبه جدا قلبها ينقط عسل ياربي مهما سوى فيها هالكلب زوجها تسكت<<خربت البرستيج هع
وتستحمل كل هالاذى بس عشان خاطر عيالها حنونه وتجنن بالمره
فيصل ولدهم <<احلفي عمره 18 سنه ثالث ثنوي ياربي هالصبي شوبيعئد <<قلبت اللهجه
طويل وعنده عضلات , اسمر شعره اسود موناعم ولاهو خشن يحب يسويه سبايكي خشمه مثل سلة السيف لوتجيبون له موز قشره بخشمه <<اعجبكم بالوصف احم نكمل ورموشه كثيفه تقل غابات استوائيه <<محد بينحسد ابد ومغازلجي ملعون خير <<بدينا بالسب وكله على بعضه مزيون مملوح ملح وسكر واللي تبون ,قميل قمال مالوش مسال وعيونه بنيه فاتحه مع النور تعطيك اللون العسلي اذا ابتسم تدورون النور تلقون ساطع مابين حلجه <<تقصد اسنانه وه بث ع الابتسامه الخيال
وربي لاتروحون ملح دمه خفيف تقول لخفه القصبي استريحي ومهبل درجه اولى مونس نفسه ومافي شي يكدر صفوة جوه
منال: 16 سنه نعومه مره كيوت قمحيه ووعيونها عسليه شعرها يوصل لين نص ظهرها تهبل هالبنت اذا جلستي معها ودك لو ماتقومين من عندهاهي وسعيد بهواش لانهائي بيدخلون كأس العالم على كذ1 خخخخخخ
سعيد 14سنه ايامه كلها عيد بعيد والحزن عن هالورع بعيد بعيد وصل لثالث متوسط بالدف والتفحيط والتقحيص لايغركم انه بالمتوسط لوعلى دراسته كان عاده بالابتدائي لاه ومطول بعد يموت بشي اسمه مقالب واحراج خلق الله وعينه زايغه عالبنات هع لازم هالحركات وفيه شوي من اخوه فصفص بس اخوه احلى
عائلة ابو فارس
ابوفارس(فايز) :عمره 52سنه اخوه ابوفيصل أخذ ورثه من ابوه بعد مامات ولكنه سلم امره لربه ورضى وسكت وهو داري انه بيوم راح يآخذ حقه ان مااخذه الحين بياخذه بالاخره وخايف على سمعة العيله وماوده يفضح اخوه الكبير قدام الناس اب حنون عطوف فاهم عياله يشتغل محامي
ام فارس (موزه(نسانه كل الناس يحبونهاماشاء الله مابقت عرس الا وحضرته انشغلت فتره عن عيالها
ولكن ابوفارس نبهها بطريقته الخاصه وانعدلت وهي اصلا تموت بعيالها وتفديهم بروحها آدميه فري وتحب المزح رغم كبر سنها <<قسم بالله موهينه هع
فارس اكبر عيالهم عمره 22 يدرس هندسه طيوب يحب خواته حييل طموح وعنيد كما هو سائد في اغلب ابناء العائله <<اموت يافصحى جنتل مان بقوه
ساره: 19 سنه المفروض بالجامعه بس سقطت مرتين هالبنت فله وشقه واللي تبون هي واختها سيلين مايفترقون ابد اذا اجتمعوا اعرفوا ان على الدنيا السلام حلوه ونحيفه مهما زطت من اكل وشرب ماتسمن تدنن بالمره وكيوت عيونها واسعه وشعرها بوي قصير وخشتها ضوغننه وفمها خط <<ماحلفتوني بالله انه خط نفس بنات الانمي كلن يتريق عليها بس الناس اخر همها <<تعجبني شعارها طنش تعش تنتعش وبالنهايه تنخرش
سيلين :
17سنه ثاني ثنوي <<هالبنت خقق بكل معنى الكلمه عليها جسم خيال صوحيح انها عصقوله بس جونآآن موطويله ولاهي قصيره مربوعه وعيونها واسعه ورموشها كثيفه وعنونها مسببتلها مشكله كل ماشافها احد يقولها حاطه عدسات تقولهم لاع ماتفهمون <<يحق لها انواع السماجه
لون عنيها اخضر وعسلي مع الشمس تعطي لون ذباح خشمها واقف ضغير وفمها مليان طبيعي لون شفايفها ورديه واسنانها كنها لولو مرصوصه شعرها طويل لين نهاية ظهرها مدرجته عالموضه لونه اسود تحب حركات وقصات الايمو هذي الجيرل<<اعجبكم بالانجلش
تنفذ التحدي تموت بالرقص ومتقنه له خصوصا الهيب هوب الاجنبي <<ياخطيره شخصيتها قويه حساسه ودمعتها طارفه تكره الاولاد وتحس ان ابوها عمله نادره مستحيل تتكرر
نادر14 سنه كبر سعيد عندهم بالبيت ديوانيه عازم الربع ومقلطين عنده 24 ساعه حبوب دايم يلعب مع سيلين اخته كوره وويحبها ويخاف منها اكثر من ساره ممكن يراددها ويترفس ببطنها وهي ولاشي <<وراعين اخر زمن
لارا :10سنوات
تحب حركات الكبار وتحب تلبس كعوب وتحب جلسات العجايز كل ماشافت عجوز طقت معها سوالف وسألوها عن سبب هالجرم قالت عشان يخطبوني <<اقولكم الجيل رايح فيها
لسانها طويل وفضيحه ما تتآمن حلمها وطموحها تتزوج حسين الجسمي<<امزح خخخخ
عائلة ابوخالد
ابوخالد (منصور):50 سنه
رجل اعمال ولكن موبدرجة ابوفيصل اخذ حقه من الورث ولكنه موكامل ومحد يدري بهالسالفه الا ابو فارس
اموره متيسره رجل محايد ماعنده مشاكل مع اخوانه عبد العزيز وفايز هدفه في حياته انه يصلح بين اخوانه وابوفارس ماعنده مشكله كل المشكله تكمن بابوفيصل العجيز وكل مافتح بوخالد مع ابوفيصل الموضوع كان يهدده بانه يآخذ منه الورث لانه نصب عليه وقله انه عطاه اكثر من حقه <<المال مال ابونا والعجايز سرقونا<<ماادري صح ولا لا
احم احم عنده 6 عيال وعيلات
زوجته ام خالد متوفيه من حوالي خمس سنوات ولايفكر بالزواج نهائيا لمن يرغب بالزواج نرجو الاتصال على<<دعابه دعابه خخخخخ اقولكم مومفكر حتى يتزوج
خالد :25سنه عضلات بكل معنى الكلمه قمحي اللون مايعطي البنات وجه ابد <يعجبني ولد ابوه له عوارض واحلى مافيه خشمه واحسه عالموضه مهتم بنفسه ويكره الزواج وسوالفه ويشتغل بشركة ابوه
احمد:18 سنه صديق فيصل الروح بالروح مستودع اسراره بعد وفيه هالانسان من الزين حبه <<سوري اقصد حبات مزيون ماعليه وحب في حياته كثير ولكنه كان يتسلى وصارتله مشكله مع وحده من اللي تعرف عليهم وبعدها صار يكره البنات <<تعقد المسكين
شموخ : 16 سنه تحب تهتم بنفسها بس لاتحاول الشين طول عمره شين شكلها شر بشر وعيونها سود كبار احلى مافيها وخشتها كبيره تقل ستاد الملك فهد بالرياض وفمها طويل طريق الهدا ذهابا وايابا دلوعه بشكل يقرف ماعندها صديقات تقول محد يوصل لمستوى جمالها وتفكيرها<<اموت انا يامحمد نور خخخخ
ميرهان :13 سنه ناعمه وهاديه ينضحك عليها بسهوله لدرجة انها تصدق اي شي ينقال لها تكره المدرسه كثر ماتكره اختها شموخ فيها من احمد اخوها
تالا وديالا:توأم 10 سنوات
مايتشابهون ابد وحده سمرا ووحده بيضا على امها الله يرحمها كأن وحده جايه من بطن والثانيه من كرش <<ابوك يالتعبير هع
سوسات مايجلسن بمكان
طبعا هذول من العائلات البارزه في الروايه وراح نتعرف عالبقيه من خلال تفاصيل الروايه
قبل 3 سنوات
كانت بطلتنا في الصف الثاني متوسط
في إحدى المجمعات التجاريه بالمنطقه الشرقيه
ساره:سيلين يااي شوفي هالفستااان حلوو
سيلين :ألله نفس فساتين الاميرات ...<<وقفت الاخت مصنمه عند الفستان ولا احد حولها الكل مشى عدا هي تتأمل بالفستان
اما عند اهلها
ام فارس خايفه على لارا لاتضيع لانها حركيه:ساره امسكي اختك لارا لاتضيع
ساره:ماسكتها يما بس خلنا بعيد عن البلالين هاللي تطير اشوف عيونها عليها<<عشقها هالبلونات(بلونات=نفافيخ<<شي يطيربالهواء<<يمديكم عالتعبير)
ام فارس:واختك سيلين وينها؟؟
ساره:هاااه ...أيه سيلين راحت تشتري موويه<<ترقيعه واااضحه
ساره بقلبها:ويييين طست هالكلبه ياويلي لو اقول لامي تذبحني
اما عند سيلين <<للحين الاخت لازقه بالفستان حالفه يميين ماتوخر عنه ماصحت الا على صوت:عاجبك الفستان يااحلو اجيبه لك..اصلا انتى احلا منه يااحلووو
لفت سيلين لقت واحد شيفه له ضرووس عرفت انه من هالدشير:اقول خر عن هنا ياابوضرووس تقل كأنك جازورا وربي لاألم الناس عليك
الولد:كله منك حلو دراكولا جازورا اللي هو
بهالوقت تجمعو الشباب عليها طبعا هي كانت ميته خوف لانهم موواحد او اثنين شله كامله
هنا صاااحت من قلب<<بس على فكره هالذئاب مالهم قلب
من بعيد واحد ستايله بدوي بحت هو الاخر كان صف اول ثنوي وتعرفون عيال المدارس لازم يهايطوون بهالعمر مايعرف الا الثووب<<يقولون يازين الراحه لاراح لثالث وثاني كشخ <<سبحان مغير الاحوال
شاف شله ملتفين على وحده مسيكينه تصيح شلة مدعاه بالكوول<<شباب الكوول على طوول يجيبو قوول<<برآآ
مر من جمبهم سمع واحد يغازلها:وربي ان عيونك ذباااحه ماترحم
فيصل انقهر طالع البنت لقاها شريفه مبين عليها ماعندها حركات ولا ليش مستنكره ....راح من وراه وعطاه بكس
نساه حليب امه اللي جابته...... <<طبعا شلة الكول يااي من شافوا الهوشه شردو يخافون من عيال الشوارع هع
الولد يستنجد فيهم بس مايشوف الاغبرتهم هع
أشر لها فيصل بأنها تروح
تحركت سيلين وراحت تدور على اهلها وطول الطريق تدعي لهالشخص اللي انقذها شكله ولد حلال<<طبعا لايغركم هو مغازلجي بحت ....ولا شدراه بنوعيتها ؟؟ ...كسرت خاطره واشتدت فيه النخوه
بعد هالموقف سيلين عرفت ان فيه كثير عيال حلال والدنيا لسا بخير مهما صار مافي مكان كله شيون وزيون شي طبيعي في استثناءات
راحت لامها وخواتها رقعت السالفه بأنها شافت خويتها وتكلمت معها واخذهم الوقت
بعد مرور 3 سنواااات
Part 1
في يوم الخميس الساعه 4 العصر بغرفة البنات تحديدا
ساره منسدحه بالسرير: اقول نونا
سيلين تآكل ايس كريم: هاه
ساره: وهواة ياربي بقره انتي هاه
سيلين: وجعاخلصي شبغيتي
ساره: اممم وش رايك باللي في الفلم
سيلين:وع تقل صابغينه هالاشقر المعفن روحي الله يقرفك بس
ساره: اصلا انتي مايعجبك الا البدوي الكحيان الجاي من الباديه
سيلين : تمثل انها دايخه : ايه وه يالبى قلوب البدو وانتي الصادقه البدوي وخصوصا لاجاك اسمر
ساره :ماادري انتي شلون اختي مع هالذوق المنيل بستين نيله اقول بالله اعشقي الراحه قال عبيد ....اممممم اسمعي نونا وش رايك نقلب كيان ام البيت ونرجع ايام زمان
سيلين :بتفلسف: امم لالالا ماجازتلي الفكره انا اقول لو نقلب كيان ابو البيت احسن لان الام حملت 9شهور ور....
ساره:تقاطعها:بس خلاص صكيتي راسي قولي يا ايه يا لا ليه التفلسف, اسمعي بنقلبها حفله شبابيه نلبس ثياب اخواني ونرقص عالسامري وننادي مها وريم شقلتي؟!
سيلين:بفهاوه: هاه حلوو ايه حلوو حلوو
ساره:وشو اللي حلوو صحصحي معي يازباله <<تمون الاخت .
الحين روحي جيبيلي من غرفه فارس ثوب وانتي دبريلك وجيبي لمهاوي وريوم طيب
سيلين:وليه يعني انا اللي اجيب يعني ادري اني مهجده بس ماانكرف كوذيه عموما انا بآخذ من عند نادر خبرك انا دايم العب معه كوره وكل تيشيرتاته تجي كبري صراحه اشك ان هالولد بلغ
ساره:عمى استحي على وجهك حتى العيال ماسلموا منك
سيلين:اقول سوير وش رايك بعد مانسوي هالحفله نروح عند
لبنك المركز عفوا اقصد
الوالد ونآخذ منه قروش ونطس نتعشى بره
ساره :امم فكره مش بطاله
سيلين: اقول انتي ووجهك داريه انها مش بطاله غصبن عن خشتك تقول كنك مركبه بلوكه موخشه
ساره :هيه نسيتي نفسك تراي اكبر منك
سيلين:اوه العذر والسموحه جدتي قماشه
بس وبعدها جو مها وريم وارتجوا وسووا هبال واخذوا الكاسيتات من عند اخوهم نادر بالسر والسرقه والنهب وصوروا هبالهم بعد<<ذكروني بناس
نروح شوي عند عائلة ابو فيصل
تحديدا شركة ابوفيصل
ابوفيصل: هلا والله بولد العم محسن نورت الشرقيه بقدومك
محسن: هلابك منوره بأهلها والله كبرت ياولد العم ههههههه عشرين سنه مانشوفك <<محسن ولد عمهم تاجرمعروف له صيته بالمنطقه الشرقيه
ابوفيصل:والله هذا حال الدنيا وخبرك العيال كبروا والمشاغل كثير هاه بشرني عسى امورك ماشيه
محسن: الحمدلله كل شي تمام ,الاماقلتلي شخبار فايز وناصر
ابوفيصل:تقصد اخوي منصور
محسن:<<طايح وجهه الا منصور معليه العذر والسموحه عشرين سنه موهينه المهم شخبارهم؟!يقولون انكم انفصلتوا صحيح هالخبر
ابوفيصل:بقلبه(وش هالسماجه واللقافه ياشيخ) :هاه ايه اقصد لالا مانفصلنا ولاشي
محسن: للحين ساكنين جمب بعض ولا لا لان ابوك كان يقول من بعده مالي الا الثلاث هم اللي يشيلون اسمي وفايز كان متقن لاداره الشغل ولازم تبينون انكم مع بعضكم عشان الناس تثق فيكم وخصوصا للتجار ولازم يكون معكم فايز لان كل الناس تدري انه خبير بالاداره وابوك يثق فيه وامك المسكينه مابقت عجوز الاوقالتلها انها ودها تشوف ولدها فايز اللي انتم حارمينه منها
ابوفيصل: ايه حنا ساكنين جمب بعض وفايز معنا بعد مانفصلنا<<الكذب عيني عينك
محسن:ابوفيصل موعلي انتوا لازم تشترون لفايز فله جمبكم عشان تخمون الناس ان فايز معكم والتجاريثقون فيه وهذا من صالحكم وجيب طاري فايز قدامهم عساس هو المشرف عالاعمال وصدقني بتكثر الصفقات ولازم تخلي بناته مع الناس الهاي كلاس موبمدارس حكوميه منتهية الصلاحيه
ابوفيصل:يعني انت تشوف كذ1 بس بناته بمدراس اهليه على مستوى ويمكن تشابه اسماء
محسن:ايه اشوف كذ1 ,وبعدين موانا اللي اقول كذ1 واحد من الفراشين قالي اسماؤهم يحسبني ابوهم وتاكد طلع ابوهم فايز
وانا بزوركم بعد شهر مع اللي بنتعامل معهم في بيت فايز اللي راح يكون جمب بيتكم عشان تتم الصفقه والناس تشوفكم مجتمعين وتتلاشى الاشاعات فأنت دبر نفسك في هالشهر
ابوفيصل:مصدوم:انشاء الله يامحسن تكفى ضبط سمعتي عند التجار وانا بجيب طاري اخوي وبرفعه امري لله لان الوالد الله يرحمه كان يعتمد عليه وكل التجار يشوفون انه افضل مني
محسن:اهم شي تنفذ اللي قلتلك وراح تتم الصفقات بأسرع مايكون خصوصا ان التجار يحسبونك فايز فتحمسوا ويوم قلتلهم عبدالعزيز ترددوا
ابوفيصل:عاد هذي اهم صفقه لاتروح علينا نفلس
محسن:طيب الحين انا بستأذن مع السلامه
ابوفيصل:اذنك معك مع الف سلامه
ابوفيصل:مقهوركسر كل اللي بالمكتب:ليه كله فايز فايز الله يآخذه انشاء الله
عند ابو خالد بالسياره يكلم جوال
ابوفيصل:تسمع وش اقولك ينقلون من مدارس الحكومه يعني ينقلون
ابوخالد:بس انت ماتدري عن ظروف الرجال يمكن ماعنده فلوس يدفعها للرسوم
ابوفيصل:اوه خلاص انا ادفع لهم اهم شي سمعتي فاهم
ابوخالد:بس حرام مابقى الا شهرعالامتحانات
ابوفيصل:بلاامتحانات بلابطيخ وانا شسويلهم يعني بتقول ولا كيف
ابوخالد:بتنهيده:امري لله بقوله
ابوفيصل:وبكره تعالي ابيك بموضوع ضروري فيه حياتي او ماماتي<<طبعا السالفه فيها فلوس
مع السلامه
ابوخالد:مع السلامه
في جهه ثانيه المدرسه الثانويه للعيال
احمد:اقول فصول وش رايك نهرب من هالزريبه<<ونعم الاسم
فيصل:والله فكره حلوه والله وصرنا نفكر يامريم نور <<ماادري وش وجه الشبه
وش علينا بعد الفسحه
احمد:علينا كيمياء
فيصل:اهاا الحجم العائلي تقصد قل كذ1 وانا افهم دووغري خخخ
احمد: كاكاكاااااااا هااوش رايك فركنا
فيصل:فركناا يللا قم
احمد:وش اقول لجدتي
فيصل:قلها اي صرفه دبرها بتدابيرك
احمد:على قولتك عجوز ماتدري اي ترقيعه بتمشي معها لاوالترقيعه بتمشي وهي لا خخخخخخخخ
فيصل عند الحارس:ابو سراق بابا دء عالاداره وبيئول اعطي ابوسراق ميه يطلعك انتى وابن عمك ايه رأيك؟<<اموت عالمصري
ابو سراج:لامااقدرش مايصحش كده انا ماهربش حد
فيصل:طيب ميتين حلوين صوح لاتقول لا لاقسم اشيل بقيه الطقم المخلع اللي ببلعومك
ابو سراج:لوعاوز افتحلك باب السيار حفتحهولك انا قاهز
احمد:لايابو ندل انت تقلع منا ولاتعلم احد وحنا نكون بخير
طبعا السياره فيراري حمرا كشف 2009 جديده
فيصل:وش رايك نروح الراشدشقلت؟!
احمد:لاخلني ابدل بالاول ودني البيت وانت بدل
فيصل:طيب ياحسين فهمي
احمد: وش معنى حسين فهمي
فيصل:لانه مخقق العجايز هع
احمد:بئولك ايه نأطنا بسكاتك ياراقل
فيصل:اموت عالمصري ابوسراق خخخخخخخخخخ
شوي وصلوا البيت
احمد:يللا انطرني لاتروح
فيصل:وانا اقدر اترك حبيبتي حمودتي الغاليه
احمد:سكر الباب بوجهه بأقوى ماعنده
فيصل:هههههههههههههههههههههههههههههه ياربي بطني والله انه مخفه
احمد:رجع مره ثانيه
فيصل:خير وشبك
احمد:اقول انت ماتبي تبدل ترى ملابسي ملابسك ياولد العم
فيصل:لاياشيخ مقدر عالمسلسل البدوي ماباقي الا تقول وين القهوه المهلي مايولي طس مناك هنا بيتنا انا بروح وبعطيك ميس كول واطلعلي اوكيه
احمد:خلاص اللي تشوفه لاتطول سامع
فيصل:قول لنفسك يارشدي اباظا
احمد:والله اشك انك شايفلك امس فلم مصري من السبعينات من اليوم وانت تشبهني بعيال السبعينات طس مناك وانتظرني هنا
فيصل:ليه قالولك كومار ولا شمس الدين
احمد:تصدق فيك من كومار ومن الحمار بعد خخخخخخخخ
فيصل:بايخه بسلكلك هالمره ويقال اني ماسمعت يللا لاتاخرنا بسرعه
احمد:يللا سلام
وبعد ربع ساعه خلص فيصل وعطاه ميس كول وكولين وثلاث اكوال لكن محد عندك
احمد عند الممر يتضبط بالمرايا: ياللي على البال تطري وانت ماتدري وش ذنبه الي يحبك وانت خليته <<انواع النشاز
بس شكله كان يشفعله كان لابس تيشيرت رياضي لبرشلونه وجينز ازرق لو ويست خطير ومخلي شعر مموج على طبيعته ومضبط له عوارض ولابس شوز اكرمكم الله اسود كشخه وطبعا النظآرات الشمسيه <<فظيييييييع
شوي الايدخل ابوه معصب واحمد سمعه :ياويلي ويلاه شسوي وين اروح فكر انه يطلع من المطبخ ولكنه تذكر جواله بالصاله
احمد يكلم نفسه:اماا يلعن ام الحظ اللي علي اكيد فيصلووه حرق الجوال من كثر مايدق شلون اطلع وبعدين غريبه الوالد طالع بدري يوووه
الجده:خير ياوليدي وش اللي صاير اكيد اخو عبدالعزيز اللي مكدرك
ابو خالد:لايايمه مافيني شي
الجده: انا ياوليدي ابي اشوف ضناي فايز هو وعياله لي 15 سنه اقولكم وانا ماادري متى امووت
ابو خالد:<<حفظ الاسطوانه من كثر ماتنعاد:قريب يمه هالمره اقولها لك وانا متاكد
احمد يمر بالصاله :اوه ابوي هنا ومحد قالي
ابوخالد:حموود موالمفروض تكون بالمدرسه شجايبك بدري
احمد:عندنا يوم مفتوح <<اموت بالترقيع
ابوخالد:طبعا مامشت عليه ولكنه تجاهل الموضوع:اها طيب وعلى وين انشاء الله العزم وكاشخ ومتعطر
احمد:رايح مع ولد عمي فيصل
ابوخالد:زين لاتتاخر
شموخ:وهي نازله من الدرج ماتدري ان ابوها فيه:يوه بابي هنا مادريت
احمديقلدها ويترقص زيها:يوه بوبي هنا مادري يااااااي مقدر يادلع بس لاتعيدينها ترى بوبي كلب جيراننا
ابوخالد:احمد استح انا ابوك يللا روح وش مقعدك هنا
احمد:ايه يللابوبي باي هههااااي<<يخز بشموخ يبي يرفع ضغطها
شموخ:سخيف معفن ساذج كلب
احمد:انا كلب يااااااااي هوهو <<يقلد الكلاب خخخخخ
ابوخالد:مات من الضحك هههههههههههه خلاص استحوا وحموود روح يللا ولد عمك برى كل شوي يدق بوري انحرقت سيارته
بنتي شموخ ليه مارحتي المدرسه مايصير كذ1 بعدين ترسبين وينزل مستواك ويتكلمون فيك الناس ويقولون بنت آل سعدي كسلانه <<يعاملها كنها 5 سنين لان فاقده حنان
شموخ:تبكي بتصنع , بابي والله بطني كانت توجعني اسأل جراندما
ابوخالد:انصدم وشك بالموضوع بقلبه:منهو جراندما لايكون خويها<<محد بالعيله متعلم الا اخوهم فايزخخخخ
ومن يطلع هذ1 جراند ما؟؟
شموخ :
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك