رواية دموع رجال معاريس -9
حصه:بس انا خايفه من تجربتي اليايه
*شو تسوون
لفوا على هلال ومحمد
سراب:يالسين
محمد بخبث:هييه وبمنو تحشون
سراب فهمت قصده وسكتت ونزلت راسها وهلال ابتسم
حصه:نحش فيك
هلال:خلهم عسب تاخذ حسناتهم
حصه:اصلا مححنا بحاشين بسه حسناات
محمد:هههه حررراام حشواا
سراب:رح عند حرمتك هييه الي بتحش فيك
حصه:حرررام عليج يالسه تشوشين بينهم
محمد:حرمتي حلالي تحش فيني
هلال:ياعيني على الي يالس يتغزل
محمد:اقول سير بس خلنا نييب الحطب
هلال:عن اذنكم
راحوا وعيون سراب مافارقت هلال اللي يضحك مع محمد
وهم رايحين وحاس بنظراتها تحرقه
حصه :سراب اكلمج
سراب:هااه
حصه:لاالبنت مو ويايه
سراب:ههههه لاويااج
حصه:سمعتي شو رمست
سراب بخجل:لا والله
حصه:اسالج عن شروق
سراب:شروق سارت تمشي مع اخوانها
..............................
عند شروق وحمدان ذعار وشوق
حمدان:والله فرحت لج
شروق:تسلم لي الغالي
حمدان:الحينه عرفتي مصلحتج ومصلحه هالبزايا
شوق تخصرت:انه مو بزااايا ذيييين"زيييين"
ذعار:انتي محد صار يقدر يرمسج
شوق:كيييييفي انا بنت ابويه
حمداان وشروق فتحواا عيونهم منصدمين وذعار ضحك
شروق:شو هالرمسه اليديده
ذعار:هههههههههه هاي ابوها وهو يرمسها مساعه انا
هاوشتها وهزبتها عدل قال لها الي يقولج جي قوليله جي
حمدان:لاوالله بيخرب علينا البنيه
شوق:انتى الخرباان
ذعار ماات ضحك على شكل حمداان
حمدان شال شوق:لاء لاء لازم نرووح نرمسه بونسب جيف جي
خرب الياهل
وراح عنهم وااول مابعد
ذعار:شرووق تسمعين رمستي
شرووق:هييه "وهي تحضن نفسها"
ذعار:لييه اليوم رمستي مجاهد جي
شروق:شو رمسته
ذعار:لييه تقولين له انا برد ويا اهليه
شروق تضايقت:بعد تشكاالك
ذعار:لامارمسني انا سمعتج
شروق:جوف ذعار انا على رايي وماابغيره
......................................
عدت الاياام كلها عليه والحين راجع لديرته عشاان يقابل اخته
وعيالها بس هم الحين في البر فقرر ينتظرهم بمفاجاته الي اكيد
بتفرحهم
.............................
حمدان:حرااام عليك خربت البنيه
شوق:احتلم نفسك "احترم"
حمدان:شفت جييف
مجاهد:من صجها بنتي احتلم نفسك"قالها يقلد بنته"
حمدان:عزالله عصيتها علينا
شوق:كيفي والله
مجاهد حضنها:ههههه خلاص شوق بابا
شوق:انزين
حمدان:ماشاء الله من مسااعهد نبا ها تسكت ميب راضيه
شوق:يوباااااااااااااااه جوفه
مجاهد:حمداانوه يوز عن بنتي تراا هااي الملاك
شوق:هييه سمعت لمست باابااا "رمست"
حمدان:ول عليك انتى وبنتك ماتنتحاشون ماشاء الله ماشاء الله
شوق:بنت ابويه اناااا
حمداان ضحك:ههههههههههههههههه حسبي الله عليك جوف
جيف لسانها طولان ولاقبل ماتروم ترمسنا من الحيا
مجاهد:قبل غير واحينه غير احينه ابوها وياها صح شواقي
شوق:هيييه بعدين انتى ثير"سير" انا ابا المس"ارمس" ابويه
بثر"بسر"
حمدان:ؤالله سر مره وحده
مجاهد:ههههههههههههه ماتعرف بيني وبين شواقي اسرار
شوق:اصلا هاي مايعرف شئ
مجاهد:شواقه عيب هاي خاللي مانرمسه جي
حمدان:هههههههه هاي الي رمت عليه لاكثرت
مجاهد:صير مجاني بعدينه ارمس
شوق بتافف:نباااااا ننااااااااااام
حمدان:هاي طرده ولا شو
مجاهد ماسك نفسه عن ينفجر ضحك:ولاشو
حمدان يكش على مجاهد وبنته:مالت عليكم انا بسير للشباب
شوق:احثن
مجاهد بجد:شواقي عييب
حمدان طلع من السياره وبطريقه شاف قدامه شرووق رايحه
لمجااهد ابتسم لها ورراح
.....................
غرام:لاانا مااقدر ياشديده انتي خقيت ترراااني
اروى:هههههااااااي فديتيني مو هااي رمستج
غرام:هيييه قلت جي بس مو عطول فسرتي رمستي على انها
حب
اروى:بس عاد تدرين ضاري وانتي تصلحون
غراام:شو؟؟؟؟؟
اروى:شو هو اللي شو؟؟
غرام:اروووه انا ماصلح له ولا نلبق لبعض سمعتي رمستي
وياويلج ان سنعتج تتكلمين جي "كانت متوتره ومعصبه"
اروى:غرووم شوفيج كل هاي من رمسه نسولف نحن
غرام مشت وهي ساكته وايدها تتنافض ضاري انا مااحبه لاء
لييه نورووه تقول عني جي انا مااح احد مااحب احد
اروى:غراام زعلانه مني
غرام:لاء
اروى:عيل شقيج جي لارمستيني ولاشئ
غرام ضحكت تخفي الي فيها:ههه اسوي لي سوباالف
اروى ضربتها:مالت عليج
غرام:تعالي نسير للبنات
اروى:يللله
غرام:مرحبا الساع
نوره:مرحبا مليون
غرام :شلونكم شخباركم عسى ماتونسون شر
احلام:نسال عنج
غرام قامت فجاءه:دقايق بسير اييب"ماكملت كلمتها لان شخص صقع فيها وطاحت بالارض وطاح عليها"
غرام:آآآآآآآآآآآآآآآآآآ
ضاري:بل على شو انا طحت جنه شئ لين
نوره:هههههههههههه ضاري قوم حراام عليك هرست البنت
ضاري نقز وطالع في غرام اللي تحته ماتحرك وهو عليها يطالع فيها
غرام شوي وبتصيح:ابعد
ضاري منصدم ويطالعها بغبااااااء ولا تحرك
انتهى الجزء انتظروني بالجزء القادم
مع احداااث مثيره
*ضاري وغرااام
*طلال وضاري والسباق
*شروق وفكرها الغبيه
الجزء السابع عشر
غرام:آآآآآآآآآآآآآآآآآآ
ضاري:بل على شو انا طحت جنه شئ لين
نوره:هههههههههههه ضاري قوم حراام عليك هرست البنت
ضاري نقز وطالع في غرام اللي تحته ماتحرك وهو عليها يطالع فيها
غرام شوي وبتصيح:ابعد
ضاري منصدم ويطالعها بغبااااااء ولا تحرك والتقت عيونهم ظل يطالعها وانفاسه متسارعه عيونها عذااااااااااااااااااااااااااب
الله اكبر كيف يجرحن العيون
كيف مايبرى صويب العين ابد
احسب ان الرمش لاسلهم حنون
اثر رمش العين ما ياوي لاحد
يوم روح لي نظر عينه بهون
فزّ له قلبي وصفقّ وارتعد
لفّني مثل السحايب والمزون
في عيوني برق وبقلبي رعد
نقّض جروحي وجدد بي طعون
قلت : يكفي قالت عيونه بعد
وانعطف هاك الشّعر فوق المتون
وانثنى عودة وقفى وابتعد
اشغلتني نظرة العين الفتون
حيّرتني بالتوعد والوعد
هي تمون العين والاّ ما تمون
لي خذت قلبي وقفتّ ياسعد
نوره حست ان الوضع شوي مريب فقامت ودفت ضاري الي طاح على الارض
ضاري:هااااااااه بشويش انزينه
غرام وقفت وركضت لدااخل بهدهالموقف البايخ
نوره لو بشويش كان الحينه ماخلصت تاملاتك
ضاري استحى وقام عنهم وشكل غرام مافارق خياله وقلبه كل مايذكر عيونها يدق طبول ولا لما يذكر انه كان عليها يو شو كنت غبي وقليل ادب
...........................................
غرام تطالع بمحمد اللي ماسك مروه وكان يصرخ
غرام:شوفي
مروه رفعت راسها وطالعت بمحمد وغرام
غرام استحت:سوري ان جاني تدخلت عن اذنكم
محمد سكت وطالع بمروه
مروه:مو قلت لك ماابا اجوفك
محمد:..........
مروه دفته عنها ودخلت داخل ومحمد وقف مكانه نجد وربي كلج نجد دموعه طااحت المفروض انا سعيد بس العكس يصير لي ماتهنى بفرح
لولا العذاب اللي أنا فيه
ما كان عيني هلت الدمع هتاف
ولا كان قلبي بيحترق فيه
ولابيصيب نبض القلب رجاف
لكن العذاب قلبي إتعود عليه
وذاق منه طعم و مر الأحساف
وبات قلبي دايم الهم طاريه
وكن الفرح فدنيتي ماله أطياف
..............................
الكل الليله ناام لاكن اربع قلوب النوم جافاها ومااقدرت تغفى عيونها
ضاري ماارااحت صوره غراام من باله معقوله غرووم انا يالس افكر فيها
طلال:صخ عن يسمعك حد يالسبال
ضاري انصعق:هااه سمعتني
طلال يهمس:خخخ وصوتك اللي سامعينه حتى الرقود"ويقلده"معقوله غرووم انا يالس افكر فيها
ضاري بنفس الهمس:بس انه مارمست
طلال:هيه مارمست وجييف بله سمعتك
ضاري:خخخخخخخ
طلال:شو صاير
ضاري:ماشي
طلال رفع راسه وطالعه:على مين تلعبها على ميين يابن الناس
ضاري:خخخخخ جوف"وقاله اسالفه"
طلال كان يحاول يمسك نفسه عن الضحك لان اللي حوله كلهم نيام
ضاري:اصصصصصصصصصص
طلال رجع للهمس:غريب ما هزبتك هااي غرامووه لو شو يصير ماتخلي حد
ضاري:اقولك كانت شوي وبتبجي
طلال:عاد انتى خخخخ ليتني كنت هنااك
ضاري:ياحبي للشماته
طلال:خخخخخ
ضاري:طلال شو ميلسك للحينه
طلال تنهد:اصلا منو متى انا نمت ماقدرت انوم
ضاري خاف عليه:لييه شوفيك تعباان
طلال:........
ضاري:طلال تعبان اوديك الدختر
طلال:لاااه بس انا حاس بجسمي مكسر وماني رايم اشل راسي من الوساده عسب جي من بدري متسطح بس مانمت الا فتره بسيطه ومن زماان واانا يالس
ضاري ارتااح وهو يطالع طلال الي يحاول محاوله فاشله عشان يناااام يفكر في ابووه اللي سووااه له اليوم خلاه يحس بالنقص
>>بوهلال:هلال ياوليدي سير ييب الاغراض من المحطه عسب العشاء
هلال:يباه خل عيسى انا بسير ويا حمد للطعوس
بوهلال: سير وليدي سير انا بسسير وبييب الاغراض
هلال:تامرني بشئ
بوهلال:لااهتم بروحك ولا تسرع
هلال:انشاء الله
طلع هلال من الخيمه ولف بوهلال على طلال اللي منسدح من التعب بس سمع الحوار اللي دار بين اخوه وابوه وقال لو انا مكان هلال ماسمعت النبره الحانيه دموعه تجمعت وحمد ربه انه مغمض عيون ومعطي ابوه ظهره
بوهلال:طلالوووووه
طلال خاف من صوته ولف عليه بسرعه والدمعه نساها او تجاهلها لاكنها كانت عالقه بمحاجر عيونه
بوهلال دمعه طلال كانت زي الخناجر اللي تنغرس بقلبه كان بيتكلم بيخفف عن ولده عارف انه محتاج لحنانه اكثر من البقيه لاكن الجمود كانت نظرته
بوهلال:قوم اباك تسير تييب هاي الاغراض للعشاء
طلال وقف وهو يحاول يبين انه مافيه شئ خذاا الورقه وهو يقول اتمنى لو يوم اصير هلال بنظرك ابي حنانك ابي دعمك محتااج لوقفه حنانك ويااي اكثر من اول بس خلاص انا فقد ت الامل فيك
يمطر لغيري من حنانك سحـابـك
ويــموت قـلبي ظامي بين ايـاديـك
رجيت عطفك بس طال الرجا بك
لين انقطع باليأس كل الرجـا فـيك<<<<<<
نرووح لمكان قريب لفراش مو بعيد على فراش بوهلال كان الندم يعصف فيه لييه يسوي كذاا بضناه لييه مااحس الا بدمعه طااحت من محاجره وهو يتذكر
>>امينه :دخيلك بوهلال حررام عليك تحرمني منو هاد ابني حرررام عليك
بوهلال بدون رحمه:قلت لج مابتشوفينه وانسي ان عندج ولد اسمه طلال فاهمه
امينه:حراااام وربي حرااام مابتعروف انك بتتسئل عنو يوم اللأيامي بوهلال بس بدي شوفو من بعيد مابدي اول لو اني امو بس بدي شوف كييف صار
بوهلال:ماتفهمين الرمسه قلت لج طلعي براا
امينه:ااااااااااااه حررااام ماشفت شخص بأساوه ألبك
بوهلال:برااااااااااااااااااااا
امينه:ابل ماطلع بدي أول لك شئ
بوهلال يطالعها يعني اخلصي
امينه:ابني مأاألو دخل بلي حاصل بيننا وحرراام عليك اللي بتساويه فيه ولا يوم يوم الأيامه بيحاسبك ربك على حرماني منوهالسنين<<
ياترى انا غلطان جاه صوت قلبه اكيد غلطان ولا في حد يسوي سواتك بولده
ياخي هذا ولدك تعرف شو يعني ولدك ..
قام بوهلال وقف دور على طلال لقاه جمب ضاري قرب منه وهو يغالب مشاعره اللي فاضت قرب منه وهو يتمنى يلقاه نايم مايبي يواجه جلس على ركبه عنده ومسح على راسه
بوهلال:آآآآآآآآآآآآه
طلال ساكت وصامت ومظهر لابوه انه نايم حس بانفاس ابوه على جبهته تصدقون ابوي باسني باسني
بوهلال مسك يدطلال وباسها وجلس يطالع بملامحه طلال وهوماسك يده جا بيوقف بيمشي تكلم طلال
طلال ببحه وصوت هامس:ابويه خلك يمي لاتسير عني
تندم طلال على الكلام الي قاله بس ماكان قادر يصيطر على مشاعره
بوهلال افتكر ان طلال يحلم فقال بخاطره لهاي الدرجه ولدي مفتقدني"اجل شوتحسب" لازم اعوضه ولو انه بس في الحلم
طلال ارتاح يوم شاف ابوه يتسند يعني انه بيجلس جمبه غمض عيونه وهو يسمع ابوه يسمي عليه ويمسح على شعره ويبوس يده
اللي مالاحظووه ان ضاري كان يراقب تحركاتهم ومبتسم غمض عيونه لعل وعسى
................................
وقلبنا الرابع هي قلبه اييه جالسه تطالع في خواتها اللي حولها مو قادره تناام خايفه من الجاي محمد زوجها وحياتها معاه اكيد ببتتازم
تذكرت الموقف اللي صار لها معاه قبل ماتنام
>>>كانت تمشي رايحه للخيمه بتناام تفاجاءت فييه يمسكها من معصمها هي ارتجفت
مروه:محمد شوتبا مني
محمد بحزن:مروه تعالي ويايه بفهمج السالفه
مروه تسحب يدها:قلت لك ماابا اسمع رمستك عن هالخيااس
قاطعها يوم جرها من كتفها له وصارت مواجهتته مروه من غير شعورقامت تخبط على صدره
محمد:قلت لج لاترمسين عننننننها جي
مروه ودموعها طاحت:شوتبا مني اتركني
محمد صرخ:مرروه قلت لج اعقلي
وبهذي اللحظه جااات غرام تطالع بمحمد اللي ماسك مروه وكان يصرخ
غرام:شوفي
مروه رفعت راسها وطالعت بمحمد وغرام
غرام استحت:سوري ان جاني تدخلت عن اذنكم
محمد سكت وطالع بمروه
مروه:مو قلت لك ماابا اجوفك
محمد:..........
مروه دفته عنها ودخلت داخل تخبت بفراشها الكل ظن انها نايمه لاكنها صاحيه<<<<<
قربت من سراب اختها ودخلت معها بالفراش وهي تحط راسها على كتفها وتحتضن صوره ابوها اللي ماتفارقها ابد سراب هي اختها وامها ودنيتها
لفت على اروى وهذي تؤمها غمضت عيونها بمحاوله فاشله منها لللنوم
..................................
وفي مكان بعيد في دبي كانت جالسه بنص السرير وحاظنه عمرها مع مرااعاه انها ماتظغط على بطنها كم لها ماشافته 6شهور لالا 7 اييه 7 لان هذا عمر حملها هي من حملت ماشافته اصلا هو مايدري لانه لو درى رااح يزعل صحيح يكلمها بالتلفون بس مكالماته قليله سمعت خبط على الباب
ميره ببحه:قربي ملوك
طلت ملك بوجهها الحبوب:مرحبا الساع اختيه مارقدتي
ميره بنفس البحه:لاء مويايني رقاد
ملك:يصير ايي ايلس وياج
ميره:حيياج
ملك جات ونطت بالسرير جمب اختها وتلحفت:ماتحسين بالبرد
ميره:هييه كسر عضامي
ملك:ماتبين حد يدفييج
ميره باستغراب:منوه
ملك بخبث:جهاد "تنهدت" مضايقج بعده صح " حضنتهاوغنت"انا ضايق وبالي ضايق وجوي ضايق .. ضيقن كايد نفسي ملت .. وروحي ولت وعيني هلت دمعن واايد.. انا الوافي وهو الجافي .. حبي صافي وجرحه ساايد..انا ضاايق وبآلي ضاايق .. انا ضايق والله ضاايق..جيت بـحبي .. ولاهو ذنبي..لإن قلبي ماهو محايد..ياهي حييره .. قلبه بايد..انا الوافي وهو الجآفي حبي صافي وجرحه سايد..فيني ونـه .. كلـه منه..ماأصبر عنه شوقي زايد..
ميره تغير صوتها وزادت بحتها:خلاص ملوك
ملك:شو مارمستيه اليوم
ميره:لاء مااقدر ارمسه هو وياا اهله بالبر وتعرفين مو كله فاضي لي
ملك:ولين متى بنتم جي ميروه انا لما اجوفج مسلوبه حقوقج انقهر ماابا نكون جي يعني كفايه اللي يسويه فيج بعدنا عن ديرتنا والحينه حتى مايفكر يزورج صحيح اني هب انا مرته بس انتي اختيه ومااروم اجوفج جي
ميره منزله راسها:....
ملك:طب رمسيه عن اللي فبطنج يمكن يحن ويخبر اهله
ميره:ملوك احين انتي لييه شايله همه خليه على هوااه
ملك دمعتهاطاحت:لانه هو اهلنا الحينه مالنا غيره
ميره حضنتها:ملوك لييه الدموع انتي ناقصنج شئ
ملك تخبي راسها بحضن اختها:هييه ناقصني الظهر اللي اتسند عليه ناقصني الريال بحياتنا جهاد حمانا ميرووه لييه الحينه تخلى
ميره:.........................................
.........................................
ضاري:يلا
طلال:انا مستعد
كل وااحد ركب سيارته
طلال منتشي بالللي صار له امس ومو رايم من الفرحه وضاري بالعكس من امس مواصل واللي صار له ماخلى عينه تغفى
كل واحد يقول انا اللي بهزمك الشباب كانواا كلهم مجتمعين ماعداا جهاد
بدا السباق وضاري كان متحمس حتى طلال السباق كان على الحامي كل واحد طلع براعته ومهارته لاكن بالنهايه اللي فاز طلال
ضاري وهو يسكر باب سيارته:غشــــــــــــــــــــــــــــــااااااااااا اااااااااااش
الكل ضحك عليه وعلى عصبيته اللي تضحك
طلال:خل عندك روووح رياضيه وتعال باركلي
ضاري من دون نفس: مبروك"على صوته"بس غشااااااااااش
الكل:ههههههههههههههههههههههههههههههههه
طلال:ماعليه منك انا ابا منك هديه
حمد:ههههههه حراام عليك
حمدان:شوتبا تحرق قلبه
ضاري وهو ينط على طلال يحضنه:ههه لاشو يحرق قلبي هو يامر بس شو يبااا
طلال طالعه بتوجس:انتى من صجك
ضاري:لامن خرطي
هلال:هههههههههه بصراحه دامنه قال جي انا اشك فيك
طلال بعده عنه:هييه انا عارفنك ماتبا تعطيني هديه تبا تنتقم
وشرد وضاري ظل وراه على قولته يبي ينتقم
حمد:ههههههههههههههههههههه
مجاهد:والله انهم يونسوون
*طلاااااااااااااال
لف الكل على بوهلال اللي كان ينادي على طلال ومبين عليه الغضب
طلال وقف وطالع ابوه هو مايذكر سوى شئ ممكن يضايق ابووه
بوهلال قرب منه
طلال انفاسه بالياللله يلقطها خايف من ابوه اللي مبين عليه هالمره غير كل مررره
طلال:سم
بوهلال:سم يسم بدنك يالخايس
طلال نزل راسه وضرباات قلبه طبول:..........
بوهلال جره من يده وهو يسبب ويلعن فيه وهو مستسلم له ركبه بالسياره
وركب هو ومشاا
...........................................
ميره بتعب:واخيراااا رمست
جهاد حاس بتعبها:شو اسوي مشغول تعرفين ظروفي ميره
ميره دمعت عينها:جهاد حنا محتاجينك وااايد حررراام عليك لييه مبعدنا عنك ولدك يبا يطلع للنور وانتى يمه
جهاد منصدم:ولدي
ميره وهي تصيح:هييه ولدك تعاال مجاهد نحنا شو ذنبنا خلاص ارمس هللك والله تعبت وانت بديره ونحنا بديره
جهاد للحين منصدم:ولدي
ميره وهي تشهق:هييه
جهاد عصب:ومتى انشاء الله هاااه
ميره عارفه ان هذي رد فعله ويمكن اعنف:من يوم ماتركتني اخر مررره جهاااد انا بشهر السابع اللحينه
جهادوهو معصب حده:ومنو قالج احملي هااااااااااااااااااااااااااااااااااااااااه شنو قلت لج اناااااا هااااااااااااااه
ميره:جهاد والله مو بيدي
جهاد يقاطعها:ابعرف انتي شو ماتفهميين
ميره سكتتت ماغير دموعها اللي تمشي:.....................
جهاد :مع السلامه
سكر منها وهي ظلت تطالع بالسمااااعه منصدمه منه سكر بوجههاا
ميره:ليتني مت ياجهااد ولاظلييت بطريقك لييتني اموت جان ابويه ماحطني عندك امانه
.........................................
عند الحريم دخلت عليهم شوق مرعوبه ونطت بحظن خالتها غراام
غرام:هلا والله بالعسل كله هلا والله بالغرشوب الي ماخذن قلبي معه
شوق:خالوه خالوه جوفيه بياتلني
غرام:منو اللي بياكلج
شوق:هناك تعالي جوفيه
غرام بلهجه نفس شوق:انا اللهينه يالوهي اثيير معج واتكه لج"انا ياروحي اسير معج واطقه لج"
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك