رواية فمان الله يا غالي -9
محمد"لبى قلبك والله":هلا لميس..انا شاورت الشباب هنا والشياب كمان..وأبوي يقول..تجهزوا كلكم وبنطلع بعد العصر البر..
لميس بفرح:والله!!...مشكوووور
البنات اول ما سمعوها صرخوا وعرفوا انه وافق..
محمد ويضحك:كل هذا فرحه؟؟...يالله تجهزوا بدري ولا يجي العصر إلا وانتوا جاهزين..
لميس:زين باي
محمد:فمان الله..
ونزلوا جمانه وشذا..يبلغون الحريم عالطلعه..
وبعدها راحوا للخدامات يقولون لهم يجهزون الأغراض...يعني القهوه والشاي والمكسرات ومن هالكلام..
عنـــــــــــــــــــــد البنات..
رهف:أقول بنات شو رايكم نلبس زي بعض..
خلود:والله فكره..بس إيش؟؟
رهف:بناطيل جينز مع تيشيرتات أبيض أو أسود..
الهنوف:لا أبيض عشان أنا وخوخه عندنا كثير تي شيرتات أبيض..
لبسوا البنات بناطيل جينز من عند خلود والهنوف ودانه وعهود.. وتيشيرتات أبيض..وصار شكلهم شي..
وبحكم انهم رايحين للبر..لبسو جواتي من البنات..
وأخذوا معاهم لاب توب الهنوف..عشان يشغلون فيه أغاني ويرقصون هناك..
وأخذوا..اونو..وكشينه..ومونوبولي..و...و...إلخ
خلود:هنوف..وين الشاحن بطاريتي فارغه..
الهنوف:بمجلس الرجال محمد طلبه الظهر
خلود:يوووووه الحين شلون أشحن موبايلي
رهف:أنا معي شاحني
خلود:شو موبايلك؟؟
رهف:N70
خلود:نوكيا؟!
رهف:إيه..
خلود:لا أنا ابي سوني أريكسون
رهف:اعتقد موبايل فرح سوني أريكسون
خلود:فــــــــرح!!...جبتي شاحنك معك.
فرح:لا شحنت موبايلي قبل لا أجي
خلود:هنوفه..الرجال متى رايحين يصلوا؟؟
الهنوف:تو محمد داق علي يقلي إنهم خرجوا وقال لي أقل للخدامه تروح تشيل الاغراض من المجلس..
خلود:اكيد ما في أحد؟؟
الهنوف:والله هذا كلام محمد..
راحت خلود للمجلس عشان تجيب الشاحن..وقبل لا تدخل المجلس..طلت من عند الباب وشافته فاضي
فدخلت..
ولما جات بتاخذ الشاحن لقت موبايل غريب مشبك فيه..فصلت الموبايل..
وجلست تطالع شكله كان غريب وحلو بنفس الوقت ولونه أبيض مع أسود..
وتفجأت بصوت رجولي من وراها يقول: ممكن موبايلي؟!
خافت خلود وبالمره ما كان ودها تلف..بس كان لازم تعرف صاحب هالصوت..واللي بنفس الوقت صاحب الموبايل اللي بيدها..
لفت خلود ببطء وعينها عالأرض وبنفس البطء رفعت عينها وانصدمت من الشخص اللي قدامها وبصدمه:بنــــــــــــــــدر!!...
نهآآآآآآآآآآآآآآآآآآآآآآآآية البآآآآآآآآآآآآآرت يآآآحلوييييين
خلود شنو ردة فعلها بعد ماعرفت ان بندر ولد عمها؟؟!!
وهو بيدري ولا راح تخبي عليييه؟؟
شخصيآآآت كثيييييير طلعت لنا بالروآآآيه
كل شخصيه لها بصمه بروآآآيتناآآ
انتظروني بالبآآرتآآت الجآآآيه
ولكم وعد مني تحبون كل شخصيه بمميزاتها وعيوبهاآآ..
ابي توقعآآتكم وآآرآآءكم ونقدكم
ولا تنسون الردود والتقييم لو عجبكم البآآآرت
|[وفمــــــــــآآآن الله يالغــــآآلــــيين]|~
-6-
"خانك التوقيت فيني
واتضح لي من جديد ..!
انك اعظم ذنب عشته
واقترفته من هواي ..!"
لفت خلود ببطء وعينها عالأرض وبنفس البطء رفعت عينها وانصدمت من الشخص اللي قدامها وبصدمه:بنــــــــــــــــدر!!...
بندر كان منصدم من اللي قدامه..مو لأنه يعرفها..لا منصدم من جمالها.. وبصدمه قال:أخيرآ أحد عرفني..منو انتي..؟؟
خلود بنفسها وهي مصصصصدوووومه"...هذا اش جابه بيتنا..واش دخله المجلس...ولا ويقول بعد إن اللي بيدي موبايله..أكيد هذا...لا لازم اتأكد مستحيل.."
خلود تسأل بجديه ومن داخلها ما تبي تسمع إجابه:إنت اللي منو؟؟
بندر:مو توك عرفتيني..انا بندر ولد عبد العزيز اللي أعتقد إنه عمك..
خلود في هاللحظه دمعت عينها وجلست تناظره فتره وبعدها رمت موبايله عالكنب بعصبيه وخرجت بدون ما تاخذ لاشاحن ولا غيره..خرجت وهي تبكي..
دخلت خلود عند الحريم وهي تبكي مثل الأطفال..
أم سلطان:خلود يمه اش فيك؟؟
خلود طلعت الدرج جري وعلى غرفتها وسكرت الباب
شيخه:اسم الله عليها اشفيها
راحت لها الهنوف لقت الغرفه مقفله وماينسمع غير شهيق خلود
الهنوف من عند الباب:خوخه اسم الله عليك اش فيك؟؟
خلود مازالت تبكي..
أم سلطان: الهنوف أختك وين كانت؟؟
الهنوف:كانت بمجلس الرجال تاخذ شاحن..
أم سلطان: بس؟؟
الهنوف:إيه بس..
أم سلطان:خلود يمه إشفيك..حد خاصمك..حد زعلك؟؟
هنا انتبهت خلود انها بكت قدامهم وهذا ابدا مو طبعها فهدت خلود شوي..وبعدين راحت للباب وفتحته
ام سلطان بهدوء: خلود يمه اش فيك..؟؟
خلود تذكرت الللي صار رجعت تبكي:يمــــــــــــــــــــــه...أنــ...أنــ...آآآ ه يمــــــــــــه.. وظلت تبكي..فتره بعدين هديت وظلت بغرفتها لحد ما رجعوا الرجال من الصلاه وتغدوا العيله...
وقبل أذان العصر نادوا عالحريم..إنهم ماشيين..
خلود:يمه مابجي معاكم..
أم سلطان:هو...ليه؟؟
خلود:ما أبي
الهنوف:وعند مين بتجلسين؟؟
خلود:مو مهم حتى لو اجلس وحدي..
أم سلطان:بس ياخــــــــ....
قاطعتها خلود بحده:خلاص يمه قلت ما بجي يعني مابجي..
أم سلطان:على راحتك..أجل بخلي معك الخدامه..
خلود:........................
شيخه:لا ما يصير تجلسين وحدك بالبيت..
أم سلطان:خلاص ياخالتي خليها على راحتها..انشا الله ما عليها خلاف..(أم سلطان تعرف خلود زين إذا حطت ببالها شي محد يقدر يجبرها تغيره عشان كذا ما حاولت حتى تناقشها)
شيخه:بس أبوها لو درى ما بيوافق..وحتى لو وافق بيجلس يحاكيها وما بيرتاح بالرحله..
خلود:أنا قلت ما بجي يعني ما بجي..ورجعت تبكي..
شيخه:خلاص بابنيتي لا تبكين..براحتك..أجل بقل عبد الله يخلي واحد من العيال معها..
خلود وهي تبكي:لا ما أبي احد يجلس معاي اتركوني وحدي وبس..
وراحت على غرفتها..
والكل عليهم أنواع علامات الإستفهام..
وبعد فترة من الصمت............
أم سلطان:يالله يابنات..الرجال يقولون يالله..
الكل طلع وهو متفاجئ إش فيها خلود وليه قررت ما تروح معاهم مع إنها كانت متحمسه..
جلست خلود بالبيت لوحدها ومعها الخدامه والكل توجه للبر..
أم مهند وبناتها ركبوا مع مهند..
وأم سلطان وأم فيصل وراكان وباسل..ركبوا بسيارة أبو سلطان
الهنوف ودانه وعهود ولميس وفرح ركبوا مع سلطان
وفيصل ومحمد وماجد وفارس بسيارة عبود
وأم عادل وعيالها مع عادل
الجده شيخه وام عبد الله بسياره أبو عبد الله
بندر وبدر وفهد ونواف بسيارة فراس
وأم خالد وبناتها مع خالد..إي صح خلنا ناخذ فكره عنهم
***********************************
أم خالد(بدور): الأخت الكبيره بعد أبو سلطان زوجها ميت من سبع سنوات ومع ذلك ربت عيالها أحسن تربيه وكانت أم مثاليه لهم..
خالد:ولدها الكبير عمره(24) متخرج من الجامعه قسم إدارة أعمال قام بدور الأب لأخوانه وتحمل المسؤوليه من صغره حنون وطيب وعاقل بس وقت الفله ما يقصر..
نواف:عمره(21) سنه جسمه معضل طوله متوسط شعره مكدش ووجهه فيه آثار لحب شباب بس كل هذا مازاده إلا جاذبيه شلون؟؟ ما ادري بس جد جذااااااااب يدرس بالجامعه بس الدراسه من طريق وهو من طريق مغزلجي وأكثر شي يلفت انتباهه البنات..
ألاء:بنت حلوه تحب الرجه والأكشنات عمرها(19) سنه بثالث ثانوي وزي اخوها ما تهمها الدراسه بالحيل<<رايحه فيها
فهد:عمره(18) سنه ولد طيوب ووسيم ملامحه مررررره هاديه واللي يشوفه لأول مره يرتاح له على طول لسانه زي العسل وكلامه عالطبيعه عذااااااب
حلا:أصغر العيال والدلوعه بأول ثانوي عمرها (16) سنه مره كيووووووت وناعمه وحسااااسه بس تفكيرهاتفكير كبار..أما شكلها..فهي بيضاء وطولها طبيعي وجسمها مررره جنان..وشعرها ما يل للأشقر(طبيعي)
*********************************************
توجهت كل العوائل للبر..
بندر"ياربي ياهالبنت.. الله يرجها..تجنن والله بس اشلون عرفتني..ومن هي أساسا..أحس شكلها مألوف وتشبه أحد...إيييييييه صح تشبه محمد أجل أكيد أخته..بس إش اسمها..باين عليها لسا صغيره<<من كبرك إنت..أموت وأعرف ليه..هذيك الدمعه..وليه كأنها كانت معصبه معقوله أكون قلت شي زعلها...لالا أساسا انا ما نطقت إلا كم كلمه وكلها عاديه.." وجلس بندر طووووول الطريق يفكر والشباب بعالم وهو بعاااالم..
لما قطع عليه تفكيره صوت موبايله..
جابك الله من غياب ضيق صدور المبــاني
قبل لا الوحشه تزعزع بيتك الصلب وتبيده
بيتك إللي من رحلت وكل جدرانـــــه تعاني
ماتحمل ينتظر شهــــــــــرين وعيونك بعيده
رد بندر:هلااااااااااااااا صاحب السمو
سامي:هلاااااا فيك يالبايع يالقاطع يالمغبر
بندر:حرام عليك والله لا بايع ولا شي توي مرسل لك رقمي أمس
سامي:بس رقمك!!...ياخي زماااااان على هالصوت..المهم شخبار الغالي
بندر:بخييييير دامي بالسعوديه..إانت شلونك..
سامي:بخير دامك بخير والله لك وحشه..
بندر:وانت أكثر..
سامي:الظاهر مشغول..هاه
بندر:لا والله بس أنا الحين بالسياره طالع البر
سامي:حركاات يابر ما امداك..المهم أول ما تفضى عطني رنه بقول لك شي مهممممم..وأبي آخذ أخبارك بالمره
بندر:أوكي بس أوصل هناك بدق عليك
سامي:إنزين عيل اتركك الحين
بندر:فمان الله
سامي:مع السلامه
خلود" ليه إنت بالذات يابندر....ليه حظي ماطيحني إلا بولد عمي...الحين لو عرف إني بنت عمه شنو بيقول عني..لازم أتركه قبل لا يعرفني ويتركني هو..مستحيل أكمل معاه..بس ما أقدر أنا متعلقه فيه وأحبه بعد إشلون أتركه.. والله صعب حيل..لكن هذا اللي لازم يصير..إش فيك ياخلود..معقوله انتي تقولين ما أقدر..ما فيه شي إسمه ماتقدرين إنتي بالذات كل شي تقدرين عليه لو بغيتي..ولازم تنفذين هالشي وتنسين هالإنسان وتمحينه من حياتك.."
كانت كل العوائل متجهين للثمامه..
وصلوا هناك قبل أذان المغرب بساعتين وظبطوا الشباب المكان وبعدها نزل الكل وكان الجو مرررره شي..
جلسوا الحريم بجهه والرجال بجهه..بندر على طول دق على سامي..
سامي:هلا والله
بندر:هلافيك..شلونك..
سامي:بخير الله يسلمك..وانت اشلونك وأشلون السعوديه معاك..
بندر:تمام التمام..
سامي:يعني مستانس..ها..؟؟
بندر:أفا عليك!!
سامي:واشلونك مع خلود..
بندر:ماشيه أحوالي....لا جديد..الحين هذا مو رقم الكويت؟؟
سامي:إلا أمس أنا واصل..
بندر:والله وكيف الأهل؟؟
سامي:بخير الحمد لله والوالد يسلم عليك..
بندر:الله يسلمك..إيه شنو السالفه؟؟
سامي:بالك..بتزوج..
بندربفرح:والله؟؟...حركااااااات..منو
سامي:منو بعد؟؟؟...فيه غيرها..؟؟
بندر:لا تقول..أمل!!
سامي:إلا أمل..
بندر:عالبركـــــــــــه..
سامي:الله يبارك فيك..وعقبالك....بعدين ترى بقي ما صار شي..
بندر:يعني مابقي تقدمت لها رسمي..
سامي:إلا اول ماييت الكويت وعشان كذا داق عليك..
بندر:خير انشالله بغيت شي؟؟
سامي:إي والله بغيتك بطلب وما أبيك تردني..
بندر:أنت ما تطلب إنت تامر..
سامي:الله يسلمك والله ماتقصر يالغالي..بس أبي أعزمك لأن الوالد حدد موعد الزواج
بندر:أككككككشخ يعني السالفه فيها زواج...بتعرس هاه.؟؟
سامي:هههههههه الله يرج ابليسك لا مو زواج زواج..يعني نص زواج
بندر:شلون يعني موفاهم؟؟
سامي: يعني بملج عليها وبنسوي حفله بسيطه لأن خالها من شهر متوفي..وبنسافر على طول..عشان كذا أبيك تيي وأشوفك..؟؟
بندر:بس كذا..افا عليك ولا يهمك..بس متى موعد الزواج
سامي:السبت الياي...يعني بتيي..(تجي)؟؟
بندر:أكيد..إنشالله بحجز على طائره يوم الأحد إذا لقيت وبجيك..
سامي:خلاص عيل أنتظرك..بس أبيك ترد لي خبر أكيد متى بتيي..عشان استقبلك بالمطار..
بندر:على خير انشالله..
سامي:يالله عاد ما بشغلك..مع السلامه..
بندر:فمان الله
عنــــــــــــد البنات..
سمر:اقول بنات..خلونا نسوي شي اكشن..
مرام:إش رايكم نطعس بالدبابات
الهنوف:هاهاها..تنكتين؟؟...الأولاد مستحيل يخلونا..
مرام:عادي نكلم عمي..وهو اكيد بيوافق..
الهنوف:حتى لو وافق الشباب بيعترضون..
مرام:طيب خلينا نكلمه...نجرب
الهنوف:نجرب...نجرب!!
وأخذت موبايلها ودقت على(القلب الحنون)<<أبوها
أبو سلطان:هلا والله هنوفه..ها محتاجين شي
الهنوف:هلا يبه..
أبو سلطان:هلا فيك..
الهنوف:يبه قول تم
أبو سلطان:تم بس شنو؟؟
الهنوف:والله حنا نبي نركب دبابات..
أبو سلطان:.......بس كذا؟؟..ولا يهمكم..بس مو الحين خلوها بالليل..عشان تقدرون تكشفون..
الهنوف وهي حاسه إنها قطعت نص المشوار:مشكور يبه بس هم بعد فيه مشكله..
أبو سلطان:اللي هي؟؟
الهنوف:الأولاد بيعترضون..
أبو سلطان:لا ما عليك يبه خليهم علي أهم شي تتسترون زين وما عليك منهم
الهنوف بفرح:الله يسعدك و يخليك لنا يا يبه...
أبو سلطان وهو يضحك:ويخليكم لي..يالله مع السلامه..
الهنوف:مع السلامه..
وبس قفلت وجلست تصارخ والبنات يصارخون معاها..
لما قطع عليهم صراخهم صوت سلطان:خلــــــــــود!!..خلــــــــــود..
الهنوف:هلا سلطان بغيت شي؟؟
سلطان:خلود وينها..
الهنوف:ما جات..
سلطان وهو متفاجئ:إش لون يعني؟؟
الهنوف:يعني فالبيت مو هنا..
سلطان:زين ليه؟
الهنوف:ما أعرف بس تقول ما تبي..
سلطان:طيب أحد معاها
الهنوف:الخدامه..
سلطان: زين إسالي امي عن الكاب حقي انا عطيته خلود..شوفي هو معاها..ولا لا
الهنوف: أوكي...يمــــــــــه..
أم سلطان من بعيد:هلا
الهنوف:سلطان يقلك شفتي الكاب حقه..
أم سلطان:إيه كاهو عطتنياه خلود..
وأخذته الهنوف وعطته سلطان..
ردت الهنوف عن البنات..
عهود:ياليت خوخه معانا والله أحس الطلعه مو شي من دونها..
مرام:وانتي الصادقه..
آلاء:فــــــــرح!!..فين الشبسات..
شذا:إسم الله عليك تونا جايين انتظري شوي..
الاء:طيب جوعااااااااانه.!!
شذا:تحملي..
سلطان ينادي: الهنوف...الهنــــــــــــوف!!
الهنوف:هلا أخوي
سلطان:دقي على خلود وقولي لها تتجهز..محمد الحين جاي ياخذها
الهنوف:وإذا رفضت
سلطان:مو على كيفها..مستحيل تجلس لوحدها بالبيت..حنا بنتأخر هنا..
الهنوف:على أمرك
وراحت الهنوف ودقت على خلود..بس خلود موبايلها كان مغلق..
فدقت عالبيت..ردت الخدامه:هلو..
الهنوف:ميري فين خلود
الخدامه:مين يبقى(مين يبغاها)
الهنوف:وانتي شدخلك؟؟
الخدامه:هازا كلود يقول كان فيه تلفون رن قولي مو موزود أهد (خلود قالت إذا دق التلفون قولي ما في أحد)
الهنوف بعصبيه: روحي ناديها قولي لها الهنوف تبيك..
الخدامه:زين
وراحت تنادي خلود..اللي كانت نايمه بغرفتها..
الخدامه:كولود...كولود..
خلود:هممممممممم..
الخدامه:هازا هنوف يبقى إنتي..تيليفون
خلود بصوت تعبان:قولي لها مو موجوده.
الخدامه:إنا فيه قول بس هازا كله يصرخ وازد..
تنهدت خلود وقامت من على سريرها..
الهنوف:يالله هالخدامه ما ألقفها..تتدخل باللي ما يخصها نشبه!!
خلود بصوت تعبان:هلا هنوفه
الهنوف:هلا والله اشلونك خوخه
خلود:ماشي..تمام
الهنوف:خوخه حبيبتي سلطان يقولك تجهزي شوي وبيمرك محمد
خلود:بس أنا من البدايه قايله ما أبي أجي
الهنوف:سلطان يقول مستحيل تجلسين بالبيت وحدك ولا أنا قلت له هالكلام
خلود باستسلام لأنها تعرف سلطان لما يقول كلمته:أوكي
الهنوف:يالله حبيبتي باي
خلود:باي
وقفلت خلود وراحت تتجهز...تجهزت بدري ونزلت تحت..جلست بالصالون ومسكت الريموت واخذت تقلب بالقنوات وبالها أبدا مو مع التلفزيون.. خلود سرحت بعييييييييييييييييد..وجلست تفكر باللي حصل..قطع عليها تفكيرها بعد حوالي نص ساعه صوت بوري بالخارج..صحيت خلود من اللي كانت فيه..مسحت دمعتها اللي سالت على خدها و لبست عبايتها وخرجت..
شافت محمد جاي بسيارته..ومعاه شخص جالس جنبه عشان كذا ركبت بالمقعده الخلفيه..ورى هالشخص
أول ما ركبت:السلام عليكم..
محمد واللي جنبه:وعليكم السلام
خلود بس سمعت صوته..خافت لأنها عرفت إنه بندر..
محمد:هلا والله..إشلونك خلود؟؟
خلود:بخير الحمد لله
بندر بس سمع اسمها وصوتها عرف إنها اللي قابلها اليوم بالمجلس..فتوتر شوي لما تذكر الموقف..
محمد:وشوله قاعده بالبيت؟؟
خلود بدون نفس:ما كنت أبي أطلع
محمد:وليه..أنا لما كلمت لميس وقالت لكم إننا بنطلع وأول وحده صرخت انتي
خلود:لا مو أنا
محمد:بس انا متأكد إنه صوتك..
خلود بعصبيه:غيرت رأيي..حرام؟؟..وبعدين ليه ما تمشي؟؟
محمد:زين بأمشي بس إش فيك معصبه مع منو تهاوشتي وانتي لوحدك..لا يكون مع الطوفه..
خلود ما ردت عليه مو لأن ما عندها رد..لكن لأنها كانت تبكي..
ماكانت قادره تشوف الإنسان اللي عشقه قلبها قريب منها هالقد وموقادره حتى تناظره لا والأصعب إنها لازم تتركه وتحاول ما تفكر فيه وهالشي كان بالنسبه لخلود مستحيل..
محمد:خلود..ابي اعرفك على ولد العم..بندر..
خلود بنفسها وهي تبكي"يعني لازم؟؟ لازم تقلب المواجع يامحمد؟؟"
محمد:بندر!! هذي أختي خلود..
بندر:هلا والله ببنت العم
خلود وحاولت تعدل صوتها عشان ما حد يلاحظ إنها كانت تبكي:هلا فيك..يا..ولد العم
وجلسوا فتره مو طويله والسكوت يعم السياره..
محمد:اقول شباب شنو تحبون تسمعون..
بندر:عندك شي لراشد
محمد:افا عليك..إش تبي بس
بندر:عندك"تنحط عالجرح"؟؟
محمد:اعتقد هذا هو الشريط..ودخله بالمسجل وكانت بداية الأغنيه..
القلب سلـــــــم لك أمره
في حــــالتي إنت إدرى
ياللي حنــــــانك وطيبك
تنحط عالجــــرح يبرى
شفاف يانــــــــور عيني
حبــــــوب وقلبك يبيني
زهرة شبـــابي وسنيني
تفداااااااااك ألفـــين مره
الله لمــــــــــــا تــــــكلم
كنــك تغنــــــــي تترنم
والـــــــــورد منك تعلم
والشعر يضيــــع شعره
حنــــــون ربي يصونك
في طيبتك في عيـــونك
دنياك حبـــــــي وكونك
ياطيب عمري وعطره
فديت صوتـــــك فديتك
شفتك عشقتك هويتـــك
يــــــــاليت تدري ياليتك
غلاك يــــــــــاكبر قدره
خلود كانت طول ما هي تسمع الأغنيه ودموعها شلاااااااااال..وبعد حوالي نص ساعه قفل محمد المسجل لأن موبايله يرن
محمد:هلا والله...اهلين...شنو؟؟..طيب كم أجيب؟؟..............فيه أي شي ثاني؟؟...بس؟؟....أوكي..لالا قريب..أوكي...اوكي باي
دق محمد إشاره ولف على محطه قريبه بس وقف عند السوبر ماركت اللي بالمحطه..
وبعد ما وقف وجا نازل
محمد:أقول بندرخذ السياره ورح عب بنزين وأنا بشتري شوية اغراض ناقصين وبجيك...
بندر:زين قلي الأغراض وانا اشتريهم وانت رح عب بنزين
محمد:لا مابتعرف تجيبها..
بندر:اوكي
وراح بندر مكان السواق ومحمد راح السوبر ماركت..حرك بندر السياره وخلود بتموووووت من الخوف لأنها هي وبندر لوحدهم بالسياره
وقف بندر عند المحطه..فتح القزاز..:فل ياشيخ..
بندر جلس يغني بصوت خفيف وصوته كان عذاااااب:فديت صوتك فديتك.....شفتك عشقتك هويتك.....ياليت تدري ياليتك....غلاك ياكبر قدره.....فديت صوتـــــــــــــ......وفجاه وقف..
بندر:خلــــــــــــود!!
خلود بهاللحظه دوروها ماتلاقونها من الخوف..:نعم
بندر بهدوء:معليش عاللي حصل اليوم..أنا بصراحه ما أعرف ليه انتي عصبتي..ولا أنا على إيش جالس أعتذر..بس أكيد إنك ما عصبتي من دون سبب وإذا قصدك لأني دخلت وانتي مو متغطيه..فياليت تعذريني لأني مامداني أتعود على هالشي..وأرجع أقول معليش
خلود:...........................مصدومه من كلامه..وأسلوبه وهدوءه لما يتكلم ..طبعا هذا كله مو جديد عليها بس عالطبيعه غير عن لما يتكلم في الموبايل..
بندر:خلود؟؟..إنتي معاي؟؟
خلود انتبهت لنفسها:إيه معاك
بندر:أبي أسألك سؤال..واعتبريه لقافه.. فضول..اللي براسك..
خلود:تفضل
بندر:ليه كنتي تبكين من شوي..؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك