رواية شمس وسحاب -9
سمّعني أغاني أحلى من الكلام
تتبعت الصوت فتحت الصندوق وطلعت الجوال وانا ارتجف
ام ناصر يتصل ؟؟؟؟؟؟؟ واتقفل الجوال اكيد فضت البطاريه
حنين: بسرعه ماصار لبس
بحركه سريعه فتحت الدرج رميت الجوال سكرت الدرج
صرخت على حنين وانا التفت عليها : ووجع ياااا الدفشه ما تعرفين تطقين الباب قبل ما تدخلين
حنين وهي تقرب مني : واااااااااو شمس تينني تهبلين
كملت حنين وهي تعدل من شكلها قدام المرايا: راشد تحت وبيودينا السوق
شمس: اذا راشد الي بيوديناااا ما عندي مانع دقايق واكون جاهزه
وخذيت مزيل المكياج
حنين :لا ااااا خساره .. ابي اتعلم منج شلون سويته
سبلت عيوني: اهااااا تبين اعلمج اممممم كم تدفعين
ههههههههه
نزلنا عند امي وحبيت راسها ويدها : دعواتج يالغاليه
امي ترفع كفينها : يارب تيسر امورهم وتحفظهم من شياطين الجن والأنس وتبعد عنهم كل شر
راشد : بوصلكم وا اروح عندي كم شغله بخلصها وارجع لكم
حنين: منزله راسها وبصوت واطيييي:زي ماتبي
شمس:ههههههههه وين حنين الي قبل شوي هههههه
راشد حط يده على يد حنين: اي سوق تبون:
حنين سحبت يدها و طقت راشد على يده
راشد: لاا ماقدرر مقاطعه وانتي قدامي
على العموم كلها كم يوم ونكسر المقاطعه ورفع يده على صدره ...اه يا قلبي
حنين بكل رقه: سلامت قلبك يا قلبي
راشد وعينه على حنين : هههههه ورجع مسك يدها
شمس: هييي انتبه للطريق ..وخل عنك هالحركات
راشد: انتي يحصلج دروس وبالمجان
هههههه
دف السي دي داخل المسجل واشتغل
تدري إني موت أحبك
و إن مالي غير حبك
و اللى ينبض في ضلوعي
ما هو قلبي هذا قلبك
تدري يافرحي و همي
من كثر ما انت في دمي
كل ما تنظرك عيني
عيني من عيني تسمي
تدري من عشقي لشوفك
ما تفارقني طيوفك
صرت أناظر في المرايا
ما أرى نفسي و أشوفك
ياااعمري عليهم ..... يجننون....... طيور الحب,, مشاعر الحب بينهم وصلت لدرجة العشق والهيااااام وهذا واضح للكل
******
مسكت يد حنين وهي عند باب نعومي: مو خلصتي منه وشريتي كل الي تبينه
حنين : امس شايفه دعاية بودرة جسم جديدة شكلهاااا رووووعه بشتري وحده
شمس: والله تعبت من الدواره .. انتي دخلي وانا بنطرج برى
قعدت على الكراسي الي مقابله المحل ...ومن الحر والتعب.. رفعت الغطا وخليت بس اللثمه
وصرت اتفرج على الي رايح ..والي جاااي
اكثر البنات يمشون بدون محرم
اطالع الاكياس الي شايلنها البنات.. واتوقع وش مشترين ..وبكم ..واقارن بين اسماء المحلات الي على الاكياس
وشكل الحرمه الي ماسكه الكيس
اووووف وينهاااا حنين طولت وحطيت رجل على رجل بنطرها بعد شويه واذا ماجت بدق عليها
يااااعمري على الاحمر امووووووت انا فيه ...رفعت عيوني وشفته لابس بنطلون جنز وتيشيرت موف .. يطالعني ويبتسم
نزلت راسي وغمضت عيوني يااااارب ماااااايقرب اكثر
قرب اكثر. .. وهمس عند اذني: انا فيصل وهذا كرتي انطر منك اتصال يا قمر....... فتحت عيوني لاااااا هذا مو فيصل هذا ...نا ....نااا
وبدون ماحس دفيته بعيد عني : يالحقير يالنذل انت شلون تسوي فيني جذي والله لا نتقم منك
وحطيت عيني بعينه شوي وتطلع عيونه من الخرعه
حاول يعتذر : والله ماكان قصدي..... ساااامحيني .. كنت احسبج وحده ثانية
فسخت الكعب وحذفته عليه: يالحقير .. صارلك اكثر من سنه . كل ماروح مكان اشوفك وفي المزرعة حاولت ؟؟؟؟؟؟
فيصل:كذابه ... انا اول مره اشوفج .....تجمعو ا لحريم علي وحاولو يهدوني
..... واخيراً امسكوه رجال الامن وخذوه وياهم
رجعت على نفس الكرسي .. مندهشه موب مصدقه الي سويته ..خذيت نفس عميق ..حسيت بالراحه .. واحساس غريب اول مرة احسه
هالشكال ماينفع نسكت عنهم او نطنشهم
شمس واقفه عند مدخل القاعه.. وقريب منها سله كبيره فيها ورد احمر .. كل وردة فيها مشبك .. وكل وحدة تدخل القاعةاعطيها وردة
عليا وقفت عندي وهمست: ترى مو كل الناس يناسبهم الورد الاحمر
ورفعت عيونها على وحده سمرا لابسه فوشي غاامج شابكه الورده على صدرهااا
شمس: بالعكس انا اشوفه يناسب كل ا لالوان والاعمار وترى اي شي فيه اللون الاحمر تحسينه حلووو و شااعري
عليا: والله عيونج الحلوه .... سلمت على وحده دخلت شايله طفل
يوووووو مرت عمي ام سلطان
شمس: هلااااا خالتي شخباركم وحشتونا متى جيتو
ام سلطان : تسلمين حبيبتي تونا واصلين اليوم......شالزين شالحلاه شكلج اليوم بتغطين على العروس هههه
حبيت الطفل : يازينه يهبل
ام سلطان: هذا فارس ولد سلطان... وعطته الشغاله الي معاهم
عليا: ياحليله عيل وين امه
ام سلطان : امه من عمره شهرين ما تدري عنه حسبي الله عليها تهاوشت مع سلطان
وقطت الياهل عليه وراحت بيت اهلها وطلبت الطلاق
عليا : يوووو وطلقها
ام سلطان:طبعاً.. وليدي ما يخالف شوري !!! خلها تخيس ببيت اههلها .. اصلاً انا ما كنت ابي سلطان ياخذها
حزنت على سلطان: بس سلطان يحبها
عليا : الحب الحقيقي و الي يدوم هو الحب الي يجي بعد الزواج
ام سلطان : يعلها ما توفج بحياتها ما دري سليطين شحب فيها
وتلفتت تدور الشغاله: بروح اشوفها توها يديده وما تعرف حق اليهال
وقفت عند المرايات ارتب شكلي التسريحه بوف بسيط طالع منها خصلات ذهبيه مع تاج ذهبي ناعم مثبت عليه كرستالات
والفستان ذهبي ماسك فوق وتحت الصدر بشريط عريض والوسط درابيه وعلى الكتف شريط عريض مطبوع بكتابات صينيه
الهام: وهي تصفر فستانج روعه.. مو كنه اكبر من سنك
شمس :هلااااا الهام ..انتي بعد فستانج ما يناسب عمرج .... انتو ليش ما سافرتو
الهام لابسه فستان شيفون اصفرقصير لنص الفخذ وينلف بخيط على الرقبه البطانه قطعتين و في النص شفاف
وشعرها مخليته مفتوح بس علقت فيه الورده الحمرااا
الهام : بابا ما وافق نروح وما نحضر زواج حنين
ميرنا قربت مني: مدام قول روهي إند اروسه
الهام :شخبار عبد الله ؟؟؟
رفعت اكتافي :بخير!!! لي فتره ما كلمته .عن اذنج
******
المصوره الست تهاني : اهلين شمس كيفك و كيفوو الاستاز عبد الله ان شاالله منيح
شمس: الحمد لله انتي شلون الشغل وياج
الست تهاني:تمام عئبال لما اصورك وانتي عروس يا البي
وكملت التصوير: خلاص يا ألبي بائي الصور مع عريسك
شمس: اقوول ست تهاني .. ليش صوري للخطوبه ناقصه عن حنين مع انا دافعين نفس السعر
الست تهاني مستغربه: لااا مو هيك اليحكايه ... الصور تعاينك نفس صور حنين ..
لكن الاستاز عبد الله .. ميخود الصورتين إلوو
صار ويهي احمر وارتفعت حرارتي وانا اتذكر اليوم الي جاب الصور
و سافر فيه عبد الله وتصرفه .. الي خلاني اتعلق فيه واحبه اكثر
حنين:هههههههه حتى مع المكياج مبين انج حمرررتي من الحيا
الست تهاني: شووووو مبين الاستاز مااليك ..انو طلب مني اختار صورتين زراف واخليهون إلو
حنين : انا كنت ادري بس نسيت اقولج
الست تهاني :يالله بدي اجهز الكاميرا منشان الزفه
شمس: يالله حنين انا بنزل قبلج واذا احتجتي شي زي مااتفقنا .. الله وياج
حنين تردد ايات الكرسي والمعوذات وهي تمشي
شمس: اذا احتجتي شي ..تلاقيني قدامج على طول
انزفت حنين على ابيات شعر و اضاءة رومنسية في القاعه ومركزه على حنين
~~~~~~~~~
يوم أقبلت أحلى عروس صابت الصاله سكون
عم اهدوء كل المكان والكل يناظر زينها
الناس من كثر الجمال ماهي مصدقه العيون
يحسبون أنها ملاك يوم رمشت في عينها
لولا خوفها على الحضور يصيبهم عشق الجنون
كآن ضحكت بشفاتها أو أشرت بيدينها
حرف (حـ) بداية أسمها معطر بعطر الدخون
يزيدها روعه وحيا ونور وسط جبينها
والنون ثاني حروفها معطيها بهجه مع شجون
ا(يـ) زودها حلات وزود حلا لسنينها
والنون اخر حروفها يعطيها فن من الفنون
ختام لأسمها حنين الله شزينها
الخير طير بقدومها غرد على كل الغصون
الخير كله ياملا في قلبها وفي أيدينها
الورد خدر في كفها من لمسه الكف الحنون
يذوب من لمسه أيدها وعطرها وحنينها
ومالوم أنا الصاله اذا صابها صمت وسكون
مادام حنين هي العروس بنسكت ونطالع زينها
=============
بعد نص ساعه
دخلو الرجال يزفون راشد على اغنيه ليالي الانس
راشد سلم على حنين .. حبها على خدها ..ووقفو ويدينهم متشابكه
مسكينه خالتي حصه ..من كثر ما صاحت اليوم ساح المكياج واختبص
خالتي: تعالي يابنتي صلحيلي هالمكياج الي ماله داعي
شمس:ان شالله خالتي بس انتي بسج صياح والله ماتوقعتج بتصيحين في عرس حنون
خالتي: ياعمري على بنتي الي مطيب خاطري انها عند راشد واعرف انه بيصونها وموب مخلي عليها قاصر
سحبت من المناديل الخاصه بازالةالمكياج صلحت مكياج خالتي وصار احسن من اول
خالتي: مشا الله عليج كل يوم اكتشف عندج موهبه ههه
يابخت ولدي خذ مره سنعه ...ويييي متى يرجع عبد الله ونفرح فيكم
نزلت راسي من الحيا: تو الناس ياخالتي
خالتي :والله انا وعمج نحلم في اليوم الي نشوف عيالكم تارسين البيت
وحضنتني ... يمكن للمره العشرين
طلعنا على المنصه .. سلمت على عمي تركي ..ونايف وخوالي .. وراشد الي لف يده الثانيه على كتفي
خالي احمد: راشد شنو شعورك وانت بين احلى بنتين
راشد: ههههههههه زي شعورك ياخالي
خالي احمد واقف بين امي وخالتي حصه وخالتي فاطمه
عمي تركي سلم على راشد ووصاه على حنين
العم تركي: مادري شلون بمشي وانا احس عيون الحريم تبحلق فيني .. تعالي وياي
شمس: حاضر ياعمي بس لحظه شوي
رحت للفنانه ..وطلبت منها زفه لعمي ... ونزلت معاه وانا ماسكه يده على اغنية
بو صالح سرى ليله
هل الدمع من عينه
ما يقرحك ماء المقراح
يا غايب زمانك راح
حبيبي وحبيته
مروا بي على بيته
خلي صار في وادي
وانا صرت في وديان
يا راكب وارد بهوان
غيرك ما شراه إنسان
صبوا لي من الفنجال
صافي من عسل جردان
يا بكره عمانية
ما تنزل صال الميدان
صبوا لي من الفنجال
صافي من عسل جردان
عيون الحريم تلاحق عمي تركي مع ان عمره فوق الخمسين بس صرررراحه رزه بالبشت الاسود
والسكسوكه فيها بعض الشعر الابيض زادته وقار.....،سمعت المطربه تقول اهداء
هذي الاغنيه اهداء من المعرس لعروسته حنين
يا زينة الدنيا و يازينها فيك
قلبي صفالك وانت قلبك صفى لي
بعيونك اسهر و احتفل بك و اناجيك
يطرب بك الخافق ويرتاح بالي
توه زماني يبتسم يوم الاقيك
في ليلة ما مثلها بالليالي
كلي على بعضي يحبك ويغليك
وانت من اول بين هالناس غااالي
لا ذا ولا هذا ولا ذي ولا ذيك
لا شفت زولك اشرب المر حالي
تبغي الصراحة مابه احدن يساويك
يا نجمة الليلة و باكر و تالي
*****
طلعو خوالي بعد ما ادو الواجب.. قدام راشد وبتشجيع قوي من المطربه وفرقتها
اتصلت هاديه تقولي انها وصلت .. استقبلتها عند المدخل ومعها بنات عمها منال ومنار
هاديه: على البركه عقبالك يا قلبي
شمس: الله يبارك فيك وعقبال باقي البنات
منال : ههههههه لو عندج واحد ..مثل المزيون الي ذيك اليوم موافقه وانا مغمضه
مطيت شفايفي يعني موب عاجبني كلامها : خلكم متغطين المعرس داخل
منار وهي تطبق عبايتها وتحطها في المكان الخاص بالعبايات
يووو المعرس مو فاضي يطالع فينا عنده عروسته تكفي
كنت ماكله حبتين من دوا المغص .. ومن شفت ها لمشافيح كليت حبه زياده
مع ان الدكتور مقرر لي حبه وحده بس عند اللزوم
قعدنا مع لما ولين وعليا والهنوف ..بعد ما عرفتهم على بعض
رهف كانت على المنصه والطوق الي عليها شوي ويطيح واشرت لها جات ركض
رهف صايره مثل الفراشه بلفستان الوردي نافش وفيه ريش ناااااعم
رهف :ترى حنين تبيج من مساعه وهي تقول نادي شمس
صلحت طوق رهف ورحت معاها
راشد شافني ووقف مع حنين : شمس يالله بنمشي
حنين: احس نفسي بطيح من التعب
شمس: يالله هانت ماباقي شي
واطلعوو على غرفه للتصوير عشان يصورون وهم يقطعون الكيكه
الست تهاني رفضت تصور وانا موجوده : مابيصير هيك العرسان بيخجلوو
طلعتني وقفلت الباب... ومن القهر رفست الباب بريولي : غبيه يعني بيخجلو مني ومنج لاااااا
صوت من المكبر: تفضلو على العشا يا جماعه
في كنبه كبيره عند الغرفه الي فيها راشد وحنين قعدت عليها ورجعت راسي لورا وغفيت
امي تهز كتفي: شمس حبيبتي قومي تعشي
رديت وانا مغمضه عيوني : مااا بي ما اشتهي شى الحين
امي ترحب : ياااهلا ومسهلااا تفضلو
رد عليها صوت ناعم : تسلمين يا خاله وعلى البركه
صوت ثاني خشن : انتي خاله ام شمس
اعررررررف الصوت
فتحت عيوني ورحت لراعية الصوت: فدااا
فداا قربت مني بتسلم ودفيتها : انتي منوعازمج
امي تمسك يدي : تفضلووو يا جماعه
فدا لفت على الي وراها : اعرفج على خواتي
فتحت حلجي مو مصدقه: خواتج .... ماصدق
غيرررر عن فدا ...روووعه وقمه في النعومه والانوثه
واشرت على الاجمل والاطول: فريال قد كلمتج عنها زميلة عبدالله في الشغل
قربت مني ومدت يدها وقالت بصوت ناعم: هااااي بصراحه اكثر من مره اطلب من عبد الله يجييبك وياه لما نعمل بارتي ويرفض
فدا اشرت على الثانيه وشكلها حامل في الشهور الاخيره: فاتن متزوجه وحامل في شهرها السابع
وكبرت ابتسامتها وبكل خبث قالت: اكيد تعرفين زوجها ؟؟ اخو زميلتنا هيفا ... نايف
الصدمة خلتني مثل المشلوله ورميت نفسي على الكنبه
ياربي ....ليش يصير فيني جذي صدمه ورى الثانيه
حتى في عز فرحتى بأخوي الوحيد ... قاومت رغبتي بالصياح
ولما حسيت بالم في بطني فتحت شنطتي وخذيت من الدوا حبتي
ساعدت حنين تلبس عبايتها: من بيوديكم الفندق
حنين وهي ترتجف: اكيد خالي وامي
شمس: هههههه وخالتي ليش تروح ماله داعي
حنين : لا والله امي قايله لي انها بتجي معاي
شمس: ههههه شنو شعورج بهالحظه بذاااات
حنين: اممممممم زي شعوري يوم ركبت الطياره اول مره هههههه
شمس: الله .. نفسي اجرب ها الشعور
الكل ضحك ههههههه
شمس: قصدي ركوب الطياره
راشد حب راس امي ومسك عروسته وطلعووو
رجعت للبنات وقعدت وياهم وزادت علينا الهام قعدت على يميني نفس مكان حنين
الهام حطت يدها على يدي: شمس انتي شاربه شي هههههه
شمس: ايه ...هااا .. اقصد لاااااا خذيت كم حبه مسكن ليش
الهام: ههههه لاني اكلمك ولا تردين على مع انك تطالعين فيني من قعدت عندكم
شمس: من صج هههههه والله ما انتبهت كنت افكر بحنين كانت دايم تقعد على يميني زي مكانج بالضبط
الهام: لاااااا تكفين مابي اصير مثل حنين ههههههه
شوي شوي صارو الي قدامي مثل الحلم واصواتهم بعيييييده
هاديه قربت راسها مني: شكلج تحفه وانتي نعسانه
منال: هههههه شوفو شمس ورهف هههههه لقطات مضحكه
عليا: شمس بدون حنين زي المطربه بدون مايكرفون
الكل ههههههه
الاهداء الي قالته المطربه خلاني افتح عيوني على كبرها
هذي الاغنيه اهداااء خاص من عبد الله لزوجته الغاليه شمس
مفاجئه ماكنت اتوقعها من عبد الله
البنات يصفقون بحماس وعليا تاشر لي اقوم ارقص
امي: يالله حبيبتي ولا تبين وحده ثانيه ترقص مكانج
شمس: لازم وحده من البنات تجي معاي
عليا : انتي اول حبيبتي الاهداء باسمج
شمس: ياويلج لو تكون من افكارج الي تودي بداهيه
عليا : لو عندي افكارمثل هاذي جان فكرت لعمري ههههه
... اشرت للما ولين والهنوف يجون وراي
ابي حبك معي يكبر .. وابي هواك انا اكثر
وابي اهديك انا دنياي .. كل اللي عليه اقدر
حبيبي انت احساسي .. ونبض القلب وانفاسي
لاصار الزمن قاسي .. عشان عيونك اتصبّر
غرامك كل يوم يزيد .. ولا يعرف مدى وحدود
عيوني في هواك شهود .. يارب مايوم يتغير
عشانك كل شي يهون .. لانك حبي المجنون
يا احلى مافي هذا الكون .. صحيح يحقلك تغتر
***
اخيراً انتهت .... من فك التسريحه ومسح طبقات المكياج صج .. صج معاناه
تسبحت وصليت الفجر ومن التعب نمت على سجادة الصلاة
صحيت الساعه تسع وعضامي متكسره من النوم على الارض نزلت وانا اعرج
قرب من امي وضميتها من وراها: صباح الخيرات ياام راشد
امي وعلى وجهه احلى ابتسامه: صباح النور والسرور
شمس: شخبار المعاريس كلمتيهم
امي: كان هني وفطر معاي وتوه طالع .... الله يحفظه
شمس: ههههه خوش معرس ليش ما صحيتوني اسلم عليه
امي : بيروح يجيب حنين ويمرون بيت خالتج وبعدين بيون هني
سويت لي كوب حليب بالشوكلاته وقعدت مع امي نسولف عن عرس راشد
امي: بس انتي فشلتينا قدام صديقدج فدا
شمس: يمه لا تقولين صديقتي هاذي وحده شاذه
امي :الله واكبر اهلها ناس اجاويد وابوها مسؤول كبير في شركةـــ
وامهم يقولون انها امريكيه خذاها ابوهم يوم راح يدرس في امريكا
شمس: ههههههه في ساعتين جبتي تاريخ العايله كله
وانا صارلي ثلاث سنين مع بنتهم ماعرفت شي عنها
امي: تراهم ماخذين من امهم طبايعها مثل ما خذو كثير من اشباها
شمس: يمه تعرفين منو مناسبين
امي : ايه نسيبهم نايف ناصر ويقولون انه ماخذا البنت الا بعد ماحملت منه
الله يستر على بناتنا وبنات المسلمين اشوووه الي راشد رده
يقولون انه الحين مسجون بتهمة التحرش الله لا يوفقه
المفروض يسجنون الي تحرش فيها وياه لانها لو محتشمه وحافظه نفسها جان ما تجراء وتحرش فيها
امبييييييه قلبي يدق بسرعه: يمه اذا جا راشد علموني
امي : قعدي نكمل سوالف
شمس: بعدين ..تعبانه برووح انام شوي
في غرفتي والفضول ذابحني ابي اعرف هالنايف شلون عايش حياته طلعت جواله من الدرج و ركبته في الشاحن وتممدت على السرير وانا اقر الرسايل الوارده
اغلبها من ام ناصر معقوووله..فاتن تحبه كل هالحب ..وهويخونها
ماقدرت اقاوم النوم...... حطيته على الدرج ونمت
!!!فتحت عيوني على......
<<<24>>>
لـاـ تتعجلــ العقابــ
قفـ قليلاً عند محطاتـ العتابــ
ولـاـ تركبــ قطار الغضبــ
وتأكد بأنـ ساعهـ الغضبــ
ليســـ لها عقااااربــ
v
v
v
راشد واقف عند شمس وبيده جوال نايف الولهان...... عاقد حواجبه وويهه صاير احمررر
فتحت عيوني وغمضتها بحركه سريعه .....ورجعت فركت عيوني ...تمنيت يكون حلم
حنين دخلت تنادي راشد: خالتي تقول اذا شمس.....!!!!.... شفيك؟؟؟؟
راشد مانطق ولا كلمةواتجه للطاولة المكتب وفتح الدروج واحد ورى الثاني ونثر الي فيهم على الارض
حنين وقفت قدامه : حبيبي شدوور
راشد بعد حنين من قدامه وفتح دولاب الملابس
لازم اوقفه لان كل شي قدامه بالدولاب مسكت كتفه :انت باي حق تدخل غرفتي وتفتش باغراضي ؟؟؟
راشد سحب اول شي قدامه ملابسي المقطعه ومعاهم ثوب العم محمود والصندوق كان فوقهم
طااااح والصور الي فيه انتشرت على الغرفة
نزلت على الارض اجمع الصور
حنين: راشد شفيك فهمني شصاااااير
راشد نزل معاي على الارض وسحب الصور من يدي
ويهه تغير !!!!! وسحب شعر شمس : تعرفين هذا شمعناااااته
حنين تحاول تفك يد راشد : رااشد تعوذ من ابليس
راشد : لا تتدخلين بشي مايخصج
ورجع لشمس : تدرين نايف شقايل في التحقيق.. جاي المزرعه عشانج
وبسبتج ..انحطيت بموقف محرج مع عمي تركي ....لكن انا غلطان.... دافعت عنج.. واتهمته
انه يبي يشوه سمعتنا بسبب رفضج الزواج منه !!جان خليتهم يقطونج في السجن .... مع المنحرفات وبنات الشوارع
شمس: لا تصدقه .. تراه متفق مع ريما
راشد : خليييي ريماا بحالها !!!! وبعدين اكيد عندها صورلج مثل ماانتي عندج صورها
حنين : راشد.... اقعد ..وتعوذ من ابليس وهي بتفهمك كل شي
راشد :كل شي واضح..... بس ابي اعرف احنا شقصرنا فيه انتي مو ناقصج شي ليش تجازيننا بسواد الويه
ومد يده بكف قوي على ويه شمس
شمس: انت مالك خص فيني ..... اطلع براا..ماابي اشوفك
راشد: لاااا... انا اليوم ذابحج ..ذابحج
رمى شمس على الارض وشاته بريوله
حنين مسكته وسحبته بعيد
راشد : انتي طلعي برااا.. طلعها برا الغرفه وقفل الباب
رجع يدور بالغرفه خذ اول شي قدامه ..... ويصلح للجلد؟؟؟؟؟سلك شاحن اللابتوب) لف طرف السلك على كفه ....ونزله على ظهر )
وقفت قدامه :راااااشد انت ظالم ... ماكملت كلامي
لانه دفني على الارض وجلدني لين جلدي تقطع
ام راشد وحنين صراخهم غطى على صوت السلك وهو نازل على جسمي
حنين زاد صراخها: خاااااالتي ... راااااشد الحق علي خااالتي
رمى الي بيده وركض فتح الباب
كنت مرميه على الارض متكوره على نفسي ومغطيه ويهي بيدي
حاولت اقوم ماااا قدرت زحفت لين الجدار وتسندت عليه
شفت امي طايحه على الارض وراشد منزل راسه على صدرها
حنين : راشد ماتتحرك... ماااااااتت ؟؟ ..... خاااااالتي ماااتت
الارض من تحتي اهتزت وطحت في حفره مااااالها نهايه ،،،،،،، ظلام في ظلام
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك