رواية جواهر -9
عبدالعزيز: هنا ونزل وراح وهو يصارخ عمو طلال جاااااا عموووو طلال جا
..جواهر وهي واقفة : اها هذا هو طلال ولد عمي يعني اخو نوفا وقفت عند الباب ...وشوي التفت لها طلال: اختى تعالي خشي داخل لحظه اناديلج نوفا ...وهذي نوفا نازلة الدرج ولما شافت اخوها تفاجأت ..
نوفا: طلالوووووووووه حمدلله على السلامه وعلى طول راحت ولمته بحضنها وسلمت عليه ...وما انتبهت لحد وراه ...
نوفا: سويتها مفاجاه ليه ما علمتنا انك بتجي
طلال: يالخبلة اشلون تكون مفاجاة لما اعلمك
نوفا: هههههههههههههههههههههههههههههه ايه صج ماتكون مفاجأة
وشوي انتبه طلال ولف على ورا ... نوفا هذي وحده تبيج
نوفا طالعت ...: يؤيؤيؤ جواهر فديتج والله تعالي انا اسفه ما انتبهت لج متي وانتى هنا وليه ماحد قال لي
طلال: جواهر اها بنت عمي وليه ما علمتني انها بنت عمي
جواهر: كنت بعلمك بس الكل قاعد يصرخ لما شافك خليتهم يخلصوا بعدين يجي دوري
نوفا+ طلال: هههههههههههههههههههههه
جواهر: الحين دوري اشلونك طلال والحمدلله على السلامه
طلال: الله يسلمج الغلا مشكورة .... الا وينها امي نوفا
نوفا: اكيد بدارها
طلال: بروح لها ولهت عليها والله
نوفا تمسك ايد جواهر: تعالي يالله بنطلع لداري ....وطلعت وياها بعد ما نزلت الشيله من على ويهها
جواهر: الله ..............بغيت اموت مو متعودة على الشيلة ولا البرقع وهي مبوزة وربي حالة
نوفا: ههههههههههه باكر تتعودين
جواهر: لا يبه ما راح اتعود الحمدلله ما بكون هنا على طول
نوفا تفاجات وسألتها: ليه ما راح تعيشين هنا
جواهر: برجع الكويت قريب ان شاء الله بكمل هالاسبوع هنا ومن بعدها تعرفين الفصل الدراسي الثاني يعني لازم اكون هناك من البدايه واجهز روحي
نوفا: لالالا انقلى دراستج لهنا ..وتكونين معاى بنفس المدرسة مدرسة خاصه ووايد زينه
جواهر: ما فيني انقل بنص السنة حرام والله يعني درجاتي ومدرى اشلون مناهج مختلفه مو متعوده عليها بالمره
نوفا: نفس الدروس يعني عندكم تاخذون عن الفضا واحنا لا
جواهر: هههههههههههههههههه لا مو القصد بس مناهجنا متعوده عليها يعني يمكن منهجكم صعب او انه مو بمستوى مناهجنا واشلون راح يحسبون درجاتي يبه شغلانه لا وبعدين ربيعاتي هناك كلهم اشلون اهدهم جذي بسرعه
نوفا: من كذب عليج وقال لج انه مناهجنا مو حلوه ,, الا تهبل بالواحد ما تطالعيني اشلون اهذر حيل بالكلام ,, حشا تهبل الواحد اللى يدرسها هههههههههههههههههههههه
جواهر: هههههههههههههههههههههههههههههه
*************
راح طلال لغرفة امه ....: دق الباب وعلى طول دخل الغرفة
امه كانت ترتب بعض ملابسها بالكبت واول ما سكرت وطلعت من الدريسنج روم وتفاجات بويه طلال قدامها
امه: بسم الله
طلال ولمها بحضنه وحب على راسها ...فديتج يمه اشتقت لج والله
طالعت فيه امه وباسته وهي مو مصدقه: يا قليل الحيا لي اكثر من اسبوعين ما كلمتني لهالدرجه هنت عليك
طلال: فديتك يمه والله امتحانات وتعرفين ارد من الجامعه يدوب احط راسي شوي ومذاكرة ولا ما تبين الدرجات العالية
امه: لا فديتك ابيها وابيك ترفع راسنا بشهادة تخرجك
طلال: دوم مرفوعة
امه: تعال هنا علمنى وشخبارك وشمسوي
طلال: يمه انا يوعان يعني ما افطرت الصباح وقلت الا ان شاء الله اذوق من طباخج الحلو
امه: فديتك والله ...لو علمتنى كنت بسوي لك ذاك المكبوس باللحم لكن اليوم مسويين مرقة سمك ورز بالخضار وان شاء الله يعجبك مع بقية الاشياء
ايه قولي كذا يالله انا بروح اتسبح وبعدين بنزل لتحت عاد لا تطولون علي ترى يوعاااااااااااااااااان
اتصل طلال على والده: السلام عليكم
ابوه: وعليكم السلام هلا والله اشلونك طلال
طلال: انا بخير الله يسلمك ...متى بترد من الشركة يبه ..؟؟
ابوه : ليه..؟؟ فيه شي..؟؟
طلال: بس كنت ابيكم تردون بدري شوي لانى يوعان ..ابوه قاطعه
ابوه: ايش ايش ...طيب روح كل ... شوي ولما سمع ضحكة طلال بالتلفون انت من يون تكلمني
طلال: انا وصلت قبل شوي لهنا بالبيت
ابوه: الحمدلله على السلامه زين زين اذا كذا بخلي اخوك يكمل باقي الشغل ويجي على طول ما يتأخر
طلال: اوكى اشوفك على خير يابوي
بهالوقت كانت وضحا جالسه ويا بناتها بصالة بيتهم وشوي ويرن تلفونها
وضحه: الوووو
امها: هلا بنيتي تعالي تغدي معنا
وضحه: يمه انا امس عندكم وقبله اليوم ما فيني اطلع من البيت برتاح بجي بكره ان شاء الله
امها: قلت لج تعالي ابيج اخوج طلال وصل الحين
وضحه: والله زين الحمدلله على سلامته
امها: الله يسلمج ها بتيين ولا لا وبعد هنا بنت عمك جواهر
وضحه: اوووه ومتى جت هذي
امها: نوفا عازمتها بالغدا اليوم ...بتجين ولا لا
وضحه: امممم اوكى وهي تفكر بفكرة خبيثة ....مشاعل من زمان ابي اعزمها عندكم بالبيت وش رايج تجي معي وهم بعد تكون ويا نوفا وجواهر تنبسط معهم
امها: ما عليه البيت بيتها حياها الله خليها تجي
وضحه مبتسمة بفكرتها: انزين يالله مع السلامه بجهز البنات
.............. ميثا خذي نجلاء وروحوا لغرفكم البسوا بنروح بيت يدووووو خالووو طلال جا يالله بسرعة
ميثا: والله هييييييييه خالوه فديته احبه مررررررررررررررررررره
وضحه: روز رووووووووز please take the girls and change their dresses we will go to my parent's house after one hour
روز: ok madam
طلعت لفوق لعند مشاعل ودقت الباب ودخلت لقت مشاعل بعدها نايمه
وضحه: شعوووله اصحي يالله وقربت لعندها وهزتها شوي
مشاعل: اووووه وضحه مافيني امس سهرت لين الساعه 3 وش تبين اخلصي
وضحه: عن الكسل يالله بتروحين وياي اوكى نتغدى بره
مشاعل شالت البطانية من عليها وفتحت عيونها: وين بنروووووح
وضحه: بنروح بيت اهلى يالله طلال جا
مشاعل : والله طلال جا ..... الحمدلله على سلامته اوكى وانا وش دخلني بينكم حرام عليج مصحيتني عشان كذا
وضحه: يالله عاد قومي انا استاذنت من امج الحين ووافقت تعالي انبسطي شوي مع نوفا
مشاعل: اووووووه تعرفين انه مرات نوفا ما تطيقني لا مابي روووحي لحال
وضحه: يالله عاد اخلصي بنروح بعد شوي
مشاعل وترد البطانيه عليها: قلت لج روووحي مابروح يالله
طلعت وضحه معصبه من عندها وهي تبرطم( كيفها ما تبي تروح وهذا انا ابي لها الخير مالت عليها خلها بروح اجهز روحي ...وقررت تكلم امها مره ثانيه في سالفة سلطان ومشاعل)
***************
بغرفته طلال ... خذ التلفون وارسل مسج
( اللى يبيني اقطع القلب واعطيه
اعطيه من روحي بلا حسوفة
واللى شرى ودي بهالعالم اشريه
واشري له الدنيا ولا به كلوفه
من حبني من قلب انا كلي اغليه
اغليه من قلبي وحلمي اشوفه )
ولقى اسم ( عيون كوني كله ) وارسلها .... شوي وانتظر وجاله تقرير بالاستلام ....(آآآآآآآه فديت هالعيون اللى سكنت خيالي وفديت اسمه وطاريه )
شوي وجاته مسج فتحها على طول ( ودي اكتب والقلم عيا يطيع .....مدرى الاشواق ولا انت السبب.....كيف اعبر والحكي مني يضيع ...... أسعفيني يا قواميس العرب ...... وش ابكتب فيك يا الحر الرفيع .....وأنت وصفك من أعاجيب العجب......هذي أقلامي بسكرها جميع......في سكوتي تصبح أشواقي ذهب )
راح وهو طاير من الفرح من يصدق بعد هالفتره كلها واخيرا اليازية حبته .... راح تسبح وبدله ملابسه ونزل لتحت وهو نازل لا ويشوف ابوه داخل للبيت راح على طول وحب على ايده وراسه طلال: اشلونك يبه عساك بخير
ابوه: الحمدلله على السلامه طلال ها بشر اشلون الدراسه وياك
طلال: الحمدلله عال العاااااال لا تحاتي ابد ولدك ان شاء الله بياخذها الشهاده سنة ونص وباخذها الشهادة
ابوه: انا بروح ابدل ملابسي خلهم يزهبون الغدا يالله
طلال: ان شاء الله يبه ..... اتصل على الخط الداخلي للمطبخ وعلمهم وراح فتح شوي التلفزيون وجلس ينتظر ...شوي ودق الجرس راح يفتحه الا وهذول بنات اخته وضحه قدامه على طول كل واحده تصارخ : خالوووو طلال اللى مسكت ثوبه واللى مسكت ايده ...اخذ منها الصغيرة نوفا : الله الله وش هذي الحلوه كبرت والله عن اخر مره شفتها فديت هالعيون الحلوه
وضحه على طول شالت البرقع من عليها وسلمت على اخوها
وضحه: الحمدلله على السلامه اشلونك طلال وش هالمفاجاه
طلال: تعرفيني احب المفاجات ...شوي ويعطي وضحه بنتها ويسلم على البنات واللى جالسه بحضنه واللى تبوس فيه بخده : ههههههههههههههه فديتكم والله مشتاااااق لكم ..بمناسبة رجعتي بالسلامه بسوي لكم حفلة اليوم هنا بالليل
البنات صارخوا : هيييييييييييييييييييييييييييه نحبك خالوووه طلال
وضحه: لمتى بتظل كذا اركد عاد لا وهذا داش جامعه امحق من يشوفك انت وهبالك اللى بالحفلات يقول حشا مافيه عقل
طلال: هذا يزاي انى ارفه عنكم وابسطكم الجميع
وضحه: ههههههههههههه فديتك اخوى بس راح زمان البسطه انت الحين شاب خلاص
طلال: هذا طبعي وبيظل مثل ماهو ولا احسن اكون مثل سلطان دوم جاد ومبوز
وضحه: فديته والله اخوى مو كذا بس سلطان اعقلكم
طلال : ايه ايه عرفنا يالله عن الهذره الزايده ارمسي لي وش اخبار ريلج حبيب القلب بعده للحين متحملك
وضحه تطالع فيه بنظرة معصبه وتضربه على كتفه : طلووووول يووووز عني
طلال: هههههههههههههههه ما قلت شي قلت الحقيقه الله يعينه بس على اومرج وطلباتج الدايمه
وضحه: والله ماحد امره ياخذني كنت اطلب ببيت ابوي ويسوي لي كل شي ربي يسلمه لي
طلال: آمين ...شوي وهم يسولفون البنات راحوا على طول غرفة خالهم خالد يلعبون هناك معاه البلي ستيشن
شوي راحت ميثا لغرفة نوفا: طلت من الباب
جواهر اول شافتها : هلا هلا هذي وش اسمها والله نسيت ههههههههه
نوفا: اها ميثا يعني وضحه اختى هنا ..جواهر: هلا ميثا تعالي سلمي
ميثا تجي تقرب وتسلم على جواهر ..بعد السلام انضمت لها اختها نجلاء تبيها تروح وياها لغرفة خالد تلعب معاهم راحت لهناك وظلوا جواهر ويا نوفا يسولفون وطلعت لها البوم العايلة
روتها اخوانها كلهم .... سلطان اخوها مره وسيم عنهم كلهم ومن بعده طلال
جواهر: ما شاء الله اخوانج كلهم حلويين احسنهم سلطان واااايد وسيم
نوفا : قولي ما شاء الله عليهم ..الا وش رايج بطلال
جواهرك ما شاء الله عليه رزه باين عليه
نوفا وتضحك من القلب : هههههههههههههههههههههههههههههههههههههههههههااااااا اااااااااااي
جواهر بنوفا: ليه تضحكين قلت شي غلط
نوفا: بعدج ما تعرفين اخوي طلال ولا حضرتي على خباله بس
جواهر: وش خباله ....؟
نوفا: اكيد اليوم بيصير شي عندنا .....تعرفي هذا اخوى فرفوش العيله يعني انا مثله احب الفرفشه والضحك ...بس هذا غيرتلقينه يسوي للعيال دوم حفلات ويعزمهم ويجيب لهم هدايا ويسوي لهم برامج
جواهر: وش برامجه
نوفا: برامج خبال مثله هههههههههههههههههههههههههه وراحت تسولف لها على برامجه تمت جواهر تضحك من القلب خصوصا لما علمتها انها غصبهم بيوم يمثلون دور بدوي معاه عشان امه كانت هذاك الوقت بعافية شوي ويبي يسليها ويطلعها من اللى فيه
جواهر: واحليله ربي يخليه لكم ...كملوا ونسوا الوقت شوي وطالعت نوفا بالساعه ال2 الله نسينا الصلاه والغدا ....بس اكيد يتغدوا الرجال وبعدين احنا عادي الحريم
راحوا يصلون ومن عقبها اتصلت نوفا عليهم عشان تعرف بعدها بشوي نلوا وتغدوا سلمت جواهر على خالتها وعلى وضحه وكانت قليلة كلام معها
***************
طلال ويا ابوه واخوانه كانوا يسولفون بالمجلس شوي الا وابوه فتح السالفة
ابوه: طلال يبه انت ما شاء الله قربت تتخرج من الجامعه وانا ودي افرح فيك وفكرت في بنت عمك ما راح تلقى احسن منها
طلال خلى روحه ما يعرف شي بعد ما اشر له سلطان بعيونه
طلال: ههههههههههههه يبه لاحق على الزواج وخباله تبي بنت الناس تتخبل مني
ابوه: هههههههههههههه زين تتخبل منك ابيها تعقلك شوي وتركد
طلال وخلى روحه زعلان وماد برطمه: الله يسامحك يابوي يعني انا مخبل
ابوه: ههههههههههههههههه ها وش رايك بنت عمك جواهر
طلال: هذي اللي شفتها
اخوانه وابوه مستغربين : وين شفتها
طلال: جت لعند نوفا وتقابلنا سوا على الباب باين عليها وحده سولعيه
ابوه: وش سولعيه هذي بعد
طلال: هههههههههههههههه حلوه
ابوه: ايه صدقت حلوه والله ما كذبت ها وش قلت
طلال: يبه انا مابي بنت عمها والله يهنيها بشبابها وجمالها بكمل دراستي ولاحق على الزواج
ابوه: شوف لا تغيض فيني يكفي اخوانك الاثنين للحين ما تزوجوا واللى شرواهم معهم اولاد ومبسوطين بحياتهم
طلال: يبه انا ما بتزوج بنت عمي وبعدين ما اعرفها ولا شي .... اباخذ ان شاء الله اللى بقلبي وبس هذي حياتي يبه مابي احد يغصبني على شي وبعدين اندم انى وافقت
ابوه عصب عليه: وش غصبت عليك فيه قول كل شي تبونه انفذه لكم والحين لما جيت ابي لكم الخير وابيلك الزواجه المحترمه اللى احس انها بتسعدك طول حياتك تقول لى اغصب والله انت ناكر للجميل ...
سلطان: يبه الله يهداك هدي روحك
ابوه: ما تسمع كلام هالولد وش يرد علي فيه
تركي: يبه الله يهداك ما قال شي غلط اشوفه تبي تزوجه وحده ما يعرفها ولا شافها عمره بحياته
ابوه: بيعرفها وبيشوفها لما يخطبها المهم يوافق وبس
طلال وهو يفكر باليازية هالوقت : يبه ارجوك ليه انا بالذات زوجها لسلطان او لاخوى محمد انا مابيها انا اباخذ اليازية وبس
ابوه من سمع كلامه وقف وعلى طول عطاه كف على ويهه
ابوه: اها قول من اول طايح لي هناك مغازله وحب ولا تدرس ولا شي يالله قم من قدامي مابي اشوفك الحين .... قام تركي وعلى طول مسك ابوه وسلطان راح لطلال وخله يقوم : روح طلال الحين لدارك ربك كريم ...طالع طلال فيه وهو حزين وراح وهو زعلان لزعل ابوه منه
سلطان: يابوي لا تزعل على طلال ..وبعدين طلال بعده ما خلص الجامعه وليه مستعجل عليه يمكن بعد الجامعه يوافق
ابوه: شوف والله لو ماخذ بنت عمه لا هو ولدي ولا اعرفه
تركي: يابوي لا تقول هالكلام
سلطان بلا شعور: يابوي خلك منه خلاص تبي حد ياخذها انا باخذها خلاص ولا تزعل وتحلف عليه حرام
تفاجأ ابوه وتركي من كلامه : والله سلطان بتاخذها
سلطان( انا وش سويت الحين احط نفسي بورطة بس عشان طلوووول الزفت واللى يحبها )
سكت ولا رد
ابوه: انا اكلمك بتاخذ بنت عمك والله كنت ابيها لك لكن قلت يمكن ما توافق وتقول هي بعدها صغيره .....
سلطان: يعني لو ما وافقت عادى ..طيب ليه طلال تغصب عليه البنت
ابوه: انت غير طلال بعده ما يعرف مصلحته ويتكلم بعقل الشباب الطايش بس انت لو قلت مو موافق او لا بتقنعني بكلامك لكن هو وش رد علي فيه ..انا احب مدرى مين يعني كله عقل ومصاخه هالجيل
سلطان: ولو قلت لك يبه ما قلت هالكلام الا عشان ترضى وبس ولا تزعل وتحلف على حد فينا
ابوه: يعني اشلون ما راح تاخذها تبون البنت تروح من يدكم لحد غريب
سلطان: يبه البنت كانت هنا ولا كانت في أي مكان بتظل بنت عمنا
ابوه: اخر كلام بتاخذها ولا لا
سلطان حس انه خلاص شوي وبينفجر ابوه اول شي ريحه وبعدين الحين ابتدا يضغط عليه
سلطان: خلاص يبه باخذها بس مو الحين انا ما فيني اتزوج السنه هاذي بعد سنه
ابوه وهو متشقق من الفرح : على البركة ياولدي والله ما بتلقى احسن منها زينه وحشيمه ومن لحمك ودمك ...ابروح اتصل على اخوى نروح لهم في يوم ونخطبها رسمي
سلطان: يبه انا قلت مابتزوج الحين حط هذا في بالك
ابوه: زين زين بس على الاقل كلمه وممكن ملجه بعد وقت لكن الزواج يتاجل عادى
تركي: مبرووووووك ههههههههههههه والله وقعت فيها
ابوه يقاطعه: وش وقع فيها انت بعد
تركي: قصدي قفص الزواج اللى يتهرب منه دايم ...بتشوفه احلى قفص هذا انا وعايش سعيد ويا العنود
سلطان: زين زين مو قفص الا سجن الزواج ...قام وقال انا بروح لدارى برتاح شوي عن اذنكم
*************
بغرفة جواهر بعد الغدا كانت جواهر ويا نوفا يكملون ضحك وسوالف عن مواقف بالمدرسه وجواهر تسولف لها عن سفراتها تموا لين العصر بعد الصلاه تجهزوا وراحوا مجمع الفيصليه واتصلت على الريم اللى قالت انها بتروح لهناك
...في المول ابتدوا يلفون على محلات الشنط والاحذيه عجبتها وحده وظلت تبايع فيها الابيع لين رخصها ب2000ريال خذتها واما نوفا خذت لها شنطة كلاسيك عجبتها من اول مره شوي وبعد راحوا لعند محل باريس غاليري وكل وحده راحت صوب كانت جواهر عند مكان العطور تبايع بعطور اعجبوها بتاخذهم هدايا لامها واختها وعالووووه ورفيقتها العنود شرت لها مجموعة ميك اب حلوه اول ما دخلت المحل
شوي وهي تبايع العطور رجعت لورا بنفس اللحظه حست انها صدمت بحد من وراها شهقت على طول ولفت ويهها ومن زود الارتباك طيحت شنطتها والكيس اللى معها
...........: بسم الله حواليج اختي ..وسكت يالله وش هالعيون اللى تناظرني وش هالوجه الملائكي
جواهر متلعثمه: آسفه اخوى ما انتبهت ... وانتبهت انه غشوتها مو على ويهها وعلى طول حطتها ونزلت الا وهذا الشخص ينزل ولمست ايدينه وعلى طول شالتهم وهو كان يلم اغراضها من الارض وعطاها اياها
.............: السموحه اختي .... (الله وش استوى لي ..ليه قلبي يدق بسرعة ...)
جواهر: مسموح وانت بعد سامحنا اخوى ..وعلى طول لفت وراحت مكان غير ... راحت تهدي نبض قلبها اللى تسارع اول ما شافته ( ولييييه هذا سلطان ولد عمي الحين بيسوي لي سالفة لو عرف انه ما معي غشوه على ويهي احسن اروح من هنا واعلم نوفا لا تروح لهذاك الصوب ..بس ليه قلبي يدق بهالقوة ..الله يستر بس )
شوي وتتصل على نوفا
جواهر: نوفا الحقي سلطان اخوج هنا وشافني بلا غشوه فديتج انتبهي لا تكلمينه مابيه يعرف انه احنا هنا لا يهاوشني بعدين بلييييييييييز
نوفا: الله وش عرفج باخوي انتي الحين
جواهر: يالخبلة مو انا شفتهم بالالبوم معاج اليوم
نوفا: ايه صح يالله عيل انا بنتظرج بره المحل
جواهر: وانا طالعه يالله بسرعه نروح من المكان
...... طلعت معاها وعلى طول راحوا محل ثاني
جواهر: وش رايج نبدل محل اخاف اخوج يعرفنا وبعدين تكون مصيبة
نوفا: تستاهلين انا قلت لج حطي الغشوة على ويهج انتى اللى ما ترومين وقلتي بالمحلات بفكها عني مافيني اتحملها
جواهر: اوووه خلاص نوفا يالله نروح محل غيره ....ظلوا يلفون وبعدها راحوا للمطعم يشربون لهم عصير قبل المغرب اتصلت عليها الريم وقالت انها جابت العيال ومعها البندري والعيال واتفقوا يتقابلون بمحل ولما صاروا مع بعض شوي وراحوا للصلاه بالمصلى داخل المجمع ومن بعدها ودوا العيال للالعاب ظلوا العيال يلعبون لين وقت العشا راحوا المطعم اتعشوا ومن هناك ردوا البيت ...
***************
سلطان طول ماله يفكر في هذيك البنت اللي شافها ( ياربي لو عرفت بس اسمها ..واستغرب من حاله ليش هو كذا ...بس حظي اشوفها ...بعد ماخذا بعض العطورات لنفسه راح من المركز ماقدر انه يكمل فيه بعد ما شاف البنت يبي ينسى ...هو ماله بهالحركات ودوم غير عن اخوانه ...وحس بضيقه في صدره من سالفة بنت عمه اللى راح ياخذها ولا يعرفها ... وش المشكله اللى ما راح تنحل ابدا يقلب حياته عشان بس يرضى والده .... الله يكتب لي السعاده وبس ..مع انه حس بروحه خلاص انه ما راح يشوف السعاده بعد ما شاف هذيك العيون ..... ياربي من وين بعد هذي طلعت لي عشان اتتعبني زود فوق اللى انا شايله .... انتبه على صوت السيارات من وراه وما شاف الاشارة الخضرا على طول ضغط بنزين وتحرك بسرعه لعند ربعه اليوم السهره عند خويه متعب )
&&&&&&&&&&&&&&&&&&&&
الجزء الرابع عشر
الفصل الثالث
جواهر اول ما ردت البيت على طول لغرفتها وطالعت شوي بالتلفزيون الا وهذا اخوها حسن متصل عليها
جواهر: السلام عليكم
حسن: هلا وغلا بصاحبة هالصوت وعليكم السلام
جواهر: يعلني افداك ياخوي اشلونك ابو علي وشخبارك ..عاش من سمع صوتك والله
حسن: بخير يا ويه الخير اشلونج انتي خلاص ما اشتقتي لنا عاد ماتبين تيين
جواهر: فديتك اخوى الا والله شوقي لكم زاد اكثر ..اشلون مامي والبابا ..رجوووي وابوخليل
حسن: كلهم طيبين الحمدلله تمام ويسألون عنج بس
جواهر: ها واشلون نورا
حسن: وي فديت قلبها والله وحشتني مع انى كلمتها قبل لا اتصل عليج
جواهر: هههههههههههههههههه يالله خوي خلك ثقيل ما تبين هالشي قدامها لا بعدين تتدلل عليك وطلباتها تصير اوامر
حسن: وي يعلني فدى طلباتها ...من عيوني كل ماتامر عليه
غير قلبي وش تبي مني وجاه
قلبي اللى من عرفته وهي فيه
ماخذه مني قبل ما تقول هات
جواهر: هههههههههههههههههه الله الله يابوعلي ربي يسعدكم ان شاء الله
حسن: اوكى الحين انا بخليج ديري بالج على روحج
جواهر: ولا يهمك تصبح على خير
حسن: تلقين خير ان شاء الله
بعد ما سكرت المكالمة اتصلت على اختها رجاوي .....
رجاوي: هلا والله السلام عليكم فديتج والله الحين انا ومامي بسيرتج
جواهر: ول ول تحشون علي
وشوي وسمعت صوت ضحكة
امها: جواهر بنتي فديتج والله اشلونج يا الغاليه وشخبارك وربي ولهنا عليج بسج خلاص تعالي
جواهر: يمه لا تبكين فديتج ان شاء الله قريب انا ما غبت الا اسبوع وبس حبيبي لا تبكين فديتج مامي وابتدت تتكلم معها وتهديها
امها: ياربي هذي المهبولة تبيج احشرتني ماخلتنى اسولف براحتي
جواهر: هههههههههههههه هاتيها يمه بس قبل ديري بالج على روحج اممممممممممموه على خدج
رجاوي: الا اقول ها وش شريتي للحين
جواهر: وي انتي ويهج الحين وانا قلت اكيد هذي مشتاقه لي تقولين وش شريت ما شريت شي لما بجي بشتري لج
رجاوي: بالله ما جبتي لي كم تايير حلوين على مقاسي ابيهم برمود لو لقيتي شي حلو هاتي اوكى مليت من الموضات اللى هنا
جواهر: ههههههههههههههههههههه ايه لبسي والله لو يشوفج احمد اخوى ان ياخذج من كشتج ويجبرج الا تبدلينها
رجاوي: احمد اخوج بروحج ماله دخل فيني يالله عاد ولما تشوفين شي حلو اشتريه والفال لج ان شاء الله بتلقين موهات على كل قطعه فيهم
جواهر: ههههههههههههههههههههه وع منج
رجاوي: تحلمين بس انتي هههههههههههههههههه يالله ديري بالج على روحج فديتج لا تطولين علينا ترى بسافر لازم اشوفج قبل
جواهر: ان شاء الله بجي قبل يالله تصبحين على خير بروح اخذ لى شاور وبعدها بنام
رجاوي: وي تدفي زين لا بعدين تمرضين يالله اشوفج على خير مع السلامه
جواهر: مع السلامه
....ليتها سمعت كلام اختها فعلا بررررررررررررررد قارص يدخل بالعظم يالله بسرعه اخذت لها بيجاما قطنية ولبست شرابها وبعدها على طول السرير وهي ترجف من البررررررد
...... شوي وتسمع دق على باب القسم : منوووووو تكلمت بالسبيكر
...: انا حرامي اسمي فهد ممكن ادش
جواهر: ههههههههه فديتك والله وافتحت له الباب ..شوي ودش بغرفتها بعد ما دق الباب
جواهر: فديتك فهووود وينك مالك شوف من امس
فهد: انا ولا انتي من لقى احبابه اخذتج منا نوفا ام كشه
جواهر: هههههههههههههه لو تسمعك بترد عليك ...اليوم انبسطت مررررره
فهد وهو يجلس على السرير ..: اشوفج بردانه
جواهر: هههههههههههههههه مخي وتفكيره رحت اخذت لى شاور والماي حسيته شوي بارد بس الحين متدفيه لا تخاف
فهد: ايه انتبهي ترى تمرضين الجو عندنا هنا بااااار على الاخر
جواهر: انا مجربه هالجو بعد عندنا نفس الشي ويمكن اكثر من عندكم والله
فهد: بس حبيت اسلم عليج يالله اشوفج بكره ان شاء الله لو ما وراج اى مشاريع بعلم ابوي نروح كلنا للمزرعه سوا وش رايج احنا واعمامي
جواهر: صعبه بكره حد يروح خلها احسن بعد يومين لازم تعلمونهم من قبل صح
فهد: زين رايج وهداية الله يالله تصبحي على خير واباسها على راسها وطلع
جواهر: وانت من اهله اخوي ,,,, انتبهت اخر الليل وهي ترجف على الاخر وحست انه ابتدت فيها حمى وتعاطس شوي راحت اخذت لها حبوب للالم ورجعت مره ثانيه للفراش
**************
بغرفة سلطان اول ما رجع من سهرته ويا ربعه ..راح لدرج المكتب واخذ القلم ودفتر الرسم وجلس على السرير وابتدا يرسم غمض عيونه شوي ..... يبي يسترجع صورتها بمخه وهو اصلا ما نسى هذاك الويه اللى ما راح ينسى وش الجمال الملائكي صدق من قال آية في الجمال حتى وهو مع ربعه (على فكرة سلطان يحب يرسم الاوجه وخصوصا اللى تعجبه من مسحة جمال او لحظة حزن او فرح او غيره.... ومرات يرسلها لنفس الأشخاص بعد ما يسوي لها برواز ... الا هذي بتظل معي ما راح ابروزها ) .....
وابتدا يشكل الوجه ولما جا لعند العيون غمض عيونه عشان يتذكرلون العيون الغريب لاهو اخضر ولا بالازرق الغامق بينهم الاثنين كان متأكد انهم طبيعين مو لابسه عدسات احساسه يقوله كذا ولا لون شفايفها الورديه وغمازتها اللى تحت ذقنها ... وكملت بعد بالجمال شامة على شفتها بالجانب اليمين فوق ..... انتهي من رسمته قريب الساعه 4 الفير ...وابتدا بتلوين العيون فيها .... سمع صوت آذان الفير على طول راح جدد وضوء وصلى وشوي سمع صوت امه تدق على الباب عشان يصحى على الصلاه رد عليها انه بيصلي الحين ومن بعدها مسك الرسمه بايده وطلع على السرير غمض عيونه ....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك