رواية شمس وسحاب -8
سيدة اودعت عندها النسخة الاولى من المصحف الشريف ؟
لما:السيده حفصةبنت عبد المطلب
عليا وهي تطالع لين : طلباتج
لما:ابي لين تحب خشمي
لين بسرعه:الطلب مرفوض
الكل ههههه عليا: حلال عليج الهديه يا لما
عليا:ماذا تسمى العين الواسعة شديدة البياض والسواد؟
خالتي فاطمه:دعجاء
عليا:اووب مب سهله الوالده طلبج ياست الحبايب
خالتي فاطمه:اطلب من ريما تقوم تصب قهوه لكل الموجيدين
ريما:لااااا والله مااقووووووم
شمس:بتروح عليج الهديه ام ريالين
الكل :هههههههههههههه
عليا:– مااسم أم هارون الرشيد؟
شمس:الخيزران
عليا:وش تبين تطلبين
كنت باطلب من حنين بس قلت خلني اغث ريموه واحرجها:اطلب من ريما تقرا احلى مسج في جوالها
ريما: هذي سهله وفتحت جوالها واختارت رساله هذي توها واصلتني من انسان عزيز وقرتها
تصــدق
انى أشتقت لك!
أنا أعترف
بعدك حياتي تختلف
تاية وحيد
أصرخ باسمك وأرتجف
وفكل شئ أتخيلك
ومهما تغيب
عندي أمل
انك تيجي
وبكل شوق
أستقبلك
والله العظيم اشتقتلك
البنات :راحت الهديه على شمس
حنين بصوت واطي:وععععععع من الي بايع عمره ويشتاق حق هالعنز
عليا:ما المخلوق الذي يملك أكبر دماغ مقارنة بحجم جسمه؟
لما:القرد عليا :خطا
لين:الدلفين عليا خطا
الاء:الغزال عليا ههههههه :خطا
ريما:الفيل
الكل :ههههههههههههههههههه
حنين:العنزهههههههههههههههه
شمس:النمله عليا: صح
شمس:اطلب من رهف تجيب لي ماي
رهف:طيب وراحت جابت كاسماي وعطتني اياه
حبيتها :خذي الهديه ياقلبي
عليا:أيهما أكبر قلب الرجل أم قلب المرأة؟
ريما:الرجل
عليا: والسبب ريما:مادري يمكن عشانه يروح الشغل
عليا:قلب الرجل أكبر من قلب المرأة , وذلك يرجع إلى حاجة الرجل لطاقة أكبر
من طاقة المرأة يالله طلبج
ريما :اطلب من شمس تقوم ترقص
الحقيره حست ان خالتي تتضايق لو رقصت
الكل :يالله شمس لاتخلينها تفوز
لما قربتالمسجل واختارت سي دي وشغلته
ربطت خصري ومشيت لين النص وتمايلت مع تشجيع البنات
الله بقى اللخبطة دي ليه يالي خطفني ياريت تقولي
ايه حصلي على كده بقى دالي بالملي الي انا عايش تحلم
بين يوم وليلة اخدتني على مشامي وكنت راضي
داحنا يادوب بنقول يا هادي اومال لو فات شهر حيحصل ايه
طب وحدة وحدة وبلاش كل ده يجي مرة وحدة لا تجنن كده
لو ده النظام معاك بالشكل مقدرشي عليه
ده حلم ولا ده قولي ايه ده شي خيالي قلبلي خيالي حيرني
معر فشي مالي غيرني ولاداري بقيت كده ليه
بالذمة في الدنيا بالسرعة دي حد نامله مش عارف
وبنطمن له أنا خايف مستحملشي إلي فيه
طب وحدة وحدة وبلاش كل ده يجي مرة وحدة لا تجنن كده
لو ده النظام معاك بالشكل مقدرشي عليه
بعد العشا طلعنانتمشى رن جوال حنين مسج
حنين :يالله انا بروح ومشت بسرعه
عليت صوتي:حنون لا تبعدون في كلاب في المزرعه
حنين اشرت لي واختفت بين الشجر
شمس:مين يوصل اول للمراجيح........ وركضو البنات ورا بعض
لما ولين وصلو اول ومسكو المرجيحتن الجداد ورهف وقفت تطالعهم
شمس: بروح اجيب شعولي يلعب ويانا رهف لعبي باي شي ثاني لا توقفين جذي
قلت وانا اشيل مشعل:الاء بأخذ ولدج العبه
الاء:ايه بس انتبهي له الله يعافيج
ورجعت تكلم بجوالها
تذكرت خلني اكلم حنين استهبل عليها لقيت شنطتي مفتوحه بس ولا شي ناقص
الجوال مقفل مع اني متأكده اني مخليته مشغل
اول ما شغلته وصل مسج
آصارحكـ إني آنا × رغم الجراح × مسامــحك
وإن آلزعـل لوني زعـلت .. يزعـل علي ويصآلـحك
مــــدري آلهوى ,, مدري الوفـــآ
يسبقني لكـ .. ويصآلـحكــ..
قلبي اللي ذآيب في هوآكـ .. عــلــيــهـ لآيــمكن تــهون
لو هآنت الدنيآ عليــهـ .. شآيـلــكـ وسط العيون
حتى لــو تخطي علي // يستسمحكـ ويسآمحك !!
طرت من الوناسه و المسج الي كان قبله ..صدمني؟؟
تصــدق
انى أشتقت لك!
أنا أعترف
بعدك حياتي تختلف
تاية وحيد
أصرخ باسمك وأرتجف
وفكل شئ أتخيلك
ومهما تغيب
عندي أمل
انك تيجي
وبكل شوق
أستقبلك
والله العظيم اشتقتلك
شمس:لااااا ياعبودي
يرسل لنا نفس الرسايل ....والله العالم حق كم وحده غيرنا
تجمعت الدموع بعيون شمس.. وريموه الحقير ه تقول من انسان عزيز
اراويج ياالعنز
الاء:شمس شفيج
شمس: لااااا ... باخذ منديل واط
شمس ودت شنطتهاا عند امهاا
شمس:يمه ترى حصلت شنطتي مفتوحه ومحيوس فيها
امي : نقص شي من اغراضج
هزيت راسي لا
خالتي :يمكن حدا هاليهال يدور حلاوه فيها
شلت مشعل وطلعنا نلعب برا
ركبت مشعل في الزحليجه ونزل وهو يضحك
مشعل وهو يرفع يده::سمس سيليني
شلته ورحنا جهة المسبح
المسبح كان وسط المزرعه ومحوط بسور زجاجي
لفيت حوله ادور الباب ابي ادخل اوري مشعل المسبح
في صوت احد من بعيد ورا الشجر قربت اكثر وضح لي شخصين
ريما:يعني الى متى اذا انت فيك صبر انا خلاص مليت الي معاها صوته اعرفه
سامعته قبل وووووين ياربي قربت .. اكثر مااقدرت اشوف الا ظهره
*********
<<<22>>>
في صوت احد من بعيد ورا الشجر قربت اكثر وضح لي شخصين
ريما:يعني الى متى اذا انت فيك صبر انا خلاص مليت
الي معاها صوته اعرفه سامعته قبل وووووين ياربي قربت اكثر ماشفت الا ظهره
عشان نوصل للي نبيه .. لازم نخلي الطبخه .. تستوي على نار هاديه
امبيييييييه. عرفته ...هذا نايف الولهااان
ليش جاي المزرعه .. وليش واقف مع ريما ..وشلون تعرف عليها
ريما:ههههههه انا مابيها تستوي.. انا ابيها تحترق من الحسره
نايف:خليني اول افترسها ..وبعدين سوي الي تبين
ريما:هههه ..يا متوحش .كل يوم فريسه يديده... وما شبعت
نايف:هاذي غير عن الي عرفتهم و اشوفهم كل يوم .. صارلي اكثر من سنه اركض وراها ..ما استسلمت اولانت
حتى سواقهم صاحبته.. ولا قدرت استفيد منه.. لانها ماتطلع بروحها وياه
كل البنات الي في سنها مايااخذون اكثر من مكالمتين .. وتطيح بسرعه
ريما: انا نفسي .. خجيت من اول مكالمة
نايف:ههههههه انتي حاله خاصه
وبكل وقاحه قرب منها وحاول يبوسها
ريما دفته عنها :لااا وخر وجععععععع افففف ريحتك افف
نايف: شربت.. كاس على الماشي ..بعد ماكلمتيني
ريما:اكيد بترجع تكمل مع الشله
نايف:على طاري الشله وايام الوناسه ..ترى لوتزوجتي عبد الله اكيد بيكتشف انج موب بنت ..وساعتها شلون بتصرفينها
ريما: هذا موب شغلك ....تبي ارسلك مقطع الفديو .. عطني صوري الي تهددني فيهم
نايف: اشوف ..وريني المقطع ..يصلح ولا مثل الجوال.. الي جبتيه ما نفعنا بشي
ريما: ههههههههههه عطني الصور اول
نايف يمد يده داخل جيبه ويطلع منها الصور ويعطيها
ريما:ترى ان دريت ان عندك نسخ ثانيه ..والله مايهمني شي ..علي وعلى اعدائي
ريما فتحت جوالها :وش مسمي نفسك بالبلوتوث
نايف:الولهان
ريما :يالله استلم
نايف:والله قدرتي تجيبين الي هيفا ماقدرت تجيبه
نايف يستلم الرساله ويشغلها
شمس.. سمعت كلامه..وعرفت انها المقصوده بطنهاا.. بدا بالتقلصات .. والالم كل ماله يزيد
شــــمـــس
طب وحدة وحدة وبلاش كل ده يجي مرة وحدة لا تجنن كد
لو ده النظام معاك بالشكل ده مقدرشي عليه
مقطع بلاتوث ..فيه شمس ..ترقص..اكيد..الولهان ..ناااوي يههددني فيه
يااااااااااويلي خلااااااص ضعت
ماااااااعاااااااد اتحمل بطني ااااااااااه
طحت على ركبتي ووووورجعت الى في بطني
مشعل بدا يصيح بصوت عالي :ابي ماما
سندت على اقرب شجره.. وحضنت مشعل .. وصحت معاه
نايف :سلااااااامات يا قلبي
ريما: من متى انتي هني
تحركت ابي اشرد بس نايف دفني وثبتني على الشجره
سحب مشعل ورماه بعيد عني
نايف:ريما خذي هالبزر.. وروحي
يالله قدرت اتكلم:لاااااا ريما لا تروحين وتخليني وياه تكفين
احس بالدموع تحرق عيوني ريماااا خذي عبدالله ماااااابيه خليه يطلقني
بس لاتخليني بروحي ريمااا تكفين نااااادي امي
ريما واقفه بكل برود ..وعلى ويهها ابتسامه شماته كبيره ....وتشد يد مشعل .. كان يصارخ وماد يده الثانيه يبي يمسكني
عليت صوتي المخنوق ..انادي مشعل ..ودموعي بدت تنهمر بغزاااره
مشعل مشعل نااااااد ماما
ما ارحمتني ..ما سمعت توسلاتي ..ارفعت مشعل ..عطتني ظهرها ..خلتني اواجه الذيب البشري بروحي
بكل قوته ..الولهاان ثبت يديني فوق راسي .. وبيده الثانيه حاول يثبت راسي
حركت راسي يمين و يسار.. وانا اصرخ ناديت راشد راشد
المجرم حط يده على .. حلجي يبي يسكتني .. مسكت باطن كفه بين اسناني .. وشديت عليه بقوه لين حسيت بطعم الدم
فك يديني ..وبيد ه الي كان ماسكهم فيها شد شعري صرخت من الالم
حاولت اسحب يده بيديني الثنتين واخفف من قوة شده لشعري
......ترك شعري و طيحني وطاح وراي ورجع ثبت يديني بيد وحده وبيده الثانيه
انهرت.. وسلمت امري لله .. يارب خذ روحي .. قبل مايضيع شرفي
صوت نباح كلب الحراسة قرب اكثر واكثر خطوات تكسر الاغصان اليابسة تقترب
صوت قوي :بتعمل ايه ياحيوان وسحب نايف ورماه بعيد
حاولت ارفع نفسي .. واسحب ملابسي من الجنبين وارفعها واستر نفسي
رددت الحمد لله الف حمد وشكر لك يارب
العم محمود (حارس المزرعه)ضرب نايف بالعصا الي عنده لين طاااح مغشي
قرب منه وربط يدينه مع رجليه :يابن الــــــ عسكريـ.. وشارب خمره كمان .. دانتا ليلتك منيله بستين نيله
وفسخ جلابيته ومدها لي : خودي يا بنتي استري نفسك .. يكلمني وهو منزل راسه
شمس:الله يستر عليك ..دنيا واخره ..ياعم محمود
العم محمود :انتي ايه الي خلاكي تمشي في الطريق دي الي بيغضب ربنا
دانتي صغيره وحلوه وبنت ناس
لاااا معقوله يفكر اني على علاقه مع نايف رجعت اصيح بحراااره
العم محمود: ماتخافيش يا بنتي ده ربنا امر بالستر وانا عندي ولاااايا
انتي بتئربي للاستاز تركي صح
هزيت راسي ايه
العم محمود:ده الاستاز تركي خيروه مغرائني
ده لحم كتافي من خيرووووو روحي يابنتي ربنا يستر على ولايااااااانا
وازا احتجتي حاجه حتعرفي مكاني
شمس:عم محمودابي الجوال منه واشرت على نايف
العم محمود وهو يدور في جيوب نايف:هوا بتاعك
شمس :لا ....... هو مصورني ويبي يهددني فيه
العم محمود عطاني الجوال :خودي يابنتي واحرئيه عشان ما يئدرش يعملك حاجه
واشر لي بيده يعني روحي :يالله روحي حا اتصل عا بوليس النجده تيجي تشيلو ابن ـــــ
وما تخافيش حائولهم اني لائيته بيبصبص عا الحريم ولانه بالسلك العسكري مش حا يخرج منها بالساهل
مسكت الجوال تحسست جلبباب العم محمود وحصلت فيه جيب يتسكر بسحاب رميت الجوال داخله وسكرت السحاب
**********
ركضت ابي اوصل لبر الامان .....حضن امي ..... انسى الامي على صدرها .. وسر نجاتي ..من بركة دعائها
طحت على ويهي واختلط الدم الي يصب من خشمي وفمي مع عرقي ودموعي
صرخت من الخرعه ..يوم حسيت بيد على كتفي
حنين:شمس حبيبتي شفيج
طلعت مني اااااااااااه وانا ارمي نفسي بين احضانها
شمس:حنين ابي امي وديني عند امي
حنين تمشي يدها على ظهري فوق وتحت:اوووووووش خلاص حبيبتي اهدي اول وفهميني اش صاير
ماقدر اخلي خالتي تشوفج وانتي بهل حاله ومسكت يدي
يالله تعالي غسلي وشربي ماي
دخلنا دورات المياه التابعه للمسبح
حنين صرخت اول ما شافت ويهي في النور:يووووووه بسم الله عليج اشفيج جذي وليش لابسه هالبس
صوت صفارات سيارة الشرطة رجعني للصياح والنحيب على كتف حنين
بديت اتكلم بصوت متقطع: الكلب .... هجم علي .... وقطع ثيابي
حنين:يووه شمس ..انتي تدرين ان المزرعه فيها كلاب ..ليش تتمشين بروحج في الظلام ..اكيد حسبج حرامي
صخيييييييت ونزلت راسي ليتج فهمتيني
كملت حنين وهي تمسك الجلباب :وها الثوب موب جنه حق العم محمود
نزلت راسي زياده :العم محمود هو الي انقذني من الكلب وعطاني جلبابه استر نفسي
حنين :يعني لو ما العم محمود جان انتي الحين في بطن برعي(اسم الكلب)هههه
ياربي ليش ماقلت لها الحقيقة عشان ارتاح
حنين: دخلي اخذيلج شور وانا بروح اجيب لج ملابس
رفعت راسي كنت بنادي حنين وتراجعت يوم شفتها تكلم راشد
حنين : اش صاير ليش الدوريات برى
ــــــــــــــــــــــ
حنين: قول والله ... سعودي وعسكري بعد يعني
حـــــــــــااااااااميها حـــــــــراااااااميهامن صج
دخلت الحمام ووقفت تحت الشور ارتب افكاري
اسأل نفسي واجاوبها
اشمعنا انا من بد البنات يصير فيني جذي
لاااا اكيد في مثلي وايد بس محد يدري عنهم
ولو انا من البدايه وقفت نايف عند حده وعلمت وبلغت عنه جان ما صار الي صار
لازم انتقم منهم واولهم ريما ونايف لو فلت من العقوبة العسكريه
مااااااراح اتركة يتهنا بعيشته
اووووو ريما عندها المقطع في جوالها وتقدر ترسله لاي احد
حنين تطق الباب :شمس نمتي في الحمام
لفيت ملابسي المقطعه والجلباب وفيه الجوال داخل بعض وحطيتهم في كيس وخذيته وياي
شمس:مايحتاج تقولين حق احد عن سالفة الكلب
حنين : ليه لو عاضج لازم تاخذين ابره
شمس : لا ماعضني وانسي الموضوع
الكل كان مشغول بترتيب الشنط ورفع الاغراض
رحت عند امي وحبيت راسها ويدها وانسدحت على ريلها
مسكت يدها وحطيتها على راسي : يمه تعبانه
امي :اشوف ويهج متغير .. بسم الله عليج .. حبيبتي تبين تأكلين شي
شمس :لامابي اكل ابي انام
امي :مافي وقت تنامين قومي خلي ميرنا تشيل اغراضج عشان نمشي
استغربت :نمشي ليش ...موب نايمين اليوم هني
امي :لا حبيبتي الحارس صايد عسكري سكران داخل المزرعه بالغلط
والله ستر ما تعدى على وحده من هالبنات الي متنثرين في المزرعه
بطني رجع يألمني : الحارس ماقال شي
امي : قال ان برعي هجم على العسكري وهو تحت الشجر يبصبص على الحريم وهو هجم عليه وربطه وسلمه للشرطه
حطيت يدي على بطني .. انسدحت في حضن امي
امي :اكيد بطنج يعورج .. خفتي هالسالفه قومي حبيبتي خذي دواج وبيخف بطنج
قمت ادور شنطت ملابسي في الغرفه الثانيه
لمحت شنطة ريموه وبشويش قربت منها وخذيتها صديت عن الباب وفتحت الشنطه ادور فيها جوال ريموه
ابتسمت وانا الاقي الصور بدل الجوال سحبتهم وسكرت الشنطه ورجعتها مكانها
فتحت شنطتي وحطيت فيها الصور وكيس الملابس جمعت اغرضي الفرشه والفوطه مع فرشة الاسنان والمعجون وقفلت الشنطه بالارقام
توني بطلع من الغرفه الا ريما بويهي
ريما : انتي هني يعني نايف الي مسكوه ياليتهم ماسكينج وياه يا ــــــ
فاجئتها ولفيت يدها ورا ظهرها وفتشت جيوبها
خذيت جوالها ورميته على الجدار بكل قوتي فطاح على الارض متنتف
شمس :لو تكلمتي ترى مايهمني علي وعلى اعدائي
ريما شهقت : انتي سمعتي كلامنا
طنشتها وما رديت عليها مشيت عند جوالها المتكسر دورت الشريحه والمومري.. وكسرتهم نصين
************
بطاقة دعوة
يا ليلة (.الخميس.) من شهر (..جمادى الثاني.) افرحي
ويا ام (راشد) علي البوارق واسعـدي
ويا نجوم الليل من السما اوراق افتحي
وعليها دوني من احـلـى شـعـر ولحني
راشد)و(حنين )على السماء اكتبي
تتشرف عائلة ـــــ وعائلةــــــ بدعوتكم لحفل زفاف
راشـــــــــد&حنـــــــين
المقام في قــــاعة ــــــ في مدينة الخبـــر
<<<23>>>
قفلت باب الغرفه.. واخذت الملاابس المقطعه ..وضميتها.. مستحيل اقدر انسى الي صار
مر يومين وما قدرت انام .. كل ما حاولت انام اتذكر وجه المجرم ومعاه ريما
ما كنت اتوقع نفسي باحقد على احد كثر ماحقدت على هالثنين
ومسكت جوال نايف بيد والصور بيد وصرت افكر بالانتقام
صوت رنة الجوال قطع حبل افكاري ...ومن الخرعه.طاح الي بيدي على الارض , قلب راشد يتصل
شمس: هلاااا بالعروس
حنين : هلا نزلي انا في السياره
استغربت :ليه وين بتروحين
حنين بملل:شمس انا قايله لج من امس اني بمر عليج ونروح السوقـ
شمس: اييييييه نسيت يالله بنزل الحين
وانا اجمع الصور والملابس يووووووه مجيد ......واتصلت على حنين
شمس: حنين مع من بتروحين
حنين : مع مجيد يالله نزلي تأخرنا
شمس: لاااااااا لا ترررروحين...... قصدي مااااابي اروح
حنين: خيييييرررررررر!!!!!!! يالله مع السلامة
طالعت الجوال وانا مستغربه من تصرف حنين
.....ايييه يمكن احصل افكار تساعدني من النت
فتحت المنتدى الي اشارك فيه وحطيت مشاركه جديده
سؤال / كيف تتنتقم ممن حاول تدمير حياتك
الي يعرف يعلمني
والي ما يعرف يسكت احسن
طلعت من المنتدى.. وحطيت بحث ..طرق حديثه للانتقام
حنين تطق باب الغرفة: شمس فتحي يالدلووووعة
اول مرة اتضايق من وجود حنين
لحظه .... ورفعت الاشياء الي طايحة على الارض الصور والجوال حطيتهم في صندوقي الخاص
وقبل ما افتح الباب طالعت الغرفة .... كل شي تمام
حنين : ووووول كل هذا تفتحين الباب
شمس:حسبتج رحتي مع ... السواق
حنين : لاااا مجيد ..خليته يرجع البيت
شمس: والسوق
حنين:شمس حبيبتي شفيج احسج مو على بعضج فيه شي
شمس: لا ااااا ماااااا مووووووو
حنين: ههههههههه خلاص عرفت شفيج
طالعت حنين بارتباك وهي تسحب الكرسي وتقعد مقابله الاب توب
يوووو اكيد عم محمود قالهم الحقيقه ونزلت راسي وانا اشبك اصابع يدينني
حنين:انتي اكيد خايفة اني انشغل عنج اذا تزوجت
رفعت راسي وتنهدت بارتياح: غبيه ... والله ماخذه مقلب بعمرج
حنين وهي تبحلق في الشاشه:اول مرة اعرف ان عندج ميول ارهابيه خخخخ
بسرعه سكرت الاب توب : خل ننزل نقعد مع امي نسليها
واطلعت من الغرفة وانا وراها
حنيين لفت علي ووقفتني تفاجأت ورجعت على ورى بسرعه
حنين :هههههههه يالخوافه
خبطتها على راسها :بلاااااا هبال
حنين : شلون بتنزلين وانتي لابسه هالبس
طالعت لبسي .. شورت فوق الركبه و تي شيرت بدون اكمام
حنين : لا يكون اشوفج تتمشين قدام راشد بهالبس
دفيتها قدامي:امشي اشوف !!!!!! شكلج كل ماقرب العرس يطير برج من نافوخج
وحكيت راسي ..يعني افكر.. امممم ولا اقولج انتي روحي ..وانا ببدل وانزل
رجعت الغرفه .. تسبحت.. ولبست بنطلون احمر وبلوزه كت لونهاابيض
وقفت امشط شعري قدام المرايا .. وما عجبني ويهي.. اصفر وما فيه اي لون
حطيت مكياج كامل وركزت على الشدوووو
وااااو نفعتني دورات المكياج من النت
صوت نغمه اغنيه لعبدالمجيد عبد الله قربت من الاب لاااااا مووووو منه
سمّعني سمّعني سمّعني غنّيّه
ودّيها لعيوني رِد الهنا ليّه
سمّعني واسمعني بحبّك يا بايعني
صالح ورجعني لقلبك أنا خطيّه
نزعل ياروحي نزعل ونرضى بغنيه
سمّعني أغاني أحلى من الكلام
تتبعت الصوت فتحت الصندوق وطلعت الجوال وانا ارتجف
ام ناصر يتصل ؟؟؟؟؟؟؟ واتقفل الجوال اكيد فضت البطاريه
حنين: بسرعه ماصار لبس
بحركه سريعه فتحت الدرج رميت الجوال سكرت الدرج
صرخت على حنين وانا التفت عليها : ووجع ياااا الدفشه ما تعرفين تطقين الباب قبل ما تدخلين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك