رواية جواهر -8
وزني يا حليلي وانا مثل الدبدوبه ولا احسن اصير عصله مافينى الا لحم على عظم
رن تلفون الغرفة عندها ..شالته جواهر: اوكي طيب بننزل الحين
جواهر للكل : يالله بننزل عمامي جوا ويبون يسلمون علينا
نوفا: عن نفسي انا اعرفهم من زمان لكن ما يمنع نسلم عليهم
جواهر والكل :ههههههههههههههه ما تيوزين انتي من هاللسان الطويل
نوفا: فديت هاللسان اللى هو ياخذ لى حقي دايما
جواه: يالله عاد عن القرقره تعالي بننزل وراحوا انزلوا لقت جواهر اعمامها وقربت منهم وسلمت عليهم وبعد السلام كل واحد خذا عايلته وراح لبيتهم
*************
بالاخير دخلوا اخوانها من مجلس الرجال لعندهم تغطت البندري وحطت الشيله على راسها
..اول واحد احمد اللى صفر: واااااااااو فستان روعه وش حلاته واللى محليه اكثر اكيد جواهر
عبدالعزيز: اكيد جواهر حلوه بس مو باحلى من ام تركي
البندري استحت من كلامه وارتبكت: يالله انا بطلع اشوف العيال عن اذنكم
عبدالعزيز ويا اخوانه يضحكون هههههههههههههههههه
فهد: حرام عليك زين كذا احرجتها قدامنا
عبدالعزيز: الله ما قلت شي امدح في ام اولادى عادي
ابوه: ايه امدح ما عليك منهم بس اشوف انه كلهم حلوين وخصوصا الريم ريم الغزال ههههههههههههههههههههههههههههههههه ضحكوا عاد الكل على ابوهم
الله الله وش هالغزل اللى قدامنا لا يبه احسن لنا نروح دارنا نشوف لنا فلم ما نقدر على هالكلام
الحلو نرد عليه
الريم: هههههههههههههههههه ايه روحوا لداركم وانا بعد المهم يا ابو عبدالعزيز ان شاء الله كل شي كان تمام والعشا اعجبهم
ابو جواهر: الحمدلله ماشي قصور وانبسطنا الجميع والحمدلله ...
الريم: الحمدلله اوكى انا بستاذن الحين بروح انام
ابوجواهر: وانا بعد بروح يالله تصبحوا على خير يالله اولادي روحوا ناموا خلوا السهر مو زين وبعدين عبدالعزيز وراك سفرة للشرقية عشان شركتنا اللى هناك
عبدالعزيز: ان شاء الله يابوي ولا يهمك تصبحوا على خير
الكل: وانت من اهله ...
كل واحد راح لداره وجا احمد وفهد لعند جواهر بعد ما بدلوا ملابسهم وقالوا لها بنجيب فلم وبنسهر عليه
جواهر: فديتكم والله اوكى ابي اشوف تروي نفسي اشوفه والله
احمد: الله قديم هذا انا عندي سي دي دي في دي افلام جبتهم من عند صاحبي بنشوفهم دقايق واجيبهم
راح وجاب الافلام واختاروا فلم رعب ترجتهم جواهر انهم يشوفون غيره بس اقنعوها انه حلو مررره جلست تتابع معهم وكل ما جت لقطه تخرع تغمض عيونها وتحط ايديها على ويها وهي تصارخ وهم يطالعون فيها ويضحكون بالاخير بعد ما خلص الفلم
فهد: اوكى انا جاني النوم خلاص بروح تصبحوا على خير
احمد: وانا بعد يالله تصبحوا على خير
جواهر وهي مرتعبه: ايه تقولون الحين تصبحوا على خير من وين يجيني النوم وانا متخرعه من فلمكم البايخ كله قتل ما احب هالافلام
احمد: لا وتقول متخرعه انتى اصلا شفتي شي كله ماله ايديج على ويهج ومغمضه عيونج
فهد: ههههههههههههههه خلى الليت مفتوح واذكري الله كله خرابيط وكذب يالله تصبحوا على خير
...جلست جواهر متخرعه من حكايه الفلم وسكرت باب الجناح زين وبغرفتها فتحت الليت وراحت على السرير واخذت لها رواية تقراها ... جا على بالها بدر ولد عمها ..يا ترى وش يسوي الحين بكره ان شاء الله بتحاول تكلم عاليه وتسألها عن اخبارهم الجيمع ..كملت روايتها لين ما جاها النوم وهي على كذا
&&&&&&&&&&&
الجزء الرابع عشر
الفصل الاول
ـــــــــــــــ في بيت نوفا ــــــــــــــــــ
تركي: تصبحوا على خير الجميع
الكل: وانت من اهله
الام: خالد يالله عاد روح نام وترى لا احس فيك تفتح البلي ستيشن وتسهر عليه
خالد: يمه حرام احنا باجازة
الام: يالله عاد ولا ترى تعرف ابوك
الاب: اسمع الكلام وروح نام يالله من بكره تلحق على اللعب
خالد : انزيييييين بنروح يالله تصبحوا على خير ..وطلع الدرج لغرفته
***********
نوفا لابوها : ها يبه ما علمتني وش رايك بجواهر صح مو حلوه
ابوها: ما شاء الله عليها جميلة ربي يسعدها
نوفا بتجهم: الله تمدح فيها قدامي يعني انا مو بحلوه مثلها
ابوها: نوفا: انتى الحلا كله .. زينة البنات وشيختهم
امها: لا تطيرها بالسما الحين تراها بعدين تشوف حالها علينا وتتدلع زود
ابوها: اذا نوفا ما تبينا ندلعها ندلع مين ..؟؟؟
سلطان: دلعني انا يبه
الكل: هههههههههههههههههههههههههههههههههههههههههههههههههه ههههههههااااا هههههههههههههههه
سلطان: يالله تصبحوا على خير الجميع
والده: سلطان لحظه ابيك .. يالله تصبحوا على خير ...وراحوا مع بعض
نوفا: يمه ليه ابوي يبي سلطان
امها: يا الملقوفه خلج بحالج وانا وش دراني يالله تصبحي على خير .... وانتي بعد روحي نامي
نوفا: لا بسهر بالديسكو ههههههههههههههههههههههه ضحكت لما شافت امها فتحت عيونها
امها: يالله بالعقل
نوفا: تصبحي على خير يمه
الام: وانتي من هله
************
بجناح سلطان وبغرفة نومه سلطان: ايوه يبه فيه شي
ابوه: سلطان يا ولدي والله من شفت جواهر بنت عمك انها دخلت خاطري ... وتمنيت انها تكون حرمة لواحد منكم مابيها تروح لمكان غير ...وحتى اخوى لمح لي انه يبي جواهر تكون لوحده منكم ......
حس سلطان بالضيق وقال : يبه انا بعدني ما فكرت بالزواج يمكن بعد سنه والحين انا اشق طريقي بعدني بالشغل واكون مستقبلي
ابوه: سلطان وش تكون نفسك الحين انت صرت كبير ومن في سنك تزوجوا ويابو عيال
مستقبلكم الحمدلله مضمون وهذي الشركة وانتوا تديرونها وش اكثر باقي لكم الاستقرار وتلقون لكم بنت الحلال
سلطان: يبه ادرى بس ما بي الحين
ابوه: عموما انا ما قلت لك هالكلام عشان ابي جواهر لك ..الا ابيها لطلال اخوك وش رايك هو بيخلص بعد سنتين المهم تكون محيرة له حتى يخلص الجامعه مابي احد ياخذها بعيد عن اهلها صراحه من شفتها ما حبيت تروح لحد غيركم
سلطان ارتاح من كلام ابوه دام انها بتكون طلال احسن مايبي انه يكسر كلام ابوه
سلطان: والله الراي رايك يابوي وزين احسن عشان يستقر شوي نفسيا ...تعرف طلال
ابوه: ايه عارفه وانا اخترت له بنت عمه ليش انها من لحمه ودمه ... وفوق هذا جميلة ما راح يلقى بأزين منها .... وانت عاد بنلقى لك البنت الزينة ان شاء الله قريب وترى لا تقول لى هالكلام اللى ما منه فايده اكون نفسي ومدرى شو ...
سلطان: والله توهق فيها طلال ههههههههههههه
ابوه: وش تقول توهق حرام عليك
سلطان بارتباك: ما قصدي يبه والله بس ريحتني لانه انا ما افكر بالزواج الحين على السنه الجايه ان شاء الله بخليك انت وامايه تختاروا لي العروس الزينة
ابوه: ان شاء الله ربي يسعدك انت وخوانك انا مابي بهالدنيا الا سعادتكم يالله الحين انا بروح انام ولما يرجع طلال من الشارقه بنعلمه يالله تصبح على خير
سلطان: تلقى خير يبه ان شاء الله
ابتسم سلطان وش يعلمه بعد ما يرجع الا لازم يعرف بالخبر السعيد ههههههه.......... وعلى طول اتصل على طلال اخوه يرن يرن يرن وماحد رد عليه لما جا وبيسكر
طلال: الووو
سلطان: هلا وغلا السلام عليكم
طلال: وعليكم السلام خرعتني الله وش جا طاري على بالك تالي هالليل ...ولا ما قدرت تنام الا بعد ما تسمع صوتي
سلطان: ههههههههههههههههه ايه الله يعيني عاد على الكوابيس بعد سماع هالصوت
طلال: اشخباركم الجميع وش مسوي الحين
سلطان: ولا شي الكل بخير ويسلمون عليك ومزهبين لك العروس مبروووووووووووووووووووك هههههههههههههههههههههههههههههههههههههههههههههههههه
طلال انصدم بهالكلام: شو شو شو وش اللى انت تهولس به آخر الليل أي عروس هذي اللي تتكلم عليها .... اول شي يالله عن التطنز واخلص وش صار
سلطان: وربي قلت لك الحقيقه ابوي خطب لك العروس
طلال: بذمتك احلف
سلطان: والله ابسط يا عم بتعرس يمكن قبلي ههههههههههههههههههههههههههههههههه
طلال: لالالالالالالالالالالالا شو اعرس قبلك ومن قال ابي اتزوج ...على بالكم بتزوجوني كذا عمياني ما اشوف عروس خلاص يبه انا اخترتا آآآآويل قلبي على اليازية وربي تعق الطير من السما
سلطان: أى طير واى اسماك اقول لك ابوي خطب لك بنت عمي جواهر
طلال: شو شو شو ومنهي هذي تطلع ومن وين جت ...؟؟؟
سلطان: بنت عمك بلاد الاجانب شعرها اشقر وعيونها زرقا ولكن فيها عيب واحد
طلال: وشهو ..؟؟؟
سلطان: انها تعصب من اى كلمه واذا عصبت تضرب اللى قدامها ,, وهو يكتم ضحكته ....
طلال: شوووووووووووووو زين والله خطوبه وزواج واللى بيتزوج اخر من يعلم لا وكملت العروس شراااانيه وتكفخ لا حشا ماهي بجوازه هذي الا حلبة مصارعه بكون فيها
هنا ما قدر سلطان يكتم ضحكته هههههههههههههههههههههههههههههااااااااااااااااااااا ي ي ي ي
لما تجي ابوي ببعلمك على السالفة
طلال: تصدق عاد سلطان ...وربي سديت نفسي روح يا شيخ كوابيس ان شاء الله تلاحقك بالحلم ولا تنام مثلي الحين
سلطان: هههههههههههههههههههههههههه احسن الكوابيس .... تصبح على خير
*****************
اليوم الثاني ....
صحت جواهر الصباح وتحس راسها ثقيل بالمرة ....... صلت ومن بعدها أخذت لها حبوب للصداع وحاولت ترجع للنوم ..تقلبت بالفراش وأخيرا نامت
صحت على الساعة 10 الصباح وهي أحسن شوي بدلت ملابسها ونزلت لتحت أخذت لها حبوب للصداع وبدلت ملابسها ونزلت لتحت لقت شهد وتركي مع اخوانها يلعبون بالبلي ستيشن في الصالة الداخلية قريب من صالة الطعام
جواهر: صباح الخير يا حلوين ...فديتكم نط بحضنها تركي الصغير وباسها على خدها
لمت شهد بحضنها : عمة وين لوحين (وين تروحين)
جواهر: انا هنا فديتس عمتس ما بلوح مكان بروح اكل تجين معاي
البندري: لا خليها كلت قبل شوي ...صباح الخير جواهر
جواهر: صباح النور هلا بروح افطر ابوي وينه
البندري: اعتقد انه طلع راح شوي الشركة
جواهر: والريم وينها
البندري: مدرى يمكن بالجناح ...
جواهر: اوكى بروح افطر
الوليد: انا اروح مع جواهر اوكى لا تعلب دوري حمووود
محمد اخوه: انزين ما بلعب بصايح عليك
بعد ما تفطرت جواهر ...تذكرت لازم تتصل على عالوووه بنت عمها وتعرف وش اخبارها
.....
اتصلت على تلفون عالية ...لقته تعذر جواهر( يمكن نايمه هالحزة بس بجرب اشوف اتصل بالبيت
..اتصلت برقم البيت
....: السلام عليكم
جواهر: وعليكم السلام ...هلا منو معي ..؟؟؟
......: هلا وغلا.. عفوا انتي يا الحلوه متصله تبين منووووو؟؟؟.
جواهر بحياء لاول مره يرد بدر عليها بهالشكل : هههههههههههههههههه ادرى انى حلوه انا جواهر مو بدر اللى يكلمني
ارتبك بدر: ايه انا بدر آسف جواهر هلا وغلا اشلونج وشمسوية
جواهر: الحمدلله تمام انتوا اشلونكم اشلون عمي وعمتي
بدر: يسلمون عليج هلا والله ...زين عاد نسيتينا جواهر
جواهر لا شعوريا: انتوا بالقلب ما طلعتوا ابد منه ... حمر ويهها وارتبكت ...وينها عالوووه
بدر: مدرى لحظة بشوفها .... يمااااه يماااااه وابتعد الصوت عنها بعد دقيقية
عاليه: هلا وغلا
جواهر: وعليكم السلام هلا بج زود يا الغلا
عاليه: وينج يا القاطعه وربي وحشتنينا ..اشلونج وشمسوية الله يا جواهر حتى ما تقولين بنت عمي اشوفها قبل لا اسافر من الديرة
جواهر: تعرفي والله كل شي كان بسرعة ...زين انى ما نسيت روحي ههههههههههههههههه
عالية: ههههههههههه علميني وش اخبارك اشلونها الرياض واهلها ...
جواهر: يسلمووووون عليج .....وكملوا سوالف دقايق وتسمع احد يتصل على موبايلها
جواهر: اوكى عالوووووووه احد يتصل على اوكى اكملج مره ثانية ان شاء الله ....سلمي اوكي
عالية: قبل لا تروحين ما بتجين لهنا
جواهر: ان شاء الله قريب
عالية: ياهووووو اوكى لا تطولين علينا بروح بعد اسبوع انا سلمي على اهل الرياض كلهم عاد ما اوصيج
جواهر:هههههههههههههههه ان شاء الله يالله مع السلامه ..........
........ كان بدر قريب منهم ( الله هذي جواهر يا ترى لمتى بقدر اكتم اللي بصدري .... ربي يسعدها ويسعدني ..)
بدر: ها عالووووه وشخبارها جواهر
عالية: زينه وبتجي قريب ان شاء الله
بدربفرح : والله
عالية: ايه ياخوي ههههههههههههههه وعلامك فرحان كذا
بدر ببارتباك: عالووووووووه انقلعيي ي ي ي ي ي من قدامي
عالية:ههههههههههههههههههههههههه زين زين
****************
جواهر اول ما سكرت الجوال على طول جا الاتصال من نوفا
جواهر: السلام عليكم هلا
نوفا: هلا وعليكم السلام ...هلا ببنت عمي الزينة يالله تعالي انا ناطرتج هنيه بالبيت عندنا
جواهر: ايش
نوفا: ههههههههههههههه لا تتخرعين تعالي لهنا بيتنا تغدي اوكى وبعدين على العصر بنروح المول سوا وش رايج وبعدها اتعشى عندكم ولو تبيني بعد اتم معاج لليوم الثاني ماعندي مانع
جواهر وهي تصيح: والله صج بتمين معاي
نوفا: ههههههههههههههههههه امزح ما ظني ابوي بيوافق يالله تعالي اوكى
جواهر: اوكى ولا يهمج بستاذن من ابوي وبجي
........ تتصل على ابوها
ابوها: هلا وغلا بقمري
جواهر بحياء: اشلونك يبه ... آسفة اتصلت بوقت غير مناسب ..(لاول مره تكلم ابوهاعلى الجوال)
ابوها: انتى في أي وقت تتصلين لو تبين أي شي آمري
جواهر: بروح عند نوفا وبتغدى عندهم وبعدين بنروح العصر للمول يعني برجع من بعد المغرب اوكي
ابوها: اوكى علمي الريم قبل لا تروحين ديري بالج على روحج
جواهر: ان شاء الله يبه مع السلامه
ابوها: مع السلامه
******************
في الكويت وبالتحديد في ستار بوكس جاسم جالس ويا حسن اخو عالية
جاسم: اقول حسن وش رايك نتغدى عند حمد وبالمره نهنيه بسلامة والده ... توه راجع من امريكا
حسن: الا صج اشلونه والده ..؟
جاسم: والله قال لي انه الحمدلله بخير بس تعرف عملية القلب يبغى لها فترة راحه ..ماهي بسهله
حسن: الله يكون بعونه اوكى صار بتصل عليهم بالبيت وبعلمهم انى بتغدى بره
...شوي ويمرون ثنتين بنات لابسين آخر موضه مو لابسين عبي
جاسم: الله الله يا ارض ما عليكي أدي
حسن يلتفت صوبهم : ما فيهم الجمال اللى هناك
جاسم: هههههههههههههههه يا عيني عليك ندرى فيك يا العاشق الولهان ..لمتى يعني بتظل كاتم هالمشاعر بقلبك
حسن: والله مدرى يا جاسم ...لما اشوفها ارتبك ولا اتكلم الا اشلونج وشخبار الدراسه ... وتعرف بعدها بالثانوية يعني اخاف يقولون لى كلام لو طلبتها الحين,, صغيرة ومدرى شنو ولازم تكمل دراسه بالجامعه
جاسم فكر في هالكلام ...يعني لو حسن يفكر بهالشي اشلون لو عاد هو جا وخطب اخته عالية
جاسم: اقول حسن ودي اقول لك كلام بس خايف لا تفهمني غلط
حسن: اى كلام
جاسم : توعدني لا تقاطعني ولا تقول اى كلمه ابد لين اخلص كلامى ومن عقبها قول اللى تقوله
حسن: اوعدك يالله تحكى
جاسم: اوكى شوف بالاول انا شنو بالنسبة لك
حسن: خوي وصاحبي وحسبة اهل من واحنا صغار مع بعض
جاسم: وانت بعد والله هذا اللى احس فيه وعشان كذا انا حاب انى اتقرب منكم اكثر وفعلا اكون اخ صج
حسن طالع فيه باستغراب : اشلون يعني ما فهمت
جاسم: اقول حسن انا ترى شفت اختك عالية ذاك اليوم بالمطار مع بدر اخوك ومو قادر ابعد تفكيري عنها ووالله ما بينا شي بس اتمنى انها تكون حليلة لى يعني بعد ما اخلص الجامعه واشتغل نتزوج الحين بس اتقدم وتكون خطوبه
حسن سكت ولا رد عليه
جاسم بخوف لا يكون زعل : حسن تحكى رد على الحين ها وش قلت
حسن بابتسام : والله هذي الساعه المباركة رفيقي وصاحبي ويصير زوج اختى
جاسم ارتاح لما سمع كلامه : والله يا حسن اتمنى انها تكون لي ان شاء الله انا قلت لك بالاول بس ابي احد يكون لي سند هناك يعني لو ما انت موافق من الاول ما راح اتقدم لكن دامك مو رافض ان شاء الله القى خير ...
حس: لكن اختى مثل ما تعرف تدرس بالخارج
جاسم: ادرى وما راح امنعها من هالشي
حسن: ويمكن ما توافق
جاسم: وهم بعد ادرى لكن الامل ما راح افقده ... لو ما وافقت مو بالغصب ترى كل شي بالغصيبه ممكن يكون الا الزواج بالاتفاق والرضى
حسن: الله كريم .....
جاسم: يعني نقدر متى نجي لعندكم
حسن: بعلم ابوي وبخبرك اوكى
جاسم: اوكى يالله خلنا نحاسب ونروح عند حمد
...اتصل على حمد صاحبه وعلمه انهم بيجون لعنده ...حاسبوا وطلعوا من ستار بوكس
*****************
حسن: فديتج يا الغلا وربي تولهت عليج وينك
نورا: تولهت زين منك تلقى وقت من الشغل اللى ماخذك مني اقول ابو علي لا يكون ترى تفكر بالشغل وانت معاي
حسن: ههههههههههههههههههه انا انسى كل شي معاج هلى ناسي كيف عاد شغلي ..احبج يا نورا
نورا بحياء: وانا بعد والله لكن صج والله الشهر ما يمداني اجهز روحي حرام عليك
حسن: تعالي بالجلابية مابيج تشترين اى شي لما تكونين معي ما عليج الا تطلبين وتأمرين بتلقين كل شي
نورا: لا والله ماخذني من الشارع على جلابيه ..شوف بالاول فستان العرس لازم اخذه من لبنان يعني بروح هناك
حسن: وانا وياج بروح اجيب لى بشت العرس
نورا: هههههههههههههههههههههه الله يقطع ابليسك زين زين لا يبه انت جهز روحك من هنا وبعدين عشان تشتاق لى اكثر لما اسافر
حسن: تبين بس تذبحيني
نورا: فديت عمرك والله
حسن: انا اللى فديتك يا الغلا .. اقول زينة البنات يالله انا اليوم بالليل بجي ابي اكل من طباخ خالتي
نورا: ههههههههههههههههه انزين بعلمها
حسن: تكونين بالاستقبال اول شي
نورا: لا عيب ما يجوز تشوفني الا بعد الزواج
حسن: يالله عاد وربي اذبحج لو ما القاج ناطرتني ...ولهت لشوفة عيونج
نورا: ههههههههههههههههه عيوني حوله
حسن: هههههههههههههههههههههه حوله مو حوله ما يهمني .... احببببببببببببببج مووووووت
نورا: ... وانا بعد
حسن: وانتي ايش ..؟؟؟
نورا: احبك
حسن: آآآآه يا ويلي ذبحتيني يابنت راشد يالله انا بسكر الحين اشوفج بالليل مع السلامه
الجزء الرابع عشر
الفصل الثاني
...... بدلت جواهر ملابسها لبست لها تنورة سودا مخمل مع بلوزة خضرا غامقة مفتوحه على شكل بيضاوي وفيها اكمام طويلة لبست شيلتها وعباتها وراحت لقسم اهلها ...لاول مره تروح لهناك دقت على الباب ...سمعت صوت الريم دخلت
جواهر: صباح الخير اشلونك الريم
الريم: هلا جواهر تعالي ادخلي
جواهر : لا بس ابي اعلمك انه بروح عند بيت عمي نوفا اتصلت على وعازمتني عندهم بالغدا وبرنوح المول العصر مع بعض وبعد المغرب برجع لهنا ان شاء الله
الريم: اووه كل هالبرنامج بيوم واحد
جواهر: ههههههههه وش اسوي نوفا وقالت ...
الريم: اوكى ما عليه بخلي السواق ياخذك اوكى ومعك ماريا
جواهر: اوكى يالله مع السلامه تامرين على شي
الريم: سلامتج .....الا قولي وش المول اللي بتروحين له يمكن اجيب العيال هناك ...
جواهر: اوكى ان شاء الله لما اعرف من نوفا بعلمج .يالله مع السلامه
*******************
في هالوقت ...نوفا لامها: يمه جواهر بتجي لعندنا
امها: حياها الله
نوفا: الا اقول يمه ما اتصل محمد اخوى ولهت عليه والله
امها: الله يحفظه والله قلبي دايم مشغول معاه الله يهديه عاد ويرد لديرته ويستقر بدل هالسفرات اللى ما تنتهي ابد
نوفا: ان شاء الله ...يالله انا بروح لغرفتي تبين شي
وفجاه......... نوفا يا السبالة وينج ..
نوفا: هذا خلودي وليييييه اخذت لعبته الجمبو امس لعبت فيها
خالد وهو يوقف قدام نوفا وايديه على خصره ومعصب: وينها يا السبالة علميني
امه: اول شي الواحد من الصباح يقول صباح الخير ... وعن الصراخ ترى لاكفخك الحين
خالد : تكفخيني ما سويت شي ليش تاخذ لعبتي اصلا
نوفا: من زينها بس يعني تعال خذها بداري هي
خالد: مثل ما اخذتيها ترجعينها فهمتي
نوفا: مو بخدامه عندك تبيها تعال يالله ..وركضت على دارها وخالد وراها يركض ..... زين اوريج يا المقرودة
*****************
رجاوي: ماما ابروح اليوم عند صاحبتي ندى بتغدى هناك ومن عقب بنروح لعالوووه ناخذها معنا المول اوكى
امها: اوكى بس ما تطولين .....شوي ويدخل ابراهيم معصب عليهم
ابراهيم: السلام عليكم
امه: وعليكم السلام هلا ولدي ..... راح ابراهيم لداره .... قالت امها لحظه بروح اشوفه وش بلاه من يوم ما تركته ساره وهو مو عاجبني الله يهداهم بس
دقت على الباب .... وبعدها دخلت لقت ابراهيم حاط ايديه على راسه لما رفع راسه لقى امه
امه: ولا عشت لحظه لما اشوف واحد من اولادي مهموم وزعلان
ابراهيم : ربي يخليج لنا ان شاء الله
امه: يمه وش فيك وش صار .....
ابراهيم: ولا شي يمه ...بس وربي مشتاق لبنتي بالمرررررررررررررررررررره تعبان نفسيا يمه مدرى وش اسوي
امه: الله يكون بعونك .... والله انى حاسه فيك بس وش نسوي يمه هي ببلد وانت ببلد وانت الله يهداك ما لقيت الا تطلقها بهذاك البلد ...ما تعرف انها بتاخذ بنتك منك
ابراهيم: والله عجزت يمه اروح اشوفها بكل مره ابيها عندي وسط اهلها مابيها تتربى بعيده عني ...وتعرفي انى مو مقصر معها بشي ونفقتها تاخذها دايم ............... مدرى وش اسوي ومابي اشتكي قدام احد ادرى غلطتي وهذا انا ادفع ثمنها وبنتي بعد تدفع ثمنها .... ( ابراهيم متزوج من وحده مغربية ومعه بنت وهي عايشة بالمغرب بعد الطلاق اللى صار هناك تعرف عليها اثناء دراسته بالخارج وهي رافضة تعطيه البنت ... )
امه ساكته وقربت منه ولمته بحضنها ..الله كريم وان شاء الله يفرجها عن قريب
...بعد دقيقه ...ابراهيم : يمه انا احسن الحين ربي يخليج لي بقرا قرآن شوي وبروح للشغل اكمله
امه: دام انك تركت الدوام بدري خلاص لا تروح فديتك اجلس معنا اوكى
ابراهيم: ما يصير خاطرج الا طيب اليوم ماكو دوام وبعد العصر بنروح سوا للملاهي
امه: هههههههههههههههههه وش تبي بالملاهي اسوي فيه
ابراهيم : اوكى بنروح أي مجمع وبعدها نتعشى هناك
امه: يمه ما فيني اجلس وقت طويل بالمول وابوك لحاله ....بنروح العصر ونرجع المغرب
ابراهيم: اوكى خلاص ولا يهمج الغالية وعطاها بوسه على خدها وعلى راسها ....
*********************
نوفا تطالع بالشارع اول مره تطلع الصباح حلوه المنطقه اللى عايشين فيها في العليا بشارع التخصصي ....
كانت تشوف من الزجاج المخفي الشوارع والبيوت والبنايات وبعد تقريبا ربع ساعه وصلوا لبيت جميل شكله من بره وحديقته واسعه وله سور كبير تقريبا بنفس كبر بيت ابوها لكن هذا شوي اصغر.. دخلوا من البوابة الامامية وفيه طريق جانبي لين البوابة الرئيسية للبيت .. وقفوا عند مدخل البيت ونزلت نوفا من السيارة ..... وشوي وتاكسي ليموزين وقفت قريب منهم هي على طول راحت للبوابة بعد ما راحت سيارتهم ...وشوي تسمع ...
....: اممم السلام عليكم ايوه اختى تبين شي
جواهر بحياء وطالعت فيه كانت طبعا لابسه الشيلة على وجهها ما قدر يميزها ...
جواهر مو عارفة وش تقول تفاجات منه ليه يسألها وش دخله بس مدرى اشلون حست انه هالويهه شافته من قبل : السموحة نوفا هنيه....صوتها عذب وهي تقول نوفا
.........: ايه نوفا اوكى وقرب صوب الباب بعدت هي منه وفجأة دق الجرس وشوي ويفتح لهم عبدالعزيز ابن تركي اخوه ....
عبدالعزيز وهو يصرخ: عمووووووووووووووو طلال وقرب لعنده وسلم عليه بخده ..اخذه طلال وشاله وسلم عليه فديتك عموووو وين يدوووووه
عبدالعزيز: هنا ونزل وراح وهو يصارخ عمو طلال جاااااا عموووو طلال جا
..جواهر وهي واقفة : اها هذا هو طلال ولد عمي يعني اخو نوفا وقفت عند الباب ...وشوي التفت لها طلال: اختى تعالي خشي داخل لحظه اناديلج نوفا ...وهذي نوفا نازلة الدرج ولما شافت اخوها تفاجأت ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك