رواية فمان الله يا غالي -7
الجده:إسم الله عليك ..بس ماعاد نشوفك..صرت أشك أنك بالبيت معانا
خلود تصرف:إيه يمه مو الدراسه شاغلتني..
الجده:والله اللي أعرفه ان الدراسه مخلصه لها شهر وزود..بس والله ان عاد تكررت لأحش رجولك حش وياويلك نجتمع مره ولا شوفك معانا
خلود بنفس الإبتسامه اللي ما فارقتها:تامرين أمر يالغاليه..يعني مو زعلانه.؟؟
الجده:وأنا أقدر ازعل على عيال سلطان..
العيال:ياهووووووووووه ..
وجلسوا العائله كلها يسولفون ..بإستثناء خلود اللي غابت عنهم شوي عشان تمسج لبندر..
جا أبو سلطان بيقول لأمه على عيال أخوه أنهم جايين بس باسل أشر له إنه أنا اللي بتكلم
باسل:أقول:يمه شيخه..
الجده:نعم إش عندك..؟؟
باسل:جهزي البشاره..
الجده بحماس:ليه..نجحت..؟؟
الكل يضحك على تفكير الجده..
باسل:الله يهداك يمه الحين توك تقولين الدراسه مخلصه من شهر وزود وأنا من زمان قايل لك إني نجحت..
الجده:إجل البشاره على شنو؟؟
باسل:فيه شخص غالي على قلبك بتشوفينه قريب..
الجده:منو..
باسل:عمي أبو فيصل..عياله جايين بكره من بريطانيا
الجده وهي تبكي:الله يبشرك بالخير..كنت خايفه يجي يومي وأنا ماشفت عياله...
أبو سلطان:بعد عمر طويل يمه..الله يحفظك ويخليك لعيالك..
************************************************** ************************
خلوني اتكلم عن عائلة أبو سلطان شوي
أبو سلطان(عبد الله):هو اكبر أخوانه(50) سنه من اكبر رجال الأعمال..يدير شركات العيله اللي بالسعوديه وهو أب حنووووون ويحب البنات كثييييير ومن ناحية الحاله الماديه ممتااااازه
أم سلطان:هي زوجة ابو سلطان اسمها نوره (45) سنه حنونه وطيبه بس جديه مره وتخاف على عيالها كثير
سلطان:الولد الكبيرعمره(25) سنه الساعد الايمن لابوه وأقرب عياله له متخرج من الجامعه قسم(إدارة أعمال)شخصيته قويه وحازمه بس حنون ويحب الأطفال كثير ومن ناحية الجمال فهو جميل ما عليه كلام من هالناحيه...إذا عصب يخووووف مره ومايهدى على سيره بس مايعصب إلا نادرا وعلى شي يستاهل
محمد:عمره(22) سنه متخرج من الجامعه قسم (هندسة كيمياء)طويل وبشرته حنطيه..ملامحه جذابه.. ولما يتكلم ويبتسم شكله خطييير وعنده نظره تخلي الشخص اللي قدامه يفههههي... فلاااااوي مررررره خصوصا لاجتمع مع اللي بسنه
الهنوف:عمرها(20) سنه حلوه وهاديه بشرتها بيضاء شعرها طويل واسود مايل على بني ملامحها هاديه وتدخلك جووووو خصوصا مع نظراتها الهاديه والواثقه بنفس الوقت ..جسمها معتدل من ناحية الطول والعرض تدرس بالجامعه قسم (هندسة ديكور) حبوبه ودمها خفيف..
خلود:عمرها(19- 18) سنه بثالث ثانوي ....مزاجيه ومزاجها متقلب مرررره..ملامحها جنااااااااااااااان وتدوخ وتعتبر من أجمل بنات العيله..شعرها لنص ظهرها كيرلي ناعم..انفها طويل ومتناسق مع عيونها العسليه الوسيعه مع الرموش الكثيفه..يعني العيون لوحدها عالم فمها صغير وليان وشفايفها ورديه بلون التوت طولها متوسط وجسمها مررره خطير ..عندها كبرياااء فضييييع وتكابر كثير
باسل:اصغر من خلود بسنه عمره(17) بثاني ثانوي وهو اقرب واحد لخلود جميييل جدا وشفايفه شي عذاااب وهي ببساطه أجمل شي فيه..يمووون على كل البنات وتصرفاته وتفكيره مو على سنه..
أسامه:اصغر العيله وآخر العنقود عمرسنوات..ينأكل أكل
الجده (شيخه):جدة العائله كلها وملح البيت..حبوبه وطيبه وحنونه وأغلىشي عندها عيالها..أما عيال عيالها..قاسيه عليهم شوي بس من داخلها تحزن عليهم دائما..كل شي يمشي على شورها وأولادها شايلينها شيل..
نرجع لخلــــــــــــــــــــــــود
خلود على طول طلعت بغرفتها عشان ترسل لبندر مسج لقته مرسل لها:خوخه أنا بعد نص ساعه بركب الطائره وانشا الله كلها يوم أو يومين واكون عندك بالسعوديه "
خلود بس قرأت كلمة يوم او يومين عورها بطنها وحست بخوف من قربه والفرحه بنفس الوقت مو سايعتها فأرسلت:
بندر..عيال عمي كمان جايين اليوم بنفس رحلتك..وانا حيييييل مستانسه..بس تكفى لا تنسى دعاء السفر وانتبه لحالك زين واول ما توصل طمني عليك..أوكي؟؟"
قرا بندر المسج وابتسم وبعدها قفل جواله وركب الطائره هو وأهله والكل طااااااااير فرح..
وبندر طووووووووول الطريق بس يناظر الناس ويدور على عيال عم خلود ولا تسألون اشلون لان هو نفسه مايدري..
بس الحب يسوي أكثر من كذا..
بندر وهو بالطائره"ياترى بشوف خلود في هذي السفره أو لا .....والله وناااااااسه لو أشوفها الفضول ذابحني لأبي أعرف إش لون شكلها..حلوه ولا عاديه ولا شينه...لا لا أكييييد حلوه..أساسا صوتها لوحده يدوخ وأكيد شكلها نفس الشي....."
فيصل:هيييييييييييي....بندر...وبصوت عالي...بندر!!
بندر انفجع:هاه....نعم وجع انشا الله تراني جنبك لا تصارخ..
فيصل:إيه واضح جنبي..بس جسمك اللي جنبي واللي ماخذ عقلك يتهنا به,,
بندر بنفسه"والله مو ماخذ عقلي غيرها"
فيصل:رديناااا...إنت شنو فيك بالضبط كل ما أكلمك تسرح لهالدرجه تفكر فيني؟؟؟
بندر:إنت؟!!!...والله إنك آآآخر واحد أفكر فيه
فيصل:إيه أدري الاولويات لغيري!!<<يلمح..
بندر:زين إنك تعرف..بس إش تبي ما قلت أخلص..
فيصل:ياخي إنت مررررره ماعندك وقت..طيب أنا أكبر منك احترمني عالأقل..
بندر ومسوي نفسه مؤدب:طيب ياخوي..ياحبيبي..امر تدلل..شتبي
فيصل:وعععععع..مرررره مو لايقه عليك الأخلاق..
بندر وبدا يعصب:فيصلووووووه اخلص لأتوطا فبطنك..
فيصل:ههههه ياخي شكلك خطير وانت معصب..
عطاه بندر نظره
فيصل:خلاص خلاص بقول...عند منو من أعمامي نروح..؟؟
بندر:الحين مسويلي سالفه ومفقع راسي بهالصوت وبالنهايه..ويقلد صوته-"عند منو من أعمامي بنروح"..بس تصدق ما فكرت فيها؟؟...بس أكيد عند الكبير منهم..
فيصل:حتى انا أقول كذا بس أخاف نروح ويكون البيت مايكفي..
بندر:زين..نستأجر..
فيصل:بس انا ما أعرف أي مكان بالرياض..
بندر:عادي نسأل عمي..
فيصل:وقولتك بيخلينا نستأجر..
بندر:ياخي خلها لوقتها ونشوف..
فيصل:طيب..كم تبون نقعد..؟؟
بندر:إسأل أمي وخواتي..
فيصل:خلاص لا وصلنا هناك قررنا..
بندر:أي أوامر ثانيه..استاذ فيصل..
فيصل:لا مشكور..ولا أقول إيه..أبيك تسولف معي
بندر:حسبالك ما عندي غيرك..
فيصل بخبث:ليه شعندك؟؟
بندر:اخطط للمستقبل..
فيصل:يعيييينك قال إيش يخطط للمستقبل..هههههه
وجلسوا فيصل وبندر طوووول الطريق مره يسولفون ومره يتناقرون ومره يسرح بندر بعاااالمه..
ولما قربت الطائره من مطار السعوديه..قاموا البنات ولبسوا العبايات ولفوا الطرح وسووها رميه ومررره ما كانوا عارفين بس مشوا أوضاعهم..
************************************************** *******
اليوم الثاني بالليل..
الكل اجتمع ببيت أبو سلطان..وهم..عائلة أبو سلطان طبعا+عائلة العمه أم عادل+عائلة العمه أم خالد +عائلة العم أبوعبد الله.. بالإضافه لبنت خالتهم..أم مهند وعيالها(أخت أم فيصل)..+الجده شيخه والعم فارس..راح تتعرفون عليهم كلهم بالأحداث الجايه..
الساعه9:30 توجه أبو سلطان وأولاده محمد وسلطان وعيال عمهم.. عبد الله وماجد بالإضافه إلى خالد وفراس..
************************************************** ***************
في بيـــــــــــــــــــت أبو سلطــــــــــــــــــــــــان
الهنوف:بنات اشلون تتوقعون بنات عمي عبد العزيز؟؟
خلود:احسهم فللللله
الهنوف:اشلون حسيتي انهم فله وانتي ماشفتيهم يالخبله؟؟
خلود:خبله في خشمك..يعني بحكم انهم عايشين برى أكيد إنهم متفتحين وفله..
فرح:أحس اني مستااااانسه عشان بشوفهم..
لميس:بنات إش رايكم بلبسي..أحسه مو مره؟؟
آلاء:والله يافرح اختك بعالم والناس بعالم...الحين جالسين نتكلم عن عيال عمي ودخلت عرض ب(وتقلد صوتها) "بنات إش رايكم بلبسي أحسه مو مره"...
لميس:أقول سكتي لأتوطا ببطنك..
مرام:تبين أساعدك..
آلاء تتريق:يمه..اجتمعوا الشباب..بصراحه خفت..
لميس ومرام ناظروا بعض وابتسموا أبتسامة نذاله وبعدها طالعوا آلاء..راحت مرام ورى آلاء ومسكتها من يداتها وآلاء تصرخ وقربت منها لميس.:الشباب هاه؟؟...أنا الحين أوريك إش يسوون الشباب..
آلاء وتصارخ:يمـــــــــــــــــــــــــه لحقي علي..يمـــــــــــــه
دخلت أم سلطان:خير انشا الله ليه كل هالصراخ صدق ما تستحون على وجيهكم..وانتي شفيك كن احد ذابحك..
طبعا لميس ومرام اول ما شافوا ام سلطان تركو آلاء..
آلاء:خالتي شوفي لميس ومراموه يبون يضربوني..
أم سلطان ناظرت البنات وهي تهز راسها:ما تعقلون أنتوا ياهالبنات..مادري شلون بتتزوجون..حنا زمان اول البنت وهي بسنكم كنها وحده بالثلاثين من عقلها ومتزوجه وعندها عيال وجالسه مع الحريم مو مثلكم يا بنات هالجيل الوحده ما صارعندها حيا..وكنها جاهل(طفل)و...........و............و......إلخ
وعطتهم محاظره طوييييييييييله عرييييييييضه..
وبعد ما طلعت ام سلطان.. الكل التفت على آلاء
آلاء بخوف:خير
فرح:زين كذا؟؟....خليتونا نتهزأ ونضطر نسمع هالمحاضر من خالتي..؟؟
شذا:بصراحه خالتي صادقه فيكم..
الهنوف:والله أنكم على قولة امي أطفال..
حلا:ما احب أحد يهزئني..كذه..وأنا مالي ذنب
شذا:لا هذي التهزئيه خاصه في الثلاثي المرح
مرام ولميس فطسوا ضحك لأن الكل انقر من آلاء وهزأها<< طبعا هم اعتبروا التهزيئه لآلاء مو لهم...
شوي جو التوأم ريماس وأسيل ويصرخون:خالتي (زهور) جات!!<<أم مهند
بعدهم:دخلت جمانه:سلااااااااام بنات كيفكم؟؟..
الكل قام يسلم على جمانه وسمر ورهف وديما بنات ام مهند..
وجلسوا كل البنات بغرفة الهنوف..ويسولفون..والحريم كانوا بالصالون ونفس الشي يسولفون والرجال والشباب بالمجلس مع بعض..
جا لخلود مسج من بندر:خوخه..انا بندر وهذا رقمي توني شاريه... وصلت السعوديه وماتتصورين اش كثر مستاااانس وخاطري اكلمك بس والله تعبااااان من الطريق معليش اعذريني"
فردت خلود:"الحمد لله على سلامتك بندر..وانشا الله دوم مستانس ومبسوط اول ما توصل بيت عمك نام وارتاح ولما تصحى عطني رنه"
علي.."
نهآآآآآآآآآآآآآآآآآآآآىية البآآآآآآآآآآآآآرت
بنـــدر..خلووود..أبطآآآل قصتناآ..مفآآجآهـ كبيرهــ تنتظر كل منهم..
شخصيآآت جديده بروآآيتنا..كل شخصيه لهاآآ دوور
ينتظرنآآ الكثيييييييييير من الأكشن والفله والأحدآآث بالأجزآآء الجآآيه.. وعلى فكره من هنآآآ بدآت الروآآآيه
نهآآآآآآآآآآآآآآآآآآآآىية البآآآآآآآآآآآآآرت
آبي آآآآرآآآآئكم ترى تهمني كثيــــر.. + توقعآآآآتكم+ الفآآآيف ستآآر
انتظروووووني في البآآآرت الجآآآي يآآحلوين ..والمفآآآآجآه قربت لا تحرموني توآآآجدكم بصفحآآت روآيتي المتوآآضعه..
|[ وفمــــآن الله يالغــــآليين ]|
-5-
"حــالفـهـ مـا اسـتقـبـلك .. ] حــلم [ و ] خـيــــال [ ..
ليــن اشــوفـك .. شـــــوف عـيـني .. و ألـتـقـيـك ..
وكـان تــفـهـم شـي .. في مـعـنى .. ][ الـوصــال ][ ..
" يـا تجــي " .. يـا آخــذ الريـاض .. و أجـيــــك .."
في مطـــــــــــــــــــــــــــــــــــــــار الرياض
نزلت عائلة أبو فيصل من الطائره وراح فيصل يكمل الإجراءات وبندر على طول راح شرى رقم جديد و ارسل المسج لخلود..ولما خلصوا مشوا
وكانوا أهلهم يستنونهم..أول ما شاف فيصل عمه أبو سلطان عرفه لأنه يشبه أبوه كثير..فقرب منه:العم ابو سلطان؟؟
أبو سلطان بابتسامه:مين أكيد فيصل صح..
فيصل:إيه معك فيصل..وضم عمه وحبه براسه وبعده جا بندر وراكان وسلموا على عمهم
أبو سلطان :الحمد لله على سلامتكم ..اشلونك يام فيصل واشلونكم بنات
أم فيصل والبنات:الله يسلمك بخير الحمد لله..
وبعدها عرف العيال على بعضهم..أبو سلطان:يا اولاد هذا فيصل ولد عمكم وهذا بندر وهذا راكان..وياشر على كل واحد
سلموا عليهم الشباب وكل واحد عرف بنفسه..
عهود بهمس:دانه شوفي هذا..يجننن والله واسمه بعد فراس بس إش يقرب لي
دانه:أقول عهودوه عيب عليك...طيب استني عالأقل لما نوصل البيت الحين إش يقولون علينا..
عهود:انتي بس شوفيه والله يهبل ..شوفي...شوفي
دانه لفت وشافت فراس:إيه والله إنه يجنن وتبين الصراحه كلهم حلوين ويهبلون.. والله حركات وصار عندنا عيال عم..
عهود:إيه والله فله..وااااااااااو مستااااانسه..
توجه الكل لبيت أبو سلطان..
وفـــــــــــــــــــــــي بيـــــــــــــــــت أبــــــــــــو سلطـــــــــــــــــــــــان
دخلوا الشباب المجلس وكان مليااااااااااان رجال وشباب..
بندر وهو متفاجئ:الله أكبر ذولي كلهم عيال عمي
فيصل:الله يفشلك ياخي اولا قل ما شا الله الحين يصير فيهم شي تراهم اهلك يالخبل
بندر وهو مصدوم:ما شا الله تبارك الله..
وبدأوأ يتعرفون على بعض..
عـنـــــــــــــــد الحريم..
دخلت ام فيصل وبناتها
أول ما قابلوا الجده شيخه..سلمت عليها ام فيصل:اشلونك خالتي
الجده وهي تصيح:بخير الله يسلمك يابنتي..اشلونك انتي واشلون عبد العزيز
أم فيصل:بخير ياخالتي ويسلم عليك وانشالله كلها شهر وبتشوفينه..هذولي بناتي دانه وعهود
الجده وهي ما زالت تصيح:ياهلا والله ببنات الغالي وسلمو عليها دانه وعهود
أم سلطان:يا هلا والله ..تو ما نورت السعوديه...حياكم البيت بيتكم
أم عادل:هلا والله وغلا ببنت الخاله
أم خالد:يا هلا ومرحبا بأم فيصل..
أم عبدالله:ياهلا والله تو مانورت الرياض
ترد ام فيصل منوره بأهلها..
وبعدها تقابلوا الأختين زهره وجواهر وضموا بعض وجلسوا يصيحون من الفرحه ويسلمون على بعض
وسلموا البنات(عهود ودانه) على الحريم..وكانوا مستاااااااااااااااااااانسيييين عالآآآآخر بس فيه شي كان مسبب قلق لعهود:أقول دنون ما أشوف بنات..لا
يكون ما عندهم بنات والله مو خوش شي
شوي إلا أم مهند تنادي عالخدامه وتقلها تروح تنادي البنات من فوق
عهود:لا زين فيه بنات اجل<<تطمنت خخخخخخخخخ
أم سلطان:ما شالله يأم فيصل بناتك صارو عرايس..
ام عادل إيه ما شالله عليهم يهبلون..دانه بهالوقت حمممممر وجهها من الخجل بس عهود ردت بعربجه:الله يسلمك ياخالتي...فدقتها دانه إنه استحي شوي..
عهود:والله جدتي فله ورهيبه ماكنت ادري إنها بقي عايشه<< بعالم لوحدها
دانه:إيه والله باين عليها حنونه وطيبه..
طلعت الخدامه للبنات وطقت الباب بس البنات من السواليف ما يسمعون
وجلست الخدامه تدق لما عصبت وصارت تدق بقوه..
فسمعته خلود أخيرا لأنها كانت جالسه عند الباب وفتحت
الخدامه:مدام هازا مسافر يزي(مدام هذا مسافر يجي)
فصرخت خلود:عيال عمي جووووووووووووووا
وقاموا البنات زي المفاجيع..ونازلين من الدرج وهم يركضون<<جيش
عهود ودانه سمعوا صوت ركض وكأن البيت ينهز..
دانه بخوف:أقول عهود شنو هالصوت؟؟
وما مداها تكمل إلا جييييييييييييش من البنات قدامها وعلى طووول راحوا لأم فيصل ويسلمون عليها وعلى البنات وكل وحدها تعرف بنفسها..
طبعا عهود ودانه ما يعرفون هذي من هذي لان البنات كانو كثيرين..14 بنت<<ما شاءالله
بس بنفس الوقت كانوا مبسوطين..
فجلسوا شوي مع الحريم وبعدها أخذوا البنات عهود ودانه وطلعوا فوق غرفة الهنوف..
الهنوف:هلا والله ببنات عمي..
دانه:هلافيك..
الهنوف:ما شا الله تعرفون تحكون عربي
عهود:أفا عليك..مانحكي هناك إلا سعودي
الهنوف :طيب خلوني اعرفكم على البنات من جديد عشان ما تنسونهم..
أنا بنت عمكم عبد الله اللي جاكم بالمطار اسمي الهنوف..وهذي خلود اختي..اما هذول جمانه وسمر ورهف وديما بنات خالتكم (زهور) أم مهند...وهذي
شذا واختها مرام وعندهم أختين توأم الظاهر برى بالحديقه وهم ريماس واسيل..هذول بنات عمتكم(موضي) أم عادل...أما هذي فرح وهذي اختها لميس بنات عمكم محمد..وهذيله آلاء وحلا بنات عمتكم (بدور) أم خالد..
دانه وعهود:تشرفنا..
الهنوف:خلونا نخلي هالجلسه جلسة تعارف عشان البنات يتعودون علينا زين..يالله دانه وعهود عرفوا بانفسكم إنتو الأول
دانه:انا بنت عمكم عبد العزيز دانه عمري(20)سنه بقي لي سنه واتخرج
عهود:وانا عهود أصغر من دانه عمري(18) سنه يعني بثاني ثانوي بالسعودي
البنات:هلا والله
وبدأت كل وحده تعرف بنفسها على حده
خلود بنفسها"يااااربييي هالبنت شكلها مألووووف مين؟؟...مييين تشبه؟؟..يوووه مو قادره اوقف تفكييير"
************************************************** *******************
في مجلس الرجال
بندر على طول شبك مع الشباب أما فيصل فكان اغلب كلامه مع الرجال وراكان راح مع باسل
أبو سلطان:سلطان..انا بروح ويا اعمامك الشركه تعرف الحين ما فيها أحد وانت اجلس مع عيال عمك ولا تخلي عليهم قاصر
سلطان:زين يبه تامر
أبو سلطان:يالله يا عيال أنا استأذن وترى البيت بيتكم خذوا راحتكم
فيصل:أذنك معك ياعمي...ولا توصي
وطلعوا الرجال كلهم وما صفي غير الشباب..
محمد:اقول شباب اش رايكم ناخذ فيصل وبندر ونعرفهم على الرياض
سلطان:والله فكره يالله..
وطلعوا كل الشباب اللي هم..سلطان ومحمد وباسل وعبد الله وماجد وبدر وفيصل وبندر وعادل ومهند وفراس ونواف وخالد وراكان وفهد....ولما جوا بيركبون السيارات إلا فارس جاي
فارس:هذا عم العيال وعزابي يعني بقي ما تزوج عمره(27) سنه موظف بشركة اخوانه وفلاوي وأمه تحبه أكثر أخوانه وماترضى عليه..
فارس:على وين شباب..
ماجد:هلااااااا فارس شلونك زمان عليك..
فارس:بخير إشلونكم شباب
الكل:تمااااااام
فارس:ما قلتوا لي على وين..
سلطان:طالعين نعرف العيال على الرياض
فارس ببلاهه":أي عيال؟؟
سلطان:ياخي إنت عايش بعالم وحدك..عيال أخوك يعني منو بالله
فارس:أخوي عزووووووز!!!
سلطان ويقلد صوته بتريقه:إيه اخوك عزوووووووز
فارس ويدور:وينهم ما اشوفهم..
شوي وطلع بندر:هلا والله بالعم فارس
الكل فطس ضحك لانه محد قال له العم فارس والكل يناديه فارس حاف
بندر يناظرهم:خير انشا الله على شنو تضحكون؟؟
عبد الله:لأن محد قد قال له عم
فيصل:ليه هو مو بعمنا
عبد الله:إلا بس ما تعودنا نقوله عم
بندر:اجل شنو تقولون له خال؟؟
عبد الله:هههه لا فارس..بس
بندر:زين ..هلاااااااا فارس اشلونك
فارس ويضحك:هلاااااااااا........منو؟
بندر:بندر...
فارس:هلا بندر..انا بخير انت اشلونك..
بندر:بخير الحمد لله
فيصل:شلونك فارس
فارس:بخير ونعمه..فيصل صح؟؟
فيصل بابتسامه..:إيه فيصل وسلم عليه
راكان:وأنا ما بتسلم علي
فارس:ومنو انت؟؟
راكان وينفخ صدره : احم معاك الاخ راكان
ابتسم فارس:والنعم والله فيكم
فيصل وبندر:ما عليك زود..بندر:الحين ليه الكل يعرف فيصل وانا لا
يقاطعه فيصل:لأن أنا غير..
يقلد بندر صوته:لأن أنا غير...ويرجع صوته زي ماكان:من زينك انت ووجهك..
وجلسوا الشباب يضحكون على بندر لأانه كان واضح إنه مقهور من فيصل..وشكله كان خطيييييييييير..
راحوا الشباب وفروا الرياض فر ولا بقوا مكان إلا وراحوا له..
عند البـــــــــــــــــــــــنات..
خلود:أقول عهود....كيف بريطانيا..
عهود:من أي ناحيه..؟؟
خلود:يعني نفس المدينه اللي انتوا فيها..الناس..كيف عايشين انتم؟؟
عهود:والله لندن صراحه شي ومره خطيره إنشا الله بعدين تزورونا هناك..أما الناس..فأغلبيتهم غرب بس تلاقين سعوديين وخليجيين هناك بالهبل..وخصوصا بالصيفيات..واحنا..عادي بحكم أننا من لما انولدنا واحنا هناك متأقلمين مع الوضع..ومتعودين عليه..بس الدراسه هناك شوي صعبه..
ريماس كانت تسمع بانصات..:أقول عهود..الحين انتي تعرفين تحكين إنقليزي
الكل جلس يضحك على سؤال ريماس..عهود ومبتسمه:إيه أعرف واعرف بعد فرنسي
مرام:والله جد؟؟
عهود:إيه إصلا حنا ندرس بالمدرسه اللغه الفرنسيه..
مرام:بس يقولوا إنها صعبه مره..
عهود:هي صعبه بس مو مره..يعني لما تمارسينها وتتكلمين فيها كثير تصير سهله
وجلسوا البنات يسولفون لما جا العشا فتعشوا وردوا يسولفون..والحريم نفس الشي..وقرروا البنات كلهم ينامون ببيت أبو سلطان بس دائما تجري الرياح بما لا تشتهي السفن..أهاليهم ما وافقوا لأن عيال أبوفيصل كانوا توهم واصلين من السفر وأكيد يبون يرتاحون..بس أبو سلطان كان مسوي جمعة صباحيه عالفطور..
************************************************** ************
ماجات الساعه 1 الليل إلا الكل مشى على بيته عشان الفطور بكره..والكل نام ماعدا شخصين أكيد عرفتوهم...
الساع:30 رن موبايل خلود..
على بالي ولا انت داري باللي جرالي
والليالـــــي سنين طويـــله سبتــــها لي
يـــــا انشغـــالي بكـــل كلمه قلتـــها لي
الكلام لــــو كــــان يعبــــر عالحنــــان
كنت قلت لك اني بحبك من زمــااااان
كل يوم الشـــــوق بيكبر علــي باااااان
خلود شافت الرقم..بدايته05 والإسم(الغلا) وعورها قلبها..لأنها حست بقرب هالشخص منها
خلود بخوف:ألو
بندر:يا هلا والله وغلا بهالصوت
خلود انحرجت:هلا فيك
بندر:شلونك خلود
خلود:بخير الحمد لله انت اشلونك
بندر:تمااااااااام
خلود:انشالله دوم..الحمد لله عالسلامه تو ما نورت السعوديه
بندر:منوره بأهلها..
خلود:ليه صوتك كذا
بندر:اش فيه..
خلود:احسه مو العاده تعبان شوي..إنت نمت زين؟؟
بندر:لا والله للحين ما نمت
خلود:لــــيه؟!!
بندر:أبد ما قدرت خذوني الشباب ورحنا نهجول بشوارع الرياض
خلود: هاه كيف الرياض انشا الله عجبتك
بندر:افا عليك والله مره رهيبه..احس أنها تريح..لأن كل اللي أشوفهم سعوديين
خلود:ها شفت الحريم اش لون يلبسون
بندر:إيه بس تصدقين مره عجبني الوضع..صح أنه غريب شوي بس حلو؟؟
خلود:يالله مع الوقت بتتعود..
بندر:إنشالله
خلود:زين بندر بطلب طلب؟؟
بندربنفسه "اطلبي روحي لو تبين":امري
خلود:بس تنفذ!!
بندر:ولا يهمك آمري بس
خلود:أبيك تقفل الحين وتريح
بندر:.......................
خلود:بندر معاي..بندر؟؟؟....بنـــــــــــــدر..
طــــوط طـــــــوط طــــــــوط
ناظرت خلود الموبايل لقت بندر قفل الخط
"يا ويلي اش فيه بندر لا يكون زعل مني بس؟؟؟...لا لا أنا ماقلت شي يزعله..بس ليه قفل..لا يكون صاير له شي بس.."وجلست تكلم نفسها وهي بتموت من خوفها على بندر وبس تفاول عالولد..قطع عليها حبل أفكارها صوت موبايلها..
على بالي ولا انــــ....خلود والبكوه واصله معها:هلا بندر اش فيك قفلت..صاير فيك شي خوفتني عليك
بندر بهدوء يعذذذذذب:هدي هدي بس..ما فيني إلا العافيه..بس البطاريه لما سمعتك تطلبيني أقفل قبل لا أنفذ هي نفذت وفرغت..
خلود تصرف لأنها خققققت:الله يرجك انت ليه ما تشحن مو بايلك؟؟
بندر:دائما انشغل..وانسى اشحن وما اتذكر إلا لما يقفل موبايلي..بس زين اللي لقيت هنا شاحن ولا كنتي بتجلسين بخوفك..
خلود:لا عادي أساسا ما كنت خايفه؟؟
بندر:لااااااااااا؟؟؟...والشريط اللي أول ما رديتي انفرط شنو تسمينه؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك