رواية شمس وسحاب -7
حنين تكمل كتابه وتقفل النت :اذا حضرت الشياطين فرت الملائكه
خبطتها على راسها انتي وراشد الملائكه والشياطين في نفس الوقت
حنين :عيل انتي وعبيد شنو
شمس:احنا ولا شي عندك ..... ورفعت شهادتي اوريها حنين
توني يايه من المدرسه واستلمت التقرير
حنين:ول ول امتياز ياالدافوره موب مبين عليج
سحبت الورقه من عندها : اذكري الله وقولي ماشاء الله بروحي موب ناقصه
حنين نطت جابت جوالها :عندي فكره
صورت التقرير وارسلته رسالة وسائط
رن جوال حنين :ول ول مسرع اتصل ردي انتي شمس وفتحت الخط وعطتني الجوال
شمس:هلاااااااا راشد ابشرك %98
تسارعت دقات قلبي من سمعت صوته مشتاقه له :مبروك شمس زين الي سمعنا صوتج
دمعت عيني غصبن عني ودي اقوله مشتاقه واحبك مووووت بس كرامتي ماتسمح
مسكت يد حنين وحطيت فيها الجوال:تصرفي وطلعت من الغرفة
خالتي في الصاله معاها رهف اشرت لي :تعالي حبيبتي
رهف لفت يدها على رقبتي: حبيبتي متى يجي عبد الله وتصيرين عروسه
خالتي: اكيد ناجحه باامتياز زي كل سنه
شمس:رهوفه روحي جيبي التقريرمن عند حنين
ركضت رهف وجابت التقرير ومعاه الجوال :شمس عبد الله يبيج
انحرجت ورديت بصوت واطي :هلاااااا
عبد الله :انتي ليش تسوين فيني جذي تبيني اركب اول طياره واجي ترى مو من صالحج
خفت ينفذ تهديده:لااا عبد الله تكفى لاتسويها
صار ويهي احمر من سمعت خالتي تضحك وترفع صوتها :عبد الله حرام عليك البنت ولعت
هههههه انا كم مره قايله لج حلو عليج الاحمرههههههه
<<<20>>>
فترة صمت طويله قطعها عبد الله: شمس يالله اعتذري
شمس:عن شنو
عبدالله :عن الي سويتيه
خالتي حست بارتباكي واطلعت من الصاله
شمس: خيرررررررر انت الي تخطي علي وانا الي اعتذر
عبد الله:شمس اقول لج اعتذري وبلا وقاحه
شمس بتحدي:واذا ماعتذرت
عبد الله وصوته واثق من نفسه:ماراح تحضرين زواج راشد
ترددت قبل مااقول :ماتقدر تمنعني احضر زواج اخوي
عبد الله :اقدر ... صدقيني اقدر اكسر راسج اليابس وانا في مكاني
شمس: وليش كل هاذا انا مالي ذنب .. ريما هي السبب
عبد الله :اوووف سالفة ريما انتهينا منها ....احنا في سالفة طلعتج بدون اذني
شمس:الصراحة محد قالي انه لازم استئذن منك قبل ماروح مكان
عبدالله :هذي مايبيلها تعليم .. اخخخخخ بس؟؟؟
شمس:ليش ماقلت شي وانا اروح كل يوم المدرسة
صراخ عبد الله خلاني ابعد السماعة عني : تستهبلين
شمس:عيل انت من صجك تقول ماتحضرين الزواج
انت تبي اي فرصه وتفرض سيطرتك علي
.... انا ماراح اعتذر لك ابد
وسديت الخط
تلفون حنين يدق لين دخلت غرفة حنين ورميته فوق السرير
حنين رفعت الجوال :شمسوووو ويهد ليش ماتردين هذاعبد الله ومدت لي الجوال
خذيته منها ورميته مره ثانيه :حنين الله يخليج ابي اروح بيتنا كلمي مجيد يوديني
اناقاعده على طرف السرير وحنين قعدت على ركبتها مقابلتني على الارض
حنين :اكيد عبد الله خبص الدنيا اه هذا اخوي واعرفه زين شمس لا تزعلين
اكيد مب قصده يزعلج
شمس :لااااا وانتي الصاجه قصده يسم بدني
كله منج انتي الي ذكرتيه كنا مرتاحين منه
حنين وهي ترفع راسي وتطالع بعيني : امم عيني بعينج مرتاحه هااااااا
كذاااااااابه
ترى لو جبت في بعض المواد ضعيف كله بسبتج انتي وعبيد
شمس: ليه ... راشد هو المسؤل اكيد قاعدين سوالف طول اليوم
وقاصه علينا وقلدت صوتها كذااااابه
حنين:انتي تعرفين اني مااذاكر الا وقت الفجر
هو احسن وقت للمذاكره
شمس:انتي مادري منوين تجيبين هالمعلومات
ياحبيبتي افضل وقت للمراجعه عند الفجر موتنامين طول النهار وتواصلين لليوم الثاني وانتي مافتحتي الكتاب الا الفجر
حنين :مو تشوفين نفسج علينا وخبطت راسي هييييييييه
ترى بكيفي انا عاجبني مستواي اهم شى ناجحه والسلام
شمس:يالله كلمي مجيد بروح البيت
حنين كلمت السواق وطلعنا نقعد مع خالتي
خالتي: اشرايكم بهالمناسبه نسوي حفلة عائلية في المزرعة
حنين:حلووووووو متى بنروح
خالتي: اش رايكم يوم الخميس نطلع من الصبح ونرجع يوم الجمعه بالليل
رهف تنطط ياااا تعيش ماما ... تعيش ماما
دخل عمي ومعاه نايف:السلام عليكم اشوف البيت منور الشمس عندنا
رهف اركضت وحضنت عمي : باباشمس جابت الشهاده كلها وووووواحد
الكل:هههههههههه
رهف تكلم نايف: بنروح المزرعه وبنسوي حفله
حنين : رهوووف يالملقوفه سدي بوزج
عمي :سبحان الله تذكرني بحنين قبل كم سنه
الكل هههههههههههه
خالتي :الله يرجع اوليدي سالم غانم يارب ودمعت عيونها
حنين وقفت وحبت راس عمي وانا وراها
عمي لف يده على كتف خالتي : يعني كل ماتشوفيني تسمعيني هالكلمتين وين الكلام الي يفتح النفس والدعاوي الزينه
من يوم سافر عبدالله وانتي ناسيتننا وقرب راسه من خالتي وحط جبهته على جبهتها :يالله نشبو الغدا
قرصت حنين : وين مجيدوووو
حنين:يبه شمس تبي مجيد يوصلها
عمي: مجيد راح يجيب ام راشد تتغدا ويانا وجهزو عمركم بنروح الشاليهات بعد المغرب
رهف حضنت عمي : واااااو المزرعه والشاليه وناااااااااسه بابا نبي دبابات وحصان
حنين : يبه معليه تخلون الشاليه بعد نتايجنا
عمي: حنونه انا متاكد انج ناجحه زي كل سنه يعني جيد وتخب عليج
وطالع فيني : الطلعه ذي حق الي جايبين ممتاز
رهف : بابا مانبي حنين تجي ويانا خلوها تروح مع راشد مانبيها
حبيت رهف : ههههه رهوفه خلاص حبيبتي استحمليها شوي
حنين : لا والله انتي وياها صايرين عصابه
دخلت خالتي : يالله يابو عبد الله غداك جاهز
عمي :شمس تعالي تغدي معاي
حنين : واحنا
عمي :نطرو خالتكم عيب تتغدى بروحها
عمي وقف ومسك يدي يالله ........ الغدا يانايف
حنين : يمه لحقي شمس ساحره ريايل البيت
خالتي: الله يحفظهم ويحفظها
وخبطتها على كتفها:انا خايفه على شمس من عينج ذكري الله
*********
امي تسولف مع خالتي عن عرس راشد والفرقه الي احجزوهاوالزفه
شمس:الزفه خلصنا منها خلوها مفاجئه لكم
حنين : بس عطيني فكره لا اطيح من الخرعه هههههه
امي :تراى باقي كروت تذكري ياختي مانسيتي احد من جماعتكم ولا جيرانكم
خالتي:الااااااا باقي مدير عبد الله بنرسل لهم كرتين
امي :سجلي اسمهم وارسليهم مع السواق . تدرين العالم اجازه وكلن يبي يسافر
خالتي: ماعرف اسمهم كامل والتفتت علي شمس دقي على عبد الله وسأليه
انخطف لوني وارتبكت شلون اكلمه بعد الي صار اليوم
حنين ترفع يدها وتطالع الساعه : الحين عبد الله اكيد نايم مافيها شي لو ارسلتو الكروت بدون اسم
نايف يطق باب الصاله : السلام عليكم
شمس:هلااااا بالبطل
نايف : ابوي يقول جهزو بعد الصلاة بنمشي
خالتي: نايف يمه خذ ها لكروت ودهم مع مجيد بيت مدير عبد الله
نايف :ان شاالله يمه ... شمس ابوي يبيج برى
حنين : لاوالله ابوي من شاف شمس وهو ناسي بناته
لفيت الطرحه وطلعت
عمي كان واقف في الحوش عند السياره :هلااا شمس لبسي عبايتج وتعالي معاي
لقيت نفسي اقول انشاءالله
لبست عبايتي وطلعت السياره لقيت نايف ورهف معاي
رهف :بابا وين بنروح
عمي : السوق
رهف:هيييييييه ابي لعبة وعروسه زي الي في سبيستون
انا مستحييييييييه اول مره اطلع مع عمي بدون حنين
وصلنا مجمع كبير وجديد
عمي:ياالله ياعيال عند كم لين الاذان
رهف من فرحتها تمشي وتنطط وتأشر على المحلات
وقف عمي عند محل جوالات ودخلنا وراه
عمي طلب من البايع يوريه الموديلات الجديده اختار نايف جوال جديد
عمي :شمس يالله اختاري الي يعجبج
استحيت واخترت مثل نايف حتى نفس اللون
واخترنا لحنين غير عنا
رهف:يالله نروح محل الالعاب
مرينا محل للمجوهرات دخل عمي وحنا وراه
رهف:يالله الحين بيسكرون
عمي :شمس اختاري احلى شي للعروسه وامها
البائع :ورانا اطقم حلوووووه بس انا اخترت حق حنين شي يناسبها
واخترت لخالتي طقم فخم
عمي ياشر على محل الالعاب:روحو مع رهف تختار لها الي تبي وانا بحاسب واجيكم
اول وحده طلعت رهف وركض على الالعاب
نايف: الي يشوفها يقول اول مره تشوف العاب
رهف تدور بين الالعاب وكل شوي ماخذه لعبه ومرجعه ثانيه
نايف بطفش:اش رايج ناخذ المحل كله
رهف شكلها صدقت :لااااا سيارة بابا ماتكفي
انا ونايف ضحكنا على رهف ومسكتها من يدها:رهوفا انتي مو كنتي تبين زي سبيس تون
تعالي نسأل العامل واخيراً شرت رهف العبه الي تبيها
طلعنا من المجمع على اذان العشا
عمي وصلنا البيت وراح المسجد مع نايف دخلت على حنين بهدوء:السلام
حنين تسوي نفسها تصيح :يالخاينه ..... اهي اهي وتمسح الدموع الوهميه
طلعت لها الكيس :شوفي هذي لج يا عمري
سحبت الكيس وطلعت الجوال بسرعه :الله يخليك يابو عبد الله
وريتها جوالي :يالله سجلي رقمي الجديد
نادتنا خالتي:بنات بسرعه لا نتأخر
ركبنا كلنا في سياره وحده باقي نايف ماشفته
شمس:حنون باقي نايف وينه
حنين:لااااا يكون نايف خطيبج وانا مادري
خالتي:نايف راح مع مجيد وبيجي مع بيت عمه على الشاليهات
*******
الشاليه مكون من غرفه وبوفيه وحمام وصاله كبيره تطل على البحر
حنين :وااااااااو منظر البحر ينن من هني
خالتي : الحريم يقعدون داخل ونخلي الباب مفتوح شرايكم
عمي حجز شاليه للرجال وشاليه للحريم جنب بعض
الرجال فرشو على الرمله مواجهين البحر
السلاااام عليكم:
هذا صوت وحده من الحريم الي دخلو علينا
كانو خمس بنات مع امهم ........ حنين نقزتني ووطت صوتها :هذي مرت عمي خالد وبناتها
شمس:امبيييييييه من زمان ماشفتهم يمكن من عشر سنين صح
وكملت بسرعه اي وحده فيهم كانت خطيبت عبد الله
حنين :خخخخخخخ صبري خلينا نسلم واعرفج عليهم
الام نحيفه مره وطويله عيونها وساع عسلي وصابغه شهرها عودي وخصل ثلجي لابسه تنوره جنز بني وفيها فتحه للركبه
وبلوزه ملونه كاروهات فتحت الصدر واسعه
البنات الكبيره الهام سمرا وطويله شعرها اسود قاصته مدرج
تشبه امها كثير في عيونها وملامحها ودلوعه مررررره
لابسه تنوره قصيره لنص الفخذ وبلوزه ذهبيه كات ومبالغه في المكياج
اماشهد وحلا لابسين عادي بنطلونات جنز وبلايز
والصغيره وعد عمرها سنتين تجنن حبيتها وقعدتها في حضني
وجنان اكبرمن رهف بسنه بس شكل رهف ماتحبها
رهف قعدت عندي تلعب مع وعد
شمس:رهوفا روحي جيبي العابج ولعبي مع جنان
رهف :لا مابي العب معها ماتعرف تلعب
الهام:تعالي رهف حبيبتي قولي لي جبتي الشهاده ناجحه ولا لا
رهف ردت بس بدون ماتلف عليها:جبت كله واحد واحد والابله عطتني هديه وبابا ودانا مع شمس وشرالنا هدايا
حنين :بس بس ماباقي شي ماقلتيه
الكل هههههههههههه
الهام حطت رجل على رجل:حنين خلصتي تجهيز للعرس
حنين :ايه باقي المسكه يوم العرس باخذها
الهام:طيب فستانج ابيض ولا ذهبي
حنين :ذهبي وفيه حبات لولو سكري
الهام: انا اشوف ان العروس مايصير تلبس الا ابيض وما احب اي لون ثاني احسه نحس
ولفت علي :وانتي اي لون بتلبسين
شمس: لااااااا انا فستاني للحين ما خلص
ام الهام:حنين زواجكم يصادف التاريخ كم ميلادي
حنين :20 /6
الهام :اووووه ماي قاد .... نفس تاريخ رحلتنا
ام الهام : احنا رايحين مع اخواني فرنسا نبي نهرب من الحر والرطوبه
التفت على شهد وحلا :خساره موب شايفينكم بالعرس كان ودي اشوفكم ترقصون
شكلكم تعرفون ترقصون صح
شهد 16 سنه:ضحكت
حلا 12سنه:اما شهد عليها رقص مصري موب صاحي
شمس: واااااااو انا من زمان ودي اتعلم الرقص يالله شهوده قومي الغرفه علمينا اشوف
حنين:وانا ابي اتعلم بعد بس من وين لنا اغاني
الهام انا جايبه الاب حقي يلله انتو تعالو
شهد:شمس انتي جسمك حلو مره بس يبيلك تتحكمين في عضلات بطنك والباقي يجي لحاله هههههه
الهام:خوش مدربه هههههههه
كل وحده ربطت خصرها وبدينا هز على اغاني نانسي عجرم
وشهد توجهني مع حنين :ايوه مسكي من هنا وهزي هنا وسوي كذا وميلي من هنا
وبدت اغنيه شخبط شخبيط حطيت وعد يالنص وربطت خصرها وقعدنا نصفق لها وهي تدور وتحاول تهز مثلنا
شهد :شفتي سهل مررررررره صح
شمس:انتي من وين تعلمتي
الهام :ابوي جاب لها مدرس في البيت
الكل ههههههههه
شهد :من مقابل ال تي في كل ماشفت فيديو كليب وهالبنات يهزون احاول اسوي مثلهم واحسن منهم
شمس:انا دايم اتابعهم بس ولا مره فكرت اقلدهم
الهام :انتي الحين بتتزوجين لازم تخلين زوجك مايطالع برى
شهد:ليش يطالع برى وشمس ما ناقصها شي كااااااااامله والكامل الله
الهام:شوووووور بس بعض الرجال مايملى عينه الا التراب
شهد:عبدالله موب من هانوع وانتي اكثر وحده عارفه
دخلت علينا ميرنا :يالله مدام يقول عسا
بعد العشا راح عمي تركي وخالتي والعم ابوالهام
وكملنا السهره الى الساعه ثنتين ورجعنا راشد البيت ومعانا حنين ورهف
رشد :يمه بروح اوصل حنين ويمكن نتأخر شوي
امي: على راحتك خلو رهف عندنا وروحو تمشو بكيفكم
حنين:لااخالتي بنخلي رهف احسن
طليت على حنين :ماتبوني اسليكم بالطريق
راشد :وخري عن السياره بنمشي
رتبت ذيل الفستان على حنين ورجعت شغلت المسجل
شمس :يا لله حنون امشي شوي شوي وانتي رافعه راسج بس موب وايد
حنين : ابتسم للناس ولا عيب
شمس:ايه ابتسمي بس مو زي المجانين
اممممم يعني مجرد ابتسامه ساحره زي جذي
وابتسمت لها نص ابتسامه اوريها
حنين شوي وتصيح:مااااابي والله خايفه اطيح واتفشل
شمس:حبيبتي ان شاالله مايصير شي بس انتي امشي وخليج ريلاكس
تخيلي نفسج عارضةازياء
رن جوال حنين مسج سحبت الجوال من يدها
شمس: نوووو لازم اتأكد ان المقاطعه ماشيه حسب الاصول
فتحت المسج
لبيہ " يآشوقن لأجلگ دعآنيےْ ،
أجيگ و أشوآقيےْ تقوول [ لبيہ ..
جنبگ ، يصير آلعمر لہ طعم ثانيےْ .
أحس بقيمة آلوقت و أحصيہ ..
لآ جآد ( وقتيےْ ) بآللقآ لو ثوآنيےْ .
عنديےْ ، تسآويےْ ,, گل ,, عمريےْ ثوانيہ ..
مساا الخير يا حبي
اقدر اشوفك بكره في المزرعه مشتاق حيلللللللل
يا قلب راشد مشتاق لشفايفك العسل
حنين:ههههه يووووو ويهج احمررر
شمس:انت وراشد ماتستحون اخرمره افتح جوالج يا قليله الادب
حنين وهي تقرا المسج وتكتب رد وترسله : لو اوريج باقي الرسايل يمكن يغمى عليج
راشد كل يوم يرسل ثلاث او اربع رسايل كلها من نفس الفصيله خخخخخخخ
شمس:وانتي طبعاً ما تصدقين تردين بسرعه عفيه عليج
حنين:قوووومي نامي بكره ورانا قعده من الصبح
تقلبت على السرير:تتوقعين عبد الله الحين شيسوي
حنين: اتصلي وبتعرفين
شمس :اخاف يزفني ويسده بويهي
حنين:طيييييييب اكتبيله مسج
شمس: شاكتب له ماعرف
حنين خذت جوالي من على الكمودينه وبدت تكتب وارسلت الي كتبته
شمس: يمكن ما تعجبه الرساله
حنين تضحك وانقلبت على الجهه الثانيه:انا بنام تصبحين على خير
شفت الي ارسلته حنين
"آحبگ"
گلمہ قآلها قلبيےْ وتحدانيےْ ..
وهزت فينيےْ آشوآقيےْ ..
و آحآسيسيےْ و وجدآنيےْ ..
وظلت تسگن بجوفيےْ وبدون شعور تقوآنيےْ ..
وآنآ آرجيےْ بس من ربيےْ يحقق ليےْ گل آحلآميےْ ..
ويخليےْ ليےْ ..
"آعز آلنآس"
"وآغلى گل خلآنيےْ"
صرخت:حنوووون يالغبيه انا قصدي مسا مادري صباح الخير ولا اي شي بسيط موب
حب وغرام يووووو الحين شبيقول عني امبيييييييه احسن شي اقفل الجوال
حنين فزت قاعده: لاااتقفلينه خل نعرف ردت فعله
شمس :اكيد زعلان من هذاك اليوم وموب مسامحني
حنين :وانا اتوقع بيرسلج رساله زي الي ارسلتيها اذا مب احلى
نطرنا اتصال عبدالله الين الفجر صلينا وحنين نامت وانا افكر بعبد الله
ليش مارد او اتصل
<<<21>>>
وصلنااا المزرعه..ام راشد:اعوذ بكلماات الله التاامات من شر مااخلق...لااتنسون هالدعااء يا جماااعه
البنات يحبون يتجمعون بمكاان اسمه <العريش >داخل المزرعه.. الا حنين خافت على بشرتها <<عرووووووس
لماولين عندهم الدربكه وشمس مسجل
ريما : انا ابي اغني واطربكم بصوووتي
شمس:من زين الصوت
مردك لي مردك لي يطول الوقت أو يقصر ترا ما به أحد مثلي يحبك ويفهمك أكثر
أنا أهلك أنا ناسك أنا اللي أفهم إحساسك مجرد بس تنظر لي مردك لي مردك لي
على كيفك إذا بتروح أنا ما أجبرك تبقا أعرف اللى يحب بروح بعد ما يبتعد يشقا
من اللى طول غايبه وقدر يسلا عن أحبابه إذا تعرف أحد قلّى مردك لي مردك لي
تركت الأمر بدينك حياتك وإنت قررها ولا راح أسألك وينك لأني عارف آخرها
تجيني شايل أعذرك تقول قلبي يختارك حبيبي وروحي وظلي مردك لي مردك لي
شمس:اقووووول لايسمعج جواد يعتزل الفن .... يالله بنات عزااااااااه
وكلهم بصوت واحد
عزاه يا قلبي من الهم عزاه
ومن يواسي دمعتي قال خيره
وشلون خيره بعد فرقاه
لا تقولوا خيره خيبه كبيره
يالي تواسيني كلامك حفظناه
انا ابغا منك خدمتين صغيره
ودي تروح تبلغه شي معناه
معنى الي يحبك يبغى كلمة اخيره
ان كان يبغاني فـ هذا الي ابغاه
وان ماقبل قله خسارؤه كبيره
بكره الندامه والحسايف تولاه
يندم وانا عارف ندامه مريره
ان جاي يبي قربي فلا يظن ابجفاه
انا ضميري يختلف عن ضميره
انا شهد انه حد قلبي على قصاه
ولا انا خفوقي ماهو كلن يسير
*** *** *** ***
الحريم كانو ماايبون يطلعون ..خايفين من الحر والنامس..
مااقدرو يشوفون البناات مستانسين.. وما يشااركونهم
ام راشد:اقول بنات مايحتاج نجيب فرقه انتو فيكم البركه
خاله حصه:صحيح والي بنعطيه الفرقه بنعطيكم الدبل
شمس:الله ونصير ننافس صيته والعنود خخخخخخ
****
ريما ..حقوده..انانية..تكره تشوف احد احسن منها
امنيتها في الحياة.. عبد الله يترك شمس..ويتزوجها
ريما:اشوفج طلعتي جوال يديد مبروك
حنين :تعرفين عبدالله ..مايصبر عنها كل دقيقه يتصل يبي يسمع صوتها
ريما :الحين من قعدنا ماشفتها كلمت احد
شمس:اكيد بحصل رسايل.. ومكالمات.. من عبد الله بعدين برد عليه .. لما يصفا الجو
عليا :ورونا الرقص الي تدربتو عليه للزواج
البناات رقصوورقص جمااعي
رجب حش صحبك عني
رجب صحبك جنني
رجب قرب طمني
رجب وقلو يسيب قلبي
رجب عديت للمية
رجب اه وانا بنت شقية
رجب صحبك مش لية
رجب قلو يسيب قلبي
اااه رجب
خاله حصه ..صكت المسجل :دخل وقت الصلاه .... ماتعبتو؟من وصلنا وانتو طقطقه ورقص
ام راشد:يالله ..صلاااة
عليا :وبعدها بسوي لكم مسابقات
لما:اهم شي الهدايا ههههههه
ريما:امس رحنا ابو ريالين وجبنا لكم هدايا وغلفناهم بعد
حنين بسخريه:جان ما تعبتي نفسج وكلفتي عمرج
شمس:شكلها ما اكتشفت محل حبتين بريال هعععععععع
الاء مع ولدها مشعل توهم يدخلون المزرعه:السلااااااام عليكم
الكل :وعليكم السلااااااام
لين:زين الي جيتي قبل المسابقات
لما :ايه عشان تغششينا
عليا :لا اااااا من اولها غش طلعو برى انتو الثنتين هههههههههه
مشعل يحب شمس ركض عندها:عندك حواوه
شمس:ياقلبي شعولي من زمان ما شفتك وحشتني
ريما:انتي شفيج مجمعه اليهال عندج
شمس حولها رهف ولجين ومشعل
عليا: اليهال يحبونها
ريما:لانها ياهل مثلهم
شمس:محتره محد يحبج ومدت لها لسانهاا
حنين:هههههههه من زماااااااان ماسويتي هالحركه
شمس:من يوم صرت حرم عبدالله هههه هههههههه
عليا بصوت عالي:شووووووفو انا عندي مجموعه من الاسئله والي بتجاوب تطلب اي شي من اي احد تختاره
وفي حالة عدم تنفيذ الطلب تأخذ الهديه
اما اذا تنفذ طلبها الي انطلب منها ونفذت هي الي تأخذالهديه وااااااضح
يالله بدينا
– سيدة اودعت عندها النسخة الاولى من المصحف الشريف ؟
لما:السيده حفصةبنت عبد المطلب
عليا وهي تطالع لين : طلباتج
لما:ابي لين تحب خشمي
لين بسرعه:الطلب مرفوض
الكل ههههه عليا: حلال عليج الهديه يا لما
عليا:ماذا تسمى العين الواسعة شديدة البياض والسواد؟
خالتي فاطمه:دعجاء
عليا:اووب مب سهله الوالده طلبج ياست الحبايب
خالتي فاطمه:اطلب من ريما تقوم تصب قهوه لكل الموجيدين
ريما:لااااا والله مااقووووووم
شمس:بتروح عليج الهديه ام ريالين
الكل :هههههههههههههه
عليا:– مااسم أم هارون الرشيد؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك