رواية جواهر -6
جواهر: الله وش هذا كله وفتحت الكيس الله جالكسي احبه موووووت
فهد: وانا بعد ههههههههههههههه
طلعه حلووووه مره عجبتها خذاها فيها فهد اخوها بالشوارع يعلمها على اسماء الشوارع القريبه منهم وكل مره تقول له مو هذا شارع كذا ويقول لها لا هذا الشارع اللى قبل هذا جديد
جواهر: بس كافي وربي صدعت لو تحفظني من الصبح لبالليل ما راح اقدر اعرف الشوارع ياربي وش كثر الشوارع عندكم اشلون تدلون الطريق مدرى
فهد: هههههههههههههههههههههه كملوا تمشيتهم لين قرب آذان المغرب
*************
بهذاك الوقت بالبيت جت نوفا
نوفا: السلام عليكم
الريم: هلا والله نوفا وسلمت عليها
نوفا: اشلونك الريم شخبارج واشلون الوليد ومحمد
الريم: الحمدلله كلنا بخير ... ما شفتيهم بالحديقه
نوفا: الا شفت البزران ههههههههههههههه ماخلوني الا لما عطيتهم رشوه حلاوه فكوا عني
الريم: لا تقولين بزران وبعدين تستاهلين لانك انتى اللى مدللتهم وبكل مره تجيبين لهم الحلاوه ولاهم ياحلليلهم والله
نوفا: الا اقول وينها جواهرجالكسي هههههههههههههههههه ابي اكل منها شوي (على فكره نوفا خفيفة دم بالمره ووايد حساسه بنفس الوقت يعني ممكن كلمه تنزل دموعها على طول)
الريم: هههههههههههههههههههه رج الله ابليسك على هالكلام ..... خذاها فهد لفه شوي وبيردون الحين
نوفا: الله وهذا انا معلمتها انى بجي للبيت (باين عليها شايفه روحها علينا ...بنشوف هذي اللى مغروره لما ترد البيت ... ياخوفي لا يكون كلام وضحه صح عنها ) اخاف لا تسيح عليه بعدين من الحراره ههههههههههههههههههههههههههه
الريم: هههههههههههههههههههه وربي بتموتيني ضحك . ما راح يتأخرون ابد ..تعاليوخذتها من ايدها وراحت وياها جلسوا بالصاله شوي وهذا الباب انفتح وشافت فهد ولد عمها من بعيد مع وحده اكيد جواهر هذي ...طالعه كشخه وحلوووه
جواهر: واخيرا افتكيت من هالبرقع ههههههههههه
فهد: لا على بالك بتطلعين كذا اصحي انتي بالرياض مو بلندن
جواهر: مو متعوده اول مره احطه لما جيت لهنا والمره الثانيه لما تمشينا وهذي المره بعد
فهد: لا تعدين بتكون فيه بعد مرات ههههههههههههههههههههه
جواهر بتأفف : اوف ياربي احس انى مخنوقه فيه وش فيه الحجاب يعني وكانوا يسولفون ودخلوا الصاله شافوا الريم ومعها وحده اكيد نوفا
على طول حطت نوفا الشيله على ويهها
فهد وجواهر قربوا صوبهم جواهر+فهد: السلام عليكم
الريم+نوفا: وعليكم السلام
الريم: وهذي جواهر اوصلت زين خذي بنت عمك نوفا لدارك انا بروح اجيب العيال من الحديقه اوكى وطلعت من قدامهم
فهد: هلا وغلا نوفا اشلونج واشلون عمي وعمتي
نوفا: الحمدلله بخير يسلمون عليكم ...ليه متى آخر مره شفتهم
فد: قبل اسبوع
نوفا: بدري والله ليش احنا باستراليا بعييييييييييييييد حيل عنكم ما تقدر توصلنا بسرعه
فهد: ههههههههههههههههههههههه الله يقطع ابليسك وانتي ومزاحك ثقيييييييييل يالله انا بروح
جواهر: هههههههههههههههههههههههههه
نوفا+جواهر: الله معاك
بعد ما راح نوفا شالت الغشوه من على وجهها وطالعت بجواهر زين قربت منها جواهر وسلمت عليها بخذها : هلا بنت عمي اشلونج نوفا وشمسويه
نوفا: الله يسلمك انا تمام ..هلا والله ماكذب من سماج جواهر وربي حلووووووه ابي شوي منه تعالي قربي
جواهر باستغراب وسالتها: وشهو اللى تبين شوي منه
نوفا: جواهر جالكسي وقامت واحضنتها
جواهر+ونوفا : ههههههههههههههههههههههههههههههههه
جواهر: تعالي لدارى احسن تاخذين راحتك ونسولف هناك
**********
بهذاك الوقت اتصل طلال على اخوه سلطان: السلام عليكم
طلال: وعليكم السلام هلا طلوووول وينك لك 3 ايام ما ازعجتني بسوالفك
طلال: انا بخير الحمدلله تحمد ربك وصلي ركعتين طلول ولد عبدالعزيز العبدالله يكلمك الحين
سلطان: هههههههههههههههههههه طيب انتظر 10 دقايق واكلمك مره ثانيه
طلال باستغراب :ليه طيب
سلطان: مو تقول لي صلي ركعتين بروح اجدد وضوء واصلي لا وبعد بالمسجد ههههههههههههههههههههههههههههه
طلال: ياخي نكته بايخه يالله علمنى وش اخبارك اشلون امي وابوي وشخبارهم
سلطان: الحمدلله كلهم تمام الا صح كلمك ابن بطوطه ولا بعده
طلال: لا والله ما كلمنى هالفتره وين طس
سلطان: الله يستر هذا بيجنن بابوي وامي والله مايبي يعقل ويركد
طلال: اشلونها جنطة الضحك(نوفا) وحشتني والله هي وسوالفها
سلطان: هههههههههههههه وديتها عند بيت عمي الحين بتشوف جواهر وتسلم عليها
طلال: الا صح انت شفتها بنت عمك
سلطان: وش لي فيها اشوفها وش المناسبه
طلال: ههههههههه ياخوي بنت عمك ترحب فيها وجب سمعت من فهدووووه انها احلى منه
سلطان: لا والله وش دراك يعني
طلال: بس على فكره مو باحلى مني اللى هنا وااااااي تخبل والله اللى هنا تعق الطير من السما
سلطان: انت رايح تدرس ولا رايح تعق البنات اللى يعقون الطير من السماء
طلال: هههههههههههههه يبه تعبنا كله دراسه لازم نريح على نفسنا شوي ما فيها الشي نشوف الجمال ونقول اشعار فيه
سلطان: الله الله يا دايم السيف انت طيب طس الحين انا بنزل تبي شي
طلال: ههههههههههههه سلم على الاهل اوكى ايه نسيت لا اعلمك بجي بكره الظهر خلها مفاجاه لامى يالله باي مع السلامه بدز لك مسج قبل يالله طس خسرتني
سلطان: هههههههههههههههههه اللى يسمعه يقول من جيبه اوكى يالله مع السلامه
عاليه بغرفة رجاوي: والله تولهت على جواهر وشخبارها
رجاوي: مو لوحدك اللى تولهتي عليها ..الحمدلله مبسوطه تقول
عاليه: الا اقول وينها خالتي ما شفتها لما جيت
رجاوي: راحت تزور ام مشاري جارنا بعافيه شوي
عاليه: اها تصدقين اتصلت علي ام قدر قبل لا اجي لعندكم ههههههههههههههه وربي استانست شوي بالسوالف معها هي وطباخها تقول لي انهاعرفت طبخه جديه وبتعلمنا عليها هناك
رجاوي: ههههههههههه هدت حيلنا والله بطباخها قبلها نروح لازم الماركت وبعدها نطبخ ما احب اقطع بصل وربي بذبحها لو تقول لى مره ثانيه قطعي البصل
عاليه: هههههههههههههههههههههه وظلوا يسولفون ...بعد المغرب خذاهم الدريول للمجمع وظلوا يلفون فيه من محل للثاني لما تعبوا جلسوا بمطعم وطلبوا لهم عشا وياكثر الاغراض اللى شرووها ...
رجاوي: لحظه بتصل على الدريول يجي ياخذ الاغراض ويحطها بالسياره ودقت عليه وجا بعد شوي لقاهم واخذ الاغراض وراح ..بهالوقت كان جراح ويا رفيقه فيصل بالسوق وشاف رجاوي ومعها عاليه بالسوق (محجبات وبس) وهم جالسين يتعشون
رجاوي: طالعي هذا اللى مبجج عيونه بيطلعون من مكانهم الله وش ذي السفاهه بعمره ما شاف بنات يتعشون سوا يا كثرهم بالمجمع
عاليه: الا قولي ماشاف بنات حلوااااااات ههههههههههههههه
رجاوي: هههههههههههههههههههههههه عيل لو كانت معنا جواهر وش راح يسوي
عاليه: الحمدلله ما هي معنا لا تاخذ الجو علينا
رجاوي: حرام عليج زعلتيني والله ما تبيناه معنا يعني
عاليه:فديتج وربي اتغشمر معاج ...والله انى متولهه عليها وياليتها معنا هنا نستانس سوا
شوي ويجي الجرسون ومعاه صينيه وعليها 2 عصير كوكتيل
رجاوي: انتى طلبتي لنا كوكتيل باستغراب لعاليه
عاليه: لا ما طلبت وهي تكلم الجرسون: لمين هذول
الجرسون: انتى ماما هذا نفر هناك فيه يقول انتى في يريد 2 عصير كوكتيل وأشر على اللى كان يطالعهم .... نظرت صوبهم هي ورجاوي رفع ايده بالعصير وابتسم لهم
عاليه: ياقوى عينه والله لا وطالعي بعد هذي ورقه ....( لو سمحت ام الحجاب العنابي تقبل مني هالعصير اهى وخويتها عربون اعجاب ومحبه) جراح
عاليه: اقول جرسون روح مانبي عصير نشربه
رجاوي: وديه مانبيه اوكى وقول له بابا مشكورمافيه يريد مافيه سوي مره ثانيه
عاليه: يالله بسرعه رجاوي مو مرتاحه وهذول يبججون عيونهم فينا يالله عاد اخلصي نروح البيت ونسهر هناك وش رايك نجيب ويانا فلم هندي ولا تبيني فلم كوميدي
رجاوي: ابي فلم كوميدي بالمره فاونديشن نتعلمه منهم
عاليه: ههههههههههههههههه اوكى ولا يهمك يالله ...خلصوا وحاسبوا على العشا ولماكانوا رايحين مروا من جنبهم ...ما قدر جراح يمسك روحه: الله من نظرة غزال اذبحتني وانا صويب منها وادور دواي ..طالعت فيه عاليه زين(مو هذا كني شفته مره بس وين ياربي) : ردت عليه وهي ماشيه الدوا بالعياده روح تعالج هناك وكملت طريقها
جراح لصاحبه: وااااي ذبحتني يا راشد والله
راشد: هههههههههههههههههه يالله عاد قم اقلب ويهك بنروح من هنا امي دقت علي تبيني اجي مدرى وش فيها صوته مو مرتاح منه يالله بسرعه.
جراح وهو يلتفت له: لا تخاف عسى خير ان شاء الله يالله مشينا حاسبوا وراحوا من المجمع
*************
الفصل الثالث عشر
الفصل الاول
بالسيارة عاليه تقول لرجاوي: والله ابي اتذكر هالويه وين شفته من قبل بس مو قادرة
رجاوي: أي ويه تقصدين ؟؟؟
عالية: هذاك اللى بالمطعم مبجج عيونه فينا
رجاوي: اها ههههههههههههههه ما علينا يا كثر الفيسات اللى تتشابه
عاليه: هههههههههههههههه طالع هذي لا وجامعه في بريطانيا امحق من جامعيه بالله وش تدرسين هناك تركي تقول فيسات اسمها يالجامعيه faces
رجاوي: زين زين عرفنا قلتها جمع بالعربي انتي وش عرفج بلغة الضاد يا الصينيه
عالية: هههههههههههههههههه لا بالله طيب يا فيسات
رجعوا البيت وبعدها بساعه جا اخوها بدر واخذها للبيت
.............
قبل ما تفتح الأف بي آي نوفا التحقيق مع جواهر ..ابتدت تسألها جواهر: ليه تغشيتي من اخوى فهد ماهو ولد عمك
نوفا: الله حتى لو ولد عمي ما اقدر اشوفه الا من ورا حجاب
جواهر: ومن قال يعني انا ما اقدر اشوف اولاد عمي واكلمهم عادي
نوفا: هههههههههههيبه هذاك زمان هناك بديرتكم مو هنا ...تقدري تكلمينهم لكن لازم تكونين متغشيه على ويهج
جواهر: يالله انا اختنق من البرقع وما احبه ... اشوى انا ما راح اكون هنا دايم
نوفا سالتها باندهاش : ليه انتى ما راح تعيشين هنا على طول
جواهر: لا جيت بس فتره الاجازة هذي لما تخلص برد ديرتي
نوفا: ولا عاد بتجين لهنا
جواهر: الا بالاجازات اكيد لكن بكون هناك .... وحبت تغير السالفه اوكى علميني وشخبارج تعرفي نوفا وربي مبسوطه انى لقيت لي بنت عم بنفس كبري واقدر انى اسولفها ونكون مبسوطين ويا بعض
نوفا: بصراحه وانا بعد ارتحت لج وايد بس تفاجأت فيج
جواهر باندهاش :ليه وش فيني خلاج تستغربين منه
نوفا: وربي تخبلين وش ذا الجمال ..؟؟؟
جواهر باستحياء: لا عاد عاديه ما فيني شي ازود عنج انتى ما شاء الله عليج حلوه
نوفا: شكرا على المجامله ...وربي تاخذين العقل يا جواهر جالكسي
جواهر من سمعت هالكلمه وماتت عليها من الضحك ههههههههههههههههاهههههههههههههههههههههه ههههههههههههههههههههههههههههههههااي
جواهر: مره وحده جواهر جالكسي تصدقين مرات صاحباتي ينادوني كذا ههههههههههههههههه
اصلا ما صنعوا جواهر جالكسي الا لما شافوني يمكن
نوفا: يحق لج تقولين هالكلام ..وربي وضحووووه بتموت من القهر
جواهر باستغربا: منهي وضحه هذي؟؟؟
نوفا: اختى الكبيره بس الله لا يوريج كله شايفه روحها هههههههههههههههههههههه لو ماهي متزوجه كان بتنقهر اكثر واكثر ...لا وتخطط لزواج خواني دايما هههههههههههههههههه
جواهر: ليه طيب انا وش سويت لها ... لا اعرفها ولا شي
نوفا: تنقهر من هالجمال الا صج من وين شريتي العدسات اللى بعيونك
جواهر: ههههههههههههههههههههههههههههههههههههههه اللى خلقهم خلق غيرهم بعد بكل الالوان
نوفا: احلفى انهم مو عدسات ,,انا شكيت بس قلت يمكن عدسات
جواهر: هههههههههههههههههههه لا والله
نوفا وهي تصفر : ما شاء الله ترى انا لا تخافين مني ما انظل حد بعين.. (حست انها زودتها بالاسئله شوي )
جواهر: هههههههههههههههههههه الله الحافظ من كل شي
نوفا جناحك حلو بالمرررررره تعرفي اول مره اشوفه
جواهر: ليه هو كان جناح احد من قبل
نوفا: لا ما اعتقد لكن اول مره اجي هنا رحت جناح الريم من قبل والبندري ....ستايل شي شي الاثاث والديكور اللى مسوينه بالغرف
جلسوا شوي على الكنب وفتحت جواهر التلفزيون على قناة غنائيه وكانت اغنيه للفنان علي محمد:
*******
هيل الله يا قمر نور علينا
هيل الله على المحبه سرينا
هيل الله ومعانا المحبين
ومن نبع المحبة ارتوينا
هيل الله لا تنامين يا عين
ليالي العمر دايم قليلة
*******
جمعنا العمر كله في ليلة
وكل عاشق ترى نادى خليله
صدق راعي المثل ياخلي لي قال
ترى قلب المحب دايم دليله
*******
يا سبحان الذي بالزين حلاك
يا سبحان الذي على الناس علاك
عطاه الله قليبي وولاه
على كيفه يحطه ويشيله
******
اول ما سمعتها على طول ما قدرت تتمالك راحت وطلعت الصوت وهي تقول لنوفا: تعالي ارقصي معي والله الاغنيه هذي مرررره حلوه تعجبني (على فكره جواهر تحب الرقص واي اغنيه حلوه فيها طرب تحب ترقص عليها )
نوفا: ههههههههههههههه لا يبه خلها بوقت ثاني يالله ارقصي
كانت جواهر ترقص على الاغنيه ونوفا تصفق لها ....(ياحظه اللى بياخذها ما شاء الله عيني عليها بارده بنت عمي الزينه هههههههه )
فهد سمع صوت الاغنيه عالي بالمره وكان نازل لتحت جا ودق على الباب ماحد رد عليه ...دخل لغرفة جواهر لقاها ترقص ونوفا تصفق لها اول ما شافت فهد تفاجات على طول حطت شيلتها عليها ووقفت تصفيق وهي منحرجه .... جواهر ما وقفت رقص لما شافت فهد الا كملت رقصها وجت لعنده واخذته من ايده عشان يرقص معها ..ماكذب خبر رقص لها العرضه وهي تضحك معاه وظلوا كذا وشوي عبدالعزيز اخوهم كان جاي ومعاه البندري واولاده تركي وشهد لما سمعوا الصوت هم بعد راحوا يشوفون وش اللى يصير
لقوا فهد يرقص العرضه وجواهر تنعش بشعرها قدامه على طول فهد سحب اخوه عبادي وكمل معاه رقص
البندري من شافتهم كذا ابتدت تصفق لهم وتضحك واما الاولاد عجبتهم الرقصه وظلوا يتصايحون ويرقصون معهم بالوسط ..طلعت الريم وزوجها من الغرفه يبون يعرفون وش يصير لقوهم الجميع يرقصون بالنهايه ...
لما شافها ابوها ترقص ويا اخوانها ابتسم وارتاح وراح وهو مبسوط اما الريم كملت مع البندري تصفيق ولما خلصت الاغنيه راحت جواهر ولمت اخوانها بحضنها وهي تضحك من البسطه ..( غمضت عيونها ووقفت ضحك تبي تحس بدفا اخوانها لها شوي وابتعدت عنهم وهي تبتسم لهم)
جواهر وهي تبتسم وتناظر اخوانها : يالله خلصت الحفله نشوفكم مره ثانيه هههههههههههههه
الكل :ههههههههههههههههههههههههههههه
فهد: جبت لك هذول وعطاها كيسه فيها حلاوه اول ما شافوها اولاد اخوه عبدالعزيز نطوا لعند جواهر : عمه عمه ابي حواوه الجوج (ابي حلاوه ارجوج)
جواهر: عطتهم كل الكيس : عطوه ماما وبعد العشا تاكلونه زييين
شهد :زين وراحت لعند امها مع الكيس
البندري: بتخربين علينا اسنانهم يا عمتهم
جواهر تسأل البندري: ههههههههههههههه ما عليه هالمره وبس الااشلون الاهل عساهم بخير
البندري: يسلمون عليج الحمدلله طيبين ...يالله تعالوا تينا تروشكم شويه وبعدين تتعشوا وتناموا يالله ..هههههههههههههههه عجبتني الحفلة بس يا خساره ما لحقنا عليها الا بالنهاية
جواهر: هههههههههههههههه المره الجايه اسوي لج دعوه قبل
تركوهم الجميع وراحت جواهر لعند نوفا اللى صفقت لها
نوفا: ما شاء الله ترقصين حلوووووو اقول وين تعلمتي هالرقص الخليجي وش اسم المدرسه بروح اسجل فيها
جواهر: ههههههههههههههههه امممم ببيتنا وبس هههههههههههههه ما نسمع اغنيه الا نرقص عليها رجاوي علمتنى احسن مني بوااايد والله لو تشوفين رقصها تعرف بكل شي هندي اسباني الحين تبي تتعلمه ههههههههههههههههههههههه
نوفا: اها اسباني الا صج امك الله يرحمها اسبانيه صح
جواهربنبرة حزن: ايه
نوفا تغير الموضوع: على كذا تعرفين تتكلمين وترقصين اسباني انتي
جواهر: ههههههههههههه الكلام ايه الرقص يعني مو وايد .....
نوفا: عندكم اهل هناك بعدهم
جواهر: خال امي بس من زمان لى اكثر من 4 سنين ما شفناه مره جا للكويت واحنا رحنا هناك مرتين وجلسنا وياهم فتره 3 اسبابيع كانت احلى اجازه انبسطنا فيها بالمررررره شي والله
نوفا: الله وبدت تحلم
جواهر تدفها : هههههههههههههه وين سرحتي
نوفا: لما بتزوج لازم اروح اسبانيا شهر العسل وايطاليا وسويسرا
جواهر: ههههههههههههه على كذا بتظلون 3 شهور عسل مو شهر عسل واحد
نوفا+جواهر: ههههههههههههههههههههههههههههههههههههههههههه
تسولف مع نوفا: طيب ما علمتيني وش شعورج لما عرفتي انه انتى منتي بنتهم ولا تقربين لهم
جواهر بعصبيه شوي: ومن قال انى مو بنتهم هذيك خالتي اخت امى اصلا ويعني مو بغريبه حسبة بنتهم صح انصدمت انه ابوي ما طلع ابوي لانه اللى اعرفه ماما ندى مو امى وهذا عادي بس على بالي انه ابوي خذاها بفتره وبعدين رجعها وهذا تفكيرنا كلنا اللى بالبيت
نوفا: اها اوكى ما قلتي لي العيشه هنا احلى ولا بالكويت
جواهر: ههههههههههه من اولها لو قلت بتزعلين هنا صح في بيت ابوي ومو مقصر بشي معاى ولا اهل البيت كلهم بس هناك روحي تركتها
نوفا: الله الله يعني الحب الاولى هناك ...منهو هذا اللى خذا قلب جواهر
جواهر مرتبكة : ها وشهو اللى ماخذ قلبي انا قصدي انه روحي تركتها في بيتنا هناك مع ابوي وامي وخوانى واختى رجاوي والعنود فديتها صاحبتي واختى لزم
نوفا: معاج اخت من امج بعد
جواهر: لا انا الوحيده بس قصدي خواني اللى تربيت وعشت معاهم هذول هم اهلى ...
نوفا : واحنا يعني جايين من الشارع .... الله لنا ونصير بيوم روحج
جواهر: انتوا تاج راسي وربي يخليكم لي ان شاء الله وخلاص هم بعد انتوا صرتوا غاليين عندي ولو انى ما تعرفت عليكم زين
نوفا: ولا يهمك جواهر الا اعرفج على بعض صاحباتي اخليهم ينقهرون من جمالك وبنروح سوا للسوق ناخذ لنا شوبينج واللي تبينه بس انتى آمري قولي متى وانا حاضره
جواهر: تسلمين يا الغلا ....... كملوا سواليف لين وقت العشا نزلوا تعشوا مع البندري والريم والعيال اما ابوها واخوانها لانه نوفا هناك تعشوا بمجلس الرجال .. من بعد العشا جلست نوفا شوي معهم يسولفون تحت بالصاله وشوي يرن جوال نوفا
نوفا: الووو السلام عليكم
سلطان وعليكم السلام يالله نوفا ترى انا جيت بره
نوفا: الله بدري بعدها الساعه تسع
سلطان: شوفي انا بروح ويا ربعي مو فاضي بعدين عشان كذا جيت اخذك للبيت
نوفا: اووه طيب خلاص بلبس عبايتي وبطلع
جواهر: وين نوفا بتروحين
نوفا: ايه جواهر اخوى سلطان جا وبعدين ما راح القى حد يرجعني
جواهر: اوكى الله وياج ومشكوره على الزياره نوفا
نوفا: العفو يا الغاليه انا مبسوطه انه لي بنت عم حبوبه مثلك ...بروح اجيب عبايتي
طلعت معها جواهر وطلبت منها رقم جوالها وخزنته عندها ...سلمت عليها وراحت
على الساعه 1بالليل جواهرراسلت العنود وبعدها راسلت رجاوي اختها مسجات وهي كانت ترد عليها وكانت مبسوووطه بالمره ..ما جاها نوم ولا عجبها شي بالتلفزيون ...وفهد راح يسهر ويا اصحابه ولا ودها انه يكون معها يسهرون سوا ويسولفون ..فهد صار اقرب لها اكثر شي وتحس معاه بالراحه وبالامان (ربي يخليه لي ..قالتها بخاطرها ) جتها فكره تنزل لتحت بالمجلس هناك مكتبه وتختار لها بعض الكتب يمكن شي يعجبها
كانت لابسه بيجاما قطنيه ... حضنت جسمها بايديها الجو بارد بهالوقت من السنه زين انها لابسه شرابات برجليها ما تحب تنام اكثر شي الا وهي لابستهم غريبه موووووو ؟؟؟؟نزلت لتحت وفتحت الثريا القريبه من المجلس ... دخلت المجلس نورت الاضاءه وبعدها وراحت للمكتبه وابتدت تطلع كتاب كتاب تشوف المقدمه عن ايش وهي منسجمه بالمطالعه
الا وصوت من وراها فاجأها وخلاها تصرخ وتطيح الكتب اللي بايدها
الفصل الثالث عشر
الفصل الثاني
ــــــــــــ
ــــــ في بيت نواف عم جواهر ــــــــــــــــ
نواف : اقول منيرة خبري الاولاد بكره معزومين بالعشا في بيت عمهم ابو عبدالعزيز
منيرة: وش مناسبته .؟؟
نواف: مسوي عزومة عشان بنته جواهر اللي يت
منيرة: يعني خلاص بتعيش معاه على طول
نواف: ايه عنده بالبيت. ويبيها تتعرف على اعمامها ما اوصيج خلى البنات يعاملونها باحترام ويعدونها شراة اختهم زين
منيرة: ان شاء الله ولا يهمك بعلمهم
...على فكرة عم جواهر هذا هو عمها بالرضاع ويقرب له من الاصل ولد خالته .... اللى توفت بعد ولادته وهو اصغر من ابو جواهر بسنة معاه بنتين عبيربأول سنة كلية معلمات ومها ما كملت تعليمها ما جابت مجموع بس شاطره بالكمبيوتروطول وقتها على النت صممت لنفسها منتدى ومشرفة عليه ... ومها وولدين سيف الكبير
*************
وابتدت تطلع كتاب كتاب تشوف المقدمه عن ايش وهي منسجمه بالمطالعه
الا وصوت من وراها فاجأها وخلاها تصرخ وتطيح الكتب اللي بايدها
............. بسم الله بغت تموت من الرووعه اللي صابتها والتفت بهدوء وشافت شاب اول مره تشوفه
....... اكيد عرفتوه .!!!!!!
اخوهااااااااا احمد اللى يدرس بالخارج
احمد وهو يصفر: (.........) من انتي .؟؟؟؟
جواهر وهي خايفة ما تدري وش تسوي بس خلت روحها مو خايفه وردت عليه بسؤال مثله : انت اللي مين .. ؟؟
احمد باستنكار: هه انا اللي بالأول سألتك ولا ما تدلين اسمج
جواهر: انا اليوهرة جواهر بنت تركي بن عبدالله ...
احمد وهو يطالعها باعجاب من ردها : والنعم فيج بنت اصل واخت رجال والله وانا واحد من هذول الرجال ..وهو يبتسم
جواهر فتحت عيونها: انت
احمد : ايوه انا احمد وتوني واصل من بريطانيا
جواهر تقدمت منه وهي مبتسمة ومدت ايدها تصافحة ..ماترك لها مجال خذها بحضنة وبعدها طالع فيها وربي حلوه اختى ..وين كنتي من زمان ...الا اقول مافيه بنات خوالج يشبهون لج انا حاضر بخلص بعد كم سنه ويصير العرس
جواهر ههههههههههههههههههههههه
اخذت الكتب من على الارض
احمد: الا اقول وش تسوين الحين
جواهر: ما جاني نوم .. قلت اخذ لى أي كتاب اقرا فيه لين يجيني النوم وما عندي كتب ومره شفت المكتبه والكتب اللي فيها قلت احسن اخذ كتاب من هنا وهذا انت خرعتني
احمد: ههههههههههههههههه ما قصدي والله بس تفاجأت فيج وحبيت اعرف انتي منو على بالي حد اعرفه ...يعني قلت قبل لا تحط شيلتها وما اقدر اشوف ويه القمر بعدين
جواهر: هههههههههههههههههههههههههههههه اها قول كذا من الاول من تقصد امممممممم ما اعرف الا نوفا وبس
احمد وهو يبتسم : اكيد نوفا لازم تشوفينها قبل ادرى فيها اف بي آي العيلة كل شي تحب تعرف عنه
جواهر: والله انها حبوبه وطيبه دخلت قلبي من اول ما شفتها
احمد وهو يبتسم: ادرى انها طيبه وتنحب ههههههههههههههه يالله انا بروح لداري انام لى اكثر من 13 ساعة والله ما نمت
جواهر: اوكى وانا بعد بروح يالله تصبح على خير واشوفك ان شاء الله الصباح
احمد: هههههههههه ان شاء الله بعد الظهر مو الصباح ما تعرفين انه وقتي الظهر اصحى يعني لو صار ما صار ما احب اصحى الصباح .....
....كل واحد طلع على غرفته وراح ينام .....
*****************
على الساعة 9 ونص صحت ..طالعت بالساعة وتقلبت بالفراش تبي تنام ... لكن بالاخير ما قدرت تكمل نومها مدرى ليه خايفة من شوفة اعمامها ..تخاف لا يصير شي
بدلت ملابسها وانزلت تحت ... جت ماري الشغالة تسألها لو تبي فطور بتجهزه لها ... وافقت وراحت بعد ما افطرت اجلست بالصالة وفتحت لها التلفزيون تقلب بقنوات الريسفر ..شوي وتشوف البندري وهي نازلة ويا شهد بنتها
البندري: صباح الخير جواهر اشلونج
جواهرك الحمدلله تمام ..هلا شهوووده تعالي عطي عمة بوسه
جت لعندها شهوووده وعطتها بوسه بخدها ....اخذتها جواهر وشالتها لفوق وحضنتها هههههههه جواهر تقول لشهد : فديتج يا احلى البنات انتي والله
شهد ردت عليها: احلى يعني انا حلوه احلى وايد منهم
جواهر: ايه احلى منهم كلللللللللللللللللللللهم حتى انا انتى احلى مني ومن ماما ومن كلهم
شهد: انا احلى البنات ههههههههه ضحكت
البندري: يالله عاد يا احلى البنات نبي نتريق بعدين تعالي سولفي ويا عمتج ...انتبهي لا تطيرينها فوق بالسما بكثر المدح فيها مو ناقصين هي من الاساس دلوعة ابوها هههههههههههههه
شهد عمرها 4 سنين واخوها تركي عمره 5 سنوات
جواهر: الا اقول وينه تركي. بعده نايم؟؟؟
البندري: ايه عبالج اول ما راحوا ناموا الا يطالعون بسبيس تون وما رضى ينام حتى يخلص توم وجيري بالقناة الثالثة مصيبه يجي وقت متاخر ههههههههه ..يالله شهووده تعالي وخذتها لغرفة الطعام ..بعد ما راحت البندري ويا بنتها جتها مسج على جوالها لقتها من ابراهيم اخوها يخبرها فيه بانه حسن تقررعرسه حسن بعد شهر .....
وتتصل على طول على ابراهيم: الووو السلام عليكم
ابراهيم: وعليكم السلام هلا والله بالقاطعه نعنبو دارج انتي ما تستحين يا البايخه وتقولين اشتقت لخواني ولازم اكلمهم واسأل عنهم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك