رواية فمان الله يا غالي -5
خلود:ابد بس احس قلبي انقبض يعني ما توقعت الحادث لهالدرجه أثر فيك
بندر:واكثر بس تصدقين إني حبيت هالحادث وكان من الأشياء الحلوه بحياتي
خلود متفاجئه:اشلون..وليه..
بندر:لأن علاقتي فيك صارت أقوى بعد الحادث والله أحس إني اعرفك من زمان
خلود:تصدق أنا بعد احس إني اعرفك من زمان.. أساسا ما ادري شلون تكملت معك وأنا ماعمري سويتها مع أحد.. بس أحس أنك مثل أخوي واكثر,,واحس اني ارتحت لك كثير
بندر:إنتي عندك أخوان؟!!
خلود:إيه بس أنا الشهور اللي فاتت بعيده عن العيله مره..
بندر:ليه!!
خلود:ما اعرف؟!!...بس يمكن اكثر شي شاغلني الدراسه
بندر:على طاري الدراسه كيف ثاني وياك..
خلود:إيييييه ثاني..انا ما قلت لك؟!..
بندر:إيش؟؟
خلود:أنا بثالث مو ثاني
بندر:والله!!...خلاص أجل إي شي ما تفهمينه قولي لي وأنا أفهمك
خلود:لا والله!!..إش تحسبني تراني دافوره..
بندر:ما شالله عليك والله أنا من جنبها..
خلود::إش ناوي تشتغل بعد ماتتخرج
بندر:بقي ما فكرت..
خلود:أما إنك غريب يا اخي......إلا شلون علاقتك بالوالد
بندر:لاااااااا تمام التمام
خلود:دوم انشا الله..
بندر(سمع صوت احد جاي):أقول خوخه الظاهر الأهل جوا أكلمك بعدين
خلود:زين انتبه لحالك<< كانت تبي تهزئه على "خوخه" بس ما كان فيه وقت..
بندر:اوكي وانتي بعد باي
خلود:باي
خلود"آآآآآآآآه يا هالولد يبي يوديني بداهيه يبي يجنني يبي يذبحني...صوته يجنن أسلوبه.. كلامه..والله إنه كله على بعضه يذبح..بس اللي نفسي أعرفه كيف شكله ياترى..وسيم وإلا لا.. والله ما ورى هالصوت إلا واحد يخقق....أنا لااااازم أشوف صورته"
دخل شخص بأبتسامه معتاده..
سامي:سلاااااااااااااااااااااااام أبو عزوز
بندر:هلااااا سامي
سامي:هلا فيك شلونك يالغالي ...سلامتك ما تشوف شر
بندر:الله يسلمك الشر ما يجيك..
سامي:منو كنت تحاكي؟!!
بندر:إنت شدخلك.!!..اجلس وبس ..حياك
وبعد ما جلس سامي:إش دعوه انا خويك قلي!!...ويغمز له
بندر:خلود..
سامي بخوف :ومنو خلود بعد..
بندر ويضحك:هذي وحده جديده
سامي: الللله اكبر ياخي خف على نفسك شوي كل ساعه بوحده
بندر:لا ياعمي هذي غير والله إنها غير
سامي:إنت كل ما تكلم وحده جديده تقول نفس الكلام..
بندر:لا صدقني هذي غير..أنا احس كذا
سامي:ياخي انت دوم تحس واحساسك دائما غلط
بندر:بس انا متأكد إنه هالمره صح
سامي:وش اللي خلاك متأكد؟؟
بندر بجديه وبعد ما تنهد:القرار اللي ناوي أنفذه..
سامي:وشنو هالقرار؟
بندر:باترك كل البنات اللي أعرفهم وبكون لأول مره بحياتي مخلص لوحده قلبي عشقها
سامي:حتى جوري؟!!
بندر بجديه اكثر:حتى جوري..
سامي:والله الظاهر إنها خذت عقلك..زين قلي شلون شكلها هاللي انت خاق عليها..
بندر:ما شفتها
سامي:اجل اشلون حبيتها
بندر:كلمتها..
سامي:دام السالفه كذا..أقص إيدي واحلق لك شنباتي إذا السالفه جد
بندر:اللي يسمعك يقول عندك شنبات من الأساس.. بس اضمن لك أنك بتقص إيدك
سامي :زين خلنا نسوي تحدي..
بندر:شنو؟
سامي:لوطلعت ما تحبها بتيي معي للكويت لا سافرت بالصيف
بندر وهو واثق:ولو طلعت احبها من جد لك علي تصرف كللل البنات اللي أعرفهم ولا ابي أزيد اسمع صوت وحده فيهم
سامي:لااااا .. الأخ واثق؟!
بندر:افا عليك واثق ونص وثلاثة ارباع
سامي ويضحك:عيل الله يعنني على بناتك..
بندر:الظاهر بينشبون فيك
سامي بخوف:ياخي فال الله ولا فالك!!
بندر:ههههههههههه ترا فله جرب..
سامي:لا بخلي الفله لك انت ويكفي.. بس ما قلت لي شنو سويت بعمرك إنت؟؟
حكى بندر لسامي كللل شي..
سامي:والله منت بصاحي..
بندر وهو يضحك:يكفي لا كنت إنت صاحي وبس
سامي:إيه وانت الصادق أساسا أنا فاقد الامل إنك بتعقل بيوم..
بندر:لا خل عندك أمل صدقني مع هالبنت انا متأكد أني بتغير..
سامي:إنت لو نجيب لك فرعون وقومه عشان يغيرونك سواء للأحسن ولا للأسوأ....اعجزوا فيك.. وخصوصا انك حتى وانت بالمستشفى وتعبان ومكسر تدخن
بندر وهو يضحك:ههههههههههه حللللللللوه فرعون وقومه..بس انت اش عرفك اني دخنت..
سامي:ريحة الدخان واصله آخر الدنيا
بندر:لعن ابو ابليسك ابوي وأهلي الحين جايين خذ هذا العطر ولا تبقي فيه شي بسرعه..أكيد هم على وصول
أخذ سامي العطر من بندر وجلس يبخبخ في الغرفه كلها..
بندر:ها بقي فيه ريحة دخان
سامي:لا بعد هالعلبه اللي مخلصها ماظنتي...إلا صحيح شنو هالعطر ريحته وايد حلوه..
بندر:عليك بالعافيه صاحب السمو..
سامي:هو بقي فيه شي!!...كان قلت لي قبل لا أبخ منه عشان اقتصد شوي
بندر:ههههههههه والله إنك تحفه ولا يهمك أول ما أطلع من هالسجن بجيب لك واحد
سامي وهو يضحك مع بندر:زين انا تأخرت القراند (جدته) تنطرني بس قلت أمر اتطمن عليك..وأشوف شنو آخر مصايبك..
بندر:زين ...بس لا تنسى التحدي هاه
سامي:ما عليك من ناحيتي أنا ما بنساه..بس الخوف منك إنت..لا تنساه
بندر:أوكي...سلم عالقراند..
سامي وهو واقف:على طاري القراند يوم قلت لها إنك بالمستشفى وتنشب فيني إلا وتيي(تجي) وياي كان أقلها لا ما يصير كان تصيح بس يلست(جلست) فوقها وأهدي فيها ..لو أنا اللي بالمستشفى ما سوت جذيه(كذه)
بندر:هههههههه أنا غير..ياخي
سامي:يعينك ياخي لا ينتفخ راسك بس علينا بعدين ما تخرج من الباب..
بندر:ههههههه الله يقطع سواليفك
سامي:هههههه فمان الله
بندر:فمان الكريم مع السلامه..وقبل ما يخرج سامي إلا إبو فيصل وعائلته داخلين..
سامي:هلا عمي..
أبو فيصل:هلا سامي اشلونك وشلون الاهل
سامي:بخير ما عليهم..سلامة بندر ألف سلامه
أبو فيصل:الله يسلمك ياولدي..والله إنك أصيل وراعي واجب
سامي:أفااا ياعمي بندر أخوي..وانتم حسبة هلي..
أبو فيصل:الله يسلمك ياولدي والله ما تقصر..دوم واقف معنا
سامي:اشلونك خالتي؟..
أم فيصل:الله يسلمك بخير الحمد لله
سامي:اشلونكم بنات واشلونك راكان
البنات وراكان:الحمد لله
سامي:يالله أنا أستأذن
أبو فيصل:إذنك معك..مع السلامه
خرج سامي..وجلس أبو فيصل وعائلته عند بندر لما انتهت الزياره..
وكانوا كل يوم على هالحال
بعد 3أســـــــــــــــــــــــابيع
خرج بندر من المستشفى.. وكانت الإمتحانات على وشك..علاقته بخلود كانت طول فترة المستشفى تقوى يوم عن يوم ولا يمر يوم ما يكلمون بعض أويمسجون لبعض..
البنات اللي يعرفهم بندر..ساحب عليهم ..اللي زعلان منه واللي ما همه واللي ما زال متعلق بفارس أو بالاصح ببندر..
سامي كان كل يوم يروح لبندر بالمستشفى ويشرح له المواد والدروس اللي تفوته وهذا ساعد بندر كثيييير بأيام الإمتحانات
أبو فيصل وعائلته كان لهم دور كبير في تحسن حالته النفسيه والصحيه بعد وكانوا كل يوم يزورونه وما يفوتون الزياره كلهم
قبل أيام الإمتحانات النهائيه..في لندن طبعا..
عهود..مره عالكتاب ومره عند التلفزيون ومره عند بندر يشرح لها وحاله<<دامها عند بندر راااايحه فيهااااا
ودانه شاده حيلها..بس أغلب الوقت تبكي من صعوبه الماده و تطير فرحه إذا كملت حفظ صفحه وحده
بندرمن خلود لسامي للكتاب وهذا مواله<<رايح فيها هو بعد
سامي نفس الشي من تصريف البنات اللي نشبو فيه بعد بندر..لبندر للكتاب بس على اهتمام اكثر من بندر
راكان..أكثر واحد مهتم وواضح إنه بأجواء ايام الإمتحانات..
خلود بقي ما جات أيام الإمتحانات عندهم بقي عليها شهر
أول أيام الإمتحانات..
بندر:أقول خلود دعواتك أنا الحين رايح عالإمتحان..
خلود:الله يوفقك..ركز زين واستعين بالله قبل لا تحل ولا تستعجل
بندر وهو يضحك:اي أوامر ثانيه أستاذه خلود
خلود وهي ذايبه على ضحكته:..لا تسلم
بندر:زين أكلمك بعد الإمتحان
خلود:اوكي لا تنسى ركزززززززززززز
بندر:أوكي باي
خلود:باي
دانه:عهود والله خايفه واحس اني ما بجاوب
عهود:ياشيخه توكلي على الله وانشا الله بتجاوبين ومو مهم المهم إنك تنجحين
دانه:والله ما بيوديني بداهيه إلا كلامك..
عهود:والله هذا الحق المهم تنجحين..
دانه:زين ذاكري بس ذاكري!!
راكان:أقول بنات اشفيها وجيهكم كذا...كنكم رايحين مجزره مو امتحان
بندر:إيه والله قول..
عهود:أما انتم يالأولاد فيكم برود ما ادري من وين تجيبونه
دانه:شف مين يتكلم عالبرود
عهود وعيونها بتخرج:شقصدك؟؟
دانه:لا سلامتك ما اقصد شي ذاكري وبس
أول يوم أو بالأصح اول أسبوع الكل جاوب زين وكان مبسوط..<<لله يخلي البراشيم
وعدت بقية أيام الإمتحانات على خير وكل يوم احلى من الثاني..
وبعد 3 أسابيع كان أول ايام الإمتحانات بالسعوديه
خلود وهي بتبكي:اقلك خايفه يابندر خااااايفه..
بندر:هذي اللي توصي علي قبل ولا تخاف ولا تستعجل واستعن بالله والحين تقول خايفه وإلا ما تعرفين إلا تتفلسفين على راسي
خلود:هيييي تراني داقه أبغى آخذ طاقه مو أتهزأ
بندر:إش قالوا لك مولد كهربه
خلود وهي تضحك:الله يرجك يالله خلني اروح اذاكر وترى اليوم بقفل جوالي وما بفتحه غير بعد الإمتحانات
بندر:لييييه؟؟
خلود:ابي أنجح ترى ثانويه عامه!!
بندر:ليه يعني ما بيرسبك إلا أنا
خلود:إيه..
بندر:أجل الإيميل
خلود:حتى إيميلي ما راح أفتحه..إلا بعد الإمتحانات
بندر:الحين ليه كذا؟؟..والله ما أقدر!!<<زلة لسان
خلود:خيييييير إش اللي ما تقدر..وبعدين انا بثالث وموادي صعبه
بندر:لا ولا شي بس انتبهي لنفسك ويستهبل:و ركزي زين واستعيني بالله ولا تستعجلي
خلود:بندر..
بندر بنفسه"عيونه":هلا..
خلود:أبي اطلب طلب
بندر يستهبل:شنو تبين تضيفين رقمي؟؟
خلود:ههههه الله يرجك لا بس أبي......آآآآآمممم...أبي......
بندر:أها؟؟
خلود:أبي اشوف صورتك..
بندر يبي يخوفها:................................
خلود وصار لبندر اللي يبيه(خايفه):بندر أنا آسفه إذا طلبي مو مناسب خلاص ما ابيها
بندر بصوت جدي:لا بس ما توقعتك كذا
خلود والبكوه واصله معها:بندر والله آسفه والله مجرد فضول وأنا مو مثل البنات اللي تعرفهم تكفى يا بندر..
بندر وهو كاتم ضحكته: خلاص حصل خير.............
خلود والدمعه نازله لأنها حست بندر مو مقتنع بكلامها:تكفى بندر لا تفهمني غلط والله ما أقصد شي والله أنا مو مثل البنات اللي ببالك..
بندر رحمها وهو يموت ولا يسمعها تبكي انفجر يضحك:ههههههههههههههه والله إنك فله.. وعلى نياتك..إش فيك خفتي؟؟
خلود وهي مصدومه:................................
بندرما زال يضحك:خوخه والله مو فاهمك غلط بس هذا مقلب بسيط..وانتي اكلتيه بسهوله هههههههههه
خلود وهي تبكي:صدق إنك وقح وأهبل كذا تلعب باعصابي إش انا عندك يامتخلف يا غبي ..طيب انا اوريك..........وما قدرت تكمل وصارت تبكي..
بندر وهو حاس إنه زودها وبهدوء وبصوت يذوب:خوخه......
خلود:.......................
بندر:خوخه تكفين لا تبكين قلت لك قبل ما أحب أسمع أحد يبكي وانتي مو أي أحد يا خلود..تكفين خلاص طلبتك...
خلود:........................................
بندر بترجي:طلبتك..تكفين خلود خلاص والله ماقصدت أضايقك..
خلود تمسح دموعها:خلاص لا تترجى ما أحب أحد يترجاني..
بندر:انتي مو بس تطلبين إنتي تامرين الحين اول ما أقفل برسلها لك بس إذا وصلت عطيني خبر عشان أعرف أنها وصلتك وبعدها عطيني رأيك فيني..
خلود:زين..
بندر:إش فيها(زين) طالعه كذا؟؟...بقي زعلانه؟؟
خلود:لا والله مو زعلانه بس أنا خفت تكون زعلان علي
بندر: الله يفقدني روحي إذا قصدي أزعلك..
خلود بنفسها"اسم الله عليك": أوكي متى راح ترسلها
بندر: الحين اول ما أقفل..بس نصيحه لا تشوفيها قبل الإمتحان اول امتحني بعدين شوفيها
خلود ببراءه:ليه؟؟
بندر:أخاف يوم تشوفين صورتي تتبخرين ولا تذوبين ولا تطير المعلومات بعدها اشلون تمتحنين!!
خلود بتحدي:الظاهر ما خذ مقلب بنفسك..وعناد فيك بشوفها قبل الإمتحانات
بندر بثقه:براحتك بس انا حذرتك..
خلود:زين الحين اتركك بذاكر وانت ارسل الصوره وبشوفها وبعدها بقفل موبايلي..
بندر بصوت هادي ومهموم:آه الله يعين..والله بشتاق لسواليفك
خلود بنفس الصوت:وانا بعد
بندر:انتبهي لنفسك وكلي زين ولا تشغلي بالك بأي شي غير المذاكره
خلود:أوكي
بندر:..............................
خلود:..............................
بندر بحزن:خلاص نقفل؟!!
خلود:إيه..
بندر:اوكي باي
خلود:باي
خلود بعد ما قفلت من بندر" أنا إش سالفتي مع هالولد من أكلمه ويتعدى حدوده ما اقدر أفتح فمي بكلمه..أنا ما كنت كذا قبل..كنت ما اسمح لأي أحد يتجاوز الحد إلا هالشخص احس إنه لما يتكلم ما أقدر أسوي له بريك..بالعكس أحس إني ما ودي يوقف..كلامه عذاب وأسلوبه يدوخ وفوق هذا أنا مو قادره أمنعه أحس نيته صافيه وأحسه برئ..يووووه إش فيني ساعتين أمدح فيه..وبعد شوي قطع عليها صوت المسج"
قفل بندر وارسل لها4 صور وكلها تخقق
الصوره الأولى: كان عند البحر جالس ولا بس برمودا لونها رمادي مع بلوزه كت اسود وشعره مكدش..ومبتسم إبتسامه عذااااااااب
الصوره الثانيه: كانت أيام الشتا..كان بمكان كله ثلج ولابس بنطلون جينز وقميص ابيض ومن فوقه جاكيت جينز ولاف عالرقبه شال ابيض..وكان شكله كشششخه..ولابس طاقيه صوف وواضح عليه إنه بردان وملامحه في هالصوره بالذات بريييييئه
الصوره الثالثه:..كانت بسيارته الكشف[لونها أصفر] وشكلها جنااااان لابس فيها..بنطلون جينز غامق وعليه قميص كاروهات أحمر ولابس كاب أحمر..ونظارات شمسيه وشكله يدوخومبتسم وغميزاته واضحه
الصوره الرابعه: كانت بالمسبح..كان لابس ملابس السباحه وشعره نازل على عيونه والمنشفه على أكتافه وشكله كان مرررررررررره يدوووخ
خلود شافت الصوره وخققققققققققققت:حشا لله هذا ملاك مو ولد يا ويلي عليه يجنن..آآآه يسطل...يهبل..والله معاك حق يا بندر..تقلي ما اشوفها قبل الإمتحانات..
طبعا خلود مع الصور صارت مفهههههيه عشان كذا سحبت على بندر وما عطته رأيها وقفلت موبايلها ...............وكانت كل يوم تفتح موبايلها خمس دقايق تشوف صور بندر وتقفله..((لا والله نجحتي ياخلود!!))
************************************************** *****************************
آخر ايام الإمتحانات..
رجعت خلود من المدرسه مستاااااااااااااااانسه وتصارخ لانها خلصت الثانويه أخيرا وصارت على قولتها كبيره واول ما رجعت دخلت غرفتها وفتحت موبايلها واللي لها يومين ما فتحته ولقت مسج من بندر...
"أخيرا خلصتي امتحاناتك.....مابغيتي ياشيخه حرااااااااام عليك بموت من الزهق ونفسيتي دمااااااااار أول ما ترجعي بلييييييييز عطيني رنه....إشتقت لسواليفك حييييييييييييل...بندر"
طبعا بندر بهالوقت جاه تقرير التسليم فعرف إن خلود فتحت موبايلها فما استنى الرنه ودق على خلود...
خلود بس شافت رقمه جاها خوف مو صااااحي لانها من زمااااان ما كلمته...فردت وهي مرتبكه:هلا والله
بندر:هلااااااااا فيييييييك وينك ؟؟زمااااااااان عليك..
خلود وتصارخ:بننننننننننننندر خلصت امتحانات والله مستاااااانسه
بندر:أنشا الله دوم مستانسه بس بشري كيف كانت أمتحاناتك
خلود:لا أنا ماينخاف علي((مره))..إلا انت ما طلعت نتيجتك..
بندر:لا تتأخر النتايج هنا ..بعد شهر يمكن..
خلود:والله!!... اجل أول ما تطلع خبرني أوكي بليييز على طول
بندر:أكيد ولا يهمك..وانتي متى
خلود:بعد اسبوعين
بندر:أهاااا ...وبلهفه:يالله يالله سولفي ترى حيييييل مشتاق
خلود بخبث:لشنو؟؟
بندر:لسواليفك..أكيد
خلود:بس..
بندر:إيه بس..
خلود تحطططططمت:اوكي نسولف..نسولف..ما بتسافرون في هالصيفيه
بندر:ما أعتقد..لأن أبوي دووووم مشغول بس يمكن انا بس اسافر الكويت
خلود:الكويت؟؟؟ ليه مو السعوديه
بندر:لاااااا الكويت هذي سالفتها سالفه
خلود:شنوهي؟؟
بندر:السالفه تحدي بيني وبين سامي فلو هو كسب التحدي بروح معاه للكويت ولو أنا اللي كسبت فيه شي بيسويه لي
خلود:طيب التحدي على إيش..وشنو الشي اللي بيسويه..
بندر:عاد في هذي اعذريني ما اقدر أقول
خلود: يعني سر..
بندر:لا مو سر بس بعدين بقول
خلود:وليه مو الحين؟
بندر:بس..
خلود:بس؟!!
بندر:إيه..بس
خلود تبي تحسسه بتأنيب الضمير:أوكي...براحتك..
بس بندر ماعنده ضمير من الاساس:إيه..شخبارك.؟!!
خلود ومسويه زعلانه:بخير..
بندر وهو متجاهل زعلها:الحين مو على أساس تقولين رأيك في الصور..
خلود نست الزعل:إييييييييه على طاري الصور..الحين من جد هذا انت
بندرببراءه:إيه والله أنا..ليه؟!!
خلود تستهبل:يعني..توقعتك احلى من كذا..
بندر:الله يرجك وش تبين أكثر من كذا..وبعدين..هذا اللي عطانياه الله
خلود:ونعم بالله..بس تبي الصراحه؟؟
بندر:أها؟؟
خلود:...تهبببببببل
بندر وهو مبسوط:ادري
خلود:إيه دامك بهالحلا يحق لك تنتفخ علينا
بندر يستهبل:ليه إنتي مو حلوه؟؟
خلود:ما راح اقول خلها سبرايس
بندر:ومتى هالسبرايس إنشا الله؟
خلود:لا تقابلنا
بندر مو مصدق:والله؟؟
خلود:أما إنك خبل يا اخي..تراني متربيه وعندي دين ومستحيل أخليك تشوفني ابدا
بندر:ليييييييييييييه؟؟
خلود:إش اللي ليه..أقلك ما يجوز
بندر:إش لون يعني ما يجوز
خلود:يالخبل..يعني شرعا في ديننا وغير هذا عادتنا وتقاليدنا..<<طايحه حش في هالمسكين
بندر:كمان مافهمت..
خلود:مو اقلك خبل؟؟
بندر:هييييييي خلاص عاد أنا إش يفهمني طيب وأنا ما قد جيتكم بالسعوديه..
خلود:هذي ياقلبي مايبيلها سعوديه ولا غيره هذي دين ..
بندر مفهييييييييييييي على كلمة قلبي:عيدي؟؟
خلود مافهمت قصده ولا صار في السالفه حفريات:طيب أنا أفهمك الحين هنا بالسعوديه الحريم يتغطون عن الرجال يعني لنفرض إنك واحد من أقاربي لنفرض ولد عمي مثلا..فما يجوز لي أكشف عليك..هذا طبعا عام بالسعوديه كلها..بس بخصوص عائلتنا حنا شوي فري يعني عادي نكشف على عيال عمي وخالي واقربائنا بصفه عامه وخصوصا اللي لسا ثانوي ولامتوسط بس لازم الوحده تكون لا بسه مستر وعليها حجاب ومو نخالطهم ونجلس معاهم لا ..يعني لو اضطرينا نتقابل عادي ونسلم على بعض بالكلام بس..وهذا خاص بعائلتنا إحنا.. أندرستاند..أخ بندر..
بندر وهو متفاجئ:تصدقين هو حلو ومو حلو بنفس الوقت..يعني حلو الوحده ما تكشف يعني مثلا أنا هنا بلندن ما أحب أشوف خواتي يمشون عادي والشباب عينهم فيهم..فحلو يكون فيه حجاب..بس بنفس الوقت مو حلو يعني فرضا أنا أبي اتزوج..إشلون أعرف شكل زوجتي اشلون أحبها وانا ماشفتها
خلود:مو شرط تشوفها عشان تحبها..
بندر:صح معاك حق بس لازم أعرف طبعها اتعود عليها أعرفها زين وبعدين أتزوجها أو بالأصح أقرر إذا كنا لايقين على بعض أو لا..
خلود:والله عاد هذي عادات وتقاليد وشريعه ومو حنا اللي حطينا هالشي من روسنا..
بندر:يالله زين قلتي لي عالأقل لو جيت اكون عارف شي عن السعوديه..
خلود:والله اللي يسمعك يقول إنك مو سعودي..يعني معقوله ما قد سمعت بأشيا زي كذا
بندر:اسمع بس مو بالتفصيل مثل ما حكيتي لي..يعني أسمع انهم يتحجبون ومن هالكلام..بس مو للدرجه اللي قلتيها بخصوص عامة السعوديين وماقد فكرت أسال
خلود:إنت خلك حتى وتجي وبتستغرب من اللي تشوفه بس أنا متأكده إنه بيعجبك..
بندر:والله ما تتصوري إش قد متحمس اجي للسعوديه..
خلود:زين كلم أبوك وتعالوا صيفوا هنا..
بندر بحماس:تصدقين فكره!!
خلود بنفس الحماس:الله لو تجون والله وناااااااااااااااسه
بندر بخبث:ليه؟؟
خلود توهقت:هاه؟؟...يعني عشان...عشان تشوف السعوديه..يعني بالله مو وناسه؟؟
بندر:إلا والله بس ما اعتقد أكيد أبوي كالعاده بيكون مشغول..
خلود:الله يعينكم والله لو أنا مكانك وولد لأسافر للسعوديه ما ادري كيف متحمل إنك ما تعرف بلدك..
بندر:خلاص تعودت
وجلسوا يسولفون لما تعبوا
خلود:أقول بندر أنا تعبااااااااانه حيييييل ما نمت من الصبح وابي أنام الحين
بندر:شنو يعني طرده ولا مليتي مني
خلود:يووووووووه يابندر ليه تفسر على كيفك..
بندر ومسوي فيها زعلان:خلاص خلاص طيب بقفل..
خلود وحست بالذنب:خلاص لا تقفل ما أبي أنام
بندر:لا انتي تعبانه وتبين تنامي..خلاص نامي
خلود:طيب وأنا أقول ما أبي
بندر:بس أنا أقول...نامي
خلود:......................
بندر:خوخه إش فيك زعلتي؟؟..والله امزح ما كنت أقصد.. تكفين خلاص ما تبين تقفلين لا تقفلين
خلود بعصبيه:شنو يعني تمزح؟؟ انت بس تحب تعاندني وبس صح؟؟
بندر:لا والله تكفين عشان خاطري لا تزعلين
خلود بهدوء:خلاص مو زعلانه..وبعدين أصلا ما لك خاطر عندي..
بندر وهو مبتسم:لي خاطر ولا لا مو مهم المهم إنك مو زعلانه
خلود وابتسمت:طيب أنا آسفه
بندر:على شنو
خلود:لأني صارخت عليك
بندر:ياشيخه خذي راحتك مو على اساس حنا أخوان؟؟
خلود وهي مرتاحه لكلمته:إيه..
بندر:زين أبي أطلب طلب..
خلود:آمر
بندر:ما يامر عليك ظالم بس أبيك الحين تقفلين وتنامين لأنه واضح بصوتك الإرهاق...ولا تناقشين..
خلود بإستسلام:أوكي..ولا يهمك..
بندر:يالله نوم العوافي
خلود:على قلبك..باي
بندر وهو متشقق وناسه:باي..
خلود كل يوم يزيد تعلقها بهالإنسان ويوم عن يوم تنجذب له زياده..تحس بخوفه وبإهتمامه وتحس دوم إن هالإنسان حنووووووون..تحس معاه بالراحه وتحس بالصدق في كلامه..وخصوصا إن سواليفهم دوم كأنهم اخوان مع إن المشاعر اللي يحملها كل واحد للثاني أكثر من الأخوه بكثييييييير..
نهآآآآآآآآآآآآآية البآآآآرت
مشآآعر جديده يحملها كل من بندر وخلود بدأت تبين عليهم ياترى هذي بدآآيه حلوه ولا لا...}~
وشنو مخبي لهم القدر؟؟
بندر شكثر راح تأثر عليه خلود؟؟
فيصل دآنه عهوود رآكان سآمي ...شخصيآت لهم دور بقصتنا أحدآث كثير تدور حولهم..انتظروني بالبآرتآت الجآآيه
بآآآآآآآك....وبآآآرت جديد.....}~
-4-
""كل ليل دون صوتك ينقضي قهر وظلام
مثل طفل ضايع وسط الملا يصرخ كسير ""
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك