رواية جواهر -5
احداث بعدها مرت فكرت فيها جواهر .... واللى أثر بجواهر أكثر وخلاها توافق تروح تعيش ويا والدها لما جا اخوها الكبير عبدالعزيز للبيت عندهم لانه والده تعب فجأه ما تحمل الخبر وحملوه للمستشفى وهم اللى اتصلوا عليه بعد ما عرفوا عنوانه وعلى طول جا باول طياره
يعني والدها من هذاك اليوم كان بالمستشفى ما قدر يتحمل اللي هو فيه ..والله حرام يا جواهر ماهو ذنبه انه صار هالشي يكفي امج راحت من وانتي صغيره لا تخلين والدج يروح بعد منج وانتي كبيره .... من بعدها قررت تعيش مع والدها على قولتها لفتره بس عشان ما تحسس اهلها انها بتتخلى عنهم بكل سهوله .... زارت والدها بالمستشفى وطار من الفرحه لما علمته انها بتعيش وياهم وعلمها انه عبدالعزيز بيجهز كل شي ما عليها الا تجهز روحها في الوقت اللي يقول عليه
اخوها عبدالعزيز..وأما هو بيتأخر كم يوم بالكويت لين يكون احسن وبيروح يسوي فحوصات بالخارج بعدها وما راح يطول وبيرجع بعدها للرياض ..كانت بكل يوم تزوره مع اخوها او والدها ولما طلع من المستشفى طلب منها تجي للفندق وتجلس معاه هذاك اليوم طول الوقت سولف معها عرف وش تهتم فيه وش تحبه ..وكانت لما تتكلم مرات تستحي لانها تحس انها تهذر بالكلام وايد مع ابوها وهو توه طالع من المستشفى تعودت تقول له يبه واول مره قالتها بالمستشفى لما شافته (الحمدلله على السلامه يب يبه)
ابوها طالع فيها بفرحه لما نادته بهالاسم .... واكيد الاحداث البقيه تعيدنا لبداية رحلتها ويا اخوها ووصولهم للرياض.
الفصل العاشر
باليوم الثاني الصباح صحت على الساعه 10 الصباح ...وقبل ما تنزل راحت دزت رسالة لصاحبتها العنود ( تولهت عليج يا الغلا .. طمنيني عنج : هذا رقمي الجديد يوهرة البنات ههههههههههه )
نزلت لتحت بالصالة لقت الريم خالتها والبندري ووالدها .... جواهر: صباح الخير
الكل: صباح النور هلا بنيتي تعالي جلسي جنبي مشتاق لج
راحت لعند والدها باستحياء وجلست بجنبه
وشوي ودق جوالها ..طالعت بالجوال رقم العنود
جواهر: السلام عليكم
العنود: يا الدبه يا القاطعه يا السوده
جواهر هههههههههههههههههههههههههه : هلا بالغالية اشلونج وربي تولهت عليج مووووووووووووووووووت عشان جذي دزيت لج المسج
العنود: طالع هذي من صج تتحكين يا الدبه وينج يومين ما كلمتيني على بالج تفتكين مني وربي ماكو فكه اللى يعرفني ... وبعدين تعالي هنيه اشلون ييج نوم من غير ما تهذرين معاي ولا نسيتي قعدتنا وسوالفنا الله يا زمن كل هذا يطلع منج لا وبعد مالج الا يومين
جواهر: هههههههههههههههههه ادرى مقصره فديتج وكانى دزيت لج مسج ماكو فكه ابد منج يا البيضا هههههههههههههههههههههههههه
العنودهههههههههههههههههه وربي تولهت عليج علميني وشخبارج وشمسويه اشلونهم معاج ها كل شي بالتفضيل الممل ابي تقرير كامل
جواهر: صبري علي مو الحين انا بفطر اوكى اممممم بالليل بتصل عليج اوكى
العنود: وربي لو ما سويتيها لغثك بالمسجات
جواهرهههههههههههههههههه فديتج والله غثيني قد ما تبين عسل وما امله يالله سلمي على خالتي هناك ولا على ملوووووكه اوكى وراكان الدب خليه يخفف من الاكل شوي لا يفطس عليكم بيوم
العنودهههههههههههههههههه انزين ولا يهمج كل الكلام يوصل
جواهر : يالله اخليج مع السلامه
العنود: مع السلامه امممممممممممممممممممممواه
سكرت جواهر جوالها وهي تبتسم
والدها: منو هذي اللي كلمتج
جواهر: هذي صاحبتي واختي العنود .... من واحنا صغار من نتفارق ودايم مع بعض بالمدرسه وهذرتنا بعد بالاتصالات بالبيت
والدها هههههههههههههههه اها يعني الهذره مثل ما تسمينها مو بس معك الا مع صاحباتك بعد
ضحكوا الجميع هههههههههههههههههههههههههههه
شوي وجوا يتراكضون الوليد ومحمد على طلو لعند ابوهم الوليد ومحمد : يبه يبه اشتقنا لك وش يبت لنا من السفر
ابوهم: يبت لكم العاب بلي ستيشن جديده راح تعجبكم
الوليد: يااااااهوووووو عاش ابوي وعلى طول لمه وعطاها بوسه على خده وعلى طول لعند امه
:يمه يالله وريني الاشرطه وينهم يالله
الريم: بالاول افطر وبعدين بعطيك اياهم
محمد يساله والدموع بعيونه : يبه ما جبت لي لعبة الجمبو الجديده اللي طلبتها منك
ابوه وهو يقربه منه : وتحسبني نسيتك لا والله انسى روحي ولا انساك
جواهر من سمعت هالكلام تأثرث ...أكيد ما راح ينساهم هم بحياته من اول لكن انا دخيله عليهم يالله يتذكرني
ابوها التفت صوبها: ما نسيت حد منكم واولكم جواهر
جواهر تفاجأت : انا
ابوها: ايه انتي ان شاء الله بس هديتي تعجبك
جواهر: ما يحتاج يبه مشكور تعيش وتيب لي المهم سلامتك
ـــــــــــــــ في المستشفى ــــــــــــــــ
تركي: الحمدلله على السلامه يا الغالية خرعتينا والله عليج
العنود: الله يسلمك وليه تتخرع قوي قلبك الله لو صار فيني شي يعني بتموت وراى
تركي: ولا على بالج تضحكين علي وتموتين لحالج اكيد بكون معاج رجلي قبل
العنود: بعيد الشر ...شفتها الجازي
تركي: ايه شفتها الهنوف
العنود: انا قلت الجازي ابي اسميها
تركي: اوكى خلاص الجازي وبعدها بسنه الهنوف
العنود: ايه تحلم انت بس هههههههههههههههههه
ــــــــــــــــ في بيت العنود ـــــــــــــــــــــ
العنود بعد ما سكرت السماعة من عند جواهر
العنود: آآآآه والله اشتقت لج يا يوهرة البنات فديتج
اخوها راكان : منو اللى اشتقتي لها ..وهو ياكل السندويش اللى بايده
العنود: طاع هذا وش يسوي صجها والله راح تفطس بيوم من الاكل نعنبو ابليسك بسك عاد من تخزين الاكل وين توديه وربي بطنك بتنفجر قريب ولا فيل حامل
راكان: جبي يالله عاد وعطيني مقفاج
العنود: انت اصلا ما تخاف الا من امي لما تشوفك تشحن كما الفيل تعرف وش راح تسوي فيك ...يمه يمه شوفي راكان وهي تركض لغرفة امها
ـــــــــــــــــ عند جواهر ــــــــــــــــــــ
بغرفة جواهر قريب الظهر جلست تطالع بالتلفزيون وتختار لها قناة .... تذكرت بدر ( آه يا دنيا متى راح يكون من نصيبي ) تذكرت يوم شافها بعيد ميلادها قبل سنه قبل لا تروح للحفلة نزلت لتحت تيب جوالها اللى نسته وهذا هو دخل الصالة تفاجأت فيه وشيلتها طايحه على كتفها على طول حطتها على راسها : هلا بدر حياك اشلونك
بدر بعد ما طالعها نزل راسه : الحمدلله انتى اشلونج بنتي عمي
جواهر: جم مره قلت لك لا تقول بنت عمي قوووول جواهر يوهرة البنات
بدر ههههههههههههههههههههه : ايه طيب يا يوهرة البنات اشلونج وكل سنة وانتي طيبه
جواهر مستحيه : وانت طيب عقبالك ان شاء الله
بدر: ههههههههههههه احنا كبرنا وعجزنا مالنا باعياد الميلاد نخليها للحلوين وبس
جواهر بحياء سكتت ( آه لو تعلم وش كثر محبتي لك بس )
استاذن الحين يالله باي
بدر: بحفظ الله بنت عمي هههههههههههههههههه
طالعت فيه منقهره وطلعت له لسانها ...... اول مره تسويها بس غاضها
تفاجأ بحركتها وضحك عليها ...: هيه لا تنسين خلى حسن ينزل ابيه بسرعة
....... ياترى وش يسوي الحين بدر اكيد يشتغل مكينه شغل ما يحس حزنت لهالفكره لمتى وهي تخبي هالحب اللى بصدرها تعبت ماكو احد يدري بهالشي الا طبعا عنووووده صاحبتها وكاتمة اسرارها .,,, لما قالت لها بهالشي قيل 3 سنين قالت لها انه كبير عليها وما راح يفكر بوحدة صغيره لكن وعدتها جواهر انها بتخليه يفكر فيها ويحبها بعد ... واليوم لما سمعت كلامه حست انه بدا ينظر لها نظره غير اكيد يحبها ماكو كلام غيره..
جواهر:آآآآآآآآآآه بس لو تعرف احبك والله
الفصل الحادي عشر
ـــــــــ في بيت سالم ــــــــــــــ
جلس يفكر وش كثر كبرت جواهر وصارت جميلة مرررره ..من واهي صغيره وهي تاخذ عقل الواحد من وهم صغار يتمناها لكن ماحد يدري اللي في باله ..... مو قادر يبعدها عن تفكيره ابدا ....عيونها تخبل عيونها أزرق مخضر مع بشرتها البيضا طالعه ولا بالخيال , واحلى مابها شامتها اللى اعلى شفتها باليمين وغمازتها اللى على الخد اليسار ..بعمره ما راح يشوف جمال بهالشكل ( يالله تكون من نصيبي ).. , يبي يكلمها ويعرف رايها لازم يخطبها قبل لا حد ياخذها والحين جت سالفة اهل ابوها من يدري يمكن حد يفكر فيها لما يشوفها , وش هالحظ اللى صار لي يعني ما تكون رجاوي هي اللى يطلع ابوها غير وتكون جواهر بنت عمي من صح .. كان حزين وصعب عليه التفكير بسبب اللي صار.. اللي لازم يصير انه بسرعه يخطبها وبس ان شاء الله ينتظر حتى تخلص دراستها مو مشكله المهم تكون له وبس
عالية: حسنووووووووه حسنووووه والصمخ ليه ما ترد علي
حسن انتبه فجأه من احلامه على صراخ باسمه : ها وش فيج علوووه وش تبين
عالية: تلفون لك صاحبك جاسم يبيك
حسن : طيب وبعدين وش عرفج انه صاحبي جاسم
عالية: ها وارتبكت .., هو قال لي انه صاحبك ..باستغراب تسأله : ليش هو مو صاحبك ؟؟
حسن : الا صاحبي ويالله انقلعي من قدامي ..راح وخذا منها التلفون يرد على صاحبه
عالية تكلم نفسها: هه ايه بنقلع من قدامك انت والكل ان شاء الله قريب ... ليته يحس ويجي بسرعه بس آه
راحت لغرفتها واخذت لها رواية تقراها . اشتاقت لحياتها ببريطانيا على الاقل هناك تقدر تشوف بنت عمها وتسولف معها ومع انه سكنهم غير لكن قريب من بعض تقدر تروح لها في أي وقت بينهم شارع واحد بس والحمدلله انهم قريب من الجامعه وشلتهم مافي مثلها وناسه على الاخر ..
( بتصل على رجاوي اشوف وش اخبارها ) دقت الرقم وشوي يرن عند رجاوي
عالية: الوووو
رجاوي: هلا علوووه اشلونج وشخبارج .متى وصلتي
عالية: قبل 4 ايام
رجاوي: الله ولا تتصلين ولا تعلميني ما ولهتي علي ؟؟؟؟ مو قلتي ما راح تيين هالاجازه
عالية : لا والله بالعكس ولهت عليج وعلى سوالفنا ويمعتنا مع الشله وخصوصا ام القدر ههههههههههههههههههههه .. الا اشلون عمي وعمتي
رجاوي: هههههههههههههه يسلمون عليج ... الا ليه ما تيين لهنا والله بروحي من يوم ما جواهر راحت
عالية: ايه صج والله ما صدجت السالفة يعني صح ؟؟
رجاوي: ايه صح وهي الحين بالرياض بس هالفتره وقالت بعدين بترد لهنا على الدراسه
عالية: يمكن فتره يا خوفي لا يكون بعدين على طول
رجاوي بخوف: لا لا يواهر ما تقدر تبعد عنا ابد .. منووو اللى اقدر افر وياها بالسوق ونلف من غير ما نتعب ماما يالله تروح وياي شوي وتقول لي تعبت ابي اجلس وارتاح
عالية: بكره ان شاء الله بجي لعندكم اوكى بعلمك قبل
رجاوي: تعالي على العصر وبالليل بنروح المول
عالية: اوكى بكره ان شاء الله بتصل عليج لو بجي او لا
رجاوي: حاولي عالووووه وبعدها بخلي ابراهيم ياخذنا المول ونتعشى هناك ها وش قلتي اوكى
عالية: يعني اجيب جم بيسه معاي هههههههههههههههه
رجاوي: ايه جيبي نتسوق ونتعشى هناك بعد يالله اشوفج بكره ان شاء الله
عاليه: بحفظ الله
وسكرت من عندها وبعدها نامت
...باليوم الثاني على الفطور في بيت جاسم: صباح الخير يبه اشلونك
والده: هلا جسوووم صباح النور وين خواتك بعدهم نيام
جاسم: ايه تخبرهم ما يصحون الا متاخر وقت الاجازات .. وين امي ما شفتها
والده: بالمطبخ تزهب الريوق
جاسم: بروح اصبح عليها .... راح المطبخ ولقى امه ويا الشغالة يحضرون الريوق ..فديت هالويه الصبوحي
الام: انا اللى فديتك يا بعد قلبي ... لمها وباسها على راسها
جاسم: اشلونج يمه وشخبارج ؟
الام: الحمدلله بخير كاني ازهب الريوق لابوك يالله روح ما بتأخر دقيقه واجي
جاسم: ان شاءالله لانى ولهانه ترى عليج ابي اجلس وياج ونسولف سوا
الام: هههههههههههههههه اشوف جسوم متوله علي وش وراك علمني ادرى فيك لما تبي تطلب شي
جاسم: وش وراي ولا شي يا الغالية ..ليه يعني مالى حق اوله عليج
الام: ههههههههه انزين يالله روح بجي الحين
....... افطروا سوا مع بعض وبعد الفطور
ابوه: الحين انا بروح ازور ابو محمد بالمستشفى وبعدها بروح السوق تبين شي اجيبه وياي
الام: لا .. ولو ابي هنا جسوم اعلمه ..
جاسم: روح تسهل يا يبه .. الا صح وش فيه ابو محمد
ابوه: مسوي عملية المراره
جاسم+ الام: سلامته ..سلم عليه
ابوه: يالله اترخص الحين مع السلامه
الام+ جاسم: مع السلامه
ايوه الحين انا ويا نظر عيني ...علميني وشمسويه مع عبوووودي هاليومين
الام مستغربه وبججت عيونها فيه: منهو عبودي ي ي ؟؟؟؟؟؟؟؟
جاسم: يعني منو ..ابوي طبعا ادلعه
الام ضربته بايدها على كتفه: مالت عليك ... تقوله عبوددي ليش حسبالك ياهل اصغر عيالك, بعده باللفه
جاسم هههههههههههههههه : يعني ما يصير ادلع ابوي وامي والله حاله
الام: يالله عاد وش عندك اخلص وهات من الآخر وش تبي
جاسم وهو يحضنها ويبوسها بخدها: هههههههههههاي فديتك تفهميني والله
الام: ايه افهمك واعرفك وش تبي قول
جاسم جلس زين : امممم يبه انا ابي اتزوج ..وسكت
الام متفاجئة: وش تبي تتزوج من صج تتكلم انت ..بعدك ما كملت دراسه
جاسم: باقي لي سنه بخطب وبعد ما اخلص واشتغل بتزوج
الام: طيب وليه قلت ابي اتزوج
جاسم: قصدي ابي اخطب الحين وبعدين الزواج المهم اخطب
الام: ومنهي هذي اللى انت حاط عينك عليها
جاسم: عالية اخت صاحبي حسن بنيه ولا كل البنات يمه تعرفيها
الام: قصدك عاليه بنت ابو بدر ما غيرها
جاسم: ايه يمه فديتك ابيها تكون لي اخطبها الحين وبعدين الزواج
الام: والله يمه مدرى ابوك بيوافق ولا لا .... انت الحين تدرس ما نبيك تنشغل بشي غير دراستك وبعدين سوي اللى تبيه
جاسم: يمه فديتج لا ترديني كلمي ابوي بس مجرد كلام يعني اتطمن انها تكون لي انا ماباقي لى الا نص السنة هذي والسنه الجاية وان شاء الله بتخرج .
الام: انزين يصير خير بكلمه لكن ترى ما اوعدك يوافق على هالشي
جاسم: كلميه انتي وحاولى وبعدين انا بحاول اكلمه اول شي انتي .
الام: انزين خلاص ....
جاسم: فديتك يمه يالله عاد انا الحين بطلع للنادي بلقى هناك حسن والشله يمكن اتغدى بره بتصل بعدين فيكم لو تبين شي دقي علي اوكى
الام: انزين
راح وهو يصفر من الفرح ...ان شاء الله بتكون عاليه لي وبنفرح سوا يا زينها والله خذت قلبي من يوم ما شفتها ذاك اليوم وهي راجعه من المطار مع اخوها وانا افكر فيها واهلها طيبين واخوانها شراة خواني ....
بهذاك اليوم ...عاليه دخلت من بوابة المسافرين وشوي تطالع باخوها وينه ...ما تشوفه تاخر عليها .... (تخزها عيون واحد شافته يطالع فيها ما اهتمت له ..طالعت بلبسها محتشمه الحمدلله ومحجبه لبست بنطلون ويا بلوزه وفوقهم جاكت طويل واصل لتحت الركبه ..ماتحب تسافر الا بملابس مريحة ) ما اهتمت لنظراته وشوي تشوف من بعيد بدر اخوها اشرت لها وهي تبتسم
ياحلاة ابتسامتها والله ... هذي تأشر لمين .؟؟؟ شوي ويلقى اخو صاحبه حسن بدر بجنبه استغرب ..؟؟ منهي هذي وش تقرب له.؟؟
جاسم لبدر: هلا بدر اشلونك
بدر: هلا جاسم حياك الله
جاسم: اشوفك هنيه منوو معك
بدر: اختى يت من السفر ... وانت منو معك
جاسم: معي ولد خالتي جاي من السفر
بدر لما شاف اخته يايه صوبهم: اوكى انا بخليك الحين كاهي اختي يت يالله القاك بوقت ثاني مع السلامه
جاسم: مع السلامه ..طالع هذي اخت بدر ما شاء الله عليها ..ابتسم وطالع وهذا ولد خالته جاي سلم عليه ..,,
ـــــــــــــــــ ****** ـــــــــــــــــ
وضحه كانت جالسه ويا بناتها بالصالة ومعها مشاعل اخت زوجها ..نعرف انه وضحه معها 4 بنات ميثا عمرها 8 سنوات ونجلاء عمرها 5 سنوات ومضاوي عمرها 3 سنين وآخر شي نوفا عمرها سبعة اشهر
وضحه: شعوووله اليوم وش رايج تيين معاي تشوفين العنود .,,
مشاعل: والله زين بس ما شريت لها أي هديه
وضحه: ولا يهمج انا بعد بنروح اول شي السوق مع الدريول وبعدين نروح للبيت اوكى وخبري خالتي بهالشي
نجلاء وهي تصيح : يمه يمه شوفي ضوووي خربشت رسمتي ..وبدت تبكي
امها: وليه تخلين رسمتج عندها ... ضووي بعدها صغيره ما تفهم بهالشي
نجلاء وهي تبكي : ما خليتها عطيتها قلم الوان ورحت اشرب ماي ولقيتها مخربشه رسمتي
امها: تعالي ضوووي لعند ماما بعطيج دفترج الحلوووووو تعالي ...وراحت للمكتبه بالدرج فتحته وطلعت دفتر رسومات ....
مضاوي تركض لعند امها خذت منها الدفتر وبعدين راحت عند نجلاء : الوان عتيني الوان
نجلا: روحي مابعطيج شي روحي
مضاوي تبكي لعند امها : ابي الوان خلي نجوووه عتيني الوان
مشاعل: تعالي عند عمه فديتج بجيب لج الوان يالله بنلوووح غرفة عمه زين
مضاوي سكتت وابتسمت: زين عمه ماتعتين نجوووه الوان
مشاهل ههههههههههههه: زين ولا يهمج ما بعتيها ولا لون يالله وخذتها من يدها وراحت معها لفوق بغرفتها جلست وياها يلونون الدفتر
ـــــــ **** ــــــــــ
على العصر في البيت كانوا جالسين ويا بعض بالحديقه جواهر وفهد وابوه وامه ...البندري راحت لعند اهلها وخذت معها العيال .. وفهد جالس يوري جواهر البوم صور للعايله ويضحكون مع بعض ...ابوها شافها مبسوطه ويا فهد وعلى راحتها ..( زين الحمدلله انها مبسوطه هنا وباين عليها مرتاحه اكثر ويا فهد اكيد يقدر يأثر عليها بالاخير وتعيش معنا على طول )
.................
شوي ويرن جوال الريم: السلام عليكم
نوفا: وعليكم السلام ..هلا الريم اشلونج واشلون عمي عساه طيب ؟؟
الريم: هلا نوفا الحمدلله بخير اشلون الوالد والوالده ؟؟؟
نوفا: الحمدلله كلهم طيبين ..الا اقول اشلونها بنت عمي الجديدة مشتاقه اشوفها
الريم: هلا بج في أي وقت تعالي للبيت عندنا مو محتاجه عزومه ولا ناطره لمن يسوي عمج عزومته وتجين كاشخه هههههههههههههههه
نوفا: لا تعرفيني الريم ههههههههههههههههه لقافتي كبيره اكيد بجي قبل اهي عندك خليني اسمع صوتها
الريم: هههههههههههههه طيب طيب لحظه ...وتمد بجوالها لعند جواهر : هذي نوفا بنت عمج تبي ترحب فيج
خذت جواهر منها الجوال: السلام عليكم
نوفا (صوتها حلو بننتظر نشوف الويه) : وعليكم السلام هلا جواهر اشلونج ..الحمدلله على السلامه
جواهر: الله يسلمج هلا بج اكثر
نوفا: نورت الرياض
جواهر: منوره بوجودكم من قبل حتى وانا جايه على طريق المطار لقيتها منوره وكلها ليتات بالشوارع وبكل مكان هههههههههههههه
نوفا: ههههههههههههههههههههههههههههههههه يازينك اوكى انا بجي لعندكم البيت واتعرف عليج ونسولف بتطلعين مكان
جواهر: لا ما راح اطلع مكان بتم بالبيت .
نوفا: عيل خلاص بجي بعد ساعه اوكى وخليهم يسووون لنا من هذاك الطباخ الزين ههههههههههه
جواهر: هههههههههههههه ان شاءالله ولا يهمج الله وياج
نوفا: مع السلامه
جواهر: يا حليلها بنت عمي باين عليها طيبه نوفا بتجي بعد ساعه وموصيه على الطباخ الزين هههههههههههههه
الريم: بتجي الملقوفه ما تصبر والله
والد جواهر: لا تقولين عليها ملقوفه هذي حرمة ولدي الزينه ان شاء الله ههههههه ...انتبهوا فهد وجواهر على هالكلمه وطالعوا بابوهم
جواهر: منهي هذي ؟؟؟
الريم : نوفا قصده
جواهر: بنت عمي نوفا زوجة مين ..وطالعت بفهد .انت متزوج ؟؟؟؟؟؟؟
فهد رجع لورا وحط الالبوم على صدره: مو متزوج مالى دخل بهالاشياء ...ههههههههههههههه ابوي يمزح وياكم
ابوه: هههههههههههههههههههههه
فهد: لكن ولا يهمكم اجيبها من اوروبا ذيك الشقرا ام عيون زرقا ..شوي وسكت
ابوه تغير وجهه وتذكر ام جواهر على طول.... وجواهر سكتت والريم طالعت في فهد بعد هالكلمه وحست في زوجها ..ماخبى عنها شي لكنها الحمدلله من يوم ما تزوجته ما شافت معاه الا كل الحب والاحترام وبكل يوم يزيد حبها فيه ..وهو بعد معطيها كل الحب والرعاية لكن وش هذا
الريم: الله الله يا فهد تبي تجيبها من بره عسى بس تكون حلوه مثلي او مثل جواهر ههههههههههههههههههههههههههههههههههه
جواهر: ماظن بتلقى ام عيون زرقا احلى مني هههههههههههههههههههه
فهد هههههههههههههههه : لاما اقدر اخليها تنافسكم بهالشي ... بجيبها مقبوله وبس عشان لا تقول لي انا احلى من اختك وعيونها او خالتك وطيبتها
الكل :ههههههههههههههههههههههههههههههههههههههههاااي
فهد وقف: تعالي جواهر بنروح نتمشى شويه بالسياره الحين بالليل راح اطلع ويا الربع
جواهر: بس مو نوفا جاييه
فهد: طيب وش فيها تجي حياها الله بيت عمها بتلقى الريم هنا عادى ما راح نتأخر شوي ونرجع ان شاء الله
جواهر: اوكى خلاص بلبس عباتي وبجي وياك لحظه راحت تركض للبيت ...
فهدوهو يصرخ عليها: لا تنسين البرقع مو ناقص حوادث بالطريق انا ههههههههههههههههههههههههههههههههه
ابوه: شوي شوي بالطريق انا بروح الحين داري تعالي الريم ابيج
الريم: اوكى بخلي سونيا تنتبه للعياال بالحديقه وبجي
الفصل الثاني عشر
ابو جواهر للريم بغرفتهم : اقول ام الوليد ابي اعزم خواني بكره لهنا هم واهلهم نخلي جواهر تتعرف على اعمامها احسن ويعرفونها .... ابيهم يعرفون انها صح ومعانا هنا اوكى وابيهم يشوفون وش حلاة جواهر وانها فعلا جوهره جت لعندنا وبتظل معنا ان شاء الله قولي امين
الريم: آمين
ابو جواهر: الريم تغارين من حبي لها ؟؟؟؟
الريم: بالبدايه ايه لكن ما كذبك بعدين حسيت انه مالها ذنب ابد باللي صار وحتى لما شفتها اول مره حسيتها خايفه من وجودها هنا يعني فعلا مو فرحانه بهالفرصه اللى جتها وانها بتكون في بيت واحد غني وبتلقى كل الدلع والدلال ...
ابو جواهر: اقول الريم مابيها تحس انه ناقصها شي ابيج تكونين الام والاخت لها أي شي تبيه لا تبخلين عليها فيه .
الريم: تصدق انت مو قلت لنا نشتري لها ملابس يعني وحتى بعد ما عطتنا قياساتها وشرينا لها للحين ما لبستهم قالت معها ملابس يا كثرهم وما يحتاج نجيب لها زود ولو تبي بتطلب منا.
ابوجواهر: اوكى بكره الصباح روحي وياها المحلات واختاري لها احلى فستان عشان العزومه اوكى ابيها تكون كاشخه ولا تنسين روحج انتى بعد
الريم بحياء وتضحك: هههههههههههههه ولا يهمك
ابوجواهر: وتعرفيني احب انى اكون اول واحد اشوفك قبل الكل لما اكون هنا ولا يهمك لما اجهز ادق على جوالك .....
ابوجواهر: يالله انا الحين بكلم اخواني على العشا بكره ..وراح لمكتبه
**********
ابوجواهر: السلام عليكم هلا اخوى ابو تركي اشلونك عساك طيب
عبدالعزيز: الحمدلله بخير وانت اشلونك الحمدلله على السلامه متى وصلت
ابوجواهر: امس بالليل رجعت
عبدالعزيز: الحمدلله على السلامه واشلون الفحوصات عساك طيب
ابوجواهر: الحمدلله بخير وبعافيه... الا اقول بكره ا ن شاء الله العشا عندي بالبيت
عبدالعزيز: خير ان شاء الله ..بس انا بجي اليوم بالليل وبشوف اخوى نواف لو بيجي معاي
ابوجواهر: اوكى بس انا بكلمه الحين عشان العزومه انت بعدين كلمه يالله اخوى مع السلامه اشوفك على خير
عبدالعزيز: بحفظ الله ..الله معك
...ويتصل باخوه نواف ....لكن لقى خطه مشغول قال بيتصل فيه بعدين
**********
نوفا: سلطان اخوى حبيبي فديتك
سلطان: اخلصي نوفا وش تبين ؟؟
نوفا: الله طيب ابي اروح عند بيت عمي ؟؟
سلطان: اى واحد فيهم .؟؟
نوفا: عمي تركي
سلطان: وليه طيب ..علمتى امي بالاول ولا لا
نوفا: ايه علمتها وبروح ارحب في جواهر بنت عمنا الجديده
سلطان: اها بنت عمنا والله نسيتها هذي السالفه الغريبه يعني من جد صارت هنا
نوفا: هههههههههههههه ايه جد لا وبعد كلمتها
سلطان: الله ...متى كلمتيها؟؟؟
نوفا: طالع هذا .يعني وين بكون كلمتها اكيد بالجوال ههههههههههههههه اقول سلطان تكفى يالله عاد عورت لي اذوني خلاص بتوديني لبيت عمي ولا اشلون ..؟؟؟ سالته بتعصب
سلطان: طسي من قدامي يالله وجهزي روحج بوديج لبيت عمي
نوفا: فديتك ياخوي وحبت على راسه وعلى طول ركضت لغرفتها
*************
فهد: ها وش تبيني تشربين ولا تاكلين شي
جواهر: أي شي عادي
فهد: اوكي دقايق واجي اوكي انتبهي على روحك هنا
وسكر عليها ابواب السياره
سيارة فهد كان موقفها امام البقاله اللى باول الشارع ..شوي وجت سياره توقفت بجنب سيارتهم طالع فيها اللي يسوق واول ما شافها ضرب بايده على جبهته خويه طالعه
....: وش فيك
..........: يلعن ابو الجمال ذا من وين جابته الحق شوف اللى جنبنا عيونها مرررررررره تخبل
مد صاحبه رقبته يطالعها ما اشوف شي وخر عني شويه
مبين عليها حلوه وبنت ناس جخ صح طالع السيارة وموديلها
......: آخ بس باين عليها متزوجه جالسه قدام مو ورا بقول جايه ويا الدريول وبنروح نلحقها
.......: لا يبه عن المشاكل كافي علينا اللى صار بالمجمع هذاك اليوم ,,ما عليك اللى خلقها خلق غيرها بنلقى بنات حلوات يالله عاد تعال بنروح المجمع نستانس هناك شوي
.....: ما اظن بنلقى حلاة بهالشكل لكن لحظه بشتري سجاير بسرعه ....
جواهر لما حست انه اللى بالسياره يسولفون عنها انشغلت بشريط بالسياره حطته لين سمعت الباب ينفتح طالعت شافت فهد دخل السياره وعطاها كيسه فيها حلاوه وعصاير منوعه
جواهر: الله وش هذا كله وفتحت الكيس الله جالكسي احبه موووووت
فهد: وانا بعد ههههههههههههههه
طلعه حلووووه مره عجبتها خذاها فيها فهد اخوها بالشوارع يعلمها على اسماء الشوارع القريبه منهم وكل مره تقول له مو هذا شارع كذا ويقول لها لا هذا الشارع اللى قبل هذا جديد
جواهر: بس كافي وربي صدعت لو تحفظني من الصبح لبالليل ما راح اقدر اعرف الشوارع ياربي وش كثر الشوارع عندكم اشلون تدلون الطريق مدرى
فهد: هههههههههههههههههههههه كملوا تمشيتهم لين قرب آذان المغرب
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك