رواية رشوا على قبري من دموع عينه -50
عزام بدا يبكي : لا ابيه
لمياء: خلاص تعالي بجنبي ..الحين اكلمه اقول يجي
عزام: طيب
ملاك: عزام خلاص بلا دلع اجلس جنب امك يالله بابا بعيد
عزام يخبي وجه بين يديه : ماما سوفي حالتووو
لمياء: خلاص حبيبي ...ماعليك فيها ماعندها سالفه
فريده: هههههههههههههههه ملاك لاتسكتين لها
ملاك: والله ماودي اشعللها بس عشاني تعبانه ومالي خلق افاتن هالخبله ذي
لمياء: انا خبله يالدلخه
ملاك: دلخه بعينك
ام فادي: بس بس من جد بتتهاوشون
لمياء: لا ياخالتي هذا شيء اسمه الاستفزاز .
ملاك: وانتي عاد لااله الا الله شاطره بالاستفزاز
لمياء: تعرفين اني اموت فيه
ملاك: مالت عليك متى تعقلين ؟؟
لمياء تتخصر: شايفتني مهبوله قدامك
فريده: اللي على راسه بطحه ............. كملي المثل
لمياء: اقول الشرهه على اللي تسولف معاكن ..اسولف مع ام فادي ابرك من هالوجيه
ام فادي: الحين حولتي علي
لمياء تطالع كانها متفاجئه : حتى انتي ياخالتي بتصفين معاهن
ام فادي: انا محايده ...
لمياء : على بالي
بالمدينه
عبدالله: ويش رايك اعجل بالزواج
ثامر: ياشيخ ..وين كلامك اول ..انا عادي ماني مستعجل على الزيجه
عبدالله: من بعد بنت راشد عز الله اني انتهيت
ثامر: ههههههههههههههه سبحان مغير الاحوال ...بس انا ابي ااجل الزواج شوي
عبدالله : لـــــــيش ؟؟؟؟
ثامر: كذا خلني افلها شوي بالعزوبيه مثلك ..وبعدين اتزوج
عبدالله: اجل انا بتزوج وماني مستنيك تتزوج معي
ثامر: هيه ترى امزح بس خلنا نكلم ابوي ونشوف رائيه
عبدالله: خلاص اجل نكلمه
بالرياض
اليوم اللي بعده ....صحت الظهر وتحس بشوية تعب وارهاق جلست على الكنب وحطت الاب توب بحضنها فتحت المسن ..وكلمت لوجين وجود
جود: اخبارك يا عبيطه ...من زمان عنك
ملاك: تمام والله انتم اخباركم ويش مسوين
لوجين: ولا شيء غير الكابه والطفش
جود: ملل ماهو بطبيعي
لوجين: اخبار انتي يفك مع فيصل
ملاك: زينه ...وابشركم ولي العهد بالطريق
جود: جــــــــــــــــــــــــــــــــــد
ملاك: والله
لوجين : من متى يا ميمي
ملاك: يمكن الحين قريب شهر
جود: ياحرات بتصيرين ام
ملاك والله اني من جنبها
لوجين: ماني مصدقه انك حامل
ملاك: لا صدقي
جود: وكيف ان شاء الله مانتي تعبانه
ملاك: لا الحمدلله
جود: انتبهي لنفسك وللبيبي
ملاك: اكييييييييييييد
لوجين : ملاك ويش تحسسين فيه الحين
ملاك: يؤؤؤؤ شعور ثاني غير ...غيــــــر عمري ماحسيت مثله
جود: لاخلاص انطمي احس اني ببكي
ملاك: افاااااا ليه جودي
جود: مدري وحشتيني مره ...كيف ما اشوفك الحين
ملاك: ههههههههههه ياقلبي عليك والله ان لكم وحشه اكثر
ملاك: الا شذاوي وينها ...مختفيه لا حس ولا خبر
لوجين : منشغله بتجهيزات زواجها
ملاك: الله يسعدها يارب
بعد ساعه رجع فيصل من الدوام
فيصل : كيفك اليوم حبيبتي
ملاك: تمام ...ماتبي غداء
فيصل يرمي نفسه على السرير : لا والله بس تعبان ودي انام
ملاك: يا روحي ارتاح ..الحين
فيصل: صحيني المغرب اوكي
ملاك تلحفه : اوكي ...
بالصاله
ابو فادي: لا يا فريده لازم نسوي لك عزيمه
فريده: يبه ماله داعي والله ماله داعي
فاديا: خلاص نسويها هنا بالبيت وخليها بس عائليه
ام فادي: ايه على قول فاديا
فريده: اذا كان كذا ماعندي مانع ما ابي اشوف ناس كثير
امها: اكيد كارهه الناس
فريده: مرررررره ما احب التجمهر <<التجمع
فاديا: اخوص يالمهمه ...اقول انثبري بس
ابوها : فاديا احترمي اختك
فاديا بتافف: ترى انا امزح معها
فريده : بس انا زعلت ...
فاديا: طقي راسك باكبر جدر بالبيت
الكل: هههههههههههههههههههههههه
نزلت ملاك وهي تسمع صوت ضحكهم
ملاك: دووووووم الضحكه يارب
ابو فادي: هـــــــلا وغــــــــــلا ببنتي
ملاك: هلا فيك ياعمي ..كيف حالك اليوم
ابو فادي: الحمدلله ..بخير
ملاك: دوووووم يارب
ام فادي: اقول اكلتي يا ملاك
ملاك: ماني مشتهيه ...نفسي مسدوده
ام فادي: مشاء الله انا ادير بالي عليك والا على فريده كل وحده تقول ماهي مشتهيه
ملاك: والله ما اطيق الاكل ويش اسوي
فريده : وانا نفس الحاله
ام فادي : والله من الدلع الزايد
فاديا : الله يعينكم وحطتكم هناء براسها
ام فادي: هذول يبي لهم اسوي جدول واخليهم ينفذونه غصب عنها
نادر: ياهووووووووه ياقويــــــــــــــــه
ملاك: لا تتعبين حالك من الحين ياخالتي اقولك ماراح امشي عليه
اليوم اللي بعده
زاد التعب عليها شوي ..وبس تحس نفسها تبي تنام الكسل والخمول غالب عليها ..مسكت جوالها وقالت انها تكلم اهلها ..وتزف لهم الخبر لانهم مادروا
ملاك: ســــــــــــــــــــلام
عبدالله: وعليكم السلام ....هلا بالقاطعه الحمدلله اننا طرينا على بالك
ملاك: والله انتم دايم ببالي
عبدالله: صدقتك ...مررررره باين حتى رساله ماترسلين
ملاك: لو اقول لك تعذرني
عبدالله: ليش ويش فيك ؟؟
ملاك: ابشرك بتصير قريب خال
عبدالله ما استوعب : ويش تقولين ... عيدي كلامك
ملاك: بتصير خـــــــــــــــــــــــــــــــــاااااااااااااااا ااال
عبدالله: في ذمتك
ملاك: والله العظيم
عبدالله: مـــــــبررروك ...الف مبروك ..والله منتي هينه
ملاك: ههههههههه ياحول ليش مو لايق علي
عبدالله يضحك: ما اتخيل شكلك ...اتوقعك تخرعين
ملاك: مـــــــــــــالت علـــــــــيك
عبدالله: بس من جد فرحت لك ...عساك مانتي محتاجه شيء
ملاك: لا الحمدلله فيصل مو مقصر ابد معي ...
عبدالله: ويش فيه صوتك
ملاك: تعباااااااانه ...
عبدالله: تحملي ..تحملي ويش تسوين
ملاك: على قولتك ..بس هاه قول لبوي واخواني
عبدالله: يوصل والحين بعد
ملاك: اخبرك نشره المساء
عبدالله: هذاك ثمووووووور ..اما حرام عليك ظلمتيني
ملاك: ماعلينا ...المهم بسكر الحين تعبت بنام
عبدالله: نوم العوافي
ملاك: توصي شيء
عبدالله: سلامتك وديري بالك على نفسك
ملاك: ان شاء الله ...يالله مع السلامه ..
قفلت الجوال ونامت على طووول ...صحت بعد العشاء وطبعا فيصل طلع وما صحاها ..نزلت للصاله وجهها اصفر ومبين فيه التعب
ومالقت احد كلهم طالعين ...رجعت غرفتها ..وقامت تفكر ...وقفت قدام المرايا الطويلهه تتامل شكلها ...واستغربت من بطنها
ملاك: غريبه توني باول شهر كيف تكون بارزة كذا ...لفت يمين ويسار وتدقق بكل ناحيه من نواحي جسمها
ملاك تحط يدها على بطنها : يالله متى اشوفكم واكحل عيوني فيكم ...معقوله بصير ام ..ماني مصدقه هالشيء !!
جلست على الكرسي وصارت تفكر لبعيد سافرت لشاطئ غير شاطى مدينتها ابحرت في بحر حياتها "ماضيها – حاضرها – مستقبلها "
ملاك(( كيف بتكون شخصيتي كام , كيف راح يكونوا عيالي , آآآآآه ياربي مشتاقه لشوفتهم ..نفسي اضمهم لصدري واحسهم بالحنان ...حنان الام اللي فقدته اعوض كل شيء فيهم ..راح انتظر ذاك اليوم بفارغ الصبر ..راح انتظر وانتظر لكن يارب مايطول انتظاري ...يــــــــــارب ))
اخذت جوالها ..وكتبت لفيصل رساله ...وارسلتها له
أدري الرسائل بعض الأوقات إزعاج
بس وش حيلتي لا ذبح قلبي
( الشوق )
أوله على شوفك ودايم لك احتاج
مثل الغريق اللي يبي يمسك
( الطوق )
تدري أحبك ياقمر حيل وهاج
وتدري مكانك مثل نجم السماء
( فوق )
ثواني ووصلها الرد اللي زاد نار شوقها وحبها له
ليه لاقلت " أحّبكٍ .. ؟ "
ينزرع بـ ‘ القلب ورد ؟! والهجير يصير برد !!
" واشعر بقيمة حياتي " وان هذا الحب ذاتي ...
ليه لاقلت : " أحّبكٍ .. ؟ "
الظلام يصير نور ؟!!
و الغياب اللي ذبحني يموت في يد الحظور ..
وتولد بـ‘ فمي قصيدة ريحها عطر وزهور ،،،
والطيور~ تطير بدري ..!! و تصبح الدنيا تدور !!
ليه لاقلت : " أحّبكٍ .. ؟ "
ينتهي فصل الخريف ؟!!
وتنتهي ,,قصة ورق اصفر ~ تكاثر على الرصيف ...
ويبتدئ " فصل التلاقي " مثل ماحلم في لقاك ~
وتحلم انت في ~ عناقي ..
" ياحنــــــآني "
يا أشتياقي ... واحتراقي ..
ليه لاقلت : " أحّبكٍ .. ؟ "
يوم " أحّبكٍ .. ؟ "
ينتهي ذاك الجمود !!
وينصهر ذاك البرود !!
وتنلغي في عالمي كل الحواجز والحدود ،،،
ليه لاقلت : " أحّبكٍ .. ؟ "
يصبح العالم ~ خيال ..!!
كلها بـ‘ كلمة " أحّبكٍ .. ؟ "
الأمل يصرخ تعال ~
ليه لاقلت : " أحّبكٍ .. ؟ "
أشعر بمعنى الجمال ؟!!
ودي اعرف ياحياتي وش إجابة هـ‘ السؤال ؟!
نسيت أقول لك ..
[ انك عناوين الفرح والخير ]
وذكرت آقول لك ..
[ اني أحّبكٍ .. ؟ قد ما أقدر ]
ملاك: متى ترجع يافيصل ...متى ؟؟!!!
مر عليها الوقت وماحست فيه ونامت ....
فاديا: وربي طفش ...مليت وكليت كل واحد لاهي بحاله وانا لا انيس ولا ونيس
دخل فيصل
فيصل: سلام
فاديا : وعليكم السلام
فيصل: ويش فيك مكشره ؟؟!!
فاديا : طفشانه
فيصل يطالع ساعته : الساعه 3 وطفشانه
فاديا : ايه امي اليوم غصبتني اروح معاها عند خالتي ..وراحت علي جمعة صحباتي
فيصل: على بالي عندك سالفه ...الا ماشفتي ملوكتي وينها ؟؟؟
فاديا: لا اليوم ابد ماشفتها اكيد بغرفتها
فيصل: اجل بااااااااااي
فاديا: ياربي ..وينك ياعبدالله ... وينك ..كان فيصل عند الدرج
فيصل : سمعتك ياحرم عبدالله
فاديا: وخير ياطير
فيصل: اقول ماراح يجي غير لما تحج البقره على قرونها
فاديا : يااااااااااررررررررربي وغطت وجهها بالخداديه
فتح باب الغرفه ويحس بهدوء فضيع وجو الغرفه بارد ..دور بعيونه عليها وشافها على السرير ..قرب وجلس على طرف السرير ومسح على شعرها
فيصل: ملاك ...ملاك ...فتحت عيونها بكسل وتحس بالم ببطنها فظيع
ملاك: فيـــــــ.......فــيــصل ...بطني ..ارتجف من سمع كلمتها
فيصل بخوف: حبيبتي ويش فيك ؟؟ ويش تحسين فيه ؟؟
ملاك تتالم: بطني ...آآآه ..بطني تعورني ...
فيصل يحاول يجلسها: اجلسي ياقلبي اجلسي ...
ملاك بدت دموعها تنزل وحطت يدها على بطنها خافت انها تفقد جنينها : ما ابيه يموت ...ما ابيه
فيصل مستغرب منها : من اللي يموت ؟؟
ملاك تمسك يد فيصل : فيصل ما ابي ولدي يموت ...تكفى
فيصل وعيونه شوي تطلع من مكانه: ملاك انتي صاحيه ...واعيه للكلام اللي تقولينه ؟؟
ملاك تبكي : آآآآه بـــــطنـــي ...ما ابيه يموت
فيصل يحاول يوقفها : قومي ..قومي نروح المستشفى
ملاك : لا ماني رايحه ..هم راح يموتونه
فيصل انهبل : مــــــــــلاك ..حبيبتي ويش فيك ..ماني فاهم شيء
ملاك : اترني ..خلاص انا مافيني شيء ..مافيني شيء
طلع بسرعه وراح لغرفه امه
امه: ويش تقول ؟؟!!
فيصل خايف ويرتجف: يمه تفين تعالي شوفيها ..مدري علامها
امه: طيب طيب ...وبسرعه راحت معاه للغرفه
ام فادي: يمه ملاك ليش تبكين ؟؟
ملاك: مافيني شيء ...بس كنت خايفه
فيصل: تكذبين ..شوفي وجهك كيف واضح انك تعبانه
ملاك: قلت مافيني شيء
ام فادي : لا ياملاك لازم تروحين المستشفى
ملاك ارتجفت بس سمعت طاري المستشفى: قلت لا يعني لا ....اخذ فيصل عبايتها ..
فيصل: مو على كيفك ...بتروحين غصب عنك
ملاك: لا ..لالا ما ابي
فيصل: قلت بتروحين يعني بتروحين ..وخلاها تلبس العبايه غصب عنها ..وراحوا للمستشفى
بغرفه الكشف
فيصل : بشري يا دكتوره
د: لا تخاف هذي الالم عاديه ..ولازم تتعود عليها المدام
فيصل: يعني مافي شيء
د: لا مافيها الا العافيه ...واحب اقولك ان زوجتك حــــــامل بتوائم
فيصل انصدم : ويــــــــــــــــش؟؟
د: اللي سمعته زوجتك حامل بتوام والاشعه تاكد كلامي ..عشان كذا تتالم ..
فيصل: ..........
د: لازم تتابع اكلها وصحتها لانها ضعيفه شوي ومعاه فقر دم ..انا بعطيها ادويه لازم تستعملها الثلاث شهور الاولى
فيصل: ان شاء الله
د: وكمان تبتعد عن المنبهات والتوتر
فيصل: ويش بعد
د: النفسيه اهم شيء نفسيتها ...
فيصل: اوكي مشكوره وماقصرتي
د: الف سلامه وماتشوف شر
بالسياره
ملاك منصدمه : تــــــــــــــؤائم
فيصل فرحان: من يصدق اول حسبناه واحد طلع اثنين
ملاك تطالع ببطنها: هنا في اثنين ؟؟
فيصل: ايه ..حبيبتي من اليوم ورايح لازم تهتمين بصحتك ..
ملاك:..................
فيصل: ليش ساكته
ملاك: هــــــــــاه ..لا ولاشيء اكيد راح اهتم بنفسي لا تشيل هم
فيصل: الادويه على وقتها ..والفطور والوجبات كل شيء راح ينتضم سامعه
ملاك: طيب سوا اللي تبي
فيصل: ملاك ياقلبي ايش فيك ...فيك شيء متضايقه من شيء ؟؟
ملاك: لا بس تعبانه ..ابي ارتاح
فيصل: خلاص وصلنا ..
بعد يومين
لمياء : احلفي
ملاك: والله...
لمياء فرحت: مبروك ياقلبي مبروك
ملاك: الله يبارك فيك
لمياء: وكيف الحين احسن من اول ؟؟؟
ملاك: ايه احسن ...صح احس بتعب شوي بس الحمدلله على كل حال
لمياء: عقبال ماتقومين بالسلامه
ملاك: امين ...يالله لمياء بروح اشوف زوجي
لمياء: اوكي باي
قفلت الجوال ...واتجهت لمكان مكتبه وشافته منغمس بشغله
ملاك: الى متى وانت منشغل عني ؟؟
فيصل يطالعه: انـــــــــــــــــــــا
ملاك: ايه انت ماتحس انك ماصرت مثل اول ..ماعدت تهتم فيني الا لاني حامل
فيصل: ليش تقولين هذا الكلام بالعكس تدرين انك اهم شيء بحياتي
ملاك: انت تجاملني
فيصل يترك الاوراق ..وقام وقف جنبها: اجاملك ..كل هذا واجاملك
ملاك: ايه تجاملني
فيصل : شكلك مره متاثره ..تعالي تعالي اجلسي
ملاك: فيصل لاتتركني انا اخاف
فيصل: تخافين من ويش حبيبتي
ملاك: من كل شيء ....ابيك تكون جنبي مابي افتح عيني وما اشوفك
فيصل يمسك يدها: ومن متى وانا اتركك
ملاك: انا ما ادري كل اللي ابيه انك ما تتركني
فيصل يضحك : ابشري ماطلبتي شيء بس هالشيء
ملاك دموعها بعينها : ايه
فيصل : ليش الدموع ليش ؟؟؟ انتي صايره حساسه ويش صاير لك ؟؟
ملاك تبكي بحضنه : خايفه ...خايفه
فيصل: من ويش ؟؟
ملاك: اني افقدك .. انا ما اتخيل حياتي بدونك
فيصل : ولا انا ..بس لاتخلين الاوهام تسيطر عليك
ملاك: هذي ماهي اوهام
فيصل: اجل ويش ؟؟ فهميني
ملاك: اوووووف ايش فيك انت
فيصل : والله انك متغيره صايره مزاجيه مرررررره
ملاك: لاتكون بديت تطفش مني
فيصل يطالعها : افاااااا انا امل منك ...
ملاك: انا ادري عنك ؟؟
فيصل : لا والله ما امل منك ابد ...ويالله عازمك على العشاء ويش رايك
ملاك فرحت : جـــــــــــد عازمني
فيصل : والله ..يالله البسي ونطلع ...
بعد ربع ساعه راحوا للمطعم
ملاك: ووووووع الريحه تقرف
فيصل: ياحووووول ؟؟ بديت حركات الحريم
ملاك: فيصل خلنا ناخذ اكل ونروح مكان فاضي
فيصل: طيب ماعندي مانع ....اخذوا الاكل وراحوا مكان فاضي خارج حدود الرياض
فيصل: ويش رايك بذا المكان خطير صح
ملاك: ايه خطير بس في ناس
فيصل: ايه يطلعون كثير الشباب هنا
ملاك: فــــــيــــــــصل
فيصل : ياعيون وقلب فيصل ؟؟؟
ملاك:.... تحبني ؟.؟؟
فيصل : احبك واهواك ..واموت فيك
ملاك: عسى عيني ماتبكيك
فيصل: الله لايحرمني منك ..((يغمز لها )) يام ركوني
ملاك: خلاص نويت العزم انه راكـــــــان
فيصل: ايه راكان وزياد
ملاك: طيب اذا كانوا بنات
فيصل: اممممم جنى وغِنى
ملاك: حلوه الاسماء ..
فيصل: لو بيدي كان سميت البنت مــــــــــلاك
ملاك: ههههههههههه لهدرجه
فيصل: واكثر بعد ..بلاك ماتدرين عن اللي بقلبي
ملاك: والله ادري ..ادري
بالمدينه
فارس: الله يتمم لها على خير
ثامر: امــــــــيـــــــــــن
فارس: ومتى قالت لكم
ثامر: والله مذكر بس توي تذكرت وقلت اقولك
فارس: والله اشتقت لها ...من راحت الرياض صرنا ماندري عنها
ثامر: أي والله انك صادق
عبدالله: تتكلمون عن مين ؟؟
فارس: بسم الله عليك طبات ماهي صاحيه
عبدالله: اشم ريحه سالفه كذا او كذيه
ثامر: الله يلوع كبدك ..بتسوي نفسك شمالي
عبدالله: انا لا والله
ثامر: اجل انطم
عبدالله: والله انتم اللي عليكم دخلات غلط
فارس: بس اسكتوا
ثامر: الا شخبار زوجتك
فارس: ماعليها تمام ..الا تعال اليوم فراس جاء له ولد
عبدالله وثامر: بالله
فارس: أي والله رحت وديت ابتهال لزوجته وسلمت عليه وباركت له
عبدالله: مشاء الله تبارك الله
ثامر: عقبالنا يارب ..
فارس: امين
عبدالله : امين يارب
ببيت ام فراس
ابتهال: يهبل مشاء الله يمه يجنن
وصايف : يشبه لمين
ابتهال: ماهي واضحه ملامحه بدري عليه ...الا تعالي ولدي متى بتولدينه
وصايف: ههههههههه اصبري على بالك قطوه على طول اولد
ابتهال: حشاك ويش جاب لجاب بس مشتاقه اشوفه
وصايف: شهر او شهرين
ابتهال : مافي قبله
امها: على بلالك كل شيء سهل ...
ابتهال: داريه والله داريه
بعد اربع شهور
كانت واقفه قبال المرايا وتشوف بطنها اللي كبر بسرعه وتتامله بحنان ..جاء فيصل وراها ولف يده على بطنها
فيصل: ويش اللي شاغل بالك ...ملوكتي
ملاك: افكر بكره اذا جاوا عيالك مين بتحب اكثر انا او هم
فيصل: هههههههه اكيد انتي ..انتي الاصل ويش ابي فيهم ..واذا بحبهم بحبه بس للانك انتي امهم
ملاك تطالعه بشك: ياخوفي كلامك كله يتغير ...
فيصل: لا ياروحي والله اني راح احبك اليوم وبكره وبعده وحتى اذا جو احفاد احفادي ..قلبي ما يسكنه غيرك
ملاك :..............
فيصل: ولاتشكين لحظة ان غلاك يقل بقلبي ...كل يوم يكبر اكثر واكثر
كانت سرحانه بملامحه ..تراقب كل كلمه تخرج من قلبه قبل لسانه تحس بحبه اللي تملكها واسرها الى الابد ...وتحس بالامان معه معه وبين يديه نست او تناست كل شيء بحياتها في هذي اللحظه ..بدون شعور ذرفت دموعها
فيصل: ملوكتي ايش فيك تبكين ؟؟
ملاك: خايفه من الولاده
فيصل يمسك يدها : لاتخافين الله مع ..وانا ماراح اتركك بس لاتوسوسين من الحين
ملاك: فيصل ابي اروح لابوي واخواني
فيصل: اوكي بس مو الحين اجليها شوي
ملاك: خلاص الوقت اللي تكون فاضي فيه ابروح لاهلي
فيصل: اوكي ..خلاص
بجهه ثانيه
ماجد: فريده احسلك كلي خلي ولدي يتغذا
فريده: ماني مشتهيه ايش فيك انت
ماجد: بتاكلين غصب عنك مو بكيفك
فريده: اوووووف منك
ماجد: ليش انتي عنيده كذا
فريده: وانت بعد عنيد
ماجد: اجل بتاكلين والله ازعل عليك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك