رواية حكايات من خلف الجدران -49
جلس احمد بفراشـه وهو يحك بذراعـه من نغزات البعوض : بندر نائم
رفـع بندر طـرف البطانيـه وجلس بضيق وتكلم بصوت جـاف : لا تبي شيء
سكـت ورفع عينـه لسمـاء شاف الظلام زاد حـده والقمـر اختفـى وانجلى.. الا صـوت اوراق الاشجار واهتـزاز الاغصـان ببعضهـا وصـوت الديك الي كثـر وخفف من نباح الكلاب
تأمله بصمت وسكـون ودقق بوجهه بحدة داخل هذا الظلام وفي نظـراته الي مهمـا أخفاهن مستحيل يقـدر يبعـد الوضوح بعيونـه وقف بسـؤال هـو عارف اجابته : بندر انت تحب روعـه
سكـوت وهـدوء اجتاح المكـان.. إلا صـدى الكلمة
ما تحـرك ولا تكـلم حتـى حركـة عيـونه وقفت ..يعنـي كل الي هـو فيه حـب كل الي يحسـه ناحيتهـا..حب وعشق ويمكـن توصله لدرجـه الجنون
اخيرا انتبه لنفسه و تكلـم بصـوت جاف : انـا ابيــها زوجـه لي وهذا الشيء راجع لي اذا احبها ولاء ... حتى بمسمـى الشباب انكـروا مسمـى الحب كبرياء لرجولتهـم ..انكروا الحب بس قلوبهم تنبض حب ولا راضين يعترفوا بهذا انبض
ابتسـم بضيـق ولـف وجهـه عنـه وعـاد السكـون يلف المكـان
قــام مـن مكـانـه ومـشـى..وهـو يجـر رجـوله كان توقعـه صحيح
ان بندر يحب روعـه يذكـر انهـا من يوم هي صغيره تفضل بندر عليه من يوم وهي صغيره بندر متعلق فيها رغم عنادهـا وشقاوتـها .. اسنـد ظهـره على جـذع شجـرة يائسـه من الحياة ولف نظـرة على بندر وشافـه لسـه بوضعيتـه نـزل راسـه بالارض عنـد رجـولـه وشـد عيونـه بقـوة وهو ما يتخيـل ان روعـه بعد ما كانت له تروح لغيره .. هو معترف انـه في مشاعـر بقلبـه لهـا كثيرة .. واعجـاب ما قدر بيوم يخفيه من كلامـه ولا من نظراتـه ابتسـم بتعجب لما جاء باله ان روعه يمكن تحمل لبندر نفس المشاعـر الي يحملهـا لـه رفـع بصـره لسمـاء ودعـا بصـوت شهـد لـه جميع وحواسـه واركـانه حتى جذع الشجـرة كان شاهـد
"يـارب اجمعـهم بعض وعـوضنـي بالأحـسـن " بعـدها تقدم لبندر وقف عند راسه وحط يده على كتفـه وتكلم بصوت قدر ينزع منه جميع التعابير ويكون هادي : اذا تبـي روعـه انـا بكـره بخطبهـا لك من خالتي
رفع بنـدر عيونه بسرعه له وهو مصدق وهمس بدون تركيز : من جدك احمد بتترك لي روعه
هـز راسـه ولف نظرة وأرسلها بالفراغ والظلام الموحش يبعد نظرة الخيبه بعيونه
قام بندر وهو فرحـان وطائر من الفرحـه وشـد احمـد بقوة وضمـه لصدره
رتب احمـد على صدره وهو يصارع الابتسامة .. وبعدها رفع عينه لسمـاء يتامل لنـور الي بـدا يتسـرب لكـون ومن الأمل الي بـدا ينتشـر
سبحان الله وبحمدة *** سبحان الله العظيم
شـدت لمـى يـد اخـوها سلطان وبعدها ابتسمت له باطمـئنان ونـزلت مـن سيارتة دخلت البيت شافته هادي وساكن ومافي احد موجود طلعـت علـى الـدرج .. وكـان لابـد تمـر من عنـد غرفـة سامـر.. مشت بقلب متراقص وخائف .. ومن حظهـا كـان الباب مفتـوح .. شـافـتـه متمـدد على الكنب بطـولـه.. ومغطـي وجهه بخداديه ورجوله وحـده منـزلها والثانيـه حانيها .. حنـت عليه وقلبـه تحـرك.. والحب الي بقلبـها بـدا يرجـع .. انتبـهت لنفسها ونفضت راسها بقووة ..بعـد ما جاءت صورت دمـاء أخـوها وهي تنزف ومكونـه حوله بركـه ..مهما تمـر الايـام الا تبقـي حاجـز بينهـم
لفت وجهها وكملت مشيها بدون ما يحس فيها وقفت عند غرفة شروق ودقت الباب
فتحت شـروق الباب وهي تقوول: هـلا بالـدبـه ساااعـه على بال ما توصلي
لمى : ايش بسوووي الشوارع زحمـه .. وباستفسار : وين الـزفت وفـاء
بعد شـروق عن الباب وهي تتكلم بعد ما سكـرته : سـافـرت قلعتها وتـر مافـي البيت الا انـا وانـت صـرنـا اهـل البيت ايش رايـك نعـزم فيـه خويتنا الدقـاقـه ونقلبهـا عرس هنا
بادلتها لمـى الضحكة : هههههه خساره بس روعه مهي هنا هن ما يخافن الا من روعـه ولا احنا بنظره عيونهن تسكتنـا
شروق : مشكلتنا ان انا وانت دجاجات .. اما روعه تعرف لهذي الاشكال.. تذكـري لما روعه عشتهم فوول وعدس بعدها الدقااااقه تقول كرهت الفول والعدس من روعـه
ضحكـة لمـى بصوت : والله اشتقنا لدبــه روعـه
سبحان الله وبحمدة *** سبحان الله العظيم
تحت عريش العنب مجلسها المعتـاد ..الاغصان بدت تدب فيهـا الحياة وموسم الشتاء راح وبدا موسم الربيع .. والنـور بدا يغزوا شخصياتنا .. عدلت ام بندر من جلستها بعدها لفت طرحتها حول وجهها وثبتتها مع طرفها وتكلمـت وهي تهز براسها : روعـه وبنـدر ما يصلحـوا لبعض..
احمـد بحاولة اقناع جديدة : خالـه يقلـون مـابعـد العداوه الا الحب
ام بندر : بس هما كل يوم هوشات وهم لسه مهم متزوجين بندر عصبي وما يقدر يمسك اعصابه وروعـه عنيده والي براسها غير يصير وانـا الي بتعب معهـم كثير
احمـد : بس ياخاله بندر يبي بنت عمـه فلا تحرميهم من بعض
ام بندر: صـدقنـي لـوارتبطوا بعض بيجي بيـوم يندم على الساعه الي ارتبط فيها روعـه مدلعـه ويبي لها احـد يدلعها ويراعيها البنت عنيدة وتبي لها شخص مثلك يا احمد انت تقدر تحتوي عنادها ودلعها حتى هـي احسهـا تستحي منـك عكس بنـدر
حاول اجمد يلطف الجو يصنع بعض المرح : وكل هـذا عيوبها وتبني اتزوجها الله يسامحك يا خاله تختاري لبندر الزين وانا يللا حيا اللله بنت
ام بندر : الله يسامحك يا احمد انا اعرف ما راح تلاقي مثل طيب قلبها بس هي ما طلع شيطنتها الا على بندر وهو ما حد ينفرز اعصابه ويرفع ضغطه غيرها ولا روعه كامله والكامل وجهه الله
ابتسـم احمد بمصارعة داخليه عنيفه : خلاص يا خـالـه ولو تقنعـي في عمـرك كله ما راح اخـذ روعـه و ولـد خالتي نفسـه فيـها واذا روعه من نصيبه انت ما راح تعترضي على شيء
ام بندر : بس
قاطعهـا احمد برجاء حار : خلاص يا خـالـه انت قووولـي مبروك
سكت ام بندر وتكلمت بعدم ارتياح واقتناع : الله يصلحهم ويبارك لهم
حب احمد راس خالته : دعواتك ياخالـه ان ربي يوفقهم
ام بندر : الله يرزقك يا احمـد بالـي تسعـدك وتريحك وتحبك اكثر من حبـها لنفسـها
سبحان الله وبحمدة *** سبحان الله العظيم
السـاعـة التاسعـه والنصف بعـد صلاة العشـاء
طلعن في الجديقه بجهه بعيده ماحد يحس فيهن .. وجلسن على العشب وبيـد شروق وردة تقطع فيهـا .. قامت لمـى بخبث بعد ما شافت خرطـوم المويا يصب .. سحبت لـي المويا بخفـه وحطتـه وراها بدون ما يحوس ملابسها وتقدمت بهدوء هي مستغله انشغال شروق بالورده وحطت خرطـوم المـويا بداخـل ملابسها بسـرعه
شهقت شروق بفزع وقامت مخروعه ورمت الورده وهي تصرخ : ياحيوانه
ليش ترشي علي مـويا
ضحكت لمـى وسحبت لـي المويا وجهتـه لزرع : ههههه شفتك جالسه بحالميه قلت اخرب عليك الجـوا
عصبت شروق وسحبت الـي منها وجهتهـا عليها بكـل قوته وهـي تقوول : الي يرشنـي بالمـويا اسبحـه بالحمام ههههههه
شهقت لمى بالمويا ولا قدرت تتكلم من قوة المويا المصوبه عليها وصارخت بصوت عاالي : ياحيوان يازفت بعدي... وكل ما لفت او تحركت حركت شروق المويا على وجهها جلست وغطت وجهها بيديهـا وشروق ما استسلمت بقت ترش المويا عليه
\
\
قـام من نومـه الغير مريحـه وفتح الشباك وشـاف بنتين من بعيد يلبعـوا بالمـويا عـرف شروق والثانيه المتكـوره على نفسها انكـرهـا .. نزل يوقف المهزله واصواتهـن العاليـة وركـض على الدرج وهـو حافـي ومهو لابس الا تي شرت اسود وعليه رسومات باللون الابيض وبرمـودا ابيض ..لف على جهتهـن وهـو يسرع بالمشـى وكانت شروق معطته ظهرها ولا منتبـه ولمـى دافنه وجهها بين رجولها وهي تترجـي شروق بذل انها توقف المويا عنها
وقف بوجهه لمـى والمـوي صارت ترش عليـه وهـو واقف سـدا بينه وبين المويا وحامـى ..صارخ بشدة صارمـه : بنت وجـع قفلي المـويا
شهقت شروق وعيـونها اتسعت وتكلمت بشـدة : خير يالاخ انت وش جابك
طنشهـا واسـرع بخطواتـه ونـزع خـرطـوم المـويا عنهـا ورمـاه بعيد وهو يتكـلم : انت مجنونه فضحتينـا عند جيرانـا
رفعـت لمـى وجههـا بصـدمـه ونبـرة صوتـه عرفتـها شافتـه واقف قدامـها بكـل رجـوله تـاسـر والمويا مبلله شعـره ومـلابسـه وبقايا شعرات تمردت واسدلت على ملامحـه الجـذابـه بخفـه دق قلبها بقـوه وحست بمـدى تـاثير سامـر عليها
لف وجههـه وشق بفرحـه اخفاهـا ملامحـه لما شاف لمـى حبيبتـه وروحـه تقدم لها وركـع لها ومسكـهـا وهـي ترتجـف مـن البـرد : لمـى انت بخيـر
قـالها بكـل معنـى وبكل حرف وبكل همسه شارك حبه وجدانـه قالها بهيام واضح
ارتجفت وهـذا المـره بقـوة مهـو من البرد من لمستـه ..ملابسها صارت ملاصقـه عليها وشكلها كانها طفله شقيـه.. ولما حست نفسها بتنهـار وتصيـح وتفضح نفسها ..دفـتـه وتكلمت برجفـه : بعـد عنـي لا تلمسنـي
مهو مصدق عينه انها قدامه تكلم بتنهيده مسموعه وعيونه تعلقت بمنظـرها و بشكل المويا وهي متخلله برموشها وتسلل من رقبتها وتختفي في جسمها: طيب كيفك الحين بردانه
قامت وبعـدت عنـه وتخبت ورى شروق وهي تمسك بعباتها : مالك دخـل في
عصبت شـروق وشدت على يـدا لمـى مطمئنه : عـاد لاتسـوي فيهـا لنا قصـه حب وفلم هندي البنت ما هـي طايقـه تشوفك ويللا ورينا عـرض اكتافك
حاول سـامـر يسيطـر على اعصابـه ويهدي من انفعالاته من سلاطـة لسان شروق : على فكـره تـراك بيتـي وانـا المفـروض اقـول هـذا الكـلام بس لخـاطـر عيـون تهـون
شـروق بنفاخ : والله تغـزل عيني عينـك هـي استح على دمك تراها خطيبة اخووي
عصـب سامر وماقدر يتمـالك اعـصـابـه ونسـى وعـده لسيف : تخسي هـي خطيبتـي وانـا شفتـهـا النظـره الشرعيه وما راح تكون لغيري لـو على مـوتي
فتحت لمى عيـونها وهي ترتجف وقالت وهي تشد بعبائة شروق بقوة : انت كـذاب
قال بحـده : مهـو سامـر الي يكـذب.. وضـربه صـدره: أنت لي فاهمـه
تكلمت لمى وهي دافنه راسها بظهر شروق وصوتها بدا مخنوق : لـو مافـي الكـون غيـرك ما اخــذتك سـامـع
طنـش صريخهـا طنش كـلامهـا وكل شيء ومشـى قدامهـن وهـو يقسـم بداخـله انه غير لمـى ما راح يـاخـذ
سبحان الله وبحمدة *** سبحان الله العظيم
دخـل جـواله بجيبـه وهـو مستغـرب ان فـارس من يـوم ما راح وهـو ما اتتصل وجـواله مقفل وله اكثـر من أسبـوعـين وهـو ما جـاء خـاف انه صـار له شيء او انمسك بـس بعـدها ازاح الخواطـر السوداويه عن باله ومـشى ودخـل البيت الي منعته امـه ان يـدخـله استغـل تـواجـد احمـد مع خالته بـر البيت
وابتسم بهـدوء وبمشاعـر مريحـه زرعت الامـل لقلبه لما شافهـا جالسه على التلفزيون وقف بوجهها وهـي بدورها زمت شفائفها ولفت وجهها بضيق
احتـار باي العبارات يكلمهـا ولا باي الحروق ينطقهـا سكت ثوانـي خامـد البركين وتكلم بصوت واطـي يثير المشاعر : روعـه انـا ابيك زوجـه لـي
شهـقه بصـوت عالي وقع الكلمه اصاب اشياء بقلبها وطيـر اشياء كثير من قوة وقعها رفعت عيونـها عليه بدون تصديق وكـانها مشككـه الي سمعته وبعدها رجعتـها لتلفزيون وماكـانها تسمـع شيء
حـس بضياعـها وصدمتـها تكلم وهالمـره بهدوء اكثر : روعـه سمعتينـي انـا ابيك زوجـه لي على سنة الله ورسوله
تكررت الكلمه على مسامعها وهالمره بشكل قاطع وواضح بلعت ريقهـا .. وسـرت رجفـه حـاره لداخـل جسمها مـا قدرت تـرفع عيـونـها وما تخيلت نفسـها زوجـه لبندر وبنفس الوقت ما تخيلت بندر مع احـد غيرها ..غمضة عيونهـا ولفت وجهها وقامت ومشت مـن قدامـه
نادهـا وقف بوجههـا وهو يسألها بكل جـديه : روعـه انا اتكـلم معك جـد انت موافقـه تعيشـي معـي هنـا بقيـه عمـرنـا ولاء
رفعت عينـه لمستوى صدره بعدهـا الدنيا دارت فيها ما تدري ايش تقوول ولا ايش تـرد
تكلمـت بهمـس خافت: بنـدر بعـد بمـر
سكت بندر وخائف انه روعه ترفضه ان روعه ماتكون له : ما راح اخليك تروحـي الا انت تعطينـي رايك راضيـه فـي ولاء
رفعت عيونهـا لوجهه وبعدها نزلت نظراتها بسرعه..وبلعت ريقها لمـره الالف وبعدها تكلمت بخجـل : بندر انت تسمع بدخـل انـام
حس اخيرا بخجلها و تكلم بشبه ابتسامـه : يعني اعتبـر سكوتك دليل موافقـه
انحرجت اول مره تنخرس والكلام يضيع منها وتحس بالحراره تلفح خدودها وجسمها وكلام بندر يزيدها حراره مـرت من قدامه وتتمنـى تختفي من قدامها ولا يشوف اثـر كلامـه عليها
نادها بصوت عالي وهو مبسوط والفرحه ماهي واسعته : روعه تراك بتكووني زوجتي والغرفـه الكبيره بتجمعنـا انت وانتـي
\
\
\
ضـربت الباب وراهـا بقوة وقفت عليه وهي تضم يديهـا على صدرها وتتنفس بصوت مسموع ودقات قلبه تتصارع معها .. ابتسمت بفرحه عمرها ما حستـها الا هـذي اللحظـه حتى بخطبتـها من احمد ما حستهـا نفضت بيدها على وجهها وهي تدور نسمه هوى تخفف الحراره الي حارقة وجهها .. واخيـرا طاحت دمعه واحده من زاويـا عينها وتخللت برموشها السفليه بعدها طاحت على بلوزتها وكونت لها بقعه واضحـه ..طاحت على الارض وتربعت بجلستها وهي محتاره كيف تعبر عن فرحتها
تكلمت بين نفسها " يعني بندر يفكر في مثل ما افكـر فيه يعني بندر يحبني مثل ما احبه بندر نسى اني اخته وفكـر في على اني اصلح اكوون زوجـه له".. غمضت عيونها وبعدها سندت راسها على الباب وهي تحلم بندر
سبحان الله وبحمدة *** سبحان الله العظيم
في السجـن العام ..محبـوس بزنـزانـة خاصـة بعيـد عن الناس ..وسانـد رأسـه على الجدار ويده تحت خـده والبقيـه مخلل فيها شعـرها الي بـدا ينمـوا بشكـل سريع ومغطـي وجهه ..سمع صـوت الشرطـي ورفع راسه عن الجدار وحك لحيته الي بدت واضحـه
فتح باب الحبس وتكلم الشرطـي وهو ينافخ : يلا قوووم لابارك الله فيك ولا في امثالك
رفع فارس نظراته بقهـر ولولا انه في مكان يحتم عليه الذل كان رد قام وهو ينفض ملابسه من الغبار ومشى قدامـه وهو يقوول : اشوف فيك يوم مرمي هنا
دفـه الشرطـي بيده بقوة : انلقع عن وجهـي لرميك هنا تعفن ومحد درى عنك
دخـل المكتب وهو كـاره ان يقابـل عامـر وحمـد ربه انه مكان موجود
الظـابط : انت فارس حمد الـ
فارس بزفـره طوويلة : ايييييه
الضابط : انا الي تكفلت بقضيتك بعـد الضابط عامـر
فارس بستخفاف : و الضابط عامـر وينـه لايكون مات
الضابط وحس بستخفاقفه بس طنش وتكلم وهو يكتب : عامـر مسافـر عنده اجازه اسبوعين وخلال سفر عامر اتمنى انك تتجاوب مع لجنة التحقيق والادعاء العام لان قضيتك موصي فيها من طرف مجهول .. والمحامي الي متكفل فيها الرجال ماراح يقصر وفي شهود راح تشهـد معك اتمنـى ان الامور هالمره تكوون بصالحك وكل شيء ينحل قبل ما يوصل عامـر
فارس : ومين تكفل لي بمحااامـي
الظابط : بصـراحـه ما نعـرف اسمـه بس اتـوقـع صاحب مـركـز هـام
وهـو الي وصـانـا ان الامـور تنحـل قبل ما تتعقد بيد عامـر
جلس فارس والامـل بدا ينشله من الظلم الي فيه : ان شاء والله كريم
***
انتهــى البارت الاول
الـجـزء الـرابع والعشـ(2)ـــرون
"زواج غيـر مسبــوق "
مـشى بخطـوات خارج السجـن واسبوعـين قضاها كانت له مثل سنتين ..كان مثل طير محبوس وفجأة الحرية صارت قدامـه ولا مثل سمكـه محرومـه من المـويا وفجـة ارمت بوسط محيط ..حس بالامل وشـعاع الشمس الي استقبله بحفاوة والنسائم الجافه تسربت لقلبه
وقف بـوسط الشارع وهـو يرفـع راسـه ويتـامل الحياة بمنظـر اخـر وهو يهمس بداخـله " مـين الشخـص الي تكفـل فيك يا فارس وتكفل بالمحامي ومين هذولاء الشهـود الـي اول مـره اشـوفـهم بحياتي وليش كـذبـوا وقال اني كنت متـواجـد معهـم وقت الحادث .. حتى الضابط كان متهاون كثير معي عكس عامر" اتسعت ابتسامته واخذت نصف وجهه وهو يتمنـى يشوف ردة فعل عامـر لما يكتشف انه خرج ببراءه ولا شيء انكتب عليه ..
تنفس براحـه ويـن يـروح الحيــاة قـدامـه والمستقـبل لاح له والامـل بدا يتسرب لقلبه بخفه وراحـه
اول مـاجـاء بـالـه شروق بيمـر عليها وياخذها .. بعدها بيروح بيت خالته ويسلم على احمد وسلطان ومحمد بعدها بيمـر يسـلم على عمـه صالح وعيال عمـه سالم ويوسف وسيف واشيااااء كثيرة مرت على باااالـه
سبحان الله وبحمدة *** سبحان الله العظيم
حست الحياة بدت تـرجع لها .. والانفس بدت تنضبط .. وصـوت نـادر هو الوحيد الي يـزن براسهـا "غروب احبك.. غروب احبك.. غروب احبك " نفضت راسـها بقـوة وفتحت عيـونها ببط وتعب .. وطاحت نظرتهـا على شخص تعرف ملامحه ومستحيل تنكـرها شخص بعدته السنين عنـها .. وتركهم وهم باشد الحاجـه له
لف عمـر عليها ومسك بيدها وهو يهمس : غروب شلونك الحين
هـزت رأسها وتكلمت بشك : عمـر
ابتسم عمر بهدوء : ايه عمر
شـدت على يـده والكلام عجز يخرج منـها
جلس عمر على طرف السرير وتكلم باستفسار خائف : غروب ويـن امـي واخـواتـي
كانت نظراتهـا عتاب قوويه ودها تصرخ وتقول توك تسأل عنا توك تفقدنـا توك تحس بالبنات الي رامينهـم ورى ظهـركم تكلمت بصوت معاتب وشبه قاسي : تـوك تذكـر انا لك اهـل
مكان مستعد لنقاشات ولا كان بدوره سالها عن روحتها الاستراحـه.. واسـئله كثيرة تدور بـراسـه وحالتها الصحيه ما تسمح له ان ينفعـل بوجهها ويسألها عن الماضي بكل حروفـه
سكتت لما شافت له جـواب ولفت و نـاظـرت بـوسـن وتكلمت بحيرة بصوت مبحوح : عمـر هـذي مـين
ابتسـم ابتسـامـه بسيطـه ومكـان لـه نفس يتكـلم بموضوع وسـن ما يدري وين يروح فيها يرميها بالشارع ولا يسكنها معه ويهدم الي عزم عليه كان اقرب طريق واسهل طريق له الزواج مانسـى الصدمـه الي شافهـا بعيونها لما فاتحهـا
بالموضوع وكيف قدر يقنعها بصعـوبه وخيـرها يرميـها بالشارع ولا تكـون له زوجـه على الـورق.. وعقـد غير قانـونـي " عـرفي" وتم اجراءت الزواج عند امـام الجـامع..مع استـوفـاء جميع اركان وشروط العقد الصحيح لما المحكمـه رفضت تعقد لهم
رفع نظره لها وتكلم هو يتظاهر انه فرحان: هـذي خطـيبتـي
رفعـت رأسها من السـريـر : مبـروك
ابتسـم على مضض : الله يبارك فيـك
رجع عمر عيونه في وسن وناظرها بقـوة وعيـونـه بقـت مفتـوحـه على الاخـر بدون ما يرمـش .. اما هي اهتـز جسمهـا مـن قـوة نظـرته وحست بـرجفـه قـويـه
قامـت ومشت من قـدامـه والرجفـه لـسه بداخـلهـا
تكلم اخير عمر بحـده :وين رايحـه
خافت ولمت عباتها على جسمهـا هي الوحيده الي صارت تحسسها بالامـان . ماعاد صارت تثق باحـد كل الي حولها يخونوها كلهم تكـرهـم وتحس بالخيانه منهم
اشـرت بيدهـا على الشباك لجهـه الحديقـه حتى الكلام استصعب عليهـا ..بمعنـى بطلع اشـم هـواء
قام عمـر ودخل جواله بجيبه : انتـظـري بطـلع معـك..
جلست بسـرعه على الكـرسي المقابـل لها وهـي ترتجف ولمت يديها بحظنها : خـلاص ما ابـي اطـلع بجلس هنـا
عـرف عمـر انه مصـدر خوف بالنسبـه لها ..مشـى من قدامـه
ولما وقف عند الستـاره سكـر جميع الفتحـات .. خائف على اخته من عيون الناس وقفل التكيف وتكلم وهو ماشـي :يللا ابي اتكـلم معك شووي
وسـن برجاء وصوت مبوح من كثر البكـى: احنا ما بينـا كلام الله انـت وعدتنـي انـك ما تلمسنـي
لف عليها عمـر بعصبيها : وانـا لسـه على وعدي ... ويلا امـشي معـي ولا كلمـه
تخـاف من حـدة عيونه وكلامـه ..مـشت معـه وهي ترتجف وتناظـر بالعالـم بعيونها الذابله كانهـا تطلب منهم يحمـوها من عمـر محـد انتبـه لها ولا نظـراتها طلعـوا لحـديقـه .. محـد منهـم تكـلم .. حتـى عمـر الي كـان بيسألها وهم ماشين من اول ماوصلوا الحديقه سكت
كـان الـجـوا هادي الا من نسائم خفيفه ناعمـه تتسلل لها بخفـه وبروده .. جلست على كـرسي وهي حـاضنـه يـدهـا وهـو تـركهـا دقائق وجـاء بيـده كـوب كباتشينـوا مع حبـه كروسان وهو اكتفـى بكـوب قهـوة سـاده حطـه قدامـها على الطاولـه وقف بعيد عنـها وعينـه على الشمس
الي بدت تعلـن الرحيل ويلعب برجوله على العشب
تكـلم اخيـرا من سرحانه: اتمنـى تقبلي فكرة اني زوجـك بشكـل اسـرع
هـزت راسـها بمعنـى أيـيييه واهتز جسمها من كلمته
ناظرها بنظرات حزينـه وكيف تهتز من بخوف بعدها تكلم بشرود : اختـك وينـها
هـزت اكتـافهـا وبعدها تكلمت بتقطـع : بعـد الحادث ما ادري عنـها
قـرب وجلس بنهايـه الكـرسي قريب منها ..يحس بضياعها بتشردها بضعفها حكت لها كـل قصتـها من فقدانهم لابـوهـم وضياع اخته والحادث ومخطط اسيل ..الا خيانـه عمها له .. الا سـواد وجهه عمها ..انكـرت بشده بداخلها ان يكون بسام عمـها ولا قدرت تعترف بصله القرابـه بينـهم
سكت وسـرح لقدام لسنين الي ضاعت منه.. نفس معاناته وتشـرده بس هو رجال وهي بنت صغيره مـراهقـه توهـا الدنيـا انفتحـت لهـا نفس عمـره تقريبا له انطـرد من بيتـه.. سكت الحين عرف ليش استغلتها اسيل وقارن بين كلامها وكلام بسـام الي خبـره بكامل القصة و أنها مدعيـه أنها بنت أخوه
رفع نظـره وهالمـره بحده وصرامـه : واسيل ليش طاوعتيها وكذبتـوا على بسام وانت عارفـه ان بسام يحبك " قالها وهو يذكـر بسام وخوفـه وحبـه على البنت الي انقذها
اول ما ذكـر اسـم بسام انهارت بالصياح دفنت وجهها بين يديها ومالت بوجهها وصاحت بحرقـه مكان لها الا بسام بهذي الدنيا بس هـو باعهـا لصاحبـه هو تنازل عن شرفه ولعب بعـرض اخـوه
شعـور غصب عنه ضيق قلبـه مهمـا تكـون بعيده عنـه والمشاعـر لسـه ما انـولدت بداخله لهـا بس تبقى زوجته عقـد عليها قبل يومين ..تمالك نفسه وغيرته الطبيعيـه و تظـاهـر بالبرود وهو مستغرب انهـا كـل ما وصلت عنـد بسام تنهـار وتبكـي حس بشيء من القهـر ولـولا العهـد الي قطعـه على نفسه كان هـو بيتاكـد بنفسه ان بسام له فيها عـلاقـه ولاء .. ان بسام لمسهـا ولاء.. هي ضحيه مثل هـو ضحيـه بالحيـاة
بس شعـور بـداخـله يخيبه ويحطمـه لما يذكـر حب بسام لها وغيرته عليها وكيف منعه يزورها بالمستشفـى ويشوفهـا ..وحيره انبت تساولات كثيره بعقله وهو يفكـر اذا بسـام يحبـها لهـدرجـه ليش سلمهـا له وهـو الي اخـذ اسيـل
رفـع جـوالـه واتصـل على بسام وشـاف الجوال مقفل وانقهـر من اعراض بسام عنـه هـذي الأيام
قام وقف بوجهـا : يلا امشـي برجعـك وبطـلع عندي اشغال كثيـرة
سبحان الله وبحمدة *** سبحان الله العظيم
حطت الكـوب عند فمهـا وهي تشـرب من النسكافيـه وبعـدها بعـدته عن فمهـا وسـرحت بالحلم الي حلمتـه البارحـه ما قدرت تنام بعده واول ما طلع الصباح ..اتصلت على الشيخ وبشـرها ان في فـرج قريب لضيقهـا بس ما تفـرح الا شـي وراها ينكـد عليها ما اهتمت بهـذا الشيء الي راح ينكـد عليها .. المهـم ان ربي راح يفرج عن اخوانهـا..رجعت شربت من كـوبهـا وبعدها حطت على الطاوله وقامت دور في البيت وهي مبتـسمـه على احلامهـا وان هـذا البيت يكـون لها وهي الحاكمـه والامـره والناهيـه
نـاظـرت بالشغالـة ونافخت وقلدت عزيزة : يلا ابي كل شـي متغـير من مكـانه شيلي هالصـور الي ملعقتها على الجداران يقول شياااطين .. والانـوار هـذي غيروهـا قوتها توجعني بعيونـي ... وبعدها رمت نفسها على الكنب وهـي تضحـك بصـوت عالي ..وغمـت عيـونهـا وهي تـسرح بعيـد ..تفـكر في شخص مهما تجاهلت الي بقلبها.. يبقـي غيابـه لـه فقـد.. استنشقـت بقـوة تدور ريحتـه الي قفدتـها وصارت تهيـا لها انهـا تشمهـا بكل مكـان عدلت من جلستهـا وناظـرت بإرجاء البيت .. فاقـده اثـره فاقـده صـوته.. حتى عصبيته وانكـسارها بين يديـه .. ولمـا تـذكـرت انـه كسرهـا ولا رحمـها ان راح يذلهـا ويذل اخـوانهـا ..حست بالقهـر من قلبها الغبي وقامت وهي تنافخ .. سمعت صـوت بنـات جايات وعكـس المـرايـا صورهـن وهـن داخـلات
قفزت بسرعه وقفت عند البـاب وحطت يدها على خسـرها واليد الثانيـه ماسكـه طـرف الباب وهي تتكلـم بحقـد انولد بداخلها وهي صغيرة :خيـر
اماني وايمان ومرام واحلام كانـوا كلهـم واقفـين عنـد البـاب جايات يسلمـوا على وفـاء قبل ما تسـافـر
ناظـرن بعـض نظـرة طـويله بعـدها تكلمت ايمـان بأدب : لـو سمحتي بعدي بنـدخـل
ناظرتها شـروق من فوق لتحت وقالت باستفزاز : وحظـرتك مـين عشان تدخـلي
عصبت اماني ورفعت صوتها : انت الي مين جااايه تنافخـي في بيت عمي ...بعدي البيت بيت عمي والغرب يطردونـا
شروق ببرود تحـرق دمهن : كـان بيت عمك الحين بيتي
بانت علامـات الصدمـه بوجيهـن وتكلمـت مرام بشك : من جـدك انت
شروق وتضحك بصوت عالي: أيـه اجل امـزح ... ما سمعتـن اخـر التطـورات ابوووي طلق عزيزة واشترى البيت منهم ونادر مات وعامر انسجن يقلون هو الي قتل اخووه .. وسامر لما درى عن اخووانه كذا انتحر وفاء انجنت وعقبال الخدم يارب
انفجـرت ايمـان من كلامها الواضح انـه تكـذب فيه ..وقلبها انقبض اتصلت على عامـر وهي تتظاهر اللامباله وحطـت على المكبـر عشان الكـل يسمعه
ايمان : هـلا عامر
عامر : اهلين امونـه مسرع ما اشتقتي لي تونـي مسافـر
ايمان بحب : والي يعرف عامر ليش ما يحبـه... وبهدوء : وفاء سافرت معك
عامـر : أيــه تبي منها شيء
ايمـان : لابس حبيت نسلم عليها انا والبنات قبل ما تسافـر
عامـر : خلاص سلامك وصل وما تقصري انت وبنات عمـي المهم انت شخبارك واخبار البنوتـه الي بطنك
ايمان بضحكة :ما عليها وزعـلانه تبـي عريسهـا وعريسهـا مسافـر ولا داري عن هوى دارهـا
ضحك عامر ضحكـه ذوبت السامعين الا هـي كانت لها انصار بالكامـل واحتراق قضى على كل شيء : ههههه اخيـر اقتنعتي ان البنت مالها الا ولد خالتهـا
ابتسمت ايمـان :أيـه لاتخاف قلت لك بنتي لك لـو الرابعـة... وسكت ثوانـي بعدها سـالت باستفسار خائف : وين اخوانك نادر وسامـر وعزيزة
قطب حواجبه بضيق : ليش نـادر لسـه ما جـاء
ايمـان : أيـه والبيت ما فـي احـد غير شروق
سكت عامر فتره ومجـرد ذكـر اسمها كافيه ان تحرك قلبه وتنهـد من اعماق قلبه ومن خلاصـه الحب المتمكـن بداخـله ومتربع على عرشـه ..وهمس بصوت واضح انه مشتاق ومتعذب بالحب الي كسـره : شخبارها شروق
ما توقعت ايمـان كلمتـه وحست بالاحراج وبسرعه قفلت المكبر وطلعت تكلمـه بـرا
الكل رفـع نظراتـه على شروق
ام هـي حست بالاحراج ومجـرد ما سمعت صـوته واسمهـا لما نطق فيه قلب كيانها وهـزها ومهمـا انكـرت حبه وكابرت لازم تضعف .. تمنت انها تلحق ايمان عشان تعـرف ايش تقوول لـه وايش يقوول لها عنها .. وليش ايمان قفلت المكـبر وراحت بعيد عنهـم
لفت عن جهـه البنات الواقفات و شافت نظراتهن غريبه عصبت ونافخت : ايش فيكم طالعـوا في كـذا
وسكـرت الباب بوجهـن وطلعت لغرفتها وبعدها جاءت الشغاله وفتحت لهن الباب
سبحان الله وبحمدة *** سبحان الله العظيم
في بيت ليلى اخت احمـد اول ما طلع من عنـد بندر جـاءت باله اختـه يمكـن تخفف عليـه الضيق الي بقلبـه تنهـد تنهيده اقوى من الاولـى من المصائب الي توالت عليه .. ماكان يفكـر بيوم ان روعـه تكون لغيرة وهو يكون الشاهد عل زواجـه واتصـال عامـر واخباره ان فارس عنده بالحجز وانا الزياره ممنوعـه عنه كله كافيه ان تكسر ظهره ..ردد بـداخـله "ان لله وانـا اليه راجعـون" شافهـا تكلم بالتلفـون ورمـى نفسـه جنبهـا بثقـل
ولمـا شـافهـا مطـوله مع الطرف الثاني تكلم وهـو متضايق : خلاص بمـرك وقت ثانـي
ليلـى مسكتـه قبل ما تقفل وهي تقوول : لحظـه احمـد الحين بقفل
بسمـه الي من يوم سمعت اسـم احمـد ماقدرت تخفي شهقاتـها وبسرعه قفلت الخط بوجهها
نـاظرت ليلى بالسماعه وبعدهـا قفلتـها وهي تقوول : حسبي الله عليك ياسيف
احمد بضيق : ايش بلاك تدعـي على الرجال
ليلى وماقدرت تخفي غضبها : الله ياخذه الحيوان ويفكنا من شره
عدل احمد من جلسته : خير ايش صاير
ليلى وهي تتنهـد بصوت عالي : والله ما حب اطلع اسـرار اهـل زوجـي بس بسمـه بنتهـم تـوها مكلمتنـي.. وحكـت لـ احمـد كل السالفـه
عصب احمـد وانتفخ عرق باسفـل رقبته : مجنون سيف كل هذا عشان تاخذ سامـر
ليلى بحزن وبداخلها رحمه لبسمه الي طوول عمرها ضائعه بين اخوانها : والله ذبحـوها بالضرب سالم ويوسف وابوها كل ما يطلع ويدخل يدعي عليها .. والحين البنت تبي توافق عليه بس عشان يقووول الحقيقة لاهلهـا ولو بقوول لسالم زوجي ماراح يصدقني ويمكن اجيب لها المشاكل وجع الراس
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك