رواية رشوا على قبري من دموع عينه -45
عند خوياه بالاستراحه يلعبون بلوت وهو باله مع اللعب ...قطع تفكيره اتصالها لانها حست انها غلطت عليه هو يحاول يواسيها ويساعدها وهي ترفض أي شيء منه وماتبي يعرف شيء عنها مع ان حبها له اكبر من كل شيء بحياتها
فيصل يناظر بالجوال ..وطنشه
ماجد: رد ياخي من متى وهو يدق
فيصل: ماني راد
ابراهيم:اجل اقفله وريح بالك
فيصل: ولاني قافله
اعلنت نغمه الرسايل عن وصول مسج ..فتحه وكان منها ..
ابعتـذر
وارسـل مـع الشـوق عـذري
يـالـي مكـانـك بيـن عينـي وقلبـي
انـا مقصـر
والظـروف اجبـرتني
وابيـك تقبـل
اعتـذاري بظـرفـي
والله مـانـي مهملـك فـي حيـاتي
لكـن حيـاتي صـدق
اتعبتنـي ..!
رد عليها بمسج
صريح لك رسلت الشوق ..
..جالك أو بعد !
ماهدا قلبي .. ولا لحظه قعد ..
كيف قلبك مستريح ..!كون لو مره صريح ..
ماوقف دمعي .. نزل مثل المطر
كل دمع الناس .. من جفني عبر
كيف جفنك مستريح ..!كون لو مره صريح ..
..{..ماأهمّك .. !
قولها لي .. مو خطا
إرحم اللي ذوّب دروبه خُطا ..
لو سمعها يستريح ..
كون لو مره
..{.. صريح ..
لا تجامل ..
لا تبرر بُعدنا ..
لك حياتك ..
لك امل غيري انا ..
هدّ حلمي .. بأستريح ..
كون لو مره صريح
اول ماقرت المسج جلست تبكي ..وتبكي
ملاك ((انت ماتدري ويش اللي فيني يافيصل ...ما ابي اخسرك ..انت الوحيد اللي بقى لي بدنيتي شلون تبيني اخسرك الروح بعدك مافيها روح ..مافيها روح )))..كتبت له المسج ورسلته
حقـي عليـك ان كـان لـك جيـت واقبلـت
تقـوم تاخـذني بـ / الاحضـان قـوّهـ
وحقـك علـيّ ان كـان لـي جيـت حصّلـت
قلـب ٍ علـى جمـر الـولهـ × ما تـأوّهـ ×
وان كـان عـنّي غبـت // واقفيـت // واشملـت
شـف نجـمي يطفـي مـن ’ الشـوق ، ضـوّهـ !
ابراهيم: ويش قصة الرسايل والاتصالات يا فصووووووول
فيصل: لاقصه ولاشيء
ماجد: مشكله مع زوجتك
فيصل : لا
ابراهيم: يالله قول ...معاها صح ...سكت فيصل
ماجد: انت لاتصر حساس ..ترى لازم تكون متفهم البنات متقلبات
فيصل: بس هي متغيره تخيل اليوم صرخت علي تقول اتركني بالحالي وانا اللي مهتم فيها ودي اعرف ويش بها واخفف عنها
ابراهيم: ياعمي كلهن كذا وشوف على طول دقت عليك وارسلت لك مسجات ويش تبي اكثر من انها حست بخطاها
فيصل: ابيها تعرف كيف ترفع صوتها علي مو انا اللي ينرفع الصوت علي
ماجد: هد اعصابك وافهم ويش ان فيها وبعدين سوا اللي تبي
صارت الساعه 3 الفجر وفيصل مارجع ...وملاك تنتظره فارغ الصبر
طلعت برا الغرفه لكن مافي فايده ..شافتها فاديا
فاديا: ملاك علامك
ملاك: فيصل اتاخر ..وادق ومايرد علي
فاديا: هذا طبعه ..ماعليك تعالي نجلس على التلفزيون عبال يجي
ملاك: طيب ..وراحوا وجلسوا وهم سكاتين ..
ملاك ((يالله هذي فرصتي اني اسئلها عن عبود )): اقول فاديا بكلمك بصراحه ولا تستحين مني او تكذبين
فاديا: قولي
ملاك: ويش رايك بعبدالله اخوي
فاديا طلت فيها: ولد ناس والف وحده تتمناه
ملاك: تحبينه
فاديا ماردت على ملاك
ملاك: جاوبي تحبينه مثل مايحبك
فاديا: ليش تسالين
ملاك: لان عبدالله بصراحه يحبك من اول مره شافك فيها يعني حب من اول نظره وقال لي اذا كان بالنسبه لك يمثل شيء بحياتك ..فهو يبي يخطبك ..واظنه قال او لمح لك على ذا الشيء
فاديا: ايه
ملاك: يالله قولي لي تحبينه او ماتفكرين فيه
فاديا: تبين الصدق احبه
ملاك: مثل ماتوقعت اصلا كنت عارفه انكم لايقين لبعض مره
فاديا حمر وجهها : ملاك اسكتي خلاص
ملاك: اخخخخخخخخص تستحين يا فاديا
فاديا: ايه استحي ...سمعوا صوت باب القصر ينفتح
فاديا: وهذا فيصل جاء يالله روحي للغرفه سوي كأنك تنتظرينه ...
دخلت غرفتها بسرعه وجلست على الكنب ..بعد مادخل وشافها انها تنتظره
ملاك: ليش تاخرت ؟؟
فيصل: مزاااااااااج <<عرفت انه مقهور منها
ملاك: طيب ليش ماترد علي لما اتصل
فيصل: ماكنت فاضي .....ساعدته بتبديل ملابسه
كانت ناويه تتكلم معاه وتتاسف منه لكن
ملاك: فيصل انــــــــ.............
فيصل : تصبحين على خير ..واتجه للسرير واتغطى انصدمت منه ومن حركته كيف يبعد عنها كذ
لحقته
ملاك: فيصل انا اكلمك
فيصل: قلت لك ابي انام ماتفهمين
ملاك: شلون يعني ناجل كلامنا لوقت ثاني
فيصل عصب شوي وقال بحده : تاجليه تنسيه سووي اللي تبين لكن انا ابي انام وبليز لا تزعجيني
ملاك حسن انه قهرها حطت راسها على المخده واعطته ظهرها وتحس انها راح تنفجر عليه جلست تبكي بصمت وهو يحس فيها لكن طنشها ...
اليوم اللي بعده
صحت الصباح وبعناد منها ماصحته للشغل ..تركته هو يصحى من حاله ..كانوا على طاولة الفطور
ام فادي وفريده ونادر وفاديا وملاك
ام فادي: وين فيصل
ملاك: نايم
فريده: طيب مو تاخر على الشركه
ملاك: امس تاخر بالنوم عشان كذا ما صحى بدري ...دخل معصب ووجهه احمر من التعصيب كلهم خافوا منه
فيصل يصرخ: ليش ماصحتيني ؟؟؟
ملاك خافت منه :.......................
فيصل: اكلمك ردي علي
ملاك: انـــــــــاااا صحيـــ.....
فيصل: لما اجي يصير خير ..
امه: طيب افطر
فيصل: سديتوا نفسي ....وطلع للشركه وهو بالطريق قهرته ملاك
فيصل ((يعني تعانديني ياملاك طيب نشوف ...تاخرت على الاجتماع اووووووووف كله منها ))
على طاوله الفطور الكل ساكت وملاك ملامحها مقلوبه ..وواضح انها متضايقه
نادر يصرف نفسه: الحمدلله سفره دايمه ...وطلع غرفته ..وملاك بدون أي كلمه طلعت لغرفتها ام الجناح الخاص فيهم
فريده: صدق يمه ولدك ذا ما يراعي مشاعرها كيف يصرخ عليها قدامنا كذا
فاديا: حرام عليه كان اخذها بالغرفه وطلع كل اللي فيه مو قدام اللي يسوى واللي مايسوي
ام فادي: الله يهديه بس هذا اللي اقوله
اما بالنسبه لملاك فكانت تبكي بغرفتها ..ونامت بعد ماحست بالتعب يباغتها مره ثانيه
جاء الظهر ..هو وابوه
فيصل: انا بطلع لغرفتي
امه: والغداء
فيصل: ما ابي شبعان ...وطلع لغرفته ..ودخل وهو ناوي نيه لملاك شافها نايمه بسلام تردد يصحيها او يتركها نايمه
حست بحركه بالغرفه صحت وشافته
ملاك: فيصل ...انت جيت
فيصل: لا لسى بالمكتب ...ويش رايك انتي <<حست انه يتمصخر عليها ودها تخنقه ..وقفت واخذت بجامتها والمنشفه ودخلت الحمام..وكان واضح عليها التعب سمع صوت كحتها بالحمام بس ماهمه
لما طلعت كان وجهها اصفر ..جلست على الكنب لكن هو مطنشها ومركز على الاب توب وشغله فيه
قررت انها تطلع لخالتها او أي احد ..لما وقفت حست بدوخه خفيفه ..تمسكت بطرف الكنب لاحظها لكن ماتحرك ...مشت شوي وطاحت ..وقف وركض لها
فيصل: ملاك حبيبتي ويش فيك ؟؟؟
ملاك: هاه ..لا ولا شيء بس دوخه جتني فجاءه
فيصل : تبين اودي المستشفى ملاك: لا مايحتاج بس وصلني للسرير ابي ارتاح
فيصل: اجل بدق على دكتور يجي يشوف
ملاك: لالا انا بخير مجرد تعب ويروح ...شالها وحطها على السرير ..وراح لامه اللي جات معه وهي خايفه عليها
ام فادي: ملاك يا بنتي ويش فيك
ملاك: ولا شيء يا خالتي بس ارهاق لي يومين مانمت
ام فادي: لازم نوديك المستشفى
ملاك: لا ياخالتي انا بنام وان شاءاالله اكون زينه واذا صحيت وانا تعبانه اروح
ام فادي : اللي تشوفينه ..فيصل اجلس يمها شوف ويش تحتاج
فيصل: ابشري يمه ..طلعت امه وتركتهم
فيصل: خليني اوديك
ملاك: قلت لا
فيصل :يعني عشان انا اللي ابوديك معترضه
ملاك: مو هذا السبب بس انا عارفه ويش فيني قلت ارهاق ويروح بس ابي انام
فيصل يحط البطانيه عليها : طيب نامي ..
ملاك ((ماحسب جاته من الله )) طنشته ونامت لانها مرهقه
قامت العشاء وحست نفسها احسن ..وتحسنت حالتها كثير
ام فادي: الحمدلله وجهك احسن من الظهر
ملاك: قلت لك ياخالتي ارهاق ويروح
فريده: انتي لاترهقين نفسك
ملاك : لا الحمدلله ماني مرهقتها ولا شيء
>>(( بعد سنه ))<<
فارس: يا ابتهال وين الغداء
ابتهال: ياحبك للعجله ...اصبر شوي
فارس: ياله جوعااااااااااااااااان
ابتهال: طيب طيب
ببيت ابو محمد
ابو محمد: مضاوي وين مهند
مضاوي: نايم
ابو محمد: كان ودي العب معاه
عبدالله: والله انه صك راسي بالبكاء توه نام
ثامر: الله يعيننا عليه
مضاوي: هذا اخر العنقود
ابو محمد : لازم ندلعه
ببيت فراس
مشاعل: آآآآآآآآآخ
فراس: سلامتك من الاخ
مشاعل: ولدك ذا بيذبحني بالترفس حشى هو بطني يرفس كيف اذا انولد
فراس: ههههههههههه يلعب تكوانود
مشاعل: يمكن ليش لا
ببيت محمد
وصايف : ميشوووووووو ساررررررررررري ..وينكم
مشاري: ماما احنا عند بابا على الثرير ((السرير))
وصايف: محمد انتبه لساري لا يطيح
محمد يلعب ساري ويرفعه فوق للسقف : لاتخافين هو بايدي امينه ..دخهلت الغرفه وشافته يرفعه وينزله
وصايف: تصرخ : حرررررررراااااااااااااااااااام عليك هذا بعده صغير
محمد: العب معاه
وصايف: هذا بايدي امينه الله يخلف عليك بس
اما بالرياض
كانت نايمه...دخل فيصل ..وبدل ملابسه .وقرب منها وشافها نايمه
فيصل يبوسها على جبينها : نوم العوافي يالغلا ...مسح على شعرها
بعد صلاة العشاء كانوا الكل مجتمعين بالصاله ضحك وسوالف ومقالب
فجاءه سمعوا صوت فرامل سياره عند باب البيت ...
ابو فادي: من جاي الحين
انفتح الباب بكل قوه ارتجت اركان البيت من قوة الفتحه ...ودخل فيصل مثل الثور الهايج او مثل الاعصار اللي يشيل أي شيء في طريقه ما يميز ابدا باللي حوله ...الكل مستغربين من دخوله وشكله اللي يدل على ان في شيء كبير ورى كل هالهيجان والثوره
فيصل بصوت يهز اركان البيت : مـــــــــــــــــــــــــــــــــــــــــلاك
ملاك: نــــعم... ويش فيك فيصل ..شنو صاير
فيصل يمسكها مع شعرها : يعني ماتدرين شنو صاير
ملاك : آآآه فيصل اتركني ...فهمني ..ويش فيك
ابو فادي : فيصل ..ويش قاعد تسوي اتركها ..
فيصل كان صوته يشبه زئير الاسد : انا وزوجتي ما احدي دخل بيننا
امه: طيب علامك معصب كذا
ملاك تبكي: اتركني ..اتركني
فيصل يسحبها مع يدها ويجرها للغرفه حقتهم : امشي امشي معاي يا حقيره ...
ملاك تبكي : ويش سويت انا قولي
فيصل يركض مع الدرج ..وهو ماسكها بكل قوته: قلت امشي وبالغرفه تعرفين
الكل مندهشين من تصرف فيصل مع ملاك ..اول مره يكون فيصل كذا اول مره يمد يده عليها ويسبها ......ملاك اللي قطعه من روحه حب عمره ملاك اللي عصى اهله عشانها ..اللي حلف مايتزوج غيرها هي اللي كانت عايشه بقلبه وباله ويش سوت خلته يكون منفعل لهذي الدرجه
بالغرفه ...اول مادخل مع الباب سحبها ودفها لدرجت انها كانت بتطيح على ورى لكن ربي ستر
ملاك ودموعها على خدها: فيصل ويش في ...ماصحت الا على كف من فيصل وطلعت منها صرخه لاشعوريه من قوه الكف اللي حست انه كسر عظام فكها السفلي
فيصل صرخ بوجهها : ويــــــــــــــــش ذا ؟؟؟؟
كانت مصدومه كيف طاح بيده ....كان محافظة عليه لدرجه ان ما احد كان يعرف عنه شيء غيرها
فيصل : ردي علــــــــــــــــــي ...ويـــــــــــــش ذا ؟؟!!!!!
ملاك: هــ........هـــذ....هذا ...
فيصل: ايه هذا ..قولي ويش
ملاك قامت تبكي وجلست على الكنب خلاص اللي كانت خايفه منه صار صار لكن كان اشد من ما كان تتوقع ماتوقعت ان ردة فعل فيصل بتكون كذا ...هنا انتهى مشوارها معاه
ملاك : خلاص اكيد عرفت شنو ذا
فيصل: ايه عرفت ...لكن اللي ما اعرف ليش خدعتيني ...ليش كذبتي علي .
ملاك: مو بــيدي ...صدقني مو بيدي
فيصل يمسكها مع كتفها ويهزها : اجل بيد مين .؟؟...بيد مين ...!!!هذ اخرتها يا ملاك ...هذي اخرتها بعد كل شيء كان بيننا اكتشف انك كذابه ....كذبتي علي ليش شنو السبب ؟؟؟
ملاك: ما ابــــــــــــــــي اخسرك ..ما ابيك تعرف ويش فيني ..واخسرك خفت افقدك او انك تطلع من حياتي وانا ما ابي هالشيء يصير
فيصل:عذر اقبح من ذنب .... لو قلتي لي كان اتعلق فيك اكثر لكن الحين ...طــــــحتــــــــي من عيــــــــــــني ...وقل مقدارك بقلبي
ملاك: فيصل تكفى ..تكفى سامحني
فيصل يطالعها باحتقار : اسامحك ...احمدي ربك اني ما طلقتك ...بس مستحيل نرجع مثل اول
ملاك قامت تبكي بهستيريه وتترجاه : تكفى يا فيصل ..
فيصل : ماعاد لك مكان بقلبي ....انسي كل شيء بيني وبينك
ملاك : لــــــــــــــــــــــــــــــاـــــــــــــ يا فيصل لا
فيصل : انــــــــــتي .....
ابوه : فيـــــــــصل لاتقولها يا بوك
فيصل مسك اعصابه ...وقام يطالعها وهو مقهور ...وملاك ميته من البكا
امه: ويش صاير بينكم يا يمه
فيصل: هي تدري شنو سوت
ملاك تصارخ عليه : انت اناني ...انا افكر فيني وفيك ..وانت ما اتبي الا مصلحتك ..ماتبي الا اللي انت ودك فيه
فيصل : الحين انا الاناني انا ...او انتي
ابو فادي: اذكروا الله ولاتخلون الشيطان يدخل بينكم
فيصل: الشيطان هي اللي سمحت له يدخل بيننا ..كان كلامه يقتلها ...يطعنها بقلبها
ملاك: طلقني .....طلقني
فيصل يطالعها: اصلا النفس عافتك بعد سواتك ...وطلع وتركها بالغرفه وابوه وامه يلحقونه
ملاك ((آآآآآآآآآآآآآآآه ياقلبي هذا اللي كنت خايف منه صار ..صار وماعاد لي مكان بقلبه ..يارب ليش ليش كل ماحبيت شيء ما يكتمل معي ...آآآه )) اخذت شنطتها وحطت ملابسها ونزلت
فريده: وين رايحه ياملاك وين
ملاك: بروح المدينه ...انا مالي قعده هنا
فيصل : اذا طلعتي من هنا ..اعرفي ان مالك رجعه لهنا ابد
ابو فادي : صلوا على محمد ...وانتي يا بنتي هدي اعصابك وخلونا نحل المشكله
ملاك: انا قلت مالي قعده هنا ابد ...انا وراي اهل ..وماترضيهم سواتف يصل ومد يده علي
فيصل: ومايرضيهم سواتك السوده
امه تبكي: يايمه يافيصل لا تحرق قلبي انت ولدي وملاك بنتي ..ويش بينكم خلونا نحل المشكله يمكن المشكله ماتستاهل كل هالشيء اللي صار
فيصل بقهر وهو مولع : ماتبي شيء يربطنا ...هذي الكلمه قتلت ملاك
ابوه: ويش قصدك ؟؟؟
فيصل : مـــــلاك ماتبي مني عيـــــــــــــــــــــــــــــــال
***************************************
البارت التاسع والعشرون
وتبقى [ صرخة ] الدهشه
تتـرجم للأسى عـنوان ..
تترجم ~ صدمتي ~
بـ إنسان هقيته / مخلص و وافي /
امه تبكي: يايمه يافيصل لا تحرق قلبي انت ولدي وملاك بنتي ..ويش بينكم خلونا نحل المشكله يمكن المشكله ماتستاهل كل هالشيء اللي صار
فيصل بقهر وهو مولع : ماتبي شيء يربطنا ...هذي الكلمه قتلت ملاك
ابوه: ويش قصدك ؟؟؟
فيصل : مـــــلاك ماتبي مني عيـــــــــــــــــــــــــــــــال
ابوه منصدم : ويش قصدك يا فيصل
فيصل يطالع ملاك بكره ويطلع حبوب منع الحمل : هذا الدليل ...حبوب منع حمل ما تبي أي شيء يربطنا
الكل:...!!!!!!!!!!
ملاك تبكي : انا ما ابي منك عيال ...انت عارف اني ميته واجيب لك عيال
ام فادي انقهرت: كافي تمثيل يا ملاك اكيد كنتي طمعانه بفيصل ...نزل هالكلام على ملاك مثل الصواريخ
فيصل : من متى وانتي خادعتني ..من متى وانتي تمثيلين دور البريئه
فريدة وقفت بصف ملاك: بــــــــــــس ويش تقولون انتم ...على طول هاجمتوها ماعرفتم ليش سوت كذا ويش السبب؟؟؟
فيصل : يالله ننتظر جوابها والا مالها عين بعد اللي سوته تتكلم
ملاك: حـــقير ....طول عمرك حقير ...وطلعت لغرفتها تبكي ...ما تدري ويش تسوي تكلم أهلها يجون لها أو تصبر وتذل نفسها كانت بحيره ..حيره فظيعه
ملاك ((هذي النهايه هذا أخر الطريق ..تردد على أذنها كلمات فيصل
{ طــــــحتــــــــي من عيــــــــــــني ...وقل مقدارك بقلبي }
{ مستحيل نرجع مثل اول}
ملاك ((ليش ماتفهمني ليش ...أنا سويت كل ذا عشاني وعشانك ...ليش كل شيء ضدي بهالدنيا ...أنا لازم ما أذل نفسي لهم ..لازم ))
دقت فريدة الباب ...ودخلت ..وشافتها بحاله يرثى لها ضامه مخدتها لحضنها وتبكي وشهقاتها يتردد صداها حست ببرود يملئ الغرفه كل شيء جامد
فريدة : مـــــــلاك
ملاك: اتركيني يافريدة ...((وتشهق ))...خليني بروحي
فريدة: طيب انـــ...
ملاك: خلاص قلت لك اتركيني لا تضغطين علي كافي اللي فيني
حزنت عليها وكرهت اخوها كيف يطنعها تخيلت نفسها بمكانها وهي اللي تعاني بمعاناتها صحيح مايعرفون السبب اللي اضطرها لكن هي متاكده انها انغصبت على ذا الشيء
دخلت غرفتها وهي حزينه بدت المشاكل تقتحم حياتهم ..مابقى غير اقل من شهر على زواجها وكل يوم تطلع لهم مشكله جديده ..كيف راح تكون سعيده بزواجه واهلها بدت الاعاصير تدمر حياتهم ..شلون بتكون احوالهم وهي بعيده عنهم
فريدة((ويش اللي قاعد يصير ...اللهم لا اعتراض ..يارب دلنا على الطريق الصحيح ))
اما بالنسبه لفاديا كانت جالسه بغرفتها ...وهي تفكر باللي صار ..وقلبها مع ملاك وعقلها ضدها ومع اخوها ماتدري كيف تفسر اللي صار تحس انها بدوامه مالها نهايه كل شيء فيها ظلام ..ومفتاح السر عند ملاك هي الوحيده اللي تقدر تكشف كل شيء ....فجاءه خطر ببالها وارتجفت اطرافها كانت خايفه تخسره وتخسر حبه لها اكيد اذا عرف باللي صار واللي سواها فيصل مع اخته ماراح يسكت وراح يكون مع اخته قلبا وقالبا حتى ولو اضطر انه يدوس على قلبه وحبه
فاديا والدمع متجمع في عينها (( اكيد راح يكرهني ايه ...راح يكرهني ..لاني اخت فيصل لا ما ابي اخسره انا احبه وتعلقت فيه ؟؟!!....آآآآآآآآآآآآآآه خلاص راسي راح ينفجر من التفكير ...))
بفرغه ابو فادي
راشد: تهقين ليش سوت كذا ياهناء
هناء: مدري والله مدري بس هم لهم اكثر من سنه وست شهور متزوجين ...ويش اللي خلاها تخبي هالموضوع الفتره ذي كلها
راشد: ماندري عن ظروف البنت ..يمكن بينها وبين فيصل مشاكل وما احد منهم يبين
هناء: بس مو معقوله سنه وهم يخبون علينا لازم نكون حسينا
راشد: والله مدري ولدنا ذا بيذبحني ...اخ بس
كان طالع مايدري وين يروح او لمين يلجا يحس نار بجوف وحقره والم يعتصر قلبه ماكان متوقع ذا الشيء الا ذا الشيء ماخطر بباله ابد ...لان الحب اللي بقلبه اكبر من هالإشياء تصير بينهم ..كان يفكر ويفكر
ليـــــــش؟؟؟ كـــيــــــف ؟؟؟ مــتـــى ؟؟وويـــن ؟؟
فيصل ((ليه يا ملاك ويش اذيتك انا فيه عشان تجرحين هالجرح ...والله غير اخليك تندمين على سوات هذي ..راح اخليك تذوقين طعم الالم والجرح ...حتى لو كلفني اني ادوس على قلبي وانسى كل اللي بيننا
يلعنك قلبي .. والأحآسيس تلعنك ..!!
ويلعنك دمع صــــآدق لك نـثرته ..
جننتني يآ جعل ربي يجننك ..
لآ وآحسآفه ليلي اللي سهرته ..
بالنسبه لملاك
كانت منهاره من البكاء ..تبكي على سريرها مر ليلها بين الدموع والالم ..تشوف مكانه خالي ..وتحس بالكره تجاهه ..ماتدري بويش ودها نفسها تفهمه كل شيء لكن تفاجئها الافكار بانه مستحيل يصدقها او يتقبل عذرها ..لحظة تامل نفسها بانه يحبها وراح يسامحها ولحظة تتذكر نظرات الكره والحقد اللي كانت بعيونه وتتحطم امالها وكانها سراب عابر
فجأه ..انفتح الباب ..ودخل فيصل ...فز قلبها بداخلها ..فرحت انه جاء ...لكن ما عدت ثواني ..الا وتبعثر كل شيء بداخلها ....تقابلت نظراتهم ..نظراتها كلها انكسار وترجي وعيونها تتامله وتطلبه السماح
اماهو قلبه اصبح حجر او اشد قسوه من الحجار يجاوبها بالحقد
فيصل بشده وقسوه مامرت عليها ابد : خلاص عـــــافك الخـــاطـــر
سهم صاب قلبها الجريح وزاد الالمها الم كلمته حسستها بالاهانه وانعدم الامل عندها بالرجوع له
اخذ ملابسه واغراضه ونقلها لغرفته الثانيه ...وطلع وتركها تبكي ...وتبكي ...نامت بعد طلوع الشمس لكن للاسف ما حست بدفا الشمس ..ااجتاح البرد عالمها ..واكتسى الثلج ارضها ..
اليوم اللي بعده
بالمدينه
عبدالله: يبه
ابو محمد: هلا
عبدالله: يبه ويش ابيك تخطب لي بنت ابو فادي
ابو محمد: بنت ابو فادي ...مو بتتزوج
عبدالله: لا في وحده اصغر من اللي بتتزوج
ابو محمد: بس ياولدي اخاف يرفضون وانت تعرف البنت طول عمرها عايشه بعز ..وانت....
عبدالله: يايبه الفلوس ماهي كل شيء وبعدين الحمدلله انا مكون نفسي وعندي بيت ومتوظف ولله الحمد يعني مانقصني شيء واهم شيء الاخلاق
ابو محمد: والله مدري يا ولدي
عبدالله: تبيت خطبها لي او لا
ابو محمد: يصير خير
عبدالله: يبه حنا بنروح نحضر زواج بنته وبعدها خلنا نتكلم بذا الموضوع معهم
ابو محمد: على بركه الله اذا رحنا نكلمهم ..واذا كان لك نصيب فيها راح تاخذها وماحد ياخذ غير المكتوب له
عبدالله: الله لايحرمنا منك ياتاج روسنا
ابو محمد: ولا يحرمني منكم انا اسعد الايام عندي يوم اشوفكم كل واحد فيك مكون له بيت واسره وعايش بسعاده
عبدالله: كله من فضل الله ثم فضل رضاك علينا
ببيت لمياء
لمياء: ناصر ودي اروح لملاك اليوم ويش رايك توديني
ناصر: زين بس حاكيها اول يمكن تكون مشغوله
لمياء: اوكي بكلمها واشوف ...دقت على جوال ملاك لقته مغلق دقت مره ثانيه وثاله وعشره لكن مافي فايده نغزها قلبها حست ان صاير لملاك شيء
لمياء: من متى وانا ادق من العصر وجوالها مغلق والحين الساعه عشر باليل ومافتحته غريبه عليها
ناصر: يمكن طالعه او جوالها خربان
لمياء : اجل بكلم فيصل ....ودقت على جوال فيصل
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك