رواية دموع رجال معاريس -44
زياد:الحمدلله يمكن يكتبلها الدكتور خروج اليوم
محمد:يعني بتطلع الحمد لله على سلامتها
زياد:الله يسلمك
تحمدوله اخوانه بسلامتها
محمد:انت مانمت
زياد:شويه الا انتوا داخلين الا وين اروى
*انا يييت
لف لها زياد
زياد:هلا بالمزعجه
اروى:انه مزعجه حراام عليك اقول بس وخر عن البنت ترااك كتمتها بريحتك
زياد:لا والله البنت بنتي ومتقبلتني بكل حالاتي
*السلام عليكم
لفوا على مروه اللي دخلت وردوا عليها السلام
زياد:هاه شوفي الهدوء والبراءه
مروه:ههه وانتوا عادكم ماتجلسون بمكان الا متناجرين
محمد:ههه الله يهديهم
مروه:شحالها خالده الحين
زياد:بخير الحمدلله
سامي:طب لييه نايمه متى بتقوم
زياد:توها غافيه ولا من امس طول الوقت تصيح
محمد:كليت لك شئ
زياد:لاء والله على لحم بطني من امس الفطور فطورهم هنا استغفر الله
محمد:طب انزل اشترلك شئ تاكله لاتجلس على جوعك
زياد:خلاااص انا بروح خلكم عندها
اروى نقزت:بروح معاك
زياد:حيااك
طلعوا كانوا يمشون مع بعض ويسودهم الصمت القاتل محد منهم يتكلم على غير العاده
اروى حاولت:اقول زياد شو رايك بالعيد بالمزراع
زياد ابتسم:نحنا كل سنه عيدنا هناك
اروى:كل العيدين
زياد:لاااه بس عيد الفطر"طالعها"تبين تاكلين شئ
اروى هزت راسها بلاا
زياد طلب له وجلس مع اروى في السياره ينتظر الطلب
اروى:زياد سولف ليه انتى جي
زياد طالعها سكت لوهله ثم قال:اروى بقولج شئ
اروى:شوو
زياد:ماابي هالشي يطلع من بيننا
اروى:تامر امر
زياد لف عليها:لو احد حاول ياخذ منك ضناك راح توافقين وتتنزلين عنه بسهوله
اروى:انه لوكان عندي طفل مابتنازل عنه ومابخليه انا تعبانه فيه واروح اتركه
زياد :طب اللي تتنازل عن وطفلها شو بنظرك
اروى:اما ان ماعندها قلب ولا اصلاا هالولد ولد حرام وماتبي تبتلش فيه
زياد سكت وهو منزل راسه:...
اروى:زياد انت من تقصد طليقتك
زياد هز راسه باي..
اروى:طب هي الخسرانه مو انت انت الرابح
زياد:امس يوم كنت مع بنتي بالمستشفى حسيت بالخوف يعني لو خذتها مني شممكن يصير لي تدرين يااروى كانت تبي تذبحها يوم البنت في بطنها
اروى:ايش
زياد :والله بس ربي سلمها تخيلي اخر شئ رمت حالها من الدرج لاكننها ولدتها بدال ماكانت تبيها تموت هي كل اللي ماتبيه ان الطفل يكون منني انا
اروى:واهلها وينهم عنها
زياد:اهلها مايدرون كانت يتصل علي حبيبها"وابتسم بسخريه"ويقول انه رااح يقهرني بولدي وكيذا
اروى:بس يااخوي ماعلمتهم انت لييه
زياد:كان بفترها ابوها تعبان وابوي بالامارت عندكم
اروى هنا ابتسمت :زياد مممكن سؤال
طق حق المطعم الدريشه خذا زياد طلبه وحرك سيارته
زياد:وش؟؟
اروى:لييه تنادي محمد بيبه يعني عسب انه يشبه لبويه
زياد طالعها مستغرب من تحليلها:لااا ابدا مافكرت كذا بس من ونا صغير ماعرفت ابو غيره هو اللي رباني وكبرني تدرين اروى انا ماعمري شفت ابوي
اروى:ماعمرك شفته؟؟
زياد:اييه كنت اتمنى اشوفه واجلس معه بس ربي ماكتب لي هالشئ
اروى سكتت لحظه بعدين:يعني انتى الحين تنادي محمد جي عسب جي
زياد:اييه
اروى:تدري زياد لما اسمعك تناديه كذاا بخاطري اناديه بس اخاف
زياد:من شنو
اروى:زياد هالكلمه انا مانطقتها من سنين ويوم شفت محمد اخوي اول ماشفنها انفجعنا كان ابوي قدامنا انا واروى وسراب كل وحده فينا حست هالاحساس
زياد ابتسم ووقف السياره على البحر وفتح الاكل وجلس ياكل شوي حس بالراحه صحيح الكلام اللي مع اروى كان قليل بس كان له اثر بنفسه
مرت الايام عليهم واليوم اول ايام عيد الفطر
محمد:ضاري والله ان ماييت تراا ابويه زعلانه لاتزعله عليك زياده
ضاري:محمد صعبه وربي صعبه
محمد:ضااااااااااااااري الحين نحنا بعيد انزين وين بتسير يعني الكل هني
ضاري:محمد انه ماجفت امايه ولا ابوي من يوم السالفه تباني الحينه ايي ولاجنه شئ
محمد:ضاري عيد فرصه تصفي نفوسهم عليك انتى وينك الحين
ضاري:انه بالشارع يالس احوط
محمد:انزين اسمع رمستي..
بالاسترااحه حقت اليد
كان الطق يشتغل في الغرفه اللي فيها البنات
غرام:بنااات لييه ماتتحمسون يلااا رقصوا نحنى بعيد
مروه:انه عندي عذري
ملك:وانه
غرام:وانتي ارووه
اروى:انه غروم انتي تعرفين اني مااعرف ارقص
منال بدون مقدمات اول ماجات "اغنيه مايطيق صبراا"
نقزت ترقص والبنات من نقزتها ضحكواا وهي ماعليها منهم
كانوا من زمان ماضحكوا هالضحك
احلام قامت تأزر اختها وهم يرقصون نفس بعض
عبير دخلت عليهم وطالعت فيهم واعجبتها السالفه دخلت لاكنها دخلت وهي تلفح بشعرها ومستانسه مو توها مسكره من سعد
غررام:ايووووه عاشو
اروى وهي تصفق:يلاااا عاشوا بنات سعد وعاشت بنت محمد
كان الجو حماسي الحريم الكبار جو وشافواا البنات اللي يرقصون وقاموا يصفقون لهم فرحانين وكل وحده تتحلى على بنتها
حصه ونوره كانواا جايين من براا شافو هالهيصه دخلوا بيشوفون الا احلام جرت نوره معها نوره كانت مستحيه لاكس شتسوي خلاااص طاحت بالامر الواقع
شوي وخلصت الاغنيه
صفقواا لهم بحماااس الحريم وجلسواا معاهم يمكن في طقه ثانيه وترقص وحده ثانيه
عند الرجال
*ههههههههه والله لو انه فلم
ماجد سد فم طلال:اششش الحينه بيسؤلونا شو مستوي
طلال:خخخخ مره ثانيه اذا تبي واسطه ماله داعي تكلم اختي فاهم كلمني انه
ماجد كش عليه:هااااك انه اصلااا غلطان اني قلت لك الرمسه
طلال:مصدق حالك بخليك من غير مااعرف الرمسه
ماجد اغتاض منه:اقول اسير اتنفس هواء طلق ابرك لي
طلال:لاتنسى تسوي تققطسات
ماجد مالتفت له وطلع لبرا وهو يمشي لفت عينه محمد اللي متوجهه للباب الاستراحه طالعه
محمد فتح الباب وطل منه
محمد:ضاري يلااا
ضاري:السلام عليكم
محمد:وعليكم السلام
ضاري:هاه وهذا انه يييت
محمد طالعه وطالع اللي لابسه:احين بالله عليك هااي ملابس لاول ايام العيد
ضاري كان لابس بنطلون اسود وعليه بلوزه بيضه ومو مبين انه بعيد
ضاري:محمد تر...
محمد جره من يده ودخله من الباب اللي يودي على غرف الشباب
محمد عطاه الثوب اللي معلق
محمد:البس وانه بسير بعطيه الخدامه تكوي لك الغتره
طلع محمد وضاري خذا املابس ودخل الحمام بدل وطلع بقى الثوب معلق انسدح شوي اذا جا محمد بيلبس مره وحده مع الغتره والاخ ماحس بنفسه الا نايم
دخل محمد مره ثانيه شاف ضاري اللي نايم قرب منه وجلس علىحافه السرير طالع فيه الله يالفرق ضاري اللي اول ماشفته وضاري اللي احين احين هذا خيال ضاري الوجهه شاحب ونحلان والعيون تحتها سودا لحيته طالعه شفايفه جافه
محمد هزه :ضاري
ضاري اللي يحس انه بحلم طالع بمحمد على طول حا بباله حمد ابتسم ولف على الجهه الثانيه
محمد:ضاري يلاااا قووم
ضاري :...
محمد هزه بقوه اكثر:ضاااري يلاااا قوم
ضاري طالع بمحمد وبهس نعسان:محمد
محمد:هييه يلااا قوم
ضاري جلس وهو يتثاوب:هاه خلصت
محمد:انت لييه مالبست يلاا قوم البس عسب ننزل تحت
ضاري قام يلبس الثوب وهو نعسان النوم مقطعه لبس وخلص وجلس
محمد:وووين لاتيلس يلاااا قوم بنسير نييب الغتره ومره وحده نسير تحت
نزلوا مع بعض اول من شافتهم ام حمد طالعت في ضاري ولفت عينها طلعت من الصاله قبل مااحد يحس
ضاري تضايق:محمد طلعني من الباب الللي مساعه ماابا اطلع من هنيه
محمد:ضـ
ضاري والدمعه بعينه:تراا وربي لارد الغرفه ومااسير ويااك
محمد طالعه كانه بزر وهو يتكلم لييه ضاري صاير كذا طلعوا من الباب اللي من ورا
محمد:ضاري شوفيك
ضاري كان يلبس الغتره:مافيني؟
*هههههههههههههه اروووه يالخبيله تعالي هني تعــ..
ماحس ضاري الا باللي صقعت فيه وطاح على الارض وطاحت عليه ماحس الا بنفاسها الحارقه على رقبته وريحه عطرها اللي صكت راسه
ثم رفعت راسها وشوي شوي انفاسها ترقى لين وجهه
فتح ضاري عيونه وغرام بعد الصدف لاعبه لعب في هالاثنين
أغلى الصدف صدفةٍ ويّاك تجمعني
من عالم الغيب رب الكون سايقها
الله لا يجيب يومٍ فيك يفجعني
ولا يعيدها ساعةٍ مانت بدقايقها
يا علّ يومي قبل يومٍ يروعني
فيك أنت ياساكن أفكاري وسارقها
قل لي بربك منوعقبك يقنّعني
والله لو أعطوني الدنيا ومشارقها
إحساس قلبي على شوفتك يدفعني
وخطى المشاعر تسابقني واسابقها
أحس بالكون لا من جيت يتبعني
من فرحتي ترقص الغيمه وبارقها
وأن غبت عني صدوف الوقت تلفعني
والهم كاتم على أنفاسي وخافقها
ترى بعادك على كبدي يلوّعني
ويلوّع أقصى عروقي من مدافقها
وعيونك النجل تسرقني وتخدعني
جذّابة وناعسه سبحان خالقها
الحسن عيّا يروح وتشتكي دعني
كالظل من وين ما حلّت يلاحقها
دايم هواها معي وأن جعت شبّعني
عنقودةٍ والدلع كاسي عواتقها
ما غيرك أحد ٍيا جاره بالحكي أعني
ياللي الدلع والحسن عيّا يفارقها
ياليت قلبك إذا ناديت يسمعني
يا من سناء البرق لخدودك مصادقها
وياليتني دمعة وعينك بتدمعني
أنساب عالخد وأنفاسك تصافقها
شوقي الى من نويت أبعد يرجعني
عن نن عيني غصب أرجع واوافقها
عيّا فوادي عن اللوعه يطاوعني
والنفس تعشق معذبها وخانقها
من وين ماهب ريح الشوق يصفعني
موج يحزّ الكبد بأقصى معالقها
الخوف لاهاج بحرالعين يبلعني
ويتوه مركب غرامي في مغارقها
مادري وش اللي مصبرني ويمنعني
وأنت الذي متلف أعصابي وحارقها
إن كان حدّك حياك ... فهمّ يردعني
نفس الحياء اللي كسى نفسك وعانقها
نسيت أقول لك أحبك يووووووه يقطعني
يأغلى صدفه ورب الكون سايقها 0
وماعرف شيسوي غير انه يطالع فيها وهي بعد ضاري حس على نفسه ودفها عنه ورفع نفسه وطاحت الغتره من راسه
ضاري وهو للحين ماشال عيونه عنها:آسف
غرام وهي بعد ماهي قادر تبعد عيونها:انه اللي آسفه
*غراااام
لفوا على اروى اللي كانت تنادي غرام غرام قامت بسرعه قبل لاروى تشوفها وركضت لداخل
ضاري لازال على الارض للحين مو قادر يسيطر على نفسه
محمد نزل لعنده:ضاري
ضاري طالعه:عرفت لييه ماابا ايي هني عرفت لييه
توه بيقوم الا محمد مسكه:ضاري وين بتسير
ضاري:لوين ماابا اسير مالك شغل
محمد مسكه قبل لايمشي وجلس معاه تحت الدريشه بالحوش
محمد:ضاري انه اخوك صح
ضاري طالع محمد وسكت
محمد:ضاري حنا اخوان صح ضاري ليش انقالت كلمه اخوان لانك لما تتالم تصرخ بآآخ تناديه يشاركك همومك ضاري"مسح على راسه"ماابا هالبعد مبينا
ضاري:...
محمد تنهد:ضاري..
ضاري بصوت مبحوح:محمد انه ماابا اضايق احد امايه لما اجوفها واشكي لها محمد انه ابجي تبجي ويايه ماابا اضيق عليها قبل لما ابا ارمس ايي لحمد اخويه لاكن حمد ...حمد..
محمد ربت على كتفه:وانه مو اخوك ياضاري
ضاري طالعه ثم حضنه وصااح وشكى همه لاخوه اللي بيرافقه الدرب
.................................
احمد:سعد من صدقك
سعد:اييه
احمد ضحك:هههه وربي انك صدمتني
سعد:آآآآآه حمود احبهااااااااا
احمد حط يده على فم سعد:اسكت لاتفضح نفسك
سعد:انا مفضوح مفضوح
احمد:اقول بتروح تعايد على عمك
سعد:اكيد لازم اروح
بدر وهو جاي:هاه بتروحون تراا الشعب الحين بيروح
سعد:يله سرينا
راحوا للاستراحه اللي جمبهم هي استراحه الجد جاسم وجلسوا كان الكل فرحان بعد مالتمت عايلتهم من جديد
سعد قام بيسوي تلفون وكان يتصل وهو يسمع حس البنات بجمبه لف الا كانت الدريشه مفتوحه وفي وحده مشغله المسجل وترقص
حلوه والوجه فتان انتي احلى بنيه
ماخلق مثلك انسان يتبع البدر ضيه
من يشوفك يافتان والخدود النديه
يذكر الله الرحمان رب الكل البريه
الطيب والذوق والحنان والاخلاق السجيه
كلها بقلبك عنوان ميه والله ميه
العين عين الشيهان والنظره قالت هيه
العنق عنق الغزلان لا والله احلى شويه
طالع شويه ثم لف عيونه يالله شقد تجنن وتخبل هالبنت رفع جواله ودق مره ثانيه حس بجوال عنده لف الا اللي بالغرفه سكرت المسجل وخذت الجوال وهي فرحانه
عبير:الوه
سعد منصدم:عبير
عبير مستغربه:هييه سعد شوفيك
سعد حس راسه يدور تسند علىالجدار:عبير طلعي براا
عبير:برا وين
سعد:بالحديقه
عبير:دقايق
عبير طلعت بسرعه حست بصوته شئ غريب وقفت قدامه وهي معطيته ظهرها
عبير:شوفيك سعد ارمس
سعد نزل الجوال:عبير
عبير خافت ولفت طالعت في اللي واقف وراها ونادها خافت وتوها بتركض الا مسك يدها
سعد:انا سعد
عبير تهز راسها بلاا ودموعها تعلن نزولها لانها عارفه اللي قدامها مين اللي قدامها ماهو الا ولد عمها وبنفس اللحظه الشخص اللي تحبه
.............................
مجاهد كان مع جهاد بالسياره قاله جهاد عن سالفه ضاري وانه خطب غرام
مجاهد:شووووو؟
جهاد:شوفيك مجاهد
مجاهد:جهاد انتى تقصد ضاري ولد خالي ماغيره
جهاد:هييه
مجاهد:وانت شوقلت
جهاد:انه يدي رمسني وتخيل رمس قبل ياسمين وطلعت موافقه
مجاهد:بس انه مو موافق
جهاد:لييه
مجاهد:جهاد ضاري يحب غرام وانه مستحيل اهدم حلمه
جهاد:حلمه مجاهد انتى شو يالس تقول ضاري بنفسه هو اللي قال اباها
مجاهد:لاتنسى انه الحينه فاقد الذاكره ولماترد له ذاكرته شو بيستوي
جهاد:طب شو نسوي مجاهد انتى تعرف يدي
مجاهد:خلهم علي انه بتصرف بس انته لاتييب طاري للموضوع وياسمين انه برمسها
....................................
حل الليل الكل نايم الا هو النوم مجافيهبالاول ابوه اللي فرح اول ماشافه حس انه نذل يوم صد عنه والثانيه امه اللي صدته اليوم مرتينماتبي تشوفه وغرام من شافها مو رايحه ريحه عطرها من خشمه ولا نظراتها حس بحركه عند الشجر لف يطالع اذا فيه احد شاف ظلال قال يتهئ لي لاكن الحركه كل مالها وتزيد قام على حيله ومشى بشويش وبدت تظهر له الاصوات طالع في الجهه اللي منها الاصوات الا شافها ابتسم وهو يشوف كييف اروىتجرها وهي ماتبي تجي جلسوا عند الشجره اللي ضاري ورها جلس ضاري وهم وراه بالبدايه كان هدوء لاكن فاجائه كلمه غرام
غرام:اروى انه قلت لج خلاااص ضاري ماعاد يفكر فيني
اروى:بس ياغرام اللي امبينكم واللي صار اليوم لايمكن يكون فكر بغيرج
غرام:اروى انتي سمعتيني قلت لج ترراه خطب ياسمين خلاااص
اروى:انه اللي مستغربه منه جيف تقول انها تحبه انتي تذكرين رمستها اول مايياو
غرام:هييه
اروى:خبيثه هالبنت "وردت لكلماتها"بس وربي حرااااام
غرام تنهدت ودمعتها تنزل :اروى ضاري خلاااص الحينه مايجوف بعيونه غير ياسمين
ضاري هن مااستحمل اكثر وقال بالم: وربي ماجوف بعيوني غيرج ياغراام
غرام واروى فتحوا عينهم وطالعوا بعض
غرام:تسمعين اللي سمعته
اروى :هييه
غرام :اماااااايه وقامت تركض لاكنها صقعت بصدر ضاري اللي وقف قدامها ومسكها
أنا عيوني حرمـــــت غيـــرك تشـــــوف ..
والقلـــب حرم غيرك يحـــــب ثانـــــي .."
كف الدمــــوع وأبعد الشــــك والخـــــوف ..
القلـــب لك يا بعد عمـــــري موانـــــي .."
دخيل قلبـــــك سو بي عــــاد معـــــروف ..
لا تــذرف دموعـــك تبعثـــــر كيانـــــي .."
إضحـــك أنا لضحتــك مشتاق ملهـــــوف ..
يا من غرامــــك عن زمانـــي خذانـــــي .."
ويا من بحبــــه صرت مغـــرم ومشغـــــوف ..
للـــه درك ويـــــن حـــبـــــك رمانـــــي .."
ماقول لك بالـــــروف ماقول بالـــــروف ..
أقول زدنـــــي من الهـــــوى ماكفانـــــي .."
أنت الوحيد اللي على القلـــب مألـــــوف ..
وانت الذي أسقيـــه صافــــي حنانـــــي .."
في وسط قلبـــي يالغلا أدخل وطـــــوف ..
أنـــــا بحبـــــك يـا حبيبــــي أنانـــــي .."
لني عطيتك في الهوى عهــد وحلـــــوف ..
واعطيك قلبـي فوق عهـــــدي ضمانـــــي .."
ويا خل غيرك حرمت عينـــي تشوف ..
والقلـب غيرك حرم إيحــــب ثاااااااااااااااااااااااااااااااني .."
ضاري مبتسم:تخافين من صوتي ياغرام
غرام طالعته:انسي ولا..
ضاري يطمنها:انسي
غرام هنا حطت يدها على صدرها براحه لاكن بعدها استوعبت من اللي قدامها فعلى طول شهقت وجات بتلحق اروى اللي على بالها راحت لاكن اروى جالسه تحت الشجره وتسمعهم
ضاري مسكها:غراام
غرام:ضاري فج يدي عن يي حد لهني ويجوفنا
ضاري:محد يهمني الحينه خليهم يجوفونا
غرام طالعته مستغربه:وانه و بيصير فيني
ضاري ماعطى كلمتها بال ومسك يدها بيدينه:غراام انه احبج
غرام هنا دمعتها طاحت وعلى طول جاا ببالها الحلم اللي حلمته من فتره
ضاري بصوت مبحوح:انه اسف على العذاب اللي سببته لج
غرام طالعته :...
ضاري:ياسمين وربي ماتعني لي اي شئ كنت ادور عن الشئ المفقود بحياتي طلعت هي ظنيتها الحلقه المفرغه لاكن غرام انتى اللي ناقصتني بحياتي غراام ماابا اعيش من دونج مره ثانيه
غرام طالعت فيه حست ان وضعهم مره مو شئ لو احد طلع عليهم فتركت يد ضاري وراحت تركض وعينها معلقه فيه
ضاري فرح وهو يشوفها مبتسمه ماحس بنفسه الا ويصرخ
ضاري:يــــــــــــــــــــــــــــــــــــــــــــ ـــــــــــــــــــــــــــــــــــــــس
...................................
دخلت لداخل اول من شافت ياسمين طالعتها بحقد
ياسمين:هذا اللي تبينه ياغراام
غرام طالعتها ثم جات بتمشي
ياسمين:يكون بعلمج انه ماابتركه الا عسب شئ واحد عسب اني احبه وابا اللشئ اللي يسعده
غرام طالعتها وياسمين منزله راسها لاكن فاجائها لمن رفعت راسها ودموعها على خدها:مع اني مااظن انج بتسعدينه
وراحت تركض على غرفتها
غراام منصدمه واللي خرعها يوم اروى ربتت على كتفها
ارزى:ماتلومينها
غرام:لاااه
....................
بندر قام وجلس:زياد بنتك دايم كذاا
زياد طالع في بندر:لابس من دخلته المستشفى وهو كذاا"وقام وهو يشيله"اسف اذا ازعجتكم
بدر طالع ببندر:ماتعرف تسكت
بدر:لااا ماعرف ياخي موحاله ماتعودت على الازعاج انا خل يتزوج ويفكنا والله
وخذا لحافه وتلحف
احمد:شفيه هذا
بدر:مدري عنه
عند زياد كان في الصاله مع بنته هو اول مره ينزل ينام مع عيال عمه بس ازعجهم خل يروح ينام مع اخوانه احسن له بس لحظه تذكر بنته اللي بين يدينه طالع فيها خلااص وانه ابوك ابي انام انسدح على الارض وحطها على بطنه كانت تلعب بلحيته وهو شوي شوي يغفى لين ماخلاااص نام وهو على الارض وبنته على بطنه تلعب بلحيته ماكان حاس بالدنيا
\\
//
\\
//
\\
//
\\
//
محمد صحا من النوم وطلع عشان يوقضهم عشان صلاه الفجر وهو مار بالصاله شاف ززياد اللي منسدح بالصاله ونايم وعليه بنته اللي تلعب رااح له
محمد:زياد
زياد اول ماسمع ابوه قام وهو يشيل خالده من عليه:يبه شنو اللي مجلسك الحين
محمد:اذن الفجر الا انت لييه نايم هنا
زياد تنهد:خالده مانامت طول اليل تصيح
محمد شالها عنه:الله مانمت
زياد:ولا ذقت طعم النوم
محمد:خلاااص لاتشيل هم روح قوم الشباب عشان صلاه الفجر وبعدها نام
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك