رواية رشوا على قبري من دموع عينه -44
قبل "اوصلك" انتبهت..وانتهى ذاك الحلم..
واثر هذيك السعاده مو سعاده.!!
اثرها كانت..سراب
اثرها كانت..خيال
اثرها كانت وهم
ومن جديد!
عاد يجلدني الألـم..
وعاد يطعنّي غيابك..لا رأف بي ولا رحم..
آآه
ياظــــــلم السعاده
وأأه ياكذب الحلم.!
تاكد انها انجرحت ..ومشت عليها الخطه ..وكان يصبر نفسه وياملها باوهام كذابه كان يتمسك بحبل الامل ولو كان رفيع ..متاكد ان لصبره نتيجه بتسعده ..لكن الايام راح تثبتله صحه هالاحساس او عكسه
وفي جهه اخره ..وبوسط المملكه ..بعالم ثاني عن حياة كل بطل من ابطالنا
كانت النار حارقه جوفها ...وقلبها يتقطع قطعه قطعه من اللي شافته ..تتنمى انه يكون حلم وتصحى منه ماتصدق عيونها ماتصدق ان اللي بين ضلوعها نار الغيره نار القهر نار الحقد تحرقه تحس انها تمشي على جمر جمر يحرق خطواتها خطوه خطوه ..اول مره تحس بالم وسكين تطعنها
هند: لازم اكون قويه ..واقابل كل شيء بقوه وعنفوان ...عزمت بداخلها ..وجرت خطواتها خطوه خطوه وقفت ترتجف تدعي بداخلها انها تكون غلطانه او تكون ظالمه أي شيء لكن ماتتاكد شكوكها
دقت الباب ...مره ...مرتين ....ثلاث ....واخيرا سمعت صوت خطوات متجهه للباب ..انفتح الباب
كانت بالنسبه لها صدمه العمر ..كانت هذي الصدمه هي الزلزال اللي زلزل كيانها هزها من الاعماق
.....: نعـــــــــــم
هند: حبيبي هذا بيت مين
الطفل: هذا بيتنا
هند: ويش اسمك
الطفل: راشد فادي راشد
هند غصت بريقها : طيب بابا هنا
الطفل : بــــابــــ....... جات وحده ملامحها ناعمه ..وهاديه جدا وصغيره بالسن
....: راشد ماما مين على الباب
راشد: ماما وحده تسالني ....شافتها هند وكتمت غيظها شبت النار اكثر واكثر
هند: انتي زوجته ...
....: منو انتي
هند: وين فادي ...وينه
....: مالك خص فيه منو انتي ...هند تدفها وتدخل
هند: تبين تعرفين منو انا ....دخلت للصاله وشافته جالس ببجامه رمادي ..ومتكي على الكنب ويتابع مباراه
فادي: ســــــراب ...حبيبتي تعالي ابي اســــــ....................وشافها وهي معلنه عن ثورتها
هند: سراب ...وحبيبتك ..وراشد ...
فادي وقف منصدم: هند
هند بدت تصارخ عليه: فادي فهمني ..ويش ذا ..ويش اللي اشوفه
فادي بدون اهتمام: بيتي ..انتي ببيتي ..وهذي((ياشر على سراب)) زوجتي ..وهذا ولدي
هند: يعني كنت متزوج علي
فادي : ايه متزوج عليك ..متزوج عليك من سبع سنين
هند غصت : سبع سنين وانت خادعني يا فادي
فادي: انا ماخدعتك وهذا من حقي والشرع محلل لي اربع
هند قامت تبكي : الحين بعد عشره سنين تتزوج علي يافادي هذي اخرتها
فادي : اسئلي نفسك ليش تزوجت عليك ..لو كنتي زوجه مثل أي زوجه ماكان الحين متزوج
هند: تبدلني انا بنت عبدالرحمن الــ.... بهذي الحثاله
سراب : حدك ...انا بنت ناس ...واهلي احسن منك مليون مره واذا على العز والغناء فاحنا اغنياء بكرامتنا وسمعتنا واخلاقنا
هند: هذي اللي فضلتها علي يافادي ..هذي اللي ماتساوي شيء عندي
سراب: احترمي نفسك تراني محترمتك لانك ببيتي
هند: يصير خير يافادي ...يصير خير ..وطلعت بسرررعه ودخلت السياره وهي منهاره بالمره ...تبكي بالم تبكي لانها حست بالاهانه ويش اكثر من ان زوجها يتزوج عليها
ببيت ابو فادي
الســـــــــــاعه 11 بالليل
كان ابو فادي جالس بعد العشاء مع ام فادي ..ونادر والبنات توهم راجعين من المطعم
ام فادي: ان شاء الله استانستوا
ملاك: مرررره ياخالتي ليت رحتي معانا
ام فادي: المره الجايه
فريده: بس لمياء سوالفها تهبل تونس
فاديا: صراحه خالتك تجنن وعليها سوالف حلوووووه
ملاك: خخخ ايه طول عمرها كذا
فاجئهم دخول هند اللي كانت بحاله يرثى لها
هند تصارخ: عمــــــــــــــــي ..الحق علي يا عمي
ابو فادي وقف : هنــــــــــد ايش فيك يا بنتي عسى ماشر ويش صاير
هند تبكي : فااااااااااااادي
الكل: ويش فيه ؟؟؟؟؟؟؟
هند: متزوج ......<<<لحظة صمت ...الكل مو مستوعبين
هند تبكي بحسره : متزوج من سبع سنين وعنده ولد ...ياعمي ...عنده ولد
ابو فادي: انتي متاكده يا هند
هند: ايه متاكده انا رحت له ببيته ...وشفت زوجته وولده
فاديا: اهدي ياهند ان شاء الله مايصير الا كل خير
هند: أي خير وفادي متزوج من عمر ...وخادعنا كلنا
ام فادي: اهدي يا هند وتعوذي من الشيطان
هند: عمي ..هي كلمه وحده يا يطلقها ..يا يطلقني
ام فادي: ويش ذا الكلام ياهند ...لا تنسين ان من حقه يتزوج
هند: ولو ..انا بنت عمه وام عياله
فريده: حتى هي ام لعياله مو تقولين ان عنده ولد
هند: يعني الحين انتم راضين عليه
الكل:................................
هند: انا اللي عندي قلته ..واذا تبون شيء انا ببيت ابوي ...وطلعت من عندهم وراحت لبيتها تلم اغراضها وتاخذ اولادها ..وتروح لبيت اهلها
فريده: ما اصدق فادي متزوج
امها : اكيد ماقدر يصبر عليها هند شرانيه وياما كان يشكي لي منها
ابو فادي: بس مهما كان ذي بنت عمه كيف يرضى عليها المذله
ملاك: هدي اعصابك ياعمي ..والامور ماتنحل الا بالهدوء وبعدين هذا قسمه ونصيب ..وهو يمكن يشوف انه اذا تزوج يمكن يرتاح ..ماتدري عن اسبابه ياعمي
فاديا: كلام ملاك صحيح ..وانت تدري يا يبه انك زوجته هند بالغصب
ابو فادي عصب وصرخ باعلى صوته: بــــــــــــــــــــــــــس خلالالالالالالالالاص ...وراح لمكتبه اللي بالبيت
ام فادي: هذا احسن شيء سواه فادي ..مو اني اره هند بس هو ماكان مرتاح معاها
فريده: الله يعني كان متزوج من سبع سنوات وعنده ولد وحنا مادرينا
فاديا: ودي اشوف زوجته
ملاك: خلي عنك اللقافه الدنيا مقلوبه وذي ودها تشوفها
ام فادي: بروح اشوف راشد ..ولحقته للمكتب
ملاك: انا بطلع لغرفتي تصبحون على خير
الكل: وانتي من اهله ..واتجهوا الكل الى غرفهم
جلست تنتظره لكنه طول بالرجعه ...كتبت له مسج
احتـاج لـك
لا ضيـق الـوقـت صـدري
واحتـاج لـك
اذا الفـرح ضـم فجـري
ودي تحـس بفـرحتـي يـا هنـاهـا
ابيـك تسـأل عـن حيـاتـي وتـدري
عـن ضحكـة ايـامـي ووافـي عنـاهـا
احتـاج لـك
فـي كـل لحظـة بعمـري
لا صـرت روحـي كيـف بحيـا بـلاهـا ..!
اول ماقراء المسج ...رجع للبيت ...
فيصل : ســــــــلااااام
ملاك: وعليكم السلام ...ليش طولت
فيصل: والله اخذتني السوالف مع الشباب ...اتجهت له وهي تساعده على تبدل ملابسه ..
ملاك: من لقى احبابه نسى اصحابه
فيصل: انسى الدنيا كلها ولا انساك
ملاك: مادريت ويش صار لهند زوجه اخو
فيصل ركز : لا شنو صار ...وبدت ملاك تحكيه
فيصل: هذا هو فادي اللي اعرفه ..ايه ..كذا خله يكسر شوكتها ..وكبرها على الغير
ملاك تناظره بنظرات: بس هي زوجته كيف يزوج عليها
فيصل: الشرع محلل اربع
ملاك: والله مالكم امان انتم يالرجال ...صرت ما اضمنك يافيصل ..يمكن تتزوج علي
فيصل طالعها ويشرب النسكافيه : يمكن ليش لا اذا والله قصرتي معي ..بتزوج الف وحده تتمناني
ملاك ولعت : يعني بتتزوج علي
فيصل: الله اعلم
ملاك: اذا تزوجت راح تخون كل اللي بييني وبينك
فيصل يطالعها مستغرب: بس هذا شرع ..يعني ما ارتكبت جريمه اذا تزوجت ..بالعكس راح اقلل من العنوسه اللي منتشره هالايام
ملاك: مشاء الله يعني بس انت اللي بتقلل من العنوسه خل غيرك يسويها موب انت
فيصل: انا وغيري بس تعالي ليش ماتبيني اتزوج عليك
ملاك: ياسلاام تبي وحده ثانيه تشاركني فيك
فيصل بيرفع ضغطها: واذا تشاركك عادي
ملاك: لابالله ماهو عادي ..تخيل لو انا متزوجه اثنين انت واحد غيرك كيف بيكون موقفك وشعورك
فيصل: والله لاذبحه حلوه ذي
ملاك: حتى حنا كذا ..طبع الانسان يحب التملك ..والبنت تحب تتملك زوجها
فيصل: فديتك ..وفديت تملكك يا روحي
ملاك: ايه بس لاتفكر مجرد تفكير تتزوج غيري لاني راح انسفك قبل انسفها
فيصل: هب يالاجرام
ملاك: ايه اعيش مرتاحه احسن من اني اشوفك مع غيرك
فيصل: يالبى الغيره والله
في عِيوني صورك ربي \
ملآك ..**..........
كيف أخآلف رغبة آلرب [الخلٌوق]..!!
لو نوى لِي غِير حُبك مآلقآك ,,,
قلبي آللي ملآ دنيآي \
شوَوٍوَوٍوَوٍِوَق ~
مستَحٍيل أتخَيل آلدنيآ بَلآك ..!!
إنت لي "
مآدآم لي قلب ..
ملاك: بسك عاد ترى استحي
بعد ثلاث ايام
ابو فادي: ليش يافادي تسوي فيها كذا ليش
فادي: اسمح لي يبه ما عدت اقدر اعيش معاها
ابوه: على ويش ناوي
فادي: اذا تبي تعيش معي حياها ماودها ورقه طلاقها بتوصلها
ابو فادي: يا فادي ياولدي هذي بنت عمك ..ومهما كان وصار بينك وبينها الدم مايصير ماء
فادي: تبي ترجع تعيش معي ولاعاد اسمع حسها ...وتنفذ اللي اقوله لها غير كذا انا ماودي اخرب حياتي عشانها وانا مرتاح مع سراب ..وحياتي معها نعيم
امه: الله يوفقك يارب ياولدي ..
فادي: امين
ابوه : يصير خير يصير خير
بالمدينه ..
ثامر: عبود ايش فيك ساكت
عبدالله: الدلخه ذي ملاك من متى اكلمها وهي حاقرتني
ثامر : ليش ويش تبي منها
عبدالله: هاه ..لا ولا شيء
ثامر: اعترف ..اعترف
عبدالله: قلت ولا شيء
ثامر:: عارف انك تحب اخت زوجها
عبدالله: كيف عرفت
ثامر: سمعتك وانت تسولف وياها
عبدالله: ياويلك تقول لاحد سمعتني ...ترى اعرفك ماعلى فمك ستر
ثامر: ماني قايل ليش ورع انا ما افهم
عبدالله : لا بس انت .......... وسمعوا صراخ مضاوي
ثامر: مضااااااااااااووووووي
عبدالله: وينها بغرفتها
ثامر: اظن ...طلعوا لها بسرررررعه
مضاوي تبكي وتصارخ : عبدالله ثامر ..تكفون الحقوا علي
عبدالله يمك يدها : ويش فيك
ثامر: شكلها ولاده <<بحكم شغله بالتمريض
مضاوي: ولاده ...بس انا توي بالثامن
ثامر: يالله يالله نروح المستشفى
مضاوي: آآآآآآآآآآآه الالم فظيع ...فظيع
ثامر: تحملي ..يالله عبود ساعدني ...اخذوها على طول للمستشفى وكانت فعلا ولاده مبكره وجاء ابوهم
ابو محمد: هاه طمنوني ...ويش صار لها
عبدالله: كل خير ..هي بغرفه الولاده الحين
ابو محمد: وثامر وينه
عبدالله: دخل يكلم الدكتور
ابو محمد: الله يقومها بالسلامه
بعد ساعتين انزف خبر ولاده مضاوي
ثامر: جابت ولد يايبه
ابو محمد فرحان: الحمدلله الحمدلله ..وهي كيفها الحين
ثامر: ماعليها طيبه ....انتشر الخبر مثل لمعه البرق
دق ثامر وبشر ملاك
ملاك: احلف
ثامر: والله العظيم
ملاك: وكيف ..كيف ابوي ان شاء الله مستانس
ثامر: طاير من الفرحه كأنه او مره يجيه ولد
ملاك: هو جنبك
ثامر: لا دخل لمضاوي يطمن عليها
ملاك: سلم عليه وبارك له ..وانا بدق عليه
ثامر: يوصل
بعد اسبوع ...من هذي الاحداث استقرت الاوضاع وهدات ..ومر الشهر والشهر وكل شيء على حاله لاجديد والايام بارده في مرورها كالصقيع ..وتجمدت المشاعر والاحاسيس ..وهدأت الامواج وتفرق السحاب
*************************
حست بالم في بطنها الم فظيع ... ماتقدر تتحرك منها
ملاك ((يارب ويش ذا الالم ...اكيد شوي ويروح ...))عدت الساعه والساعتين ..والالم يزيد وما يهدأ
ملاك: آآآآآآآآه من الالم وينك يافيصل ...وينك ؟؟؟!!..اخذت نفسها بهدوء وراحت للمستشفى
جاء فيصل ..وطلع لغرفه ..ومالقاها نزل وسال امه ..
امه: لا مانزلت ولا شفتها
فاديا: غريبه كانت بالغرفه ..اكيد احتاجت شيء وراحت تجيبه
فيصل: ادق على جوالها مغلق
فاديا: وين بتكون رايحه اكيد مشوار وجايه
فيصل: والله غريبه عليها حتى انتم ماشفتوها
امه: الحين تجي يا يمه الحين ايشفيك خايف كذا
فيصل: قلبي قارصني احس فيها شيء
فريده: تعوذ من الشيطان لا تتفاول عليها ان شاء الله مافيها شيء
فيصل: وينك يا ملاك وينك ؟؟؟
بعد خمس دقايق رجعت
فيصل بلهفه : ملاك وين رحتي
ملاك: رحت للمياء ..احتجت اغراض ..ورحت اجيبها
فيصل: حبيبتي فيك شيء ؟؟
ملاك: لا بس تعبانه بروح انام
فيصل: طيب الحين الحقك ....وطلعت بسرعه واخذت لها شور وطلعت ولقته جالس على السرير يستناها
فيصل: تحسبين مرت على انك رحت للمياء ...ملاك قولي علامك
ملاك تنشف شعرها وتربط الروب على خصرها : قلت لك مافيني شيء بس رحت للسوبر ماركت اجيب اغراض خاصه
فيصل: ويش ذي الاغراض اللي انتي لازم تروحين تجيبينها وانا مو مالي عينك ..ماني زوجك
ملاك: فيصل هذي سوالف حريم ويش عرفك فيها
فيصل: واذا كانت ..احسك مخبيه شيء وماتبيني اعرفه
ملاك: تبيني احلف لك ..ان مافي شيء ..وتبي تشوف الاغراض افتح الكيس وشوف ويش فيه
فيصل: لا ما افتحه بس ودي تقولين لي أي شيء تحتاجينه وانا مستحيل اقصر معاك ...جلست بجنبه
ملاك: يا حبيبي والله عارفه انك ماتقصر لو اطلب عيونك ما تردني
فيصل: اجل ليش حتى جوالك مقفل
ملاك: خلص الشحن ..ونسيت احطه بالشاحن
فيصل: ملوكه حياتي مره ثانيه تبين تطلعن او بتروحين تجيبين اغراض اعطينيي خبر اليوم كنت بانجن عليك
ملاك : الله لايحرمني منك يالغالي
حطت راسها على صدره ..وماحست بنفسها الا وهي نايمه
كان يتاملها وهي نايمه ومبين عليها التعب
فيصل ((ياترى ويش فيك ياملاك ...انا لازم الح عليها واعرف شنو فيها ))
بالمدينه ..وتحديدا ببيت ابو فراس
ابتهال: يعني خلاص زواجه الاسبوع الجاي
وصايف: ايه الاسبوع الجاي
ابتهال وبدت دموعها تنزل : ويش اسمها اللي بيتزوجها
الجده: اسمها حنان
ابتهال: جده ..هو مستانس انه بيتزوج
الجده: والله ما ادري يابنتي ..هو بين نارين نار حبك ونار الضنا
ام فراس: طيب يايمه ارجعي له ..انتي الاولى انتي اللي بالقلب
ابتهال: لا ماني راجعه
وصايف: بكيفك بس لاتقولين بكره ليت اللي جرى ماكان
بعد اسبوع يوم زواج فارس
ابتهال تبكي بمراره ((بيروح لغيري ..ما اصدق انك يافارس ما تحبني ..وتتخلى عني ..ليش يا عمري ليش ؟؟ اذا گنت ماتبيني }-
تگفـىى خبرني
لاتخليني معلقهـ, بمصيـري
في واحـد ماودهـ فيني
وبهالطـريقهـ, أجـرح گـرامتي
بإيدينــــي
اندق باب الغرفه
ابتهال: خلوني بحالي ...انفتح الباب ..وكان فارس
ابتهال : انت ...ويش تبي ليش ماتروح لعروسك
فارس: انا مالي عروس غيرك صدقتي اني باتزوج عليك عساني اموت قبل افكر اني اتزوج عليك
ابتهال: بسم الله عليك من الموت
فارس: يالله يا ابتهال فايه عناد وخلينا نرجع لبعض تراني تعبت من الفرقا
ابتهال هزت راسها بالايجاب ...وشالت شنطتها ..وطلعت معاه
ابوها: اخيرا ربي هداك
وصايف: مابغيتي يعني لو ماقلنا تزوج ماكان رجعتي
ام فراس: الله يوفقكم ويرزقكم باللي تبون
فارس : امين ..يالله توصون بشيء
ابو فراس: دير بال عليها يافارس
فارس: ابشر ياعمي ماطلبت شيء
بالسياره
فارس : إستثيـرني ،، عـلامـك سـاكت ..!
ليــه يـوم أحتـاج [ سكّيـنك ] ،، تشـّح إيـديك ..؟
إطعنـّي .. أنــا محتـــاج لـ جـروحـك ..
أطـعن ولا تـــسأل ،،
كـافي ان الجـرح يقـدر يستفز الحرف فيني..
وأقـدر إني أكـسر الأصفـاد من إيدي وأغني ،،
وابتـعد عن هـ الزنـزانـه الـمُمـلة ،، وآخـذ حـروفي و أسـافر ..
وأتجـه لـ شمـس وحدي ،، مـا أبـالي بـ أي شي ..
مقتـنع / كـلي رضـا .. إنـي لـك وانت لي ..!
ابتهال ابتسمت له: تحبني
فارس: اموت فيك يامجنونه جننتيني معك
ابتهال: وانت بعد احد يكذب مثل كذبتك وتقول بتزوج
فارس: ابي اشوف انتي تحبيني اولا
ابتهال : ويش طلع معك
فارس: انك تموتين فيني
ابتهال: لاتصدق عمرك
بعد شهر
ببيت ابو فادي ...جات سراب مع فادي تسلم على ابو فادي وامه وخواته وملاك
سراب: شخبارك ياخالتي ...ويش مسويه
ام فادي: الحمدلله بخير يا حبيبتي
سراب: وانتي ياملاك
ملاك: بشوفتك بخير
فاديا: وين رشودي
سراب: عند عمي بالمجلس
فريده: خاطري اشوفه
ملاك: شكلك متزوجه صغيره يا سراب
سراب: ايه تزوجت فادي وعمري 18
فاديا: واااااااااااو كنتي بعدك صغيره
سراب: أي والله بس الحمدلله ماجبت راشد غير لما كان عمري عشرين
فريده: زين والله
ام فادي: عساكي مستانسه ومبسوطه مع فادي
سراب : الحمدلله ربي رزقني بفادي ..طيب وحنون
نادر : كح كح طريق
الكل: ههههههههههههههههههههههههههه
سراب : وين عباتي
فريده: ماعليك ذا النتفه نادر اصغر العنقود
ملاك: تعال ياندوووووووور
نادر: في احد غريب
امه: لا مافي ادخل ...اول مادخل حمر وجهه لانه ما قد شاف سراب
سراب: هذا اللي يتنحنح
نادر: ايه انا ..ليش ماني عاجبك
سراب: الا عاجبني ونص
نادر: حسبتك بتقولين شيء ثاني
فاديا: وهي تقدر عشان تاكلها بقشورها
نادر: لا بس قلت يمكن تفكر تقول كذا والا كذا
سراب: ههههههههههه ياحليلك
نادر: يالله يا حريم .بطلع غرفتي توصون شيء
الكل: لا
نادر: تصبحون على خير
الكل : وانت من اهل الخير
...بعد يومين ....بدأ جوا الشتاء البارد
.كانت جالسه على الكنب ..وتفكيرها بعالم ثاني عالم غير العالم اللي هي فيه تحس ان الدنيا اسودت بعينها عمر فرحتها ما اكلتمت والسعاده ماتكتمل لاخر المطاف نزلت دمعتها على خدها الوردي ...راحت وقفت عند الشباك ..ومسكت الستاره وتكت على الجدار ..وهي تسافر بنظرها الى ارض اخرى لاتقف عليها ارجلها ولا يعيش فيها ناس غيرها ترى مستقبلها واضح مثل وضوح الشمس وتشوف طريقها الوحيد اللي لازم تسلكه الطريق اللي مليء بالاشواك والعثرات ...لها الخيار يا تكمل طريقها او توقف وتنهي كل شيء بدته من البدايه
دخل وشاف بعيونها لمعه حزن دمعه متعلقه برموشها تحمل فيها الالم والانكسار
جاء وراها ولف يديه على جسمها وبكل حنان وحب دافئ دفئ مشاعرها البارده
فيصل بحنيه : ليش الحزن ...ليش الالم ...كفايه احزان
ملاك: من قال اني حزينه
فيصل يلفها لجهته: والدموع هذي ليش ...شنو سببها ؟؟من اللي خلى دموعك تنزل مين ؟؟
ملاك: انت مكبر السالفه على ولا شيء
فيصل: انتي صار لك فتره متغيره
ملاك: انا بالعكس بس انت عشان ماتفضى لي وماتجلس معي زي اول صرت تشوفني متغيره والا انا مثل ما انا ....سحبها على الكنبه ..وجلس واخذها بحضنه
فيصل : انا افهمك اكثر من نفسي ...انتي في شيء مغيرك حتى معي صايره جامده
ملاك: انااااااا
فيصل: ايه انتي ...من متى ماقلتي كلمه حبيبي ..ماصرتي تسالين فيني حتى لما اجي من العمل ماصرتي تساعديني مثل اول شنو السبب يا ملاك ؟؟
ملاك: معقوله انا متغيره لهدرجه
فيصل: ايه حتى امي وخواتي وابوي ملاحظين ويسالوني
ملاك: يمكن نفسيتي شوي متغيره عشان كذا
فيصل: شنو مغيرها ..احد زعلاك متضايقه من احد ..او صاير معك شيء مكدرك
ملاك: لا ...تكفى فيصل لا تلح علي انا تعبانه ودي انام ...وراحت للسرير ونامت
فيصل : ليش تطنشيني
ملاك صرخت : فيصل ..ابي انــــــــــــــام اتركني لحالي بليـــــــــــــــــــــز
فيصل عصب : اوكي بترك لك البيت كله وطلع وسكر الباب بقووه ..ونزل وراح لاصحابه
عند خوياه بالاستراحه يلعبون بلوت وهو باله مع اللعب ...قطع تفكيره اتصالها لانها حست انها غلطت عليه هو يحاول يواسيها ويساعدها وهي ترفض أي شيء منه وماتبي يعرف شيء عنها مع ان حبها له اكبر من كل شيء بحياتها
فيصل يناظر بالجوال ..وطنشه
ماجد: رد ياخي من متى وهو يدق
فيصل: ماني راد
ابراهيم:اجل اقفله وريح بالك
فيصل: ولاني قافله
اعلنت نغمه الرسايل عن وصول مسج ..فتحه وكان منها ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك