رواية دموع رجال معاريس -43
شروق تطق الباب:غراااام فجي الباب تكفين غراااااااام
غرام كانت تصيح وهي تحاول تكتم عبرتها لاكن للاسف موقادره
شروق تطق الباب ماحست الا بيد ماجد
ماجد:خليها الحين بعدين رمسيها
شروق:بس عيال عمومتك بيون الحينه
ماجد:معليه غراام قويه وبتقوم رااح تجوفين
شروق تنهدت وراحت وهي تسمع صدى شهقات غرام
...........................
بومحمد:شو قلتواا
ام محمد:الراي رايك ياجاسم
ام حمد:مابعد قول ام محمد شئ
بومحمد:خلاااص جهزو اا اعماركم لبعد باجر انشاء الله بنسير بناخذ لنا عمره وبنيلس وقبل يوم العيد بنرد
...........................
الكل معزوم اليوم على الفطور في بيت بو ذعار فبدواا يجوون
منال:شروق وينها غراام
شروق ارتبكت:هااه مدري يمكن فوق
منال:عادي اسير اجوفها
شروق:هييه سيري لها
منال رقت الدرج وهي تركض طقت الباب
غرام:شروق انه يالسه البس
منال:انه مو شروق
غرام:منال حبيبتي بس ببدل وببطل لج الباب
منال:اوكي
ووقفت عند باب غرفه غرام وهي متسنده على الجدار رفعت راسها وهي تشوف ماجد اللي فتح باب غرفته وطالع فيها
ماجد مبتسم:منال
منال لفت يمين ويسار تدور مكان تنخش فيه ماحست بنفسها الا لفت على الجدار وحطت يدها على شعرها
ماجد هنا ضحك:هههههههههه شفيج
وهنا بعد هو توه يستوعب اللي جالس يسويه كانت منال لابسه بنطلون جنز وعليه بلوزه فوشيه لف يمين ويسار نفس ماسوت هي وقرب منها ناوي اليوم يخلص اللي يبيه
ماجد قرب فمه من اذنها:منال
منال هنا لفت وكانت بتصرخ لاكن يد ماجد كانت اسرع وحط يده على فمها
ماجد:اششش
منال كانت تنتفض تحاول تبعد عنه لاكن اللي خلاها توقف وكانها حجر
ماجد:لو خطبتج توافقين؟؟
منال:؟؟؟؟؟؟؟؟؟؟؟؟؟؟؟
مليون استفهام على راسها
ماجد:هممم بسرعه ابا جوابج
منال من الصدمه طالعت في اللي وراا ماجد وطاحت مغمي عليها ماجد انصدم وهو يشوفها تطيح بين يده ماحس الا باللي بعده رفع راسه وطالع الا طلال الصدمه كانت لماجد بعد
طلال:منال منال
منال:..
ماجد يحاول يتكلم لاكن ماهو قادر
طلال:بسرعه سير ييب ماي
دخل ماجد بسرعه لغرفته وجاب الماي حط طلال الماي على وجهها
طلال:منول
منال هنا فتحت عيونها وطالعت في طلال
منال:طلال
طلال:انتي بخير
منال وهي تقوم وتجلس:هييه
وهنا طاحت عيونها بماجد شهقت بخوف ودست راسها بصدر طلال
طلال لف وطالع بماجد:ماجد
ماجد فهم عليه ودخل لغرفته وتسند على الباب
طلال:يله
منال بخوف:طلال والله..
طلال حط يده على فمها:خلاااص سيري انه فاهم الموضوع
*منال طلال شو صاير
رفعوا راسهم على غرام اللي فتحت الباب
.........................
الله اكبر الله اكبر
بدواا الكل في توزيع التمرات فيما بينهم والكل يتسابق لياخذ اجر في افطار صائم
اليد:وينه ضاري مايا وياكم
تلفت الكل ينشدون ضاري لاكن مو موجود طالعوا في بومحمد ومحمد اللي حاول يتحاشى نظراتهم لانه عارف ضاري وين
بومحمد ابتسم:اكيد ياي بالطريج هو قايل انه بيي
محمد وهو منزل راسه:يبه ضاري سافر
بومحمد:شووووووووو
اليد :شقا سافر
محمد:وحنا يايين لهني جفته طالع ومعه شنطته سالته وين قال مسافر حاولت اكلمه بس مارد علي
بومحمد قام من السفره:الحمدلله
محمد لحق ابوه
محمد:ابويه
بومحمد صرخ:وليييييه مارمستني هاااه
محمد خاف من صرخه ابوه:يباااه انه ماكان جدامي الا اخليه يسير لانه لانه
بومحمد يصرخ:لانه شوووووووووو؟؟
محمد:ابويه ضاري ردت له الذكره ويوم ردت له مابغى ييلس هني ولا دقيقه انه حاولت فيه بس مارمت عليه
بومحمد حط يده على صدره بالم:وليييه يساوي جي هااه
محمد:ابويه شوفيك
بومحمد يتنفس بصعوبه:لييه؟؟
محمد:ابويه شوتحس فيه
بومحمد:محمد آآآآ
محمد بخوف:يبه تكفى رمسني شوفيك
بومحمد طاح على الارض
زياد:خالدووووه خلااااص
خالده الي كانت تصيح على راس ابوها اللي كان من امس سهران عليها لانها مصخنه وتعبانه وتوه الحين بعد الفطور يحط راسه لاكنها رجعت تصيح
زياد جلس وهو ياخذها:ياربي خالده باباه شفيك
مازالت تصيح وزياد يهدي فيها لاكن مافي فايده قام على حيله ولبس بلوزته وحملها بيوديها المستشفى
وهو نازل كان محمد وعبدالله وعيال اخوانه جالسين
محمد:زياد على وين رايح بالبنت
زياد:تعبانه بروح المستشفى
محمد قام ويااه
في المستشفى
الدكتوره:لازم البنت تظل عندنا اليوم
زياد بخوف:لييه ؟؟
الدكتوره:تعبانه شوي وحنا بنخليها عندنا عشان تنزل حرارتها
محمد:زياد انت روح البيت ارتاح
زياد:لالاء معليه انا بجلس معها انت يبه روح البيت ماله داعي تتعب نفسك روح ارتاح
محمد:زياد انت من امس مانمت
زياد:معليه انت روح
محمد وهو يمشي:انتبه على نفسك واتصل طمني
زياد:انشاء الله
....................
محمد:طمني دكتور
الدكتور:الحمدلله عدت على خيير
محمد:شصار؟؟
الدكتور:ابوك الحمدلله بس هذي ازمه وعدت انشاء الله مع الاهتمام بصحته راح يعتد ل كل شئ
بعد ماطمنه الدكتور عن حال ابوه رااح عنه وجلس على الارض قبل كم شهر كان عنده اخوان ثنين
كان عنده حمد اللي لو بغى يعتمد عليه مارااح يخيب ظنه والدليل انه توفى"قتل"عشان اخته
وضاري اللي كان يطمنه بس بضحكه لاكنه الحين سافر ورجع محمد لوضعه السابق من دون اخوان من دون عزوه
يــــاخوي..
وينك اشتقت لك
ليــه ..؟؟
هالزمن قاسي يحرمني من عينك
حسافه هالدنيا ما ترحم
خذت منا سعادتنا
خذتك بعيد وخلتنا
عدا ذكراك معنا
وطيفك الغايب بك يذكرنا
آآآآآآآآآآهـ ..
منه هالزمن قاسي
بلا رحمه يجرحني
وبلا رحمه اخذ مني
اعز ناسي
ويــــــــنك ..؟؟
ما غبت عن عيني يابعد كل الاحباب
صورتك في قلبي عانقت دمع الاهداب
ويــنك ياخوي ..؟؟
حزينه هالدنيا بعدك
لا تغيب
اخاف الشمس من حزني
تغيب
معــقوووووله ..!!
معقوله هالدنيا بتحرمني رجوعك
علمني ارجوك
ياخوي وينك ..؟؟
خيم علي سواد الحزن بغيابك
وباقي سراب الفرح
اندفن وياك بترابك
راح الهنا ياخوي
والدار تبكيك
وزحمة الاحباب
ما تملى مكانك
ياخوي تكفى
ما عاد فيني حيل
وين الحيل ..؟؟
وانا اشوفك نهار وليل
وينك يا نظر عيني ..؟؟
ويـــــــنك ..؟؟
آ هـــ ..
من العذاب
وصبري الكذاب
ياخوي ..
من جا يعزيني بفقدك
قلت له كذاب
اخوي ما مات
اخوي عايش بقلبي ولو غاب
ما مات زولك بعيني
ياخوي
اشوفك تصلي بنفس المكان
واشوفك تدعي
وشذى عطرك مالي الاركان
والبيت يبكيك
يا بعدهم
ويــــــنك ياخوي ..؟؟
وينــك ..؟؟
السؤال أعرف جوابه
واللي فيني محد درابـــه
ادري إنك ما عاد ترجع
وادري مكانــك وين
بـــــــــــس
هي جروحي
هي دموعي
اللي اشتكت عذاب البين
هو قلبي اللي تعرفه زين
قلبي اللي " الحزن " لحنه
وحروفه
قلبي اللي كان أقوى قلب
ضعف من قسوة
ظروفه
ضعف ...
حتى صار خايف يموت من كثر
خوفه
ياخوي ..
كل جروح الدنيا مصيرها بيوم تلتم
ولكن جرح فرقاك
نازف بليّا دم
وزاد الهم فوق الهم
و دام انك ياخوي بتغيب
فترى والله ثم والله
كل " جـــــرووووح " الدنيا ما
تلتم ..
/
\
خطت خطواتها الاولى على البيت
ضاري:تفضلي
حصه دخلت واول كنبه شافتها جلست عليها
حصه ودمعتها تطيح:اهئ اهئ لو كان هني ماخلى دمعاتي تطيح كان قال ياحصه موانتي اللي تبجين انتي الاميره وخدودج ماتنجرح اهئ اهئ وينك ياخوي تحميني انه خااايفه "صاحت وضاري يسمعها ويطالع فيها عاجز عن اي شئ يسويه لها"
حصه:كنت تحلم لما نيي هني تقول انه اللي بملي هالبيت من البزراان اهئ اهئ
ضاري جلس عند رجلها:حصه كفايه على روحج
حصه طالعت بضاري حتى هو تعبان مبين من عيونه الذبلانه اكيد فرقا حمد مو هينه عنده هو اللي شايلهم وساندهم
حصه مسحت دمعاتها:وينهم
ضاري:في بيت عمي بو ذعار
حصه :انه بسير ارتااح ضاري
قامت من عند ضاري وضاري بعد ماشافها طلعت توجهه للباب بيكمل مشواره اللي كان بادي فيه اول مافتح الباب تفاجئ بامه وخالته ام محمد ومحمد وزوجته
ضاري اخترع ونقز:يمه
ام حمد دخلت معصبه عليه:انتى هني وابوك طايح تعبان بسبتك "وكف جامد عطته لضاري "
يمه..
عذبيني,, أضربيني,, عاتبيني..
لاتسكتين..
يمه..
قولي إني أخطيت..
ضليت..
تعديت..
لاتسكتين..
يمه..
ولدك حزين..
قلبه يرجف بخوووف..
مثل عصفور صغير..
يبلله المطر..
يمه..
قلبي الصغير..
جرحه كبير..
ينظر لدنياه نظرة كسير..
يمه..
انتي فوووق راسي..
مافيه مثلك بين ناسي..
ودي أشكيلك وأبكي..
بس ماودي خلقك يضيق..
يمه..
ادري اني عاصي,,
ولو هديتك قلبي ماهو لك جزيه..
انتي اكبر من حياتي..
وانتي اكبر من فؤادي..
ياليت عمري لك هديه..
يمه
ولدك طايش..
يمشي مثل مايبغى هواه..
والمصيبه لاانجرح..
قلبه يعلى بكاه..
يمه..
عذبيني,, أضربيني,, عاتبيني..
لاتسكتين..
ام حمد:انتى ماتستحي في حد يحارب هله هاه هلك تبا تبعد عنهم حسبي الله عليك حسبي الله عليك
وراحت تمشي وضاري يطالع منصدم هذي امي ولا احلم لا انا احلم اييه احلم
مشى لبراا وهو ماهو حاس برجله وين توديه كان يمشي ويحس بشعور واحد بالكف اللي حرارته للحين على خده
.........................
غرام وهي تبتسم:هذي هي الدنيا يابنت عمتي يوم لك ويوم عليك وخلاااص انا مؤمنه بربي وحاسه ان كل شئ بيمشي نفس ماانا ابي
ما بنكسـر صابـر .. لو فرصتي تمضــي
والحظ لـو عاثـر .. بصنــع أنــا حـظــي
لــو تنثـر أحـلامـي .. برجــــع أرتبـــها
ولو تصعب أيامـي .. بعيش وماحسبها
يامسهل الدنيا مهما تعاندنا
عادي التعـب عادي .. والهم هو ملحه
ولو ما الحزن بادي .. مانفهم الفـرحه
ما بنكسـر صابـر .. لو فرصتي تمضــي
والحظ لـو عاثـر .. بصنــع أنــا حـظــي
اروى:غرام بصراحه انه احسدج على قوه تحملج يعني اللي شفتيه بحياتج ترى مو هين
غرام:اروى انه يوم فكرت انتحر تدرين شو اللي طراا على بالي يوم بديت اتالم
اروى :شو
غرام وهي تدمع:فكرت شقا بقابل ربي وانه عاصيته انه عسب سبب تافهه بغيت اموت عسب عرس قاومت وبغيت اعيش مو عشان شئ عسب مالقي ربي وانه غاضبته اروى انه الحين لما اتضايق مايطري علي الا ذيك اللحظه اتذكر واقول هالشئ ولا شئ ولاشئ اللهم احسن خاتمتنا يارب
اروى اللي كش شعر جسمها:امين
غرام:وانتي اروى شو بتسوين
اروى طالعتها:بششو
غرام:الحينه انتي يالسه عند اخوانج ماتفكرين تردين عند امج
اروى:غرام تدرين امي يالها عريس واحتمال كبير توافق
غرام:...
اروى:انه سمع هالموضوع بالصدفه بس خلاااص ماعادت تهمني
غرام:اروى هاي امج
اروى:عارفه وهاي اللي ذابحني يعني نطرت 10 سنين الحينه تبا تعرس
غرام:من حقها
اروى:بس مو جي كان من قبل مو وهي كبيره
غرام:اروى...
اروى:انه مدري شو بتساوي سراب لو درت
غرام:ماارح تكون مثلج
اروى:ولييه مو امها
غرام:الا امها ولانها امها تبا لها الراحه
اروى تنهدت:انه مادري شاللي مخليني اطري السالفه انا متناسيتها
غرام:اقول اروى خلصتي اغراض العيد
اروى:هييه خلصتهم بس بقي جم تركيبه باجر اخوي محمد بيوديني
غرام:تدرين انه للحينه ماشريت شئ
اروى:الله لييه
غرام:مدري بس اصلااا محد رمسني بهالموضوع بس انه سمعت ماجد يقول انه عمامج بيسيرون الاستراحه على عادتهم كل عيد فيدي بيسير يقول يبى يرد ايام اول
اروى:هههههه والله وناسه
غرام:اييه حتى انه اقول جي يعني شويه بنغير جو
اروى:غرام جوفي منال من يينا وهي سرحانه لييه
غرام وهي تبتسم بينها وبين نفسها وهي عارفه شسالفه
....................
كان منسدح وهو حاضنها ملقي براسه على صدرها نفس كل ليله من تزوجوا
الجوري:راكان
راكان:هممم
الجوري وهي تمسح على راسه:راكان انت تحبني من جد
حبيبي نام ياعمري على صدري وصارحني
وفض الصمت باحساسك وخل الحب لي يجري
وفضفض لي بعد عمري وعاتبني وفهمني
أنا أطري على بالك كثر ما أنته علي تطري؟!
رفع راكان راسه وصار مقابلها:الجوري
الجوري طالعته وهو ابتسم لها وجرها صارت الجوري هي اللي بحضنه الحين مسك ها من خصرها وهو يهمس باذنها
راكان:انه مو بس احبك انا اموت فيك
الجوري طالعته:من جد
راكان:ولييه اكذب عليك
الجوري :مدري احس دايم اني بحلم احلم انك تعاملني كذاا اخاف اصحى اليوم الثاني القاك نفس قبل
راكان باسها:بعد الافكار عنك وخلاااص الجوري فكري بمستقبلنا لاتفكرين بماضينا
وحضنها وهو يغمض عيونه
تعال أقرب من أحضاني ترى خدك مواعدني
يبي يلامس شغف روحي ويقطف بوحي من شعري
تعال أنثر هنا ليلك وخل ويلك يولعني
أنا أحبك وأبي قربك.. ترى مني قضى صبري
أنانبضك زهر أرضك وأنت؟! ايه تملكني
بنحل خصرك ..جمر ثغرك وزود بلونك الخمري ,,
.................................
في اليوم الثاني
محمد حب راس ابوه:حمدلله على سلامتك يبه
بومحمد:الله يسلمك
ام محمد وام حمد:حمد لله على سلامتك
بومحمد:الله يسلمكم"طالع محمد"مافي اخبار عن اخوك
محمد طالع بامه وخالته:الا يبه هو بخيير انشاء الله
بومحمد:طب وين سار
محمد:...
بومحمد:عييل جيف تقولون انه بخير وانتوا ماتعرفون مكانه محمد ضاري مو من النوع اللي لاتضايق ما يطلع برااا البيت ضاري مواللي يزعل من رمسه هله ضاري اكيد ناوي على شئ
محمد:لاتحاتي يبه ضاري بيي وبتجوفه
دق جوال محمد بهذي اللحظه
محمد طالع الرقم:عن اذنكم
طلع براا ورد
محمد:الوه
ضاري:محمد شحاله ابويه
محمد:يسال عنك انتى وينك تعال شوفه
ضاري:هو طيب
محمد:هييه واليوم بيطلع
ضاري:محمد هم للحين زعلانين مني
محمد:ضاري تعال ومااراح يصير الا كل خيير
ضاري:انه اجلت السفر
محمد:طب انتى وين
ضاري:مع السلامه
محمد انقهر من ضاري وجلس يتصل فيه لاكن الاخر مايرد عليه
------------
كان نايم على الكرسي وراسه على السرير بجمب بنته ماحس بالباب اللي انفتح ودخلوا منه اخوانه محمد قرب من خالده وباسها ثم رااح عند زياد اللي مبين على وجهه التعب
محمد بهمس:زياد زياد
زياد رفع راسه وفرك عيونه:يبه
محمد:شخبارها
زياد:الحمدلله يمكن يكتبلها الدكتور خروج اليوم
محمد:يعني بتطلع الحمد لله على سلامتها
زياد:الله يسلمك
تحمدوله اخوانه بسلامتها
محمد:انت مانمت
زياد:شويه الا انتوا داخلين الا وين اروى
*انا يييت
لف لها زياد
زياد:هلا بالمزعجه
اروى:انه مزعجه حراام عليك اقول بس وخر عن البنت ترااك كتمتها بريحتك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك