رواية فمان الله يا غالي -3
عهود بخبث وتناظر راكان:إيه يبه وإش كان يبي؟؟
فيصل:غريبه راكان موعادته يسوي شي
أبو فيصل: ومين قال إنه مسؤول معهد راكان
الكل باستغراب:اجل؟!!
أبو فيصل:بندر
راكان ارتاح بس مو مره لأن برضو بندر ماعليه كلام
فيصل:إش فيه بندر؟؟.
أبو فيصل:يقول إنخفض مستواه 180 درجه وإنه مو بندر الأول
فيصل: الله يهداك يبه وهذا اللي مضيق صدرك ..ماهي جديده على بندر
أبو فيصل:بس هو بآخر سنه ولازم يشد حيله وبعدين ماهو هذا اللي مكدر خاطري السالفه أكبر من كذا..بعدين بتعرفها
فيصل فهم إن ابوه ما يبغى يتكلم قدام أخوانه لأن الظاهر السالفه كبيره وخايف يطيح من عينهم..وشي ثاني لأن أبوه كان معصب ومايبي يتذكر السالفه..
أبو فيصل:إلا هو وينه..
دانه:مو بالبيت من أمس..
فيصل وعطى دانه نظره:أمس المغرب شفته طالع وقال بيروح حق سامي ومن بعدها ما شفته
أبو فيصل:طيب دق عليه..وشف وينه لحد الحين
فيصل:على أمرك..
وأخذ موبايله ودق على بندر..طبعا موبايله محطوط عالصامت عشان كذا ماسمعه..
فيصل:دقيت عليه مرتين بس ما يرد
أبو فيصل ما علق على كلام فيصل والظاهر إنه مصعصصصصب
بعد شوي عمت لحظات سكون قطعها صوت الباب ينفتح..
طبعا بندر كان سكران وكان متأخر عن البيت وشكله كان مايطمن والكل كان ساكت فدخل وجا بيطلع من الدرج وما انتبه إن فيه احد بالصاله وتفاجأ بصوت أبوه وهو معصصصصصب:بندر!!!!
بندر:.............................
ياترى اش بيصير لبندر؟؟
وإش دور خلود بحياته؟؟ ولا هي مثلها مثل اللي قبلها؟؟
بآآآرت جديد لعيونكم
-2-
" اكابر بحبه لعن ابو حبه"
بعد شوي عمت لحظات سكون قطعها صوت الباب ينفتح..
طبعا بندر كان سكران وكان متأخر عن البيت وشكله كان مايطمن فدخل وجابيطلع من الدرج وما انتبه إن فيه احد بالصاله وتفاجأ بصوت أبوه وهو معصصصصصب:بندر!!!!
بندربكلمات ثقيله وكان متفاجئ:هلا يبه
أبو فيصل بنفس العصبيه:تعال هنا..
مشى بندر وكان واااااضح إنه سكران لما ماصار بينه وبين أبوه إلا مسافة متر واحد..
أبو فيصل بهدوء يخوف:وين كنت!!
بندر باستخفاف:هه...وين كنت يعني برى؟؟
أبو فيصل ومعقد حواجبه:انت شارب شي؟؟
بندر بنفس الهدوء:لا
أبوفيصل بصوت أعلى شوي:أعتقد إني سألت!!
بندر بصراخ:وانا أقولك لا ..انت ماتفهم!!
أبو فيصل بصراخ:إلا سكران ياقليل الأدب
وماحس بندر إلا بكف قوي على وجهه ومامداه يستوعب الكف الأول إلا الكف الثاني من الجهه الثانيه
الكل تفاجأ لأن ابو فيصل عمره ما مد يده على أحد لا وهو صغير ولا حتى كبير وفوق كذا حنيته ماليه الدنيا على عياله ولا عمره زعل أحد منهم..
أبو فيصل وهو يلقط أنفاسه من كثر مو معصب:الظاهر إني ما عرفت أربيك بس أنا أوريك إشلون تعرف ترفع صوتك عاللي أكبر منك..لا وغايب عن البيت من أمس وجاي بالصبح وفوق هذا كله سكران هذا غير المصيبه اللي مسويها أمس بالمعهد ..وأنا اللي مستأمنك عالبيت وعلى أمك وخواتك بغيابي بس الظاهر إنك منت بكفو ولا رجال..
بندر كان مصدووووم.."إش لون أبوه يمد إيده عليه..لا وهو بهذا السن وقدام أهله كلهم بعد" ومن الصدمه ما تكلم ولا كلمه وأبوه جلس يهزئ فيه..ولا حتى دافع عن نفسه ولما خلص أبوه..مشى وطلع من الدرج ودخل الغرفه وقفل باب الغرفه عليه..
وكانت الفله هدووووووووووء والكل ساكت..ولا أحد فطر ولا شي
أبو فيصل بصوت تعبان..: فيصل يبه..أنا تعبان وأبغى ارتاح ومابروح للشركه اليوم روح إنت ودير بالك عالشغل
فيصل:على أمرك يبه...تبي أوديك المستشفى
أبو فيصل:لا ما يحتاج مجرد إرهاق وبنام وإنشا الله بكون احسن..
فيصل:زين يبه..يمه ..أنا رايح توصون شي
أم فيصل:لا سلامتك..الله يوفقك وينور دربك
أبو فيصل:تسلم ياولدي..فمان الله
خرج فيصل وراح عالشركه..وراكان طلع على غرفته..وأبو فيصل وأم فيصل نفس الشي..
بعد ماطلعوا الكل..
عهود بهدوء غريب:دانه شفتي اللي أنا شفته من شوي
دانه بنفس الهدوء:إيه والله... مستغربه
عهود:انا مو قادره أستوعب اللي صار..
دانه:غريبه...بابا يمد إيده على أحد..ولا مو أي أحد بندر..
عهود:لا..والاغرب من هذا كله..بندر سكران..
دانه:ياربي إش اللي صاير فينا والله أول مره أشوف بابا بهالحاله..
عهود:إيه والله..
دانه:والله متقطع قلبي على بندر
عهود:بصراحه هو يستاهل بس والله حتى أنا.........إش رايك نروح له
دانه:لا خليه حتى ويهدى..أكيد هو الحين مولع..
فـــــــي غـــــــــــــــــــــــــــــرفة بنـــــــــــــــــــــــــــــــــــــــــــدر
بندر جالس على طرف السرير وأرجوله عالأرض وحاط يده على راسه ومدنق مرررره مخنوق..ويبكي
"ليش تمد إيدك علي...كل الناس تغلط..وأكبر من أغلاطي..وهذا اللي فيني كله من سببك ..إنت اللي أهملتني وخليتني كذا..دايم تهتم بفيصل وتخليه يشتغل معك بالشركه وأنا فالتني ولا حتى تسأل علي..ولا عمرك..قلت:إش لونك يا بندر..إشلون دراستك..ماعمرك حسستني إنك أبوي وإني ولدك.. وماتبغاني أصير كذا..وتوك عرفت معنى الأبوه ويوم عرفته طلعت عارفه غلط..وطبقته فيني غلط..زين ليه انا بالذات اللي تمد يدك علي..طيب من حقك بس ليه قدام هلي..آآآآآآآآآآآآآآآآآآآآآآآه يبه آآآآآآآآآآآآآآآآآآآآآآه"
وحط راسه عالمخده ودموعه ما فارقت خدوده..كانت هذي أول مره يبكي فيها بندر..طبعا بحكم إنه ما نام له يومين..على طول استسلم للنوم..
الساعه 8 العشا
صحي بندر من النوم..وكان حاس بصداع فضيع...
قبل لا يغادر سريره جلس يتذكر أحداث الصباح وهو يتمنى من كل قلبه إنها تكون كابوس مو حقيقه..قام من فوق السرير ودخل الحمام الله يكرمكم..أخذله دش سريع وطلع والمنشفه على راسه شعره طايح على وجهه...جلس قدام المرايه..شال المنشفه وناظر نفسه بالمرايه..
كان وجهه حيييييييل متغير..من حول عيونه اسود وواضح بملامحه الهم والتعب..
\كانت نفسيته دماااااااار وماله خلق يطلع من البيت أو حتى من غرفته.. تذكر موبايله كان متأكد إن سامي داق عليه..
راح لقى15 مكالمه 6منها لسامي..
دق على سامي
وبصوت مبحوح:هلاسامي
سامي:هلااااااااااااا بندر..إشلونك..وينك ياخوي عجزت وأنا أدق عليك
بندر:ابد كنت نايم
سامي حس صوت بندر مو تمام:بندر فيك شي..صوتك موعايبني
بندر:لأني توي صاحي من النوم..
سامي:لا أنا أعرف صوتك لما تقوم من النوم إنت فيك شي ومتضايق من شي بعد...قلي ياخوك؟؟.
بندر انخنق لما تذكر الموقف وقال:لا ما فيني شي..بس دقيت أبا أقولك إني بطلع ويا الأهل اليوم ومابقدر أقابلك زين؟؟
سامي:أوكي براحتك بس أنا متأكد إن فيك شي..عالعموم دير بالك على حالك
بندر:زين مع السلامه
سامي:فمان الله..
بعد ما قفل سامي تنهد بندر تنهيد طويله....وأخذ لابتوبه...وكالعاده فتح إيميله ولقى مسجات بالهبل شاف إيميل خلود لقاها مو داخله أرسل لها مسج وجلس يسولف مع البنات بس كانت كلها سوالف بارده وممله بنفس الوقت وخصوصا إن كل وحد تحسب بندر ما عنده إلا هي وما تدري إنها آخر إهتماماته..
بعد ساعتين تقريبا دخلت خلود وقرأت مسج بندر.. فأرسلت:هلا فارس إشلونك..
أول ماقرا مسجها سفط عالكل وراح يسولف معاها:هلا فيك انا تمام انتي إشلونك
خلود:ماشي الحال
بندر: وشلون سماهر
خلود:وانت وش عليك منها
بندر:أبي أتعرف عليها بس
خلود:لاااااا هي بطلت تتعرف على أحد أبدا
بندر:وانتي؟؟
خلود:أنا ما عمري تعرفت على احد وما أحب هالسوالف ابدا..أنا بس أحل المشاكل لصديقاتي
بندر:يعني ما تعرفين شباب أبدا
خلود:هيييييييييي إش على بالك تراني بنت ناس..
بندر:ما أصدق..مستحيل فيه بنت ما تعرف أحد أو حتى ما تحب ولد
خلود:إلا فيه..أنا...وفيه غيري كثير
بندر:طيب وانا مو ولد
خلود:إلا أساسا إنت أول واحد إعرفه وبس لأني عرفتك بالصدفه وحسيتك فله وانا احب الناس الفله
بندر ومومصدق كلامها: الحين من جد..ما تعرفتي على شاب أبدا أبدا
خلود:واللي يفقدني أغلى شخص على قلبي لا بس إنت..وقلت لك السبب
بندر:طيب ليه؟؟
خلود:أقلك أخلاقي ماتسمح لي وحتى انت فتره وباتركك بس لأني هالأيام زهقانه
بندر:ليه لعبه أنا تتسلين فيني!!
خلود:لا حاشاك...بس يعني أحس عندي وقت فراغ كثير وماعندي احد أسولف معه إلا انت
بندر:ليه وين أهلك؟!
خلود كلهم موجودين بس كل واحد مشغول بحاله
بندر:أهاااااااااا..
خلود:إلا انت كم عمرك؟!!!
بندر:21 سنه..وانتي؟!
خلود:والله على بالي أصغر يعني توقعتك أصغر مني..انا(17)سنه<<كذبه
بندر:يعني مو قريبين من بعض..وأكيد ماراح نفهم على بعض!!
خلود:إيه بس إش جاب سالفة نفهم على بعض
بندر:بسالك سؤال..
خلود:تفضل
بندر:لو كنتي بمشكله كبيره ومجروحه من شخص تحبينه حيل ومالك خلق تقابلين احد أو تكلمين أحد شنو تسوين؟؟
خلود:بصراحه انا لي طقوس خاصه بهالحاله..يعني اروح أشغل أغاني غربي وأرفع الصوت عالآخر وأجلس أرقص وأطلع كل اللي فيني وما اعتقد هالطقوس تناسبك
بندر:طيب تخيلي إنك ولد..شو كنتي بتسوين
خلود:أمممم...بروح أفحط
بندر:تصدقين فكره؟!!
خلود:أقوووول تراني أمزح لا تروح تسويها بعدين أهلك يروحون فيها
بندر:طيب من جد إش اسوي؟!
خلود:سولف وبتنسى!!
بندر:مع منو؟!
خلود:معي
بندر:وإذا تعبت وأنا أكتب؟!
خلود تتريق:دق علي
بندر ما صدق خبر..:والله!!
خلود:لا والله أمزح
بندر حس إنه حل:تكفييييييييين والله خاطري أقلك إش صارلي اليوم وأبيك تساعديني
خلود:هييييييييي أقلك أنا مو راعية هالحركات..وبعدين ترى يصير تقلي كذا عالمسن
بندر:والله ماراح تفهميني
خلود:طيب جربني!!
بندر:أوكي...وجلس بندر يشرح لخلود السالفه وخلود طول الوقت: اها...طيب...وبعدين.....موفاهمه...كيف؟؟............ وبعد هذا كله مافهمت ولا شي
رجع بندر يحاول فيها((من ناحيه يبي حل بجد ومن ناحيه متشوق يسمع صوت هالبنت اللي مجننته))
بندر:والله أوعدك ما أتجاوز حدودي ولتكون آخر مره أكلمك فيها وإذا تبين حتى إيميلك ماعاد أرسل عليه..تكفين والله محتاجك..
عاد خلود كل شي إلا إن أحد يكون محتاج لها وما تساعده حتى لو كان شخص ماتعرفه..وبعد ما فكرت وفكرت وفكرت..:طيب وإش يضمن لي إنك عند وعدك..
بندر:الله يفقدني خويي سامي إذا ما نفذت وعدي..
خلود:وأنا إش يعرفني منو سامي هذا..!!
بندر:إنتي لو تعرفين منو سامي كان وافقتي لأني لو بفقده بفقد نفسي وراه؟!
خلود:أوب أوب لهدرجه غالي عليك؟؟
بندر:وأكثر!!
خلود بعد تفكير طويل:طيب أوكي..بس بشرط
بندر وهو متحمس:آمري
خلود:مانطول
بندر:ولا يهمك..
خلود: طيب دق على هذا الرقم(**********)
بندر أوكي خمس دقايق وأدق..
خلود:أوكي
وقفلت إيميلها..
خلود:"ياربيه أنا إش سويت....إش اللي خلاني أعطيه رقمي صدق اني غبيه...بس هو وعدني..طيب وإذا ماكان قد وعده..يوووه إشفيني أنا...تراني خلود والله لأنسيه من هو..وقطع عليها تفكيرها صوت موبايلها وبغت تروح فيها..
ردت وبنعومه:ألوووو
ولاء:هلا والله إش هالنعومه ياهوه
خلود انفجعت:مين؟!!
ولاء:لاااا بجد رايحه فيها إشفيك ما طالعتي الرقم أنا ولاء
خلود ارتاحت:إيييييييييييييه ولاااااااااااء
ولاء:سلامات إش صاير لك؟؟
خلود:لا بس...ماادري
ولاء:طيب فاضيه..
خلود:لا
ولاء مستغربه:طيب أول ما تفضين عطيني رنه إوكي؟؟
خلود:زين
ولاء:أوكي باي
خلود:باي
وأول ما قفلت خلود:أووووووووووووه أخذت عقلي..الحين إش فيني أنا خايفه يعني الولد ما راح ياكلني وبعدين هو وين وأنا وين
شوي إلا موبايلها يرن..طالعت الرقم إلا الرقم طويييييل وغريب فعرفت إنه بندر ترددت ترد ولا ما ترد وجلست فتره وبعديييييين قررت ترد ..وهي ميييييييته خوف
ردت وبنعومه:هلا فارس
بندرمرتبك ولأول مره بحياته:هلا فيك..إش لونك احلام
خلود:بخير وانت اشلونك..
بندر بصوته المبحوح:بخير الحمد لله..
خلود:تصدق ما توقعت صوتك كذا
بندر:اجل!!
خلود:يعني توقعته اخشن من كذا..
بندر يستهبل:حلو صح؟؟
خلود:لا..
بندر وهو يضحك:هههههه..الله يرجك مره الأسلوب عندك من جنب..
خلود وهي ميته على ضحكته:إيه إش تبيني..تراني ما أعرفك
بندر:......................
خلود:..................
خلود بعد ما وترها سكوتهم قطعت الصمت:إش فيك..إش صاير..وش الموضوع اللي تبي رايي فيه..تراني حاضره
بندر:مشكوره..بصراحه أحس مالي داعي يعني لا أنا أعرفك ولا أنتي تعرفيني فليه أقلك؟!!
خلود:وليه داق موعشان أساعدك
بندر:وقولتك بتقدرين؟!!
خلود:مو أقلك أنا بس أحل مشاكل صديقاتي أكيد بقدر لمشكلتك
بندر:مشكلتي ابوي
خلود:أش فيه أبوك!!
بندر:أوهووووووووه سالفه طويله بس عندك إستعداد تسمعين وتنغثين بعد؟؟
خلود:تفضل..
بندر: قبل أسبوع سرق واحد من الشباب مفتاح المعهد اللي ندرس فيه وقص نسخه ثانيه منه ورجعه وماحد انتبه..وأمس بعد ما انتهى الدوام رحنا أنا والشباب المعهد وفتحناه وكنا مواعدين بنات هناك..وجوا البنات.. كنا فالينها معهم وخصوصا إننا في مكان بعيد عن عيون الناس لأنه بحكم إننا خليجيين فالأنظار دوم تكون علينا وعشان ما تفهميني غلط ترى السالفه كانت مجرد كلام وما تجاوزنا حدودنا أبدا أعتقد انك فاهمتني زين وطبعا المعهد كان معين حارس ثاني يجي بعد نهاية الدوام ويحرس المعهد وحنا ما كنا ندري وانكشفنا وودانا للشرطه وطلعنا إبو واحد من اخوياي..وعدت السالفه على خير
خلود:بصراحه أنا مصدومه من اللي أسمعه..خليجيين وهذي تصرفاتكم أجل ما نلوم الغرب..وبعدين أنا لحد الحين ما عرفت إش دخل ابوك بالسالفه؟؟
بندر: تبين الصدق أحلام؟؟... حنا ماننلام اهالينا لاهيين بأشغالهم وحنا فالتين فأكيد هذي بتكون تصرفاتنا وترى أنا بالذات مو كذا وهذي اول مره اغلط فيها..وبالنسبه لأبوي الظاهر المدير أو واحد من المسؤلين وصله السالفه وكلم أبوي وقاله..وفوق هذا اليوم الصباح كنت مع أخوياي وسهرت معهم وشربت لأول مره برضو ولما رجعت البيت..............وكمل لها السالفه وطول ما خلود تسمع وهي متفاجأه ومره تحزن ومره تتريق وحاااله
بندر وهو متضايق:وهذي هي المشكله إشلون أرجع ثقة أبوي فيني..؟!!
خلود:والله إنت ما شاالله ما قصرت مابقيت مصيبه إلا سويتها وكلها بيوم واحد ويحق له يذبحك مو بس يمد إيده عليك وما بيكون سهل عليك ترجع زي أول إلا إذا سويت اللي بقولك عليه
بندر: اللي هو؟؟
خلود:ابوك الحين بالبيت؟؟
بندر:ما ادري والله بس ماأعتقد ليه.؟؟؟
خلود:إذا هو بالبيت روح له وحب راسه واعتذر له بعد وأوعده إنها ما تنعاد مره ثانيه وإنه مايشوف منك إلا اللي يرضيه..والأفضل يكون هذا كله قدام اخوانك كلهم..
بندر:بس صعب وأنا موعادتي أعتذر لأحد؟؟
صرخت فيه خلود:بس هذا ابوك يالخبل مو أي أحد؟؟
بندر بتردد:زين طيب وإذا مارضى
خلود:أنا متأكده إنه بيرضى بس لو مارضى..إجلس على راسه وحاول لما يرضى وبعدها روح لأمك وسو نفس اللي سويته لابوك
بندر:طيب بحاول..
خلود رجعت تصارخ:شنو يعني تحاول مو على كيفك أصلا!!
بندر وهو يصارخ:اجل على كيف منو؟!!..وبعدين لا تصارخين..
خلود بهدوء:طيب معليش..بس لازم تسوي اللي قلت لك عليه ولا ترى أبوك بيجلس زعلان عليك وترى ماهو أزين لك..
بندر بنفس الهدوء:اوكي ولا يهمك..وبجد ماراح أنساها لك ابدا
خلود:العفو ماسويت الا الواجب..وبعدين تكفى إنساها تراك وعدتني
بندريستهبل:إش وعدتك؟؟
خلود:أقول شكلك تبي تبدا........
بندر يستهبل ويكمل الاغنيه:معايه الخيانه..لا يا حبيبي هونك شوي هونك..<<صوته لما يغني عذااااب
خلود وهي تضحك:لا من جد نسيت؟؟
بندر وهو رايح فيها:لا والله مانسيت وابشري بالتنفيذ
خلود:مشكور أخ فارس..يالله مع السلامه
بندر:لحظه لحظه..
خلود تستهبل:نعم..بعد تبي تحتفظ في رقمي...؟؟؟
بندر يضحك:لا بس حبيت اقلك إن إسمي مو فارس انا اسمي بندر
خلود:أهاااااااا...مومهم بندر فارس المهم تسوي اللي قلت لك عليه وانشا الله امورك بتمشي تمام وطمني بعدين إش صار معاك بمسج هاه..وبعدها نفذ وعدك
بندر:ولا يهمك دعواتك بس..
خلود:أوكي.. مع السلامه اخ بندر
بندر:فمان الله..
************************************************** ***************
قفل بندر وهو مرتااااااااااااااااااااح ومبسوط بنفس الوقت..:والله وجبت راسها يابندر ولعبت فيها
"العب..شنو ألعب..طيب دامي العب ليه قلت لها إسمي الحقيقي..وليه قلت لها عالسالفه...وليه طلبت منها تساعدني
طيب ليه كنت ناوي من جد أنفذ وعدي لها....يمكن اكون......لا لا مستحيل..انا بس كلمتها أصلا ما يصير وأنا ما شفتها..بس انا بنفذ وعدي لأني مو ناكر للجميل وهي عطتني الحل ووافقت تكلمني مع إنها ما قد كلمت احد قبلي وسمعت لي وهي مو مجبوره وفوق هذا عطتني الحل ....وخلتني أضحك وأنا في عز ضيقتي...والله هالبنت غريبه!!..."
قطع عليه حبل أفكاره صوت الباب يندق
بنفس الصوت المبحوح:منو؟؟
عهود:انا بندر..بس أبي أقلك العشا جاهز..بتتعشى معنا؟؟
عهود كانت عارفه الرد بس تفاجأت لما سمعت بندر يقول:الحين جاي..
فحبت تتأكد:إش قلت؟؟
بندر:أقلك الحين جااااي
عهود:يالله نستناك..
بدل ملابسه وأخذ جواله ومفتاحه واهم شي بكت الدخان ونزل..
خلود بعد ما قفلت من بندر"يا ويلي على صوته يجنن والبحه اللي فيه عذااااااب..بس واضح من كلامه إنه حق لعب وبنات...معقوله؟؟...يحسبني مثل هالبنات؟؟...معقوله تكون هالسالفه كلها من تأليفه عشان يكلمني؟؟...لالالا..بس هو وعدني...إش الللي وعدني الناس اللي زي كذا ماتخاف من الله..والله لو يفكر يلف معاي ويدور..لأقلب بريطانيا كلها على راسه....يالله إنشا الله تكون السالفه جد وتعدي على خير والله كلامه يدل على إنه جاد وواضح بصوته إنه متضايق ومهموم.."
نزلت عهود..وجلست عالطاوله..طبعا محد سألها إش قال لأن الكل توقعوا مثل ما توقعت عهود..
وبعد شوي..
خرج بندر من غرفته وأخذ نفس عميق..
وقتها خلود كانت تقول:الله يوفقك يا فارس قصدي يا بندر الله يجعل ابوك يرضى عليك وتمشي أمورك تمام
المهم نزل بندر من الدرج والكل تفاجأ لما سمعوا صوت أحد نازل من الدرج..........
نزل بندر..
دخل الغرفه وبنفس الصوت اللي ما زال مبحوح:السلام عليكم
الكل كان متفاجئ لدرجة إنهم ما ردوا السلام..
بندر بجديه:ترى السلام لله
الكل بصدمه:وعليكم السلام ورحمة الله وبركاته..
بندر يحب راس أمه:وشلونك يمه
أم فيصل:بخير وعافيه وانت إش لونك..
بندر:أنا بكون بخير لو أبوي راضي عني
راح وحب راس أبوه:يبه أنا آسف تكفى يبه سامحني وأوعدك كل اللي حصل ما يتكرر مره ثانيه ولاتشوف مني إلا كل اللي يرضيك..
أبو فيصل:............................................. ...
نزل بندر على ركبه وأبوه جالس عالكرسي
أخذ يد أبوه وباسها:يبه طلبتك ترضى علي وتسامحني..أنا بلا رضاك علي وإش أكون..تكفى يبه والله لتشوف بندر واحد ثاني بندر اللي أنت تبيه بس تكفى سامحني طلبتك يبه..
أبو فيصل والجمود واضح على وجهه لأنه مازال متضايق من اللي صار و بنبره غريبه:بندر!!
بندر:آمر يبه..
أبو فيصل:اطلع برى بيتي...
الكل انصدم وما توقعوا إن أبو فيصل يقسى على بندر كذا وخصوصا بعد الكلام اللي قاله لأبوه..
بندر خنقته العبره:بس يبه أنا.........قاطعه أبوه:أقولك إطلع برى بيتي ولا صرت رجال وقتها تعال وبكون راضي عليك..
نزلت عليه هالكلمه مثل الصاعقه"يعني اشلون أنا مانا برجال..ليه كذا ليه؟؟"
فيصل:يبه الله يهداك..بندر رجال وتربيتك......
قاطعه أبوه:لا ماهو برجال ولاهو تربيتي هذا ربته الشوارع من وهو صغير..
ناظر أخوانه وخواته يبي نجده بس الكل ماكان يقدر يتكلم وخايفين إذا تكلموا يزيدون الطين بله..
بندر كان شبه داخل في غيبوبه وموقادر يستوعب اللي صار..ويحس اللي صار له كله حلم..قرر يطلع قبل لا تخونه عيونه وتفضحه..
ولما جاء بيطلع لف على أبوه:فمان الله يبه.. ((فمـــــــــــــــــــــــــــــان الله يالغـــــــــــــــــــــالي..))
أم فيصل نغزها قلبها:بندر!!...لاتروح أبوك مايقصد..
أبوفيصل قاطعها و بصوت عالي:إلا أقصد كل كلمه قلتها..
وبنبره تختلف حيل عن اللي قبلها بهدووووء:روح يابندر..ورد لي بندر الأول واتمنى ماتطول..
طلع بندر..ودموعه مغرقه خدوده..ركب سيارته ومشى مشى مشى..مايدري لفين بس جلس يمشي ويدور بشوارع برايتون ومشغل اغنية [ساعات] لراشد ورافع الصوت عالآخر..وبعد 4ساعات وهو يمشي بالسياه تذكر(أحلام) اللي هي خلود..خفض صوت المسجل ودق رقم خلود..
خلود شافت الرقم واستغربت ليه داق وهو وعدها معقوله صدقت واحد كذاب بكذبته..فما ردت
رجع يدق مره ثانيه..وثالثه وعاشره وفي الأخير ردت وهي معصصصصصبه:نعم..
بندر بصوت تعباااااااااان ويالله ينسمع:معليش إني دقيت بس..أنا تعبان حيل و ماقدرت أكتب مسج بس حبيت أقلك إن الأوضاع مره مو تمام وأرجع وأقول آسف إني دقيت....وقفل..وجلس يبكي مثل الأطفال
خلود جاها خوف مو صاحي...وما استوعبت الكلام اللي قاله "قال ..الأوضاع مره موتمام..صوته تعبان..وواضح إنه متضايق حييييل...ياربي إش صار.."
وجلست تقريبا نص ساعه وهي..تفكر في الكلام اللي قال وتتذكر صوته التعبان وجاها قلق مو صاحي..رجعت تدق بس هو كان رافع صوت المسجل وما سمع الموبايل..وجلست تقريبا ساعتين تدق..بس ما يرد..تلفت أعصابها..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك