رواية دموع رجال معاريس -37
جهاد:مجاهد انتى ماجفت جيف شروق كانت يوم تموت بنتك ماقلت هالرمسه مجاهد شروق ام ام تفهم شو معنى هالرمسه يعني هي اللي حملت فيها 9شهور وهي اللي ربتها سنتين وانت بعيد تفهم شو يعني هالشئ
مجاهد:جهاااااد تكفى بس علي بس
جهاد سكتت وهو يشوف اخوه يتعذب اكثر واكثر
.........................
محمد خبط زياد على راسه:ابي اعرف شتحس فيه هاه
زياد وهو يطالع يده المجبره:اقول يبه بدل ماتقول سلاماات ماتشوف شر جالس تكفخني
اروى:واحد يسوي سواتك يعني ريال طول بعرض تطيح وجنك ولد صغير
زياد:ههههههه حراام عليكم خلونا نمشي بسرعه ابي اشوف بنتي
محمد:امش امش مدري شلون بتشيل بنتك
زياد:هههههههههه مااظن انه صعب
اروى:ههههه شكل في عقلك شئ وشلون بتشله وانتى مجبر جي
زياد:عشان بنتي كل شئ يهون
اروى:ذكرتني بشروق الله يرحمها بنت ولد خالتي ابوها لما انكسرت يده شالها ويقول جي الله يرحمها
محمدوزياد:الله يرحمها
اروى سحرت بخيالها ورجعت لورا وهي تمشي مع زياد ومحمد
وصلوا عند غرفه مي كان واقف بومي ومعاه بوصقر وصقر اول ماشافه صقر كشر بوجهه زياد مشى وسلم على خواله ولا سلم على صقر
محمد:تستاهلون سلامتها
بومي:الله يسلمك"وطالع زياد بدمعه"مبروك عليك يازياد
زياد بابتسامه:الله يبارك فيك ياخال
محمد:وينها البنت خلونا نشوفها
بومي:تعالوا معااي
مشوا وراا بومي بيروحون لحضانه الاطفال لان البنت للحين صغيره
صقر:يبه يحر القلب والله
بوصقر:خلاااص ياصقر الحين مي وبتتزوجها شتبي اكثر من كذاا
صقر:مو هذا اللي مصبرني
عند زياد اول ماوصل للحضانه لبسوه حق الاطفال ودخل هو وابوه واروى معاهم اول من شالها زياد حطها على يده واللسستر واقفه قدامه عشان ماتطيح لان يده مجبره
زياد بفرحه:صرت ابو
اروى تطالعه:لاينشق فمك
زياد طالعه ثم ابتسم ونزل تبوس بالصغيره
...........................
طلال:منت بقايلي منو اللي ضاربك على وجهك
ضاري:تضاربت ويا محمد اخوي
طلال:هاه
ضاري:اييه
طلال:وبعدين وياك انتى
ضاري اللي جالس ويا طلال بالكوفي طالعه ثم لف وجهه
طلال:ضاري من جدي اتكلم حراام اللي تسويه
ضاري:طلال انتى مو فاهم شئ
طلال:طيب فهمني شو اللي انه مو فاهمه
ضاري:طلال انت عبالك اني مرتااح
طلال:عارف انك هب مرتاح وهم عارف انك يالس تسوي شئ غلط
ضاري حط يده على الطاوله:ساعدني ياطلال ساعدني شسوي انه صحيح اني اتعذب بس ساكت عسب امايه مااابا اسيرلها لاني كل مااجوفها تسالني شلي مكدرني
ططلال حط يده على يد ضاري:ضاري اذا على غرام..
ضاري :وهو في غيرها
طلال:اسمع الرمسه ضاري ترى محد عارف لييه مرت عمي سوت ججي
ضاري:انه ماتهمني امها انه تهمني غراام ابي حل مو قادر اشلهامن افكاري
طلال:ضاري غراام قالت لك انها نستك انسها
ضاري بهمس:انساها
..................................
*هيييه انه قايلتله ينساني
ماجد:بعقلج شئ انتي
غرام:لا مابعقلي شئ بس انه صحيت ونسيت منو يكون
ماجد:غرااااام لاتينيني هذا ضاري اللي تحبينه
غرام:وماعادني احبه
ماجد:والنهايه
غرام تحاول تتماسك:ولاشئ وسد على الموضوع
ماجد:غراام حراام اللي كان يضيع شوفي حتى ضاري صار قاسي مو بس عليج حتى اهله غرااام ضاري يحاول ينساج وترااه جالس يذبح بحبج
غرام:ماهمني انه نسيته
ماجد طلع منها مقهور هو ويا طلال متفقين يرجعون هالاثنين لبعض لصوابهم ويقنعون ام ذعار عسب ترضى
جلست غرام على السرير ودموعها على خدها صعب اللي جالسه تقوله بعدين شنو اللي قاله ماجد عن ضاري معقوله معقوله ضاري ينساني
*يمه غرام
غرام طالعت في امها وانهارت تصيح اكثر حست انها ضاعت ام ذعار حضنتها
غرام:اماااااااااايه ساعديني"شهقت بصيااح"ابا انسااااااه ساعدني تعبت يمه تعبت اكابر تعبت تعبت ابا اعيش بهنا يمه انه احبه احــــــــــبـــــــــــــــــــــــــه
يايمه ارجوك سمعيني .. يايمه بس (( لاتقسين ))
واذا شفتي دموع الحب .. ضميني
الين ماأموت .. ابي انساااااه وانسى الصوت ..
ابي انساه يايمه .. نسيني !!
وعلى حضنك ابي ابكي .. على نفسي وعلى سنيني
تعالي لايفوت الفوت .. وريحيني
يايمه ارجووك طمنيني .. احس الفرقا تقتلني (( وتنهيني))
يايمه تعبت وانا أكابر وانا أكابر .. واقول للناس مايعنيني
وربي (( أكسر الخاطر)) .. عجزت انساه صدقيني
رحل يمه (( ولكنه )) .. باقي عايش بقلبي وشراييني
ابعرف ليـــــش بس قلبي .. معند ومايبي ينساه
يايمه القلب مشقيني
ابي ارجع ولو لحظه .. ابي ارجع انا طفله
واعيش الحب بس وياه ..
ونصير كل يوم نتلاقى .. وصدق شوفه يكفيني
رجيتك عووووودي يالحظه .. وفرحيني
آآآه يــمــه .. من هذا الحلم امانه لاتصحيني
ابي احلم .. ابي احلم .. يمكن حلمي يصبرني ويشفيني
حتى الحلم يايــمــه بعد فتره شمت فيني
حلمت انه يناديني ..
ويقول لي ليه خذلتيني !!!!
ودمعي سال على خدي .. بكيت يمه على حبي
وكرهت الحلم يايمه .. لانه صار حلم اسود بعد ماكان حلم وردي
ويايمه دمعي لونه احمر .. يايمه هو يأس منكم وقلبه علي اتحجر
يايمه والله ماأقدر .. انا فبعده عجزت اصبر
وبعد هذا تلوميني ؟؟ يايمه حتى لاتعاتبين
لاني .. ضعت من بعده وصرت مدري انا ويني !!
يايمه راااااح .. وبعدين !!
شوفي كيف ضاعت كل احلامي وسنيني
ابيه يرد ويريح قلبي المسكين ..
يايمه راااااح ..
وابي أي شي عن حبه (( يلهيني ))
يايمه هو مو داري .. يحسب اني نسيت كل ايامه وايامي !!
وانا يمه اصيح بلهفه للماضي ..
يايمه هو مو داري (( اني ابيه ))
واني لين اليوم (( احبه حييييل )) واغليه .. ونفسي يرد واشوفه الحين ..
وياليت اسمع ولو صوته .. واظن صوته بيبكيني
وبقوله كل شي يمه .. بقوله ضعت من بعدك انت وينك تحميني ؟؟
وبقوله ياحبي الاول امانه ((( لاتخليني )))
وبقوله والله مو ذنبي .. وش هالدنيا ياقلبي .. بدونك انت
انت الحب وكل الناس في عيني ..
يايمه مافي بالدنيا مثل قلبه ..
احسه الوحيد اللي بيفهمني ويراعيني
يايمه ارجوك سمعيني .. انا حاولت احب غيره !!
بس انه كللللل تفكيري ..
وبعد هذا تلوميني ؟؟ يايمه حتى لاتعاتبين !!
لاني (((( ضعت ))) من بعده وصرت مدري انا ويني
يايمه راااح .. واحسه يقول خذلتيني ..
يايمه والله مو ذنبي .. يايمه يعني ماتدرين !!
يايمه بس قولي له .. اهو ذنب (( مين ))
ام ذعار كانت دموعها اربع اربع على خدها مو عارفه شتقول لبنتها
غرام:آآآآآآآآه يمه تعبت وربي تعبت
ام ذعار:بسج ياغراام
غرام طالعت في امها:تظنين يمه اقدر انسااه
ام ذعار نزلت دموعها وماعرفت شتقول
غرام بعدت عن امها وهي تمسح دموعها ماله داعي تضعف اكثر من كذاا
ضاري:طلال شسوي
طلال:تسمع الرمسه
ضاري:هييه بس ابا ارتاح
طلال:طيب جوف انتى الحينه ابااك تسير لامك تطيب خاطرها بجم كلمه يعني بر الوالدين واجب
ضاري:بس
طلال:اسمعالرمسه والله ياضاري الام فضلها جبير جبير واذا رضت عليك ربي بيوفقك
ضاري طالع بطلال وتنهد
.................
اليوم الثاني
بدر:هلا يمه امريني
ام شهاب:بدر انت خطبت من فتره ومالله كتب لك نصيب معها
بدر تنهد:الله يوفقها
ام شهاب:انا من فتره ابي اكلمك بدر انا من ذاك اليوم يوم اشوفك مع جيهان واناادعي ربي انك تاخذها ولاتكسر بخاطر المسكينه
بدر انصدم:هااااااه
ام شهاب:بدر حراااام عليك
بدر:يمه انتي ماتدرين شلي كان صاير لااانا ولا جيهان ممكن نخون الثقه اللي عطيتونا اياها
ام شهاب:بس ياوليدي
بدر سكت للحظه
ام شهاب:بدر
بدر ابتسم:تبيني اتزوجها
ام شهاب طالعته:بدر انا اتمنى لك السعاده
بدر:لك اللي تبينه يمه
.........................
في ناس ماعمرنا جيناهم بنروح نطل عليهم نتطمن بس
هلال:سرااااااااااااااااب
سراب وهي جاييه:نعم نعم شوفيك خرعتني
هلال طالعها:تعالي بسرعه امج تبي ترمسج
جات سراب تركض وكانت بتطيح
هلال صرخ:بــــــــــــــــــنــــــــــــــــت
وركض مسكها
هلال:شفيج انتي احد طقج على راسج
سراب:امي على التلفون
هلال يطالعها:ولاكنج سويتي شئ غلط
سراب راحت مسرعه للتلفون:بعدين بعدين
دخلت الصاله وكلمت امها كان هلال يطالعها وهو مبتسم يموت فيها اذا كانت متحمسه
هلال قرب منها وجلس عندها وحضنهاوهو يحط يد من ورى ظهرها والثانيه على بطنها اللي بادي يطلع حط راسه على راسها وهو مغمض عيونه
سراب طالعته وهي تكلم وبعينها تقولها ابعد مو عارفه اكمل لاكنه كان بعالم ثاني
لحظات وسكرت من امها
سراب:هلال شوفيك يعني الحينه ماتشوفني ارمس
هلال طالع بعيونها:لا مااشوفج ترمسين
سراب:اقول
هلال حط اصبعه على شفايفها:اششش لاترمسين خلاااص
سراب:هااه
هلال حط راسه على صدرها:ابا اناام
سراب:طب قوم مو هني ياولد الناس الحين بيي ذعار
هلال باسها:كيفه وحد نايم بحضن مرته
سراب:صج انك.."وهزت راسها وهي تبتسم"
هلال:احبج..
@@@@@@@@@
حصه كانت بالدور اللي فوق كانت ترتب اغراضها وتحط هذا هنا وهذا هنا جلست عند الدريشه وسسرحت بافكارها بذعار
لييه يعاملني كذاا وراحت لذكرى ليله زواجهم
>>>فتح ذعار باب الغرفه:تفضلي
حصه خطت اول خطوه وهي تقول :زاد فضلك
دخلوا الغرفه وسكر ذعار الباب
ذعار:العشا وصيت الخدم اللحينه بي
حصه:مشكور انه ماابا عشى
ذعار مااهتم لكلامها وراح فسخ غترته وعقاله وطاقيته ورجع جلس على الكنبه الثانيه كل واحد منهم يطالع في المجهول
ذعار:خلاص حصه عقي العبايه مافي حد هنا غيرنا
حصه طالعته وبعدين قامت وقفت وراحت للتسريحه نزلت عبايتها
...
ذعار:العشا
حصه طالعته:قلت لك ماابا
ذعار وقفها :ماشي بتاكلين يعني بتاكلين
طلعوا براا الغرفه
حصه:طب ذعار اببا اخذ شيلتي
ذعار:مافي حد
مشت معاه وجلسها على طاوله الطعام ذعار طبعا مابغاها تفسخ كشختها بغى يملي النظر منها ويشبع منها لانه عارف بعدين نظام حياتهم
ذعار:سمي
حصه حطت لها سلطه وهي مالها نفس تاكل
ذعار:حصه دريتي انه سفرتنا بعد عرس حمد
حصه:هيه
ذعار:جهزتي عمرج
حصه:هيه
ذعار:تراانا بنيلس هناك شهر قالولج
حصه:هيه
ذعار رما الملعقه بعصبيه:حصه شو هااي كل مااارمسج ماعندج غير هااي الكلمه
حصه قامت:الحمد لله
...
ذعار :حصه
حصه كانت جالسه علىالتسريحه ومبدله ملابسها جالسه تمسح مكياجها
ماردت عليه فدخل وهو منزل راسه سكر الباب وقرب منها باس راسها
ذعار:اسف الغاليه
حصه اللي انصدمت منه
ذعار:وربي ماكان قصدي
حصه:خلاص ذعار انه ماشلت بخاطري اصلا
ذعار نوعا ماارتاح
حصه بعد ماخلصت مسح وجهها
حصه بتردد:ذعار انه وين بنام
ذعار طالعها مستغرب:شلون
حصه :ا ا....اا
ذعار فهم لها:حصه مثل ماانتي جايفه هاي غرفتنا فعسب جي هذا مكان نومنا واذا سافرنا الوضع بيتغير
حصه بخوف:بس
ذعار:حصه انه واعدنج من قبل مارااح المسج وكلمه الرجال مافيهارد<<<
آآآآآآآه ياذعار هذا اليوم الوحيد اللي عرفتك فيه حست بفتحه الباب رفعت راسها وشافت ذعار قدامها خافت ووقفت هي من تشوفه تخاف لاكن ماتظهر له هالخوف ابد
ذعار :شعندج يالسه بحجرتج
حصه:قلتهاا حجرتج يعني كان من المفروض انك تطق الباب مو تدرعم
ذعار:نعم..
حصه لفت عيونها عنه
ذعار بصرخه:عيدي الرمسه عدل ماسمعتها
حصه:انتى شوفيك هاوي خناقه على الصبح
ذعار على صوته اكثر:لاوالله اجوف طلع لج لساااان حصوووه احترميني لاتشوفين شئ عمرج ماارااح تشوفينه
حصه:شوبجوف يعني انت من جفتك ماجفت شئ حلو بحياتي
ذعار اثارت حصه اعصابه ومن غيير شعور تقدم لها وجرها من شعرها وهو يعطيها كف
ذعاربصرااخ:كم مره قلت لج احترميني احترمــــــــــــــينـــــــــــــــي
حصه وهي تصيح:آآآآآآآآآآآآه ذعاااااار خلااااص يمااااااه آآآآآآآآه
ماحس ذعار الا بهلال وسراب اللي دخلوا وبعده هلال عنها
هلال:شفيك ينيييييييييييييييت
ذعارطالع بهلال ثم لف بيطلع
هلال:ذعـــــــــــــــــار
ذعار لف وطالع بهلال
هلال:اذا على باللك بتستقوي عليها هني تراااك تحلم فاااااااااااهم
ذعاار طالع بهلال بسخريه وطلع براا الغرفه
سراب:حصه
حصه وهي تكتم صيحتها:خلاص سراب انه مافيني شئ
سراب:بس..
حصه قامت ودخلت لحمام"اكرمكم الله"
هلال:تعالي سراب اذا كانت تبي ترمس بترمس خليها بروحهاالحين
سراب طلعت مع هلال وهم متضايقين على الحاله اللي وصلو لها ذعار وحصه
................................
مجاهد فتح الباب ودخل على شروق كانت جالسه وحاطه يدها على بطنها
مجاهد:السلام عليكم
شروق طالعته شيبي هذا لفت وطالعت بالدريشه وهي تحبس وتكتم عبرتها
مجاهد قرب منها وجلس جمبها ومسك يدها وباسها
مجاهد:شحالج الحينه
شروق طالعت فيه مستغربه منه لاكنها ماعطته وجهه
وقعدت متجاهلته تبي تذوقه اللي ذاقته من صد
..............................
كان البيت فرحان برجوعهم وبرجوع النور لعيون راكان كان المتواجدين
بوشهاب وعياله
بووسام وعياله
محمد واخوانه وخواته اروى ومروه
راكان كان جالس مع احمد وسوالف وضحك اما الباقي تذكرون انتوا علاقته فيهم قبل الحادث سطحيه
احمد:انزين ماعلينا الحين من الضحك قولي لييه ماتسولف مع عيال عمي
راكان طالعه:مدري حاس للحين بيننا رسميات
احمد:ماعليك انت بس حاول
راكان:طيب
بووسام:احمد روح جيب القهوه
احمد قام
بدر وخالد وزياد مع بعض
بدر:اففففففف انه ابا اطلع للاسترااحه شرايكم هالاسبوع نروح
زياد:اييه صح
خالد بابتسامه باهته:على ايدكم الحين قولوا للكبار بيطلعونا عاد ياانا خاطري نروح الاسترااحه
زياد حس بغصه بس كتمها قدام خالد
راكان:خالد
خالد مبتسم:هلا راكان
راكان:شفيك مبين عليك تعبان عسى ماشر
خالد:لابس ارهاق بسيط
بدر الي على طول دخل على راكان بدخله مفاجاءه:الا انت ياابو الشباب شسويت بامريكا يقولون انها تسلم علي
راكان ابتسم:عليك ثقه
خالد وزياد ضحكوا على بدر اللي تفشل
بدر:افا ماهقيت منك ياولد عمي تشمت العذول فيني
راكان:اووه اجل سوري لاتسلم عليك وتقول متى تجيهاا..اا
سكتت راكان وهو يشوف الرقم اللي دق عليه عطاه مشغول ولف على بدر مبتسم
بدر:اقول راكان بما انك الحين صايره لك شعبيه واجد شرايك نحنا عيال عمك بنطلب منك طلب
راكان:وشو
زياد:اما انك استغلالي تستغل شهره الرجال عشان تنفذ ماربك
بدر:شنسوي العالم هالفتره ماتمشي الا بالواسطات
خالد:هههه
بدر:المهم اسمع ابيك تتوسط عن معزبينا..
*مااظن في واسطات بين الاب وعياله
لف بدر على ابوه وعلى وجهه ابتسامه تضحك:هلا يبه انت سمعتني
بوشهاب:اييييه
بدر:اممم يبه راكان يقول ولا مره رحت الاستراحه خاطره يشوفها
راكان طالعه وهومبقق عيونه
وزياد وخالد ضحكواا على شكل راكان
داااخل
احمد:يلااا ميري
ميري:طيب طيب
احمد:انتي لييه بطيئه
ميري:باباه انتى واجد كلااام
احمد:بعد خدامه ولسانها يلوط اذانها
ميري:اففف ايس في كلام انتى
احمد خذا منها الدله وهو يقول:ماله داعي تعرفين
ميري:روه روه
احمد طلع براا بيروح للمجلس الا سمع حس البنات كانوا جالسين براا
الجوري:الا اروى الحين انتي ويا اخوانج
اروى:هييه ههههههه بنات طافكم امس
جيهان:بنات شورايكم يوم نعزم بنات خوالج خاطري اجوفهم
اروى:عادي
الجوري:هاه بس عزموهم في يوم مااكون فيه مشغوله
مروه:لييه وبشو بتنشغلين
اروى:هههه يمكن بزنس انتي شعليس
الجوري:انا الحين حرم راكان فقبل كل شئ لازم اسال موكلي اذا بيفضي لي يوم اجلس معاكم
البنات ضحكواا
مروه:عشتوا وهذانا حرمي محمد ماقلت مثلج
اروى طالعتهم وهم يسولفون آآآآه ياحمد كان المفروض الحين اقول حرم حمد لاكن الحين ينقال لي ارمله حمد
الجوري:اروى اروى
اروى:نعم
جيهان:وين رحتي
اروى:لابس تذكرت بروح اتصل بالموبايل ضروري عن اذنكم
قامت اروى الذكرى رجعت لها من جديد وهي تمشي ماشافت احمد اللي كان يطالع فيها
احمد:اروى شخبارك
اروى لفت على احمد:هلا احمد الحمدلله شحالك انتى
احمد:انه بخير بشوفتك
اروى:ن اذنك ودخلت لداخل واحمد رااح للمجلس
بالمجلس
زياد يوم شاف بدر انشغل طالع بخالد
زياد:خالد شسويت
خالد سكت
زياد:خالد شنو سويت
خالد:بعدين زياد
ووقف يبي يخلي زياد ينسى اللي يقوله على الاقل الحين لانه يعرف ان لوسمع من الكلام بيتعب اكثر
خالد:هاته احمد انا بصب
خذا من احمد الدله وهويصب حس بدوره خفيفه لاكنه تجاهلها يوم وصل لعند زياد طالع فيه ثم اشاح بعيونه يحاول يتماسك لاكن ماحس بالدله اللي طاحت من يده حط يده على راسه وهو يسمع اصواتهم لاكن بلحظه غشى المكان اللي هو فيه سوااااااد
زياد:خالد خالد
الكل كان خايف وهم يشوفون خالد طايح بين يدهم على الارض
شالوه وبسرعه المستشفى
.............................
في بيت بوهلال نزلت نوره تركض وهي تنادي على عمها
نوره:عمي عمي الحق علي
38
تدري إذا البنـت عشقـت وش ممكـن يـصـيـر .....؟
يوه لو تدري وش عشـق البنات ....
موت ... وحياة ...!!
وأشيـاء ابـد ماتتوصـف ...!
تبـي تعـرف البنت إذا دشـت هــوى ....!؟
تنثــر لها دمعه .. حلوه تشبـه لحبـات المطـر ...
بس دافيــه حيــــل ....!
وتشتري لهـا شمعــه .. لونهـا وردي ...
وتفرح إذا هي تحترق ...!!
وتجلس بغرفتهـا كثيــر .. تصحى وتنام ....!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك