رواية دموع رجال معاريس -35
لفوا على ماجد اللي واقف ويطالع فيهم
اروى هنا سحبت غرام ونزلوا تحت ماتبي تعرضها لمشاكل في الطريق كانت عبير
عبير:زين توني يايه بناديكم العشاء حطيناه
.................................
كانت واقفه على المغسله ترجع اللي في بطنها تحس بطبع مو ططبيعي جلست على ارض الحمام وصاحت هي خايفه اي خايفه عمار كم مره جاها بالغرفه وهي ماتقدر تسوي شئ تدرون لييه لاني صرت اضعف من قبل صرت اضعف لانه صار يستغل لحظات واجد وقفت على حيلها وهي تسمع صوت احد يناديها غسلت وجهها وطلعت
اول ماطلعت انصدمت
.........................
الكل رجع لبيته
في بيت بومجاهد وبالذات في غرفه مجاهد
دخلت شروق ببطئ كانت تحس بثقل بانحاء جسمها سندت جسمها على الباب
مجاهد:نبا ندش
شروق لفت عليه وطالعته بنظره انسان معذب ماامدها حتى تتكلم الا دزها عن طريقه ودخل للجناح شروق طالعته من وراه ماتعرفه هالشخص ماتعرفه دخل لغرفه شوق بنته اللي من توفت مافارقها لحظه وحده ومانع شروق لاتعتب لداخل الغرفه ولا هو حاس باللي جالس يسويه بشروق هو دايم يردد عليها انتي سبب موت بنتي بس لييه ماتدري ليييه هي ماعمرها فرطت ببنتها لييه يعاملها كذااا فهد لييه خذااا بنتي هذا الشئ مايعرف عنه الا مجاهد
لفت طالعت بالصاله بهمس: شوق وينج شوفي شو سواا لي ابوج شوق ووووووووينج ابوج ماصار يحبني يكرهني ياشوق تذكرين يوم انج قلتي له تحب امي آآآآآآآآآه شوق تعالي قولي ليه الحينه تكرهها
جلست على الارض وهي تكتم عبرتها كل ليله على هالحاله كل ليله
ليلي الم
ويومي آلام
قلبي الم
ماله حدود...
وين مااروح
تبقى الجروح
والذككريات
واحيا انا..
انت الربيع
وانت الفصول
وانت الحنان
لو ماتعود..
لينا الهوى
تبقى الهوى
ومعنى الهوى
سر الوجود..
..................
الساعه 12 بالليل
وقفت على حيلها تحاول تسيطر على نفسها تطالع بعمار السكران اللي مرمي على فراشها وقفت على السرير وتظبط حالها لاتيطيح من السريرلاكن للا سف طاحت اول ماطاحت صرخت من الالم وصاحت ياااااااااارب
سحبت نفسها كانت تنزف دم ماكانت قادره تتحرك فتحت باب غرفتها وطالعت كانت الغرفه ظلمه ومافيها احد لفت وراها طالعت الدم وكان النفس يتسارع عندها من غير شعور صرخت
جيهان:آآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآ
تحت كانوا شهاب وبدر
بدر:قول انشاء اللله اليوم امي كلمتهم
شهاب :ربي يوفقك
سمعو صوت صرخه جيهان وقفوا بسرعه وتراكضوا لمصدر الصوت بدر كان عارف طريقه هذي صرخه جيهان فتحت الباب وطالع الظلمه فتح النور وشاف جوجو مرميه على الارض ركض لها وشهاب منصعق من الدم اللي حولها
بدر:جيهان جيهان
جيهان رفعت راسها وطالعته والعرق يقطر منها :بـ..بـ..در اذبـ..ـحنـ..ـي...
بدر بخوف:شقاعده تقولين انتي
جيهان خلاااص تحس انها هلكانه تعب:انتـ..ـى..قلـ..ـت..بتـ..ـستـ..ـر..علي..اذبـ..ـ حنـ..ـي...
شهاب:جيهان بدر شصاير
جيهان طالعت بشهاب وبصعوبه كتمت المها وانفجرت بالصياح واهي تتمسك ببدر من بلوزته
شهاب سمع حس بالغرفه قرب وطل بعينه الا يشوف عمار اللي بالسرير وماحس بنفسه الا وهو داخل عليه بيضربه لاكن استوقفه كلمه جيهان
جيهان:يمـ..ـاه..آآآآآآآآآآآآه ..بطـ..ـنـ..ـي
لف شهاب وطالع الدم اللي على الارض
شهاب:بدر قم ودها السياره وانه بلحقك بسرعه
بدر حمل جيهان بين يدينه ونزل فيها بسرعه وهو يسمعها تترجا وتنادي امها
شهاب دخل على عماروطالعه ثم تفل عليه
شهاب:تفووو عليك من ولد يالخسيس
عمار طالع في شهاب ومو مستوعب من هو لاكن ماحس الا في شهاب سحبه
شهاب:قوم البس ملابسك يالخاااااااااااااايس
عمار من الخوف اللي جاه ماعرف شيسوي الا انه طاع شها اللي جالس يسب ويشتم فيه واول مالبس كف قوي جاااه على وجهه
وجره من يده وطلعه معاه من الجناح
بلحظات كانوا بالمستشفى لبس شهاب البالطوا حقه ودخل عليها
بدر كان برااا وخايف لييه كل هالدم
.
.
.
شهاب:حامل
بدر شهق:ايــــــــــــــــــــــــــــــش
شهاب:قصر حسك الحين بسوي لها تنظيف لانها طرحت
بدر:شهاب عمار
شهاب:ايييه عن اذنك
جلس بدر علىالكرسي وهو يتوعد بعمار الخايس بس خله يتطمن على جوجو
.............................
باليوم الثاني
محمد:شخبارك يااروى
اروى:الحمدلله انا بخير انت شخبارك يااخوي
محمد:طيب اسال عنك
اروى ابتسمت:شخبارك زياد
زياد:حمدلله بخير
*اروى اروووووووووووووووووووه
لفو ا كلهم على مصدر الصوت اللي مسببته مروه انصدمت مروه بمحمد اول ماشافته ركضت نطت بحضنه حضنته هذا اللي عوضهم عن غياب ابوهم
زياد انصعق من هذي اللي دخلت عليهم وحضنت اخوه اقصد ابوه ترااه مايرضى
مروه:وحشتني وحشتني
زياد يطالع بمحمد ومروه وقال اكيد وحده من خواته هذي اروى وسراب مسافره وهذي مروه ابتسم وهو يسمع كيف يسمع سؤال محمد عنها وعن احوالها
محمد:وهذا اخوكم زياد
زياد مد يده لها:شخبارك يامروه
مروه وهي للحين مو قادره تسيطر على فرحتها:انا الحمدلله بخير انت شخبارك
اروى:عن اذنكم بجيب لكم شئ تشربونه
قامت حتى ماسالت مروه لييه جاايه تصارخ
محمد ابتسم:اقول مروه شفيك داخله تصارخين لايكون حامل بشريني بصير خال
مروه اللي انحرجت:لاء بس يدي عند الباب وكان يبي يوري اروى يايب لها مفاجاءه
محمد:عمي هنا
مروه:هييه تعالواا عسب تسلمون عليه
محمد:يلااا
رااحوا لبراا كان اليد جالس براا ومعه ضاري
سلموا على اليد وبعد السؤال عن الاحوال
اليد:حياك يامحمد للبيت
محمد:معليه ياعم الليله مفضيها لخواتي
اليد:الله يخليهم لك
محمد:امييين
اليد:وانت يازياد ماتبا تيي ويانا تشوف عيال عمك وتعرف عليهم
زياد:شرايك يبه
اليد ومروه طالعوا بزياد مستغربين كييف يقوله يبه
مروه بخاطرها يامحمد حنانك مو بس علين ا حتى زياد لو ماحنانك ماقالك هالكلمه
محمد:معليه ياعم انا جايب زياد الليله لخواته بكراا انشاء الله نجتمع
اليد:الا وين اروى
مروه:بسير اناديها
اليد:لا صبري ضاري سير نادها
ماكمل كلمته الا زياد قايل
زياد:معليه بروح اناديها انا
ودخل زياد عشان ينادي اروى
اليد:انه اليوم يايب لاروى "واشر على كرسي للحديقه كبير الي مثل لمرجيحه باللون الفوشي"كانت خاطرها فيها
محمد:الله يعطيك العافيه
اروى جات وسلمت عليه شحالك يدي
اليد:شحالج انتي انه احوالي من احوالج
اروى:بخير يايدي
اليد ورى اروى اللي اشتراه لها واهي استانست
........................
نوره:طلال
طلال طالعها:شو
نوره:عمي..
طلال:نوره ماابا ارمس بالسالفه اذا سمحتي
نوره سكتت وهي مو عاجبها اللي صار بين طلال وابوه
*خالد شفيك
خالد كان سرحان وعلى فراشه منسدح ويطالع بالفراااغ شئ كابت على صدره من امس وهو على هالوضع
*خاااااااااالد
خالد لف وطالع في امه ابتسم لها
خالد:امريني يمه
ام وسام: متى بتوديني لم فيصل ترااها تنتظرني
خالد:انشاء الله حضري حالك وانا بوديك
ام وسام:يلا ماابي اتاخر
طلعت من عنده وخالد تنهد طالع بجواله اللي يصيح من امس رفعه وطالعه 20 اتصال من رسيل
خالد:سامحيني رسيل سامحيني
رد يبي يسمع صوتها
خالد:الو
رسيل بخوف:خالد وينك لييه ماترد علي
خالد:...
رسيل:خالد شفيك
خالد غمض عيونه كل اللي حوله يسالونه شفيه شفيه شفيه شيقول شبيقووووووول
رسيل:خالد انت زعلان مني انا قلت لك شئ خالد جاوبني
خالد:رسيل بعدين اكلمك
سكر حتى ماودعها
ماوعى الا امه داخله عليه
ام وسام:يلااا خالد
..............................
بدر:قلت لعمي
شهاب:قلت له انه فيها الزايده وانت الشئ اللي شفته ماابيه يطلع
بدر:طيب
.......................
ام ذعار:شو تبا بعد انتى انه بسير انام
ماجد:امايه كيف يهنى لج نوم وبنتج من يينا امس مانزلت وتصيح سيري جوفيها انتي امها اكيد بترمس لج لو القليل"وهو عارف انه السبب لقياها بضاري"
ام ذعار :بسير لها وامري لله
قامت ام ذعار لغرام اللي من جاو امس ولا نزلت لهم هي بالعاده تنزل تاكل صحيح ماترمس حد لاكن يشوفونها لاكن اليوم غير حابسه نفسها وتصيح
دخلت الغرفه واول ماشافت غرام اللي كانت جالسه بوسط الغرفه وحاضنه نفسها بنفسها
ام ذعار:غرام
غرام رفعت راسها وطالعت في امها ثم رجعت خبت راسها
ام ذعار قربت منها وجلست جمبها:غرام لمتى انتي جي حراام عليج
غرام:..."صمت قاتل"
ام ذعار:غرااام
غرام:ليش سويتوا جي؟؟
ام ذعار:آآآ...
غرام:لييه؟؟
ام ذعار:غرام حنا مانبا نضيعج
غرام وقفت:تضيعوني"وهي تمشي"انا ضعت خلااااص يايمه شو اكثر من الضياع اللي انا فيه انا ضعت وخلااااص انه من وعيت على الدنيا ماعرفت الهم بين يوم وليله باسبوع وااحد ضاع كل شئ يمه قولي لي لييه انا لييييييييه"وانهارت تصيح"كلكم عايشين محد سال غرام شصار عليها بالليل اتعب اتالم لاكن بصمت محدن درى بي غير ربي
ام ذعار جلستها وحضنتها:خلااااص غراام خلاااص
جرحي ما له دواء لاطبيب ولا شقي
غير الله اشكيه يروف بحالي
جرحي ألتهب زايد عذابي ياأمه
ما قدرت اصبر و الجرح كابر همه
صبري نفذ و الأيام فيه داروا
نسيت الفرح و الحزن وش يتمه
همي ثقيل حتي الجبل يهزه
مرار و عذاب و الله ومدري أيش يتسمي
و الله و بختي مايل عليا ياأمه
راجيتها الدنيا تروف بحالي
زادت جروحي و الله وبقيت اعاني
حتي زماني قاسي عليا ياأمه
غير الله ما حد داري بيا
هم و عذاب دنيا قست عليا
غرام بعدتها عنها:يمه تكفين لاتعذبيني اكثرر حرااام عليج حرررااااام
..........................
ويمر الاسبوع اللي ماكان فيه اسرع منه كان سريع بالمره وفيه من التطورات مايكفي تغيرت نفسيه نااس وناس تعدلت نفسياتهم واليوم هو اليوم الموعود لرجوعهم للسعوديه الاغلبيه كانت فرحانه لانها بتروح للبلد اللي تنتمي له
بيت ام مجاهد
ام مجاهد:والله رااح افقدهم
بومجاهد:سيري وياهم دامهم بيوحشونج ورااح تفقدينهم
ام مجاهد:بومجاهد شو هالكلام
*السلام عليكم
ردوا السلام على شروق اللي دخلت
ام مجاهد:شروق يمه انه مو عاجبني حالج سيري للدكتوره
شروق:بسير لها ياعمتي بس انطر مجاهد يي من الشغل ماتجوفيني لابسه عباتي وانه من صحيت وانه اتصل عليه مايرد عليه ويعطيني مشغول
ام مجاهد:ومجاهد ياي من زمان اكاهوا في الميلس
شروق قامت بصعوبه وهي تمشي متوجهه للمجلس طقت الباب ودخلت
شروق:مجاهد
مجاهد اللي كان منسدح على الكنبه لف وطالعها :خييير
شروق قربت منه بصعوبه:شوعندك يالس لحالك
مجاهد:...
شروق:اتصلت اكثر من مره تعطيني مشغول
مجاهد:...
شروق:مجاهد ماصارت هاي انتى لييه تعاملن كذااا انه شو ساووويت هاه علمني
قاعد لحالك ! .......ولاقد جيت في بالك !
------وش فيك ساكت! .......علامك ماتعلمني ؟
كل مااتصل فيك... وازهم رقـم جوالك
-تعطيني " مشغول " ......والمقصود تشغلني
يعني عشاني احبك واعشق وصالك
-- تقعد.. تغــــــــــلى ...........علي وما تكلمني!
ياهيه وش فيك ؟ شــ اللي غير أحوالك؟
--كل ماقترب منك ...........فجأة تبتعد ..عني!!!
ياما تحملت ..........لأجلك ماضي أفعالك
----واليوم أشوفك ... تصد .......وماتـْ حملني
شروق:مجاهد انه تعبت"وصاحت وهي جالسه على ركبها عنده "
مجاهد كان يطالع فيها ماحس الا براسها اللي طاح على صدره وتمسكت بثوبه تصيح تبي دفاه تبي يضمها له يقولها بس خلااااص انسي رااح انسى و
شروق:حراام ععليك اللي يالس تسويه فيني حررااااااام
رفع راسها من صدره وجلس على حيله طالعها ثم لف وجهه للجهه الثانيه
مجاهد:شوتبين الحينه وشو عندج لابسه عباتج وين على الله
شروق حاولت تجمع الباقي منكرامتها وشتاتها
شروق:كنت انطرك عسب تسير وياي المستشفى
مجاهد وهو يوقف وهو منهي النقاش:سيري ويا السواق
شروق:هالمره الدكتوره طالبتنك
مجاهد لف طالعها وهو يقسي قلبه:ماعلي منـ..
مسكت يده بترجي:تكفى يامجاهد هالمره بس ارحم ضعفي ارحمني
>شئ غريب هل هذي شروق اللي عرفناها لاء شروق غير شروقق اللي كانت قويه لاحظوا قلناكانــــــت<
37
زمن الاقنعه..!!..
إلى كل الذين مروا من بوابة عمرى
ولم ألمح وجوههم الحقيقية .....!!!!
تـــــــرى ؟؟؟
أيها كان وجهكم ....الحقيقى ؟؟؟
إليــــــه:
بالتأكيد ....أنا لا أقصدك أنت
فوجهك كان الوجه الوحيد الذى
تمنيت لو كان ( قناعا )
لأرتديه كلما اشتقت إليك
وأقف أمام المرآة ....
:.¦×¦.:.
في مستشفى السعوديه
بكيـــــــت
من القدر وش عاد اسوى
نويت الصبر وخانتني
دموعي
خالد:دكتور
الدكتور:خالد المرض توه في بداياته بعدين انا محتاج اسوي لك اشعه
خالد:لييه
الدكتور تنهد:شوف خالد ان بكون صريح معك بالتحليل والاشعه السابقه بعد المعاينات اكتشفنا السرطان اللي بالنخاع الشوكي و انا شاك انه في ورم ثاني قريب من قريب من راسك ضنيت انه حميد لاكن على الدوخه اللي تجيك فلازم نعيد الاشعه بشكل اسرع عشان بصرااحه اخاف ان الورم صار نشيط واحتمال كبير ان هالورم في نشاط كبيرو لازم التدخل الجراحي او الاشعاعي او الكيماوي
خالد:دكتور لاتعطيني امال حالتي ممكن لها الشفاء
الدكتور:شوف ياخالد في حالات جات لعندنا كننا نقول هذي ميؤس منها لاكن بفضل الله ثم بفضل اجتهادهم ينجحون انا ابي اشوفك منهم ياخالد
خالد:يااارب
الدكتور:لازم بكره تتواجد عشان الاشعه
خالد هز راسه باي
الدكتور:خالد اي صعوبه في الحركه او اي حاسه من الحواس تعال قولي فاااااهم
خالد:انشاء الله
الدكتور:خالد
خالد طالعه
الدكتوركمنت ناوي تخبر احد من اهلك
خالد:دكتور قلت لك من قبل اذا صار لي شئ ومت انت اللي بتخبر اهلي انا ماابي اعذبهم اكثر من العذاب اللي هم فيه
خالد هز راسه وطلع لبراااا كان يمشي وهو يفكر صدق احساسه هو يحس ان ماله بالدنيا الا القليل شاف جواله اللي يدق كان بورسيل
خالد:الوو
بورسيل:السلام عليكم
خالد:وعليكم السلام
بورسيل:شخبارك ياخالد
خالد:الحمدلله ياعمي انتوا شخباركم
بورسيل:خالد
خالد:سم
بورسيل:ممكن اشوفك
خالد اللي ارتبك:هاه اييه عادي
بورسيل:انت الحين فاضي
خالد:ان ماعندي شئ
بورسيل :خلاااص تعال لي البيت
خالد:خلاااص انا جااااي
..................
وجدتنِي أُردد بَيني وبَين نفسِي لَكـَ
فِي مساءٍ أنهكَنِي حُزنهـ :
[ إنِّي غريبٌ تَعال يا سَكنِي ..
.. فَليس لِي فِي زحامهم أَحَد ]
لَن تَسمعنِي !
وإن سمعتنِي ..
فـ لَن تَأتِي !!
وفي مستشفى الامارات
الدكتوره:اخوي مرتك تعاني من جفاف وهذا بصرااحه ماثر على الجنين وماتاكل عدل
مجاهد ساكت ويطالع بالدكتوره بصمت
الدكتوره:اخوي
مجاهد:اسمعج
الدكتوره:احييين شروق مرتك؟؟
مجاهد:هييه
الدكتوره:عييل لييه مااجوفك مهتم اللي ببطنها ترااه ولدك
مجاهد:دكتوره شو تبين مني
الدكتوره:شروق لازم تبات عندنا الليله
مجاهد:هذا اللي تبينه
الدكتوره:هييه وابا بعد ماتطلع تهتم في اكلها وشربها
مجاهد:لييه هي بيبي
الدكتوره وقفت:هذا كل اللي عندي يلا نبا نسير نجوف شروق عسب..
مجاهد:انه بطلع سيري لها بروحج
الدكتوره انصدمت من مجاهد اللي طلع
عند شروق كان الالم والحزن يقطع قلبها هي الحين محتاجه لمجاهد اكثر من قبل لاحولها اهلها ولاشئ تبي عطفه جالسه تهمس باسمه لاكن ماررااح يسمع حسها وان سمع ماارح يعبرها
نساني بيوم ٍ وليلـة
رحـل لديـار ناويهـا
حرمني من نظر عيني
رحل عنـي وخلانـي
والا يا مصعب الفرقى
في كل لحظة أعانيهـا
تصدق يا بحر انه
نسى شوقـي وتحنانـي!!
ونسى اني لا بغيت أحكي
حروف اسمه أبديها
..............................
اشتكي لله .. ومـ أفلح من ظلم ..
كل كبيـر الله يسلط له كبيـــــر ..
!!
جيهان :هلا شهاب
شهاب:جيهان انا ابي تفسير للي كان قبل اسبوع
جيهان نزلت راسها وخنقتها العبره:...
شهاب:جيهان عمار من متى على هالسالفه
جيهان طالعته:تبي تعلم ابوي
شهاب يطمنها:جيهان سرك في بير انا بس ابعرف شمسوي هالنذل
جيهان:شتبيني اقول
شهاب:جيهان انتي مثل اختي واكثر
جيهان خنقتها العبره:..
شهاب:جيهان
جيهان:شهاب انا ضعت ضعت وخلاااص
قامت بتطلع من الصاله خلاااص شتقول اكثر من كذاا
شهاب:جيهان
جيهان لفت تطالعه
شهاب:جيهان لاتحاتين عمار شغله معااي
طلعت جيهان من عنده وسرح هو بافكاره ماحس الا ببدر داخل عليه
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك