رواية دموع رجال معاريس -34
بوهلال وكان حرمته جالسه تدق على الوتر الحساس عنده استشاط غضب على ولده وقام
نوره طالعت في ام هلال منقهره كيف توشي بطلال بكلام مو منصالحه وقامت هي الثانيه من الفطور
عيسى طالع في امه:امايه شوي شوي عليه
ام هلال :ماعلينا شو صار على مرتك
عيسى:ماصار عليها شي وهي عند امها ترتاح تعبانه شوي
ام هلال:عيل مرني العصر بسير لها مو تنسى
عيسى:انشاء الله
..............................
ضاري : بسير ويا يدي انه
بومحمد:ضاري اسمع الرمسه امك تباك دايم تسال عنك حراام اللي تساويه فيها
ضاري:انه كل يوم اسير لها
بومحمد طالع بضاري ثم وقف:دامك كل يوم على قولتك تسير لها عيل من نروح للسعوديه بترد فاهم
ضاري:يصير خيير
بومحمد طالع بضاري حس الالم يغزي قلبه كييف ولده صاير جافي عليه
.............................
بالسعوديه العصر
دخل غرفه زياد
محمد:زياد زياد
*انه بالحمام
محمد جلس على السرير ينتظره يطلع وطالع بسرير النونو اللي كان جمب سرير زياد وكانت جمبه دولاب ابتسم وهو يتذكر يوم راحوا يشترون هالاغراض
*يبه
محمد طالعه:هلا زياد هاه جهزت
زياد:ايييه بس ماقلت لي ليه غيرت الموعد مو المفروض بكره نروح عشان الصبغ
محمد:لا مانقدر بكره لازم اروح الامارت
زياد:اللي تشوفه
محمد:اقول زياد
زياد اللي جالس يلبس شرابه:سم
محمد:شرايك تروح معااي للامارات
زياد طالعه:لييه
محمد:عشان بنجيب اختك اروى
زياد بتردد:اللي تشوفه
محمد ماعجبه تهشيم زياد لنفسه كل ماقال له شئ اللي تشوفه لاكن قال لي جلسه ثانيه معه
.............................زز
تقدم بخطوات ثقيله وهو يسمع اسمه كان خايف من اللي بيقوله الدكتور فتح الباب بعد ماسمع نداء الدكتور
خالد:السلام عليكم
الدكتور:وعليكم السلام
خالد جلس:هاه دكتور طمني
الدكتور:خالد..انت مؤمن بقضاء الله وقدره وعارف ان...
خالد:سرطااااان
الدكتور طالع بخالد:آآآآآآ...سرطان بالنخاع العصبي
خالد نزل راسه :كم باقي لي بالدنيا
الدكتور راااح يمشي وجلس قدام خالد:خالد انت انسان مؤمن ان هذا بيد ربنا ومحد يقدر يغير شئ في اللي انتى جالس تقوله
خالد:بس يادكتور انا حاس ان مالي امل في الحياه
الدكتور:خااالد انت اذا استمريت معنا بالعلاج ممكن يروح منك نهائي وخل ايمانك باللله قوي
كان يسمع لكلام الدكتور كنت حاس ان هذي نهايتي يارب ان وش هذا اللي يصير لي يارب انت العالم بلي فيني طلع من عند الدكتور وركب سيارته كان يمشي بشوارع مايدري وش هداه ماحس بنفسه الا عند البحر نزل ومشى بخطوات بطيئه لين اسقرت رجله وماقدر يمشي تسند على سيارته ودموعه بدت تنزل
امي
ابوي
اخواني
رسيل
زياد
اهلي
رفع يده على فمه يكتم شهقاته والثانيه متساند فيها على السياره
...................................
*طلاااااااال لما ارمسك وقف
طلال لف على ابوه وطالعه ثم نزل راسه:سم يبه
بوهلال:انت فوين عاااااايش هااااااه عبالك ان ها ي فندق طلال :ورفع يده"وقسم بالله ان ماحسنت من اخلاقك لاوريك هالادب فااااااااااااااهم
طلال كان يبي يروح يرتاح فجلس وهو اصلااا تعباان:يبه شنو ساويت انه الحينه
بوهلال عصب:طلاااااااااال لاتيلس تساوي حالك برئ وماساويت حاجه وتتغيشم
طلال هو اللي عصب لانه بصرااحه ماله بارض لمث هالكلاام ففقام مايبي يرفع صوته على ابوه لاكن يد بوهلال كانت اسرع منه وجره بقوه كان طلال ضعيف وصعب عليه يقاوم هالتعب والكلام
بوهلال وهو يعض على اسنانه:قلت لك ماابا اجوفك تسير من جدامي وانا ارمس تفهم
طلال حاول يبعد ايده عن ابوه لاكن ابوه كان ماسكه ويصرخ
بوهلال:تــــــــــــــــــــــــــــــــــــــــــ ـــــــــفــــــــــــــــــــــــــــــــــــــهـ ــــــــــــــــــــم
طلال طالع في ابوه ثم سحب يده وطلع لفوق كان يقاوم عبرته اذا كان ابوه مو مراعي ضروفه فهذا يدل على ان ابوه هو نفسه ماتغير
...............................
ام محمد:مروه مروه
مروه طالعت بخاتها:هلا خالتي
ام محمد:بشو سرحانه
مروه ارتبكت:هاه ..لاسرحانه ولاشئ
ام محمد:انا يالسه ارمسج لييه ماترد
مروه:سامحيني خالتي كنت سرحانه شوي
ام محمد ابتسمت:طيب متى بتسيرين لاختج
مروه اصلااا نست السالفه اللي صار لها اليوم قلب موازين حياتها:هاه يوووه نسيت بسير لها الحينه عن اذنج خالتي
قامت بسرعه تحضر نفسها
ام محمد:غريبه
*شو اللي غريبه
لفت ام محمد على ولدها:هلا محمد وين كنت
محمد:كنت مع مجاهد الا شو اللي غريبه
ام محمد:مرتك
محمد:مرتي
ام محمد:هييه يالسه وياي طول الوقت سرحانه ونست سالفه اختها
محمد عرف ان اللي صار اليوم شاغل بالها :طيب عن اذنج امايه
محمد صعد لمروه فوق
عبير:اقول يلااا قوم البس
ضاري طالعها مستغرب:لييه
عبير:اليوم بييون عمامك وعماتك هنا
ضاري تضايق بس مابين:اها ولييه
عبير:مو اليوم اروى بتطلع من العده ابوي يبا يغير لها الجو شوي وبييمع اخواني
ضاري قام:طيب انا اليوم مو موجود طيـ..
*وين بتسير يعني
ضاري طالع بجده:هاه..آآآ ربعي بيمروني
اليد:يعني ربعك اهم من هلك
ضاري:آآآ
اليد:ضااري انا ابااك تكون موجود هنا اليوم فاهمني
ضاري هز راسه وقام طلع لغرفته
عبير:ابويه مايصير نضغط على ضاري
اليد:لاء ضاري لازم يكون موجود واليوم بالذاات
..................................
في امريكا
الجوري:راكان اذا خلصت ابي انزل للسوبر ماركت
راكان:انشاء الله
الجوري طالعته وهو يذاكر ومندمج ثم قامت بتروح تجهز حالها دخلت غرفتها الا الجوال حقها يدق خذته
الجوري:هلا والله باهل السعوديه
بدر:هلا فيك شخبارك ماتقولين عندي اخو بسال عن احواله
الجوري:وانت ماتقول عندي اخت بسال عنها
بدر:انا الكبير
الجوري:وانا الصغير المفروض تتطمن علي
بدر:اقول بس لاتصدثين وااجد
الجوري:احين انت داق عشان بس تهاوشني
بدر:هههههه تصدقين من الطفش قلت خلني اشوف شصار على الخنفسانه
الجوري:هااااااااااااه منو الخنفسانه يالباعوض
بدر:هههههههههههههههههه للحين ماتغيرتي توقعت الحين انك كبرتي
الجوري:مالك دخل
بدر:افاااا بس انا احين مالي دخل
الجوري:اييه الا ماقلت لي شخبارك
بدر:انا بخيييير ازقح
الجوري:شكل في خبر حلو قول شعندك
بدر:الجوري بروح اخطب بكره
الجوري:قول والله
بدر:والله بس ادععي لي يوافقون
الجوري:اميييين ياربي بس مييين شكلك طايح ومحد سمى عليك
بدر:ههههه اخت زميل لي
الجوري:الله يوفقك يارب الا امي وينها
بدر:يعني برايك لو امي عندي بطالع برققمك وبدق
الجوري:هيييييييه انت من كلمتني وانت جالس تسب ياااخ احترمني
بدر:خخخخخخخخ الجوري وربي وحشتيني
الجوري:احم احم
*الجوري
الجوري:هلا راكان
راكان:يلااا بنروح السوبر ماركت
الجوري:انشاء الله "رجعت لبدر"اقول انت ووجهك بسكر مع السلامه ارسل سلامي لامي فاهم ولا لاء
بدر:طيب بس مااوصيك اشتري لي من كل شئ قدامك
الجوري:واحد قالك اني بشتري لك شئ
بدر:مع السلامه وسلمي على رك رك
الجوري:ههههههه شنو هذي بعد
بدر:دلع رجلك
الجوري:رح زين مع السلامه
سكرت منه ولفت على راكان اللي كان جالس يدور له ملابس بالدولاب
الجوري:شبتسوي
راكان:بطلع لي لبس
الجوري راحت له:خل انا بطلع لك
راكان راح جلس وخذا الجوال طالع فيه ثم طالع الرسايل تذكر قبل الرسايل اللي بينه وبين جيهان ابتسم ثم طرت على باله ودق عليها لاكن ماردت
الجوري:راكان هذا تبيها
راكان طالع:اييه اي شئ
خذا الملابس ولبس والجوري لبست عبايتها وتحجبت
طلعواا
راكان:اقول شرايك نطلع نتمشى وحنا راجعين
الجوري ابتسمت:يلاااا
طلعواا يمشون كانت يد راكان معانقه يد الجوري اللي كانت فرحانه بالذات وهي تشوف الفرحه اللي تطل من عيونه وقفوا عند محل ايس كريم شرواا لهم منه
راكان وهو يلحس له:هههههه تدرين جيهان لو كانت ويانا ماخلتنا ناخذ ايس كريم
الجوري:ليييه
راكان:هي من تاكل ايس كريم حلقها يصك فتنقهر خخخخخ
الجوري:هههه حرااام رحمتها
راكان مشى وياها وهم يطالعون بالمحلات ماحسوا بنفسهم الا وهم عند حديقه دخلوا وجلسوا على العشب تحت شجره كان راكان متسند على الشجره والجوري لافه عليه وتسولف
الجوري:هههههه انا ماكنت اسمع كلامها فتخيل قامت قالت لامي
راكان:ههههههه وشنو سوت لك
الجوري تقلد امها:الجوري تعالي هنا احين نحنا نحطك مدرسه مو عشان تروحين تلعبين مع بنتها نحنا حطيناك عشان تعلمك
راكان:ههههههه وهالمدرسه طب ماكانت تهاوش بنتها
الجوري:هههههههههه لاانت ماتدري ان بنتها اذا احد زعلها شتسوي تصارخ وكسر كل شئ قدامها
راكان:هههههههه
سكتوا لحظه صمت
راكان طالعها:الجوري
الجوري:هلاااا
راكان:انا..انا ماتوقعت اني في يوم من الايام اني ..اني
الجوري مسكت يده تشجعه يتكلم
راكان:انا احبك
الجوري ماتوقعت كلمته فدمعت عينها وطاحت دمعه
راكان نزل راسه اول ماشاف عينها والدموع
يأأه يادمعه طاحــت على خد المواجــه
ما عرفتي تصبــرين اليــن ما عينــه تروح ؟
و الله اني ما قصدت بدمعــتي يا قلــب حاجه
بس فاجأني بغلاهْ .. و صممت عيني تبوح
راكان:اعرف اني عذبتك واجد معاااي سامحيني
الجوري مسحت دمعتها وقامت وقومته:راكان كم قلت لك انا ماازعل منك
راكان قرب منها وباسها الجوري فتحت عينها وطالعته ووجهها احمر ومطرطعه
الجوري:قد هالحركه
راكان:ههه اكيد قدها
الجوري:اجل تعال
راكان ركض والجوري وراااه راكان يضحك والجوري تصارخ كانت الحديقه مافيها الا شياب وقليل فماخذين راحتهم الجوري وهي تركض وراا راكان تعبت فجلست وهي تلهث
الجوري:راكان خلاااص
راكان طالعها وفقع ضحك اكثر عليها:ههههههههههههههههههههههههههههه
الجوري مددت رجيلها وهي تتنفس بصعوبه
راكا ن قرب منها :اقول هههههههه انتي اللي مو قد الركضه
الجوري ابتسمت:الحين غلبتني بس من بيفكك مني بالبيت
راكان:ههههههه رااح انسيك وبتشوفين
.......................................
مروه:محمد اختي تنتظرني
محمد:مو قبل ماتعطيني كلمه
مروه بقل حيله:خلااص تعال الساعه 11 انا بكون جاهزه
محمد ابتسم:يلااا قومي
...................
الكل كان متجمع وجالسين يسولفون الحريم بجهه والبنا ت بجهه
احلام:هههه اقولك انفجع من شكلها
منال:جب انتي اصلا ماكنتي ويانا
احلااام:هههههههه غروم اقولج قولي لاخوج سلامته على الخرعه
منال:غرام
مروه:غرام
غرام طالعتهم:هلا
الكل طالعوه مستغربين انها مو على عادتها وفسروا حالتها على انها متاثره باللي حصل لها
*السلام علكم
لفوا على شروق اللي توها جاييه دخلت وسلمت عليهم كان التعب واضح على وجهها والهالات السوداا هذي مو شروق اللي يعرفونها تغيرت مرااا شروق كانت قويه مثل الجبل مايهزه شئ كان فيها نوع من الغرور وعزه النفس لاكن هالكائن غييير كله كسور وهموم
جلست على كنبه منفرده
ام مجاهد:شروق يمه احين احسن
شروق طالعت عمتها:الحمد لله
ام مجاهد:شو قالت الدكتوره
شروق:نفس كل مره مافي جديد
اليده:شروق شلون جي غادي ويهج مصفر ماتاكلين
ام مجاهد:لا والله يايمه ماتاكل لها شئ زين
اليده:ولييه انتى هب صغيره يعلمونج متى تاكلين اللي ببطنج يباله تغذيه وانا يدتج
شروق نزلت راسها:انشاء الله
في الجهه الثانيه كانت اروى جالسه وحاطه يده تحت خدها وتطالع الوضع من بعيد ماحست الا بغرام اللي جلست جمبها اروى طالعتها ثم نزلت راسها
غرام:شحالج اروى
اروى هزت راسها
غرام ماهي عارفه وش تقول هي الحين مع صديقتها اللي مايتفارقون اهي وياها من يوم العيد ماشافتها يعني من اليوم اللي حاولت انتحر فيه
اروى طالعتها وابتسمت:غرام"دمعت عينها" من متى مايلسنا مع بعض
غرام مسكت يد اروى:ههه ايام الا شهور ماشفنا بعض
اروى:آآآه الله لايعودها
غرام:تدرين اروى
اروى طالعتها انتظرتها تتكلم لاكن غرام الشئ الوحيد اللي سوته ارتمت بحضن اروى وحضنتها ضمو بعض ودموعهم تطيح كل وحده مو عارفه شتقول هي تشكي ولا تعاتب ولا شنو
............................................
ضااري كان للحين مابعد ينزل للرجال متوتر يحس انه مو قد مواجهتم كل مايتذكر اللي صار له يضعف اكثر ويجلس حس بطق على البابب
لف على الباب الا انصد م بطلال
ضاري:طلال
بسم الله الرحمن الرحيم
حابه انوه تنويه بسيط في الجزء السابق كتبت بان خالد يعاني من سرطان بالنخاع العصبي سوري كانت هناك غلطه مطبعيه والتعديل انه مصاب بسرطان النخاع الشوكي وسوري على الخطاء الغير مقصود اليكم البارت
36
ألا يا دمع لا تذرف دخيلك وش هي الأسباب
وش اللي يجبرك تذرف وتكسر في الهوى عيني
وتحرقني ليامنك ذرفت وتحرق الأهداب
وتكسر بي شموخٍ ما خبرته انكسر فيني
شموخٍ ما انكسر فيني على كثر الهوى الغلاب
وكثر جروحي اللي من صدوق الحب تكويني
من اللي يجبرك تذرف؟ من اللي يجبرك تنساب؟
وتروي خدي الظامي وتنبت به بساتيني
وتشمت فيني العشاق وتشمت فيني الأصحاب
وتشمت بي مع الأصحاب ناسٍ ما تدانيني
ترى الشاعر له حروفه مثل ما للسباع انياب
ليامن ضامته دنياه ورَدها المياديني
وانا شاعر ليامنه حكى جنوا هل الألباب
قصيدي لا دعيته ما يهمِلني يلبيني
ألا يا دمع وش ينفع خفوقي كلمتين عتاب؟
ما دام انه عشق بنتٍ غشاها الملح والزيني
دلالٍ ضمها قلبي..عشقها..مات فيها..ذاب
تولَع في هواها لين قام الحب يرثيني
عيونٍ كحلها يذبح..يدين مزيَنه بخضاب
شفايف تستفز الصبر وتصحِي شياطيني
من وصوف القمر فيها ولكن ويش جاب الجاب
ما دام ان القمر يبكي ليا قامت تحاكيني
يقول أرجوك لا تكشف حقيقة حسني الجذاب
ترى هالناس لامنها درت صارت تجافيني
صحيح الحسن في محبوبتك ما منه شخص ارتاب
ولكن طالبك هالشي يبقى بينك وبيني
وانا من شانها مع غيرها لا ما حسبت حساب
اذا هاذي تحاكيني واذا هاذي تناديني
بنيت لحبها قصرٍ في قلبي مترف وخلاب
قصر بين القصور المترفه ما مثله اثنيني
قصر كانت به اركانه وفا والصدق فيه اطناب
سياجه اوردة قلبي وحرَاسه شراييني
تعبت ازرع شجر ارض المحبة والقدر حطاب
تعبت اعلق آمالي على شماعة سنيني
تعبت اقفل لحبي باب ويفتح للحسايف باب
تعبت اجامل النسيان اقول انه ينسيني
تعبت ادمح خطا كذب الظنون وأطلع الكذاب
تعبت اكذب على نفسي واقول الحظ يخطيني
تعبت اوادع الذكرى واحس بحرقة الأعصاب
تعبت اقفي عن اشواقي ولا تبغى تقفِيني
إلين اصبحت ما افرق ما بين الحب والإعجاب
يميني صارت يساري..يساري صارت يميني
غدت في قلبي الفرحة تشح وتعلن الإضراب
وقلبي مل من جرحه ولا به من يداويني
غدى قلبي مثل طفلة بريئة والجروح ألعاب
تبي تلعب إلين اتعب ..تعذبني وتشقيني
غدى مثل العقيم اللي تمنى نعمة الإنجاب
واذا أطروا له الإنجاب هلت دمعة العيني
واذا هاذي معاذيرك وهاذي كلها الأسباب
شموخي طالبك يا دمع لا لا تكسره فيني
انا رجَال ما احب الدموع اللي على الأحباب
اموت بعزّتي اهون ولا حبٍ يبكيني
ضاري:طلال
طلال دخل وهو مبتسم:شحالك سمعت انك فوق ييت انزلك
ضاري قام له:امم شحالك طلال وشحال نوره
طلال:نحنا بخير نسال عنك انتى اللي ماتسال عن حد
ضاري طالعه ثم لف ورجع جلس على سريره:طلال ...
طلال قرب منه وجلس على السرير عنده:سم امر
ضاري:هاه لاولاشئ بس بغيت اقولك .. آآ...خلاص خلاص انسى
طلال:ضاري شفيك شو ارمس
ضاري:ماعليك مني انتى انزل انا مابسير وياك
طلال:لاء انا ياي عسب انزلك ويدي بعد هو اللي قالي
ضاري نزل راسه وبخاطره يقول يعني مو عشاني جاي كلهم يحبون نفسهم ولا واحد فيهم فكر بضاري نفسه وينك ياحمد وينك غرقت عيونه بالدموع رفع راسه وطالع بطلال
ضاري وصوته متغير:ماابا اسير خلاااص مو غصب
وقام فتح البلكونه وطلع يستفرد بنفسه ضاري اللي الضحكه ماتفارق وجهه صارت الدمعه هي اللي ماتفارق وجهه
طلال انصدم من ضاري وراح ورااه فتح البلكونه شاف ضاري مسند راسه ودموعه اربع اربع على خده مع شهقات مكتومه حط يده على كتف ضاري الا ضاري نفض يد طلال منه وطالعه بغيض
ضاري:خلااااص مو اديت مهمتك سير ماابا اجوف احد ماابا اجوف احد
ولف يطالع بالسما ويحاول يحبس دموعهمو هو اللي ينزل دموعه لااا
............................
تحت كانوا جالسين وشوي شوي بدوا يدخلون بسوالفهم اللي مثل العاده ماعادا غرام واروى اللي صعدوا فوق غرام تشكي لاروى عن اللي صار لها مع اهلها
غرام بدمعه:اروى لو تدرين شو صار لي"مسحت دموعها"يالله الحمدلله..
اروى:يابعد جبدي ياغراام كل هذا صار ونحنا مانعرف
غرام:شو اقول يااروى وش اسوي..
*قلت لك ماابا اسمع منك شئ
لفوا ثنتينهم على طلال وضاري اللي طلعوا من الغرفه
طلال:ضاري قصر حسك وتعال داخل ارمس
ضاري ودموعه تنزل:قلت لك ماابا ارمس ويا حد انتوا شو مفكرين حالكم كل يوم يايني واحد عباله بيفرض رايه علي عبالك حمد محد يقدر يوصل للي فيني عارف وحاس تبون ارمس عسب تنقلون كلااام
طلال:ضاري شو هالرمسه انتى ترمس عن منو
ضاري لف وجهه عن طلال وطالع بالصاله اللي كانت فيها غرام انربط لسانه حس قلبه طاح
ضاري بهمس:غـ..غـ..ـرام
غرام تطالع فيه وهي عارفه انه يتكلم عن سالفتهم غضت البصر وهي تتمالك دموعها لاتطيح
طلال سحب ضاري لاكن ضاري جر نفسه منه وتقدم من غرام اللي واقفه مع اروى اللي تطالع بصمت
غرام:شحالـ..ـك
شلونك حبيبي .. مشتاق لك
مر عمري كله حبيبي و أنا أتخيلك
بعّدك ملاني جـروح .. وفكرة تجي و تـروح
متقولي ويـن اروح .. لو احتاجلك
كل شئ بحياتى من غرامك ما سلم
معيشني بين اللحظة و اللحظة حلم
أنام احلم بيك .. أصحى أفكر فيك
أرحمني الله عليك .. أنا عايش إلـك
شلونك حبيبي .. مشتاق لك
مر عمري كله حبيبي و أنا أتخيلك
بعّدك ملاني جـروح .. وفكرة تجي و تـروح
متقولي ويـن اروح .. لو احتاجلك
ضاري:مالي اخبار
طلال هنا :ضاري
لاكن ضاري وغرام ماكان احد حوالهم يطالعون في بعض وفي عين كل واحد نظره شوق وقهر وحب والم
غرام:انسى ياضاري
طالعها ضاري بصدمه والم وقهر ثم نزل راسه ونزل لتحت بيطلع مايبي يشوف احد
*غرام
لفوا على ماجد اللي واقف ويطالع فيهم
اروى هنا سحبت غرام ونزلوا تحت ماتبي تعرضها لمشاكل في الطريق كانت عبير
عبير:زين توني يايه بناديكم العشاء حطيناه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك