رواية فمان الله يا غالي -34
سمر:وافقت على زيـــاد وقررت تشيل فهد من راسها
وفهد ماعنده خبر بخطوبة سمر
ماجد مشتااااق لدانه ودانه سااااحبه عليه
شذا وخالد...عايشين احلى أيام حياتهم
جمانه طلعت حامل...وسلطان مستــــــــــــــاااااااانس لأانه بيصير ابو
بعــــــــــــــد يومين..
وصــــــل فراس بريطانيـــا ودق على عمه وخبره انه موجود...
ابوفيصل كان بالشركه فدق عالبيت وقال لأم فيصل تستقبل فراس لان الشباب مو موجودين
أم فيصل تكلم البنات..:بنات ابوكم من شوي دق علي وقالي انةفارس وواحد مع عيال عمتكم جايين بالطريق
دانه:منـــو الواحد؟؟؟
أم فيصل:الظاهر انه فـــــراس
عهود انصدمت:منو فــراس
أم فيصل:شفيكم فراس ولد عمتكم موضي
عهود:وش جايبه؟؟
ام فيصل:مدري.....دانه دقي على بندر قوليله يجي بسرعه
دانه:انشاللله
وبعد ماطلعت ام فيصل ...عهود صرخت باعلى صوتها....:داااااانــــــه!!!...بشــوفه.....بشـــــ ووووووفه!!
دانه:ههههههههههههههههه الله يكملك بعقلك
عهود:مووووو مصدقه!!
دانه:بسرعه اطلعي خليني البس عشان نستقبله لأن اخواني مو موجودين
عهود:إي بروووووح حتى انا بكشخ.....وقبل ماتطلع بهدوء:بس اموت واعرف وش جايبه؟؟....وطلعت
دانه:الله يكملك بعقلك عهوده
بعد ساعه كانوا البنات جاهزين ..عهود كااااشخه..تحس نفسها مشتاقتله لها اكثر من شهر ماشافته..وكانت متعوده كل يومين تشوفه
فجأه دق الجرس............................................. ........................
نهآآآآآآآآآآآآآآآآآآآآآآآآآآآآآآآآآآآآية البـــــــــــآآآرت..
أدري ودكم تحذفوني بالكيبوووورد البارت قصير شوي...
واحداثه مرت بسرعه...بس حبيت اقولكم انو احداث البارتات اللي فاتت كانت كلها بالصيفيه والعوائل كانو يجتمعون كثير..
بس الحين اشياء كثير تغيرت
وقصص جديده دخلت بالروايه
راح يكون لها دور كبير بالبارتات الجايه
صدقووووووني البارتات الجايه تحمل تشويييييييق كثيييير
واحداث ماتتوقعووووونها....بس تابعوني وخلوكم معاااي
ولاتحرمووووني ردودكم
انتظروووووووني بالبارت الجاي
لو قدرت ادخل بكرآآ او الجمعه ...
انشالله بنزل لكم البــ 17ـآآآآرت..
بس اهم شي القى ردووووود تحمس
فــــــــــــــــــي البـآآآآآرت القــــــــــــــادم:
- فهد من بين شهقاته: راحـ...ـت..مــ...ـنـ..ـي ...يـا..نــ..ـو..ااا..ف
- ليه هو شي هين لما الواحد ما يشوف اللي يحبه او عالاقل يسمع صوته؟
- بآآآآخر المسج كتبت...............................انصدم بدر من المسج...وندم على اسلوبه معاها
-ما اتخيل انها بتكون لغيري او اليوم بيشوفها غيري
- ياختي بلغيه وقوليله ترااه كريه لا صلح هالحركااات
- سآآعديني...انا قربت امووت من غيآآآبها
- تم يناظرها ويحس انه شوي وبيروح لها ويصرخ بوجهها.."احبك ياغبيه"
- "والله لو عاد تبكي دم ما اسامحها عاللي سوته فيني"
- "أنا لك..ومستحيل اكون لغيركـ.."
|[فمـــــــــــــآآآآآن الله يالغــــــــــــآآآآآلي..]|
-17-
"ابي أحبس شعوري والبلا لا || صاحت || أشجاني
اسكتها على ذكرى كلام ٍ كان ( بـ / عيونك)
لو ؛ إنك ؛ بس ؛ تدري ؛ في ؛ فراقك ؛ كيف ؛ بكاني ؟!
ب / تدري وش / كثر قلبي يبيك و × صعبه × يخونك ؟!"
دانه تطالع بعهود اللي لها ساعتين مصنمه فوق الكنبه...:عهود وصلوا
عهود تحس انها مو قادره توقف وبهدوء:روحي انتي استقبليهم
وقفت دانه ونزلت عشان تستقبل عمها وولد عمتها..
اول ما شافت فارس قفزت بحضنه:وحشــــتني
فارس:هههههههههه كيفك يادبه والله انتوا اللي وحشتوني
وبعدين ناظرت فراس ومدت يدها
فراس اول مره يشوفها كذا بدون غطا ولاعبايه ولا شي صافحها وهو يسأل نفسه وينها عهود؟؟
عهود بهاللحظه كانت فــوق وتناظر فراس بصمت ومحد منتبه لها...وفجـــاه شــافها فراس...
عهود ملامحها جامده وعينها بعينه...اما فراس ظل يناظرها فتره ياهوووو مشتاااااق لها..
وبالنهايه ابتسم وهي ابتسمت له ونزلت...
لما شافت فارس صرخت وضمته..
فارس:هههههههههههه هالكثر اشتقتولي ما مداكم يانصابين!!
عهود بعد ماسلمت على فارس مدت يدها وصافحت فراس..ولما جات يده بيدها حست بكهربه بجسمها وهو ارتبك
همست:كيفك؟
فراس:تمام وبنفسه"بشوفتك"
عهود:دوم يارب
وبعدها دخلوا المقلط وجات ام فيصل ورحبت فيهم وشوي جوا بندر وفيصل وراكان..وبعدهم ابو فيصل...
××بالسعوديــــــــــه..××
ام خالد تكلم تلفون:الله يبشرك بالخير...طيب ومتى التحاليل؟؟..باقي ماحللوا؟؟...ياللله الله يتمم لها بخير انشالله وعقبال رهف وديما انشالله..
فهد دخل البيت على هالجمله..حس الدم وقف بعروقه..
ام خالد:ههههههه لا اكيد انشاللله...يلا مع السلامه..وقفلت
بعد ماقفلت فهد يسأل ومن داخله مايبي يسمع اجابه:منو كنتي تكلمين يمه؟؟
ام خالد:الناس تسلم بالأول وبعدين تسأل
فهد وعقله مو معاه:اعذريني يالغلا وباسها براسها..بس ماقلتي منو كنتي تكلمين؟
ام خالد ومبتسمه:هذي خالتك ام مهند تبشرني بخطوبة بنتها
فهد يحس بيغمى عليه:بنتها منو؟
ام خالد:سمــــر
فهد انصدم....مسك بطرف الكنبه اللي جنبه لما حس نفسه بيطيح من قوة الصدمه..:وهي وافقت؟
ام خالد:إي وافقت اللي جاها ماينرد يقولون...يلا انا بروح اكمل شغلي...دق على نواف وقوله يجي يتغدا ولا اقول انا بدق عليه
طلع من الدرج وهو مايدري شقالت امه آخر شي...مصدوم..مو مصدق...يحس انه بحلم..
مستحيل اللي يسمعه..سمــر له!!...شلون تروح لغيره...شلون توافق على غيره وهو يعشق الهوا اللي تتنفسه...
رمى نفسه على السرير وظل يبكي بصمت..دموع الرجال مو اي شي ينزلها...
اللي صار موسهل..إذا مابكى على فراق سمر يبكي على فراق مين...؟؟؟
نواف توه راجع من الشركه بعد ما استلم شغل خالد قبل لاينقل الدمام..
مر من جنب غرفة فهد...سمع صوت بكا
...بالبدايه انصدم من الصوت مااستوعب انه فهد...دق الباب بس محد رد والصوت مازال...
فتح الباب وانصدم باللي يشوفه...فهد جالس عالأرض ومنهار يبكي..خاف على اخوه وقفل الباب بسرعه بعد ما دخل
راح له:فهـــد شفيك؟؟
فهد ما استوعب ان نواف هنا من الصدمه اللي هو فيها..
نواف يهزه من كتفه:فهــــد تكلم شفيك؟؟...شصاير؟؟
فهد من بين شهقاته: راحـ...ـت..مــ...ـنـ..ـي ...يـا..نــ..ـو..ااا..ف
نواف:اخواتي فيهم شي؟؟
فهد يهز راسه بلا
نواف والخوف على اخوه ذابحه:منو اللي راحت؟؟
فهــــد وهدى شوي..:سمــــــر...انخطبت
نواف مو مستوعب..:فهود مو فاهم
فهـــد وهو يمسح دموعه:احبــها...افديها بعمري لو تبي...
ولو بيدي هواها محد يتنفسه غيري...لو بيدي احطها بمكان محد يشوفها فيه غيري
..لو خيروني بين موتي وحياتها...اخترت موتي وتركتها تعيش...نواف انا ما احبها..
انا اعشق ثراها...تعرف؟؟..(ويمسح دمعته بكفه)..
الأرض اللي تمشي عليها سمر...المفروض محد يدوسها بعدها...والهوا اللي تتنفسها المفروض مايدخل بجوف احد..سمــر..ملاك طاهر...المفروض محد يقرب منها...(وبدا يخربط)...
المفروض ماياخذها..هي لي انا...محد بيحبها اكثر مني...ولا احد بيحافظ عليها ويسعدها اكثر مني..(وصرخ)بس هي انانيــه!!!!!...مافكــرت إلا بنفسها!!...
ورجع يبكي
نواف تقريبا فهم السالفه.."الله يافهود ما احلى حبك...اثرك شايل كل هالحب بقلبك واحنا ماندري؟؟."
نواف:طيب فهود انت تحبها...بس شلون راحت منك؟؟
فهد:انــ...ـخـ...ـطـ...ـبـ...ـت
نواف انصدم...حالة اخوه صعبه...ولازم يوقف معاه...
اخذه وجلسه على سريره وطلب منه ينام بعدها طلع وترك اخوه بحاله مايعلم فيها غير الله
××بمـــــــــــــــكآآآآآآن ثـــــآآآآني××
رن موبايله للمره المليون:اففففف ياربي من هالبنت...شكلها حاطتني براسها
رد بصوت كله نوم وهو معصب:نعم!!
البنت:يؤ كنت نايم؟؟...سوري عالإزعاج
بدر:ايه كنت نايم....شتبين انتي؟؟؟
البنت:بــدر ليه تكلمني كذ!!
بدر:ماشاللله بعد عارفه اسمي!!....اقوووول انتي وحده فاضيه دوري غيري وسوي فيه اللي تبين انا مو راعي حركاااات
البنت"وهذا اللي مخققني عليك":اوكي اتركك الحين تنام وإذا صحيت بدق عليك...أبيك ضروري
بدر ويبي يخلص:إي إي باي
وقفل..
××فـــــي بريطـــــانـيــــــا...××
ابو فيصل:وكم بتستمر دراستك؟؟...
فراس:سنتين ياعمي...
ابوفيصل:الله يوفقك على كذا بتصير من العيله
فراس ويناظر عهود:اكيد عمي انتم حسبة هلي
عهود مو قادره تحط عينها بعينه...ومن جلست عالطاوله وهي تلعب بملعقتها ولا كلت شي..
ســرحت بعيـــــد...وصحت على صوت فيصل:بــنت!!!!!
عهود:هـــــاه!!
الكل:ههههههههههههههههههههههههه
ناظرت عهود الطاوله امها وابوها ودانه قاموا مابقى غير فراس وفارس وبندر وفيصل وراكان
عهود"وافشلتاه وين رحت انا"
فيصل:استاذه عهود..مو كنك طولتي وبالنهايه ماكليتي شي؟؟؟
عهود انحرجت
فــراس:اللي ماخذ عقلها..
فارس:انت وياه اتركوا البنت على راحتها
عهود عصبت منهم وقفت وقالت:الحمـــــد لله
وطلعت من الدرج وبعد ماطلعت سمعتهم:هههههههههههههههههههههههههههههههه
وعصبت زياده
××بالسعــــوديـــــــــــه..××
طرا ببالها هالوقت... ماتدري شاللي ذكرها فيه بهالوقت... "انامتى نسيته اصلا عشان اتذكره..؟؟....آآآآه شكر اشتقت له...ليتني اقدر اسمع صوته او آخذ أخباره"
قطع افكارها صوت الباب يدق..
بعد ماتنهدت:تفضل
انفتح الباب..:للحين ما نمتي؟
خلود وهي تتنهد:لا للحين مو قادره انام
باسل: الحال من بعضه
خلود ناظرته بتفحص:بسول شفيك عسى ماشر؟
باسل:ولاشي بس مشتاق لها لي اكثر من اسبوعين ماشفتها
ابتسمت خلود:هههههه بس هذا اللي مضيق خلقك؟.
باسل:ليه هو شي هين لما الواحد ما يشوف اللي يحبه او عالاقل يسمع صوته؟
خلود وراحت ابتسامتها:لا والله مو هين وانا اشه
باسل ابتسم بهدوء:وليه تقولينها كأنك مجربه؟؟
خلود ارتبكت واخذت موبايلهاا بدون ماترد ورمت الجوال على باسل بالهوا :خذ دقيت عليها اسمع صوتها ولايكثر
ابتسم باسل وهو يحط الموبايل على اذنه:امرك استاذه خلود
ردت حلا:هلا والله باللي واحشتني حيل
باسل بهدوء:وانا ماوحشتك؟؟...هلافيك
حلا انصدمت من الصوت رجعت تناظر الجوال تتأكد من الرقم:الوو
باسل:ماعرفتيني؟؟..
حلا بحيا:هلا باسل.......شخبارك؟
باسل:تمام دامي سمعت صوتك...شخبارك انتي؟
حلا:انا تمام
سكتوا شوي..
باسل:وحشتيني
حلا:وانت بعد وحشتني
باسل:شكثر؟
حلا:كثيييييييير
باسل:فديتك والله
حلا انحرجت وقامت تصرف:امي تناديني اكلمك بعدين
باسل:اوووك وسلمي على امك
حلا عرفت انه يتريق وتنرفزت: اوك باي
باسل وهويضحك:باي
لما قفل انتبه ان خلود مو موجوده بالغرفه استغرب انه ماحس فيها لما طلعت
استغل الفرصه واخذ موبايله وسجل فيه رقم حلا
وطلع
بعد ماصحى من النوم ناظر موبايله لقى منها مسج...
"افففف انا ماخلصت من اللي قبلها تجيني هذي....لا وبعد دق علي ابيك ضروري...مدري متى بخلص منها"
...عطاها مس كول..ودقت على طول...
رد:نعم
البنت:صح النوم
بدر:صح بدنك خير اش بغيتي
البنت:امممممم...
بدر حس انها متردده
البنت:ادري بتقول عني سخيفه وماعندي سالفه بس وربي وربي ماقدرت انام قبل ما اسمع صوتك..
بس كنت ابي اسمع صوتك وانام يلا تصبح على خير
بدر ومنصدم :وانتي من اهله
وقفلت الخط
ناظر الجوال وهو يهز راسه:الحمد لله والشكر بنات آخر زمن افففف ياربي صبرني
××ببيت ام خالد..××
حلا بعد ماقفلت من باسل مسكت على قلبها...ياويلي شلون ينبض...الله يرجك بسولي شقد تأثر فيني....ابتسمت وهمست"احبك"
دخلت بهاللحظه آلاء..وكان بالها مشغول..:حلا كلامي طلع صدق..
حلا ومو فاهمه:أي كلام
آلاء:فهد يحب سمر!!
حلا وطلعت عيونها:وانتي شلون عرفتي
آلاء:موشايفه حالة فهد من انخطبت سمر وامي من شوي تقول بكره شوفتها
حلا:ياقلبي عليك يافهودي..وربي باين عليه كل شي
آلاء:سمر لازم تدري عن كل شي
حلا:لا ياويلك دامها موافقه على اللي جاها خليها تتهنى مانبي نخرب عليها ويمكن هي ماتبي فهد
آلاء:بس اخوي بيضيع إذا حالته كذا وهي بس انخطبت وش بيصير فيه إذا تزوجت
حلا:الله يكون بعونه
آلاء:آمين....خل ادق عليها اشوف شخبارها
حلا:منو سمر؟
آلاء:إي
ودقت عليها...طلع موبايلها مغلق.. دقت على جمانه
ردت جمانه:هلا والله وغلا
آلاء:هلا فيك شخبارك يادبه
جمانه تمام الحمد لله
آلاء:هاااا كيفك مع الحمل عسى مو متعبك البيبي
جمانه:لا الحمد لله فديت قلبه بس متى يجي
آلاء:هههههههههه الله يعينك
جمانه:شخباركم وشخبار شذا فديتها وحشتني
آلاء:احنا تمام وشذو وخالد يمكن يجون بكرا...انتوا كيف تجهيزاتكم بكرا شوفة سمر
جمانه:والله انا مارحت بيت اهلي بروح بعد شوي وبنام هناك...بس امي تقول سمر نفسيتها متازمه والكل مو عارف ليه وربي اني شكيت ان مهند غاصبها..رحت دقيت عليه قالي انها هي اللي وافقت من كيفها وحلف انه ماجبرها..
آلاء:طيب محد سالها ولا كلمها
جمانه:والله امي وخواتي حاولوا بس يقولون كلش مقفله على عمرها وماتفتح حق احد
آلاء:ياااقلبي عليها...طيب شرايك نروح لها احنا والبنات ننام عندها نغير عليها الجو
جمانه:والله تسوون خير..حتى الهنوف وخلود قالوا نفس الشي على اساس يروحون لها بكرا من بدري
آلاء:خلاص صار اجل انا بكلم البقيه
جمانه:اوووك اتفقنا يلا سلام
آلاء:باااي
قفلت آلاء ودقت على لميس وقالت لها وبعدها دقت على مرام واتفقوا يجتمعون ببيت ام مهند وينامون عندها
كلموا اهاليهم وبعد محاولات من الإقناع اقتنعوا...ماعدا خلود والهنوف قالوا بيجون اليوم الثاني بدري
××ببيت ام مهند..××
ام مهند ورهف وديما ومهند جالسين بالصاله وصمــت..
فجأه يرن موبايل مهند..ناظر الرقم ورد
مهند:هلا نواف
رهف على طول عورها بطنها من سمعت اسمه
نواف:هلا فيك افتحوا انا وخواتي عند الباب
مهند:تتكلم من جدك؟
نواف:لا من خالي إي والله وماجد وعبود وخواتهم جايين بعد وسلطان ومرته وعادل واخته جايين نتعشى عندكم
مهند وفرحان:حياكم الله كلكم الحين جاي
بعد ماقفل:يمــه عيال اخوالي جايين عندنا جهزوا القهوه والعشا..
وراح يفتح الباب..
البنات استانسوا وراحوا يجهزون
شوي بدخلة آلاء وحلا..
سلموا على خالتهم وراحوا يساعدون البنات..
آلاء تكلم رهف وهم بالمطبخ..:سمر وينها
رهف وهي تتنهد:بغرفتها...تصدقين ماشفتها اليوم
آلاء:ابدا؟
رهف:أبدا ولا طلعت
آلاء وخافت:لايكون صاير لها شي محد دق عليها ولا أعطاها اكل
رهف:لا موصاير شي كل شوي اروح اكلمها وترد علي تقول ماتبي تاكل
آلاء:بطلع اشوفها..
رهف:تسووين خير لو تخلينها تطلع
سمر بغرفتها...دمعتها على خدها..تحاول تتخلص من الإحساس اللي يجتاحها..
من انخطبت وهو مايفارق تفكيرها وكل موقف صار لها معاه ينعاد قدام عيونها...طيب ليه بهالوقت بالذات
...عمره ماطرا على بالها...بس لما صار الموضوع مصيري صار يطري لها بكل وقت او بالأصح مايفارقها...
إحساسها بالذنب لانها وافقت على زياد وهي تدري ان فهد يحبها...يقتلها بالثانيه مليون مره...
بكرا شوفتها ماتدري اش بتسوي..
قطع حبل افكارها صوت الباب يدق
بصوت هزيل قالت:ماااا ابي آكل...يمه خلاص تكفون
آلاء:سموره هذا انا آلاء افتحي
سمر على اللي جواتها إلا إنها فرحت وقامت تفتح لها...اول ماوقعت عينها عليها ضمتها وجلست تبكي..
آلاء انصدمت من شكل سمر...مبين عليها مهمومه حييييييييييل..
بعد ماهدت سمر...
آلاء:سموره مابتقولين اشفيك؟
ابتسمت سمر:وربي بس مشتاقة لكم... من بعد زواج جمانه ماصرنا نشوفكم إلا نادرا..
دخلت جمانه:هاااااااااي اسمع اسمي لايكون تحشووون
سمر قفزت على اختها:وحشتيييييني يادووووبه
جمانه وتضربها على راسها بخفه:حاسبي ذبحتي ولدي
سمر:لبى قلبه ولدك فدييييته حبيب خالتووو
جمانه:هههههههههههه
لميس ومتكيه عالباب:هييي لي ساعتين واقفه هنا احتري احد يرحب فيني
سمر:هلااااااااااااااااااااا ومرررررحبا ودمعت عينها وهي تشوف بنات اخوالها كلهم مجتمعين بغرفتها..
مرام اللي توها داخله:الله يرجكم وين ما اروح القاكم تبكون !!
البنات:هههههههههههههههههههههههه
جهزوا العشا وتعشوا البنات والشباب...ام مهند فرحاااانه كثير جية البنات لسمر غيرت نفسيتها وخلتها تتحسن كثير عمرها ما بتنسى لهم هالجميل
الشباب بعد العشا طلعوا يلعبون كوره بالحوش...
والبنات شغلوا اغاني وهاتك ردح...هالشي كان له اثره على نفسية سمر...وعالاقل ماطرى على بالها فهد طوووول فترة وجود البنات معاها
بعد هيصه استمرت ساعات كلللل البنات انخمدووا..بغرفة سمر..
ماعدا ديما وحلا وريماس واسيل كانوا بغرفة ديما
سمر وجمانه ناموا جنب بعض..
جمانه:سمر ابي اعرف شفيك انا حاسه بكل شي وكأني فاهمه الموضوع بس ابيك انتي تتكلمين وتقولين اللي بخاطرك
سمر خنقتها العبره:مافيني شي بس مو مرتاحه لهالخطوبه
جمانه:سمور مو مرتاحه ولا ماتبينه عشان سبب ثاني
سمر:ما ابيه كذا بدون سبب
جمانه:بدون سبب؟؟...ماتدخل العقل...اكيد فيه سبب وسبب كبير وقلت لك انا عارفه كل شي بس ابي اسمع منك
سمر سكتت فتره وبعدها قالت:من انخطبت وهو يطري على بالي قبل انخطب ماكنت افكر فيه إلا بالنادر وماكنت افكر فيه بجديه يعني كان الموضوع بالنسبه لي هبال اطفال..
بس لما انخطبت ووافقت واستوعبت ان مصيري تحدد وانه مع زياد صار يجيني بكل لحظه وبكل لحظه اتذكر...اتذكر الموقف اللي جمعتني فيه
... اتذكر خوفه علي يوم خطوبتك لما طحت بالدرج..اتذكر سؤاله عني عند خالتي موضي ...
اتذكر بالرحله اللي ببداية الصيف شلون يتصنع عذر عشان يكلمني ويقابلني...اتذكر تردده ولعثمته بالحكي لما يشوفني...هو ما اعترف لي بحبه
...بس كل هذا يدل على ان اللي يحمله لي اكثر من حب...صرت ما تخيل اني بكون مع زياد وفيه شخص يعشق تراب الارض اللي امشي عليها
..وجالس يتعذب...عندي إحساس بالذنب يقتلني كل ما اتذكر اني وافقت على زياد بدون ما افكر بشعور فهد..
.صحيح انه اصغر مني وصحيح انه لازم آخذ فرق العمر بالإعتبار بس الاهم من هذا كله..إني مو قادره احب غيره..
ناظرت فيها جمانه بصدمه
كملت سمر:اي احبه...احبه واعشق ترابه...بس للأسف ماعرفت هالشي إلا متاخر...والحين لازم احاول انسى
جمانه تكمل على كلامها:وهذا اللي متعبك انتي جالسه تضغطين على عمرك عشان تتقبلين زياد وتنسين فهد
سمر:إي
جمانه:بس ياسمر اللي تسوينه غلط...انتي بتصرفك هذا راح تظلمين زياد معاك...شلون ترضين تعيشين مع واحد وقلبك معلق بغيره...
ترى حرام عليك..سموره قلبووو انا مجربه الحب
ولأني حبيت سلطان وماقدرت اتقبل غيره كزوج كنت ارفض اي احد يجيني عشان ما اظلمه معاي
مع اني كنت مستبعده فكرة ان سلطان ممكن بيوم يفكر فيني..
ومع هذا شوفي نصيبي جمعني فيه..أنتي موقفك سهل مره ومومحتاج منك هالتعب كله...
الموضوع بيدك انتي ومحد يقرر عنك...انتي اللي بيدك تختارين منو تبين تكملين معاه حياتك...
عموما انتي لاتتعبين نفسك بالتفكير وانشالله ربي يختار اللي فيه الخير...
تصبحين على خير
سمر: وانتي من اهله
نامت جمانه وتركت سمر في دوامه من التفكير ...ومن كثر الإرهاق نامت وهي متخذه قرارها النهائي..
بعد ما الكل ناموا مسكت موبايلها ودقت عليه..
رد كعادته بتأفف: افففف نعم خير اش تبين بعد صوتي وسمعتيه وكلمتيني وقلتي بتنامين ليه ماتنخمدين
ماشبعتي من صوتي؟؟ ماعندك كرامه ماكفاك التهزي اللي جاك خلال هالشهرين اللي غثيتيني فيهم ياشيخه الله يغثك مثل ماغثيتيني!!!
قلناااا لك مافيني شي انا كذا ما احب اختلط بالعالم ولا احب اكلم احد طبعي كذا
وربي خلقني كذا يابنت الناس مليييييت ملييييت اعتقيني لوجه الله
البنت.....................................ماينسمع غير شهقاتها
ناظر الموبايل يتاكد انها معاه عالخط..:الووووو
طووووط..طــــووط....طووووط
قفلت الخط بوجهه
بدر:قلعه!!
جاه منها مسج فتحه كان مكتوب فيه
(خذه وعد مني ما عاد ادق عليك...كل اللي كنت ابيه ابين لك انك تشوف وجه واحد للعمله وللأسف الوجه المظلم وكنت ابي اطلعك من اللي انت فيه..بس هذا انا وعدتك وانا عند كلمتي ماعاد بزعجك ورقمك بمسحه..والله يوفقك..دير بالك على حالك..وفمان الله........) وبآآآآخر المسج كتبت
(( فمــــــــــــــــــــــــان الله يالغـــــــــــــــــــــالي))
انصدم بدر من المسج...وندم على اسلوبه معاها....
"اكيد شالت بخاطرها مني...بس تستاهل انا اش همني...قلعتها.."
وحاول يشغل تفكيره بأي شي وما يفكر فيها
××اليوم الثــــــــــــــــــــــــــــآآآني××
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك