رواية رشوا على قبري من دموع عينه -34
عبير: ايه عازمين كانا وسويرة وريم على مطعم
ملاك: اوكي ماعندي مانع
عبير : اجل نشوفك هونيك
ملاك: لالا انا بمركم
عبير: نو بروبلم
ملاك : علامك ترطنين مره لبنانب مره انقلش
عبير: ضاربه الفيوز عندي
ملاك: سيو
عبير: سيو ...
اما فراس
فراس: يمه ..
امه: نعم
فراس: متى تروحون تخطبون لي مشاعل
امه: اسئل ابوك
فراس: يمه ..للحين زعلانه مني
امه: ايه زعلانه ..كيف ترضى ملاك ياخذها الغريب وانتاحق منه بها
فراس: الله يهديك يايمه كله قسمه ونصيب ويمكن حياتها معه احسن من لما تكون معي وهو لد اشهر ملياردير سعودي وان شاء الله ماهو مقصر معاها
امه: بس الفلوس ماهي كل شيء
فراس: يايمه هذا المكتوب والمكتوب مامنه مهروب
امه: بس انت كنت بتفشلنا او فشلتنا مع ابو محمد
فراس: صار خير ..المهم متى بتروحون تخطبون لي
امه: مدري بشوف ابوك
ببيت ابو فادي
فريده: غريبه المعرس جالس اليوم هنا
فاديا : شكلك طفشاااااااااان
فيصل: بالحيــــــــــــــــل طفشان
فريده: ويش السبب
فيصل: لي اسبوع ماسمعت صوت ملاك
فاديا: افاااااااااااااا ليه ماتكلمها ؟؟؟!!!!
فيصل يسند راسه على كتف فاديا: تقول اذا صرت اكلمها ماراح تشتاق لي ..ويوم الزواج تكون ماعندنا سوالف
فريده: معاها حق بالله اذا كنت تتكلم معاها اربع وعشرين ساعه راح تمل وبعدين ويش بتقول لها كل الكلام قلته
فيصل: انا لمافكرت لقيت كلامها صح
فاديا: شف جناحكم كيف صار بعد ماغيرنا الديكور والاثاث والبويه
فيصل: ايه كله كوم والون كوم ثاني
فريده: والله احس فيه غلط كل جدر لون
فاديا: اسكتي انتي بس ويش عرفك الفخامه ..شفتي عمتي ام عبدالكريم لما شافته انهبلت عنده وانتي تقولين فيه غلط
فيصل: للحين ماكمل حلاه
فريده وفريده بصوت واحد: ليييييييييييييييش
فيصل : ماجات راعيته ..تكمل حلاه
فاديا تصفر : ياخطيررررررررررر
فريده: واااااااااااااااااااو حركااااااااااات
فاديا: على فكره ترى مرة فادي بتجي بكره بتسوي بتقوم بالواجب ..على قولتها بيجبون هديتهم بمناسبه زواجك
فيصل بتافف: والله لولا فادي كان من زمان قاتلها
فريده: عاد بقهرها بوريها جناحكم بخليها تطق وتموت
فيصل: اووووووووف ابقرأ عليه قبل تدوسه
الكل: هههههههههههههههههههههههههههههه
فريده: الا تعال وين بتروح شهر العسل
فيصل : اسبانيا وتركيا
فاديا : الله يوفقك معاها
فيصل من قلب : اميييييييييييييييييييييييين
قبل الزواج باسبوع
ثامر: هاه كل اغراضك كامله
ملاك: ايه ...خلاص ..بنروح الحين للمطار
ثامر ايه بنروح ابو فادي مرسل طيارته الخاصه مخصوص لنا ..
عبدالله يشيل الشنط: وازيدك من الشعر بيت حاجز لنا بافخم فندق بالرياض
ملاك بخوف: والله انا خايفه
الكل: هههههههههههههههههههههههههههههههههه
مضاوي: بدري على الخوف باقي اسبوع
ثامر: لسى ماجاك الرعب الصحيح يالله بس لا نتاخر
عبدالله يهمس لها: مو هذا اللي تمنيتيه شوفي ويش مسوي لك مخليك سندرلا
ملاك ترمش بعيونها : اكيد بيخليني سندرلا
عبدالله : امشي بس عطيتك وجه
بعد ماوصلوا الرياض ... وراحوا للسويت اللي حاجز لهم فيه ابو فادي
ثامر يرمي نفسه على الكنب: يازين العز زيناه
ابو محمد: الحمدلله الله كافينا من خيره وعندنا اللي معيشنا احسن عيشه
عبدالله: الحمدلله اللهم ادمها نعمه ..
مضاوي: بس يافهد شف كيف تحس اننا مهمين
ثامر أي والله شفت كيف الرسبشن يايبه ..حاطينا كأنا امراء
ملاك: صدق انت مو وجه خير ...حسستني اني فقيره حافيه منتفه
ثامر: مقبوله منك ...يوووووه نسيت ان هذا كله عشانك يالسوسه
ابوها: تستاهل بنتي كل خير
ملاك تناظره من فوق لتحت: اسمع الناس الذوق مالت عليك أي والله
مضاوي: عن اذنكم بدخل ارتاح تعبت
ابومحمد: تصبح على خير
عبدالله: يالله بكره بروح الفيصليه
ملاك: ترى بروح معك
عبدالله بتافف: ليش
ملاك: ناقصني غرض <<تكذب عليه
ثامر فتح عيونه: ناقصك رجعتينا جده ثلاث مرات واسواق المدينه ماخليتيها لحالها والحين تقولين ناقصني غرض ...مومعقوله هالبنت لا مستحيل ما اصدق ماتخلص ابد
ملاك: هههههههههههههههههه ترى اكذب خالصه بس اخوك الاهبل ناسي انه عوائل
عبدالله: يوووووووووه نسيت ...يالله باخذك بس ديكور
ملاك: ديكور بعينك ...اقوم انام احسن
ثامر: يالله سفرقي خلينا لحالنا
ملاك: المفروض تخلي ختامها مسك ترى كلها ست ايام وبروح من عندكم
ثامر يسوس نفسه متاثر: يووووووة بكره اتناقر مع مين ..اسولف لمين لما كل خوياي يسحبون علي
ملاك تنرفزت: الحين تخليني استبنه عندك
ثامر: برافوا عليك عرفتي على طول ....يعني لما احتاجك اجيك
ملاك: انقلع بس يا خبل ..
عبدالله يضحك عليها : من وين تعلمتي استبنه
ملاك: ليش قالوا لك جاهله ..
عبدالله: بس بس ترى جد عصبتي
ملاك: مالت عليكم من اخوان ...
ثامر: خلاص حقك علينا ...العذر والسموحه
ملاك: يا ويلك تعيدها
اليوم اللي بعده ..راحت مع عبدالله وثامر الفيصيله ..لان عبداله يبي يشتري له ساعه كشخه ..وثامر اعجبه شماغ وشراه امــــا ملاك فهي اللي تختار لهم ...وتشاركهم الراي
عبدالله: ملاك ويش رايك بهالشوز
ملاك: حلو ...بس ويش تبي فيه
عبدالله: بشريه عجبني ...
ملاك: بس لاتفشلني اذا طلع مثل اللي قبله غالي
عبدالله: عاد هذاك ب 600 غالي مررررره
ملاك : يالله بس خلصني .. اشتراه لان سعره مناسب ...رجعوا الفندق ..وثامر وعبدالله يسوون البروفه ليوم الزواج ...كل واحد كاشخ بشماغه وثوبه مع طولهم اللي يساعد وطالعين كشخه مررررررره
ثامر يلف : ويش رايكم
مضاوي وملاك : واااااااااااااااااو تهبل ..تجنن
ملاك: لالا اذا شافوك البنات انا متاكده انهم ماراح يقاومونك ..
ثامر: طول عمري مزيون بس العتب على عيونك اللي ماتشوف زيني
ملاك : عبييييييييييييييد وينك
عبدالله: استعدوا للمفاجأة ...وطلع برزته
ملاك : لالالا ما اقدر ...عـــــــــــــــــــــــــــــــذاااااااااااااا اااااابـــــــــــــ اخواني عذاب
عبدالله: بالله كيف مو اهبل
مضاوي: كأنك انت المعرس
عبدالله يلبس بشت ابوه : تعالي ملاك يعني عريس
ملاك تشبك يده بيده: والله تفلق الصخر(( وتهمس له )) تخيل لو تشوفك فاديا
عبدالله: يوووووه اموووووت
ملاك: كفشتك ....تحبها هاه
عبدالله: بعدين اقولك ماهو وقتك
ثامريغني : ياشيخ عبدالله ياشيخ عبدالله ...قل للغني قله ..يرضيه انا اتعذب باقي العمر كله
هذا وانا اغليته ومن قلبي حبيته ....ومن زود حبي له حبيت كل اهله
ياشيخ عبدالله ...ياشيخ عبدالله
مضاوي: كلوووووووش ....كلووووووووش
عبدالله: احم احم احم
ملاك: ههههههههههه صدق عمره ..انثبر مكانك بس
---------------------------------------------------------------------------
بدات رحله من نوع اخر ...رحله قد تكون شائكه او قد تكون
دروبها مفروشه بالورود وبهجه الالوان
ماذا سيستجد في روايتنا من احداث ..
هذا ما سوف نعرفه في الاحداث القادمه
******************
البارت الخامس والعشرون
&&&&
&&&
&&
&
مـالـعـب فـي [ حـسـبـتـي ]
غـيـرك ~ وربـي
لـيـن وصلـّنـي غـرامـك للـ // هـبـال
لـيـن صـاروا يـنـشـدون ~ الـناس ~ وشـبـي ؟!
ويـن روّح كـل ابـو هـاك ~ الجـمـال ؟!
جـاي تـسـألني بعد | وش كثر احبك
ياعـسـانـي مآعـدمـك ,, هـذا سـؤال ..؟!
يوم زواج فيصل وملاك ..
ملاك: مضاوي :: والله خايفه
مضاوي: ياحبيبتي هذا شيء طبيعي بتدخلين حياه عمرك ماجربتيها
ملاك: ماكلمتي لمياء
مضاوي: الا كلمتها وتقول هي وصلت للقاعه
ملاك: متى راح يجي عبدالله خلاص اعصابي تلفت
مضاوي: ههههههه لا تخافين وحاولي ما ترتبكين
بالقاعه
ام فادي وفريده وفاديا يرحبون بالضيوف ..ومعاهم زوجات اعمامهم وخالاتهم ..
بالجانب الاخر من القاعه ..على طاوله كبيره في لمياء ووصايف وابتهال وعبير وساره وريم وميساء وزوجه ناصر
يتاملون القاعه اللي كأنها تحفه فنيه ...الدرج اللي مشرع من اوله الى الاخر والشريطه اللي مربوطه باول الدرج باللون الابيض والاحمروجنبه تحفه زجاجيه فيها خداديه حمراء ونازله منها فصوص وبوسطها مقص ..والممر اللي مفروش بالورد الابيض والاحمر والوردي واطراف الممر قوقعات على شكل محار وفيها بالوسط شموع على شكل لولو....والكوشه على شكل لؤلوة بيضاء وفيها كرستالات مضيئه وعاكسه بعض من صور فيصل وملاك بالملكه ...وريحه العود وعطر والورود منتشره بأرجاء القاعه
ميساء: مشاء الله القاعه تهوس تخبل العقل
ابتهال: أي والله صادقه شوفي الكوشه تجنن ..
وصايف : وريحه العود تخلي الواحد يسكر
الكل: خخخخخخخخخخخخخخ
عبير: والله من حلاتها تسكر مشاء الله تبارك الله عيني عليهم بارده كاننا بحفل امير
لمياء: غصب يكون امير هو قال لملاك باسوي لك مفاجأءه القاعه هو مصممها
ريم: حتى الكوشه والفكره!!!
لمياء: ايه كل شيء هو مسويه
وصايف: اللهم لا حسد ...الله يهنيهم صراحه ملاك تستاهل
ميساء: الحمدلله ربي زرقها بفيصل الله يوفقها معاه
الكل: امييييييييييين
ساره قاهرينها بنات عم فيصل : بنات شوفوا هذولك المغرورات ياربي عليهم شوفت نفس
ابتهال: يقهرووووووون ...الحمدلله والشكر على ويش نافخين ريشهم
وصايف: ياحليلك هذول بنات العز
لمياء: ماشفتم شيء ياربي عليهم غرور لو نوزعه على العالم يكفي ويزود
الكل: خخخخخخخخخخخخخخخخخخخخخ
ميساء: باين انهم مقهورات
ساره: شوفي كيف يناظرونا كاننا حشرات
ابتهال: ماعليك والله لاادق خشومهم و ما اكون بنت ابوي
وصايف: هيه انتي مو تسوين لنا مشكله
فاديا كانت لابسه فستان اخضر واحمر قصير ومفتوح الظهر والبطن شفاف وطالع عليها يسحر خصوصا مع جسمها الرشيق ومسويه شعرها كيرلي كله ومن قدام مسويه نفخه بسيطه وحاطه تاج ناعم...اما فريده لابسه فستان تركواز طويل وفيه ذيل وماسك على صدرها ومكسر وفيها فصوص وتطريز بسيط ومسويه مكياج برونزي وكانت لافته للانتباه لان بشرتها البرونزيه معطيتها سحر خاص ..وام فادي كانت لابسه فستان حبل احمر وسكري مصممته عند اشهر المصممين السعوديين كان فخم جدا ومسويه تسريحه ناعمه ومعطيتها فخامه ومكياجها ناعم
فاديا: فريده شوفي دانا وساميه وامال جالسين يقزون اهل ملاك
فريده: الغيره يا حبيبتي تسوي اكثر من كذا
فاديا: نفسي اروح اقتلهم يقهرون
فريده: ماعليك امشي نروح نرقص ترى صديقاتي كلهم جوا
فاديا: انا بروح استقبل مياده وريهام والهام اختها الحين يوصلون
فريده: اجل انا بروح ....وراحت فريده للكوشه ترقص مع صديقاتها
جنا: يا احلاهم انتي
فريده: ويش رايكم فيني ؟؟؟!!!
سراب : تحطيييييييييييييييم التركواز على برونز ...خطيييييييييير
فريده: الهبله فاديا بباريس تهاوشنا تقول خذي لون يفتح فيك مو يزيد سمارك
شيماء: صدق ماعندها نظر ..انا ميته واصير زي لون بشرتك احسه يعطي جاذبيه
فريده تتنحنح: بس بس لااشوف نفسي عليكم ..ترى اليوم فيني غرور
البنات: تكفيييييييييييييييين
سراب: لالا يا شيخه من حلاتك تلوعين الكبد
جنا: اقول فريدوه وين اهل زوجة اخوك بشوفهم
فريده : هذيك الطاوله ...وقامت تاشر لهم وتعرفهم على اسمائهم
شيماء :عاد ان شاء الله زوجة اخوك مزيونه مثل الي شفناهم
فريده: اجابه هالسؤال بتلاقينها الساعه 2
لمياء: قوموا يالله نجلس بالكوشه والله لو تدري عنا ملاك غير تذبحنا
ساره: انا برقص
ابتهال: اسمعوا عندي خطه
وصايف: بدت رئيسه تنظيم القاعده
ابتهال : اسكتي انتي احسن ..شوفوا نبيها تغني حجازي ونرقص بنعومه ..ونقهر هذولك الغبيات
ريم: اوكي ..انا معك ...وانظمت ساره وميساء وعبير واضطروا لمياء ووصايف يوافقون
وراحوا طلبوا من فريده تخلي المطربه تغني حجازي ... وبدت تدق وتشجعهم والكل يتاملون الشله
ساره : يا سلام شوفي اشكالهم
ابتهال: احسن يستاهلون
عبير: وصايف احسن اختك تموت على المهاوشات
وصايف : وانتي الصادقه ماتقول متزوجه وعاقله
ميساء: ياشيخه خليها تفلها
جات فاديا مع صديقاتها مياده وريهام وكمان نهى ..وجوا بقيه بنات عمها عفاف وديما اخت دانا وكوثر اخت ساميه وامل واشواق اخت هزاع وهند زوجه فادي ..
فريده ((وعععع جت هند اووف الحين تجي تسوي حركاتها ))
دانا: هلا هلا والله لو ماجيتوا احسن
هند: اسكتي ارزعتنا الكوفيرا الله ياخذها تقول بدري بدري
ديما: مابغينا نخلص
هند: ساميوووه: وين قرايب سلفتي
دانا عصبت : من الحين سلفتك ..
هند استغربت: علامك عصبتي ..خليني اشوفهم بشوف اللي عمتي تمدحهم
امال: شوفيهم هذولك اللي مسوين صف دفاع
هند : ووووووع هذولك اللقروين
ديما : اسكتوا فضحتونا وانتي بتبدين مشاكل من هالحين
هند: ديما انطمي تراني اكبر منك احترمي نفسك
ديما توقف: انتم مريضات كلكن مريضات ...وعلى راسهم انتي ياهند ...وراحت عند فاديا اللي دايم تجلس معاها
ساميه: هالبنت مدري طالعه على مين بالغباء
دانا: شوفي راحت عند فاديوه
هند: ماعليكم طنشوها اسمعوا احقروا فاديا وفريده
امال: لاتوصين اصلا حاقرينهم من اول ماجينا
هند: قوموا نروح نرقص ..وراحوا يرقصون
ريهام: فاديا من هذي اللي لابسه اسود وليموني ((تقصد هند))
فاديا: ليش تسئلين
ريهام: تقهر شوفي كيف حركاتها كأنها حركات بزر
فاديا: هذي زوجه فادي اخوي .....انقلب وجه ريهام
فاديا: لاتستحين هي مثل ماقلتي ياريهام
سراب : يالله يافريده زوجة اخوك عليها حركات مو طبيعيه
فريده: هي كذا طبيعتها
شيماء: مساكين البنات اللي جيات من المدينه باين انهم طيبات وزوجة اخوك نيتها قشره
فريده: بقوووووووووووه بس هي ماتستاهل الا التطنيش ..طنشوها ..وكملوا تصفيق ورقص
لمياء: هذي الدب القطبي ودي أروح افرمها
ابتهال: خذيني معك ودي اتوطي بكرشتها اللي قدامها
ميساء: كلش ولا ذيك اللي لابسه فستان وردي <<تقصد دانا<<
عبير: ترفع الضغط ...شفتي كيف تمشي وتطالعنا كأننا صراصير
ساره: والله ما الصرصور غيرها جعلها للوجع
ابتهال: سويره بروح أشيك على مكياجي تروحين معي ..
ساره: يالله ...وهم رايحين للمرايا ..قابلوا مضاوي.
ابتهال: هلا مضاوي ...وصلت ملاك
مضاوي: ايه وصلت وبالغرفه ..قالت نادي لي لمياء ووصايف
ابتهال: أنا وساره بنروح لدورات المياة وبعدين بنروح لها
مضاوي: خلاص انا بروح اسلم على الحريم واكلم لمياء
وصلوا عند باب دورات المياه اللي يفتح على مغاسل ومرايا وقبل لا يدخلون
دانا: وربي ما أخليها تتهنى
ساميه: مثل ماقالت هند ..خلينا نروح لها سمعت انها جات وبالغرفه
امال: طيب لازم وحده تراقب المكان
دانا: اجل تاخذ فيصل وتتهنى فيه ذيك القرويه
ساميه: وجعععععع يحومون الكبد شفتي اهلها كيف
امال: اللي قاهرني زود ان فريده وفاديا داخلين جو معاهم ولا كأننا بنات عمهم وباين أنهم يحبونهم
دانا: أنا بسوي اللي قالت لي هند ادخل واسمعها الكلام وأخليها تكره فيصل وتكره اليوم اللي خطبها فيه
ساميه: بس ترى كلام هند قوي شوي خففيه
امال: يكفيها أنها تقول لها ان فيصل عقيم ..هذي بتذبحها
دانا: أيه أكيد بتذبحها
ساره تقشعر جسمها من الكلام اللي سمعته وابتهال مصدومه خافت على بنت خالتها منهم واضح انهم ناوين لها على شر
ساره: سمعتي يا ابتهال
ابتهال: انا اللي بوقفهم عند حدهم ...وفتحت الباب وانفجعوا ساميه وأمال ودانا
امال: خيرررر ان شاء الله ويش ذي الهماجه
ساميه: اضن هذا اللي متعودين عليه مايعرفون الاتيكيت
ابتهال بعصبيه: مخليه الاتيكيت لك يام الاتيكيت ...اسمعي انتي وهي ..أنا سمعت كل كلمه قلتوها
ساره: ولا تحسبوننا بنسكت لكم او بنخليكم تخربون فرحه ملاك وفيصل
ابتهال: ورب البيت لو شفت منكم حركه بسيطه بس لاافضحكم سامعين
ساره: وذيك الساعه بيوصل الخبر لاهلكم ..
ابتهال: وتدرون انكم تتهمون واحد بالعقم وهو بصحته ويش بيصير فيكم
ساره: ذيك اللحظة فيصل هو اللي بيتولاكم
ابتهال: والله لو تخربون على ملاك فرحتها لاتشوفون مني شيء عمركم ماشفتوه
ساره: وقحات وقليلات ادب صدق ماعرفتوا تتربون ..وراحوا لغرفه ملاك
بغرفه ملاك ...كانوا البنات عندها ويسلمون عليها
ميساء: مشاء الله تبارك الله ...طالعه قمر الليله
لمياء تغني : يأرض احفظي ماعليك حبيب قلبي حضر
ووصايف وميساء وريم وعبير يرقصون
ملاك: بس لاتخربون علي نسيتوا اني مسويتها بالزفه
وصايف: لا اله الا الله طالعه تهبلين ياملاك
ريم: ماتوقعتك بتكونين بذا الجمال
ميساء: ادلع ياكايدهم ...ياهووووووووه ياملووكه
دخلت ابتهال وساره
ساره تصرخ: ملوووووووووكه
ابتهال: مشاء الله ويش هالزين يادووووووبه
ملاك: دوووبه حرام عليك ....سلموا عليها وسولفوا شوي ..وجات فاديا وفريده ..وسلموا عليها ..
دخلت الجده ..وام فراس ..مع مضاوي
الجده: ياهلا والله ببنتي شخبارك
ملاك: الحمدلله انتي كيفك ياجده
الجده: بشوفتك بالف خير
ام فراس: الله يحفظك ياحبيبتي ..اقري على نفسك الناس ماتعطي خير
مضاوي: لاتخافين حصنتها ثلاث مرات
الجده: الله يوفقك يابنتي ويهنيك وتكون كل ايامك سعاده
ملاك مستحيه وجهها احمر: امييييييييييين
ام فراس: لا اوصيك خلي اهل زوجك يقولون مافي مثلك
ملاك: ان شاء الله ...دق جوال مضاوي
مضاوي: خالتي يقول ثامر ان فيصل بيدخل هالحين ..عشان التصوير
الجده: اجل اجيك بعدين يا بنيتي ..وراحت هي وام فراس ..وطلعت بعد مضاوي
دخل ابو ملاك واخوانها وخوالها ..
ابو محمد: مبروك يا ملوكتي
ملاك تضم ابوها: الله يبارك فيك
ابوها: لا اوصيك لا تعصين زوجك هذا غناتك بالدنيا
ملاك: ابشر يا يبه
محمد: مبروك يا ملوكه ..والله بنفقدك انتي وخشتك
ملاك: ماني براده عليك يابو مشاري
هشام: منه المال ومنك العيال ياحلوووووه ...حمر وجهها
ثامر: اخص يا ملاك تستحين
سطام: ماعليك منه ترى هو قاصد يحرجك
عبدالله: والله يا ميمي انا اللي راح اتعذب في فرقاك
ملاك: لا عاد زوروني مو تنسوني
فارس: ماعاش من ينساك بس ان شاء الله بنجيك
بدر: تصدقون ودي اتزوج ..اشوف فيصل اليوم واقول بقلبي ياليتني مكانه
الكل:ههههههههههههههههههه
ثامر: عاد سمعت ان العروس جات اليوم وهي جوا
بدر : جد ...تكفين ملاك ناديها بس بشوفها
ملاك: والله انكم فايقين ..الحين جايين عندي تسلمون علي وإلا ترجوني ..انا بوادي وانتم بوادي ثاني
سطام: داريين تفكرين بويش ...بلاش تفكير ارهابي ....حمر وجه ملاك
عبدالله يضم ملاك: حرام عليك احرجت اختي ترى ما ارضى عليها
ثامر: يالله عاد كذا تخربون كشخة اختي لحبيب القلب
محمد: أي والله صح ملوكه طالعه حلووووه بالفستان الابيض
هشام: وانت الصادق ..طالعه عــــــــــــــــــــــذاب <<يقلدها
ملاك: بس كفايه احرجتوني
بدر: فديت المنحرج
ثامر: ياويلك لو يسمعك فيصل والله غير ينحرك
الكل:هههههههههههههههههههههه
عبدالله: عاد يالله وروني عرض اكتافكم ابي اختي بكلمه راس
سطام: بتعطيها وصايا الام لابنتها ليله زفافها
محمد: قصدك وصايا الاخ لاخته ...مشينا ياشباب حنا ضيوف غير مرغوب فيهم
الكل: مبروووووووووووووووووووووووووك يا ملاك
ملاك: الله يبارك فيكم وعقبال العزوبيه منكم
ثامر وسطام وبدر وعبدالله بلهفه: أميـــــــــــــــــــــــــــــــــــــــــــــــ ـن
وطلعوا وبقى عبدالله لحاله قفل الباب الخارجي وراهم ..جلست ملاك على الكرسي ..وبعدت المسكه عنها
ملاك: خير عبووووود ..ويش تبي فيني ..؟؟
عبدالله: احسك متضايقه فيك شيء
ملاك : لا بس تعرف مستحيه شوي وخايفه
عبدالله: واضح عليك مرررررره ...ملاك اسمعيني اذا كان فيصل يحبك مو معناته انه يعيشك سعيده طول عمرك
ملاك: ويش تقصد ..بكلامك ؟؟؟!!!
عبدالله: اقصد ان في مشاكل تصير بين الزوجين وانتي حاولي ما تخلقين المشاكل
ملاك: اكيد اساسا انا ما ابي المشاكل
عبدالله: ايه وبعد العائله هذي يمكن تواجهين فيها مشاكل بس لاتسمحين لااحد يغلط عليك تذكري انك بنت ناس ووراك رجال
ملاك: احس اني داخله حرب مو متزوجه
عبدالله: هههههههههههههههه لابس حبيت انبهك ...وهاه مو تعصين زوجك زي ماقال ابوي حطيه بعيونك
ملاك : والله ياعبدالله اني مرعوبه ...احس انه بغمى علي
عبدالله: وفري الرعب لوقته و..وترى وراك زفه ...قاطعهم جوال عبدالله
عبدالله: استعدي فيصل بيدخل عشان التصوير ...ارتبكت ..وباين عليها الخوف
عبدالله: بس بس ترى قلت فيصل ماقلت وحش
ملاك: اسكت انت ...وخله يدخل ...وقفت وعدلت نفسها بالمرايا ..واخذت المسكه ..فتح عبدالله الباب ..ودخل فيصل
كان كمان مرتبك ..وشوي مستحي نسى حتى يقول لها أي كلمه
عبدالله : الحمدلله والشكر الاثنين مستحين ..
بالقاعه ...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك