رواية رشوا على قبري من دموع عينه -31
((البارت الرابع والعشرون))
$$$
$$
$
((إشْتـَـقـْـتْ لـِـكْ ،،!
!،، كـِـثرْ العـتـَـبْ مـَـآ خـَنـَـقـْـنـِـيْ
وأكـْـثـَـر:: شـْـوَيْ ::
مـِـنْ الأَمـَـآنْ بـِـوجـُـوْدِكْ))
ملاك وهي على سريرها ودموعها بللت وسادتها ..قامت ومسحتها وطلعت بالصاله ..ماشافت احد جلست على الكنبه ولقت جوال مضاوي على الطاوله ... خطرت لها فكره سحبته ودخلت غرفتها وقفلت الباب عليها
ملاك: هذي فرصتي اسمع صوته واكلمه ... دقت رقمه .. بعد ثالث رنه ...جاوبها صوته اللي تعشقه
ملاك((أجاري وقتي آلظآلم وأحس الكون فيني ضآأإق
أجـآمـل مـن يمـآزحنـي بضحكـه حـيـل كـذآبــه
على بحة < هذآك آلصوت > ..
تولّع | مسمعي | آلمحروم !
وش أحلى من ألووو .. { مرحب } ..حبيبي ] إشتقت لك [ .. وينك ؟؟
تعبت أسأل سما / الحرمان / ..
متى تتجمع آلغيوم!
متى نتلَآقى لو .‘؛‘.لحظه.’؛’. !
و أشوف ( ايديني / بإيدينك )))
فيصل : الووووو ...الوووووو..قفل الخط لما مالقى جواب ...رجعت الجوال ..لمكانه ..ورجعت غرفتها
ملاك(( آآآآه ...ماقدرت حتى اقول له كيفك .. خلاص ضاعت سنينك ياقلبي )) حطت راسها على المخده
اما بالنسبه لفيصل
فيصل : مين اللي اتصل ومارد ... غريبه .. شغل التلفزيون .. وقلب بالقنوات .. وبالاخير استقر على اغنيه عشان الحب .. راح لعالم بعيد عالم وحيد فيه ..يتخيلها معاه يتذكر بعض من ذكرياته معاها
ملاك : ما احب احد يشاركني بشيء اعتبره من املاكي
فيصل : يعني انا من ممتلكاتك ؟؟؟!!
ملاك: تقدر تقول كذا
ملاك: امووووووووووووووووووووووووووووووووح
فيصل : ويش فيك ؟؟؟؟
ملاك: ابوسك ....فيها شيء هذي بعد
فيصل : ويش فيك .....كانك اول مره تشوفيني
ملاك : آآآه ...احبك
وترددت بعض كلمتها ...((انت تحبني .., يانظر عيني, ....ياروحي .,..عساني ما افقدك...))
فيصل ((ولهاااان عليك يا ملاك ... ياترى ويش مسويه ..))..ماحس الا بفاديا وامها يضحكون من قلبهم
فيصل: ويش فيكم تضحكون ؟؟
امه وفاديا : ههههههههههههههههههه
فيصل: علامكم ؟؟؟!!
فاديا: الله عليك يا فصووول وين رحت ..انا وامي من ساعه جالسين ونناديك ونادر مسوي ازعاج ولا حسيت
امه: من اللي اخذ عقل ولدي ومسوي به هالسواه ..
فيصل رجع يناظر التلفزيون وباين انه متضايق شوي ((ملاك يا يمه ملاك روحي ..ما انام الليل من تفكيري بها ))
فاديا بصوت واطي : يمه ولدك ماهو طبيعي ..شوفي حقرك
امها: مدري عنه ..اخوك فيه شيء له فتره متضايق
فاديا : هالخبله فريده ماغير على الجوال ..ما ملت من ماجد ..قام فيصل
فيصل: يمه تبين مني شيء بطلع عند الشباب ؟؟؟
امه: سلامتك ... بس انتبه للطريق ... طلع .. وراح الاستراحه الي يجتمعون فيها هو والشله
بالمدينه
ساره: جبتتتتتتتتته ... جبتتتتتتتتته
ريم: ويش ؟؟؟!!!
عبير: لا يكون اللي افكر فيه
ساره: ايه هو ....
ببيت خوال ملاك
بدر: اقول عبدالله ملاك ليش ما تجي يمنا .. لها فتره ما نشوفها
لمياء: حتى انا ساحبه علي البنت
عبدالله: لا بس جالسه مع مضاوي تدرون مضاوي حامل .. ولازم احد يجلس عندها
سطام: بس مرة ابوك ماهي صغيره تعرف تتصرف
عبدالله((هذي والله البلشه )): ان شاء الله اقول لها انكم مشتاقين لها
لمياء: قول لها انا زعلانه من جد انها ما تستحي ..الحين اولد ولا اشوفها غير ثلاث مرات
عبدالله: كله ولا زعلك
بالمستشفى
دقت باب غرفته
فراس: تفضل
مشاعل : فراس
فراس: هلا ..امري بغيتي شيء <<صاير رسمي شوي معاها
مشاعل: ممكن اتكلم معك بموضوع
فراس : تفضلي
مشاعل: بصراحه بعد اللي صار ..انا كلمت ابوي وفهمته اللي قلته لي ..وتفهم الموضوع وقال لي اقولك انه ماعنده مانع تجي انت واهلك ((تقولها بحياء )) ...تغيرت ملامح فراس
فراس تلعثم: بس ...هـــــــو ...انا
مشاعل : خير فيك شيء
فراس: انا امي وابوي خطبوا لي بنت خالتي ..انصدمت مشاعل
مشاعل : خ....طبـــــ....وا
فراس: بس انا ماني موافق ...
مشاعل نزلت دموعها: الحين تخلي اهلي يشكون فيني وتصير مشاكل ..وبعدين بكل برود تقول خطبولك ..من ويش مخلوق انت ما تحس ... حس فيني ..قدر مشاعري
فراس وقف : قلت لك انا ماني موافق وما ابي اتزوجها
مشاعل: تحسبني صغيره تضحك علي يا دكتور ..انا كيف صدقتك ..كيف ؟؟ دفنت وجهها بين يديها
فراس: مشاعل .. حاولي تفهميني انا عند كلمتي لاهلك
مشاعل: واهلك يافراس ..واهلك ..بتتركني عشان رضاهم عليك
فراس: لا والله ما اتركك ...
مشاعل: احلف انك ما تتركني ...
فراس: والله ثم والله ثم والله ما اتركك ..وما اتزوج غيرك مستحيل اتراجع عن كلمتي لاهلك
مشاعل: بستناك يافراس لو بعد ميه سنه .. بستناك عشان حلفانك
فراس: وانا قده
بالرياض .. كان مع اصحابه بكوفي ..جالسين يتفرجون على مباراه ..لكن الناس بوادي وفيصل بوادي ثاني
فيصل ( احساسي يقول لي ملاك فيها شيء ... ماتفارق خيالي ..آآآآآه منك يا ملاك ..آآآه ويش كان صار لو سامحتيني انا اعترفت بغلطي ..آآآه بس يعني الحين بجلس كذا ما اسوي شيء ماني عارف اوصل لها ))
يا حبـها
بالحيل اعشق ../ ][ قلبهـَاا ][يا قربها
ياخذني شـــوقي .. قربها
أحبـــها ..!!كثر المـــطر
كثر الرمال بدربها
أحبــها
كل ما دنت شمس الأصيل و ../ غربها أحبها!
ابراهيم : فيصلوه وين وصلت
فيصل: معك .. اشوف المباراه
ابراهيم: اي اكذب علي على بالك ما اعرفك ...
فيصل: الله يسامحك اكذب عليك ..مقبوله منك يالحبيب
زياد: لو ما نعرفك ماكان قلنا لك ..اصلا واضح انك رايح بعالم ثاني
ماجد: اللي شاغل بالك يتهنى به ... ..ابتسم فيصل ابتسامته المعتاده
ابراهيم : هذا فيصل اللي نعرفه .. ارم كل شيء وراك واستانس
بالمدينه ... كانت منسدحه على سريرها .. تعد الايام والساعات والدقايق ..بالم وحسره ..
تحس قلبها بيوقف وتموت بحسرتها ..
ملاك: صــدقــني عجـــزت ?? انــــساك ??
عجـــــزت اداري ?? احـــــزاني ??
تمنيــــت العـــــمر ويـــــــاك
ولا يرخــــص لاحــــد ثـــاني ??
××
انا في همــــي حالتي حاله
بس افكر بـ
حبـــــي
وأتامل ايــــامـــي ??
انــــا مــــن زود مافـــيــنــي
تمنيـــــــــتك فـي
احلامــي
احاول ابتـــعد عنــــــــــك
لــــكن مـــن يســـــليـــــني !!؟
ذبــــــــحت القلب في غيابك
وغذابــــــــــ الشووق حيـــل مشقـــــــيني ??
تفضل وشوف وش سويت فيني
هذي
قصــــــــايد
حبـــــي واشـــــعاري }
بعد يومين
ببيت ابو سلطان
عبير تتنهد .. : الحمدلله ..كل شيء خططناه تم على اكمل وجه
ريم: وانتي صادقه ... يارب نلقى نتيجه
ساره: النتيجه اللي نبيها ..ان ملاك ما تاخذ فراس
عبير: ان شاء الله ..بنات لا احد يدري ترى بتصير فيها علوم ..السر بيننا حتى ملاك لا تدري
ريم: لا ويش تدري والله غير تسفل فينا
ساره: يؤيؤيؤ لو يدري سلطان .... ارتجفوا ثلاثتهم
ريم: والله غير يقطعنا
عبير: لا ويخلينا عبره
بنفس الوقت ...كان بسيارته معه الشباب .. وموقف على جنب عشان يتكلم على راحته ..
كان ساكت ما يتحرك ولا يتكلم ولا شيء ... مصعوق من اللي سمعه ماقدر ينطق حرف او حتى يكمل سواقه
ماجد: فيصل ..علام وجهك برد ..مين اللي متصل .... مارد عليه فيصل
ابراهيم: فيصل ويش فيك ...رد علينا
ماجد: اهلك فيهم شيء ... ...بعد مارد
زياد: ويش فيه ذا لا يكون استخف بس
ابراهيم: الظاهر انجن الولد
ماجد يحط يده على كتفه : فيصل ..ويش فيك ...رد علي ....قرر انه يسوق ... ما تكلم ابد وبدأ يسوق
والشارع مزحوم مره .. وهو مسرع مرررررره ...والشباب معه خايفين من تهوره ..ومتمسكين زين لانه يدخل من بين السيارات ..
ماجد: فيصل ..خفف السرعه
زياد: ترانا ماحنا بايعين عمرنا ورانا اهل يبونا
ابراهيم: يافيصل ..اهدى وخفف السرعه ما تشوف الشارع زحمه ..كانوا مارين من التحليه ..
وفيصل اذن من طين واذن من عجين .. لايرد ولا يسمع كلام احد
فيصل ((ملكتها بعد ثلاث ايام .. ملاك بتتزوج ..لا ما يصير ويش هالظلم ...)) صرخ بصوت : ظــــــــــــــلم
ماجد خايف مره : الله يهداك ..ويش ظلمه ..
ابراهيم: الظلم انك مسرع ... خفف يابن الحلال
زياد: تكفى يافيصل ..وقف على جنب وحنا نسوق بدالك
فيصل: بــــــــــــــــــــــس اسكـــــتوا ما ابي اسمع صوت احد
زياد: اقص يدي اذا ما كان صايبه جنون البقر
كانت سرعته 140 بوسط زحام شديده ..مو مركز ابدا بطريقه .. ما يشوف أي شيء قدامه ..
ماجد وابراهيم و زياد: انتـــــــــــــبه ....يا فيـــــــــــــ..............
بالمدينه ...كانت ملاك مع مضاوي بالسوق ..تشتري فستان للملكه ..لان ابوها غصبها تروح ومعها مضاوي
مضاوي: خذي لون وردي او سكري الوان فاتحه ...
ملاك: ما ابي باخذ لون غامق لو بيدي كان لبست اسود
مضاوي: حرام عليك يا ملاك ويش جالسه تقولين انتي ؟؟!!
ملاك: افهمي يامضاوي انا ما احبه
مضاوي: يعني لو ما تزوجتيه بيخطبك ذاك اللي يحبك
ملاك: ماهو لازم يخطبني انا ماقدر اعيش مع واحد ما احبه ..انفر منه يا مضاوي
مضاوي: صدقيني بتحبينه بعد الزواج الرجال مو كلهم واحد يمكن لما تتزوجين اللي تبين تعيشين تعيسه ماتدرين عن المكتوب يا ملاك
ملاك:والله داريه بس انا ما ابي فراس اكبر مني بيصك الثلاثين هذا اذا ماكان صاكها الاخ
مضاوي: وانتي بعد ما انتي صغيره عمرك الحين 22
ملاك: تقارنين العشرين بالثلاثين يا مضاوي
مضاوي: ياحبيبتي اتركي عنادك الا ليش ما تقولين لابوك
ملاك: ابوي انتي تعرفينه اكثر مني وصراحه انا اخاف منه
مضاوي: طيب يالله اشتري ترى ابوك قال لي لو ما تشترين اليوم احلمي تروحين السوق
ملاك بتافف: اووووووف طيب خلاص بشتري .
بعد مارجعت طلبت مضاوي ابو محمد ان ملاك تروح لبيت خوالها لانها مشتاق لهم وسمح لها تروح
ببيت خوالها
لمياء: هلا والله بالقاطعه
سطام: وين الغيبه يا ملوكه ...والا يعني بتملكين ماتبين احد يشوفك عشان تطلعين طلعه
ملاك: تكفى من حلاة هالملكه ياربي
بدر: افااااااا يا ذا العلم ....ملاك تقول هالكلام القوي ليش ...؟؟؟؟
ملاك: لاني ...... لاني تعبانه شوي
سطام: ويش اللي تاعبك .. لايكون ما تبين فراس ياملاك
ملاك: امممممم بصراحه ايه ما ابيه ....انصدموا كل خوالها الا لمياء فكانت متوقعه هالشيء ومتوقعه كمان السبب
الجده: ليش يا بنتي ما تبين فراس ..ويش ناقصه عن الرجاجيل
ملاك: لا ياجده لاتفهميني غلط انا ما ني معترضه عليه بشيء بس استخرت واحس اني ماني بمرتاحه
بدر: ويش السبب انك ما انتي مرتاحه
ملاك: هو دكتور وشغله ماله وقت معين ووقته كمان طويل يعني بكون بالاسم زوجه
سطام: بس كذا ..
ملاك: ايه بس كذا << تبي تسكت خوالها بس شكلهم بيحققون معاها
الجده: لا يا بنتي تطمني مادامك مع فراس فانتي بامان لا تخافين واذا على شغله الف وحده تتمنى تتزوج دكتور
ملاك ((ياربي وهقت نفسي الحين كيف اغير الموضوع )): بس انا ما ابي دكتور ..
بدر: والله انك غريبه تتشرطين بعد .ويش تبين اجل اذا دكتور ماهو عاجبك
ملاك: ابي ضابط ملازم .. مدرس مدير شركه.. تاجر أي شيء غير دكتور ..
استغربوا منها .. بعد ما تكلموا وملوا عرفوا انه ماهو داخل مزاجها ابدا ..راحت الجده تنام والشباب طلعوا يلفون شوي ..وبقت هي ولمياء
لمياء: أي شيء غير دكتور ..يا ميمي ..ضحكت ملاك
ملاك: شكلك فهمتيها لان طول ماني جالسه وانتي تقزيني بعيونك
لمياء: قوليها وريحي بالك ..ابي فيصل ولد راشد الـــ........
ملاك: وانتي قلتيها فيصل بس يا حسره العين بصيره والايد قصيره
لمياء: ويش دخل هالمثل
ملاك: آآآآه يا لمياء نفسي اقابله او اكلمه واقوله عن كل شيء اقول له تعال وخذني ما ابي غيرك
لمياء ترمش بعيونها : ايه وبعدين
ملاك: بس ....آآه من كلمه بس نفسي اخذفها من قاموسي
لمياء: افا تحذفينها ليش تحذفينها ويش سوت لك
ملاك: لميوه تتريقين علي
لمياء: ادري عنك انا ..ملاك خلاص فيصل انسيه حاولي تتقبلين فكره ان فراس زوجك
ملاك عصبت : لاتقولين زوجك واللي يرحم والديك
لمياء: اجل ويش اقول ..اخوكي والا ابوكي
ملاك: يوووه منك الشرهه علي اللي جايتك لو اني جالسه بالسجن الانفرادي اللي حابسني فيه ابوي ابـــ...<<حست انها زلت
لمياء فتحت عيونها: سجن ..وحابسك ابوك ...ملاكووووه ..تكلمي من انقطعتي عنا وانا شاكه ان في شيء ويش صار
ملاك: ولا شيء صدقيني ولا شيء ..
لمياء: بتتكلمين والا اقول لامي عن كلامك الحين ان ابوك حابسك واخلي امي تسئله
ملاك تتوسل لها: لا تكفين لمياء لاتسوينها اعرفك زين
لمياء: اجل بتقولين لي والحين ..حاولت تقلب الموضوع لكن هيهات مع مين مع لمياء ...حاصرتها لمياء باسئلتها وتهديداتها انها تعلم امها ..وبعد الضغط قالت لها
لمياء مفجوعه: كل ذا يطلع منك يالسوسه وتقولين لابوك بعد
ملاك دمعت عيونها: هو دخل وسمعني ويش اسوي لو انكرت راح يزيد وعبدالله حاول يصرفه لكن مافي فايده
لمياء: لا بالله ما انتي بصاحيه ..وانا اقول الجوال ليش مغلق
ملاك:ابوي ودرى يعني خلاص ماعادت تفرق عندي
لمياء: ويش تفرق وما تفرق ملاك ابوك مستحيل يزوجك دام انه درى يعني بتتزوجين فراس بالطيب او بالغصب
ملاك: خلاص لاتزيدين علي اللي فيني كافيني
لمياء: بخليك على كيفك .. لان الموضوع أمره منتهي وملكتك بعد يومين يا شاطره
ملاك: أنتي ويش فيك علي ..أحيانا أحسك تكرهيني
لمياء: أكرهك من سواياك يالخبله في وحده تسوي زيك إلا اللي مضيعه عقلها
ملاك: لميوه لا تحسسيني إني مرتكبه جريمة ترى كلها كلمه قلتها لعبدالله وسمعها أبوي ..
لمياء: عنيييييييده ..خلاص حبيبتي أنتي الصح وإحنا كلنا غلطانين والغلط راكبنا من ساسنا لراسنا
ملاك تنرفزت : الشرهه علي اللي قلتلك ..والا أنتي ما أنتي كفو احد يشكيلك
لمياء شهقت : أنا ..ماني كفوووووو ...وصلت فيك تقولين لي كذا
ملاك : لميوه... ياويلك لو الكلام يطلع وربي غير تندمين ويكون أخر يوم بيني وبينك ولا أعرفك ولا تعرفيني
لمياء: هذا جزاي اللي أبي أنصحك بالأخر اطلع أنا الغلطانه ... صراحه ..انصدمت فيك ياملاك ماتوقعتك كذا
ملاك: انتي خليتيني اعصب وأقول كلام مادري كيف شكله ...
لمياء: أبعذرك لاني عارفه إن عقلك طار ....واللي طيره فيصلوه ذا اللي ودي اذبحه الظاهر انه ساحرك
ملاك ضحك من قلب على شكل خالتها وهي تتكلم عن فيصل بحقد : حرام عليك ويش ساحرني ..قصدك معلقني بحبه
لمياء: ياناس متبلده هذي او ما عندها أحساس بتملك وتقول معلقني .. اكفخك كف اصحيك الحين
ملاك: لا خليني بدون عقل ابرك ...يالله تاخرت برجع البيت
لمياء: مع السلامه ..ولا أشوفك خشتك غير يوم ملكتك .... أتضايقت من الكلمه ..وتغيرت ملامحها
لمياء: ويش فيك ..كأنك متضايقه
ملاك: ملكتك .. هالكلمه تذبحني يا لمياء تذبحني ... وجلست تبكي
لمياء: أسفه يا ملاك بس ويش اقولك
ملاك: ساعديني قولي فراس أنا ما أبيه
لمياء: مدري ..بس بحاول ..
ملاك: مابقى شيء بس يومين
لمياء ربك كريم ..ربك كريم ..
بالرياض .. وتحديدا بسياره فيصل
ماجد: كنا بنكون ضحايا تهورك
ابراهيم : قم انزل خل ماجد يسوق انت ما انت بعقلك اليوم...نزل وساق بداله ماجد
بعد ماوصل للبيت طلع بسرعه لغرفته وقفل عليه الباب
اما ملاك ..رجعت للبيت وجلست بغرفتها تبكي وتبكي ..الين شكت عيونها ..وبان على خدها مجرى الدمع
تتامل ملامحها الحزينه والكئابه اللي تعتريها ..والألم اللي سكن قلبها ..
ليتٍْ آلح ٍـــــبيب ٍ آليآ نخيته ٍ لقيته ٍ .. !
لييييت ٍ ............... آلمسآإفـــهٍ ،
تجمع ٍـــــع ٍ بيننٍآ آللـ ح ـــــينْ ..
ششوٍؤٍقْ آلخفوـــؤقٍْ آشششتع ــــلْ مآ طفيته ٍ ~
آنشششدك ٍ يــ ْ آلريآإض ْ ويين ٍ صآإح ـــــبي ٍ تكفيينٍْ ؟
خ ــــــبريه ٍ يآ بلآدهٍـ، آني ٍ آنآ ٍ بغيته ٍ .. !
يسسآلْ عن ٍ قليبن ٍ هآإجرهًـ، سنين ٍ ،
قولي ٍ له ٍ لييييه ٍ حبيبك ٍ جفيته ٍ ؟
ليييييه ٍ تهج ــــرهًـ، ترآ آلهجر ٍ ششين ٍ ....~
لو ٍ | آلقٍدٍرٍـٍـٍـٍـٍـٍرٍ | ينششرىٍآ وآللهٍ شريته ٍ ،/
وآج ــــعل ٍ نهآيهٍ عششقنٍآ يوم ٍ آلديين ٍ ..
ببيت ابو فادي
فريده نزلت بسرعه من غرفتها بعد ماكلمت ماجد ..اللي قالها عن فيصل وطلبها تشوفه
فريده: يمممممه ...وين فيصل
الام: ليش ..ويش فيك كانك مقروصه
فريده: ماجد يقول ..انه كان بيصدم فيهم ويكلمونه ومايرد عليهم
خافت امها : ياحسرتي على وليدي ويش فيه ... طلعوا بسرعه لغرفته ..ودقوا الباب لأكن لا مجيب ..ودقوا
فريده: فييييييييييصل فييييييييييصل ... افتح
امه: يا يمه افتح ... فيصل برضاي عليك تفتح لي ...مارد عليهم
فاديا طلعت على اصواتهم ..
فاديا : ويش صاير لكم ..ليش تدقون باب غرفة فيصل كذا
امه: فيصل يمه علامك ...رد علي .. يا يمه ..
فريده: يافيصل تكفى افتح ...تكفى ....سمعوا صوت المفتاح وهو يلف ... وفتح فيصل الباب ..وكلهم انصدموا
امه: ياويلي عليك يا يمه ..ويش صارلك .. عسى مابك شيء
فاديا شهقت : ليش وجهك كذا ... احد مزعلك
فريده: ليش شايل شنطتك ...وين بتروح ...
فيصل: بسافر ..
الكل باستغراب: بتسااااااافر
فيصل : ايه بسافر ...مر من بينهم وهو نازل وهم يمشون وراه
امه: وين بتسافر وليه ؟؟؟
فيصل: بروح المدينه
فاديا: ليه بتروح للمدينه ...؟؟..مارد على سؤالهم
امه: يايمه رد علينا ..لا تتركنا كذا
فيصل : بروح اشوف ملاك
الكل: ملاااااااااااااااااك
فيصل: ايه ..ملكتها يوم الخميس
الام: مايجوز يا فيصل مايجوز يمكن البنت موافقه لاتعقد الامور
صرخ صرخها وقفت قلب امه وخواته : لاااااااااااااااا ملااااااااااااك لي انا وبس وما احد بياخذها غيري
جاء صوت من وراه : يا ولد علامك أنت هالبنت خبلتك
فيصل: يبه ...
ابوه: وين رايح بشنطتك
فيصل: المدينه
ابوه: بتروح عشان حبيبت القلب
فيصل: يايبه البنت ما ادري عنها من سنه او اكثر ..انا بروح اخطبها من اهلها
ابوه: وشلون بتخطبها بتروح لحالك
فيصل: بعد امرك ايه بروح لحالك
ابوه: مافي روحه بحالك... ارجع لغرفتك
فيصل: بس يا ..يبـــــــــ
ابوه: قلت ارجع مكانك وانا بتصرف
فيصل : وشلون بتتصرف ..
ابوه: انت ما تثق بابوك ..
فيصل: انت الخير والبركه يا يبه
ابوه: اجل ..لا تناقشني ابدا ...خلك ساكت
يوم الملكه ... الساعه 3العصر
بالمستشفى
مشاعل تبكي : ماوفيت بوعدك يافراس ..
منال: وبعدين معك انتي ..اسكتي شوفي الناس كيف يناظرونك
مشاعل: بلاهم مادروا عني .. حسي فيني يا منال قلبي بيوقف من حبي له
منال: وهو وينه وين حلفان هلك ووعده ..والله انه مو قد كلمته
مشاعل : اكيد اهله رافضين ..فراس مايكذب ولا يخلف كلمه قالها
منال: طيب اصبري شوفي وين بتوصلك طيبة قلبك الزايده ياخبله مصدقته بعد
ببيت فراس
ابوه: قلت بتروح يعني بتروح
فراس: انا من أول قلت لكم ملاك ما أبيها
امه: تبي تكسر خاطر بنت اختي يوم فرحتها حسبي الله عليك من ولد
فراس: يمه انتي كنتي داريه من اول وانا قلت لكم ..بس العناد حقك انتي وابوي هو اللي بخليني اكسر خاطر بنت اختك على قولتك
ابوه: الحين حنا الغلطانين يافراس
فراس: ايه اسمحلي يبه ..انتم بتهدمون حياتي مقابل رضاكم علي
امه: ويش الللي غيرك يافراس ويش
فراس: انا ما تغيرت انا ولدكم المفروض تساعدوني اني اتزوج اللي ابيها مو تغصبوني
امه قامت تبكي: ياويل حالي عليك يا ملاك .. من اول وانا اقول هالبنت منحوسه و حظها نايم والله يافراس لو يصير فيها شيء اليوم ما تكون ولدي ولا اعرفك
فراس: يا يمه ..انتي فهميها قولي لها او خليني انا اكلمها وافهمها
ابوه: لاحول ولا قوة الابالله ويش اقول للرجاجيل اليوم ولدي ما يبي بنتكم ..طيحت وجيهنا الله يطيح وجهك
فراس: هذي غلطتكم وانتم تحملوا النتايج انا البنت اللي ابيها خاطبها يعني خاطبها الله لايعوقني بشر
امه: والسوات بتروح مع ابوك او لا
فراس : .....................
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك