رواية دموع رجال معاريس -30
الجوري:افاا وتزعلني منك يلا راكان عشان تاكل لدواا وتنزل حرارتك
راكان سكت وهي قربت منه الصحن:يلا مد يدك
راكان مسك الملعقه لاكن صدق ماله نفس للاكل فرجعها مره ثانيه لاكن الجوري ماخلته خذت منه الملعقه ولقمته
الجوري:جالس تدلع يلا اكل
شربته الشوربه وسط اعتراضاته لين ماخلص نصها اخر شئ ودت الصينيه ورجعت له بسرعه جلست عنده تكمد له حراراته بعد ماعطته الدواا كانت تشوف حرارته كل مالها وتزيد كانت خايفه عليه خصوصا انه يئن من الم راسه في هذي اليله النوم جافاها جلست تناظر فيه وهي تدمع من اللي تشوفه قدامها راكان ماعمره تالم قدمها كمدته وقريت عليه قراان ويوم خفت حرارته حضنته ونامت
صحى راكان على صووت الساعه اللي تعلن ان الفجر اذن تحسس الجوري اللي بحضنه من نفس نومها عرف انها تعبانه وكانت سهرانه ابتسم الجوري اليوم حسسته انها ماكانت تستاهل اللي سواه لها رفع يدها وباسها بوسه طويله منها الجوري صحت طالعته وهي تفرك عيونها
الجوري:هاه راكان فيك شئ راسك ليماالحين يالمك
راكان:لاه احسن احيين
الجوري تنهدت براحه وهي تحضنه:الحمدلله
راكان:تعبتك معاي
الجوري قامت:تعبك راحه يلاااا حبيبي خلنا نصلي
راكان والجوري قاموا يصلون على الرغم من تعب راكان الا انه حاول يجلس مع الجوري وماحسوا بنفسهم الا النوم غالبهم وهم بالصاله
..................................
نرجع للامارات في اليوم الثاني للعزاا بالليل
كانت ام حمد منهاره مره وام محمد معها ماخلتها وكل ماشافت محمد تصيح ولدها وصارت ماتهدى الا ليشافت محمد الي يتعذب اكثر وهو يشوفها تحضنه وتصيح
ضاري حضر نص العزا والنص الثاني صعد فوق لغرفه حمد دخل الغرفه وقلبه يتقطع وهو يشم ريحه الغالي يتخيل له انه بيدخل الغرفه بيلقاه بيشوفه لاكن للاسف ماشاف غيرر ريحته وحاجياته طالع الشنط اللي على الارض كان بيسافر لشهر العسل مع زوجته لاكن حتى شهر العسل حرموه منه حتى زوجته ماتهنى بشوفتها رما حاله على الارض وهو يترك دموع القهر والغيض على اخوه تشتعل بداخله لييه انذبح شالسبب اخوي الكبير اللي كان لي الاب والاخ كان بفتره ماابوي موموجود هو اللي يعتني فينا من صغيرنا لكبيرنا وراااح لذكرى مو بعيده مرره قبل العيد بكم يوم
>>>>كان بو محمد ومحمد وحمد ومتعب نازلين من الدرج بيروحون لللمسجد وضاري داخل البيت يتسحب
بو محمد:ضاري وين كنت
ضاري ارتبك:هاه..لابس كنت بغرفتي وبسير للمسيد
بومحمد استغرب ضاري يقوم للمجد من دون محد يقومه:انتى يالس من النوم عسب تسير المسيد
ضاري وهو يطالع حمد اللي حط يده على راسسه وياشر بانه كذاااب
ضاري:كنت يالس ومايان نوم سمعت صوت الاذان وطلعت
بومحمد وهو يتنهد:الله يهديك يلا سرينا
وبعد مارجعوا من المسيد
حمد وهم على الدرج:اقول بدور شو عندك امس مانمت بفراشك
ضاري:هيهيهيهي ضحكتني اقول سير لا..
حمد:احلف هاي وانا اخوك الجبير حسافه بس حسافه..
ضاري:وشو اللي حسافه
حمد:ماشي تدري كنت برمس ابويه انك جذاب بس قلت حراام
ضاري:ربي بلاني بكم بلوه تحبون العبيب
حمد:اقول امش لاانزل العقال يلعب بظهرك
ضاري:هيهيهي ظهري ولا بطني
حمد:هيهيهي ثنينهم
ولحقواا بعض وبعد مادخلوا الغرفه بدا العرااك بالوسايد<<<
صاح ضاري على هالذكرى وقام يمشي ليين مافراش حمد جلس وهو يطالع بالغرفه ويشاهق خذا المخده ورماها
ضاري ابتسم بالم:مافي حد الحينه بيردها لي
>>حمد:ضاري تراا والله حرب الوسايد
ضاري:حرب الوسايد حربـ
قطع كلمته لانه مخده جاته على راسه<<<
ضاري نزل راسه على السرير وصاح بالم وهو يتمسك بجلابيه اخوه حمد كان يشم ريحته ويصيح ماحس بنفسه وهو متكور على حاله الا نايم
....................................
بالمجلس كانوا الرجال اللي داخل واللي طالع وبو محمد يحاول يتماسك على الاقل قدام عياله طالع باللي جالسين ماشاف ضاري
بومحمد بهمس:محمد
محمد طالع في ابوه:هلاابويه
بومحمد:وينه اخوك
محمد:اي اخو
بو محمد:منوغيره ضاري
محمد:مدري بس انشاء الله شوي وياي
بومحمد تنهد ولف راسه من جديد ماحس الا بيد تنحط على يده لف الا هو ابوه اللي مسح على يده بحنان وهو يطالعه يبتسم ابتسامه مواساه رده له جاسم ابتسامه مالها اي معنى
طلال:ماجد وينه ضاري
ماجد بضيق:شو بيعرفني
طلال:احين انتى شو فيك حتى يلسه هني ماتبا تيلس
ماجد:مافيني شئ عن اذنك
طلع ماجد وكلها لحظات لحقه حمدان
طلال:شو مستوي لييه جي صايرين عيال عمي
قام وقف وهو يشوف جواله يدق طلع براا
طلال:هلا نواره
نوره بتعب:طلال عادي ابات الليله عند امايه
طلال:اللي يريحج حياتي
نوره:تسلم طلال بس حبيت اقولك لان امايه تباني ايلس عندها
طلال:برايج انتى شحالج الحينه احسن
نوره دمعت عيونها:الحمدلله على كل حال
طلال:تصبري يانواره خليج انتي القويه اختج منهاره وامج انتي اللي المفروض تصبرينهم عارف انج مو قادره هاي اخوج بس معليه حياتي
نوره نزلت دموعها بغزاره:تسلم طلال يلا تبا مني شئ
طلال:اباج سالمه الغاليه
نوره:مع السلامه
سكر طلال منها وبالغلط سمع
حمدان:انا بسير بتيي ويايه ولا لاء تعرف لازم انه نكون بالويه
ماجد:وشو تباني لما اسير اسوي احسن لي ايلس هني ولا اسير مععاك لعندها
حمدان:جيفك انه بسير لها وبجوف شوصار
طلال دخل بسرعه قبل مايشوفه حمدان وهو يبي يعرف لمنو بيسير حمدان وللييه صوته مايبشر بخير
حمدان:ماجد اخر مره ماتبا تيي ويايه
ماجد:لاء
رااح حمدان وظل ماجد
طلع له طلال:ماجد
سراب:شربي حصه هاي ماي مقري قاري فيه الشيخ
حصه خذت الكاس وهي تشاهق شربت له شربه ثم لفت على سراب وطالعتها من صار اللي صار محد تركهم كلهم حوالينهم الا هو ريلها وينه ماشافته
حصه بصوت مبحوح:وينها شروق
سراب:شروق سارت لغرام تعرفين بالمستشفى من امس ودها ذعار
حصه غمضت عيونها:نواره وينها
سراب:النوري هـ...
قطعت كلمتها على دخله نوره عليها وبيدها الاكل حطته
نوره:حصه حبيبتي يلا اكلي لج شئ سدي يوعج فيه
حصه دمعت عينها:مايروم الاكل يدش لفمي "وصاحت"
سراب:لاه ياحصه خلاص حمد مارااح يرتااح بقبره ريحيه الله يخليج لاتخذلين امل اخوانج خليج قويه
نوره انسحبت وطلعت من الغرفه
حصه حضنت سراب وهي تصيح اخوها مو عارفه لييه حست انها وحيده
................................
مروه:اروى اروى بطلي الباب طلبتج اروى اروى بطلي الباب
اروى وهي تصيح:ماابا اجوف احد مروه دخيلج ابي ايلس روحي مااابا اجوف حد
مروه:حتى انه اروى حبيتي شو ياج فجاء ه انقلبتي حرااام عليج اللي تسوينه بحالج حراام عليج
اروى صرخت:خلووووووووووني برووحححححي مااااباااااااا ارمس حد
مروه استسلمت وجلست بالكرسي اللي بجمب الغرفه تحاول تداري دمعتها هي من جات لاروى اليوم وهي معفوسه هم كانوا سراب تجيها النهار ومروه باليل جلست مروه وهي تحاول تكبح المها اللي بداخلها
*السلام عليكم
مروه وقفت:هلا محمد
محمد:الحمدلله شخبارها الحين
مروه:والله على حطتها يااخوي مو رايمه تفتح لي الباب وتصيح وتصارخ انه خايفه تسوي بعمرها شئ
محمد:انا لله وانا اليه راجعون
مروه:كلمها
قرب محمد من الباب وطق الباب
محمد:اروى وانا اخوك فتحي الباب
كلها لحظات وانفتح الباب وطالعوا باروى اللي صارت تفجع الهالات السوده تحت عينها وشفايفها ترجف شعرها منكوش على غير عادته
محمد حنقته العبره:تعالي تعالي وانا اخوك
ارتمت اروى بحضن اخوها حضن ابوها ارتمت بحضنه تصيح الم وقهر
..........................
طلال:شو صاير
ماجد:انا..انا..
هنا ينتهي البارت اتمنى انه ينال اعجابكم واستحسانككم
*اروى ترملت بيوم عرسها؟؟
*ذعار وجفاه لحصه حتى مع موت اخوها ما شافته؟؟
*ام حمد ضناهافقدت بيوم وليله؟؟
*ضاري فقد الشخص اللي يعول عليه في كثير منامور حياته؟؟
* شنو بين ماجد وحمدان...؟
الجزء الثاني والثلاثون
بعض الحزن .. يصهرك يذيبك كالشموع يسكبك كالماءيشتتك كالأمواج...
وبعض الحزن .. ينهيك يجففك كالأشجار يسقطك كالأوراق يذبلك كالورد...
وبعض الحزن .. يهدك يفجرك كالجبال يبعثرك كالرمال يشتتك كالأمطار....
وبعض الحزن .. يحرقك يشعلك كالأخشاب يتركك كالجمر يخلفك كالرماد....
وبعض الحزن .. يعميك يطفئ مصابيحك يسرق نورك يعتمك كالليل...
وبعض الحزن .. يرعبك يخيفك كالأشباح يلاحقك كالوحوش يهددك كالموت....
وبعض الحزن .. يخنقك يقيم في صدرك يسرق هواءك يكتم أنفاسك...
وبعض الحزن .. يحنيك كالأغصان يهشمك كالزجاج يهدك كالجدار...
بعض الحزن .. يشتتك يدمر عقلك يضيع عناوينك يطمس ذاكرتك...
وبعض الحزن.. يخدعك يزيف لك حقائق يمنحك السراب ويعلمك الوهم بلاحدود....
وبعض الحزن .. يصادقك يتودد إليك يلتصق بك لا يفارقك للأبد...
وبعض الحزن .. ينفعك يضيء لك العتمة ينقذك من أوهامك يريك حقيقةالأشياء...
وبعض الحزن.. يغسلك يطهرك من أوهامك يطليك بالواقع يعيدبناءك..
وبعض الحزن .. يلدك يخرجك من الحياة يمنحك فرصة أخرى وطريقًاجديدًا...
وبعض الحزن . .يغيرك ينسفك يقلب موازينك يعيد حساباتك معنفسك..
وبعض الحزن .. يسجنك يبعدك عن العالم يخفيك عن الحياة يبقيكـ وحيدًا...
وبعض الحزن.. يقتلك يجمد إحساسك يوقف عجلة الزمان يفقدك شهيةالحياة...
وبعض الحزن .. يعتقك من قيودك يمنحك حريتك ينهي استعمارهم لك...
وبعض الحزن.. يرممك يقيمك يملأ صدوعك يعيد رسم خرائطك..
وبعض الحزن .. مرآتك يواجهك في نفسك يكشف لك عيوبك يضع حقيقتك أمامك....
وبعض الحزن.. بلا طعم ولا نكهة
ماجد:انا..انا..
طلال:شو صايرلكم
ماجد تنهد بضيق:ابويه يبانا نسير لغرام المستشفى عسب نطلعها وتتحضر لعرسها وانه مورايم اجوفها بهلحاله
طلال:عرسها اي عرس هاي اللي تبونه وولد عمكم ماله يومين تربت قبره ماجفت
ماجد نزل راسه هو بروحه متنرفز من السالفه
طلال بسخريه:ومتى عرسها انشاء الله
ماجد:بعد اسبوعين
................................................
غرام صحت على يد تنحط على راسها فتحت عيونها وطالعت بشروق بابتسامه باهته
غرام:شروق وين سرتي وخليتيني
................................
بالجهه الثانيه
ذعار:دكتور البنت تكلمت مع الضابط حسن وتنازلت
الدكتور:والله يااستاذ بنتكم مااظن تهون عليكم بصراحه مافي غير شخص واحد يزورها بمحنتها هاي لا ومايزورها الا بالليل شكلكم مانعين عنها حتى الزياراات
ذعار:منو اللي زارها
الدكتور وهو يكمل اوراق خروجها:واحد يقول انه انه هيه خطيبها واسمه ضاري
ذعار وقف معصب:ضاااااااااااااااااري
.................................
محمد:لاتتحركين عنها خليك وياهاالليله
مروه:انشاء الله
محمد تنهد وهو يرجع اللحاف على اروى:الله يعينها
مروه:محمد عادي باجر تسير للعزا
محمد طالعها:اييه انا بروح احين اذا احتجتوا شئ نادوني
طلع محمد وترك ورااه مروه الي جلست جمب اختها تنهدت وهي تشوف التعب اللي واضح على قسمات وجهها هييه ياختي مالحقتي تتهنين بشئ
...........................
جهاد :هلا مجاهد
مجاهد:شخبارك جهاد وينك ييت ليله العرس وماجفناك
جهاد بحزن:لابس انتى تعرف الظروف وابويه جفت شلون طردني
مجاهد:طب رمست خوالي
جهاد:هييه رمستهم واعتذرت منهم
مجاهد:الله يعين انتى احيين رديت
جهاد:هييه ماالي حاجه عندكم لازم ارد
مجاهد:امي كانت تتمنى تجوفك
جهاد:حتى انه كنت اتمنى اني اجوفها بس انتى عارف ابويه وشو ممكن يساوي الا وينا امي
مجاهد:نايمه اخليها ترمسك لصحيت
سكر مجاهد من جهاد وراح للمجلس الرجال قبل مايدخل سمع بنته
شوق:خلاث متعب لاتثيح
متعب:...
شوق:حمد لاح الجنه كلنا بعدين بنلوح عنده
متعب:.....
قرب مجاهد منها وابتسم:شواقه
شوق:بابا حبيبي "وراحت له تركض حضنته"بابا احببببببببببببببببببببك
مجاهد:هههه حتى انه
شوق:حتى احب ماما
مجاهد ابتسم لها:ياحبني لك
جلس جمب متعب
مجاهد:متعب
متعب مسح وجهه:نعم
مجاهد:لاتصيح تزعل حمد عليك انتى ريال
متعب:مابصيح بس امايه كل يوم تصيح لييه
مجاهد تنهد:لانه ولدها
متعب:ليييه مات
..............................
.......................................
بعد اسبوعين من الاحداث هذ ي
زياد بعصبيه :جاااااااااااااااااااااااااااااب
صقر بسخريه:مو انا اللي انجب ياحضره المهندس الفاشل
زياد قرب منه وعطاه بكس:انت شتبي مني هااااه ياخي حل عن طريقي تفهم حل عن طريقي في كل مكان بتكون مرااافق لي انت ووجهك
صقر:والله انا مااصير مرافق لحد وحبيبي كلها تجي للصدف سبحانه الله ربي حاب يعلمك قدرك قدامي شهادتك هذي متسوى شئ
زياد:انت جيب مثلها بعدين تعال تكلم تفهم
صقر:اجيب اللي احسن منها مو انت ولد بابا هههههههه
مااستحمل زياد اكثر وهجم على صقر وجلس يضربه من غير شعور>طبعا حنا نعرف ان زياد مايعرف يضبط اعصابه ابداااا<<
بدر طلع وانصدم بزياد وصقر حاول يفاككهم لاكن زياد ماسك صقر بطريقه مو مخلي حتى صقر يتحرك بدر بصراحه رحم صقر مع انه مايستاهل الرحمه لانه هو جرب ضرب زياد
واخيراا مسك زياد وبعده عن صقر لاكن مع الاسف زياد مااشفى غليله في صقر بس بدر سحبه بصعوبه وهو خايف ان زياد يضربه
زياد:هدني عليه ه الخسيس خلني اعلمه حدود الادب والاحتراااام
صق:انتى اللي يبالك تتعلم حدود الادب والاحتراام فاااااااااااااااااااااهم انه متربي مو انتى
زياد انقهر وبعد بدر عنه بقوه لدرجه ان بدر طاح على الارض وهجم من جديد على صقر بشكل جنوني هستيري كان يضربه بقهر اللي مر عليه لاكن بلحظه طرت عليه امه وكلمتها
يمّه .. وعدتك وأنا حر ووفي ذمّـه
لو تمشي العيب رجلي لآكسر عظامي
متباعدٍ عن جميع الناس .. يا يمّـه
وعن منّة الخلق أقضّي هالعمر ضامي
طاحت وجيه أغلب الأصحاب للجمّـه
وأنا أتصبّر .. عن المقفين متسامـي
يمّه.. ولدك الصغير يطـاول القمّـه
وأن ماوصلها عسى مجناه للرامـي
يمّه تضيق وتضيق وجـات ملتمّـه
من كل صوبٍ عليّ الحـزن مترامـي
واللي يهدّ الخفـوق ويحـرق بدمّـه
لاجاتني من قريبٍ بأسفـل حزامـي
لو هو طعني بوجهي كان مـا ذمّـه
لكن تغافل حيـاي وجرحـي الدامـي
مشكلتي أني عزيـزٍ ماأقبـل النمّـه
لو طاحت وجيه كل النـاس قدامـي
ومشكلتي أنّ الزمان يخالـف اليمّـه
أمشي عليه ويخون الدرب بأقدامـي
من قبل لا ألبس عقالي وأعرف العمّه
وأنا على الطيب بالثنتيـن متحامـي
لكن خساير زمانـي كانـت مطمّـه
كانت تحدّ القصيـد يعانـق ألهامـي
وأكبر خساير خفوقي (ميّ) يا يمّـه
ماعقبها بنت تقدر تغـري أحلامـي
يمّه .. تحنّ .. الضلوع العوج للمّـه
وأحنّ ل(محمد) و(عبدالله) وسامـي
لكن تهـون وحياتـك كـل هالغمّـه
أليا ذكرتك تهـون وتسكـن آلامـي
يمّه يروح الزمن ضحكـات للخمّـه
وأنا مع غربتي تلعب بـي أوهامـي
لكن وربي .. فلا أرضى غير بالقمـه
وأن ما وصلته عسى مجناي للرامي
زاد بضربه بقهر ازيد وماحس الا بشئ خبط راسه طاح علىصقر الا كانت بيده الاباجوره بدر شهق وركض لزياد
..................................
بوذعار:هييه باجر العرس
اليد معصب:شوووووووووو انتى ماتفهم ماتحس باللي انتى يالس تسويه غرااام ماتسير ويا فهد غراام تتطلق منه وتاخذ ضاري فاهمني
بوذعار:نــــــــــــــــعــــــــم وش فيه ولد ولدك عسب ازوجه بنتي يبه فهد اولا مكون نفسه غني مو ضاري اللي ختى الشغل مايشتغله
اليد:اذا على الشغل من باجر بيداوم بالشركه
بوذعار:واذا العرس بااااااااااااااااااااااااااااااجر
اللي مايدرون عنه ان ضاري كان واقف عند باب المجلس وانصدم بهذا الحوار رجع ادرجه وعلى سيارته
وقف سيارته على البحر ونزل الهموم تجمعت عليه من كل جهه خلااااااص غرااام بتتزوج طيب هي ماتبيه ماتبيه ماتبيه طاح دموع القهر من عمه
خذا جواله واتصل على جوالها كان بكل رنه يحس قلبه معها يهوى ويطيح
غرام:الوه
ضاري:صج الخبر غرام"طاحت دموعه"
غرام سكتت ودموعها طاحت على وجناتها
ضاري:غرام انتي موله صح "صرخ وهو يصيح"غراااااااااااااام جاوبيني على رمستي انتي موله لاتذبحيني
غرام:ضاري لاتعذبني اكثر
ماحس الا بصوت غير صوت غرام
ماجد:ضاري خلاااص
ضاري:لييييه ليييه ياماجد تدرون بحبنا وتسون جي عييل لو ماتعرفون شو بتسااااااون شوبتسااون
ارتبك ماجد وتلعثم ماعرف شو يرد وشو يقول هم من جد لييه ماحاولوا
ضاري سكر السماعه ورماه على التراب
اغصبوها بشخص غيري واحلفت لي ما تريده
دمروها ودمروني والله ان الحكم جايــــــــر
قطعوا عروق قلبي من وريده لا وريـــــــــــده
خانني التعبير عن حزني وعبرت بعبايـــــر
عاشقك يا روح قلبي صدمتـــــــه كانت شديده
شلّت احساسه وهو ناوي يسمعك البشايـــــر
اشهد انك بالخبر صبتيني ابطعنـــــــــه سديده
داير ٍكوني براسي مدري راس الكون دايـــر
يا ترى هالعالم من الظلم وش هي مستفيـــــده
قصقصت جناح طيري واسقطت بالجو طاير
فعلهم ما هو يميت انساننا لا بل يبيــــــــــــــده
كان الاعصار المدمر لو بأسلوبه مغايــــــــر
رحت اعاتبهم ولا ردوا لي ابجملــــــــه مفيده
التلعثم والتهرب زاد قلبي بالحسايــــــــــــــر
قلت دام الكل عارف منه تـــــاج القلب وسيده
ليه ترضون لولدكم تصبح آماله خسايـــــــــر
وش هو اللي ميّزه عني وانا عاجــــــز اجيده
غير شيطان الدراهم اللي عالعميان شايـــــــر
الرصيد اللي بقلبي والله اكبر من رصيـــــــده
واللي أكبر هي سعادة راعية حلو الظفايــــــر
ما دريتوا للمحبه تنحني اصلب حديـــــــــــده
ما دريتوا للظلم تنهار عاليــــــــــــــة العماير
حبها يا ناس ما هو في لقا لحظــــــــــه سعيده
حبها الدنيا وما تحمل من اكبار وصغايـــــــر
حبها شوفي لساني سمعي اخصالــــي الحميده
دمي احساسي ونبظي ما يسيّرني وأسايــــــر
ذنبها ياللي ظلمتوها انها قالت أريــــــــــــــده
إيه تبيني وهم أبيها ما هو ذنب من الكبايـــــر
آه يا حرمان قلبي وين حبــــــــــــه وين عيده
اليتيم اكبر عذابه او عذابي صرت حايـــــــــر
آه يا صوت الوطن يصدح ويبلغنــــــي نشيده
وانا حولي غربةٍ تنعق ولا أقدر أخايـــــــــــر
اذكريني يا حياتي لا اشرقت شمس ٍجديـــــده
حاولي تلقي دفايا في خيوط الشمـــــــس ناير
اذكريني لا لمحتي نجمة الليــــــــــــل البعيده
وادري ان البعد عمره ما خلق أية ستـــــــاير
ايه احبك ما هي كلمه قلتها لك في قصيــــــده
هي قصيده قلتها ابكلمة احبك للضمايـــــــــر
ودّي يوم آقول أحبك اصرخ لحد النقيــــــــده
لين كل اطيور عالمنا بالأغصان اتطايـــــــر
ودي يعرف من يحب معنى المحبه ألأكيــــده
كيف يرجح حبنا عالحب يوم انه يعايـــــــــر
ودي نقهر من ظلمنا نوفــــــي بالحب ونكيده
لين هم احساسه ابظلمه ما نلقى له نظايــــــر
انتحر مليون مره لو أشوف ايدك بإيـــــــــده
انفجر لو ينطق اسمك مثلما البركان ثايــــــــر
مستحيل اتخيل انك معْه في عيشه رغيــــــده
قولي انك مو سعيدة هدي الدم اللي فايــــــــر
شفتك بحلمي تمدي يدك بنظــــــــــره شريده
فقت ادور وين يدك ما بحولي أي زايـــــــــر
حلم ثاني شفتك اتقولي تودعك الشهيــــــــــده
فقت أصارخ لا تخليني لحالي بها الدوايــــــر
بنت عمي اسمحي لي يوم اسميك الفقيـــــــده
اكتشفت الموت له انواع ما بيــن العشايــــــر
النتيجه واحده لو ان اسبابه عديـــــــــــــــــده
يا رفيقة درب حبي صرت وحدي اليوم ساير
اللي صاير يا هلي قولوا لي قصه في جريــده
أو من أوهام الخيال أو شي من الاحلام صاير
وللا عزوني هلي في فرحتي ذيك الوحيــده
الله يعلم حبها ابقلبي وما تخفـــــــــي السراير
اللي صاير يا هلي قولوا لي قصه في جريده
أو من أوهام الخيال أو شي من الاحلام صاير
وللا عزوني هلي في فرحتي ذيك الوحيده
الله يعلم حبها ابقلبي وما تخفي السراير
*عسب مره ثانيه تحرم تلمس شئ مولك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك