رواية رشوا على قبري من دموع عينه -25
ابوه خاف عليه : سلامتك يا ولدي .. تعالي عندي تعال ... اخذه ابوه وضمه .. كانه طفل صغير .. تايه ما يدري وين يروح ..
فيصل : سامحني يبه سامحني .. انا ما اقوى على زعلك
ابوه: مسموح مسموح يا ولدي ..
بعد العناق ..ودموع الفرح ...
امه: قوم يمه احلق دقنك .. وشعرك ..
فاديا: اللي يشوفك .. يقول ماعمرك عرفت الزين يوم
فيصل : اخص يا سندرلا العرب
فريده: ماعليك منها .. بس قم .. احلق دقنك ..بصراحه الدقن عليك مو حلو
فيصل : بروح .. حطمتوني ... يعني خلاص اشيله
الكل: اييييييييييييييه
فيصل : متاكدين
الكل: ايييييييييييييييييه
فيصل : ماعندكم نيه تتراجعون
الكل: لااااااااااااااااااااااا
فيصل : اجل توكلنا على الله ... الحين نروح نشيله ...
بعد اسبوع
بالمدينه ..
فارس: يبه
ابو محمد: هلا
فارس : يبه بغيت اطلبك طلب
ابو محمد: امر يا ولدي
فارس : اليوم ملكه خالتي لمياء ويش رايك املك انا بعد على ابتهال ..
ابو محمد: والله مدري يا وليدي بس نشاور ابوها ونشوف ..
فارس : اللي تشوفه
ببيت الجده
ملاك: هاه كيف النفسيه الحين
لمياء: متوتره شوي ... احس بربكه
ملاك: شيء طبيعي .. اجل لو كنتي بتقابلينه ويش بتسوين
لمياء: أي والله ويش كنت بسوي ..
ملاك: يالله باقي اسبوعين وتتزوجين
لمياء: اسكتي لا جات سيرة الزواج يوقف قلبي .. ما توقعت اني بخاف كذا
ملاك: ايه هذا زواج مو لعب
لمياء: الله يرزقك انتي بعد
ملاك تغير نظراتها : امين .... سمعت لمياء صوت ابتهال ووصايف وامهم
لمياء: بروح اشوفهم واجي
ملاك: طيب ... تذكرته ... وتحس انها مشتاقه له .. ومشاعرها متناقضه
ملاك(الشوق نايم في فؤادي من العام
شوق الغرام ونار فرقاء المحبين
والعبد يامضنون قطاع الانسام
والجرح يبقى يا فيصل بين جنبين
والخافيات اللي بها الله علام
كشفتها لناس والناس غافين
ماكنت اصدق تشرح الوضع باحكام
حتى انكشف سر اللثامه عن الزين
واليوم محبوبي موجه لي اتهام
ما يدري ان القلب ما بين نارين
امسي على ذكراه واتسمع انغام
واصبح فوق الهم يافيصل همين
راحت حياتي كلها اوهام واحلام
تبخرت والعين تنظر بطرفين
وانهد جدر البيت من ظلم الايام
واتحول المضمون من سين الى شين
هذا انا يا فيصل مجموعه اقسام
وش عاد باقي بعد فرقاء اريش العين
ليته قبل يمشي حكم علي بالاعدام
أخير من ان تنزف عليه الشرايين
لكن كواني كي غارت بالعظام
ومن بعدها رشوا على قبري من دموع العين ))
ببيت ابو سلطان
ريم: عبير ووجع امشي يالله تاخرنا
عبير : اصبري .. بلبس عبايتي
ساره: يوووه متى تخلص ذي تاخرنا على البنات ..
ريم: عبببببببببببببببببببببببيييييييييييييييييييير
عبير تطلع من الغرفه : جيت .. اقلقتوني .. يالله مشينا
ساره: المفروض احنا ناخرك مو انتي تاخرينا ..
ريم: حبيب القلب هناك .. لازم تكوني مستعجله على شوفته
عبير : على بالكم انا مثلكن مطفوقه .. حبيبتي .. انا زينه العقل
ساره وريم: ووواااااااااااااااوووووو من متى العقل بالله
عبير : اقول .. اذا جلسنا ..عز الله تاخرنا .. امشن يالله
ريم/: ياللللللللللللللللللللللللللللللللللللللللللللله
بمجلس الرجال
فارس: يبه .. كلم عمي ابو فراس
ابو محمد: اركد ياولد ..اركد على بالك ناسي ..
فارس : طيب كلمه الحين
ابو محمد: اقول ياخوي ابوفراس
ابو فراس: سم ..
ابو محمد: سم الله عدوك .. والله ودي تصير الفرحه فرحتين .. ونملك بعد لفارس على بنتك
ابو فراس: والله هذي الساعه المباركه ماعندي مانع
ابومحمد: اجل توكلنا على الله
تم كل شيء .. بيسر وسهوله
عند البنات ..
عبير : الف مبروك يالمووووش
لمياء مستحيه: الله يبارك فيك
ملاك تبوسها : منك المال ومنه العيال ...
الكل: ههههههههههههههههههههههههههههههه
ملاك: امزح معك منه المال ومنك العيال
لمياء: لا الاولى عجبتني اكثر
ساره: تخيلوا عاد لو الحريم يصرفون والرجال يولدون
ابتهال: شششششششششششششششيء ..كان تزوجت اربع
ريم: ماعندك حل انتي .. مطبقه الشرع على طوووووول
ابتهال: افا عليك .. تراني اعجبك
ملاك: ماتلاحظون شيء غريب اول مره يصير
الكل: وييييييييش؟؟؟؟؟؟؟؟!!!!!!!!!!
ملاك: لمياء مستحيه !!!!!!
ابتهال: ايه صح.. هذي تكتب بتاريخ الامه العربي والاسلاميه والعالميه بعد
لمياء تتخصر : حبيبتي قالولك ما اعرف الحيا
ريم: لا عاد حشى من يقول كذا ..عنك .. والله اقص رقبته
لمياء: هب يالنصب
الكل:خخخخخخخخخخخخخخخخخخ
لمياء: اقول تراني ما ابي اخرب احلى ليالي حياتي خلوني مستحيه اصرف لي
ساره: حركات .. ليالي حياتي بعد!!!!!!!!!
ابتهال: الله يستر من تاليها
ملاك: يالها بشغل المسجل.. ونرررررررررررررقص
وبداء الرقص .. والوناسه ..
فارس ((آآآآآآآآخ ..متى اشوفها .. اكيد مادرت اني ملكت عليها ... احسن ابيها مفاجاءه وانا اللي بوصل لها الخبر .. ابي اشوف وجهها كيف يصير ))
بعد ماراحوا الناس مابقى الا اخوان ملاك وخالتها فاطمه
ملاك ترمي نفسها على سرير لمياء : اوووف تعبت من الرقص
ابتهال: والله اليوم انتي شاده الهمه يافيفي عبده
لمياء: هههههههههههههه فيفي مره وحده
ملاك عدلت جلستها : ليش عمري .. لا يكون رقصي مايطربك
ملاك: تسنعي وانتي تتكلمين معي
بالرياض
ماجد: اقوووول فيصل
فيصل : هلا
ماجد: انا من زمان ودي اقول لك على موضوع بس متردد
فيصل : قول
ماجد: بس اخاف تفهمني غلط
فيصل : قول .. ولا تخاف
ماجد: تتذكر يوم اللي عزمني ابوك بالمزرعه يوم رجعنا من جده
فيصل : ايه اذكر
ماجد: بصراحه ... أنـــــا .. ذاك اليوم صدمت بوحده من البنات
فيصل طل فيه: بنات ..اي بنات ؟؟؟!!
ماجد: مدري بس هي تشبه لك مره .. قلت اكيد اختك
فيصل : اختي؟؟؟!! ويش لون شعرها
ماجد: ما اذكر لانه كان بالليل .. بس اذكر فيه شيء اصفر
فيصل ((فررررررررررريييييييييييييده )): انت متاكد
ماجد: فيصل لا يروح بالك لبعيد .. مجرد صدفه .. وصدمت فيها
فيصل يمثل التعصيب : وليش قلت لي الحين
ماجد: تبي الصدق ...ابيك تشوف مني هي .. لان ودي اخطبها
فيصل انصدم : تخطببببببببببهااااااااا
ماجد طل فيه : لايكون ماني من مواخيذكم
فيصل: بالعكس لنا الشرف ... بس كيف بطلع لك منهي
ماجد: انا متاكد انها اختك .. ياخي تشبه لك مره وطويله ونحيفه
فيصل : هههههههههههههههههههههههههه هي ترى ما اسمح لك هذي اختي .. وما احب احد يوصفها
ماجد طار من الفرح : اختتتتتتتتتتتتتتتتتتتتتتتتتك ؟؟؟؟؟؟؟؟؟؟!
فيصل : ايه اختي ولاعاد تفكر فيها ابد
ماجد: افا ليش ؟؟!!!
فيصل : اغار عليها .. ماهي اختي
ماجد: بالله انت متاكد انها اختك
فيصل : احسك تبي توصل لشيء قول حنا اصحاب
ماجد: من الاخير وعلى بلاطه ... انت اعز اصحابه ..وودي اخطب اختك لاني بكون قريب منك
فيصل : ونعم الصديق والله .. وابشر بعزك .. بتاكد لك وارد لك خبر ..سكت شوي
فيصل : ولو ماطلعت اختي ...طلعت من بنات عمي
ماجد: بعد بخطبها وين بلقى مثلكم
فيصل : كل يوم احس اني كسبت اخ وصديق مافي مثله بين الناس
بعد مارجع للبيت اتجه على طول لغرفه فريده ...دق الباب
فريده :ميييييييين !!!!
فيصل : انا فيصل
فريده: تفضل ... فتح الباب ... ودخل
فريده: هلا فيصل .. تفضل اجلس
فيصل : زاد فضلك ...اتركي الاب توب من يدك
فريده: طيب لحظة ..حطت الاب توب بجنبها .. خير ..عندك شيء
فيصل : فررررريده .. ابيك تتكلمين معي .. بشفافيه .. ما ابيك تكذبين علي او تخافين مني
فريده: خير .. قول
فيصل : تتذكرين يوم ابوي سوى لي عزومه لما رجعت من جده
فريده: ايه اذكر ... بس ليش تسال
فيصل : ذاك اليوم ابوي عزم خوياي ...تغيرت ملامح فريد ..
فيصل : صدمتي بواحد من خوياي صح
فريده: بالغلط والله .. على طول رديت للبيت
فيصل : امممممممم طيب هو قال لي غير ذا الكلام
فريده: يكذب ... وعصبت ...
فيصل : اكذب اكذ ب قال نفس كلامك ..
فريده: طيب وليش جاي الحين تسال
فيصل : بتاكد هو انتي اولا
فريده: وليييييييييش ؟؟؟!!!
فيصل : كذااااااا .. وقف بيروح ...
فريده ..: وييييييين
فيصل : خلاص خلصت التحقيق والمره الثانيه انتبهي لطريقك هذي المره طحتي بماجد المره الجايه بمين
فريده: ليه قالوا لك عمياء
فيصل : لا بس يمكن تطحين بواحد مريض .. وانتي تعرفين ويش بيصير
فريده: ماني من اللي ببالك
فيصل : انا اعرف تربية خواتي .. وماعندي شك فيكم ..تصبحين على خير
فريده: وانت من اهل الخير ...
راح لغرفته ... وغير ملابسه .. وانسدح على السرير ..
فيصل : يووة نسيت الورقه بالدرج ... فتح درج الكمودينه .. شاف ايشارب ملاك اللي نسته اخر مره شافته فيها .. طلعه .. وقام يتامله .. حس باشتياق لها وله على صوتها كلامها .. برائتها .. وحتى ضحكتها
فيصل ((يا روعة الضمة على صــدر ~ مشتــاق ~
مع واحداً .. دايم تمنى .. تــضـمـه
لا ترجمـت صـدره ./. تـعابـير الاشـــواق ./.
ومــن الــ غـلا .. تــشِـــده عـلـيـك ! وتـلـمـه
كـنـك تحــس إنـه .. بـعـد ضـمـه إفـــراق
تـِشـد فـي ضـمـه / وهـــو / ازداد هـــمـه
يـفـوح ~ ريح الـعـشـق ~ من بـيـن الافــاق
واكـيـد مــع ضـمه تمنى تـِـشـمـه
وهـنا المـطـمـه !! رعـشـة ً تـتـبع إرهــــاق
مـنـهـا الـجـسـم .. مـاكــن يـكـفـيـه دمـه
من بعـدها تحس بـ غـلا الشخـص بأحـراق
وتـجـلـس تـمـنى انـك .. تجـيـه وتـضـمـه))
ضم الايشارب لصدره ... وشمه
بالمدينه
ملاك: انا بروح عند جدتي طفشت منكم
لمياء : وانا بروح معك
ابتهال: وانا بلحقكم بس بروح المطبخ .. اتجهت كل وحده للمكان اللي تبيه
ملاك ولمياء راحوا للغرفه الثانيه ..وابتهال راحت للمطبخ تشرب مويه ... بعد ماصبت لها بالكاسه مويه شربت شوي ولفت وشافته يتاملها بكشختها .. كانت لابسه فستان زيتي.. قصير و ضيق وفيه تطريز بالذهبي لكن ناعم .. وفيه شرايط ساتان ذهبي على الرقبه نازله على صدرها اللي فتحته على شكل دمعه ..طاحت منها الكاسه .. لانها خافت ..
فارس: سلامات ..
ابتهال . تبلع المويه : أ.......أنـــــت
فارس: ايه انا يازوجتي العزيزه ..خافت منه لان نبرته تخوف
ابتهال: انت ماتستحي ..اطلع اطلع برى ..
فارس :لا ...لا ..لا ....تطرديني؟؟!! ..مايصير الحين احنا زوجين المفروض تفرحين لما تشوفيني
ابتهال: فارس .. انت تجاوزت حدودك ... اطلع برى بسررعه .... قرب منها ..وزاد خوفها حط يده على خصرها .. تجمدت بمكانها
فارس: حبيبتي احب ابلغك اني ملكت عليك الليله .. ويجوز اشوفك متى مابغيت ... اوكي
ماصدقت الكلام اللي يقوله ..
ابتهال: انت كذااااااااااااااااب
فارس: لا تصدقين بكيفك .. بس انا بلغتك ..
ابتهال: يعني ......
فارس: يعني ..لو بغيت اخذك الحين ..معي اخذك ..لاني زوجك على سنة الله ورسوله ...كان الموضوع بالنسبه لها صدمه ماتوقعت بيصير كذا ... تحس انها بدوامه .. ماتقدر تركز ..بكلامه ... دفته بكل قوتها وشراستها .. وطلع الوجه الثاني لها ...
ابتهال بصراخ : لو تموت ماراح تاخذ مرادك ... ..وطلعت من المطبخ واتجهت للغرفه اللي الكل مجتمع فيها بكل شراسه وثوران
البارت الحادي والعشرون
&&
&
((
ياا/ حبيبي ...
في قديم , الذكريات ,
ماسلبني غير صوتك
وفي جديد , الامنيات ,
مارغبت بغير شوفك((
طلعت من المطبخ واتجهت للغرفه اللي الكل مجتمع فيها
ابتهال بصراخ : ييييييييييمممممممممممممممممممممممه ....الكل انفجع من صرخت ابتهال
الكل: ويش فيك
ابتهال ودموعها على خدودها : ليش يمه تسوون كذا ؟؟!!!
امها: علامك يمه ويش صاير لك !!!!!
ابتهال: ليش ابوي يملك لي على فارس ..وماتشاوروني
الجده: انتي ماوافقتي بالبدايه
ابتهال: الحين ما ابيه ....وتصرخ ..ما ابيييييييييييييه
بدر: ليش ..ما تبينه ؟؟؟
ابتهال: اكرهه ما احبه ... انا ما ابيه
لمياء: بس هو صار زوجك الحين ...
ابتهال: مستحيل اتزوجه .. لو توصل لدرجه اني اهرب وما اتزوجه ... سمع ابوها كلامها ..وصراخها الي واصل للمجلس اللي فيه فراس ومحمد وعبدالله وابو محمد
ابو فراس بصوته الجبلي : ابتهااااااااااااااااااااااااااال ...راحت لابوها ..وهي منهاره تماما
ابتهال : نعـــــــــــــــــــم
ابوها: ويش اللي قاعد اسمعه
ابتهال : ليش يبه تسوي كذا انا مو بنتك ... ما ابيه يبه خله يطلقني ...مااااااابيــــــه
ابوها : بس ..لا كلمــــــــه ... وفارس زوجك على سنة الله ورسوله ...رضيتي او ما رضيتي
ابتهال تتحدى ابوها : والـلـــه ما اخذه لو مابقى غيره بالدنيا
ابوها : قلت لك هو زوجك ما تفهمين انتي ... وانا بسأله متى يبي موعد الزواج
ابتهال: الموت اهون من اني اتزوجه ...
ابوها : اسسسسسسسسسسسسكككككتي ... وشغلك بالبيت
دخلت غرفه لمياء وانهارت من البكاء .. وصوت بكاها يسري بكل البيت
بالمجلس ...
ابو محمد: يابو فراس اذا البنت ماتبيه لاتغصبه ..الغصيبه شينه
ابو فراس : ماعندنا بنات يتشاورون وهي الحين زوجته لو يبي ياخذها هالحين ياخذها ماعندي مانع
فارس((انا خبل ويش اللي سويته ..خليتها تكرهني ... )
محمد: يا عمي ..انت شوف هي ليش معترضه
ابو فراس : كلمتي قلتها .. ماعندنا بنات يتشاورون ...وانت يافارس متى تبي الزواج
فارس: على راحتك ياعمي ... حدد الوقت اللي تبي
ابو فراس : الشهر الجاي ..
فارس: صار .
بغرفه الجده
ام فراس : بروح اشوفها
وصايف: والله غريبه ..اول كانت موافقه ويش اللي غير رايها ؟؟!!!
ملاك: علمي علمك ....
لمياء: اكيد شيء كايد
اليوم اللي بعده ... ببيت ابو محمد
نزلت ملاك من غرفتها ولقت فارس جالس يقلب بالقنوات ...كان شيء لم يكن
ملاك: سلاااااااااااااام
فارس: وعليكم السلام
ملاك: اخبارك بعد احداث الاكشن امس
فارس: عال العال .... دام بتزوج الشهر الجاي .. فانا مستانس
ملاك: فارس ترى البنت ماتبيك ...انت فاهم معنى كلمه ماتبيك
فارس: كلام بنات ... وانا داري هي مقتنعه فيني بس تكابر
ملاك: والله مدري عنك .. بس ترى حياتكم بتصير جحيم
فارس: فكينا من مواعظك يا مريم نور
ملاك: الشرهه علي اللي اقابل هالخشه ..مالت عليك ...
بعد اسبوعين ... بزواج لمياء
ملاك: هاه خلصتي لموش
لمياء: باقي بس الاكسسوارات ..
ملاك تتامل لمياء بالفستان الابيض .. والمكياج الخليجي .. وطالعه ملكه جمال
ملاك تبوسها : الف مبروك حبيبتي ... طالعه تهبلين
لمياء: بالله زين كذا شكلي
ملاك: اقولك تهبلين ... تصدقين
لمياء: ويش ؟؟؟
ملاك: راح افقدك يا دببببببببه
لمياء ماسكه دموعها: ملاك لا تبكيني تراني يادوب ماسكه نفسي ...
ملاك: لا عاد كلش ولا تبكين ... ويخرب كل شيء
دخلت وصايف ... وميساء ..وابتهال اللي مبين عليها الضيقه
الكل: مبررررررررووووووووووك يا احلى عروس ....وطبعا بوسات وضمات .. ونصايح
وصايف : لا اوصيك .. خلك راكز بالزفه
لمياء: ليش قالول مطفوقه
ابتهال: خبرنا بك كذا
الكل: هههههههههههههههه
ميساء: ايه اضحكي .. خلي سنونك تبان
لمياء: يعني اهم شيء سنوني تبان
ملاك: لا ..ياخبله لو تضحكين بيطلعون عليك كلام .. خل مكشره على طول وزعلانه
وصايف : ولا اوصيك اعقديها ....هههههههههههههههههههه
لميا: والله حيرتوني ويش اسوي
الكل: خلك على طبيعتك
لمياء: نشووف ... سكتت شوي ... بنات والله مرعوبه ..خايفه
ميساء: لسى حبيبتي ؟... بدري على الخوف ... لا رحتي معه خافي على كيفك .. اما الحين تطمني .. انتي بامان
وصايف: ميووووووس لا تخوفينا .. شوفي شكلها كيف ..يضحك وهي خايفه
لمياء: الشرهه علي اللي اشكي لكم
ملاك: توكلي على الله .. ولا تخافين .. وترى هذي احلى لحظات العمر ... لا تفوتينها عليك بالخوف
لمياء: لا تتركوني ..
ابتهال: لا ان شاء الله ما حنا تاركينك ياخوافه ...
بدت الزفه .. وانزفت لمياء ...
ابتهال: بسم الله عليها تهبل
ملاك: الدبه .. بتروح عنا هالمطفوقه
ابتهال: مدري كيف راح استانس بدونها
ملاك: ربي يسعدها ...
بعد نهايه الزواج ....راحوا كل الناس ... والكل رجع لبيته منهك تعبان
عبدالله: هاه بشري كيف لمووووش
ملاك ودموعها على خدها : تهبل ...
ثامر: تبكين
ملاك: ايه ابكي .. على بالك مثلك متبلده احساس
فارس: ياربي من البنات .. يبكون حتى بالزواج ... ترى هذي سنه الحياه
ملاك: هذا اللي بيفلقني .. اقول اسكت ابرك ..
عبدالله: ارضي علي شفتي اني انا احسن اخوانك وارقهم مشاعر
ملاك: يقال مداح نفسه كذاب
ثامر وفارس: هههههههههههههههههههههههههههه
ثامر: قووووووووووووووووووووويه ...
فارس: يارقيق المشاعر انت
عبدالله: مقبوله منك ماني براد عليك ملاكوه لاني حاس انك فاقده انسانه خبله مثلك
ملاك تمسح دموعها: مخلين العقل لك يابو العقل ..
بعد يومين ...
ملاك: وحشتني ذي الدبه .. ماصدقت خبر خير انها تزوجت سحبت علي ....
اخذت جوالها ودقت رقم لمياء .... جاها صوت لمياء .. وطفاقتها المعهوده
لمياء: كلووووووووووووش اخيرا دقيتي
ملاك : السلام عليكم
لمياء: وعليكم السلام
ملاك: على طاري الدق اني اللي المفروض تدقين مو انا
لمياء: نسيتي اني عروس ..
ملاك:ههههههههههه عندي شك ... المفروض الحين تركدين مو تزيد طفاقتك
لمياء: ما تدرين ليش ؟؟؟
ملاك: لييييييش ..؟؟؟!!!
لمياء: زوجي العزيز طالع للمطعم .. ولما دقيتي قلت اخيرا في احد بمارس عليه خبالي اللي وحشني
ملاك: مايوحشكيش غالي يا قلبووووووو خخخخخخخخخ
لمياء: تنكتين هين اوريك
ملاك: هاه كيف مع ناصر بشري
لمياء: يؤيؤيؤيؤيؤيؤ يزنن ياناسو يهبل .. طيب حييييييل يا ميمي
ملاك: يعني الحمدلله الاوضاع مستقره
لمياء: الحمدلله ...
ملاك: وين العزم ان شاء الله
لمياء: ابها ... وبعدين جده .. وبعدين نروح للياض نزور اهله وبعدها الشرقيه
ملاك: تتهنين ان شاء الله ... بس هاه لا تجين ويدك فاضيه
لمياء: افا عليك ... من وراكي خمس ريال نسكتكي بها
ملاك: خلف الله على عقلك .. اقول لا يحسبك الرجل جلده .. تبحبحي شو ي
لمياء: هههههههههههههه ولا توصين كم ميمي عندي .. بجيب لك أي شيء يعجبني
ملاك: لاخلاص هونت ما ابي ابيك سالمه غانمه بس .. ماني بناقصه توهيقات
لمياء: اقوووووول
ملاك: ويييييييييييش ؟؟؟!!
لمياء: ملاك حاولي تسحبين ابتهال بالكلام وشوفي هي ليش ما تبي فارس
ملاك: هذا اللي انا ناويه عليه ... تعرفين الحين اخذنا على بعض انا وياها بغيابك صرنا قريبات اكثر من اول
لمياء: يالخاينات .. غيب يا بس العب يا فار
ملاك: هههههههه حشاكي ... بس خلاص ماعاد لك رجعه لجمعتنا
لمياء: طيب انا اوريك بس اشوفك .. واعلمك .. وشلون انا ماعاد لي رجعه لكم
ملاك: اقول لا يكثر بس .. يالله انتظري نصوووووور على ((وتقولها بتمديد )) احررررررررررر من الجمررررررر
لمياء: شوووووووووور بانتظر مهجه الروح .. يا بايخه انتي
ملاك: هههههههاااااي حركات .... مهجه الروح .. ياعيني من اول يومين مهجه الروح وبعدين ...
لمياء: ياكرهي لا جلستي تضحكين يالله عاد ..
ملاك: يالله باااااااااااااااااااي
لمياء : بااااااااي .... قبل لا تلف ..
ناصر : مين مهجه الروح ..... لفت بسرعه وتغير وجهها
لمياء: من متى وانت هنا
ناصر : من قلتي مهجه الروح ....
لمياء: هو .... انا ..... قلت ......ابتسم بخبث .. وغمز لها
ناصر: يالله قلبي .. خلينا نتعشى
بالنسبه لملاك ... ميته ضحك على خالتها ... نزلت للصاله ..ولقت زوجته ابوها
ملاك: هااااااااي
مضاوي: هااااااي
ملاك: غريبه اليوم جالسه مارحتي لاهلك
مضاوي: تعبانه شوي قلت خلوني ارتاح
ملاك: سلامتك .... عسى ماشر ويش يوجعك
مضاوي: مصدعه ... ومالي خلق اروح ..
ملاك: اخذتي مسكن ...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك