رواية دموع رجال معاريس -23
نوره:الله يبارك فيك
ضاري:مبروك طلال
طلال:الله يبارك فيك
نوره:ليه مادخلت مساعه
ضاري:سوري نواره بس رحت اييب لك ضيفه
نوره:منو
ضاري:المصوره
نوره:هاااه"وتوعدت بحصه بداخلها يعني هي قايله لحصه ماتبا المصوره "
دخلت المصوره وطلع ضاري بعد ماسلم عليهم من جديد
صورو وسط اعتراضات نوره اللي خايفه من قرب طلال وخايفه مننتيجه هالقرب
نوره:خلاااااص
طلال مبتسم:افاااا النوري بس هاااي الصور
نوره بارتباك:واايد
المصور:خلااااص انى بدي صورك انتي لحالك ياحلوي فما بتخافي
نوره ارتاحت وبدت تاخذ لها كم صوره وطلال جلس مراقب
...........................
ذعار :هلا محمد شو بغيت
محمد:هيه ابويه يباك سيرله عدال البوابه
ذعار :يلا انه بسير
محمد:الله وياك
طلع ذعار لعمه وهو مستغرب شو يبا عمه منه
ذعار:عمي
بومحمد طالعه:هلا ذعار
ذعار:هلا امرني عمي
بومحمد بتردد:بصرااحه انه ياينك بطلب من ابوك
ذعار وكانه عرف:شو عمي
بومحمد:ابوك يبا يزفك عـ
ذعار:آسف عمي مااقدر على هاي الشئ
بومحمد:ذعار ابوك يبا
ذعار:عمي انه طالبنك ماابا هالشئ
بومحمد:اللي يريحك طب متى ناوي تسير
ذعار:اذاا على هالشئ الحينه
بومحمد مبتسم:صبر ارمسهم
..................................
شروق:افا حصيصه شو فيج
حصه مسحت دموعها:لاااه ولاشئ بس جي
ام ذعار وهي جاايه:يلا امي حصه فديتج ذعار ينطرج براا
حصه وقفت ورااحت لامها ضمتها وهي تحاول تتماسك:يلااا امايه انه ابا اسير
ام حمد صاحت بناتها الليله بيروحون
حصه:امايه فديتج ليه البجا انه بكون يمج
ام حمد:اي يمي وانه امج وانتي بتسيرين ويا ولد عمج للخارج
حصه بترجي:امااايه طلبتج بلاهاا هالدموع الغاليه
تركت امهاوسلمت على اللي حولها وتوجهت لغرفه اغراضهم شافت نوره اللي تتصور وطلال
حصه بصوت مبحوح:نواره
نوره طالعتها ونزلت دمعتها يوم شافتها شايله شنطه اغراضها
نوره:بتسيرين
حصه غرقت عينها:هييه
نوره طارت لها حتى ان طلال طالعها منصدم من ثقل الفستان
حصه حضنتها وهنا مامسكت نفسها وصاحت ونوره قد ماتقدر تحاول تمسك نفسها
طلال رما البشت وراح لهم حاول يبعد نوره عن حصه
طلال:نوره حصه خلاص اليوم فرحه مو جي هالبجي
بالزور سحب نوره وحضنها ومسك حصه وجلسها
طلال:خلاص بسكم بجي
نوره دست راسها بحضن طلال وصاحت
حصه رفعت راسها طالعتهم ابتسمت ومسحت دموعها
حصه:الله يوفقكم ههه شكلكم لابقين على بعض طلال"ودمعت عينها"النوري غاليه ترااها امانه هاي شخص مايتثمن بالذات ليه انه يلااا عن اذنكم انه لازم اسير
وطلعت من الباب
نوره كانت صاخه بحضن طلال وطلال يطالع لقدام وعينه تدريجيا انزلت على النوري وقال بهمس
طلال:شكلج مستانسه ويا هااي اللي تصور
نوره نقزت لبعيد:هاااه
طلال ضحك:هههههههههه ياليتني مارمست
..........................................
محمد:طيب انه عندي لك خطى
حمد:هههه وشو هاي الخطه
محمد مسكه من يده:تعال ويايه وماراح تخسر والله
....................................
مروه:ومنو قالج
اروى:شروق سالتها قالت جي
مروه:والله اني رحمتها عزي لهاغرام ماتستاهل
اروى:باجر يبالنا نسير لها
مروه :هيه صج
اروى:ماتلاحظين اننا تركنا الناس ويلسن هني
مروه:انه برتاح شويه ريولي قامت تالمني
*سلااااامه ريولج عساه في عدوينج
مروه لفت للباب تطالع مين وشهقت
.....................................
حصه بعدت عن حضن ابوها:يلااا ابويه مع السلامه
بومحمد حاول يخفي دموعه لاكنها نزلت
حصه:ابويه دموعك غاليه
بومحمد مسحهم وطالعها:سيري وانا ابوج الله يوفقج
حصه ركبت السياره وهي تشوف ذعار اللي جا وسلم على ابوها وبعدها سلم على اخوانها وجا بيركب السياره فتح الباب
ذعار:السلام عليكم
حصه بهمس:وعليكم السلام
شغل السياره وهم يمشون
ذعار:شحالج حصه
حصه بنفس الهمس:انه حمد لله بخير
حاول يفتح معها موضوع منا منا لاكن للاسف ماش ماترد عليه
محمد:اروى ممكن تسيرين وتخلينا بروحنا
اروى ابتسمت وهي تطالع محمد اللي واقف وملققيها ظهره
اروى:انشاء الله تامر امر
مروه بخوف:اروينا بيي ويااج
لاكن اروى سكرت الباب وهي تبتسم بخبث:هههه عساس تتادب
*عساها دوم هالابتسامه
تحولت ابتسامتها لصدمه وطالعته
حمد:هههه شفيج ماقالج محمد اني براا
اروى للحين تطالعه وفهمت انه هوومحمد متفقين عليهم:؟؟؟؟؟؟؟؟؟
حمد قرب منها وهي رجعت على ورى لين ماصقعت بالباب وهو لصق فيهاوطالع في شفايفها اللي ترجف ابتسم بتشفي
حمد:تشمتين بختج هااه عسب تتادب طب وانتي ماتبين من اللي يادبج
اروى نزلت راسها وهي تحاول تبعد عنه لاكنه رفع راسها بيد واليد الثانيه سندها على الباب وقرب منها وباسها بوسه طويله وهي مبققه عيونها من الصدمه
ماحسوا الا بالباب ينفتح بسرعه وتطلع منه مروه تركض بثواني الا حمد واروى طاحوا على الارض لان حمد كان حاط ثقله على يده اللي مسنده على الباب فطاح على اروى داخل الغرفه وبنفس اللحظه محمد طلع بعد ماشافهم وهو يكتم ضحكته
حمد رفع راسه وطالعها وهو للحين مارفع نفسه من عليها
واروى للحين مبققه عيونها كل شئ يصير لها كنه حلم
حمد:اروى
اروى طالعته وهي تحاول تخلص نفسها من تحته
حمد:شورايج تيين ويايه بلا عرس بلااا خرابيط
اروى جاتها خطه فقررت تنفذها
حمد:هاه شوقلتي تيين ويا...
ماكمل كلمته الا اروى صرخت
اروى:امااايه والله هو...
قطعت كلامها يوم شافت حمد نقز من عليها وجلس جمبها وطالع يدور على امها مالقى احد لف عليها وهي تضحك ضحك هستيري
حمد مسكها من كتوفها:تلعبين عليه هااه
اروى كتمت ضحكتها:عسب ماتتفق عليه انتى واخوك
سكتواا للحظات يطالعون ببعض
حمد حس بشئ قبض على صدره فجاءه وماحس بنفسه الا وهو يحتضن اروى بخوف حاول يخفيه ضمها لصدره وهو يعض على شفايفه اللي بدت ترجف حاول يضبط نفسه لاكن ماقدر كل اللي قدر عليه يحضنها بقووه كانوا على الارض اروى وحمد حاضنين بعض ذيل فستان اروى كان على الارض اروى ماتدري ليه انجرفت معه بس هي خافت من الخوف اللي حست فيه من نبضات قلبه المتسارعه حست بدمعه حاره تسسلل على كتفها رفعت راسه بيدينها
اروى بهمس:حمد لييه؟؟
"وهذي دمعه من دموع معاريسنا لاكنها دمعه مجهوله مجهوله"
حمد اذا هو نفسه مايدري ليه يقولها شنو
حمد ابتسم:ههه لاني شفتج
اروى مستغربه وللحين وجهه حمد بين يدينها:لانك شفتني
حمد يحرك راسه باي:هييه
اروى :حمد انه انه
حمد جرها من جديد لحضنه:اششششششش انتي بس لاتتركيني وانه بخيير
اروى حاولت تشيل نفسها وهي تشوف مروه اللي عند الباب:بس...
حمد:اروى لاترمسين
مروه سكرت الباب واروى استسلمت لحضن حمد
..................................
بعد مادخلت الفندق جلست على اقرب كنبه وهي تتنافض من الخوف وماضيها ينعاد عليها وحاضرها يحاول انه يخفيه تنفسها صار سريع ودموعها صارت اربع اربع على خدها
اول ماحست بالباب طارت ركض على غرفه النوم وهي تتنافض وتحاول ماتظهر شهقاتها لاكن ماامداها تسكر الباب الا الباب انفتح من جديد ودخل منه طلال اللي شافها وهي تركض وتروح الحمام
دخلت الحمام للحظات وحست انها انخنقت ففتحت الباب وطلعت
نواره جلست على السرير بتعب وخوف وقهر
طلال قرب منها وجلس جمبها :النوري
توه بيرفع يده بيحطهاعلى وجهها صرخت صرخه خلته ينتفض وهي ركضت لبعيد عنه
طلال تنهد وفسخ شماغه وطلع لبراا الغرفه وانسدح على الكنبه
....................................
فتح ذعار باب الغرفه:تفضلي
حصه خطت اول خطوه وهي تقول :زاد فضلك
دخلوا الغرفه وسكر ذعار الباب حصه مشت وجلست على اول كنبه كانت الغرفه مكونه من سرير وكنبتين منفردتين وغرفه تبديل بحمامها
ذعار:العشا وصيت الخدم اللحينه بي
حصه:مشكور انه ماابا عشى
ذعار مااهتم لكلامها وراح فسخ غترته وعقاله وطاقيته ورجع جلس على الكنبه الثانيه كل واحد منهم يطالع في المجهول
ذعا ر ذكرذيك الليله اول لقاء له معها
"حصه وهي تبعد:لاتقرب من مااابااااك
ذعار بخوف:حصه شو فيج وليه ماتبيني"
آآآآآآآآآآآه ياحصه ذااك اليوم انذبحت منج
"حصه ببكي وهي تجلس على الارض منهاره:الله يخليك ماابا اتزوج مابا اتزوجك انت شو ماتفهم ماتفهم"
ياترى للحينه على كلمتج ماتبيني
"ذعار يهديها:شوفي الغاليه راح يتم العرس قدام الناس ووراهم ولااقرب منج امرره"
تتوقعين بروم اجوفج جدامي وماالمسج انتي صرتي كل حياتي
ذعار:خلاص حصه عقي العبايه مافي حد هنا غيرنا
حصه طالعته وبعدين قامت وقفت وراحت للتسريحه نزلت عبايتها
ذعار فتح فمه من اللي يشوفه وحاول يبلل ريقه بس موقادر
لفت حصه عليه تبي تساله وهو حول نظره
حصه:ذعار ابا اغراضي
ذعار:هيه حطيتهم بغرفه التبديل
حصه مشت لغرفه التبديل تراقبها عيون ذعار
جلست على الارض وفتحت الشنطه وطلعت لها بجامه وحطتها جمبها الا تفاجاءت بذعار
ذعار:العشا
حصه طالعته:قلت لك ماابا
ذعار وقفها :ماشي بتاكلين يعني بتاكلين
طلعوا براا الغرفه
حصه:طب ذعار اببا اخذ شيلتي
ذعار:مافي حد
مشت معاه وجلسها على طاوله الطعام ذعار طبعا مابغاها تفسخ كشختها بغى يملي النظر منها ويشبع منها لانه عارف بعدين نظام حياتهم
ذعار:سمي
حصه حطت لها سلطه وهي مالها نفس تاكل
ذعار:حصه دريتي انه سفرتنا بعد عرس حمد
حصه:هيه
ذعار:جهزتي عمرج
حصه:هيه
ذعار:تراانا بنيلس هناك شهر قالولج
حصه:هيه
ذعار رما الملعقه بعصبيه:حصه شو هااي كل مااارمسج ماعندج غير هااي الكلمه
حصه قامت:الحمد لله
ذعار تنهد بضيق ونزل راسه مرت عشر دقايق وقام يلحقها
ذعار :حصه
حصه كانت جالسه علىالتسريحه ومبدله ملابسها جالسه تمسح مكياجها
ماردت عليه فدخل وهو منزل راسه سكر الباب وقرب منها باس راسها
ذعار:اسف الغاليه
حصه اللي انصدمت منه
ذعار:وربي ماكان قصدي
حصه:خلاص ذعار انه ماشلت بخاطري اصلا
ذعار نوعا ماارتاح
حصه بعد ماخلصت مسح وجهها
حصه بتردد:ذعار انه وين بنام
ذعار طالعها مستغرب:شلون
حصه :ا ا....اا
ذعار فهم لها:حصه مثل ماانتي جايفه هاي غرفتنا فعسب جي هذا مكان نومنا واذا سافرنا الوضع بيتغير
حصه بخوف:بس
ذعار:حصه انه واعدنج من قبل مارااح المسج وكلمه الرجال مافيهارد
.......................................
عند هلال وسراب كان اثنينهم غارقين باحلامهم وكل واحد فيهم جالس يتذكر الذكريات اللي مرت عليهم وكانت ليلتهم من اروع ليالي العرسان
.........................................
ضاري وحمد
ضاري:تونست الحينه مو حصوووه قايله لك انتى الي سير ييب المصوره
حمد:سوري ضروي بس ...
*حمد في ريال يباك برااا
لف حمد على متعب اخوه الصغير
حمد:ومنو هالريال
متعب:وانه شو اللي بيعرفني هو قاللي ناد لي حمد بن جاسم ن محمد"ال"
حمد:هه منو هااي اللي يعرف اسمي الكامل
متعب هز كتوفه يعني مدري
حمد رااح ومشى للمكان اللي اشر عليه متعب
حمد:هلا الشيخ بغيت شئ
الرجال كان احمد:هـ..هـ..لا انت حمد جاسم
حمد:هييه
احمد طالعه معقوله هذا اللي بياخذ حلمي
حمد شك بامره:شو بغيت شئ لييه زاقرني
احمد تبلعم:هاااه لابس كنت كنت "كان بيتهور بيقول انت اللي بتتزوج اروى لاكنه سكت "
حمد:اممم
احمد بلع ريقه:كنت ابا اعرف منو هااي حمد اللي تكلمواا عنه عيال عمي
حمد بغرابه :ومنو عيال عمك
احمد:اااا عيال جابر
حمد:ايه ياهلا تشرفنا
احمد بلع ريقه:انه لي الشرف
....................................
كانت نايمه بهدؤ وسكينه لاكن اللي كان يحوم حولها خرب عليها نومها فتحت عينها بضيق وطالعت الا انصدمت
غرام صرخت:آآآآآآآآآآآآ
ماحست فيه الا سد لها فمها
غرام تحاول تفك يده عنها لاكنه كان ماسك يد بفمه والثانيه مثبت جسمها اخيراا عضت يده وهو ابتعد عنها لاكن مو قبل ماتشيلالغتره اللي على وجهه
غرام وقفت بخوف:فــــــــــهــــــد
فهد بسخريه:هييه ريلج
غرام خافت اكثر من لهجته :شـ...و ...تبـــ...ـا
فهدبسخريه اكبر:يقولون اني ريلج
غرام تشوفه يقرب منها:لاتقرررررب
فهد ماهمته وجاها بسرعه لاكنها كانت اسرع منه وطلعت من الغرفه باسرع مايكون
كانت تركض بارجاء المستشفى وشعرهاالكاريه طايح على وجهها الشاحب وعليها ملابس المستشفى القصيره ماتدري كييف طلعت من المستشفى اللي حست فيه لفحه الهواا اللي جاتها وخلته ترجف طالعت حولها ماشافت غير سيارت قليله تمشي مشت بتعب وهي تحس بالضعف كانت تقطع الشوارع تبي توصل للبيت كانت الشوارع خاليه مافيها احد وظلمه من حسن حظها ان المستشفى مو مره بعيده عن بيتهم كانت تمشي والخوف يتسلل لقلبها الضعيف ماحست بنفسها الا تجلس على الرصيف وتصيح بالم وبرد حضنت نفسها وهي ترجف وتطالع حولها بالظلام والبيوت الهاديه حست بحس سياره فقامت تركض من الخوف ماتدري كييف وصلت لاخر الشارع اول ماوصلت للشارع لصقت بجدار البيت وبكت بحرقه انا شلي خلاني اطلع بهذا الشكل لاكن السياره تجاوزتها وهي طالعت فيها برااحه تنهدت وهي تريح جسمها وتجلس على الارض جلست فتره على هذا الحال بعدها وقفت وطالعت لقدام تحاول تستوعب اهي وين شافت الشارع ومشت بخوف
لحظات
لحظات
لحظات
لحظات
وصلت للبيتهم وكانت تعبانه طالعت بالباب وتنهدت براحه مسكته لاكن سرعان ماطاحت مغمي عليها عند عتبت الباب
.......................................
حمدان:هههه طب متى تبانا نسير له ...ههههه اجوف.... اييه لاتحاتي الشغل ماشي مثل ماتبا...هيه عساك على القوه...هييه انت ارمس فهد ولد خالي بيقولك وين حطها ..لاتحاتي مظمونه...هيه ...لابس مااقدر اطول وياك...هيه للحينه انه بالصاله...طب بااي
*منو كنت ترمس
لف حمدان بخوف:هاااه
بو ذعار:منو كنت ترمس
حمدان بارتباك:هاا هذا واحد من الربع
بوذعار:انزينه جوف اتصل على المستشفى اسال عن اختك
حمدان:ابويه الحينه الوقت متاخر
بوذعار:اتصل انه مو متطمن
حمدان :انشاء الله
..........................................
بوذعار بخوف:كككيف
حمدان اللي بعد خايف:يبااه انه من رمستهم للحينه قالبين المستشفى يدورونها
بوذعار ماقدر يستحمل اكثر فطلع من العرس وعلى طول على المستشفى تخانق معاهم يبي بنته
.................................................. .
.....................................
ضاري كان اول واحد من العايله يرجع للبيت اول ماوصل شاف السياره اللي وقفت عند بيت عمه طالع فيها بعدين انصدم من الشخص اللي نزل منها وقرب من اللي بالارض
عند غرام كانت باغمائها للحين ماصحت
فهد نزل من السياره وطالعها وبداا في فكرته قرب منها بيشلها الا ضاري وقف بوجهه
ضاري بعصبيه:خييييييييير
فهد مستغرب:انتى اللي خيرر
ضاري:لو سمحت توكل
فهد:وانتى شوعليك
ضاري:حلوه هاي شوعلي لوسمحت عن الللعب ببنات الناس وسير لاتشوف شئ مايرضيك
فهد بسخريه:على مااظن بنت الناس هاي تصير حرمتي يعني انتى اللي مالك داعي
ضاري انصدم:شوووووو حرمتك اقول البنت معرسه ولا تقعد ....
فهد عصب ومسك ضاري من قميصه:انا ريلها تفهم ولا لاء
ضاري:شووووووو انتى انتى تاخذ بنت عمي يالسبال
فهد :انتى ولد عمها لاخوش كملت عايله مخفه
ضاري :جااااااااب بلا هالرمسات البايخه وسير توكل البنت مو عندك بالبيت عسب تتحكم فيها وبعدين نجوف اذا هي بتجيك البيت ولا بعد توصل الرمسه لعمي
فهد:اي رمسه
ضاري:انتى عارف شو هي الرمسه يافهد
فهد:ضاررررررررررررري ترى صبري مو طويل
ضاري:.................
فهد دز ضاري وطيحه على الارض وجا مسرع بيشل غرام الا ضاري جاييه مسرع اول ماشافها بين يدينه توه بيجر غرام منه الا جات سياراات الاهل ووقفوا
فهد:علمهم شو موقفك لما اقولهم الرمسه اللي الحينه
ضاري خاف منه لانه رااعي مصايب وبلاوي:شرمسته
*فهد من متى غرام عندك ولييه مطلعنها من المستشفى
فهد:هلا عمي
بوذعارمعصب:لييه ماقلت لي انك طلعتها
فهد ببرائه:بس انه ماطلعتها
الكل وقف بهذي الحظه ونزلواا
بوذعار للحين ماسك اعصابه:عيل شقا هي عندك الحينه
ضاري توه بيتكلم الا قاطعه فهد
فهد:ششش ولك عين بعد ترمس
ضاري فاتح عيونه:انه...
فهد مالقى له بال وطالع بوذعار وهو يحط غرام بين يدينه:انه ياعمي سرت للمستشفى وسالتهم عنها قالوا لي انها طلعت ومايدرون وين سارت وسالت البواب قال انها سارت مع واحد وهالواحد هو ضاري ولد عمها"ققال اخر كلمه وهو يرص عليها"
بوذعار عصب على ضاري وطالعه بقهر:ولشو ماخذنها هاااااه
الكل طالعه وهو مو عارف شيقول على هذا الصاروخ اللي قاله فهد
ضاري بارتباك:اا..ا ناه مو نفس ماقال والله انه يجذب
فهد بعصبيه:اجذب هاااااااااه ومنو اللي كان يبا ياخذها بينحاش وياها هاااااااااااااااه
بومحمد بعصبيه:ضاااااااااااااري صج هاالكلالالالالالام
ضاري:يباااه شنو تصدق هااااي
فهد:لاتحسب اني غافلن عنك اصلا انتى كنت تبا تتزوجها بس يوم خطبتها انتى عصبت و...
ضاري ماخلاه يتكلم وهجم عليه :جااااااااااااااااااااااب يالجذااااااااااب منو انتى عسب ترمس عني جي هااااااااااااااااه
فهد وهو يتضارب مع ضاري:انتى الللي منوووووووووووووووووو هااااااااه انتى انسسان ماتستحي على ويهك
الكل كان يحاول يفرقهم حريم ورجال وام حمد تصيح وام محمد حاضنتها
واخيراا شالوا ضاري من على فهد
ضاري:جللللللللب حقير ..."ماقدر يتكلم لان كف جاه"
بومحمد:ولا نفس
ضاري رفع راسه وطالع بابوه بقهر يعني صدقووه بعدين طالع بالشباب اللي متجمعين حول فهد اكيد صدقووه انه وااحد غريب عنهم توي ماعرفتهم الا من كم اسبوع
ضاري:ترااااااه وربي جذاااب...
كف ثاني خلا الكل يطالع في بو محمد وضاري
بومحمد صرخ:قلت لك ولا نفس
غرام اللي كانت واعيه وتطالع كل شئ بتعب :يبه جذاااب
بوذعار مااستحمل اكثر ونزلها من يده وجرها على داخل وام ذعار وماجد لحقوه لانهم حسواا بنيته
فهد طالع في ضاري وابتسم ابتسامه مخفيها عن الكل
ضاري كان صااخ ويطالع لقدام ويحاول يكبح دموعه توه بيتكلم الا بومحمد جره ومشا للبيتهم ولحقته ام حمد ام محمد ومحمد وحمد
للحظات وتفرقواا الباقين
عند غرام
بوذعار رماها على الارض ولاراعى ضعفها وتعبها كان مقهور من اللي سمعه من فهد حمد ربه انه فهد ماطلقها ولا كانت فضيحتهم بجلاجل
بوذعار ماحس بنفسه وهو يضرب في غرام غرام بنته اخر العنقود اللي ماينرفضلها طلب ولا تنجبر الحين يصير لها العكس ماجد شاف اللي قاعد يصير حاول بشتى الطرق يبعد غرام عن ابوه لاكن ابوه كان يبعده بخشونه ماتوقعها
ماحس الا بغرام تصرخ وهي تلاقي الضرب صرخت وهي تنتفض وطاحت على الارض تنتفض وعيونها صارت بيضه وجهها صار ازرق وتنتفض بشكل فضيع ومخيف
ماجد جاته قوه عجيبه ابعد ابوه عنها وركض لها وحضنها
ماجد ودموعه تطيح:غراااام كلمني غراااااااااااام غرااااام الله يخليج لاتموتين غرااااااام
ماحسوا الا بذعار وحصه اللي نزلوا من فوق خايفين
"وهذي دمعه رجال دمعه اخ شاف الظلم اللي على اخته وصغيرتهم "
ذعغار ركض لغراام وماجد وحمل غرام من يدين ماجد المنهار
...........................................
عند ضاري
بومحمد مسك ضاري من قميصه وصرخ:ماتقول شو هاللي سويته هااااااااااااااااااااااه
ضاري كان منزل راسه بتعب هو ماسوى ماسوى شئ
ام محمد ركضت له وبعدته عنه ووقفت بوجهه:جاسم باااس شوهاااي ترااا اللي جدامك ولدك
بومحمد ماسك اعصابه:وفاااااا بعدي عني احسن لج
ام محمد:لاااااااا مااااارااح اسير انتى ماتجوف عمرك هااااااه
ام حمد كانت متمسكه بباب البيت وتطالع اللي يصير وهي تصيح بصمت اللي يصير شئ محد توقعه لاهي ولا بومحمد هي قالت لبو محمد عن رغبه ضاري وقالت له انها شاكه انها غرام لاكن انصدموا الاثنين بيوم العيد وبومحمد كان حزنان على ولده لاكن اللي صار شئ ابد ماتوقعوه
ام حمد بصوت مخنوق:ضاري ارمس انتى "انقطع نفسها"....انتى..."وطاحت على الارض"
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك