رواية رشوا على قبري من دموع عينه -22
لمياء: نوره اللي كانت معانا باول ثانوي
ابتهال: ايييييييييييه هي
لميا ء تحمست : ويش بها
ابتهال: اوووووووه انخطبت ...
لمياء انصدمت انخطبت ...انتي متاكده نورة انخطبت
ابتهال: ايه متاكده هي قالت لي ...قلت لها نورة ويش فيك لك كم يوم الضحكه مشققه حلقك
قالت لي : مادريتي يا ابتهال ...قلت لا ...قالت انخطبت
لمياء: والله وقاحه ولها عين بعد ...تقول انخطبت
ابتهال: ماخلت احد ماقالت له ...
لمياء: من حلاتها عاد ..
ابتهال: تخيلي بنات فصلي يقولون سبحان الله الشينه هالزمان هي اللي تنخطب
لمياء: أي والله معك حق
ملاك: حرام عليكم هذا نصيبها
ابتهال: بس شوفي اكبر دليل احنا ...مزيونات والكل يشهد بهالشي ...
لمياء كملت : ولا احد دق بابنا وقال نبي فلانه
ملاك: وهذا دليل على انه نصيب
ابتهال حنا ماقلنا شيء ...بس مجرد نقاش
ملاك: يعني اللي افهمه انكم تبون تتزوجون
لمياء وابتهال: ايه ..
لمياء :وانتي
ملاك: انا مافكرت بالزواج ...بعدين انا مستغربه من تفكيركم ...لسى احنا صغار ..حرام نفكر كذا
ابتهال: لا والله انا اللي مستغربه كيف تفكرين انتي
ملاك: انا احب اعيش حياتي ...بكل لحظة فيها مو افكر بتفكير ماله داعي شيء يجيب الكابه ..زواج ومسؤليه
لمياء تنرفزت: الظاهر انك تحبين الشي الغريب ....تحبين الحرام ...
ملاك: حررررررااااااااااااااام
لمياء: ايه حرام ..ماحد يفكر مثل تفكيرك غير اللي ما يبون شيء الا بالحرام
وقفت ملاك: لمياء ... ما اسمح لك انا متربيه عدل ...وانتي تعرفين هالشيء زين
لمياء : لا ...انتي كل شيء فيك غريب ..ويش ما تبين تتزوجين ..كل بنت مصيرها لبيت زوجها ..الا اذا كانت تحب واحد وتتمناه
ابتهال: مايصير كذا هذا مجرد نقاش يسوي بينكم كذا
ملاك: مشكوره يا لمياء ويجي منك اكثر ...اخر وحده توقعت اسمع منها هالكلام
لمياء: انتي جبرتيني يا ملاك ..انا خايفه عليك ...انتي تسمعين كلام قلبك ماتسمعين عقلك ويش يقولك
ابتهال ...صايره مثل الاطرش بالزفه ...بس لقطت شيء وكانها فهمت كلام لمياء
اخذت ملا عبايتها بتطلع بس وقفتها لمياء
لمياء: انا اسفه ..بس هذا كله من خوفي عليك ...لا تطلعين وانتي زعلانه
ملاك: كلام جرحني يا لمياء جررحني ...ونزلت دمعتها .....ضمتها لمياء
لمياء: انا ما ابيك تتعذبين يا ملاك ....ابيك تفكرين بعقلك ..
ابتهال : اقول ..لموش ...خلينا نروح نسوي ..كابتشينو ..ونخلي ملاك ..تريح شوي
لمياء: طيب ياله ...وراحوا للمطبخ وتركوا ملا ..لوحدها بغرفة ابتهال ...
اتجهت للمسجل وشافت سيدي لراشد ...وشغلته على اغنيه ساعات ...ووقفت عند الشباك ورفعت الستاره ..وتناظر وتمد نظرها لشيء لا محدود ...لمات الاغنيه تحسها تعبر عنها بهذي اللحظة
ملاك((
ما بقـى صبر ٍ في صدري..
?ْل مـآ فيـني [حـطـآم]..
شـف بـقـآيـآ قلب حب?ْ ,,
وآلله آلمنظـر قـبـيـح ..
آحتـرمـنـي ?ْـــآن بـآقــي لـلـغـلآ فــيــ?ْ [آحــتــرآآآآآآم]
وآن بغيـت تغيـب ?ْيـفـ?ْ
مـلّـت آلبيـبـآن ريــح !!
آنــآ آدري بـحآل قـلبـي : إنـفصآم بـإنـفـصآم
بتر?ْ?ْ
وآشـتآق ,,
وآرجع آلقى قلبي بـ?ْ جريـح
بــس آنآ قررت آسآفـر يآ حبـيـبـي : إنتقآم !!
صرت آصدق مـن يسآفـر عـن ديآره \ يستريـح..!! ))
كان داخل للبيت ...سمع صوت الاغاني العالي شوي ...اتجه للغرفه يحسبها اخته ...وقف على الباب وهو يتامل وحده ...اطلق عليها ملاك ...كانت لابسه بنطلون اسود برمودا ..وبلوزة حفر احمر وحزام اسود ...وشعرها رافعته ذيل حصان ...يتامل ملامح ..بريئه ...وباين عليها الشرود ...
فراس((معقوله تكون هذي بنت خالتي ...)) طلع بسرعه ورجع غرفته ..متملكه الاعجاب ..فيها ..وبجمالها وبجسمها وقوامه الرشيق وبشرتها اللي كانها بشرة طفل بنعومتها وبريقها ...
بالرياض ...وتحديدا بمزرعه ابو فادي
ماجد: ويش مسوي ..الحين
فيصل : نص ونص
ماجد: افااااااااااا ليه
فيصل : مو وقته ..خله بوقت ثاني اقولك ..
ماجد: طيب بروح السياره اجيب لك .الاوراق اللي قلت لي جيبها ...
فيصل: لا تطول
ماجد: لا تخاف ماني متاخر
ساميه : يوووووووووووه نسينا السيديات على الطاوله
فريده: خلاص انا اجيبها ...بروح اشرب مويه ..واجيب جوالي ..
دانا : لا تطولين فريده
فريده: لالا ماني متاخره دقايق واجي ..
طلعت تمشى وطرحتها على كتوفها وشعرها يتطاير بالهواء ..وجالسه تدندن ..وتمشي وكلها حيويه ...
كان راجع من سيارته ..ويتاكد من الاوراق ..وانها كامله مو ناقصها شيء ...فجاءه
تصادموا ..وطاحت فريده على الارض ..وماجد ..طاحت منه الاوراق ...
فريده: آآآآآآآآآآآآآآآآآآآآآآآآآآآآآي ....راسي
ماجد.. تجمد بمكانه ...بس بسرعه مد يده لها : عسى ماصر بك شيء
فريده استغربت الصوت ..مو صوت عيال عمها .. رفعت نظرها وشافته ..خافت ...
فريد ه : مين انت ..وباين على صوتها انها خايفه ...حرامي ... وكانت بتصرخ
ماجد: لااااااااا انا ماني بحرامي ...انا ماجد صديق فيصل
فريده قامت بسرعه ..وحطت الطرحه على راسها ....
ماجد: اسف ما شفتك .....ولم الاوراق وراح
فريده( صديق فيصل... اه اقول شكله غريب )
ماجد( اكيد اخت فيصل تشبه له ..يؤيؤيؤ يا زينها ..اخص يا فيصل عندك خوات مزاويين وما تقول ...))
كملت طريقها ونفضت عبايتها عن الغبار وجابت الاغراض ..
اما ماجد كان بعالم ثاني كان فيصل يسولف معه عن الشغل بس الله العالم ان فيصل بوادي وماجد بوادي ثاني
فيصل ياهووووووه وين وصلت ..
فيصل: مجوووووووووووووووووووود
ماجد: اسمعك قالولك اطرش
فيصل: ويش فيك مو على بعضك
ماجد: سلامتك ....
فيصل : قوم نمشي شوي الجلسه هنا تقصر العمر
ماجد :قم يالله
..قاموا يتمشون شوي ....وكان في ثلاث من بنات عم فيصل ((دانا , ساميه ..وامال ))
دانا: شوفوا شوفوا ...ياناس يهبل ...يسحر
ساميه : من هالناحيه فهو وسيم حييل
امال: يا بختك فيه والله
دانا: خلاص لحد هنا وبس راح اقوله اني احبه
ساميه: مايحتاج الكل داري انك تحبينه بس هو ماهو معبرك
دانا بانكسار: أي والله ... بس ويش السوات
كان ساااكت
ماجد: ويش في ساكت ما تكلم ...جايبني معك ديكور
فيصل : مشتاق لها
ماجد: ردينا لطير ياللي
فيصل : ولهان عليها يا ماجد ..ودي اعرف اخبارها لي كم شهر ما ادري عنها
ماجد: والله مدري عنك يا فيصل ...عجزت افهمك
فيصل : خلاص اسكت ..ماني ناقصك ..
بالمدينه ...كانت جالسه لحالها بغرفتها ..
ملاك: ياترى ويش اخبارك يا فيصل .. ويش مسوي ..ناسيني او لسى ببالك ..
تنهدت ..تنهيده طويله ....دخل عليها فارس
ملاك: هلا وغلا بفروسي ..اقلط اقلط حياك ..يا حي الله هالوجه
فارس: علامك اليوم ...تهلين وترحبين فيني
ملاك: مشتاقه لسواليفك
فارس : ميمي ... بسولف معك ..بشي خاص فيني
ملاك: قول ...فضفض
فارس: ملاك انا كنت على علاقه مع بنات
ملاك: طيب وبعدين
فارس: بصراحه انا تبت ..وابي اخطب واصون نفسي ..
ملاك: اممممممممممممم طيب يعني في ببالك وحده معينه
فارس: ايه ويش رايك ببنت خالتي ابتهال
ابتسمت ملاك: والله تعرف تنقي ماعليها كلام ...من ناحيه الاخلاق والجمال ..ما لها منافس
فارس: ويش رايك ..اخلي ابوي يخطبها ...
ملاك: اجل خلاص قول لابوي
فارس: طيب هذا الموضوع الاول ...
ملاك: خير في بعد ثاني
فارس: ايه موضوع يخصك ..
ملاك: اللي هو
فارس: انتي ليش منعزله عنا ..
ملاك: لا منعزله ولا شيء .. بس احب اجلس لحالي
فارس: احسك مخبيه شيء
ملاك: لا تطمن لاني مخبيه ولا شيء
فارس: انا ما اغصبك ... تقولين هذي خصوصياتك ..
سمعت صوت مضاوي تناديها
ملاك: بروح اشوفها وراجعه
طلعت وخلت فارس ...
ملاك: هلا مضاوي
مضاوي : يالله تعالي ونادي اخوانك .. عشان العشاء
ملاك: اجل بروح اناديهم
مضاوي : لا تتاخرون
طلعت تنادي اخوانها مرت عليهم كلهم ....وتذكرت ان فارس بغرفتها ..دخلت عليه لقته يقراء بدفتر اشعارها
صرخت : ويييييييييييش تسووووووووووووووي
فارس : اقراء اشعارك
ملاك: ومن سمح لك ....
فارس رفع صوته: ليش ماتبيني اقراه ..والا ......
ملاك: لانه من خصوصياتي
فارس: كل الاشعار ... تدل على شيء واااااااااااااحد ..وهذا اللي انا فهمته
ملاك: لا يافهيم .. اللي فهمته غلط بغلط
فارس: ويش معنى هالكلام اجل ...والكلمات اللي كاتبتها تحت كل شعر ...
سحبت من يده الدفتر
ملاك: مالك خص ... شيء راجع لي اكتب اللي ابيه
فارس: بتقولين لي غصب عنك
ملاك بعناد: ماني قايله اقول شيء ماهو صحيح ......مسكها من شعرها
فارس: لا تخليني اتهور وامد يدي عليك .....قامت تصرخ ...
ملاك: اتررررررررررركني مالك خص فيني ... اكذب عليك يعني
فارس: ملاك اعترفي احسلك
ملاك: ماني معترفه ...اعترف بشي ماسويته
فارس : يعني مصره على الانكار ...
ملاك: يووووووووووه ...قلت لك مافي شيء من اللي يدور ببالك هذي مجرد خواطر
فارس تركها : بنشوف اخرت الخواطر ذي بس قسما بالله لو عرفت شيء ياويلك مني
ملاك: سوا اللي تبي ما يهمني ....طلع وتركها
ملاك( ياويلي لو درى عن فيصل والله غير يذبحني ...بس خلاص فيصل راح انتهى من حياتي ...ماعاد له وجود ....) نزلت تاكل وكان شيء ماصار ..
ببيت ابو سلطان
ريم: هاه عبوره كيف بعد الخطوبه
عبير: والله مستانسه احس نفسي ..مرتاحه ومبسوطه
سارة: دوووووووم يارب
عبير : امييييييييين
ريم: والهي اني مشتاقه لملاكوه القاطعه
ساره: أي والله ..وانا بعد
عبير: امممم ويش رايكم ...نروح لها
ريم: فكرررررره
ساره استانست : ايه ايه نروح لها ليش لا
عبير بخبث: من قدك بتضربين عصفورين بحجر واحد
ساره: قولي مشاء الله لا تحسديني
ريم: ياربي لك الحمد تحسدك على ويش
ساره: تصدقون احس اني غبيه ومتخلفه بالساعه اللي اجلسها معاكم ...اقوم ابرك لي
قامت وراحت تتابع مسلسلها المفضل ...
بالرياض ...
كانوا الشباب والبنات مجتمعين ....سوالف وضحك ولعب
فاديا : يابنات ويش رايكم نلعب لعبه التحدي
سوسن : ايه نغيير جو شوي
هزاع : وراعين انتن ماتملن من اللعب ..متى بتعقلن
امال: مافيش امل نعقل .....
ساميه: عن نفسي عقلت ...
فريده : اكيد بعد ما انخطبتي
ساميه: تبين الصراحه ايه ... خلاص لمتى الهبال
راكان: واخيرا ... وحده اعقلت عقبال الكل
فاديا: عن نفسي ابي اكون طول عمري مهستره ...
دانا: افاااااااا ليش
فاديا : كذا مزاج .. احب الهستره ...
فريده: ماعليكم فيها هذي مروحه ...
هزاع : .. اقول بنات ويش رايكم تسوون لنا شيء .. جوعاااااان
سوسن: ههههههههههههه تنت انت وجه ..كلم الخدم يطبخون لك ...
راكان: ناسي ان هذول ..ما يعرفون المطبخ ...بنات اخر زمن
دانا (( غريبه فيصل ليش ما يسولف ...)): فيييييييييييصل ....فيصل
وطبعا كان بعالم ثاني ....شارد باله ..وقلبها بمكان غير مكانه ..
ساميه: فيصلووووووووووووه ..
لف عليهم ...
فيصل وواضح انه ماهو رايق لاحد: نعم
امال: وين وصلت شاركنا حديثنا
فيصل: من زين سواليفكم ... تجيب المرض ...
عبدالكريم: افاااااا سوالفنا تجيب المرض
هزاع: اجل انت سولف علينا اذا سوالفنا ما تعجبك ...اعطهم نظرات احتقار ... ولف على الجهه الثانيه
ساميه: اقول فريده ..فيصل علامه ...
فريده: مدري عنه ...اخلاقه صايره زفت ...
قام فيصل حس بضيقه فضيعه ...شافته فاديا ...ولاحظت ..تضايقه ...لحقته ..وشافته راح لاسطبل الخيل
وقف يتامل الخيول ..ومرتكزعلى حواف الاسطبل
فاديا : فيصل
فيصل: نعم
فاديا: فيصل ويش فيك ...ليش دايم متعكر مزاجك ...في شيء مضايقك او مشله متعبتك
فيصل: لا
فاديا: ماهي معقوله ...انا متاكده اني فيك شيء
فيصل : فاديا لا تظغطين علي تكفين
فاديا: انا ابي اشاركك همومك ... اذا بك شيء قول يمكن اساعدك
فيصل رفع عيونه للسماء : آآآآآآآآآآآآآآآآآآآآآآآآآآآآآآآآآآه يا فادياا
فاديا: سلامة قلبك من الآه ..
فيصل : مدري كيف اقولك ..او اشرحلك ...
فاديا: اكيد السالفه عن البنت اللي تحبها
فيصل: أي والله يا فاديا
فاديا : قول ويش فيك .. ويش اللي معكر كيانك
بدى فيصل يشكي لها ..ويحاول يدور عندها على حل ...
اما ملاك .. كانت بغرفتها
يمر شريط ذرياتها ..ومعاناتها ..واجمل واتعس لحظاتها ..
ملاك ((لاتسألو وش جرى في حياتي........خلو همومي بالحشا مستقره
الصمت ثوبي والمواجع عباتي.......والحزن كله وسط قلبي مقره
لو أستعين بواقعي ذكرياتي.......أحيا وأموت في الثانيه ألف مره
همي يجيني من جميع الجهاتي......تجاوز حدود الفلك والمجره))
----------------------------------------------------
((البارت التاسع عشر ))
&&
&
((إنتظرتك...
ليه طولت الغياب
وأنت .. لامن غبت لحظـــات ..
أفقدك سيد الاحساس
حسك كيف غاب
كيف عن ((دافي)) شعوري يبعدك!!!
في ضلوعي .. ((بــرد))
وفي عيني .. سراااب
وألف طاري عن غرامي ينشدك))
بالمدينه ... بعد اسبوعين
كانوا جالسين على سفره الغداء
عبدالله يهمس لفارس: قول لابوي وخلصنا
فارس: تهقى
عبدالله: يابن الحلال قل له وخلصنا
بعد الغداء جلسوا يشربون الشاهي
فارس: اقول يبه
ابومحمد: هلا يبه ...قول
فارس: بغيت اخذ رايك بموضوع ...
ابومحمد: اللي هو
فارس: ودي تخطب لي ....اذا ماكان عندك مانع
ابومحمد: وليش يكون عندي مانع ...بالعكس يافارس ..انا اتمنى ازوجكم على حياة عيني واشوف عيالكم
مضاوي: لك طولت العمر انشاء الله يابو محمد
ابوه: في ببالك بنت
فارس: والله ودي ببنت خالتي ...ابتهال
ابوه: ونعم الاختيار ..هذول الناس ينشد بهم الظهر
فارس: يعني ماعندك اعتراض
ابوه: لا والله ...متى تبينا نروح نخطبها
فارس: ويش رايك اليوم العصر
ابوه: امممممممممم طيب على بركه الله
ثامر: مبررروووووووك يابو الفوارس
عبدالله: عقبالنا ....خخخخخخخخخ
مضاوي: عقبال مانشوفكم عرسان ..
الكل: امييييييييييين
ملاك:وهذا الثاني وافتكينا منه
فارس: افااااااااااا ...ليه ..؟؟؟!!
ملاك: بدى العدد يتقلص شوي
ثامر: بسم الله علينا
ملاك: لا تكون خايف على روحك من العين
ثامر: تبين الصدق ايه العين حق
ملاك تقلب عيونها : وااااااااااي من حلاتك .. انت اشين اخواني
ثامر بنرفزها : بكره اتزوج ذيك البنت اللي تقول يا ارض انهدي ماعليكي قدي
ملاك: ومين هذي العمياء اللي ماتشوف اللي ترضى بك
ثامر: ليش ويش ناقصني عن الرجاجيل ...كامل والكمال وجهه
عبدالله: يالعن ابو الثقه ياشيخ
ثامر: يبه شف عيالك وراهم يقولون اني شين
ابوه يضحك: ماعليك فيهم بكره ازوجك ست البنات
مضاوي: داعيه لها امه اللي ببتتزوجك
ملاك: قصدك داعيه عليها امها ....
عبدالله وفارس ...ميتين ضحك اما ثامر ماخذ الامر ...ايزي ..
ثامر: بنشوف مين بياخذك يانانسي عجرم على غفله
ملاك: لالالالالا ..لا تشبهني في هذيك الشبهه والله اني احلى منها مليون مره
فارس: اقول ..ماكأن ماخذه مقلب بنفسك شوي ....والله هي احلى منك
بدت مضاوي ..بالدفاع : لا والله ملاك احلى منها هذيك كلها عمليات... وحنا على خلق ربي مو زيها ..
عبدالله: والله بذي صدقتي ...
بالرياض ... كان جالس بغرفته اغلب وقته يقضيه فيها اما يكون بالغرفه او طالع مع اصحابه
فريده : فاديا
فاديا: نعممممممممممممممم
فريده : بسالك سؤال بس اذا تعرفين الجواب ...امانه انك تقولين
فاديا عدلت جلستها حست الموضوع مهم: والله ...غير اقول ..بس شنوهو السؤال
فريده: فيصل ..علاااااااااامه ..قلبي يقول انه ماهو خالي ...في شيء مشغله وقالب حياته.....تغير وجه فاديا ..
وتاكدت فريده ان اخوها به شيء
فريده: انتي حلفتي بالله ...قولي يالله
فاديا: بس اوعديني ما يطلع الكلام اللي بقوله لك
فريده: اوعدك .....بدت فاديا تقول كل شيء لفريده ....
فريده: من جدك تتكلمين
فاديا: هذا اللي قاله لي ...باين انه يموت فيها ...
فريده: ايه باين ..ويش السوات طيب ..كيف نساعده
فاديا: حنا مانقدر الا على شيء واحد ...اننا نحاول ننسيه اياها ....خلاص الادميه راحت بطريقها وفيصل بعد لازم يعيش حياته
فريده: عندك حل طيب
فاديا: نحاول نخليه هو اللي يحل كل المشاكل اللي تصير ..لو الامر وصل الى ان ابوي ...يسلمه ادارة الشركه
فريده: بس كيف راح نقنعه ...شوفي حالته ...كل يوم تسوء اكثر
فاديا: مدري مدري ويش نسوي .... ..كان ابوهم مار بالصدفه من جنب غرفة فاديا ..وسمع كل الكلام اللي دار بينهم
ابو فادي(( لا انا اللي بخليه يمشي بطريقه وغصب عنه )) نزل للصاله ولقى فيصل وامه بالصاله
ابو فادي: هناء ...هناء <<اسم ام فيصل
ام فادي: هلا ابو فادي ..علامك
ابو فادي جهزوا نفسكم بكره بجمع اخواني عندنا بالبيت
ام فادي: ليش ؟؟؟!
فيصل : يوم الخميس كنا عند عمي ابو عبدالكريم
ابو فادي: انت اسكت ما ابي اسمع صوتك ....انا عطيتكم الخبر وبكره اخواني وعيالهم وحريمهم بيكونون هنا بعد المغرب سمعتم ..
ام فادي: ابشر ابشر ... وطلع وتركهم
فيصل : يمه ابوه ويش فيه ؟؟
ام فادي: علمي علمك يا ولدي ...اكيد في شيء عكر مزاجه ...
ابو فادي بالسياره (( قال حب وخرابيط ... ما كنا نعرف الحب والكلام الفاضي ....ولدي انا تجرجره بنت وراها ...والله ماهو برجال هالفيصل اللي يترجى بنيه ....انا ولد ابوي ولده ... ماهو ولدي اللي تهينه بنت صبرك علي يافيصل ..صبرك بس ...))
نزلت فريده وفاديا على صوت ابوهم
فاديا: ويش صار يمه
ام فادي: والله مدري بس ابوكم عصب وقال بكره اعمامكم كلهم وعيالهم بيجمعهم عندنا
فريده: خير ...اكيد فيه شيء
فيصل: الله اعلم....بس قلبي ماهو متطمن ...ماهو متطمن
بالمدينه ببيت خوال ملاك
سطام داخل مع الباب : يمممممممممممممه .... لمووووووووووش ..وينكم ؟؟؟!!
ثامر: تعال ياسطام حنا بالغرفه .....دخل عليهم
سطام: السلاام عليكم
الكل: وعليكم السلام
لمياء: خير ..ويش فيك تنادي من اخر البيت اكيد عندك خبر
سطام يبتسم : تبون الجد ايه عندي
الجده: خير يمه قول ..ويش عندك
ثامر: قول خبرك وحنا بنقول لك خبرنا
سطام: حتى انتم عندكم خبر
ملاك: حشى صار اليوم العالمي لتلقي الاخبار
لمياء: ياخي نرفزتنا ....قول وخلصنا
بدر: هيا قووووووووووووول
سطام: اول قولوا خبركم وبعدين انا
ثامر: حنا خطبنا ابتهال ...لفارس
سطام: من صدقكم ....
الكل: ااااااااايه
سطام: سبحان الله .....وانا بعد الخبر اللي عندي يخص لمياء
لمياء : يخصنننننننني !!!!!!!!!!!
سطام: يمه ... خويي ناصر خطب اختي لمياء ... وقال اذا وافقتم ...بيرسل اهله ويخطبها رسمي
شهقت لمياء: انااااااااااااااااا ...وتناظرهم ...وكانها بتموت ...انا انخطبت
بدر: بسم الله عليك يا لمياء ..علامك
ملاك: لمياء بك شيء ...
وقفت لمياء: كلووووووووووووووووووووووووووش ...ومبركين عرس الاثنين ..ليله ربيع عين وقمره
ثامر: الله يخلف ..على عقلها ....ويش فيها انهبلت ...
لمياء تضم ملاكك: واخير بودع حياة العنوسه
بدر: الله لايبلانا ....البنت فاصخه الحياء ...
ثامر: الا مطلقته بالثلاث ...
الكل: ههههههههههههههههههههههههههههههه
الجده: يابنت اركدي علامك انتي
لمياء: يمه ...المفروض تفرحين ان بنتك انخطبت
الجده: بس حنا ماسالنا عن الولد وما ندري عن اهله ...وعن اخلاقه
سطام: تطمني يمه من ذي الناحيه انا اكفله لكي ...الولد مصلي ...ورضي والدين ...ومتوظف
بدر: وانا اشهد ونعم الرجل ... والله ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك