رواية فمان الله يا غالي -21
أم سلطان:الله يهداك فارس ماكو حد غريب كلهم أهلك كان دخلت
فارس:لالا تعرفين كلي مبلل قلت مابسوي حوسه
أم سلطان: الحين ارسل لك وحده من البنات
فارس: زين انا بنتظر هنا
وبعد فتره دخلت أسيل بملابس فارس
أسيل:تفضل
فارس بابتسامه:زاد فضلك...أقول إلا وينها ريماس غريبه بالعاده تكونون ويا بعض
أسيل:كنا نلعب ويابعض وتعبت وراحت تنام وتميت بلحالي
فارس:اهااا
أسيل بحيا:فارس بقلك شي بس ما تضحك علي
فارس بابتسامه:قولي
أسيل ببراءه:يووووه انت من الحين بتضحك أجل بعد ما أقول شنو بتسوي
فارس:خلاص أسول قولي مابضحك
أسيل بتردد:...أمممم......بصراحه أنا ....
فارس:أها
أسيل:.........أأأأأأ....راكان
فارس وهنا ابتسم:شفيه راكان
أسيل ببراءه:مدري أحس بس أشوفه أختبص ومدري شنو أعمل....يعني مثلا لو أبي أروح يمين بس أشوفه أروح يسار
ولو أبي أقول شي بس يجي أنسى اش كنت بقول وهو يجلس يناظرني نظرات غريبه وارتبك لما يناظرني كذا...ومدري إش أسوي
فارس:يعني انتي تحبينه
أسيل وبسرعه:لا.........آآآآآ...مدري
فارس:هذا كله دليل على انك تحبينه ويمكن هو بعد
أسيل ومستانسه:صدق والله!!
فارس:مدري أنا قلت يمكن دامه يناظرك كذا معناها اكيد فيه شي
أسيل:طيب كيف أعرف؟؟
فارس:الأيام الجايه بيصير أشياء راح تبين لك إذا هو يحبك ولا لا...بس لاتتعلقين فيه مره..أوكي حبيبتي
أسيل:أوكي....مشكور فارس
فارس بابتسامه تعبانه:العفو...يالله أنا بروح ابدل
وطلع فارس وراح يبدل بالحمام الخارجي تبع المسبح...وانتوا بكرامه
محمد يكلم أمه:ليه هو قالك شي؟؟
أم سلطان بحزم:لا ما قال انا شايفته بعيوني...اش فيه شاللي مضايقه؟؟...لايكون ابوك قاله شي من هنا ولامن هنا
محمد:...هاه لالالا ماقاله شي انا كنت بالمجلس معاهم....يمكن متهاوش مع ربعه
أم سلطان:والله ماعرف بس شكله موعاجبني...عموما لاعرفت اش فيه خبرني..لأن أمك شيخه شايله همه
محمد:زين يمه تامرين بشي
أم سلطان:لا سلامتك
ورجع محمد للشباب...وقال لهم على كلام أمه
عبود:لايكون من جد زعل
عادل:لامااتوقع فارس يزعل من مزح
هنا تدخل بدر:بس مزحكم كان ثقيل وهذا عمكم ...........ومشى وتركهم
سلطان:بدر معاه حق حنا زودناها
محمد:زين هو وينه الحين؟؟
راكان:انا شفته بدل ملابسه من شوي وطلع
محمد:خلاص لارد نشوف السالفه...
فيصل:ياااااا ويلكم من امي شيخه لو عرفت انكم السبب
مهند:والله من إيده
خالد:بس حط نفسك مكانه
مهند:لو انا مكانه كان طلعتكم..
فيصل:إيه هين والله لتتمنذل مثل فارس ..أساسا الواحد مايصدق ينحط بموقف زي كذا عشان يلعب باعصاب اللي حواليه
عادل:معاك حق...انا عن نفسي لو انا مكانه كان ماتركت واحد فيكم يطلع
فراس:كفو اخوي والله!!
عادل:احم احم
عبود:اقول امش يبو 4 عيون وخلونا نلعب كوره
عادل:انا ابو 4 عيون!!
عبود:إيه عينين ونظارات مو أربع!!
عادل عصب:هييييين انا اوريك وراحوا يتطاردون ويلعبون كأنهم اطفال
ورجعوا الشباب يلعبون ويتونسون....لما جا وقت العشا وتعشوا كلهم الرجال والحريم على طول ناموا لأنهم صاحيين من بدري اما الشباب فجلسوا لما 2
الفجر وناموا والبنات جلسوا يسولفون ويستهبلون لما 7 الصبح وبعدها انخمدوا
اليـــــــــــوم الثــــــــــاني فـــي الصباح..
الرجال كلهم راحوا الشركه ومعاهم الشباب الكبار( سلطان وفارس ومهند وعادل وعبود وفيصل وخالد)
أما الباقيين مازالوا منخمدين ومحد صاحي إلا الحريم والخدم اكيد وأسيل وريماس
أسيل وريماس وهم ماشيين بالحديقه الخلفيه..
ريماس: والله مقهوره مايعطيني وجه!!
أسيل:معروف بلا هبل هو يحب حلا
ريماس:وليه هيه بالذات انا احبه اكثر منها نفسي أقله...!!
أسيل:ريمو حبيبي لو قلتي له بتتعبين أكثر...لأنه أكيد ماراح يتفهم
ريماس:لا بيفهم..مو صعبه يسيبها ويحبني أنا والله ما أسوي زي حلا ولا أزعله
أسيل:يا ريمو لازم تستوعبين إنه يحبها وحتى ماراح يعطيك فرصه تتكلمين معاه بهالموضوع وانتي عارفه شاللي بينهم
ريماس:أساس لما كنا ذاك اليوم بالرحله كنت ناويه أقله بس الست حلا جات في الوقت الغير مناسب
أسيل:ريماس أنا متأكده انك بتلاقين واحد يحبك أكثر من حب باسل لحلا بس انتي شيلي عينك من عليه
هو لها من وهم صغار
ريماس:عيني بأقدر أشيلها بس قلبي هو اللي يحبه!!...المهم ماعلينا بتساعديني ولا أدور أحد غيرك!!
أسيل:أساعدك بشنو؟؟؟
ريماس:ببالي فكره ويبيلها مساعده إذا بتساعديني بقلك وإذا لا بنفذها وحدي وياليت ماترديني
أسيل:إذا السالفه فيها باسل لا من الحين
ريماس بترجي:بليييييييييز..
أسيل:لامستحيل
ريماس:تخيلي نفسك مكاني وفيه وحده تحب راكان
أسيل:والله أذبحها!!
ريماس:هه شفتي؟؟
أسيل وحزنت عليها:اوكي بس اول أعرف إش الفكره
ريماس:اوكي اسمعي............................................. ..............................
في هالوقت كانت مرام صاحيه من نص ساعه و هيه الوحيد اللي صاحيه من البنات وجالسه تسولف مع جدتها شيخه..
مرام:والله وأجيك بهذاك الحجر وعلى راسها
شهقت شيخه:صفقتي البنيه
مرام:إيه يمه تستاهل!!
شيخه:وليه تستاهل
مرام:يووووه يمه ماقلت لك إنها ترمي ((المخلفات في طريقي))!!
شيخه:وكل هذا لجل إنها رمت مدري وشو ذا في طريقك
مرام:إيه يمه انا مرام مو أي احد
شيخه:زين والبنت شنو صار فيها
مرام:لا ماعليك يمه جات سليمه...أبد ودوها للمستشفى وطلع عندها جرح بسييييييييييييييط برأسها<< ركزوا على كلمة بسيط...هذا وهي سليمه
بعد شوي....
أم عبد الله:مرام يمه روحي قومي البنات مايصير نايمين لهالوقت!!
مرام:خالتي خليهم يرقدون ماناموا إلا قرب الفجر
أم عبد الله:ولو يمه مايصير ينامون لهالوقت روحي قوميهم
مرام:انشالله
أم عبد الله:ياويلك ان رجعتي وبقي وحده نايمه
مرام استانست:افا خالتي لاتوصين...
عند البنات بشرح لكم الوضع
طبعا اول ماتدخلون الغرفه تلاقونها كلللللللللللللللللللها مفرشه وكلها اوادم نايمين وما تسمع غير:zZZZzzZZzzzzzzZZZzzzzZ..<<< صوت الشخير+ صوت المكيف +الغرفه ظلااااااااااااااااااااااااااااااااام +ثلللللللج وحاااله
فجأه...
تشغلت الانوار وانفتحت الشبابيك وتقفل المكيف
وماتسمعون غير...:طـــــــــــق....طــــــــق...طق طق طق طـــــــــــــــق.....<< مرام تضرب عالباب بأقوى ماعندها
ولا فوق هذا صراخ:يلا قوموا ....بنـــــــــــــــــــــــــــــــــــــااااااا اااااااااات يلا يلا قوموا
رهف!! رهف!! وتضربها برجلها......
حلا...حلا وتحركها من يدها<<تتعامل برقه.....
سمر سمور يالله قومي......
عهود ..خلود يالله قوموا......
شذاااااااااااااااااااااااااااااااا ((بأعلى صوت)) <<متعوده على اختها لاتستغربون
دانه دندوووون دانه!!........
لميس....لميس..((عاد لميس لاحياة لمن تنادي فاستخدمت معاها اسلوب ثاني))...
لميــــــــــــــــــــــــــــــــــــــس!!<<ولا صوت البقر وشوفوا البنت كيف قامت مفجوعه
هنوف...هنوفه يلا قوموا انتي وألول أول ناس نمتوا..ألااااااااااااااء...يلا
ديما ديما وجع!!.....قومي....
فرح فروحه....فـــــــــرح!!....
البنات قاموا اللي تفرك عيونها واللي تدعي على مرام
واللي ماشالله من اولها قامت واللي جلست ناظرت الكل ورجعت نامت..
وجات عند جمانه
مرام:جمانه!!
جمانه:.............................
مرام بصراخ:جمــــــانه!!!!
جمانهZzzzZZZzzzz
مرام:جمجـــــــــوووووووم!!!
جمانه((نومها ثقييييييييل)):..........................
عصبت مرام .....وقررت تتوطا ببطنها
وتقفز فوق جمانه....عاد جمانه انكتمت وحتى صراخ ماقدرت تصرخ
بس المهم قاموا البنات وكان فيه إصابات بالغه وجرحى وكان ممكن يكون فيه قتلى لو لا رحمة اللله...<< حشا حرب
راحوا...بعد ماصحصحوا البنات دخلوا الغرفه اللي فيها الحريم..
البنات:صباح الخير
وراحوا يسلمون براس جدتهم..
شيخه كالعاد تهزئ فيهم عشان التأخير بالنوم..
جلسوا البنات وافطروا مع أمهاتهم...وعلى الفطور..
ألاء:يمه قولي لخالد يجيب لنا تلفزيون من آي مكان والله قهر...استراحه طول وعرض وما فيها تي في
أم خالد:وشو له التلفزيون وانتم ماشالله كثيرين وسوالفكم ماتخلص ولو خلصت ماشالله ماتقصرون تسلون أنفسكم بأنفسكم...
لميس:والله ألول صادقه...نبي تي في....الحين نور عالحلقات الاخيره ومانبيها تفوتنا
أم عبد الله:وإذا فاتتكم شنو بيصير يعني بعدين حنا جايبنكم هنا عشان تستانسون مو عشان تسنترون قدام التلفزيون...
وجلسوا البنات يحاولون يقنعون الحريم بس بدون فايده....بعدها قرروا يسلون أنفسهم بأنفسهم دخلوا الغرفه الكبيره وجلسو يسولفون
وفجأه...خلود:بنااااااااااااااااات
سكتوا البنات
خلود:احم.....عندي فكره
عهود:give us your idea
خلود:طبعا انا جبت معاي مسجل وجايبه كمان سماعات الإستريو...عشان نعلي الصوت وبحكم إن الرجال مو موجودين فهذا أنسب وقت
حق الرقص والدجه...فاش رايكم؟؟؟
جمانه:مشكوره عالفكره الرائعه بس بصراحه انا ماتحمست مره
لميس:لا والله وناسه
مرام:وانا بعد اقول كذا..
رهف:انا حبيت الفكره
بقية البنات نفس الشي أغلبيتهم عجبتهم الفكره..وفعلا أخذوا المسجل وشبكوا عليه سماعات الإستريو وهاتك رقص
وفي عز الرقص تذكرت خلود الثياب اللي اخذتهم قبل لايروحون الإستراحه ونادت لميس وآلاء ومرام وانسحبوا من بين البنات بدون محد
يلاحظ وغابوا كم دقيقه وفجأه انفتح باب الغرفه ودخلوا 5 شباب متلثمين ودخلوا جو بالرقص
وبداوا يرقصون....
واستااااااااااااااااانسوا...
طبعا مرام وآلاء كانت لاااااااااااااايقه عليهم الثياب بغض النظر على طولها بس خلود ولميس كأنهم خكاري..
وفجأه وفي عز الحماس والبنات يرقصون...
أسيل:يالله ريمو قلدي نهى كيف ترقص
وبدأت ريماس تقلد والبنات يضحكون وبعدها جات أغنيه وطلبوا الشباب
((مرام ولميس وخلود وآلاء )) من البنات((رهف وحلا وفرح ودانه وأسيل)) يقومون يرقصون وفعلا قاموا...
وشوي ويقوم واحد من الشباب ويرقص بجنب أسيل..
عاد اسيل دخلت جووووووووو
ولاحظت إن الشاب اللي متلثم بس عينه عليها ومو مبين هو مرام ولاخلود ولا آلاء ولالميس....فلفت تناظر الشباب اللي جالسين ولقتهم 4
ناظرتهم واحد واحد....
الاول خلود.....((بنطلونها باين من تحت الثوب))
الثاني:لميس...((عيونها معروفه))
الثالث:مرام.....(أختها))
الرابع:آلاء ((لأنها ماكانت متلثمه))
أجل مين هذا الشخص اللي يرقص معاها.....قربت منه وقرب منها وتمت تناظر بعيونه....فتره...وفجأه
صرخت:راكــــــــــــــــــــــــــــان!!!!!!!!!
البنات كلهم لفوا عليها...
وراكان وقف مكانه...
واسيل مدت يدها وشالت اللثمه...وفعلا كان راكان...البنات كلهم انصدموا وخلود واللي معاها لقطوا وجيههم بعد ما انكشفوا...
أما اسيل وما ادراك ما أسيل.:ناظرت راكان باحتقار وطلعت وتركته....
الكل بعد هالموقف صمــــــــــــــــــــــت..ويناظرونه
راكان:بنات والله آسف
البنات:لا عادي ركون ماصار شي
دانه:لا صار شنو هالحركه راكان....والله بايخ
عهود:جد والله إش هالتفكير تدخل بين البنات..!!!
خلود:ياهوه....لاتهاوشونه انا اللي خليته يسوي هالحركه
راكان:لا يـ......
قاطعته خلود:خلاص السالفه انتهت انا على بالي الموضوع عادي....
دانه:لاياخلود الحركه مره سخيفه...وحتى لو الفكره انعرضت على راكان فراكان عقله كبير والمفروض يفكر مليون مره قبل لا يسوي هالحركه...
راكان بحده وكأنه متضايق:خلاص ممكن أتكلم!!!...
سكتوا البنات وناظروه..
راكان ومنننننحرج:شوفو بقلكم السالفه بصراحه
مرام:لا يا راكان انت....
أشر لها تسكت..
راكان:السالفه وما فيها إني...وسكت وعرق جبينه وانخبص...شوفوا....بصراحه...أنا جيت عشان وحده...
البنات وعلامات الترقيم كلها فوق روسهم:مين؟؟؟؟؟؟؟؟
راكان:مو مهم المهم إني كنت جاي هنا على أساس أبي اشوفها وهي ترقص بعد ماقالت لي خلود إنكم جالسين ترقصون فعرضت علي الفكره وانا من زود الفجعه وافقت والله كنت بس ابي اشوفها...
عهود:ومافيه غير هذي الطريقه عشان تشوفها؟؟؟؟؟
راكان:خلاص عهود...والله آسف ماعاد بتتكرر
وشوي...
ريماس:ومن هيه ذي اللي انغسل شراعك عشانها؟؟؟
البنات كلهم عيونهم على راكان ينتظرونه يتكلم...
ركان وحس بارتباك فضيع:...أأأ....اأأأ....أسيـــل!!!
ريماس بنفسها:يـــــــــــــــــس!!
البنات:ووووووووووووووووااااااااو
المهم بعد ما انغسل شراع راكان طلع وهو يجل أذيال الفشيله ...والبنات كملوا دجه...وفي عالم ثاني...كانت أسيل جالسه بالحديقه الخلفيه وشبه مصدومه من اللي صار..لأنها متأكده إن راكان ماسوى ذي الحركه إلا عشانها
وفجاه...:شفيك؟؟
لفت أسيل تناظر اختها وعينها مليانه دموع
ريماس بصدمه:أسيل انتي تبكين؟؟...........وراحت لها
اسيل وهي تشهق:ريمو ماكان لها داعي هالحركات؟؟
ريماس:أسّو لا تزعلي حالك والله مايستاهل بعدين هو اعترف بغلطه وانغسل شراعه بعد ماطلعتي...وهذا كله عشانك
أسيل:وانا اش دخلني؟؟
ريماس:هو اعترف للبنات انه سوى هالحركه لانه كان يبي يشوفك
أسيل بصدمه:نعم؟؟؟
ريما ابتسمت: تخيلي قالهم كلهم انه يحبك وعشان كذا سوا هالحركه
أسيل ببلاهه:يعني الحين كلهم يعرفون إنه يحبني
ريماس بحماس: إيه!!
أسيل:ياويل حالي
ريماس:ليه مو مستانسه؟؟
أسيل:أكيد لا الحين كلهم يعرفون وشوفي التعليقات والنظرات والله فشله
ريماس:يالخبله لو انا مكانك أطير من الوناسه مو اخاف من الفشله....يعني الحين مو بس باسل وحلا برضو فيه أسيل وراكان وقريبا انشالله ريماس وباسل
أسيل:ريمو بليز بلاها هالافكار
ريماس:أسول ترى اتفقنا وانتهى الموضوع....لاتقولي انك بطلتي تساعديني!!
أسيل:لا ما بطلت بـــــ.......وقطع عليهم صوت شخص:اسيل ممكن نتكلم؟؟
اسيل هنا دوروها ما تلاقونها من الإحراج والخوف
ريماس ناظرت راكان اللي حالته ماتقل عن حالة أسيل:يالله خذوا راحتكم انا بدخل وغمزت لأسيل
بعد مامشت ريماس راح راكان وجلس جنب أسيل بدون مايناظرها:أسيل سوري عاللي صار...والله ماقصدت شي بس كنت جاي عشان.............وسكت فتره....عشان....كنت ابي اشوفك....وماقصدي شي ثاني....بليز سامحيني...
أسيل:.........................................<< كانت تبكي بس راكان ما انتبه لها
راكان ولسا ما التفت:أسيل آي نو أنا غلطان واللي سويته مو بسيط بس خلاص الللي صار صار.....وابيك تسامحيني
أسيل...........................
راكان ولف عليها: ها اش قلـــ................ولما شافها:أسول تبكين؟؟؟
أسيل هنا بدت تشهق...
راكان:أسول بليز دونت كراي....بليز
أسيل حطت يدها على وجهها وصارت تبكي من قلب....
راكان: أسيل الله يخليك هدي...ومسكها من كتفها...
أسيل صرخت فيه:لاتلمسني!!!....وشالت يده ودخلت جوى...وهي داخله قابلتها أم مهند
أم مهند:هو أسيل إش فيك يمه تبكين؟؟؟
أسيل وهي تشهق:مافيني شي وصارت تبكي بشكل يقطع القلب..
وشوي جات امها وحاولت تهديها بس بدون فايده والكل نفس الشي لاهم اللي يدرون ليه تبكي ولاهم اللي قدرو يسكتونها..
ريماس لما شافت حالة أختها توقعت إن راكان قال لها شي وراحت له وهي معصصصصبه
وبين الشباب ولاحسبت حساب لأحد..
ريماس:راكان شنو سويت بأسيل..؟؟
راكان بخوف:ليه اش فيها؟؟
ريماس بحده:رد على سؤالي!!
راكان:ماسويت لها شي
ريماس:وليه هي تبكي!!
راكان:والله ما اعرف
نواف:ليه اش فيها أسيل؟؟
ريماس:إسأل الأخ راكان
فهد:وإش دخل راكان
ريماس:هو اللي كان معاها قبل لاتبكي
الكل لف على راكان يبي تفسير
راكان وعصب عشان هالموقف البايخ اللي حطته فيه أسيل:ماسويت لها شي والله ماسويت ومشى وخلاهم
فراس قرب من ريماس المعصبه وبهدوء:ريمو أسيل ماقالت لكم اش السالفه
ريماس:هي قدرت تتكلم لها نص ساعه وهي بس تبكي
فراس: زين خليها تجيني بالصالون اللي داخل
ريماس: أوكي
راح فراس للصالون ينتظر أسيل...وشوي دخلت أسيل ومازالت تبكي بشكل يحزن...فراس بس شافها كذا خاف على أخته وهي بس شافته رمت نفسها بحضنه.. وظلت تبكي تقريبا أكثر من ربع ساعه وفراس مو قادر يفهم منها سبب بكاها بهالشكل..
وفجأه هدت....فراس بهدوء:أسولي ممكن أفهم ليه كل هالبكى..؟؟
أسيل ناظرته وعيونها بتدمع...
فراس:خلاص خلاص لاتبكي.....ولاتقولي...بس هو سؤال واحد....راكان له دخل بالموضوع؟؟
أسيل أشرت براسها إنه لا
فراس زادت حيرته...بس تركها على راحتها وبعد فتره من الصمت تكلمت أسيل اخيرا:ممكن أروح؟؟
فراس ومستغرب منها:مابتقولين إش فيك؟؟
أسيل:ناظرت الأرض بدون ما تتكلم..
فراس:أوكي ..على راحتك بس إذا بغيتي تقولين شي أنا موجود..أوكي؟؟؟
اسيل حركت راسها دليل عالموافقه..وطلعت...
أول مارجعت أسيل قابلت ريماس
ريماس:أسولي إش فيك خوفتيني عليك وضمتها..
أسيل:هههه بس كنت متضايقه شوي وطلعت اللي فيني
ريماس:الللللله هذا وانتي متضايقه بس شوي...أجل لو متضايقه كثير إش بتسوين؟؟
أسيل:هههههههه مابسكت خير شر
ريماس:لا الحمد لله أجل
أسيل:...أأأأ...ريمو؟؟
ريماس:هلا
أسيل:راكان وينه؟؟
ريماس بخبث: قولي حبيبي وينه مو راكان وينه؟؟
ضربتها اسيل من كتفها:عن المصاخه أنا بس أبي اعتذر له
ريماس:يووووه أنا بعد غسلت شراعه
أسيل:ليه؟؟
ريماس:على بالي عمل لك شي ورحت هزأته والظاهر عصب
أسيل بخوف:والله؟؟....الله يرجك...الحين أكيد يحسب اني قلت لك شي
ريماس: بلا هالخوف وتعالي ندور عليه..
أسيل:أوكي يالله
وراحوا يدورون على راكان..
عند البنات..
عهود: مرام وينها اختك؟؟
مرام: والله مادري عنها...ياشيخه ديني ودين هالدلع
فرح:حرام عليك يمكن صاير لها شي..
مرام:ولا صاير ولاشي..أختي واعرفها أساسا دايما تسوي كذا
رهف:كيف يعني؟؟
شذا:دايما فجاه تبكي ومحد يعرف السبب ومع إنها ماتسكت إلا بعد طلعة الروح إلا إننا برضو مانعرف السبب بالنهايه...يعني هالوضع طبيعي
آلاء:بنات مو حاسين بملل؟؟
دانه:مررررره ياشيخه
آلاء:طيب إش نسوي..
سمر:انا أقول نروح نجلس مع خالاتي لحد مايجون الرجال ونخليهم يجيبون لنا شي نتسلى فيه
خلود:وانا مع سمر
البنات: يلا اجل قمنا,,,,,,,,,,,,,وراحوا يجلسون مع الحريم
بهالوقت كانوا ريماس وأسيل واقفين عند باب المجلس الخارجي ويطلون منه عشان يشوفون إذا راكان موجود ولا لا..
شافهم باسل اللي كان جوى الإستراحه ياخذ له دش...
وصل لما عندهم وهم مو حاسين فيه..وفجأه:انتم إش تسوون؟؟
اخترعوا ريماس وأسيل ولفوا وهم يشهقون
باسل هنا ماقدر يمسك نفسه وضحك على أشكالهم
ريماس ابتسمت وحطت يدها على خصرها:الناس يسلمون شي...مو وتقلد صوته[ انتم إش تسوون].؟؟,,
باسل هنا من جد ضحك:ههههههههههه الحين أنا صوتي كذا؟؟
ريماس وخدودها متورده:لا أحلى
باسل يستهبل:أحم أحم احرجتيني.....لا جد شنو جايين تسوون؟؟
أسيل:ندور على راكان....وينـــه؟؟
باسل بخبث:أهااااااااااا رااااكااااان!!
أسيل انحرجت لأنها حست باسل يدري عن كل شي
حس فيها باسل وناظرها وهو يقول بهدؤء:تلاقينه بالصالون اللي داخل الإستراحه قال لي من شوي انه يبي ينام لحقي عليه قبل لا ينام
مشت أسيل بدون ماتتكلم وتركت ريماس مع باسل....
دخلت الصالون......ناظرت يمين شمال ....ماشافت راكان....كان قلبها يدق بشكل مو طبيعي وكانت ميييييته خوف ماتدري ليه....ولما جات بتطلع
ويضرب راسها براس شخص كان داخل والظاهر كان مدنق وماشافها...أكيد عرفتوه.......راكــــان!!
أسيل اللي طاحت علأرض من قوة الضربه تمسك على راسها:أيييييييييييييي
راكان رفع راسه وهو نفس الشي ماسكه:أسيل!!....
أسيل كانت مشغوله بألم راسها وحاطه يدها على راسها
راكان خاف يكون صار لها شي ونزل لها في الارض...:اسيل إنتي تمام؟؟
أسيل توها تستوعب إن اللي ضربت فيه هو راكان...فرفعت راسها مفجوعه وجات عينها بعيون راكان...(على فكره راكان عيونه خطيييره وخصوصا
رموشه مره كثيفه)..هنا أسيل ارتبكت..ووقفت
أسيل: لا...لا ...مـ...ماصار ...شــ...شي
راكان:سوري والله ما انتبهت
أسيل:حصل خير
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك