رواية فمان الله يا غالي -17
دخلت لميس بالسوالف:لا الأخت تطورت صارت تشوف أفلام رعب ومضاربات..يعني فيه تحسن كبير..
سمر:أذكر أيام الدراسه كان مره وناسه..وخصوصا مضارباتك يامروم
مرام:حيييييييييل لا والحين إذا صار اي مضاربه أفزع انا حتى لو مالي شغل بس ما احب اسكت على الحق
خصوصا إذا كانت وحده من الشله اما رهف وحلا يختفون وقت المضاربه ومايطلعون إلا لا هدت الاوضاع..
والحين انضمت لنا ديما وصار من جد وناسه..
الهنوف:إيه مروم وبعدين..مامسكتكم الإداره؟؟
مرام:إلا جاهم بلاغ إن فيه مضاربه حاصله فطلعوا المشرفات والإداريات والمديره شخصيا طلعت..
شذا: من جد؟؟؟....وإش صار؟؟
لميس تحسفت:آآآآخ بس لو اني معاك بنفس المدرسه وناااااااااسه
مرام:أبد والله كالعاده قلبت الموقف لصالحي..البنات جاهم فصل نهائي وأنا كمكافئه لي أعطوني إجازه 3 أيام..
سمر:إييييييييه إجازه...أذكر من وأنا على خبرك وانتي دوم يعطونك هالإجازات..
مرام:شايفه اشلون؟؟.......أقول لميس..شرايك السنه الجايه تدرسين وياي بمدرستي
لميس:أنا لو هي بكيفي كان من أول بس مثل منتي عارفه ماعندنا سايق ومايوديني غير عبود ولا ماجد ولا بدر..
كلهم دواماتهم على طريق مدرستي
مرام:زين عادي أنا أجيك مع سواقنا وناخذك..
لميس:بس هجوله!!
مرام:لجل عين تكرم مدينه..
لميس:مشكوره حبيبتي..خلاص قبل بداية الدراسه بكلم الوالد..
فرح:لااااا عز الله بتنقلب حرب لا اجتمعتوا بمدرسه وحده
دانه وتغمز:وبتكثر الإجازات..
رهف:أنا عن نفسي باخذ حلا وبننقل لمدرسه يسود فيها السلام...
فرح:هههههه يكون أحسن!!
جلسوا البنات يسولفون والحريم والرجال نفس الشي لما جهز الغدا..
فــــــــي المطبخ..
كان سلطان جاي ياخذ أغراض الغدا..ودخلت أمه..
سلطان بلهفه:ها يمه بشري وش صار؟؟
أم سلطان:اسم الله الرحمن الرحيم..هذا وانت ما بغيت تعرس..
سلطان:يمممممممه..!!
أم سلطان:صار في شنو؟؟
سلطان:يمممممه إنتي عارفه إش اقصد..وافقت ولا لا؟؟
أم سلطان:صدق انك مفجوع..اركد شوي توني فاتحت أمها بالموضوع..وتقول بتكلم البنت وبترد لنا خبر..
سلطان:زين متى؟؟
أم سلطان تبي تخبل به:يمكن شهر شهر ونص!!
سلطان بصدمه:الللللللللللله شهر ليه؟؟....ليه يمه؟
ام سلطان:ههههه الله يقطع شرك ياشيخ..امزح..بس عطها فرصه تفكر..
سلطان:شنو تفكر ما يبيلها تفكير هذي..يا إيه يا لا..
أم سلطان عصبت:سلطانوووووه!!....شنو يا إيه يا لا..فوضى هي؟؟..لا تخليني أكلم امها وأقلها هونا..
سلطان:لالالا ولا تكلميها ولا شي..خليها انشالله تقعد سنه تفكر أهم شي توافق بالنهايه..يالله يالله هات الغدا..
وأخذ الغدا وطلع..
أم سلطان:الحمد لله والشكر استخف الولد..
الهنوف:منو يمه اللي استخف؟؟
أم سلطان:أخوك مو بصاحي..
الهنوف:ليه شنو مسوي؟؟
أم سلطان: وانتي وش حاشرك........جهزتوا أغراض سفرة الحريم؟؟
الهنوف:إيه شفت الخدامات مجهزين كل شي..
أم سلطان:والفاكهه والسلطات؟؟
الهنوف:السلطات راحت بس الفاكهه بقي..
أم سلطان:إيه صح إنا قلت للخدامات لا يسوونها إبيك انتي تسوينها..هم ما يعرفون ينسقونها زين بالصحون..
الهنوف:تامرين يمه بس قولي لوحده من البنات تجي تساعدني..
أم سلطان: زين..
في مجلس الرجال.......
محمد:هاه سلطان بقي شي؟؟
سلطان:إيه بقي الفاكهه الهنوف جالسه تسويهم أكيد الحين مخلصتهم روح وجيبها..
محمد:مافي أحد بالمطبخ؟؟
سلطان:لا ما فيه أحد أنا توني جاي من هناك..بس الوالده والهنوف..
محمد:زين
وراح محمد للمطبخ..
نرجع لأم سلطان..
أول ماطلعت من المطبخ قابلت مرام..
أم سلطان:مرام حبيبتي..روحي حق خلود وقولي لها تجي المطبخ أبيها بشغله.
مرام: ما يصير أنا أسويها خالتي؟؟
أم سلطان:لا حبيبتي محمد وسلطان رايحين جايين بالمطبخ لازم خلود
مرام:اوكي خالتي الحين بناديها لك
في غرفة خلود كانت هي ولميس جالسين هناك..دخلت مرام..
مرام:خلود خالتي تبيك بالمطبخ ضرو...........وماكملت لما شافت شكل خلود..:خوخه حبيبتي اش فيك؟؟
مرام:شنو مافيها مو شايفه عيونها اشلون صايرين من البكي؟؟
لميس:بس كانت متضايقه شوي وطلعت اللي فيها..
مرام:من شنو متضايقه إنشالله أنا ولا انتي ياروحي؟؟
خلود بصوت تعبان..:اسم الله عليك...وحبت تغير الموضوع:قلتي إمي تبيني؟؟
مرام ومصدومه من شكل خلود:إيه..
وجات خلود بتقوم بس لميس منعتها:هي هي على وين؟
خلود بنفس الصوت:بروح حق أمي تبيني
لميس:أقول عن الهبال الزايد مو شايفه شكلك اشلون...لو شافتك بتفتح لك محضر وسين وجيم..
انتي اقعدي وأنا بروح أشوف اش تبي..
خلود:مشكوره لميس
لميس بابتسامه وتغمز لها: ولو إحنا بالخدمه!!
مرام نست كلام خالتها وما حذرت لميس:أقول روحي روحي بس لا يكثر
لميس:زين بروح بس خليني أرد وألاقي هالقمر بقي زعلانه بأذبحك...وطلعت
مرام بصراخ:فيك خير جربي بس!!
لميس من بعيد:بنشوف!!
وراحت لميس للمطبخ وكانت الهنوف محتااااااااااااااااسه..
لميس:هنوفه أساعدك بشي؟؟
الهنوف:لا حبيبتي مشكوره بس وينها خلود؟؟
لميس:أبد والله تعبانه شوي وكانت بتجي بس أنا منعتها وقلت انا بساعدك..
الهنوف:يعطيك العافيه حبيبتي..
لميس:الله يعافيك بس شنو أسوي!!
الهنوف:أمممممممم.....انتي قطعي الشمام...تعرفين..
لميس:افا...اعرف ونص
الهنوف:يالله ورينا إبداعاتك
وبدأت لميس تقطع وتتفنن...وبعدها بشوي دخل محمد وما انتبه للميس..ودخل بدون محد يحس فيه وجا من ورى الهنوف وصرخ..
محمد:بووووووووووووووو
وهنا اخترعوا الثنتين
الهنوف:الله يرجك ياشيخ بغى يجيني سكته قلبيه
محمد:لاااااااااا سلامتك..
الهنوف:من فين تجي السلامه وانت موجود..
محمد:افااااااااااا أنا.............وانتبهوا على صوت وحده وكانها تتألم..
طبعا الهنوف دخلت بالسوالف مع اخوها ونست ان لميس بالمطبخ..
ولما لفوا لقوها لميس والظاهر انها جرحت نفسها بالسكين..
محمد:أحلى...بنت العم هنا وانا ما انتبهت..
لميس كانت مييييييته من الإحراج لأن محمد مره جرئ وما عليه في أحد
محمد:شلونك لميس!!
لميس وهي تتألم:بخير طول ما انت بعيد..
محمد:افا وليه هالكلام؟؟
لميس عصبت::مو شايف اش صار فيني بسبتك؟؟
محمد:وانا اش ذنبي؟؟
لميس:لما صرخت من شوي اخترعت انا وجرحت حالي
محمد:لااااااااااا سلاماااااات وما تشوفين شر..أشوف وريني..وقرب منها
ولميس بكل براءه مدت يدها:ها شوف!!
..وقبل لا يمسك محمد يد لميس..تفاجأوا اثنيناتهم بصوت وواضح فيه العصبيه...
الهنوف:هيييييييييييييييييي انت وياها..وين تحسبون أنفسكم..بباريس ولا لندن ولا بمصر!!
وهنا توووووهم إستوعبوا ان الهنوف كانت موجوده
محمد"ياليل الدخلات عرض" :اسم الله الرحمن الرحيم أنا بس كنت أبي أشوف هي صادقه ولا تكذب علي!!
الهنوف:لا والله انت ووجهك...حتى الأطفال يعرفون يكذبون أحسن منك
محمد:أكييييد لأني مو متعود أكذب أنا ما أعرف غير الصدق
الهنوف:يعييييييييينك بس...انت مسيلمه الكذاب متعلم الكذب منك..
محمد:أنا؟؟....حرام عليك...شايفه يالميس شنو تقـــ..................ولما لف بيكلمها إلا البنت اختفت..
محمد:لالا انتوا ياهالبنات تخوفون..فجأه الوحده تظهر وفجأه تختفي..
الهنوف:أقول خذ الصحن اللي قدامك واذلف..بس لايكثر
محمد:حللللوه الطرده...بس تمونين
الهنوف:أدري
محمد:مشكله الثقه الزايده
شوي إلا بصوت سلطان وشكله معصصصصب:محمدووووه!!
الهنوف:جاك الموت ياتارك الصلاه عصب سلطان
محمد:جاي جاي........ياويلي
الهنوف:ههههههههه
محمد:اضحكي اضحكي...يحق لك مابينغسل شراعك بعد شوي!! وطلع
الهنوف:يامثبت العقول ثبت عقله...الولد مستخف ههههههه
طلعوا الغدا وتغدوا العوائل..وبعدها الشباب طلعوا ويابعض..والرجال راحوا الشركه والحريم والبنات رجعوا يكملون سوالف..
شذا وجمانه كانوا يسولفون..على جنب..
جمانه بصوت عالي:شنو؟؟؟
شذا:اشششش خفضي صوتك..فضحتينا!!
جمانه:تتكلمين من جد؟؟
شذا:إيه
جمانه:من متى؟؟
شذا:من وحنا صغار..
جمانه:زين وهوه يحبك؟؟
شذا:مااعرف
جمانه وتغمزلها:حركات والله إنك خطنطر يابنت..إنتي يطلع منك كل هذا
شذا:يوووووه لاتخليني أندم إني قلت لك..
جمانه:لا ولا تندمي ولاشي بس دامك قلتي لي خليني أقلك منو ببالي..
شذا:ليه إنتي بعد فيه احد ببالك.
جمانه:يعني مو ببالي ببالي بس يعجبني
شذا:اهاااا يعني بس إعجاب..
جمانه:إيه..
شذا:منو؟؟
جمانه:خالد..
شذا:نعم!!...منو منو؟؟..ماسمعت..
جمانه:ههههههه هدي هدي..ماباخذه..أمزح والله
شذا:إيه أحسب...طيب منو؟؟
جمانه:أممممممم ......سسسسسلطان
شذا:ههههههههههههههههههه
جمانه:سلامات؟؟
شذا:منو...ههههههه..منو؟؟
جمانه عصبت:أقلك سلطان!!..وبعدين ليه تضحكين..قايله نكته انا؟؟
شذا وتمسح دموعها اللي نزلت من كثرة الضحك:لا بس مو متخيله شكلك...انتي وسلطان!!...ههههههه مرررره مولايق..
جمانه مازالت معصبه:يعيييينك..يعني انتي وخالد اللي لايقين على بعض؟؟
شذا:إيه لايقين ونص...بس ماقلتي لي شنو عاجبك في سلطان..أحسه عصبي وثقيل دم
جمانه:لااااا بالعكس شخصيته خطيره...يعني انا احب الرجال اللي شخصيته قويه..وكمان اكتشفت إنه مررررره حنون...و...و....
شذا:أها وإيش؟؟
جمانه بحيا:ومملوح كمان..
شذا:أهااااااااا قولي إنك معجبه بشلكه...بس بيني وبينك من هالناحيه ماعليه كلام معاك حق..هو مملوح
جمانه: هي هي حدك عااد..
شذا:يعينك ياللي تغااااار...بدري ياماما
جمانه: بدري على شنو؟؟
شذا:يعني على مايصير زوجك
جمانه: زوجي!!. هههه...أساسا مابيصير مصيره زي اللي قبله
شذا:منو اللي قبله؟
جمانه:اللي طلبوا يدي ورفضتهم وسلطان لو طلب يدي بيكون مثلهم
شذا:ليه...؟؟
جمانه:ما ادري بس انا ما أبي أتزوج
شذا:والله غريبه موعلى اساس يعجبك
جمانه:مو بس كذا اوقات احس اني احبه ولما يكون موجود أرتبك كثير واختبص ولما أشوفه يكلم أحد أتهبل
شذا:اوب اوب كل هذا وبترفضين
جمانه بنص عين:خليه يطلب يدي بالأول وبعدها نشوف
شذا:هههههههه زين يالمجرمه
جمانه:شوشوعندي فكره!!
شذا تحمست:شنو؟؟
جمانه:نروح نشوفهم!!
شذا:لا والله؟؟..منتي بصاحيه
جمانه:كم لك ماشفتي خالد؟؟
شذا:يمكن 5 سنوات..
جمانه:طيب ماتبين تشوفينه وتملين عينك منه
شذا:إلا بس مو بهالطريقه المجنونه..
جمانه:دائما يقولون..الحب يحتاج دائما إلى الجنون
شذا:لامعليش أنا حبي مايحتاج
جمانه بدت توسوس لشذا:نصيحه!!...........
شذا:..................
جمانه:جربي وماراح تخسري شي!!
شذا:بس.....
جمانه:ولا بس ولا شي..موافقه؟؟
...وقبل ماترد شذا..
جمانه:يالله
ومسكتها من يدها وسحبتها..
نزلوا الثنتين مع بعض وقرروا يتهورون للمره الأولى في حياة شذا والمره الميه في حياة جمانه...
راحوا للمطبخ وطلعوا من الباب الخلفي..وكان في الحوش الأمامي للفيلا فيه مجلس واجهته كلها قزاز ومن داخل زي بيت الشعر يعني مررره خطير
وموقعه استراتيجي ويمديهم يشوفون
كل شي..
راحوا يتسحبون..ويمشون على روس اصابعهم...ومشوا شوي.....شوي....شوي..وبنص الطريق
شذا بهمس:جمجوم..انا خايفه...والله لودرى عني عادل ليدفني وأنا حيه
جمانه بنفس الهمس:يعني مهند اللي بيستانس؟؟
شذا:زين اشرايك نرجع؟؟
جمانه:اللللللله بعد كل هالمشوار والاكشن اللي سويناه نرد..؟؟...أقول امشي امشي وعن الهبال
شذا:والله مابيجيب أجلي غيرك..
جمانه:بقي تبوسين راسي على هالحركه
شذا:والله ياخوفي اكسر راسك بدل ما أبوسه..
جمانه:طيب بنشوف..
وكملوا مشي......وقربوا من المكان.....قربوا....ووصلوا للزاويه وبعد هالزاويه راح تشوف كل وحده حبيب قلبها...اللي لها زمان ماشافته..وقبل لا يطلون من هالزاويه..كان الخوف متملك كل وحده منهم..
جمانه بخوف:أقول شوشو إش رايك نرجع..؟؟
شذا:لااااااا معلييييييش توي كنت أقلك بس ما تطيعين..
جمانه:طيب انتظري..
وحطت أصابع يدها قدام عيونها وصارت تعد:نكمل...مانكمل...نكمل...مانكمل..نكمل...مانكمل.. .نكمل...مانكمل..نكمل...مانكمل....................
شذا:هاه بشري اش طلع معاك..؟؟
جمانه وهي ميته خوف:طلع مانكمل....
شذا تحمست:يسسسسسس!!
جمانه بإصرار:بس راح نكمل!!
أصيبت شذا بخيبة أمل......
المهم في نهاية المشوار وبعد التفكير بعمق قرروا يكملون ويطلون من الزاويه واللي فيها فيها...على قولة جمانه..:0(لجل عين تكرم مدينه)..
كملوا...وبس قربوا يطلون من الزاويه
شذا:لحظه لحظه جمجوم..
جمانه:هلا
شذا:مو كلنا نناظرهم مع بعض..
جمانه:اجل؟؟
شذا:وحده تشوف والثانيه تراقب عشان لا يجي أحد
جمانه:زين أنا بشوف وانتي راقبي..
شذا:لا أنا بشوف اول...انتي توك قريب شايفته انا لي 5 سنوات ماشفته
جمانه:لا قلت انا يعني أنا
شذا:ليييييييه؟؟
جمانه:خلاص...انا يعني أنا ...وانتي راقبي..ولا ترى بنرجع
شذا:لالالا خلاص...انتي انتي
وفعلا بدأت شذا تراقب..وجات جمانه بتطل...وبس طلت من الزاويه...
وتتسدح جمانه ضحك...
جمانه:هههههههههههههههههههههههههههههههههههههههههههه ههههههه
لفت شذا مفجوعه:أش أشششش فضحتينا...فضحتينا...شفيك؟؟
جمانه:هههههههههههههههههههههههههههههههههههههه
شذا وهي ميته خوف:جمجوم الله يخليك شنو صاير
جات جمانه ببتكلم بس ماقدرت فأشرت لشذا على المكان اللي الرجال جالسين فيه..
راحت شذا وطلت وتنسدح جنب جمانه:ههههههههههههههههههههههههههههههههه
وصاروا الثنتين محششين...ويضحكون بهستيريه..
لما قطع عليهم صوت رجولي:على شنو كل هالضحك..ضحكوني معاكم؟؟
سكتوا جمانه وشذا وهم مصدومين من الشخص اللي قدامهم..
جمانه:بس.....بس.....كانت هيه...شذا.....قالت..نكته
.......:لا والله؟؟...على مين على باسل؟؟
جمانه تهمس لشذا:والله والنشبه طلعينا...الفزعه يا ام الشباب
شذا انتفخ راسها:وانت شنو حاشرك؟؟..هاه؟؟..نسولف!!...سوالف حريم ماتستحي تسأل؟؟
باسل هنا من جد استحى...فما رد...ومشى
جمانه:الله يفشلك أحرجتي الولد...أنا قلت طلعينا ماقلت..خلي الولد يصير إشارة مرور
شذا:ههههه بس شنو رايك بالأكشن اللي صار لنا..هههههه
جمانه:من جد اكشن...وخايفين ومترددين ومسوين فيها افلام والنهايه...ههههههه...والنهايه مافي أحد....هههههه
شذا:هههههه..اساسا أنا سمعت خالتي أم سلطان وهي تقول لأمي إن الكل طلعوا ومافي أحد بس نسيت...ههههههه
جمانه:يالله يالله خلينا نرجع أكيد البنات يدورون علينا...
شذا:لحظه لحظه...صدقيني ما أرجع من دون أكشن..
جمانه:مثل شنو؟؟
شذا:نروح المجلس ونشوف يمكن نلاقي أطلال ولا شي..
جمانه:مبرووووووووووك
شذا وأنواع علامات الترقيم فوق راسها:على شنو؟؟
جمانه:شغلتي عقلك أخيراً.....أخيرا صرتي تفكرين..
شذا:ههههه الله يقطع سوالفك..ماصرت كذا إلا من احتكيت فيك..ولا كنت مسويه لأفكار التهور [أوف]
جمانه:زين يالله خلينا نروح قبل لا يجون الشباب ويلاقونا بالمجلس ووقتها من جد مهند وعادل بيسوون لنا أكشن حقيقي
شذا:يالله..
وراحوا للمجلس..
أول مادخلوا.....لقوا انوااااااع الخويض...بلايستيشن وو(دي في دي ) وأفلام وسماعات جوالات وشواحن مرميه هنا وهناك وفصفص وبقايا أكل وأشمغه وبكت دخان..و.....و.....و............و.............إلخ
جمانه:اللللللللللللله أكبر قسم ماكنها إلا شقة عزابيه!!
شذا:وعععععع أبو القرف حشا حيوانات مو أولاد
جمانه:وانتي الصادقه!!
شذا:أقول جمجوم هذا لاب توب منو؟؟
جمانه:والله ما أعرف مو لأحد من أخواني
شذا:ولا انا فراس مايخرج بالاب حقه وعادل نفس الشي..
ناظرت جمانه شذا نظره خبيثه:أقول شوشو؟؟....تفكرين باللي أفكر فيه؟؟
ابتسمت شذا:إيه......بس شنو؟؟
جمانه:وقايله إيه على شنو؟؟....بس تسوين حالك فاهمه عالفاضي؟؟
شذا:ما قلتي لي بشنو تفكرين؟؟
ضحكت جمانه ضحكة شر واشرت عاللاب توب
شذا:هههههه كأنك قرصان والله..........بس تصدقين ماهي شينه
وراحوا وفتحوا اللاب توب وتعرفون لقافة البنات مابقوا شي إلا وفتحوا وفتشوه تفتييييييش
نرجع للبنات...
وفي عز مالبنات يسولفون..
رهف:أقول بنات وينهم جمانه وشذا؟؟
مرام:إيه والله صح وينهم؟؟
لميس:يمكن جالسين تحت مع خلاتي
رهف:لا أنا توي جايه من تحت ومو موجودين
فرح:قولتكم وينهم؟؟
الهنوف:أكيد عندهم خيسه ولا مايكونوا مختفيين
دانه:رهف إنتي متأكده إنهم موتحت؟؟
رهف:أها
دانه:ولا بأي غرفه بالبيت
رهف:ما أعرف بس ما أعتقد
دانه:ولا بالحديقه؟؟
رهف:ماشفت برضو
سمر:تتوقعون وينهم؟؟
حلا بدون اهتمام:أنا متأكده إنكم بتتحمسون وبالنهايه مو بس بتتحطمون إلا بتصيرون فتات
آلاء:هاهاها ياخف دمك
حلا:ألاءووووووه أحسن لك!!
ألاء:وليه معصبه ياماما؟؟
عصبت حلا فجأه وبدون سبب يستاهل وقامت وبصراخ:صدق إنك........
ألاءقبل لا تطلع حلا:شنو؟؟......قولي ولا ماعندك سالفه؟؟
حلا من جد تنرررررفزت وصرخت:سخــــــــــــــــــــــــيفه!!
وطلعت من الغرف والكل كان متفااااااجئ من ردة فعل حلا الغريبه والموضوع ما يستاهل ..وبعد لحظتين صمت..
عهود:إش فيها؟؟
مرام:مدري عنها...اسم الله الرحمن الرحيم بس قالت لها آلاء كم كلمه ولعت فيها..
عهود:بروح أشوفها..
آلاء مسكتها وهي شبه هاديه:لا اتركيها أنا أعرف اش فيها.....الحين خلونا منها عرفتوا وينهم جمانه وشوشو؟؟
مرام:لا...بس عندي فضول أعرف وينهم وإذا عندهم شي أخرب عليهم؟؟
لميس بخبث:بنات أحد منكم خاطره يتمنذل؟؟
الهنوف:تبون الصراحه؟؟...من زمان ماتمنذلت بحد
فرح:بنات شيلوا عنك هالأفكار..حرام والله
لميس:أقول أقول...فكينا بس...ياتجين معانا يا اقعدي هنا وخلي نص الأكشن والمغامرات تفوتك!!
عهود:انا بجي معاكم
آلاء:وأكيد أنا طبعا
سمر:وانا ماأبي شي يفوتني
البنات:كلنا بنجي..
فرح:حتى أنا بجي
مرام:أجل يالله..مشينا...
نروح حق حلا..
أول ما طلعت من الغرفه كانت منهاره ونفسها تنفجر بكا مو من آلاء لا من باسل لأنه اليوم ماكلمها ولا فكر حتى يراضيها..وهم لهم فتره متزاعلين..
ولأن تفكيرها كان مشوش مشت لآخر السيب وفتحت غرفه ماتدري حقة مين وأول ما دخلت رمت نفسها عالسرير وانفجرت تبكي...
حلا مرررررره حساسه..وادنى شي يأثر عليها...وهذي اول مره يتزاعلون هي وباسل..المهم جلست تبكي لما نامت..
عند البنات
اول ما خرجوا من الغرفه مرام(الزعيم)...:بنات توزعوا كل وحده تدور بغرفه من البيت...بسرعه
وتنفيذا لأوامر الزعيم بدأوا البنات يدورون بكل غرف البيت...وبعد بحث استمر فتره..اجتمعوا بالصاله اللي في الدور الأول..
مرام:ها بشروا...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك